رواية مقبرة الاحياء كامله وحصريه بقلم سارة جعفر
البارت الأول 
.
.@أبرز المعجبين
حسب الموقع الجغرافي للعراق الجبال فقط في الشمال، اما في ذي قـار تكون الجبال على هيئــة رجال..
734
صوت الرعد يكزبر الجلد، شگ السما بخط متعرج وللحظة تحولت الدنيا من الليل للنهار بسبب الرعد القوي الدنيا ضلت تضوي والصوت يدوي بالمكان كله، أحس البيت يهتز بيَّ من قوتة بلعت ريگ وغمضت عيني من سمعت صوت المطر الغزير وقطرات المطر التضرب الأرض بقوة..
أسمع حس عدنان أبن عمي يگول لأبو بصدمة محتلة صوتة
-طلع من السجــن بوية طلع!!
319
رجف گلبي من ذكر أسم "السجن" ومعدتي موتتني من الوجع رجليه يرتعشن بخوف والقلق أكل عقلي، أسمع أصواتهم الخايفة والمرتبكة ممزوجة ويَـ صوت الرعد والمطر وكلامهم الكفيل يخليني أرجف من الخوف أكثر من رجفتي من البرد..
104
زفرت نفس بهدوء ورفعت أيدي اليدة الباب فتحتة وطلعت
-شكو؟
76
همست كلمتي وعيوني تباوع بالوجوه بقلق
التفتتلي كفــاح مرت عمي رياض وگالت
-أجاك الموت يا تارك الصلاة
بعد ما حچت جملتها أجتها نوبة ضحك طويلة!
421
محد أهتملي من الموجودين وكملو كلامهم سوى بحديث مهم وبتركيز عالي من الكل، ورجفة أيدي الواضحة من ذكرو أسمة
-طلع من السجــن اليوم، طلع حُـــرّ وشلون طلع!
632
أبن عمي عدنان يسولف ويبلعم واخوانا الثنين گاعدين بصفة وحالهم مو أحسن من حال عدنان، بينما عمي رياض گاعد وفاك عيونة بصدمة همس بأرتباك شارد الذهن
-طلع؟ شطلعة بعد هاي السنين شجابة النا "خريج السجون".
321
رفعت أيدها جدتي بُشرى طگت فخذها بحسرة وتولول
-يمممة شطلعة يا يمة، باچر عگبة يذبحكم وما يرفلة جفن ولكم هذا خريج سجــون مشهودلة بالچتــل!!!
452
هز راسة عمي رياض صافن بحيرة مخلوطة بصدمة من رجعتة من السجن شرجعة بعد هاي السنين شجابة، محد راح ينكسر بطلعتة هاي غيري كتمت شهگتي وغصتي جوة صدري وعيوني تفتر بيناتهم من نطق رياض بقلق واضح على عيونة
رياض: چا ولكم أشگد عار نسجـن ١٥ سنـة وطلع!
346
عدنان: ١٥ سنة وما مات ولا تمرض ولا تسودن وطلع صاحي..
256
رياض: مو زلمة هذا بلاء!
102
عدنان: بوية أنه مو سامع مطببين عليه وادم تچتلة؟ شو ما نچتل!
156
رياض: ياهو يگدرلة، غير چتلهم ونيمهم مستشفى بمچانة..
271
عدنان: بسجـــن وما گدرولة چا أحنى هنا نگدرلة؟
97
كفاح: وشلنا غرض بي، لا صوبة ولا گرباه نتكفى شرة خل المصيبة الراعيها هوَّ يتحمل الراح يصير بي..
كملت كلامها وباوعتلي بأبتسامة شماتة تقصدني بكلامها
306
كلهم توجهت نظراتهم عليه أبتسمت جدتي بُشرى أبتسامة عريضة والتجاعيد تارسة وجها، نطقت بشماتة واضحة بصوتها
-أجة چتالچ ولچ..
616
بلعت ريگ وگلبي يدگ بلعومي، حُرّ الخايفة منة كل عمري طلع اليوم من السجــن وصار گدام عيني، طلع ومحد راح يمنعة من الراح يسوي بيَّ طلع وحقد الدنيا تارس گلبة عليه، ما شايفتة كل عمري سامعة بقصتة وأسمة وكل حياتة وقصتنا سوى بس ما شايفتة ولا مرة..
325
رياض: أنه ما رحتلهم بعدني ما شايفة، شلون صاير شكلة بعد كل هل سنين؟
39
عدنان: بويية دهيرة صاير موش زلمة لو تشوفة تتسودن تحسة مبدلينة مو ذاك هوَّ طالع مستفحل ومتسودن..
