رواية اميرة بقلب سجان الفصل الثالث 3 بقلم رحاب ابراهيم
الفصل الثالت من رواية ... أميرة بقلب سجان 
لا يتم النقل الا بأذن الكاتبة Rehab Ibrahimim حتى لا يتم التعرض للمسألة
فى منزل صفية
شهدت سعاد ما حدث بين الجدة وحفيدتها ثم انتظرت حتى هدأ الموقف ودخلت الحفيدة المدلله غرفتها بعصبية ثم دخلت سعاد لصفية
سعاد ... حمد الله على سلامتك يا صفية هانم
صفية بتعب .. الله يسلمك يا سعاد الف شكر على اللى عملتيه معايا سنية قالتلي،، واشكريلي ادهم جداا على الله عمله معايا وانا لما اقوم بالسلامة إن شاء الله هشكره بنفسي رغم إني استغربت أووي و
(صفيه وقد شعرت إنها اخطأت فى الكلام )..
قصدي يعني أن اا.....بقلم رحاب ابراهيم
سعاد بتفهم.. فاهمة قصدك بس اللى اقدر اقوله أن كلكم فاهمينه غلط
انا اللى مربياه وعرفاه هو مش زي ما بتسمعي نهائي عموما الحمد لله اطمنت عليكي استأذن انا بقى .. مع السلامة
صفية وقد شعرت بالذنب ... الله يسلمك
خرجت سعاد وذهبت الى الشقة الأخرى مكان عملها ودخلت المطبخ مباشرة
سعاد وهى تتفحص المكان حولها.. ها ..خلصتي اللى وراكي يا صباح ماتناميش قبل ما تخلصي كل حاجة فى المطبخ
أجابت صباح .. خلصت اهو يا ست سعاد ورتبت كل حاجة
سعاد .. طيب كويس اعمليلي بقى فنجان قهوة بسرعة كدا
صباح .. حاضر من عنيا
وجلست سعاد على مقعد بالقرب وتذكرت معتز
سعاد .. الا قوليلي يابت يا صباح هو الدكتور معتز لسه عند ادهم بيه جوه ولا مشي؟
صباح .. لا تقريبا مشي انا سمعت باب المكتب بيتفتح من شوية وهو بيكلم ادهم بيه ،، وتابعت بتساؤل
هو ليه ادهم بيه مابشفهوش بيضحك الا لما بيجي الدكتور معتز بس يا ست سعاد ده بيبقى حد تانى خاالص وبيتغير
سعاد بسخرية .. حتى انتى يا صباح .. كملي شغلك كملي
...............................................
داخل غرفة المكتب يجلس ادهم بكل هيبته ونظر الى الاوراق امامه بتفكير حتى سمع دقات خفيفة على الباب
ادهم ... ادخل
دخل الحارس (جمال).. ادهم بيه استاذ امين سكرتير حضرتك برا انا اتصلت بيه زى ما قولتلى
ادهم ولم تغادر عيناه الاوراق ... دخله
الحارس .. حاضر يا ادهم بيه
واشار الى امين ليدخل
دخل امين السكرتير وهو رجل كبيرا فى السن يتخطى الخمسين من العمر
يبدوا عليه الذكاء والخبرة المهنية وهو السكرتير العام لادهم فى شركاته
امين ... ادهم بيه حضرتك طلبتني.... ..بقلم رحاب ابراهيم
ادهم ....ايوة يا امين اقعد ماعندناش وقت ..ثم القى بعض من الاوراق إليه ليقرأها وتلقاها امين ليقراها بشكل متفاجئ
امين بذهول ... دمج ؟؟ انا مش فاهم حاجة يا ادهم بيه ممكن تفهمنى ؟ وتابع حديثه....
