رواية بنات الملا الفصل الثالث 3 بقلم رغد الموالي
••••بنات الملا •••
••••رغد الموالي •••
- كنتُ أحزن فحسّب، الآن أحزن وأخاف، وليس هُنالك أرعب من أن تواجه شعوريّن ليس بمقدور أيّ مِنهما إزالة الآخر.
+
+
•••••••••••••••••••••••••••••••••••••••••••••
بسعاد... صرت حامل بالطفل الثالث صار عمر دره سنتين ونصف وهي ماتمشي عكس جواهر الي اقل السنه مشت
اهلنه كالو عادي طفل عن طفل يفرق اكو بيهم يمشون بصغرهم واكو سنتين يله يمشون
ولاانها ناعمه كلت عادي ويمكن فعلا عادي
وديتها لدكتور ونطاها مقويات وكال لان ناعمه وضعيفه عادي
وعلى كلمة العادي كل يوم اكول باجر تمشي
+
شهاب طلع من البيت بعد ما عمي الحجي منع دخلته للبيت الي عرفناه من عبد اللطيف ان شهاب يمر بفتره صعبه وي اهله ويوم يروح لبيتهم وعشره لا
+
بهذه الفتره نزل عبد الرحيم من الجيش عمي الحجي جان يعد يوم يوم على نزلة عبد الرحيم بمصباح نزلته واكف من الفجر ومتكأ على عصاه وينتظر عبد الرحيم
+
اول مابين من الفرع الجهال فاتو يصيحون
+
جاااا عمي عبدددد جا عمييييييي
+
خلينه الريطات بسرعه على روسنه ورحنه يم الباب نشوف عبد الرحيم
+
اجه وبلهفه حضن عمي الحجي وقبل ايده
+
حجي شعبان.... هلا وليدي هلاااا
+
عبد الرحيم.... اشتاكيتلك يابه
+
حجي شعبان... ضوت الولايه بجيتك ياكمر الولايه انت
+
عبد الرحيم... والله اشتاقيتلكم واشتاقيت للولايه شلونك ياب
+
حجي شعبان.... حتبقه بالباب فوت وليدي
+
دخل للبيت وسلم علينه وحجي شعبان مثبور
حضرو الريوك جبتله جبن عرب المربى ام التين بسعاد خليله منها
تعال عبود تعالي ابني
+
عبد الرحيم.... يابه عبالك اول مره تشوفني
+
حجي شعبان.... وحك ابو الحسن ياياب مشتاكلك
+
عبد الرحيم.... واني هم يابه حيل اشتاكيتلك
+
حب الاب والابن عظيم جدا
خوف الاب على ابنه وحرصه عليه وكأنه طفل صغير
طفل محتاج للرعايه لكن بالحقيقه هو رجل بس ياترى هل الام والاب ييعترفون بهذا الشي؟
+
الايام تمشي وعمي شعبان فرحان بجية عبود وكل يوم يسويله ب الاكلات الطيبه ويكله وليدي اكل وتغذى گوي حيلك
+
عبد الرحيم.... بسعاد هاي دره ليش لهسه مامشت
+
بسعاد.... والله ماادري يكلون عادي اكو هيج جهال
+
عبد الرحيم.... لا بسعاد لا شوفي دره خاف بيها شي حيصير عمرها 3 سنين
+
بسعاد.... كل مااحجي يكلولي اششش وانتي توهسين والبنيه مابيها شي
+
عبد الرحيم.... هذا شلون حجي خل يشوفها دكتور
+
بسعاد.... ان شاء الله
+
ايام حرب ايران الناس كلها تمشي حياتها وايدها على گلبها لايصير شي لايموتلها عزيز
جنت اشوف عبد المجيب كوه مدبر العيشه اكثر واحد من بين اخوته هو شايل المسؤوليه
عبد الودود وعبد اللطيف هم يشتغلون لكن مو مثله
كم مره حاجيته بموضوع دره يكلي سألت وكالو عادي
+
بهذه الفتره عرفنه من عبد اللطيف ان البنيه الي رادها شهاب تزوجت ولما عرف شهاب گلب الدنيا على اهله
+
عبد اللطيف.... تعارك شهاب وي ابوه وتبرى من اهله
+
بسعاد... وتالي شلون
+
عبد اللطيف.... والله لو تشوفي شلون يشيل بروحه ويذبها ويكمز روحه لايبه
وكف باب بيتهم ويصيح هو وابوه
+
شهاب.... من اليوم تعتبرني مييييييت
تحرمني منهاااااا يابه تحرمني منهاااااااااااااا
+
شيخ ذياب.... اسمع يول والله لااجيبلك اغاتها ولك هاي شنو وكاتل رويحتك عليها
+
شهاب.... عاشكها انه عاشكها وتكلي اجيبلك اغاتها
كتلك يابه اخطبلياها رايدها بسببك راحت مني البنيه تزوجتتتتتتت
لك ااااااخ گلبيييييييييييييييي
+
عبد اللطيف... اهدأ شهاب مو هيج مو هيججحج
+
شهاب.... بدموع... يزفوها اليوم عبد اليوم تروح لغيري عبد اموت والله اموت لو ذابحني ابوي ولا مخليني اعيش هالالم هذاااااا
بس كلي شسوي شلون
+
عبد اللطيف... امشينا شهاب امشي
باوع لاابوه ويمسح بدمعه اخذته ومشينه ولما صرنه قريب على فرعهم كال..