108
أبتهج شكل عمي رياض وهمس بفرح
-يعني فگد عگلـة؟
85
-لااا بوية لااا مو هيچ قصدي
18
-چا شتقصد ما تاكل تبن وتسولف!!
66
بسرعة نطق علاء أبن رياض الوسطاني
-أنه أسولفلك بوية بالك وياي، طب حرّ طلع واحد ثاني جسمة كلة مدگدگ، زنده هل عرضة وعيونة تخلس چنة بي ملچ ولا چنة طبيعي وصاير شكبرة!
531
رياض: هذا شيطونة بالسجن!
121
علاء: أندري، لو تتنوع لأيدة هل عرضها
97
رياض: چا مو طب چنة دلمة؟
257
علاء: چا صارلة ١٥ سنة بالسجن تغير يا بوية تغير..
32
عدنان: لو تتنوعلة شلون يسولف چن مشتري الوادم أنه عبالي راح يطلعلنا مسودن ويركض بالشوارع، بس أظنة راح يسوگ على العشيرة مالتنا كلها!
139
رياض: ما سايبين أحنى " للمسودن خريج السجــون" عدنا وادم أجاويد وكبار تحكمنا..
عدنان: بوية شني نسيت هذا كلة حلالة وحلال أبو؟
211
رياض: على طاري حلالة وأستفحالة، عمكم صمد شگال من شافة؟
102
علاء: شگال ظل يبلعم مخلوس ماله حس ولا فك حلگة
49
رياض: سولف وياكم لو لا؟
13
علاء: لا ما سولف ولا سلم علينا لبسنة مثل القنادر وطب
289
رياض: شو هذا كلش فايت بزودة شني الفلم ماخذ ماجستير وهيچ متكبر على الوادم كلة خلگ مسودن خريج سجون وچاتل!
122
عدنان: بوية تريد الصدگ ترى الزلمة ما عرفنا ولا واحد بالبيت عرفة يعرف بس جماعتة الچانو يرحولة للسجــن، أول ما طب راح لعيالة..
93
رياض: چا حگة ما يعرفكم هينة الـ ١٥ سنة، من طب أنتم أكبركم مراهق وهسة كلها زلم مشوربة، أنه ظنيت ما يطلع يموت بالسجن من أول يومين بس شمدرينة ثعلب بكل مچان يعيش..
61
صفن ياسر أصغرهم من الولد وهز راسة باله سارح يباوع لأبو
-شلون عاش ١٥ سنة كاملات يوم ينطح يوم بين أربع حيطان وطلع هل عرضة بي عافية وعظمة خشن؟
239
عدنان: لأن بين أربع حياطين لا تدگ عليهم الشمس ولا يتحركون چا أكيد من الراحة العايشينها يصيرون چنهم بيبان..
161
رياض: يا راحة ما تاكل خرا، غير يومية مطببين عليه واحد يچتلة ويومية متعارك ومطببينة أنفرادي وفلقة والكتل يصعد وينزل عليه بس هوَّ چان حتى أبو هيچ چنة نسر مو بنادم طالع على أبو.
يحچي بحسد وحقد ينفض من عيونة
192
مسحت وجهي العرگ وأحنى بعز الشتا وجريت نفس لأن أختنگت وضاع الهوى بريتي شحط بلعومي وضليت أگح من سمعت عمي رياض التفتلي ورفع أصبعة
-بس يريدچ أطيچ اله
306
عيوني غوشن بالدموع وصرت ما أشوف بيهن عدل
-عمي بس أنتَ تدري بي راح يكتلني!
-وأنه هذا الأريدة
-ليش تنطيني اله روحي هلگد رخيصة؟
-أرخص من القندرة
391
الشهگة مچلبة بصوتي گوة أحچي
-والله أخاف منة لا تخلي ياخذني
-نچبي لا وعلي هسة أگوم أخذچ اله
136
عدنان: شني ما رايدين رواحتنا وما ننطيها اله؟ أنطيها وانه الممنون خريج سجــون ينخاف منه هذا ما يتآمن على ساعة يچتلنا كلنا..
140
علاء: بوية لو تشوف الأستقبال السوو اله جماعتة، الذبايح ترست الگيعان والهوسات ما وگفت رباط يجر رباط ويطب مهوسچي يطلع الثاني وجسام أولهم صارلة شهر يفتر بالمراكز على طلعة حرّ وهسة شاعل الدنيا شعل بفرحتة بي، رجليه تگطعت گد ما هوسلة وكل رباط يحچي لـ حرّ يهد الحيل!