مشروع الدمج ده ماكنش من ضمن اجتماع بكرا ولا حد مرتبله من أعضاء مجلس الادارة يمكن محدش يعرفه حتى ؟
ادهم بنظرة صلبة ... ومن امتى وأنا بقول لحد اللي فى دماغي
انا قلتلك لاني اولاً عايزك تحضرلي التقارير اللى هتتوزع بكرا فى الاجتماع على فريق الادارة وثانيا عشان تشرحلهم ايه اللي هيحصل أنا ما بحبش اتكلم كتير خصوصا فى الاجتماعات
امين .. طيب بالنسبة لشركة نيكولاس چين الفرع بتاعها اللي فى مصر اللي اعرفه أن حضرتك اتفقت معاه تديله قرض لأن الشركة بتاعته خسرت كتير فى الست شهور اللى فاتو والبنوك رفضت تديله قرض وحضرتك عرضت عليه تقرضة بدل البنوك
ادهم وهو ينفس دخان سيجارته للاعلى ويبتسم فى سخرية .. كمل اسألتك يا امين
امين ... انا مش فاهم يا ادهم بيه هو حضرتك هتديله القرض ولا هتدمج الشركتين بس لو دمج هيبقى ليه اسهم وهيدخل فى شئون اعمالنا كلها واعتقد ده مش هيبقى فى صالحنا كدا،، قرارات المشاريع كلها هنستنى موافقته عليها وده هيعطل شغلنا
ادهم وقد صوب عينيه الى سكرتيرة بنظرة ماكرة .... بالنسبة للقرض فمافيش قرض وبالنسبة لمجلس الادارة والاسهم فبردو مش هيدخل
امين بحيرة ... انا مش فاهم يا ادهم بيه شركة نيكولاس للاستيراد والتصدير وشركتنا الكترونيات متطورة يعنى مش نفس مجال عملنا ..بقلم رحاب ابراهيم
وكمان مش هتزودلنا شيء احنا مش محتاجينها فى حاجة !
ادهم بدهاء... نظرتك ضيقة اووى يا امين شركة نيكولاس معروفة عالميا هى مش الانجح على الاطلاق لكن معروفة جداا ومن حظه الأسود إنه عمل فرع ليها هنا من اربع سنين .
ثم ضحك بسخرية على شيء اتى فى خاطره واكمل... وده طبعا من ارباح الفرع اللي فى لندن وافتكر انه خلاص بقى ملك بس ماكنش يعرف إني مش هسيبه( وضحك مرة اخرى )
ونظر امين إليه بريبة
وتابع ادهم .. اللى عاوزه منك تحضرلي التقارير لاجتماع بكرا
امين .. طب انا لسه ما فهمتش !
ادهم .. هتفهم بكرا
امين .. تمام يا ادهم بيه استأذن حضرتك
ادهم ....اتفضل
خرج امين هو مشتت الذهن من هذا الرجل الماكر الذى لا يعلم أحد بماذا يفكر وقفل الباب ورائه بهدوء
رجع ادهم للوراء فى مقعده ونظر الى دخان سيجارته وهو يعلو وردد
ادهم .. مشكلتك يا امين انك حافظ مش فاهم
وتاه مرة اخرى فى تفكيره مرددا .. دى حسابات قديمة ولازم تخلص
................................................
دخلت نيرمين الشقة معلنة وجودها نظرو لها كلاً من نورا واميرة ثم ارجعوا بصرهم مرة أخرى وعادو لحديثهم
نيرمين .... اناااااا جيت
اميرة .. كويس انك جيتى الجو بدا يسقع وممكن يقلب فى اي لحظة
نورا بتعجب ... جيتي بدري يعني النهاردة مش عوايدك ؟
نيرمين ...عيد الميلاد خلص بدري دنا كمان لفيت كتير قبل ما اجي على هنا
اميرةا .. امممممم طب كويس عشان تذاكري شوية
نورا .. صح ممكن تذاكري شوية انتي مقصرة اووي فى المذاكرة اليومين دول يا نيرمين
نيرمين بتأفف ... انتو مش بتعملو حاجة فى حياتكو غير المذاكرة والاكل والنوم
ووقفت اميرة لتهرب من هذا الحديث الممل مع نيرمين كالعادة
اميرة ... طب انا داخلة اوضتي يلا تصبحو على خير
نيرمين ... هتنامي تاني دانتي لسه صاحية من كام ساعة!
اميرة بضيق ... انا قلت داخلة اوضتي ما قولتش داخلة انام
نورا بلكف... ماشى يا اميرة روحي ارتاحي انتي شوية
اميرة .. ماشي يلا تصبحو على خير
نيرمين ونورا معا.... وانتى من اهله
وذهبت اميرة للداخل وتركتهم فى الصالة
نورا ... نيرمين لازم تذاكرى شوية مش كل يوم سهر سهر انتي عايزة تنجحي ازاي وتجيبي تقدير ..بقلم رحاب ابراهيم
نيرمين بنفاذ صبر .. يوووووه يا نورا لما تركزي معايا هو مش انا حليت حلو فى الميد تيرم وعلى يدك
نورا بسخرية ..... والله !! انتى مصدقة نفسك الميد تيرم ده لو الدكتور ماكنش مسافر وقدم ميعاد الامتحان شهر او اكتر وامتحنا فى نص المادة بس ماكنتيش لحقتيه عموما انا عملت اللى عليا وحذرتك وانتي حرة
نيرمين بضحكة ... ساعات بحس يا نونو انك امنا
نورا بابتسامة طيبة ... اعتبريني زى ما تعتبريني المهم تبصي لمصلحتك وتشوفي مستقبلك لان اللي انتي فيه ده مش صح
نيرمين .. ههههههههههههه ماشى يا جميل خليكي انتي فى جرنالك ده .. اه صحيح لقيتى شغل لاميرة ؟
نورا .. يعنى
نيرمين وهى تتصنع عدم المعرفة ... يعنى اايه.. بصي عموما يا ستي لو غلبتي اوووى انا ممكن اشغلها فى شركتنا
نورا بأعتراض وقوة... لا شكرا كله الا انتي دانتي لو هتشغليها صاحبة الشركة لا بردو
نيرمين بإنفعال.. اشمعنى يعني! ليه هو انا بوبع هاكلها
نورا وهي تنهض ... لا بوبع ولا مش بوبع انا داخلة اناام تصبحي على خير
نيرمين .. وانتى من اهله
ودخلت نورا الى غرفتها المشتركة مع اميرة وقفلت الباب ورائها
نورا .. اايه يا ميرا هتفضلي قاعدة وبصة للسقف كدا مش هتنامي؟
اميرة بنبرة حزينة .. نمت كتير النهاردة يا نورا مش هعرف انام تانى بليل
نورا .. يعني هتفضلي كدا صاحية طوول الليل!!
