رواية انتقام قدر الفصل الثاني عشر 12 والاخير بقلم جمانه السعيدي
الثاني عشر والاخيررررر
انتقام قدر
جمانه السعيدي
قدر بليلته ماتصل بيه رائد وعرفت المصيبه جبيره
لدرجه مايكدر يتصل بيه
شويه واجاني اتصال توقعت رائد عندي فضول اعرف شنو صار بيتهم
شلت التليفون لكيته عمار
قدر هلو عمار
عمار هلو قدر شلونج
قدر الحمد لله
عمار تعرفين انتي ساحره
قدر لا بله شلون ساحره بلله
عمار من شفتج وانت ماتفاركين بالي ابد
قدر هذا سحر برائيك
عمار اكيد سحر لان اني اشوف اشكال بنات بس ولا وحده أثرت بيه مثلج
قدر مو جاي تبالغ
عمار لا انتي ماتعرفين قدر نفسج ابد
قدر مو هيج اصير مغروره
عمار يلوكلج الغرور
جمانه السعيدي
قدر شكرا تسلم اي وين الرحله القادمه انشاء الله دوله عربيه لو اجنبيه
عمار الرحله القادمه لازم اكسب كلبج وافوز بحبج وتكونين زوجتي وشريكة عمري
قدر مااكدر على هذا الكلام الحلو ابد
عمار احجي صدك اريد نزوج بأسرع وقت ممكن
قدر وليش مستعجل
عمار عمري ٣٠ وتكولين مستعجل بعدين العروسه موجوده واعرفه واعرف اخلاقه بعد ليش التاخير
قدر طلعت انت الساحر وجاي اجرب طقوس السحر عليه حتى اوافق بسرعه
عمار ترا اني خوش ولد لا اضيعيني من ايدج ابد
قدر موافقه بس محتاجه وقت اصفي بي عملي هنا
عمار تحجين صدك موافقه
قدر مو كتلك انت ساحر حبيت اسلوبك حلو مثلك
عمار يابويه شلون انام اليله يمكن راح اطلق العاب ناريه
لو شنو رائيج اروح للمطار واجيب طياره واجيكم
قدر وين توكف الطياره
عمار فوك سطح بيتكم وانزل اخذج وارجع اطير
قدر موافقه
جمانه السعيدي
ثاني يوم رحت الصبح للمحكمه ولكيت الكل يحجي بحالة استاذ صباح
والكل يكول الجلطه قويه ومستحيل يكوم منه رغم اني الي دبرت كلشي بس ضجت علي
اني ماردته يتأذى الهاي الدرجه
دزيت رساله صوتيه الرائد طمني على ابوك
من هاي اللحظه قررت اصفي كلشي اليه بلمحكمه وازوج واستقر
فعلا بديت اخلص شغلي شويه شويه
ويوميه اتصل برائد اطمن على وضع ابو كلمتين على السربع اطمن واسد التليفون
بقه صباح اكثر من شهر بلمستشفى
حتى الكادر الطبي يعالجه ويدير باله علي لان ام رائد رفضت تزوره بالمستشفى اوتعتني بي
بعد ماسمعت بي يريد بزوج عليه
بس بناته يرحن يشوفنه ويرجعن
ورائد الي ابتلى بي بلوه حتى علاج طبيعي يوميه جلسه بس مايفيد ابد
جمانه السعيدي
خلال هذا الشهر اني صفيت كل شغلي
وحددنا موعد للخطبه والمهر
طبعا جابولي فستان وياهم من كركوك يخبل كريمي وبي شغل
فصاله كلش حلووو وجابولي ذهب كميه مو معقوله
طخم كامل وويه الطخم محابس ثنيبن وتراجي ناعمات وكلاده زغيره
ووحده جبيره
سوينا حفله تخبل اهل عمار طايرين من الفرح
وامي وابوي ومرام كانت فرحة ماله مثيل
وراها باسبوعين جهزت نفسي للسفر قررنا العرس بكركوك
واحنا نروح قبل يومين من العرس يعني الحفله هناك
سويت عمليه بكاره قبل أربع أيام من زواجي لان ماكدرت أواجه عمار بلحقيقه ابد
الله يعلم اني ماكان اليه ذنب بهذا الخطء
غيرت رقمي اشتريت رقم جديد
كتبت رساله وخليته بضرف ودزيته الرائد
كتبتله كلشي بلتفصيل صار بيني وبين ابو وهو ماله ذنب بلي صار
بس اني ماكان كدامي غيره حتى اكدر اخذ حقي
قدر رائد ريدك تعذرني وتقدر موقفي وتخلي نفسك مكاني
اذا وحده من خواتك صار وياها هيج تسكت لو تفكر تاخذ حقه اني كنت ضايجه ومقهور وقربت منك حتى اخذ حقي من ابوك ابوك طلب يزوجني بلسر
حتى يستر على الفضيحه ويخفيه
اسفه كنت اتمنى التقيك بضروف احسن من هاي
انت انسان اكثر من رائع
انت شهم وكريم واكيد راح تقدر وضعي وتسامحني
جمانه السعيدي
دزبت الرساله منا وراسا سافرنا الكركوك وصلنا وكعدنا بيت اسيل طبعا بيت عياله قريب عليهم كلش
وعمار مامصدك مكابلنا وكاعد
سوينا عرس شكد مااحجي قليل يخبل والأجواء هناك
خياليه
ازوجنا وليلة عرسنا كانت شي مختلف
عمار انسان راقي بشكل مو طبيعي
ماما وبابا ومرام بقو اسبوع يمنا ورجعو البغداد
بعدها سافرنا اني وعمار الدبي
بقينا اسبوع ورجعنا
اول سنه زواج ماكو مكان مارحنا سافرنا الكل دول العالم
كلما يسافر عمار ياخذني ويااا
بعد سنه طلعت حامل وبعد ماكدرت اسافر ويااا
من يسافر نبقى اني وخالتي بلبيت
عرفت من رنا ان صباح أصبح مقعد وحتى كلام مايكدر يتكلم ورائد محتار بي حتى عاف الدوام اخير سنه
حتى يراعي ابو
صارت عندي بنيه سميناها لجين
بعدها كدرت احصل تعيين بمصرف بقسم الشوون القانونيه
كلشي فات من عمري بجهه وعلاقتي بعمار شي ثاني
شكد انسان راقي وحنيبن
رغم يسافر هواي واشتاقله حيل احبه ومتعلقه بي
وصاينته لان هو يستاهل
بعمري مااتندمت على زواجي منه ابد
الحمد لله الي ساعدني حتى اوكف واحقق ذاتي
اكيد راح تلوموني ويجوز الي سويته مو صحيح بس ماكان كدامي غير هاي الطريقه حتى اخذ حقي
