رواية دموع عذراء الفصل الثالث 3 بقلم سلمي سمير
دموع عذراء
الفصل الثالث
________بعد اسبوع
رجع حسن بعد حصوله علي درجة الدكتوراه في تخصصه
وفرحة الاسرة بعودته ليطلب ابوه منه الجلوس علي انفراد
عبد المجيد : مبروك يا ابني كده اقدر افتحلك المستشفي اللي بتتمناها واعملك اكبر عياده كمان
حسن: الله يبارك في يا بابا
عبد المجيد : خلاص يبقي ننزل مصر وتبدأ في تاسيس العياده والمستشفي كلها كام شهر وتخلص وكده يبقي فاضل العروسه
بعدها نروح نزور ولاد عمك و نحدد ميعاد زفافك وتشوف عروستك علشان نفرح بيكم
حسن باستغراب : زفافي وعروستي اللي هو ازاي
عبد المجيد : بنت عمك وانا قولتلك الكلام ده من سنه بعد وفاة جدك
حسن: فعلا قلت لكن انا مش قلت موافق ودلوقتي مش هينفع انا اتجوزت خلاص
عبد المجيد : يعني ايه اتجوزت انت بتتحداني تتجوز من غير اذني خلاص كبرت يا حسن هي كلمة ومش هكررها هتتجوز بنت عمك لاما تروح للي اتجوزتها خليها تحققلك احلامك واتفضل غور من وشي
حسن:: بعصبيه انا مش طفل ولا بنت علشان تفرض عليا اتجوز
انا اتجوزت ومراتي هتخلص دراستها وهتحصلني وانت كده بتخسرني يا بابا
عبد المجيد : اطلع بره يا حسن مش عايز اعرف عنك حاجه ومع السلامه ياريتك ما جيت وروح مكان ماجيت
ام حسن : في ايه هو ابنك لحق يوصل علشان تطرده تعالي يا حسن اطلع اوضتك وبعدين نتكلم
حسن اتصل بزوجته الو ليزا
ليزا: وصلت بالسلامه حبيبي مالك صوتك متغير ليه
حسن: الحمد لله لكن في مصيبه ابويا مصمم علي جوازي من بنت عمي لاما يحرمني من تحقيق حلمي ياريتني ما نزلت بفكر ارجع تاني واشتغل في الجامعه لحد ما اقدر افتح عياده وعوضي علي الله في المستشفي اللي كنت هقدر اطبق فيها كل ابحاثي ونظرياتي في العلاج الحديث كانت هتعمل ثورة في عالم الطب
ليزا : اهدي بس يا حسن ممكن تفهمني براحه ايه الموضوع وحكي ليها حسن كل حاجه بالتفصيل
ليزا :: اوك مش مشكله اسمع كلام والدك واتجوزها وعرفها ان جوزاكم لمده عام لحد ما ارجع وهي اكيد مغصوبه هي كمان من كلامك ان هي لو وافقت علشان ميراث والدهم يقدر يخدوه بناء علي وصية جدك
وبعدين طلقها لما تستقر وتاخد المستشفي والعياده واكون انا كمان رجعت ايه رايك
حسن : هو حل كويس بس انتي تتوقعي توافق
ليزا : خلاص خليها لما تتجوزوا وهي هتبقي مرغمه وكمان هي هتستفيد بالميراث
حسن: موافق كده كويس خلاص هنزل اراضي بابا وهنفذ كلامه
حسن نزل لوالده خبط علي الباب
حسن:: بابا ممكن ادخل
عبد المجيد:: امشي يا حسن مش عايز اسمع صوتك
حسن:: طيب افتح واللي انت عايزوا هعمله
عبد المجيد :: ادخل خير عايز ايه
حسن:: انا اسف اني زعلتك بس انا فعلا اتجوزت البنت اللي بحبها ومكنش موضوع الجواز تاني في بالي لكن لو ده اللي هيخليك ترضي عليا انا هنفذ اي حاجه تأمرني بيها
عبد المجيد:: بس بنت عمك مش لازم تعرف انك اتجوزت انا بعزها وكنت اعرف غلاوتها عند اخويا وانا دلوقتي مكان ابوها ومش هسمحلك تأذيها علشان خاطر اللي اتجوزتها دي لا نعرف اصلها ولا فصلها وياريت تطلقها يبقي احسن للكل