284
رياض: الديرة كلها أسمعها مخبوصة بجيتة..
31
علاء: ذبو فلك جماعتة وبعد جسام وتدري شني جسام إذا ذب رباط لو هوس هوساتة تخبل والوادم كلها تموت على هوساتة، ويتسباگ ويَـ المهوسچين برباطاتة لـ حرّ فرحان بي
150
بُشرى: چا بس تصفى الدنيا نروحلهم خاف عبالهم معادينهم وأنه أسولف ويَـ خاتون إذا حرّ يريدها أحنى نجيبها اله مالنا شغل بيها وين ما يوديها عسما ياخذها "لصالح" مالنا غرض..
237
نمرد گلبي مرد بحچاياتهم لزمت رجلي أسيطر على رجفتها وگعدت بالگاع ما تحملت الرجفة الصارت بجسمي ودموعي تصب بقهر وحزن على حالتي
"بايعيني بالرخيص الما يسوون يتنوعون لظلي"..
230
كل واحد راح لغرفتة طشو من الهول وضليت أنه وحدي ويَـ دموعي الما فارگتني وحسراتي وشوغات گلبي، عصرت مكان گلبي بأيدي راح يطلع من مكانة ما تحملت أضل هنا وأدري كلها جاي تسمع نحيبي وفرحانين بكسرتي ودموعي گمت بسرعة طبيت وسديت الباب ورحت گعدت بالزاوية أبچي
24
هوسة براسي تشبة هوسة السوگ
ودموعي تطفي البيتة محروگ..
288
ثاني أسوء ليلة تمر بحياتي من بعد ذيچ الليلة الدمرت عمري كلة بذاك اليوم عرفت حياتي وقصتنا أنه وحُرّ سوى، أول ما فتحت عيني على الدنيا نحكم عليه بالعذاب والخوف والألم الرافگني طول العمر..
89
عشت كل سنين عمري على كلام أفراد هذا البيت ما فارگتني يسولفون براسي وكل كلامهم يدور حول قصتنا أنه وياه، وكلمتهم طبعت ببالي ليل نهار يسولفونها الي "حُرّ چتالچ".
225
روحي بأيد حُرّ، عشت كل عمري وأنه أفكر على يا ساعة راح أنكتل وبياه طريقة، بينما كتالي معروف..
50
الليل كلة ضليت أبچي وعيوني ورمن، بس ما برد گلبي ولا لحظة وحدة داوي نار ودمعتي تهمل على خدي لحد ما طر الفجر أنه على نفس الگعدة بحيث أحس رجليه يمشي بيهن نمل وذاكرتي ترجع تسترجع لحياتي الغريبة المُريبة
19
چنت طفلة صغيرة ما أدري شمنتظرني من أكبر غمضت عيني ورجعت ظهري لوره وصوت يهمس براسي
-چتالچ متانيچ
فكيت عيوني ذبلانات ويوجعني
39
ثار چبير ثار ما يخمد للگاع، ثار نهدر هواي دم علمودة، ثار تدمرت حياتي كلها بسببة..
101
قبل سنتين توفو أهلي، أبوي طاهر وأمي هجران بحادث، وماكو غير عمي رياض يخليني عايشة ببيتة رغم نص هذا البيت لأبوي بس سلبو حقي كلة وذلوني لأن گعدوني بالبيت هذا وعمي رياض أخذ أملاك أبوي وكلشي عنده ما خله فلس واحد وعاش بخير أبوي
وكفاح مرتة أخذت كل ذهب أمي وضلت تتكشخ براسها، أبوي طاهر چان أغنى من عمي رياض وكل حلالة ومالة خذو وما گالو يتيمة هاي ياهوَّ الها عيشوني بجحيم رغم چنت مدللة بس أنه عد أهلي وأمي وأبوي معيشيني أميرة يتخبلون عليه چانو حيل حبابين..
109
وبين يوم وليلة صارت من الأميرة للخدامة، وكل هذا ما راضين لعبو بحياتي لعب بطلوني من المدرسة وخلوني بس أكرب وفلس واحد ماكو عندي جنسيتي وكلشي يخصني ماخذهن رياض وماگدر أطلع منا لهنا شبر لا عدي فلوس ولا عدي مستمسكاتي وأنه بعدني صغيرة وأخاف من الشارع وظالة محتارة..
71
وتغيرت حياتي من عشت وحدي بين وحوش بين ناس ما ترحم بين وادم ولد أبليس، جدتي بُشرى مخلفة أبوي طاهر وعمي رياض الوحيدين وحُرّ وبقية العائلة الچبيرة من نسل خاتون زوجة جدي الأولى فـ جدتي بُشرى عزلت هِيَّ وولدها بيت وحدهم وخاتون بيت هِيَّ ولدها وراحو أهلي وأستفردت بيَّ هِيَّ وأبنها.