+
شهاب... اروحلك فدوه عبد اللطيف بس خل امر من يمهم بس خل اودعها واروح
+
عبد اللطيف... لاتأذي روحك هيج شهاب مايصير امشي نروح للبستان
+
شهاب.... بداعت الخوه خل اروح من يمهم ساعدني عبد اللطيف خل يموت الاحساس الي بيه جوز من اشوفها صارت لغيري اقتنع كلبي يهدأ يبطل يلوب عليها
ابوس ايدك عبد اللطيف بداعت الخوه
+
صار يتوسل ويبجي مثل الطفل اول مره اشوف شهاب بهذا الحال
اخذته ورحنه شاف سيارات بابهم عصر ايدي جان متكأ عليه من يمشي حيله مهدود
باوعلي وعيونه حمر من القهر
همس بنبره مخنوكه كوه يطلع الكلمه
عبد اللطيف داتخيل مو هذه مو حقيقه
+
عبد اللطيف.... مو كتلك مانمر مناااا شهاب ليش تأذيني وتأذي روحك
+
شهاب... كعد على ركبه يبجي عبد اللطيف دااحام موووو والله گلبي حيطك احجي عبد اللطيف احجييييي
+
عبد اللطيف... حاولت اكومه امشي شهاب امشي نروح للبستان
مارد عليه يباوع للسيارت وساكت ودموعه مانشفت لحد مايأست وكعدت بسده وبقينه ننتظر شحيصير
طلعت هي وعريسها والناس وراهم يهوسون ويفكون
لما شافها كام على حيله وكف داايركض حتى يروحلها ركضت وراه ومنعته ماخليته يروح
+
عبد اللطيف... راح تأذيها للبنيه اذا تحبها شهاب خليها تروح بنصيبها
+
شهاب... بصوت مخنوك وهمس وبجي... حياخذوها مني
+
عبد اللطيف.... والله حاسس بالكسره الي بگلبك ولك مبينه عليك من نبرة كلامك بس هاهيه البنيه راحت وصارت بحكم رجال ثاني لهنا وقصتكم انتهت وصفحتكم انطوت
اذا تحبها للبنيه خليها تعيش هسه اذا تصرفت اي شي راح تتطلك والناس حيطلعون عليها حجي وسمعتها تروح بالرجلين ومو بعيد يقتلوها شهاب انت تقبل هي تموت
+
شهاب.... حنتظرها عبد يجي يوم وكون الخذاها يموت واخذها والله لو عدها عشر جهال اخذها
مو عبد اللطيف مو اكدر اخذها اكو امل بعده مو
يباوع بعيوني يريد يلتمس ولو بريق امل وهزيت براسي اي حتى ما اأخلي ييأس ويبقه يتعذب
هدأ شويه لما حس اكو امل بعد
اخذته ورحنه للبستان ونام من التعب هناك
+
المشاعر قادره على تحويلنا من شخص لااخر
المشاعر الها قدره في اذلال الانسان احيانا
بالمشاعر راح نتفاجىء من نفسنه وكأنه مو احنه
+
ايام صعبه وكئيبه صارت تمر على شهاب
صار 24 ساعه بالبستان مايطلع منها ابد
جنت امر عليه كل يوم واجيبله غده مرات عشه
بيوم اجيت لكيته مخلي مشروب بالبستان ويشرب ويبجي
+
استغربت وتفاجأت معقوله صديق عمري والي مااقترب للحرام بيوم
اشوفه اليوم كاعد ويشرب
+
عبد اللطيف... هاي شداتسوي شهاب تخبلتتتتتتت
+
شهاب.... عوفني عبود واذا حتسويلي حرام ومادري شنو دير وجهك واطلع يلا
+
عبد اللطيف.... جيب الغضب هذا ولك انت تخبلت مداتدري شداتسويييييي
+
اخذته منه وشمرته تكسرت البطاله
+
شهاب.... هاي شسويييييت انت شلون تكسرهااااااا
وضربني بوكس
ورديتها اله واني اصيح
+
ولك تخبلت انت مداتدري شداتسوييييي
كف عن رد الضربات وتكلم
+
شهاب.... ولك اخذوها مني ووكفت عاجز اخر كلمه منها كالتلي شهاب انت جبان
+
عبد اللطيف.... شنووووو يعني حاجيتها
ولك شلون تحاجيها وهي تزوجت
+
شهاب.... ردت بس اكلها ليش عفتيني ليش ماصبرتي عبد اللطيف انه مو من حقي احاسبها هي ماصبرت جنت حقنع ابوي مابقه شي بس هي وصفك ايد بإيد متحسف اااااخ
+
عبد اللطيف... وين شفتها شلون وصلتها
+
شهاب... قبل مايزفوها عليه عبد اللطيف شبيك انه مو بلا شرف داادوس عتبة رجال بغيابه على حرمته
+
عبد اللطيف... والله لو محاجيها هسه جان هذا اخر يوم بيني وبينك
+
شهاب... خلص لتحجي بعد انتهى كلشي وانه انتهيت بعد ولاتجي تحاجيني وتكلي عوف هذا السم ماعليك انت ماعليك
+
عبد اللطيف... حتأذي روحك هيج
+
شهاب .... انه انتهيت وكت ماشفته ياخذها روح عبد اللطيف روح ولاتحجي بعد لاتزيد وجعي اكثر
+
عبد اللطيف... بكيفك ياصاحبي بكيفك
+
عفته وهو 24 ساعه على هذا الحال بالبستان ويشرب هذاك شهاب الي طول بعرض يشبهوه بالكمر
هسه عبالك كبران 100 سنه وحيله رايح
+
بسعاد... لاتعوفه عبد خطيه
+
عبد اللطيف... ماعايفه والله بس ماعاجبني هذا حاله
+
بسعاد... فتره وتعدي هو مدايتحمل
+
عبد اللطيف... الله يساعده هو حيل حبها هواي
+
بسعاد.... لاتلومه لعد عبد اللطيف
+
عبد اللطيف... مااريده يأذي روحه على العموم اني اروح طالع
+
جميله... الله وياك
+
كان عليك أن تبقى بجنابي عندما هزمتني الاشياء لا أن تكون ضمنها...!
