رواية انت نصفي الفصل الثالث 3 بقلم الكاتبه ميار
رنا: راحو اهلي وتركوني وحيده شعور غريب الم ضياع كسره ظليت مكسورة جنح حسام جان املي حتى لو باقي واحد منهم اسند نفسي عليه شعور صعب اشرحه
بعد ما دفنو اعزاز گلبي وبقيت طول ايام افاتحه جثه هامده لا احرك لا ايد ولا رجل فاصله عن العالم فزيت على صووت صررريخ عالي وصرت اشهك اريد نفس يدخل لرئتي ماكو بس اسمع صوت عياط وبجي هز البيت
وشويه ودخلت خالتي تلمخ بروحها واني بس اشهك احس روحي تريد تطلع واسمعها تصرخ وجتي يمي واني بس اريد اتفس صوت شهكاتي الي زرفن صدري الكل صار يحجي عليها واني اسمعها تكول
خديجه: ولكم عوفونيي شظل عليج وج خاله رنا ظليتيي بلا اهلي يممممه بنيتي راااحت امج وج خاله راااحتت هي وضناهااا شظل عندج يوليي يمههه سوده عليه يمه اخيتييي ولك يمها همام شفت من حياتك ولبسوك الجفن ولك خاله حسام بعدك وينك وين الموت حبيب يا خاله سوده عليه ابو حساممم
رنا اسمعها واحس كلبي طگ كمت املخ بروحي جسمي صار يرجف متلكني شعور خوف الم احس اريد اتقئ (تكرمون) من اشهك وارجف احس روحي تطلع من بين عيوني كلها حايره بيه
حيدر؛ موت حسام كسرني هذا اخوي بير اسراري سعادتي انهزم من الدنيا واجي يمه صار 4 ايام الفاتحه الناس ما تفارك ناس رايحه وناس جايه ورنا خلاص منتهيه شبه ميته لا تحجي ولا تحرك لا ايد ولا رجل فاصله عن العالم المي كوه يشربونه
يوم الرابع جنه كاعدين واكو شيوخ جايه على ابوي وهواي ناس ملتمه وجان نسمع صريخ كمنا نركض وجان افوت للبيت والكالك خالت رنا تصرخ اني عيني صارت على صوت شهكات رنا ومصدومه وتريد بس تتنفس حالتها تخوف انريد بس انهدئه جان يصيح كرار
كرار حييدرر كوم ناخذها للمستشفى هذا انهيار عصبي قوي لازم مهدء راح تموت البنت
حيدر اباوعلها تريد بس تتنفس شلتها وكمت اركض بيها واصيح على علي وتقي يجيبون سياره
علي يلا حيدر جيبها
حيدر صعدتها وصعدت وياها صحت على عباس ابن عمي كامل وزوج اختي سلوى
عباس جيب سلوى والحكنه طلعنا بيها احنه وصلنا المستشفى رنا بدتت تفقد لزمتها رنا لا تفقدين اضرب على وجهاا شويه وفقدت حسيت روحي راحت كمت اصرخ على علي ولكك ماتت ماتت رنا
علي؛ نزلت وفتحت باب السياره وحجيت على حيدر
كول ياالله ما بيها شي نزل شالها ويركض بيها
حيدر جوو الدكاتره يركضون نزلتها على السديه ((السرير)
الدكتور؛ شبيها شنو الصار
حيدر دكتور انهيار عصبي ما تتنفس.
دكتور مصدومه صاير وياها شي
حيدر اي اي فقدت اهلها
الدكتور لا حول ولاقوة الابالله
حيدر ظليت اعاين لرنا يحطولها مغذي واكسجين كل شويه واحد طاب وطالع واهنا ما افتهمنا شلون وضعها
جيه عباس وسلوى
عباس هاا حيدر بشرر
حيدر شحجي شبشر حطولها مغذي وضربوها مهدء ونتتظر
سلوى يمه سوده عليه يروحي رنا شصار بحالها
علي؛ سلوى من هسه مو اتظلين تونين وتنعين فوك راسها ما خبلها غير سوالفجن اخخ لو الزمها لخالتها
سلوى تره خطيه مقهوره
علي واذا ابجن طلعن الي بكلبجن بس مو هيج موتنها للبنيه هي البيها مكفيها هاي عود بدال ما تصبرنها تزيدن عليها