حسن:: لو سمحت يا بابا دي مراتي واوعدك مش هتاذي بنت عمى في اي حاجه لكن مقدرش اطلقها هو انا لحقت اتجوزها لما اطلقها وكمان انت يهمك اتجوز بنت عمى وده اللي هيحصل وبكره لما ترجع ليزا هتعرف انها مناسبه ليا وتستحق تكون مراتي زي بنت عمى
عبد المجيد:: انت حر انا حذرتك لو اذيت مشاعرها انا مش هرحمك لا انت ولا مراتك واسم مراتك منى مش بنت عمك وحضر نفسك كلنا هننزل مصر يوم الجمعه علشان نعمل الخطوبه ونحدد الزفاف
حسن :: اتفقنا يا حج مفيش مبروك بقي
لتعلى الزغاريد وضرب النار ابتهاجا بعودة الدكتور وقرب زفاف ابناءه
___________في شقه زاهر
حضرت اسرة عبد المجيد واتعرفت الزوجات علي بعض واتعرف طارق علي عروسة انبهر بجمالها وخجلها وهدوءها ووافق علي زواجه منها
حسن:: قرأ الفاتحه مع طارق بدون انتظار ليشوف عروسته
و لما قاموا بتلبس الشبكه اصر ان يتجنب النظر ليها
ورفض يجمعهم اي لقاء لتجهيز عش الزوجيه ومستلزمات الفرح وساب كل ده لاخته ووالدته
وتم تحديد الزفاف بعد اسبوع لتجهيز الشقه
طارق :: لو سمحت يا عمي انا مش هقدر اسيب ماما لوحدها بعد جواز منى فبستاذنك اني اعيش انا وسناء معاها
عبد المجيد:: اكيد يا ابني مفيش مانع ها موافقه يا سناء
سناء:: اللي تشوفه يا بابا وان شاء الله هتكون امي التانيه
طارق:: ربنا ما يحرمني منك ياعمي واوعدك يا سناء انك مش هتندمي امي فعلا هتبقي امك
هدى:: انتي بنتي فعلا يا سناء وربنا يباركلي فيكي يا بنتي
__________ وبعد اسبوع في اكبر فنادق القاهرة تم زفاف العروسين وكان زفاف كبير جدا
طارق :: وهو بيرقص معا سناء انتي جميله اوووي واوعدك اني اسعدك واحافظ علي البسمه اللي في عيونك
احنا هنسافر الصبح وان شاء الله هخليكي تحلفي بشهر العسل والايام اللي هتبقي كلها عسل يا عسليه
سناء::بكسوف وانت اطيب واحن قلب شوفته ربنا يخليك ليا
حسن:: يراقص مني بون ان ينظر لعيونها انا اسف اننا مش هنعمل شهر عسل بس انا فعلا الفترة دي عندي التزامات تاسيس المستشفي والعياده ومحتاج كل دقيفه من وقتي
منى:: مش مهم المهم شغلك وربنا يوفقك
وبعد الزفاف ياخد طارق عروسته ويسافر شرم وحسن ياخد عروسته علي شقته الجديدة
______ في الشقه بعد وصولهم وهو يتجنبها طول ساعات الزفاف ولا ينظر لها ومنى لا تعيره اي اهتمام لتجاهله ليها تدخل الي اوضة النوم لتغير فستان الزفاف استوقفها ونداها مني
مني: وقفت بدون ان تلتفت وقلبها مضطرب وتتسائل ايه هيعمل زي العرسان ويحملني لاوضتي وتغمض عيونها انتظار هيقول ايه او هيعمل ايه
حسن:: الاوضة دي ليكي من النهارده
وانا اسف مش هقدر اكون زوج ليكي لاني متجوز وبحب زوجتي وتقدري تقولي جوازنا هيكون كلام علي ورق والطلاق بعد سنه
واسف لاني سمحت بالمهزله دي لكن انا ساعدتك وساعدت نفسي انا هستفيد باني اسس مشروعي وحلم حياتي
وانتي هتحصلي علي ميراثك اللي بعد الطلاق هيساعدك تبدأئي حياة سعيده وتختاري انسان تكملي معاه باختيارك انتي مش غصب ولا اجبار من حد
سمعت مني كلامه بدون اي كلمه ونظرت ليه وهو كالعاده يتجنب النظر لها
منى:: وتحس براحه كبيره موافقه تصبح علي خير
ودخلت اوضتها وهي تحس بالراحه لانها ليست مرغمه علي معاشرة هذا الانسان البارد والذي لا تربطه بيه اي مشاعر او احساس
احمدك يارب جت منه __________
