رواية انتقام قدر الفصل الحادي عشر 11 بقلم جمانه السعيدي
قدر لازم افكر واخطط بسرعه لازم اضرب ضربتي قبل
لا يقوى عليه
صباح لازم ياخذ الضربه الاخيره
حتى بعد ماتقومله قائمه ابد
هو الي بدأ ولازم يتحمل شر اعماله
جاي يهددني فوك المصيبه الي سواها جاي يهدد بيه
جمانه السعيدي
ثاني يوم اتصلت برائد وكتله اريدك بموضوع كلش مهم
رائد اي يمتى ماتحبين اني حاضر
اتفقنا العصر نلتقي
اجا اخذني من البيت
بس صعدت بلسياره
رائد اريدج تعرفين شي واحد لو العالم كله وكف بوجهي مااعوفج ابد
البارحه بابا رجع فتح هذا الموضوع وياي وتعاركنا
اريد سبب مقنع واحد يخلي يرفضج ماكووو
اتخيلي يكول لازم تطلع للخارج تكمل دراستك
اعرف هو يريد يبعدني عنج
بس ولله لو اعوف الدوام نهائيا
واعوف البيت واشتغل اي شغله مااعوفج ابد
جمانه السعيدي
اني كتله هذا الكلام بوجه كتله اذا تبقى رافض فكرة زواجي من قدر اعوف البيت واعوف الدوام
حتلو اشتغل حمال وأسكن بخيمه مااعوفه ابد
تعرفين امي تكول هاي ساحرتك
كتله اي ساحرتلي بحبه
متعجبين من تمسكي بيج
مايعرفون اني شكد احبج
البارحه عياطنا وصل للجواربن
واني فعلا مستحيل اعوفج ابد انتي ماتعرفين اني شكد احبج ومتعلق بيج
ومااشوف كل الاسباب الي اهلي ذكروها مهمه
ومراح يبعدني عنج غير الموت
قدر هذا الكلام كله واني ساكته وبس اسمع
رائد حبيبتي ليش ساكته ماتحجين
قدر لان اني مصدومه ومااعرف منيين ابدي الموضوع وياك
رائد ليش شصاير احجي خوفتيني
قدر ابوك اجاني وهددني اعوفك لو يضيع مستقبلي
رائد تحجين صدك لا تخافين بس بهدد
هذا كلام حتى يبعدج عني
قدر اي احجي صدك ومو بس هذا
ابوك عرض عليه الزواج ابوك يريد يزوجني
يكول عجبتني عوفي رائد واني وياج نزوج بلسر
بس اني طردته من المكتب
من شافني رفضته وعصبت علي
يكول ماسمحلج تزوجين انتي ورائد لو يبقى يوم من عمري
لازم اشوفلج مصيبه واضيعج بيه
اني خايفه اني مو كد ابوك ابد
هسه عرفت ابوك ليش مايقبل نزوج
لان هو طمعان بيه
يريدني زوجه اله
واعوفك اني من الصدمه ماعرفت شلون افاتحك بلموضوع
جمانه السعيدي
رائد لا اكيد انتي تشاقين مستحيل يكون هذا الكلام صحيح
قدر عرفتك مراح اصدكني هاك اسمع الكلام بنفسك
فتحت التسجيل
ماتتخيلون وجه رائد شلون صار من سمع التسجيل
قدر هاك هاي المحادثه الي طلب بيه ايدي للزواج
فتحت المحادثه
شوف مو هذا رقم ابوك
رائد شني هاي معقوله راح اتخبل ابوي جاي يرفض زواجنا علمود يزوجج هوو
ولكم عقلي راح يطير من راسي
لا مستحيل وين اكو هيج ابو يسابق ابنه حتى يزوج حبيبته
اليوم اكلب الدنيا اليوم
اليوم اكشفه على حقيقته
قدر هاك راح ادزلك المحادثه والتسجيل
دزيتهن التليفونه
حاله كله تغير وكام مايندل دربه كال اوصلج وارجع اتصل بيج