اميرة .. هفضل صاحية لحد ما انام لوحدي نامي انتي
نورا بأستسلام .. خلاص عموما أول ما هصحى الصبح هصحيكي معايا عشان الجامعة
اميرة .. لا مش رايحة بكرا
نورا بتعجب .. ليه بقى؟!
اميرة .. معلش اعتبريه يوم غياب زيادة يا نورا مانا بقالى شهر غايبة عن الكلية
نورا .. يا اميرة لازم تلمى محضراتك انتي ما حضرتيش الا ٣ اسابيع من التيرم ده
اميرة ... بكرا يوم مهم فى حياتى مش هعرف اروح بكرا الجامعة سبيني براحتي يا نورا
نورا ... انتي حرة بس يا اميرة انتي عمرك ماكنتي عنيدة كدا انا بدأت اخاف عليكي من عندك ده أول حاجة كانت فى حكاية الشغل اللى جيباه ليلى وتانى حاجة مش عايزة تروحي بكرا انتي محسساني انك هتناقشي الماچيستير بكرا!!!!
اميرة .. انتى ناسية انى المفروض اروح اشوف الشغل بكرا
نورا .. لا مش ناسية بس كمان ماتوقفيش الدنيا عشان مقابلة هتاخد ساعة بالكتير
اميرة .. مش هروح بكرا يا نورا خلاص انا قررت
نورا بنفاذ صبر .. براحتك يا اميرة
واتجهت نورا الى سريرها لتنام وظلت اميرة سارحة بخيالها الحزين وتذكرت اباها وتبكي حتى تهدا وتظل هكذا لفترة وترجع للبكاء مجددا حتى بدأ قرأن الفجر يرتل
....................
فى هذا الحين كانت نيرمين تتحدث على الهاتف لأحد اصدقائها فهذه عادتها لا غريب فى ذلك ثم قفلت الهاتف ودخلت غرفتها المشتركة مع ليلى والاغرب أن ليلى كانت مستيقظة فى هذا الوقت وكانها تنتظر شيئا
ليلى بحماس... اااخيراا دخلتي انا مستنياكي من ساعتها ومش راضية اطلع برا
نيرمين ... ليه فى اايه هو احنا عاملين عاملة الله يخربيتك
ليلى .. مش كدا بس انا قلقانة من نورا بصراحة
نيرمين ... امممممم احكيلي بقى وبصوت واطي كدا قلتلها ايه بالضبط ؟؟
ليلى ... انتي أول ما اتصلتي عليا وفهمتيني الموضوع طلعت برا ولقيت نورا بس اميرة كانت بتصلي وده لحسن حظنا وقلت لنورا على موضوع الشغل زي ما قولتيلي بس زودت التاتش بتاعي
نيرمين بشك.. تاتتش اايه بقى شكلك هببتي الدنيا
ليلى .. ولا هببت الدنيا ولا حاجة انتي قولتيلي اقولها هتشتغل لمدة اسبوعين بس انا قلتلها شهر عشان ما تشكش فى حاجة وكمان قولتلها إن المرتب ٣ الاف جنيه عشان المرتب يبقى مغري وصعب يترفض ومستحيل تلاقي شغل بالمرتب ده وهى بتدرس ومعندهاش وقت كفاية
نيرمين باعجاب ... ااااحبك يا لولو طلعتي بتفهمي يابت والله تصدقي فاتت عليا حكاية المرتب دي ...بقلم رحاب ابراهيم
ليلى .. المهم بقى هتعمليلي اللى قولتلك عليه ؟؟
نيرمين بغل... لو حصل زى ما فى دماغي هعملك أكتر كمان من اللى عوزاه
ليلى .. اتفقنا
...............................