حيدر كعدت اگبالها واعاين شلون راح تتخطى شلون راح تكدر تنسى وتكمل حياتها حسيت عليها فتحت عينها
جيت يمها
رنا هاا بويا كعدتي
رنا: فتحت عيوني وابجي اريد احجي ما اكدر بس احس دكات گلبي عاليه وارجف مختنگه اباوعلهم واشهك صاحو الدكتور دخل حسيت عليه ضربني ابره شويه وبعد ما حسيت على نفسي
حيدر رنا بقت اسبوع يخدر بيها لان بس تحصها ترتفع عدها نبضات القلب ونهيار حاد
يوم جنت كاعد يمها وانه وغدير عاينت عليها صحت
رنا فتحت عيوني ما ادري شكد بقيت نايمه ظليت اباوع نداريت شفت غدير وحيدر اريد اسولف ما اكدر شفت كام حيدر بتجاهي
حيدر ها بويا بشريني شلونج
رنا؛ حيدر شفت حلم مو زين تعبانه خابر حسام يجي يرجعني ما مرتاحه اهنا
حيدر؛ ضليت صافن عليها رنا عبالها ااي مرت بي جان حلم بلعت ريقي واعاينلها حاير شنو احجي
رنا اباوع بعيونهم حزن لبسهم اسود اريد استوعب الشفته حلم لو حقيقه شفت جديتي وسلوى والولد دخلو كلها لابسه اسود اهنا اني تيقنت انو الي شفته مو حلم صرت ابجي بكل قوتي واملخ بروحي وجديتي تريد بس تهديني
عيني صارت على حيدر اي هذا صاحب اخوي مو بس ابن عمه صحت بعالي صوتي شلوووون تدفنت اخوك وصاحبك دفنوني وياهم اررريد امووووت عوفوتيي
حيدر رنا انهارت تماما جيت يمها صعب اكض ايدها بس هي بلا وعي جو الدكاتره والممرضين انطوها ابره رحت للدكتور
دكتور قابل تظل هيج على مهدئات
دكتور لا طبعاً بس لازم تحاولون انتو وياها تغيرون من نفسيتها باي طريقه ما بيها غير العافيه
حيدر الله يعافيك رجعت للغرفه كلها واكفه يمها وحايرين بيها ظلينه لل10 بالليل كولت لعلي روحو انه وغدير نبقى يمها
غدير بويا مددي انتي على القنفه اني اهنا كاعد
غدير لا عادي روح انت نام تعبت
حيدر لا ما جايني نوم
غدير ماشي
حيدر كعدت اگبالها واعاين شلون اخليج تنسين شلون ارجعلج الحياة حسيت كعدت
رنا هاا بويا كعدتي تريدين شي
رنا اخس عيوني ثقال ما كوه افتحهن اريد ابجي ارتاح مختنكه حسيت من حيدر كعد گبالي
حيدر رنا ابجي بس لا تصرخين اطلعي الي بداخلج كلنا فقدناهم بس هذا امر الله لا اعتراض على حكمه وانه وياج والله ما اخلي شي ينقصج
رنا يحجي وياي واني احس دموعي تحرك خدي كوه حجيت حيدر كومني اريد اكوم
حيدر حرت شلون اكومها كضيت الغطه ورفعتها حطيت المخده وره ظهرها ظلت ساكته بس الدموع تجري
ظلينه لصبح على نفس الكعده تشرب مي وساكت وبس تبجي كعدت غدير طفرت بسرعهومن شافتها كاعده
غدير يروحي انتي كعدت زينه حياتي رنا
رنا حضنتها وابجي وخرت مني باوعت كولت لحيدر اريد اطلع
حيدر هسه بويا بس يجي الدكتور ونطمئن عليج وخاف يكتبلج علاج ونطلع
رنا جيه دكتور وسولف واني ما الي خلك كتبلي علاج وخروج وطلعنه وصلنا البيت كلها ملتمه شفت عمو خالد ركضت عليه حسيت شفت ابوي هو حاضني ومثل ما اني ابجي احس بدموعه تنزل عليه وخرني ويمسح دموعي
خالد وداعتج يا عمي ما اخليج وحدج ولا تحتاجين بشر اني ابوج واخوج يروحي عمي
حيدر كولو ياالله خلوها ترتاح رحت.
تمددت بحضن جديتي وهي تمسد على راسي....