312
أجة النهار وريتة ما أجة ضليت وحدي بالبيت لأن كلهم راحو لبيت حُرّ عازمين الوادم كلهم وعشو الديرة كلها بعزيمة طلعته من السجن الوحيدة أنه ما رحت لأن بروحتي تنگلب الفرحة فاتحة أسمع الهوسة وأصوات الزلم لأن بيوتنا قريبة وما طلعت أبد، ومرت الأيام وبيت حُرّ مخبوصين أسبوع البيت مالك محط رجل بي
46
الوادم كلهم أجوهم يتباركون الهم على طلعتة من السجن والهوسة ما فارگتهم وبيت رياض كلهم ليلهم نهارهم بذاك البيت وأنه هنا وحدي تعيسة وحزينة منتظرة موتي..
29
واگفة أسوي ريوگ وهنَّ كلهن گاعدات بالمطبخ يسولفن ويضحكن كفاح وبناتها الثنين وجدتي بُشرى، التفتتلي كفاح وگالت
-الحوش خايس ليش ما غسلتي؟
64
صفنت عليها بأستغراب
-غسلتة قبل شوية
-چا أشگد وصخة، غسلچ ما مبين
-لا مبين، بس يمكن أنتن خايسات وتارسات البيت بخيستچن
292
فكت عينها مصدومة وأنه وأصلة وياي كلش اليوم، حطيت الريوگ گدامهن مخنوگة كلش كلهن أكبر مني وكلهن ما يشيلن العود من الگاع وبس يتأمرن عليه وإذا ما سويت اليردنا يگلن لعمي رياض يطگني، ما يخلي بيَّ عظم صاحي..
38
ضحكت كفاح وگسمت الخبزة
-بعد أيدي بالراح يسوي بيچ حرّ تستاهلين
-ما خايفة الله وكيلچ، الله موجود إذا خبث البشر طغى
-لسانچ طولان كلش ينراد عمچ يربيچ من جديد
-عمي ما رباچن كلچن يجي يربيني أنه!
طفرت بتها أجت تگوم عليه
-هييي أكلي تبن لا أگوم أگطعچ تگطع الرعنة
109
باوعتلها بطرف عيني ما منطيتها أهمية، باوعت لجدتي بُشرى تضحك ولا هامها ما نصدمت لأن كل عمرها هِيَّ هيچ مو زينة وياي ولا تحبني ضلت تدردم
-راح أفتك منها وأخلص من هل جهرة الزفرة
56
طفرت بت كفاح الثانية من مچانها فرحانة
-رادها حرّ جدة؟
-ولا جاب طاريها لابسها
-چا مو گلتو أول ما يطلع يكتلها؟
-يچتلها يچتلها، إذا مو اليوم باچر وإذا مو باچر عگبة تموت على أيد حرّ مچتولة..
202
عينها بعيني تباوعلي فرحانة من تشوف الخوف بعيني، رجف گلبي بخوف وطلعت من المطبخ محتارة أخاف من رياض الظالم إذا لزمني يموتني كتل، لو أخاف من حُرّ..
46
أحس بوجع تارس گلبي، آلم ما عايشتة من گبل حرورة مثل چوية طفل ما تنسي غورگت عيوني بدموعي وأزيح بالدمع ويرجع يهمل على خدي منين أجيب الصبر وأنه گضيت حياتي مهدور عمري وگلبي خلصان..
30
جريت حسرة طويلة وعيوني تدور مكان بي راحة ماكو، أول ما صارت عيني على البستان وفكرت أطب لهناك علمود أرتاح شوية بسرعة درت وجهي علمود أطب للبيت لأن إذا درو بيَّ يمثلون بجثتي ويگطعون مني لحم رغم ماكو واحد هنا بس ما يرضون أطلع، يردون بس يكربون عليه ومسويني خدامة
31
رجع يلعب الشيطان براسي وأفكر هسة ياهو يفگدني لو أموت أسبوع محد يذكرني خل أروح أختلي بروحي شوية وحدي لأن گلبي راح يطگ وإذا ما بچيت هسة يمكن أكتل روحي باوعت منا ومنا أتفگد المكان خاف واحد يشوفني لفيت شالي على راسي عدل وتلثمت بي بس عيوني طالعة ورحت للبستان بحذر أدري محد يجي بهذا الوكت الدنيا مغربية ولون السما برتقالي يخبل وشوية ويصير الليل..