سمعت اميرة أذان الفجر قامت وتوضأت وصلت الفجر فى خشوع وقفت بين يدي الله تحدثه فى سجودها وبعد ١٠ دقائق كانت انتهت من الصلاة ولكنها لم تقم ظلت جالسة ورفعت يديها للسما قائلة
اللهم صلى وسلم وبارك على نبينا محمد واله واصحابه اجمعين
استغفرك ربى واتوب إليك
يااارب يارب خد بأيدي وقويني وأبعد عني الشر يارب ياارب حققلي كل احلامي ياارب بأجمل مما اتوقع وسهلي طريقي وافتحلي ابواب رزقك ياارب
ودعت الى اباها كثيرا ثم قامت وخلعت جلباب الصلاة وخلدت مرة اخرى للنوم ولكنها هذه المرة نامت حقا
...........................
الساعة دقت السابعة صباحا قامت نورا بكسل من سريرها وببطء تحركت وهى تتثائب واقتربت من اميرة كي توقظها هى الاخرى ولكنها رأت شيء اضحكها
نورا بضحكة .. اميرة بت ياااااااميرة انت بتحلمي بأيه وبتضحكي كدا يابت 
اميرة وهى مغمضة العينين وضوء الغرفة يزعجها .. اايه يا نورا فى ايه ؟
نورا بتصميم... انطقي يابت كنتي بتحلمي بمين وبتقوليلوه خدني 
اميرة باندهاش ... بضحك وبقول خدني لا دانتي اللى شكلك كنتى تايهة
نورا بتذمر .. تايهة 
ماشي ياختي انا هروح اجهز نفسي عشان هروح الجامعة مش ناوية تغيري رأيك وتيجي معايا
اميرة ... لا مش ناوية روحي انتي
نورا .. براااااحتك
خرجت نورا ودخلت الحمام حتى تغتسل وتجهز للخروج
راقبتها اميرة حتى اطمئنت أن صديقتها ابتعدت بالفعل وظهرت على وجهها ابتسامة خجولة لم تعرف مصدرها فهي متذكرة ذلك الحلم،، أجمل ما رأت من احلام
رأت نفسها وهى ترتدي فستان ولا أروع ورجل مجهول يأتي من بعيد وبيده تاج من لؤلؤ ،،اقترب منها ووضعه فوق رأسها بحنان ونظر اليها بعشق رأت عيناه فقط كانت من اجمل ما يكون ثم ايقظتها صديقتها
اميرة .. كان لازم يعني يا نورا كنتي استنى ٥دقايق وصحيني
وتذكرت مقولة كتبتها مرة فى اجندتها الخاصة
اجمل ما فى الاحلام إنها احلام نستطيع تحقيقها فى غمضة عين واصعب مافى الواقع إنه واقع لا مفر منه ولا مهرب
..................................
استعدت نورا للخروج ولكنها ذهبت الى غرفة ليلى ونيرمين وفتحت الباب ببطء حتى رأت أن ليلى استيقظت هى الاخرى
نورا ... ليلى صباح الخير
ليلى ... صباح النور ايه عندك محاضرات بدرى كدا يا نورا
نورا .. ايوة بقولك اايه عايزاكي فى حاجة برا.. ها
ليلى .. طيب هغسل وشي وجاية وراكي
وخرجت نورا ودقائق واتت اليها ليلى وهى تجفف وجها
ليلى .. اايه بقى عايزة ايه ؟؟
نورا ... عايزة عنوان جدت صاحبتك
ليلى وقد صدمت من السؤال ... اا اايه العنوان عايزاه ليه
نورا .. عيزاه يا ليلى عشان هنروح انا واميرة النهاردة
ليلى بقلق.. طب مانا اتصلك بيها وهتجيلك لحد هنا يابنتي ليه الدوخة دي؟
نورا ... لا معلش البنت جدتها مريضة ماينفعش تسيبها وتيجي ده حتى يبقى عيب علينا
ليلى ..طيب استنى هجيب ورقة وقلم واكتبهولك
نورا .. طب يلا بسرعة
ليلى دخلت مسرعة الى نيرمين واوقظتها وفى لحظات كانت روت ما حدث
نيرمين بعدم اطمئنان .. خدي العنوان اهو ... وكتبته فى ورقة
خرجت ليلى وسلمت الورقة لنورا
ليلى .. اهو ياستى العنوان يمكن بكدب عليكي
نورا .... يلا سلام
وخرجت نورا واقفلت الباب ورائها باحكام
.....................................