حيدر رنا بقت على هذا حالها كل ساعتين تجيها نوبه هلع
ننطيها العلاج شويه ترتاح بس ترجع والاكل كوه تاكل سألت اكثر من دكتور كال لازم هي تساعد نفسها تره العلاج مجرد يهدئها ما يعلاجها كمت ابحث عن النوبات الهلع واكعد وياها اخليها تسولف بس مايفيد وياها
كمت اجبرها تصلي وتقره قران بين فتره وفتره بس. هي كول الايام ساكته مضى على وافتهم 6اشهر وبدت الدوام وهي شهرين ما داومت هاي السنه خامس علمي ولازم ترجع بس شلون اخليها هاي الفتره كلها رافضه تزور اهلها شكد حاولنه ما تروح واصلا ما تحجي ويا احد بس اني لان من تجيها نوبة ما تريد احد غيري لان انطيها الحباية المهدء يوم الخميس وره الغده جنا كاعدين حجيت ويا ابوي حتى اخذ غدير ورنا للزياره
خالد يابه خاف تنهار يصير عليها شي وين توديها
حيدر يابه تره هذا مو حجي البنت ما يصير تظل على مهدئات هي لازم تزور حتى بلكت تقتنع من تشوف قبورهم ومناك نزور الامام ونرجع لكربلا بلكت بجاهم تصير زينه الزيارة الامام هي راح تساعد رنا ترجع لحياتها لدراستها
خالد بكيفك يابه
الجده؛ والله زين تسوي بس شنو يقنعها
حيدر انه اقنعها ما اكوللها نروح نزور
الجده هاي هيه توكل واخذهن
حيدر كولت لغدير تحضر غراضهن واني دخلت على غرفتي بدلت هم حطيتلي ملبس خاف احتاجه واخذت الفلوس وطلعت حطيتهن بالسياره وصعدت لغرفتهن هي وغدير دكيت الباب
غدير تفضل
حيدر احمم السلام عليكم
رنا رفعت راسي يرجعت دنكت
حيدر. تره السلام لله ما يصير ما تردين
رنا وعليكم السلام
حيدر رنا اطلب طلب ما ترديني
رنا باوعت عليه هزيت راسي ب اي
حيدر كومي ويانه وانه غدير نفتر ونغير جوو رنا لازم تطلعين تغيرين شويه لخاطرنا هيج ما النه خاطر
رنا بس ما الي نفس اطلع تعبانه
حيدر هو بس تطلعين ترتاحين
رنا بس
بدون بس دكومي يلا اذا ضجتي نرجع
غدير اي يلا رنا يلا
رنا هزيت راسي بس خلي اغير ملابسي
حيدر يلا اني انتظركم بالسياره الي تجي اول انطيها ربع
رنا عكدت حاجبي كولت ربع
حيدر ابتسمت الها يلا الج الف
رنا يلا زين اذا الف بي لفت فلافل
حيدر عفتهن وطلعت انتظرهن بداخلي خوف لا تنهار وتزعل بعد ما تحاجيني لو راح ترتاح من تزور
طلعنا شغلت تبريد ومشينه طول الطريق هي ساكته ما حجت ولا عبالك احنه وياها بغير عالم حسيتها عليها نامت
وصلنا النجف فتحت الباب ارييدها نزل فتحت عيونها
رنا احنه وين
حيدر بالنجف
رنا باوعتلها وصرت اصرخ لا ما اريد كضني من فوك العبايه ونزلني ويهدء بيها سحبني واني ابجي واصيح مااا اريددد لا عوفني
وصلنا يم اقبور 4 مسطره سوه سحبني اله وحجه
حيدر يلا رنا ابجي عاتبي طلعي الي بگلبج اصحي على زمانج
عفته ومشيت بتجاه القبور وصرت اشهك وجسمي يرجف كعد اكبالها واحجي واصرخ
ليييش عفتونييي ليش واني وحدي ليش ما اخذتوني المن ظاله اني اهنااااا شكلتو لگلبكم من عفتووووني وحدييي منو اليي بجيت وصرخت لحد ما احس راح صوتي وحسيت نفسي ارتاحيت حسيت طلعت القهر المكبوت بداخلي صارت الدنيا شبه مغرب كومني حيدر
يلا بويا. كافي كل فتره نجي نزور وكفت رحت بستهم واني بداخلي اتمنى ادخل وياهم بالقبر
مشينه حيدر راح باسهم وحجه ويا حسام ورجع علينه
رحنه زرنه الامام هم بجيت لحد ما ارتاحيت صلينه مغرب وطلعنا لكربلا
سألنه جوعانين كلنه لا
وصلنا كربلا شفت القبه احس الهوى منعش يدخل رئتي العطر يرد الروح لا اراديا ابجي
حيدر رنا غمضي عيوني واستنشقي هواهم ترتاحين
رنا؛ صدكت غمضت واجر الهوى وكأنو اول مره اتنفس
حيدر يلا رحو زورن نتلاقى اهنا
غدير اي خويا راح حيدر ودخلنه انا ورنا زرنا وكعدنا مددت على رجلي رنا وتبجي وابجي وياها لحد ما تعبت من البجي
يلا غدير خلي نطلع هسه ينتظرنا حيدر
كمنا نريد نطلع جتنا مره جبيره كالت يمه گطعتي كلبي من دخلتي تبجين ما سألتنه ليش بس ظلت تدعيلنه سلمنا عليه وطلعنا شفنه حيدر كاعد فارش بالكاعد وحاط اكل گباله وينتظرنه رحنه عليه
حيدر يلا تعالن نتعشه تاخر الوقت
رنا كعدناا نتعشه اول مره اكل واحس اشبع شفتهم فرحانين لان اكل ابتسمت الهم اباوع على حيدر ما عافني من وفاة اهلي بكل شي يهتم شفت رفعلي حواجبه بمعنى هاا اكو شي اشرتله براسي لا
كملنا اكلنا وطلعنا للفندق مأجر غرفتين طبينا غسلنه وتضيت وصليت وتمددنا اني وغدير اثنينه تعبانين شويه وحسيت بديت اغفي كعدت على صوت التلفون جريته شفت اسم حيدر جاوبت
الووو...............
الى هنا وينتهي. البارت ملتهين بالعيد الاضحى ان شاءلله وره انزللكم
وهل يا تره شراح يتغير بحياة رنا؟؟ وحيدر؟؟
نلتقي في بارت اخرر
استودعتكم الله