+
عبد الرحيم... يابه اني باجر اروح
+
حجي شعبان.... مودع بالله وليدي ترجعلي سالم
+
عبد الرحيم.... ابويه الغالي حشتاكلك
بسعاد ديري بالج على ابويه
+
بسعاد... توصيني عليه عبود
+
عبد الرحيم... انتي ذهب مايحتاج اوصيج بس هيج كلت اكلج
ديري بالج على جهال اخوي وشوفي دره ليش ماتمشي لاتبقين تأجلين بسالفتها
+
بسعاد... انشاء الله
+
عبد الرحيم.... اروح انام اني وراي كعده الغبشه
+
حجي شعبان.... بنتي بسعاد اكو حجاب جوه المخده مالتي جيبيها
j
بسعاد... رحت جبتها اله وجيت.... مال شنو هاي الكتبه حجي
+
حجي شعبان.... هذا دعاء التاج بنتي حرز يشيله وياه
+
بسعاد.... الله يحفظك ويخليك خيمه علينه حجي
ودوم ان شاء الله تنورنا بهذه الامور
+
عبد الرحيم سلم على الكل وراح للجيش ومشت الايام بهدوء عدا مشاكل الجناين الي متخلص جنت دوم اجنب جميله ونعيمه وابعد نفسي عن مشاكلهم اكول الي بيه كافيني
جان كل همي اخلي دره تمشي لكن رجلها ماكانت تساعدها بالمشي لحد ما بيوم عبد المجيب من حاله تكلم....
+
يسعاد دره ولا عبالك حتمشي من حالها لازم يشوفها دكتور انتي شتكلين؟
+
بسعاد... هذا الي اريده اني
+
عبد المجيب... حطلع بيها لبغداد سألت وكالو هناك الطب متطور ودكاتره زينين مو مثل هنا
+
بسعاد.... شيودينه لبغداد ومنا حرب الدنيا تخوف
+
عبد المجيب.... لعد اعوف دره مادري شنو علتها
+
بسعاد.... والله ماادري شكلك
+
عبد المجيب.... تحضري باجر نطلع لبغداد
+
بسعاد.... ماشي باجر نروح
+
ثاني يوم تحضرت واخذت دره وجواهر ورحنه لبغداد
جنت اول مره اشوف بغداد نظيفه كلش وناسها من الناس الاكابر جامعات ومستشفيات الي لفت نظري النساء الي بلا حجاب ولاعبايه واني من دونهم لابسه العبايه من دون ربطة راس بس العبايه ولازمتها بوحده من ايدي والثانيه لازمه ايد جواهر وامشي واباوع لجمال بغداد وسحرها
+
تسائلت... اني متوقعت هيج بغداد حلوه عبد المجيب
+
عبد المجيب.... اي حلوه هنا كلها ناس من الطبقات العاليه ومحترمين بس هم مو كل المناطق يعني اكو مناطق بغداد ناسها مرتبه واكو لا
+
بسعاد.... كلهم كلهم عبد المجيب دباوع لبسهم دااحس نفسي بيبيتهم بالعبايه
+
عبد المجيب.... لا بسعاد لاتحجين هيج شحلاتج وانتي بعباتج جنج كمر بينهن
+
بسعاد.... نزول عليك عبد المجيب تتغزل واحنه بالشارع
+
عبد المجيب... اتغزل بيج بكل مكان واكللهم مريتي واعشكنها
+
بسعاد... حكوم اتعثر من الخجل تره
+
عبد المجيب... يله حسكت علمود لا تتعثرين
+
مشينه لحد ماوصلنه للدكتور وهناك كعدنه ننتظر لما يجي سرانه مر وقت واحنه ننتظر لحد ما صاحو ب اسمها دره عبد المجيب
+
عبد المجيب... جايك اغاتي
باوعلي وتكلم... يلا ام جواهر
رحنه للدكتور وبده يفحص دره كتبلنه تحاليل واخذناها لدره نسويلها تحاليل واشعه ورجعنه للدكتور حتى يشوفها
باوع الدكتور للتحاليل وهز راسه متأسف بعدين رفع راسه يباوعلنه وتكلم والاسف يملأ عيونه
+
الدكتور.... بداية هواي اطفال يتعرضون لامراض متتعدده ومنها تكون صعبه بس بمواصلة العلاج ومتابعة الاهل والجانب النفسي يتعالج ويصير احسن من الاول
الطفله تعاني من عدم القدره على المشي لكن هذا مو معناها مو قابله للعلاج راح اكتبلها علاجات عسى ولعل ان بفضل رب العالمين تكدر تمشي حالها حال بقية الاطفال
+
عبد المجيب.... اباوعله وجهها صفر رعشه بكلامه صارت وهو يحجي.... يعني شنو دكتور بنتي بيها شلل الاطفال
+
الدكتور... للاسف اي