وفى كافيترية الجامعة انتظرت نورا احدا
تامر ... ببببخ خضيتك
نورا بسخرية .. لاا طبعااااااااا
تامر ... قوليلى الاول فطرتي؟
نورا بغيظ ... تامر هو انا سايبة محضراتي وجيباك بدري كدا عشان افطر !!
تامر .. اومال ايه اللى خلاكي تجيبيني على ملا وشي كدا عالصبح ؟؟
حكت له نورا على موضوع اميرة بأكمله
تامر بأستغراب... . طب وانتي أيه اللى مخليكي حاسة إن الموضوع فيه مؤمرة يعنى مايمكن عايزة تساعدها عادي ...بقلم رحاب ابراهيم
نورا بشك ... مش ليلى !!
تامر .. مش فاهم بردو .. ليه واخدة موقف من ليلى ونيرمين
نورا ..... مش انا اللى واخدة موقف الاصل فى الموضوع هى نيرمين
تامر .. ازاى ؟؟
نورا ... بص انا ماكنتش حابة احكي الموضوع ده بس هحكيه ،،
نيرمين وانا واميرة كنا كويسين جدااا مع بعض لحد السنة اللي فاتت وليلى ماكنتش لسه ساكنة معانا هى سكنت بعد المشكلة دى بكام يوم كدا
تامر ..ايوووة ايه بقى اللى حصل السنة اللى فاتت؟؟
نورا ....اصبر بس هحكي اهو
نيرمين حبت واحد معانا فى الشعبة والشاب ده كان جد شوية وماكنش عايزها تكلم زمايل شباب ليها خالص المهم هى كانت بتاخد الموضوع عادي وبيزعل شوية وبيصالحها تاني،، مرة على مرة هو زهق من الموضوع ده جداااا
وفى مرة كنت انا واميرة مستنيين نيرمين برا الجامعة عشان نمشي مع بعض ونيرمين كانت واقفة مع واحد زميلنا فعصام جه
تامر ... عصام ده اللى هو حبيبها اصلاً
نورا .. ايوة .. فزعق معاها وزميلنا مشي عشان مايحصلش مشاكل اتاريه كان واقف مع نيرمين عشان عايز يكلم اميرة ومعجب بيها وباخلاقها ونيرمين دفعت عن اميرة وقالتله انها مش بتاعت تسلية زى البنات اللى بيمشي معاها وكدا وطبعا حكت لعصام هى كانت واقفة ليه مع زميلها عشان تبرأ نفسها قدامه
بس عصام كان غشيم شوية بقى فى كل مشكلة يجيب سيرة اميرة ويقولها ادي البنت المتربية محدش بيفكر حتى يتسلى بيها لحد مافي يوم قالتله خلاص طالما عجباك كدا روح اتقدملها مستني ايه ؟؟
تامر .. وراح 
..بقلم رحاب ابراهيم
نورا ... المصيبة انه خدها عِند وراح فعلا يكلم اميرة
تامر بفهم.. ااااه انا كدا فهمت الموضوع مش محتاجة تكملي
نورا ... بص العنوان اهو انا نقلته فى ورقةتانية عايزاك تشوفلي العنوان ده بجد ولا لأ وفي فعلا ست مسنة هناك وعايشة لوحدها ولا لأ
تامر وقد اخذ الورقة منها ووضعها فى جيب بنطاله
تامر .... ماشي هشفهولك،، انتي ساعات بتحسسيني اني وزير الدخلية مش لسه حتت ضابط صغير فى بداية حياته
نورا بأبتسامة ... ربنا يخليك ليا يا تيمووووو
تامر .. ويخليكي ليا حبيبتي بصي انا همشي بقى عشان الشغل انا جيتلك بالعافية
.نورا ... خلاص ماشي خلى بالك من نفسك
تامر.. ماشى سلام .
.................................
فى منزل صفية
جودى ..... سنية ياااااااااا سنية
سنية .... ايوة يا جودى هانم
جودى ... تيته فطرت ؟
سنية ... ايوة فطرت ياهانم
جودى .. طب هى عاملة اايه دلوقت بقت احسن
سنية ...هى احسن من امبارح ياست جودى لكن مش قادرة تتحرك زى الاول
جودى.. طيب روحي انتي
سنية .. احضرلك الفطار يا هانم ؟
جودى بضيق.. مش عايزة اتنيل
ودخلت جودى غرفتها بغيظ واخرجت هاتفها واتصلت بوالدتها
جودى .. الوو ايوة يا مامي 
الام .. مالك ياروحي صوتك زعلان ليه ؟
جودى روت لوالدتها على ماحدث
الام بصدمة ... اااانتي اتجننتي،، ازاااى تعملى كدا ؟؟
جودى بعصبية.. يامامى ماهى جت سليمة ومحصلش حاجة المهم دلوقتى هسافر ازاي،، حازم وعيلته مستنيني؟
الام ... هى مش فى بنت قولتي عليها هتيجي تشتغل ممرضة ليها
جودى .. ايوة
الام... خلاص سيبى الباقي عليا
.........................................