وصلني للمكتب واني راسا طلعت رقم ام رائد
ودزيتله مسج
اني المحاميه قدر زوجج طلب مني نزوج بلسر
وهو هذا السبب الحقيقي لرفضه زواجنا اني ورائد
وهددني اذا مااقبل بهذا الزواج يدمر حياتي
اطلب منج تساعديني حتى يبتعد عني
ميخالف اعوف رائد بس مااكدر ازوجه
هو رجال جبير بكد بابا وبته بكدي شلون ازوجه
فدوه ساعديني حتى يبتعد عني
اني اخاف على نفسي وعلى عائلتي منه
واذا ماتصدكين هذا الدليل
دزيته المحادثه و كلامه اليه بلمكتب
جمانه السعيدي
رائد رحت للمكتب مالكيت بابا طالع
خليت خبر اريده ضروري
اتصلت بي كال ساعه وارجع
وصلت لكيت امي صايره بارود قدر دازتله المسج والمحادثه
صباح حركو الجو عليه رائد وامه ارجع ارجع
عفت شغلي ورجعت للبيت
اول شي هجمت عليه ام رائد ورائد مسانده
ام رائد طلعت على حقيقتك تريد تزوج مووو
تريد تزوج قدررر
اكول ليش عصبي ودمه محترك ويكول ماخلي رائد يزوجه
لو يبقى يوم بعمري ثاري عاجبته وخال عينه عليه
عاجبتك جان استحيت بكد بنتك
صباح نكرت كتلهم جذب قدر اتجذب عليكم
هاي شيطانه تريد تخرب بيتنا
بس تفاجئت طلعو المحادثه والتسجيل
عرفت قدر ضربت ضربته بلوقت الصحيح
جمانه السعيدي
ام رائد تعوف كلشي ومتأخذ وياك اي شي اطلع من بيتي
طلكني بعد مااعيش وياك
حرامات تعبي ضاع وياك رايح تزوج عليه بلسر وحده بكد بنتك
رائد كلشي توقعت بس ترفض البنيه الي اني اختاريته حتى انت تزوجه شنو من أب انت
شكد اناني خليت عينك على حبيبتي
صباح ضغطي صعد من الصدمه والقهر اني يصير بيه هيج عائلتي تدمر بلحظه حياتي اضيع مني بسبب غلطه
رائد وامه يحجون ويصيحون عليه وام رائد تدفع بيه اطلع برا
كمت مااشوف واحس الكاع تفتر بيه
راسي راح بنفجر
ماكدرت اوكف احس رجليه مايشليني
ااشرلهم مااكدر بس همه مايسمعوني
يعيطون عليه ثنيينهم واني بعد ماحسيت باي شي
وكعت من طولي
جمانه السعيدي
ام رائد لو تموت ماادفنك مو توكع من طولك
هاي الاعيبك مشيهن على غيري
مسوي نفسه تعبان
انت شنو من بشر ماغزر بيك التعب
فنيت عمري وشبابي حتى توصل وهسه رايح تخطب وحده زعطوطه وتريد تزوجه عليه
جان استحيت على شيباتك
رائد اني هم صدكت جاي يمثل علينا لان مصيبته محد مسويه بقه اكثر من نص ساعه بلكاع
كلبي محترك من عملته هاي ومااكدر اباوع علي
بعدين زهراء قربت علي وكالت
الحكووو بابا حلكه اعوج وجاي يطلع منه زباد
رائد نقلته للمستشفى وامي ماراحت وياي راحت بس زهراء
بعد الفحص الدكتور اكد هاي جلطه نص جسمه الأيسر مات
نقلته المستشفى على حسابي وجبتله احسن الدكاتره
بس الكل اكد الجلطه قويه
لو باقي شويه بعد جان راح بيه
قدر عرفت راح تصير مذبحه بيتهم وكانت هاي المذبحه نهاية الحرب بلنسبه اليه هيج اخذت حقي وزياده