الواضح ان هي مامتخذه اي لقاح ضد شلل الاطفال وهذا اهمال منكم
+
عبد المجيب... اختها هم مااخذت لقاح
+
الدكتور... حكمه من رب العالمين ان مايصير بيها شلل اطفال الله نقذها عزيزي اللقاحات ضروريه للطفل وللام ايضا على كلا اني مااريدك تيأس ممكن تتعالج هواي اطفال تعالجو وصارو زينين
عموما هذا العلاج كتبته وتكدر هسه تروح تجيبه ومعافاة ان شاء الله
+
عبد المجيب.... اشكرك دكتور
+
بسعاد... طلعنه من الدكتور ونتمشى بخطوات ثقيله كلها يأس وثنينه منعرف شنو نحجي سادنه السكوت
+
مشينه لحد ما جواهر عتتني وكالت... ماما جوعانه
+
باوعلها عبد المجيب... ماشي ياب تعالو اوكلكم هنا بالمطعم
+
بسعاد... وينه وين المطاعم عبد المجيب غالي الاكل بالمطعم منين نجيب
+
عبد المجيب.... بسعاد احنه من تزوجنه لليوم فد يوم اخذتج ورحنه لمطعم؟
+
بسعاد... لا بس عادي
+
عبد المجيب.... امشي لعد ولاتحجين خل اغيرلكم جو وافرحكم
+
يتكلم مااعرف يحاول يتناسى من الخبر الي سمعه لو يكابر لو مصدك حتتعالج
+
اول مره واحد يكذب على الثاني وكانت اول كذبه هي ان واحد يضم على الثاني حزنه وألمه وكابرنه
كعدنه وطلب الاكل وكعدنه ناكل بس اني مالي نفس اكل لكمه خصوصا واني اباوع لدره الي تضحك وتلعب ومو هامها شي ولاتدري بشي هنا متحملت نزلت دمعتي لااراديا باوعلي عبد المجيب وتكلم...
+
بسعاد.... الدكتور يكول اكو امل تتعالج
+
بسعاد.... ولوما
+
قاطعني عبد المجيب... اشششششش الله لايكولها شلج بهذا الحجي ليش هيج تفاولين
كولي يالله ان شاء الله تصير زينه نعالجها وتتعالج وتصير زينه صلي على النبي يامره وخلي ايمانج بالله قوي
+
بسعاد.... بدموع... ونعم بالله
+
عبد المجيب.... اكلي هسه ورانه طريق لازم نرجع
+
بسعاد... مااشتهي والله
+
عبد المجيب.... كتلج اكلي ورانه طريق لاتغثيني
+
بسعاد... اكلت من دون شهيه لكمتين وكلت الحمد لله عبد المجيب خلينه نروح حيل تعبانه
+
عبد المجيب.... دكلي ياعيني
+
بسعاد... مااكدر بعد
+
عبد المجيب.... ماشي تحاسب وطلعنه وتوجهنه للبيت
+
طريق طويل ودره نامت غفت واني اباوعلها واكول يااربي شلون بيه
شلون هيج غفلت عنها شلون هيج سمعت كلام هاي وهذيج وكلت اكبر مني ويعرفون شلووووون
+
من حتكبر ودكلي يمه ليش من دون البنات اني ماامشي شكللها
+
شنو راح اجاوبها؟ اكللها يمه اني السبب اني الي خليتج توصلين لهاي المرحله اني هملتج اني صرت سبب تنحرمين من الحياة الطبيعيه؟
+
ياربي دخيلك تشافيها مااريدها تنكسر عينها من تكبر ولاتخليني عايشه بعذاب الضمير
+
إلهي وانت جاهي اإستودعتك أمري يارب العالمين وأنت خير الحاكمين
+
ابجي بخنكه مااريد عبد المجيب ينتبه
باوعت لجواهر غلبها النوم على جتف ابوها ونامت
وعبد المجيب وصفنته للطريق فسرت كلشي
وعرفته يكابر على الي صار
وصلنه للبيت من بعد ما شريط 3 سنين الي مرت كدامي من يوم ولادة دره لليوم
+
واكل بروحي شلون هيج تماهنت شلون هيج كل يوم بقيت اكول باجر لحد ما تطورت شغلتها
لحد ماسوده عليه صارت متمشي
+
عبد المجيب... يله بسعاد وصلنه تره
+
بسعاد.... باوعتله والحيره والكسره الي بصدري كاتمتها هزيت براسي بمعنى اي ونزلت
دكينه الباب وبسرعه فتحوها الجهال واول مافتنه تلاكانه عمي الحجي
+
انت جانه بلهفه وفاتح ذرعانه وكأنه مضيع شي
بخرعه وخوف... ها بشرو شكلولكم
+
عبد المجيب.... نطانه علاج يابه وكان ان شاء الله تتحسن
+
حجي شعبان.... ايييي الله يبشرك بالخير
اروح اصلي ركعتين لوجه الله شكر