210
أحنى عايشين بمنطقة ريفية من أرياف الناصرية، عدنا گيعان وبساتين ونخل بساتينة چبيرة وتخبل طبيت وعيوني تتنوع بكل مكان الخضار تارس الگاع وبكل كتر والنخل شعلاته وجذعها يختل وراه بنادم والشجر متروس بالثمار والماي على صفحة صاير والهوى يرد الروح گعدت جوة شجرة چبيرة والخضار تارسها أجر حسرات وحايرة بزماني والدموع أخذت مجراها ليش أنه دوم ذبلانة ومكتوب عليه الحزن وما أزدهرت بيوم..
150
بين العتب لروحي وبين البچي الما يبرد جروحي، جريت حجارة صغيرة وشمرتها بَـ الماي صاير قريب عليه أبتسمت من سمعت صوت الماي ومسحت عيني وأنتبهت الدنيا ظلمت وراح يصير الليل أرتبكت خاف تصيرلي مشكلة وگمت من مكاني بسرعة علمود أرجع للبيت بس رجعت گعدت بدون تفكير وفكرت شيصير خل يصير ما أگدر أرجع مختنگة حيل وأحس بجبل على صدري روحي مفرفحة وإذا رجعت هسة يمكن أسويلي مصيبة لأن واصلة حدها وياي..
هواي أفكار أجت ببالي گمت من مكاني أخذت تفاحة من الشجرة علمود الهي روحي أخذتها للماي أغسلها ورجعت لمكاني جوة الشجرة وأنتچيت أكل وصافنة وأحس بچوية نار برجلي، شمرتها من أيدي وشهگت متوجعة ورفعت ثوبي بسرعة أريد أشوف شنو هذا الآلم الغريب الأول مرة أحس بي بحياتي عبالك جمرة نحطت على رجلي والوجع وصل للعظم!!
121
يبس گلبي من حسيت شي ثگيل على رجلي ويتسلل لفوگ شي چبير كلش قيد رجلي والتف عليها حيل لدرجة حسيت رجلي راح تنمرد من الوجع بسرعة نترت رجلي وأتلمس بيها بخوف أحس بشي چبير عليها وملمسة يخوف صحت برعب
-دخيلك يا علي!!
235
أول ما نطقت گمت من مكاني فازة بس عثرت على وجهي بگوة سيطرت ورجعت أزحف لورة لأن ما أگدر أگوم عبالك شخص كاضني من رجلي وأسمع صوت ثاني وياي بالمكان رغم چان فارغ والصوت ما ينفهم مثل الفحيح رفعت راسي على مكان ثاني بعيد عني شوية روحي ممرودة وخفت بالزايد، تلملمن مصايب الدنيا عليه من شفت زلمة من بعيد واگف فترة يباوع عليه!
144
أجة بخطوات سريعة بلعت ريگ بخوف وتمنيت أختفي بهل لحظة
-يمة
26
همستها بصوت ناصي ما سمعه وأسمع حس خشن ونفس الزلمة واگف گدامي ينتر
-ياهي أنتِ؟
110
بلعت ريگ وأحس ما أتحمل الخوف بعد بسرعة گلت
-أني وردة
372
صفن عليه مستغرب وجودي بهل مكان وبهل الوكت، گال بأستغراب
-شنهي تسوي هنا؟
62
ما رديت عليه وصار هدوء وبس صوت شهگاتي بدون دموع من الخوف يبست دموعي بعيني أشتغل ضوة خفيف ضوة من تلفونة موجهة عليه رغم أكو ضوة بس خفيف، سكت لحظات ونطق بأستغراب
-شنهي تسوي هنا وأنتِ حرمة؟
73
ما عرفت شنو أردلة بقيت ساكتة، صرخت خايفة من حسيت نفس الشي يتحرك على رجلي بسرعة طفرت من مكاني وهوَّ تفحصني بالضوة، نعتيت من أيدي حيل وهمس
-أوگفي يَـ مهبولة حية ملفوفة على رجلچ لا تچتلچ!
349
ما سويت أي ردة فعل غير السكوت وهوَّ بسرعة حط شي على الگاع ثكيل ما گدرت أشوفة وجرني بأيدة والأيد الثانية لزم الحية من راسها وسيطر عليها ورفع راسة الي
-حسچ ما أريد يطلع كضي الضوة خل أفلتها منچ
74
هزيت راسي بسرعة وجريت التلفون من أيدة أضويلة وهوَّ بسرعة جرها من رجلي وشمرها بالگاع وجر السلاح من الگاع وبظهر سلاحة طگاها على راسها كتلها والتفت عليه نتر بعصبية
-شنهي تسوي هنا؟ شعدچ تخوري بالبساتين!