دخلت سنية الى الغرفة وهى ممسكة بسماعة الهاتف وتناولها الى الجدة صفية
سنية .....ياستي
صفية وقد انتبهت لها ..... خير فى ايه ؟؟
سنية ....ست بسمة عايزة تكلم حضرتك في التلفون
صفية بضيق .... هاتي السماعة وروحي انتي
وخرجت الخادمة مسرعة الى عملها
صفية .... الوو ايوة يا بسمة
بسمة ( والدة جودى ).. ايوة يا طنط حمد الله على سلامة حضرتك ايه يا حبيبتي اللى حصل ؟
صفية بانفعال... يعنى مانتيش عارفة بنتك ماقالتلكيش!
بسمة بهدوء ... لا قالتلي طبعا ،،قالتلي إن حضرتك تعبتي امبارح جدا وهى حست بالذنب عشان خرجت ومش قالتلك عموما انا هضبطهالك لما تجيلي البنت دى،، انا بعت لحضرتك بنت من صحاب جودي هتبقى ممرضة على ما اشوف حكاية جودى معاكي وازاى تسيبك وتخرج انا كلمتها من شوية ولما عرفت قلتلها تجيلي حالا عشان اعاقبها وكمان عندها امتحان بعد كام يوم فى كورس عندها فى الكلية
انا متأسفة بالنيابة عنها يا طنط.... على ما جودى تخلص امتحان صحبتها هتيجى تراعيكي بدالها اسبوعين كدا ولا حاجة وجودى ترجع تانى تقعد معاكي،، ارجوكي المرادى ما تمشيش البنت الممرضة
صفية بحزن عميق ... لا يابسمة خلي جودى عندك وانا لأول مرة مش همشي الممرضة لاني مش عايزة حد منكو يقعد معايا ان كنت هختار انتو ولا ممرضة هختار الممرضة انتو ماتنفعوش تبقو ولاد
واقفلت الخط بوجهها وهى تبكي بحرقة من قسوة اولادها والاكيد ان ابنها توفيق لم يعلم حتى بماذا فعلته ابنته فى حق امه ..بقلم رحاب ابراهيم
صفية ببكاء وحسرة ... بقى مستخسره تخلي بنتك تقعد معايا كام يوم بعد اللى عملته فيا ده كله طيب ماشي انا هخليكوا كلكوا تحرمو تجيبو سيرة ممرضات تاني وتجولي غصب عنكوا ومش همشيها بسهولة لا دنا كنت عبيطة كنت بمشى اي واحدة بتيجى من أول يوم بالعكس هخليها تقعد أطول فترة ممكنة وهذلها لحد ما هخليكوا انتو نفسكوا تطلبوا مني امشيها ،،،بقى بنتك كانت عايزة تموتني ولما ماعرفتش بعتيلى حد تاني يموتنى حسبى الله ونعم الوكيل فيكوا ..دنا لو ربيت قطط كان طمر فيهم اكتر من كدا 
.......................
مبنى ضخم من المبانى الحديثة ومصمم بمهارة ليناسب اسم شركات المهدى جروب
دخل امين الى قاعة مؤتمرات خاصة بالمدراء والاجتماعات ذات الاهمية الكبرى وبيده حقيبته السوداء ووضعها على منضدة طويلة يلتف حولها عدد كبير من المدراء ورؤساء الفروع ومصممي البرمجيات
امين .. صباح الخير اهلا بحضراتكم.
وردو عليه الترحيب
امين لسكرتيرة ادهم فى المكتب
امين ... امل وزعي التقارير دي على الحضور بسرعة،، ادهم بيه فاضله خمس دقايق ويكون هنا
امل .. حاضر يا فندم
وقامت بما طلب منها وبمجرد توزيع التقارير تجمعت النظرات المتفاجئة بينهم وبعضها نظرات استفهام مما يوجد بالتقارير وفى غضون دقائق تالية
دخل ادهم بكل اتزان وثقة رجل اعمال من الطراز الثقيل رغم صغر سنه بالنسبة لمكانته (٣٣عام )
ادهم .. صباح الخير
كل الحضور .. صباح الخير يا فندم
ادهم .. اظن التقارير من دقايق كانت فى ايديكم وشوفتوها واللى عايز اقولهلكم
ان شركة نيكولاس چين بقت من ضمن شركات المهدي
كانت نظرته ثابته عليهم يلتقي ردة فعلهم من الذهول بأعينهم والحيرة
واضاف جملة بعدها
ادهم .. شركة نيكولاس چين اللى فى مصر بقت من ضمن املاكي،، وكمان أخدت اسهم فى الفرع الرئيسي اللى موجود فى لندن ... وهنتعامل معاها بشكل مكمل
بمعنى اننا بنحتاج لشركة استيراد وتصدير وشحن لشغلنا .. وقد وجدت.