+
عبد المجيب.... ماشي ياب ادعيلها تتشافه
+
حجي شعبان.... ان شاء الله والله ياوليدي اني من دون ما تكلي كل يوم اندعيلها واكول ياالله هالبنيه كون تصبح تمشي
انت اطيها دواها وليدي والله هو الشافي المعافي
الحمد لله على كل حال لكل شي جعل سبب
+
عبد المجيب... الحمد لله على كل حال
+
الايام تمشي وااحس كل شي بعيني حلو مات وراح صار منايا إن دره تمشي وتركض وتلعب حالها حال الجهال
+
كلما اشوفها تباوع للجهال يلعبون ويركضون وهي متكدر وبس تباوعلهم اموت الف موته
كبرتني عشرين سنه بهذه الجم يوم الي مشت
شي بروحي ذبلان وراح كل شغفي بالحياة
+
عبد الرحمن نزل ك العاده ورجع التحق لكن هالمره عبد الرحيم مانزل طوّل وحجي شعبان بقه بقلق من امره لحد ما كعدت على صوت دكة الباب
جانت تندك بقوه فزيت
+
بسم الله الرحمن الرحيم هاي منو هيج يدك الباب من الصبح
عبد المجيب..... عبد المجيب... اكعد الباب تندك
+
فز وكبل كام من فراشه طلع لكينه حجي شعبان يمشي هم دايفتح الباب وكعد بهذا الوقت عبد اللطيف
+
فتح عبد المجيب الباب جان صديق عبد الرحيم
بدون اي كلام بقه صافن ويباوع وعيونه حمررر
+
عبد المجيب... نتر... شكوووو عبد الرحيم وين
+
بهمس حزين.... اخوك نفقد بالحرب ماكو
+
حجي شعبان وكع من طوله وركضنه عليه
+
عبد المجيب... ياااااااااابه جيبووووو ماااااي
+
رحت اركض جبت الماي واجيت غسله وجهها ويطبطب على خده ويصحي شويه حس حجي شعبان وتكلم بصوت تعبان
+
اخوك نفقد عبود اخوك ماكووووو
+
عبد المجيب.... نلكاه يابه نلكاه بس طول بالك
+
عبد الودود... نزل صياح وغلط على صديق عبد الرحيم.... انت متستحي مو عيب عليك جاي من الصبح داتكللنه اخوكم انفقد وكدام ابونه انت متدري بي مريض من شوكت نفقد هاااااااااا من شوكتتتتت
+
عبد المجيب.... عوف الرجال عبد هو شبيده شعليه غير كللنه داندور عليه علموووود
+
تكلم وي صديق عبد الرحيم.... امسحها بهل الشارب تره مدايستوعب الي حجيته
+
.... ولايهمك ابو جواهر اني مقدر وضعكم وان شاء الله نلكاه واني وياكم اروح وادور
+
عبد المجيب... وين شفته اخر مره
+
.... احنه لزمنه واجبات بالصحراء هو واجبه جوه بالصحراء صار رمي الطياره صارت تضرب علينه وتطشرنه كل وحد بجها الي مات مات والي عاش ندري بي بس عبد الرحيم فص ملح وذاب ماكو
+
.... ماشي افتهمتك اني اشكرك
+
.... اودعناكم ابو جواهر اودعناكم عمي شعبان
+
حجي شعبان أصر عليهم هسه يطلعون ويدورون على عبد الرحيم تحضرو الولد وطلعو يدورون على عبد الرحيم
+
جانت كل ساعه تمر على عمي الحجي بسنه تشيل من روحه روح يلوب ويصفك إيد ب إيد ويحجي وي روحه.... هذا الي جنت خايف منه
والله جان گلبي حاسسنييييي
+
بويه بسعاد
+
بسعاد.... كول حجي
+
..... جيبلي القران خل اقره
+
رحت جبت القران وصار يقرأ بمجرد هو يقرأ واني أستمع حسيت براحه وسلام داخلي ترتيله بالقران كان يبعث طمأنينه لقلبي
+
بقينه ننتظر وكل شويه نكول هسه يجون هسه نعرف
والف حسبه اجت بالبال
+
لليل وعلى كعدته حجي شعبان فارش مده بالكاع وكل شويه يكول هسه يجون ولدي
+
نعيمه.... والله بطران عمي من صبح لهسه هنا بالطرمه ادري كعدتك هنا حترجعه
1
بسعاد.... من لوعة روحه قلق على عبد الرحيم شيسوي شتردي يروح يلف راسه وينام بالغرفه
+
نعيمه.... شبيج يمه شببيييييج اكلتيني بكشوري هو اني شحجييييت
+
بسعاد.... لايسمعج شيكول عليج هاااا
+
نعيمه.... دازه للحرب ونفقد شيتوقع يعني
+