93
ما رديت وبقيت ساكتة زمخ بصوت عالي
-خرسة؟ أحچي شماااالچ؟
39
جر نفس لأن ما رجعت جاوبتة وأنه بس حاطة اللايت بوجهة وساكتة مسح وجهة بعصبية ونتر فاتح عينة بوجهي
-شمالچ الله ثاولچ؟
-الحية لدغتني..
نتر بصوت عالي
-هِيَّ مَن تلتم تلتم
78
شهگت بغصة طالعة من صدري أباوعلة ساكتة التفت عليه رفع حاجبة
-برجلچ مو؟
-أي برجلي لدغتني
-حدري نشوف تاليها
142
-ما أريد ما أريد، روح
-شنهي الما ترديه شنهي؟ حلاوة جاي أطيچ؟ راح تنچتلي وتموتي مسمومة أگعدي خل أشوف رجلچ شبلاها..
196
بسرعة گعدت خايفة صوتة عالي وينتر نتر ويزمخ خفت حيل وأستغربت تصرفاتة هذا شبي لاطش، جر الضوة من أيدي وگعد گدامي ركبة ونص عينة على رجلي تلمس الجرح صرخت متعورة عكمش وجهة عبالك حس بالآلم، رفع راسة
-تنوعي
152
حچاها وأنتبهت لأيدة بيها شي ما جاي أشوفة عدل باوع لعيني ومسح على شاربة
-تتحملي؟
73
أنفض من الرجفة والوجع گلت بخوف
-شنو؟
4
رفع أيدة الضخمة المدگدگة وبينت بيها سچينة شهگت
-تريد تذبحني!
267
يباوع عليه مستغرب گال بأستهزاء
-عگل صخلة
207
بقيت خايفة وعاجزة وبگوة أخذ النفس ما أدري ليش لساني صار حيل ثگيل والنفس بصعوبة أجرة وعيوني مغوشة والگحة ذبحتني همس وأصبعة على حلگة
-أششش بســچ
30
-ليش تردون تموتوني شمسوية أنه شمسوية!
-يا قنادر؟ حســچ يگعد الميتين گصري..
92
-أنه راح أموت وأنتَ بطران
-چا تظلي هيچ؟ سمها يموت يَـ مهبولة
23
رجعت أكح وآلم حاد موتني، وحرگة بمكان اللدغة ورجلي ورمت كلش وشكلها صار يخوف ودموعي تتسابق مسح وجهة بنفاذ صبر وهمس يتصنع الهدوء
-ليش مطولتها وهِيَّ گصيرة؟
18
-أنتَ شتريد مني؟
-بالچ وياي
-راح أموت
-عمرچ طويل
-الوجع كتلني يا يمة الحگيلي
96
أهذي بيني وبين روحي وما أجة على بالي غير أمي، وهوَّ گاعد گدامي مسح على شاربة وصفن على حالتي بحيرة وجر حسرة واضحة
-عينچ الي
-شنو شتريد!
-أطلعلچ السم من رجلچ علمود ما ينتشر بكل دمچ وتموتي
ما أگدر ما أگدر گتلك الوجع دمرني
-اللهم طولچ يا روح!
16
-روح عني أنتَ روح
-إذا تظلي هنا وحدچ يچتلچ الوجع
17
-يمة
-وغمة
327
رفعت عيني اله يباوعلي وعيونة ذبلانة من التعب حچة ببحة صوت تعبانة
-شلون بلة هسة؟
-أخاف والله أخاف
-اليخاف ما يعيش
-خلي السم خلي برجلي
-تموتي يَـ مهبولة
87
حسيت روحي بين نارين ونار تحرگ أكثر من الثانية عصرت ثوبي بأيدي وجريت نفس أهز راسي لا مسح شاربة نفذ صبرة رفع أيدة يأشر بيها بنتر
-يابة والله العظيم ما تعور
-عايزة وجع أنه؟
18
-تحملتي لدغة الحية ما تتحملي دواها؟ أحسلچ ما تموتي هنا وحدچ مثل الچلبة ريگي نشف، فحطتيني هسة تردي أساعدچ لو لا؟ علمود أعوفچ تموتي هنا وحدچ وأروح!
44
خنست بمكاني ساكتة مسحت دموعي وهزيت راسي أي
-بس ما أريد أهيسلچ حس!