واكمل بثقة .. اظن كلامي واضح
ردو عليه بتردد واحداً بعد الاخر .. مفهوم يا فندم
امين يردد فى نفسه ...انت عرفت تاخدها من نيكولاس ازاى عموما انا بدأت افهم
ادهم .. حد عنده اي استفسار بخصوص الموضوع ده
رد عليه أحد الموجودين .. لا يا فندم كلام حضرتك مفهوم وبالنسبة لشركة نيكولاس فهى هتبقى دعم كويس جدا لشركتنا وهتوفر علينا وقت وتحكمات شركات الشحن والتصدير
ادهم .. تمام .. كدا الاجتماع انتهى بالتوفيق للجميع
وقام وقف وبعد دقيقة خرج من قاعة الاجتماعات بخفة ودخل مكتبة
.........................
استيقظت نيرمين متأخرة كانت الساعة دقت الواحدة بعد الظهر خرجت لتغتسل ورأت اميرة على وشك الانتهاء من الاعمال المنزلية
نيرمين وهى تفرك عينيها ...صباح الخير
اميرة .. صباح النور يا نيرمين
نيرمين .. هى ليلى خرجت امتى ماحستش بيها
اميرة ... من ساعتين كدا
نيرمين . طيب ماشي،،، ونظرت لها وهى تنظف أخر شق فى المطبخ بنظرة لئيمة شامته ولسان حالها يقول
متستعجليش على الهم يا ميرووو دانتى هيطلع عينك بس اصبرى دانتي رايحة عند واحدة هطلع عينك وهتهد حيلك وضحكت دون أن تشعر
اميرة وقد لاحظت شرود نيرمين وضحكتها غير المبررة ...
ايه هو البوتجاز بيضحك ولا ايه ؟؟
نيرمين ... ها. لا افتكرت حاجة كدا ماتشغليش بالك انتي
وتركتها ودخلت تغتسل وخرجت من الحمام وهى تردد اغنية وجلست على مقعد امام شاشة التليفزيون ووضعت اللاب توب على قدميها وتفاجئت أن جودى أرسلت لها رسائل عبر البريد الالكترونى ونص الرسالة
نيرررررمين فينك يابنتى عمالة اتصل بيكي على الفون مش بتردي
دخلت نيرمين مسرعة الى غرفتها وامسكت هاتفها وتفاجئت بكم الاتصالات من جودى وقامت بالاتصال بها
نيرمين .. الوو
جودى .. ايوووة يابنتي انتي فين من الصبح برن عليكي ومش بتردي
نيرمين ..كنت نايمة وماحستش
جودى .. المهم عملتي ايه فى الموضوع بتاعنا ؟؟
نيرمين .. بصي البنت هتيجي النهاردة مع واحدة صاحبتها وليلى هتيجي معاهم دورك انتي بقى انك تعاملي ليلى زى ما بتعامليني كدا
جودى .. ازاى ؟؟
نيرمين بعصبية.. مش وقت غباوة يا جودى يعنى تعامليها على انها صحبتك وكدا ،،اه كمان قبل ما انسى ليلى اتفقت معاهم على الشغل هيبقى شهر والمرتب ٣ الاف جنيه
جودى .. ياستي موافقة المهم اخلص
نيرمين .. كدا تمام
جودى بفرحة ... وكمان ماما لسه متصلة بيا ناو وقالتلى انها قالت لتيتا انها عايزة تعاقبني وهتجيب واحدة من صحباتي كام يوم لحد ماتربيني على اللى عملته يعنى ههههههههههههه
نيرمين ... ههههههههههههه هو اللى هيتربى بجد مش انتي خااالص حد تاني
جودى ... البنات هيجو امتى وخدو العنوان ؟
نيرمين .. اه خدو العنوان واول ما يطلعو عشان يجولك هرن عليكي
جودى ... تمااااااام وانا بقى احضر شنطتي عشان اهرب من السجن ده
نيرمين ... افرااااااج
جودى.. ههههههههههههه
................................