بسعاد.... شحجي وياج اني هاي بدال ماتندعين يرجع سالم
+
نعيمه.... آميييييين ان شاء الله عيني انشاء الله بس هدي أنتي وبلا لواكتج هاي لعمي تره لو تموتين مينطي العطاره لعبد المجيب
+
بسعاد.... والله لو مو احنه بهذا الظرف جان عرفت شرد عليج بس الله يساعدج على نفسج ويشفيج ان شاء الله
+
نعيمه... شتقصدييييييين أني مريضه
+
جميله... كافي نعيمه شجاج شصار بيج
+
نعيمه... هاي فوك ماترديها بس شحجي وياج هو انتي هم تتلوكيلها اعوفكم ابردلي رراااااسسس
+
احنه كلنا مانولدنا حقودين كلنا نولدنا اطفال نحمل صفه وحده وهي البراءه لكن مع النشأة والظروف نكون اما طيبين او حقودين
كان من المفروض اكن عداوه وي نعيمه بسبب اسلوبها وكلامها المستفز وياي داىما لكن أتيقن أن نعيمه اكو امور ضروف دفعتها وخلتها تكون بهذه العدوانيه والغيره المفرطه الي سببها نقص بداخلها
+
مر اليوم بليلته ومابينو ولانعرف اي خبر من فرط تعبه لحجي شعبان خله العصا يمه ونام على عكس ايده وعلى نفس الجودليه الي جان فارشها وكاعد بالطرمه ينتظر خبرهم
اعرف نومه التعب والا الهم الي بي مستحيل يخلي يغفى وينام
+
اجيت يمه بهمس وتكلمت.... عمي.... عم الحجي
+
فز... ها بويه جون الولد
+
بسعاد.... لا عمي بعدهم بس لو تنام بمكانك مو احسن
+
حجي شعبان.... لا بويه گلبي يم عبد الرحيم
+
بسعاد... عمي هسه يجون وان شاء الله بخير عبد الرحيم لخاطري لخاطري امشي ارتاح بمكانك
+
هز براسه وسندته وصلته لمكانه مدد حتى ينام
+
حجي شعبان.... بويه بسعاد من يجون ولدي كعديني
+
بسعاد.... ماشي حجي
+
الوقت تأخر والكل نام بفرط اعصاب منهاره حسيت الصبح يسعل حجي شعبان بقوه كمت بسرعه رحت
+
شبيك عمي هاك ماي
+
شرب ماي ولزم كلبه يمكن جان يخفق بسرعه وهو ينهتتت
+
حجي شعبان.... بويه بسعاد عبد الرحيم مو بخير
+
بسعاد.... بسم الله الرحمن الرحيم كول يالله حجي
+
حجي شعبان.... لا اله الا الله بس شفت طيف قلقني
+
بسعاد.... خير اللهم اجعله خير احجيلي حجي
+
حجي شعبان.... حلمت عبد الرحيم يركض وراه ذيابه تركض لحد ماوكع بحفره وبعد ماشفته
جان خايف حيل بقيت انه بمكان مارحت ساعدته
عبد الرحيم مو بخير
1
بسعاد.... ان شاء الله ماكو شي هاي لان انت قلقت عليه وتفكر هيج حلمت
+
حجي شعبان.... گلبي نار على وليدي... انتي روحي ارتاحي بويه تعبتي ادريج
+
بسعاد... لا حجي مابيه شي
+
حجي شعبان.... لخاطري ياب داشوفج تعبانه مبين عليج التعب
+
بسعاد... ماشي عمي
+
رحت مددت وصرت افكر بمنام عمي شعبان خفت من حلمه هذا بس لاصدك صايرله شي لعبد الرحيم
بقيت افكر لحد ماغلبني النعاس مره ثانيه ونمت
غفيت وحسيت على جميله وهي تكعدني
+
بسعاد.... بسعاد كومي ولج جون الولدددد
+
فزيت شنووووووو وينهم لكوووو؟
+
جميله... ميت عبد الرحيم مستشهددد
+
بسعاد... بخرعه.... هااااا صدك تحجين صدك ولج جميله وينه
كمت بسرعتي دااطلع لزمتني جميله ووووووين لبسي عباتج البيت مليان زلم
لبست العبايه وطلعت لكبت الدنيا مكلوبه بالبيت المنطقه كلها ملتمه والناس الهوسه
+
صرخت يبوووووووووووو عبد الرحييييييييم
لطمت على وجهي ورحت للتابوت باوعتله بدلته العسكريه بس وجها اسود صاير ايده سوده باوعتلهم مستغربه سكتت عن البجي وسألتهم
+
هذا مو عبد الرحيم هاي شبيكم
+
عبد المجيب... عبد الرحيم هذا بس لان ماباقي قطرة دم بجسمه هيج نگلب لونه
+
بسعاد.... شنوووو شنووو يعني انت شتحجي
+
عبد المجيب.... مو وكت احجيييي بسعاد.