-أحط رداني بحلگي؟
-ذيبة
148
بلعت ريگ بتوتر ما أعرف شلون العلاج بس أعرف مو هين ولا سهل أنطاني الضوة أضويلة وجر شماغة من راسة لف بيها رجلي من جوة الركبة وشدها حيل بحيث رجلي صار لونها أزرگ وأنحصر بيها الدم رفعتلة عيوني ودموعي على خدودي
39
-ليش شديت رجلي؟
-علمود السم ما ينتشر
-بس عورتني
-تحملي
58
شهگت وأحس محتارة منين جاي يجيني الوجع للحظة تخيلت يگطمون رجلي كلها والدموع ضلت تتسابق والوجع ينهش بلحمي والگحة موتتني وضيق التنفس عندي كارثة رجعت ظهري لوره وعيوني ذبلانة أغمض وأرجع أفتح
26
-أششش بالچ وياي
-الوجع بدى يصعد لجسمي كلة
-قاومي
-ما أگدر
25
-صيري ذيبة
-تعبت ما أگدر بعد
-بعدنا ببداية الدرب گولي يا الله!
ما أريد ما أريد عفية أخاف
-تعبتيني وأنه خلگي على گدي نفس واحد بعد أحط چيلة براسچ وأخلص من حسچ..
38
-شعليك!!
-بزعتيني ما تگليلي شنهي تريدي!
29
ما رديت عليه أباوعلة وأضويلة ودگات گلبي تنسمع جر جداحة من جيبة وچوة نبلة السچينة بيها ولزم رجلي حيل وجرحها أكثر من جرح وكأنما يبزها نصدمت ما عبالي هيچ العلاج صرخت مصدومة والدم صار نافورة لأن هوايه جرح رجلي وحاصر الدم خفت من منظر الدم!!
56
-بســچ هيدي
-راح أموت روحي جاي تطلع راح أموت
-ولچ حسچ يجيب التاية أسكتي
-يمة الوجع ينهش بيَّ يمة
59
أستغفر وجر حسرة ومسح وجهة بچف أيدة وأنه بعدني أبچي متخبلة أحس روحي راحت من شفت الدم وهوَّ بگوة لازم روحة ضغط على أسنانة وتقرب عليه وبسرعة گال
-كااااافي أسكتي لا يسمع حسچ واحد ويجي
23
-خل يجون وإذا أجو نعلى على والديهم كلهم
-مو يلفقولچ تهمة تكسر ظهرچ
-شيسوون؟ شيردون؟
-لا تحچيني يرحم والديچ لا تحچيني بس أنطيني مهلة..
49
جر دشداشتي على رجلي لأن كلها مكشفة وباوع منا ومنا خاف أكو واحد هنا جر باكيت الجگاير وفتحة بأيد وطلع الجگارة بأسنانة من الباكيت جر الجداحة ورثها وحچة وهِيَّ بين أصابعة ببرود
-ها أها گضت سهلة
42
-سهلة؟ صدگ لو گالو الوجعة ما توجع غير راعيها
-أكيد رجلي ما راح تعورني وياچ، شنهي تربط فيشة مثلا؟
-السالفة مو هينة الوجع لحد هسة يدگ بگلبي
-الله يساعدة لگلبچ
205
فريت أيدي
-هينة هِيَّ علمود سهلة غير روحي طلعت
13
سند ظهرة على النخلة البصفي وتفگتة بصفة مسح گصتة من العرگ وعينة ما رفعها مني ما گدرت أفتهم نظرتة بس نظرة أستغراب وحيرة وقهر نظرات أول مرة أشوفهن من شخص عليه
-وين أهلچ؟ ليش مسيبيچ؟
أنتفضت بقهر رفع حاجب وأبتسامة جانبية على وجهة
-شعندچ تفتري بالبساتين سحير الليل لو شنهي فلمچ!
-مالك غرض..
-ليش تفري السالفة مبين ما عاجبچ تجاوبي
-أي ما أريد أسولف وياك أسكت عني
32
-مو بكيفچ؟ الدنيا مو هيتة شعدچ طابة الگاعنا؟ منين أنتِ؟
-گتلك مالك غرض
-يابة هاي گاعنا تفتهمي لو لا!
-ليش تلح تريد تعرفني ياهي شعليك رحمة لله
-الگاع گاعي أريد أعرفچ دخيلة، ناهبة، سالبة، شعدچ هنا!