ادهم جالس فى مكتبة يقلب بين اوراق بعض المشاريع التي قيد التنفيذ وضغط على جرس الانتباه للسكرتيره حتى تأتي
دخلت امل بتوتر .. نعم يا فندم
ادهم ... ابعتي لمهندس محمود والتيم بتاعه يجولي حالا
امل ....حاضر يا فندم
وبعد عدة دقائق كان تيم العمل المكون من ستة افراد ويرأسهم مهندس محمود كانو فى المكتب وعلى وشوشهم التوجس
ادهم بضيق ... انا مش هسأل من اللى عامل الريبورت الاولي للتصميم بس ده منظر ريبورت يخرج من تحت ايد ناس المفروض انهم كفاءة
فرصة يومين .. يومين بس الريبورت يتعاد بالكامل والاسقاطات بتاع التصميم تتظبط اكتر من كدا ..مفهوم
الفريق بريبة ... مفهوم يا فندم
ادهم ... تقدرو تروحو لشغلكم
دخلت امل مرة اخرى ومعها أجندة المواعيد
امل .. مستر ادهم فى ميعاد كانت الانسة نادين خدته من اسبوع عشان تقابل حضرتك
ادهم بعصبية .. نادين مين ؟؟؟ انتي بتدي مواعيد لناس ما اعرفهاش وخلاص ؟؟
انتو مش هترتاحو غير لما امشيكوا كلكم واجيب ناس بتفهم تمشى الشغل صح
امل وكادت ان تبكي .. يا فندم الانسة نادين بنت رياض بيه صاحب شركة
المقاولات اللى ات..
قاطعها ادهم .. خلاص افتكرته،، الميعاد امتى ؟
امل.. المفروض انه بعد ساعة
ادهم بعصبية...المفروض ده ازاى ما اعرفهوش الا دلوقتي ؟
امل .. يافندم رياض بيه كان محدد مع حضرتك ميعاد وانا قولته لحضرتك الاسبوع اللي فات،، وبنته اتصلت واكددت الميعاد
ادهم .. اوك خلاص ،،بطلي كلام لما يجو دخليهم على طول
امل بخوف .. ماهو يافندم المقابلة مش هنا هى حددت الميعاد فى فلتهم عشان تتغدو سوا
ادهم بعنف وغيظ .. رووحي على مكتبك يااا امل
خرجت امل مسرعة واقفلته وراها فورا خوفا من بطشه
ادهم .. انا مشغل عندى شوية اغبية
ثم استعد للخروج من الشركة وقرر أن يذهب الى شقته أولا وثم يذهب لهذا الميعاد الثقيل على قلبه
......ّ........................
دخلت نورا الشقة ووضعت شنطتها على احدى المقاعد وانتبهت ان هاتفها ينذر بوصول رسالة وقامت بفتحها وادركت انها من تامر خطيبها ......ونص الرسالة
نورا انا شوفتلك اللي انتي عايزاه وفعلا العنوان صح بتاع ست كبيرة اسمها صفية احمد عمار ودي ست مالهاش اي مشاكل مع اي حد ومن عيلة محترمة جدااا ومبسوطين جداااا ماعرفتش اكلمك ياحبيبتى عشان انا فى مهمة ومش عارف حتى التلفت أول ما اخلص هكلمك على طول بحبك
ابتسمت نورا واطمئن قلبها وأخذت تبحث عن اميرة ولم تجدها ثم ذهبت لغرفتهما ورأتها
نورا بتعحب ... انتي جهزتي كمان!!
اميرة .. ايوة عشان ما نتاخرش يلااا.
نورا .. يابت اصبرى متسربعة على ايه !!
اميرة ....مش عارفة بس عايزة اروح هناك بأسرع وقت
ابتسمت نورا ..الحماس واخدك بس
اميرة .. يمكن ... بقلم رحاب ابراهيم
وسمعو صوت ليلى ينادى
نورا..اااايوة يا ليلى جايين اهووو .. يلا طيب طالما جهزتي
اميرة وقد احضرت شنطها
نورا بصدمة ... انتي واخدة الشنط ليه احنا لسه ما شوفناش حاجة مش يمكن ما يعجبكيش
اميرة ... إن شاء الله هيعجبني وانتي بتقولي أن البنت مسافرة بكرا يبقى مش هرجع تانى واجيب الشنط وبعدين هما معايا لو حصل حاجة هرجع بيهم
نورا بنظرة متأملة .. اميرة انا مستغرباكي اووى
اميرة وهى تشعر بنفس الشيء .. حتى انا مستغربة اوى حاسة إن حاجة بتشدني رغم خوفي ....رحاب ابراهيم
نورا بتأكيد .. ماتخافيش وراكي رجالة
اميرة .. طبعاا ،،،يلا بقى عشان ليلى مستنيانا