+
بسعاد.... بقيت صافنه هذا شيحجي شنو الموضوع
سكتت حتى ماقتنعت هو الي مات
حجي شعبان يباوعله ساكت رفع راسه يحجي بخيبه وانكسار معقوله هذا اخوك خاف مو وليدي
+
عبد المجيب.... ياب متشوف ملامحه عبد الرحيم... عبد الرحيم هذا يابه دمه خلصان وهيج نكلب لونه ياناس ياعالم اخوي 3ايام بالصحراء ينزف دم تاليها ميت ومحد يمه والشمس تضرب بي من كل جها
سوده عليه ياخويه بعد لافرحنه بيك لا بزواج ولاشهاده
+
حجي شعبان.... جيب فرقة موسيقى عبد المجيب خل ازفه للمكبره
+
عبد المجيب.... شتحجي يابه
+
حجي شعبان.... ماعندي خلك احجي سوي الكتلك عليه
+
عبد المجيب.... صار يابه... انطيني ايدك تعال اكعد. هنا ارتاح ورانه طريق النجف فدوه اروحلك
هز براسه بمعنى اي
سدو التابوت على عبد الرحيم واجت الموسيقى وصارو يدكون مثل دكة زفة العرس وشالو
وعمي شعبان يلوح بعباته عريس وربعه يزفونه والدموع تنزل
النسوان كامت تصرخ اني بقيت شاكه صدك هو؟
+
شالو اخوته اربعتهم وكدامهم حجي شعبان وطلعو ودعناه بالدموع
+
ونسوان المنطقه صارت تهدأ بينه... يجعلها اخر احزانكم شهيد روحه الجنه ان شاء الله
+
بسعاد.... يمه عبد الرحيم والله مامصدكه والله صدك هيج رحت بسهوله صدك
وصاني اخر شي على دره كلي شوفي دره ليش لهسه مامشت يوصينييييييييي عليهاااااااااا
+
ياناس ياعالم عبد الرحيم مااااااات مااااات
يبووووووو
بقيت اصرخ واابجي
+
والنسوان تعزي وتروح مشى النهار بثقل مرّ
وبقيت عيني على الباب شوكت يرجعون
+
كعدت بالطرمه انتضر الليل كله ضلمه ومامبينه الا جفوف ايدي والنجوم الي تلمع بالسمه.
ابجي بحركه مدااصدك مات مدااصدك راح وبعد منشوفه
قرب الفجر وصاح الديج وصوت الاذان تقشعر إله الابدان
استغفرت ربي وكمت توضيت ووكفت على السجاده اصلي رغم دمعتي تنزل ارجع امسحها مايجوز بالصلاة الا من خشية الله
+
كملت الصلاة ورفعت ايدي للسماء ادعي الرب ان يغفرله ويجعل قبره روض من رياض الجنه
+
ماسمعت الا الباب ندك عرفتهم رجعو
كمت بسرعه على الباب فتحتها جان عمي الحجي منهار ومبين عليه القهر والحزن
+
تلكيته واني دموعي مابطلت غصب عني تنزل
همست بتعب وحزن احس صوتي راح
+
عمي البقيه بحياتك تعال عمي تعال اكعد هنا
+
لزمته من ايده وتوكأ عليه وكعد على الجودليه (فراش ارضيه) والتمو يمه ولده جمعهم وصار يبجي ويون ويعدد على عبد الرحيم
+
ردينه لهلنه بلايا شبان
بطرك الفاكادات وفاهيه الديره
مشيبه دموعي يمه وكلش كبار
يركضن فوك عيني وعيني كلش صغيره
+
يابويه ياعبد رحت من اديييييييه
ياعيني يابو عيون الحلوه عيونك غمضت وغطاها التراب ريتني انه النمت هالنومه يوليدي
+
الي الموت ولك الي الموت مو الك بعدك صغير انت يبعد روحي
+
وصار يبجي ويضرب على راسه لكن عبد المجيب بسرعه منعه وماخلاه ينهار اكثر
+
الشمس وضحت بالسماء والصبح صبح واحنه متكدرين مانعرف شنسوي وعمي شعبان على كعدته ايده على خده وكاعد وعينه على الباب يمكن مامستوعب هو فعلا مات
+
ايام صعبه وأليمه مرينه بيها البيت تحول لحزن
وعمي شعبان ليل نهار يبجي ويون على عبد الرحيم
+
بسعاد.... عمي مايصير هيج تبقه تسوي بروحك موزين عليك وميصير هو يتعذب
+
حجي شعبان... مو بديه يابنتي اشتاگله ( ومسح دموعه) الفراق صعب يابنيتي
+
بسعاد... هذا امر الله وبعدين هو راح شهيد يعني مامات عند الله
بسم الله الرحمن الرحيم...