68
سكتت مقهورة وأيدي على خدي وجهي متعرگ وغادية ماي ما أگدر أگوم وأرجع للبيت لأن رجلي منتهية جريت حسرة طويلة أريد أرتب أفكاري وشسوي هذا بعده موجود يفتر على راسي وما عافني أبد لأن على بالة أنه هنا غريبة والگاع گاعة فـ ردت طريقة أنهزم منه بيها
10
أسمع خطوات تتقدم علينا بحذر بسرعة باوعت لعينة بخوف
-يمة ياهو هذا؟
-شمدريني
105
خنست بمكاني وعيني على الدرب مرتبكة فزيت على صوت وراي صوت يبس گلبي
-حرّ
156
صفنت بعينة يمة هذا حُرّ الچنت متانيتة كل هاي السنين بخوف صار كابوس حياتي، كلها تخوفني بي هسة أنه وياه وحدنا بلعت ريگ من التفتت على الشخص وشفتة جسام واگف وصافن علينا
62
راح عليه حُرّ يدخن أشر بأيدة عليه ببرود
-حرمة غريبة طابة لگاعنا ما ترضى تسولف منين جايتنا
104
باوعلي جسام بخوف ورد باوع لـ حُرّ بأرتباك
-لا لا مو غريبة هاي
-چا ياهي؟
-من بيت عمي رياض
58
التفت عليه متذمر ونتر
-چا ما تسولفي؟ حلگي يبس وأنه أسألها!
36
أبتسم جسام وربت بچف أيدة على چتف حُرّ
-البت خايفة شمالك!
17
والتفت عليَّ جسام مخنزر
-شتسوين هنا؟
100
ما رديت عليه لأن حالتي حالة بعدني أنزف وروحي رايحة راسي راح ينفجر حُرّ شمر جگارتة بالگاع وگال
-روح أنتَ وأنه راح أخذها لأهلها
-أنه أخذها لأهلها روح أنتَ
صفن حُرّ على جسام ومبين كشف أرتباكة الواضح بس ما حچة شي هز راسة وجر سلاحة من الگاع
-أخذها ولا تخلي أهلها مرة ثانية يطلعوها بالبساتين
23
وقبل لا يروح باوعلي ونتر
-تخور
122
ساعدني جسام أوگف على حيلي وأخذني وياه بسرعة وثنينا ساكتين بس دگات گلوبنا كشفت خوفنا من أبتعدنا عن المكان وطلعنا من البستان كلة، التفت عليه وزمخ
-مسودنة أنتِ مسودنة؟
25
رفعت چف أيدي مسحت وجهي من العرگ أكح
-لا تظل تغلط
-ولچ رحتي لچتالچ برجليچ
-ما رحتلة هو أجاني
84
فك عينة على كبرها
-عرفچ أنتِ وردة؟
-لا ما عرف، شافني بالبستان
-ترى حرّ ما يگعد بگاع ودوم طالع لا تطلعين هل فترة
-چا شني أظل محبوسة؟
-يابة بس أنطيني صبر الگه حل والنوب نشوف تاليها
-أخذني للبيت الله يخليك
-أمشي أمشي أنعل أبو حظچ الخايس..
127
يمشي ويدردم وأنه ما أرد عليه ملتهية بضيمي وآلم رجلي أجر برجلي جر وهوَّ ما أنتبه لوضعي أبد لأن ما شال عينة وباوعلي
دوم عينة بالگاع ما يتنوع للنسوان جسام أبن عمي من بيت حُرّ حفيد "خاتون" هوَّ وحرّ وكل البقية ما عدى عمي رياض وأبوي من جدتي بُشرى هذاك بيتهم حيل چبير وبي هواي ناس..
142
فتحت الباب طبيت والتفتت على صوتة
-ترى بيت رياض ماهمَّ بالبيت
-چا وين راحو
-معزومين ببيتنا
-خوش
160
-أصيحهم الچ؟ خاف تخافين وحدچ
-لا ما أريد مشكور
-محتاجة شي؟
-لا مشكور
152
حچيت كلمتي وسديت الباب لأن ما أتحمل أوگف على رجليه بعد طبيت للبيت لجوة وحدي، ورجلي ترجف رحت للمخزن العايشة بي فتحت الباب وطبيت گعدت وأنتچيت على الحايط الوراي الوكت يمر وأنه باقية بين ونيني والوجع الينهش بلحمي ودمي الينزف گدام عيني عيوني تصب بدموعها والعرگ تارس گصتي والكحة موتتني..
183
سكن صوت ونيني من أعتلى صوت باب المخزن صوت صدئ مزعج يوضح الباب أشگد قديم تسرب الضوة للمخزن المظلم الگاعدة بي وسرعان ما غطى هذا الضوة جسمة الضخم من صار گدامي واگف بالباب، ملامحة ما بينت عندي بسبب كثرة الظلام نزلت عيني من حُرّ للسلاح البيدة طب وأنه عيني ما نشالت من السلاح...