دخلت مني غرفتها واغلقتها باحكام وهمت بخلع فستان الزفاف ليطرق باب حجرتها
مني: ايوه خير
حسن : ممكن خدمه
مني؛؛ من خلف الباب اتفضل
حسن : البتوجاز نوع مش استعملته قبل كده وانا عندي صداع وعايز فنجان قهوه ممكن تعرفيني طريقة الاستعمال
مني : تضحك بصوت مكتوم وتقول في سرها متخلف
حاضر اتفضل انت وانا هعملك القهوه بس اغير هدومي ممكن
حسن : شكرا بس ياريت تعرفيني الاستعمال علشان مش ازعجك تاني
منى:: لا ابدا لا ازعاج ولا حاجه
مني ؛؛؛ بعد قليل خرجت وهي لابسه بيجامه حرير اشترتها لليلة الزفاف كانها حورريه من الجنه لونها ازرق سماوي تماثل عيونها في زرقتها وجمال شعرها الكستنائي الطويل (((وصف مني بنت جميله في العشرين من عمرها ذات شعر كستنائي طويل وبشره بيضاء وعيون زرقاء كسماء صافيه وجسمها كم المنيكان وتتميز برقتها وعذوبة صوتها))))
منى:: اسفه اتاخرت عليك تحب تتعشي الاول
حسن :: مصدوم كانه صعقه تياركهربائي متسمر في مكانه ينظر لها لاول مره ويراها كمراءة خرجت لتوها من لوحة جميله ابدع فيها فنان بكل اقتدار في رسمها بكل دقه وروعة وقال نعم بتقولي ايه
مني : عايز تتعشي الاول ولا تشرب قهوه بس
حسن : يبصلها لو هتتعشي معايا موافق
لكي يطيل النظر اليها ويشتم نفسه علي غباءه الذي حرمه من ان تكون هذه الحوريه بين احضانه ليرتوي من نبع جمالها ويغرق في احضانها وينسي نفسه معاها
ليتنبه انها ما زلت تتكلم
حسن:: نعم بتقولي ايه
مني : بقولك انا هقوم بكل وجباتي الزوجيه لحين الطلاق يعني اكلك وشربك وكل ما يلزمك ده من اختصاصي من اليوم ومش تشكرني لان ده واجبي
حسن : في سره طيب ينفع يكون زواجنا طبيعي وارجع في كلامي ونكمل حياتنا كزوجين لكنه انب نفسه كيف فتنته هذه الفتاه زرقاء العنين واصبحت اشتهيها هكذا بجنون واين عهدي لليزا ليفوق من شروده
حسن:: مش عايز اتقل عليكي
مني : لا ابدا اعتبرني اختك زي سناء واكيد مش هتاخر في اي من طلباتك اتفقنا ومدت يدها تصافحه
حسن : ويحس بنفس التيار الكهربائي يسري في جسده ويتمني انا يحذبها لحضنه ويقبل فمها قبله يفرغ بيها كل مكنونه اليها لكنه لا يستطيع غير انا يقول لها
حسن:: اتفقنا
________________ وبعد العشا تحضر لها القهوه وتستأذنه في الرجوع لغرفتها
حسن ::: هتنامي دلوقتي بسرعه كده
منى : ايوه انا مجهده طول اليوم ده غير دوشة الفرح
حسن : اوك كنت بس عايز اتعرف عليكي وندردش معا بعض شويا
منى والله تعبانه ومحتاجه انام
حسن:: خلاص خليها وقت تاني
تصبحي علي خير
مني: وانت من اهله
حسن؛؛ معا نفسه الافكار تعصف بيه هل هذا الكائن الرقيق ذو النظره البريئه والعيون الزرقاء التي ابدع الله في خلقها قبلت الزواج من احل ثروة ابيها ام لماذا؟؟
لكنها يجهل هو او أخيها وأمها ان هذا الكائن الرقيق كم وصفها كانت نمره شرسه ذات يوم وتسببت في موت ابيها وتزوجته فقط لتكفر عن ذنبها ووتنفذ كلمة ابوها لعله يسامحها
انها يتمناها وقبل ان يقدم علي اي خطوه بعد ان هجرها ليلة زفافهم يجب عليه ان يفهم سر قبولها للزواج بهذه الطريقه هل يوجد حب في حياته وتريد ان تكون عذراء من اجله
ام هي ماديه تحب المال لتقبل بهذه الزيجه
وظل يفكر ويفكر ليغفو والافكار تموج برأسها بلا هواده
يتبع......