( ولاتحسبن الذين قتلو في سبيل الله امواتاً بل أحياء عند ربهم يرزقون)
صدق الله العلي العظيم
+
احنه عدنه ماتو لكن بالحقيقه هم راحو للحياة الابديه وهي الاخره هذيج حياتنه الحقيقيه مو هذه ياعمي
+
وهو راح شهيد معناها اله الجنه وهنيال الي اخرته تكون الجنه رب العالمين يزوجه بالحور العين ويكرمه
ويرزقه رب العالمين بدون تعب ومشقة الحياة
صدكني هو هسه بعالم ثاني بمجرد تحررت الروح عن الجسد والروح صعدت لخالقها اما الجسد فيبلي ويروح مو مهم
وقال نبي الله صلى الله عليه وسلم: "للشهيد عند الله ست خصال يغفر له في أول دفعة ويرى مقعده من الجنة ويجار من عذاب القبر ويأمن من الفزع الأكبر ويوضع على رأسه تاج الوقار الياقوتة منها خير من الدنيا وما فيها ويزوج اثنتين وسبعين زوجةً من الحور العين ويشفع في سبعين من أقاربه"
+
.... وانه سمعان الي يموت شهيد ماياكله الدود يبقه جثمانه مثل ماهو وكأنو قبل دقايق من دافني حتى لو مرت عليه مئات السنين
+
.... هذه نعم رب العالمين علينه عمي انت لازم تصبر وكول اللهم فوضت امري إليك
+
رفع ايده للسماء وتكلم بصوت مكسور متعوب
أللهم وإني أشكو إليك ضعف قوتي
وقلت حيلتي وهواني على الناس
+
إلهي وإن أغضبك كثرة بكائي فاأغفر لي
فأنك انت الغفورالرحيم
وارحم ابني عبد الرحيم واسكنه فسيح جناتك
وألهمني الصبر على امر قد ثقل علي حمله
+
قبلني من راسي وتكلم
الله يريح بالج ويبرد گلبج وكون يقر عينج بشوفة بنيتج تمشي على رجليها
ريحتي گلبي بهل الجلمات بنيتي
+
بسعاد... بعد روحي عمي انت عندي بمعزة ابويه وغالي عليه هواي وأنهظم من اشوفك متكدر ومقهور
+
حجي شعبان... مو بيدي بنيتي مو بيدي
+
بسعاد.... الحمد لله على كل حال
اليحمد رب العالمين على الضراء قبل السراء أجره عند رب العالمين عظيم
الله سبحانه وتعالى يبني اله قصر بالجنه
وجبت الجنه اله عمي
+
حجي شعبان.... الحمد لله رب العالمين واحمدك يارب إن جعلت ابني في عداد الشهداء واكرمته بالجنه والفخر بين الناس الاموات والاحياء
+
: تحيةٌ وسلامُ ... بك والنضالِ تؤرَّخُ الأعوام
+
بك والضحايا الغُرِّ يزهو شامخاً ... علمُ الحساب ، وتفخر الأرقام
+
بك والذي ضمَّ الثرى من طيبِهم ... تتعطَّرُ الارَضونَ والأيام
+
بك يُبعَث " الجيلُ " المحتَّمُ بعثُه ... وبك " القيامةُ " للطُغاة تُقام
+
وبك العُتاة سيُحشَرون ، وجوهُهُم ... سودٌ ، وحَشْوُ أُنوفهم إرغام
+
صفاً إلى صفٍّ طغاماً لم تذُقْ ... ما يجرَعون من الهَوان طَغام
+
ويُحاصَرون فلا " وراءُ " يحتوي ... ذَنباً ، ولا شُرطاً يحوز " امام"
+
وسيسألون مَن الذين تسخَّروا ... هذي الجموعَ كأنها أنعام
+
ومَن استُبيح على يَديهم حقُّها ... هدراً ، وديست حرمةٌ وذِمام
+
ومَن الذين عَدَوا عليه فشوَّهوا ... وجهَ الحياة فكدَّروا وأَغاموا
+
خَلَصَ النعيمُ لهم فهم من رقةٍ ... وغضارةٍ بيضُ الوجوه وِسام
+
وصفا لهم فلَكُ الصِبا فتلألؤا ... فيه كما تَتَلألأ الأجرام
+
يتدلَّلون على الزمان كما اشتَهت ... شهواتُها قُبُّ البطون وِحام
+
ومَداس أرجلهم ونَهْبُ نِعالهم ... شَعبٌ مهيضُ الجانِحين مُضام
+
محمد مهدي الجواهري.... احد اكبر الشعراء العرب والملقب بشاعر العرب الاكبر.... عراقي الجنسيه
+
كنت معكم انا رغد الموالي في امان الله ♥
+
