رواية مقبرة الاحياء الفصل الثاني 2 بقلم سارة جعفر
البارت الثاني 
.
. حرّ وجناحي أگصة بوكت العناد وأموت وما أطير براحتك نش، على يا ساس تحرمني البساتين شرط فزاعتك بيها أنصب العش.
186
أسمع صوت خطواتة ودگات گلبي تتسارع صوت نفسي الواضح بهدوء المكان همست بخوف
130
طال سكوتة وللحظة صفنت على نفسي وحسيت بيني وبين الخبال شعرة شنو منتظرة من أطلب المساعدة من شخص أجة لهنا علمود يكتلني سلاحة بأيدة ومبين جيتة عليَّ غمضت عيني وأحس بمرارة تارسة حلگي وصوت يتردد بعقلي
-چتالچ
150
ضغطت بظفري على لحم أيدي ودموعي ما سكتت وهوَّ ما نطق حرف سمعت صوت حسرتة الواضحة وصوت خطواتة التتقدم عليَّ بهدوء وبطئ دنگ عليَّ وگنبص گدامي وهمس
-شعدچ هنا!
243
رفعت عيني اله ولأن طب ضوة خفيف للمكان گدرت أشوف عيونة السود التباوعلي بنظرات غريبة حيل رجفت جسمي بلعت ريگ وهمست
-ساعدني راح أموت!
302
رفع أيدة المدگدگة وبچفة تحسس گصتي جر حسرة وهمس
-غادية نار..
339
گصتي عرگانة ويصب لعرگ لحد رگبتي بحيث أحس روحي غرگانة بين الدم والعرگ وعيوني تغيب عن الوعي وترد رفعت عيني بثگل للباب جسام واگف مصدوم بمكانة التفت عليه حُرّ
-السيارة جســام بساع
174
طلع جســام يركض من الغرفة والبيت كلة وحُرّ يصيح وراه
-طلقة أريدك بالباب..
121
بلعت ريگ وأحس خشبة مچلبة ببلعومي وحتى ريگي ما أگدر أبلعة أتلفت وجر عبايتي لفني بيها وحجابي بعده على راسي حط أيد جوة رجلية والأيد الثانية جوة راسي ورفعني من الگاع صار وجهي بصدرة وأيديه محاوطتني أحس بخطواتة وهوَّ يمشي ويطلع من الغرفة ودمي بعده يجري من رجلي بسبب الجروح الهواي التنزف ويگطع ويرجع ينزف ورجلي مورمة وصايرة تخوف!
226
فتحت عيني شفت روحي بالحوش مالتنا وبعدني بين أيدين حُرّ رمشة عيني ثگيلة وكل شوية أغمض عيوني وأرد بصعوبة أفتحهن وأقاوم ما يسحبني السواد، وكل ما أغمض أفز على صوت حُرّ يغلط ويفشر على جســام لأن تأخر
136
رفعت عيني اله أحچي
-دمي خلص
-لا ما خلص بعد بيچ چثير
-راح أموت
-ما تموتي تعيشي..
بلعت ريگ وعيني غارگة دمع أباوع لعينة بتعب وهوَّ عينة ما شالها من الباب متاني جســام على أحر من الجمر وأول ما طب للبيت بأيدة سويج السيارة وبعده ما ناطق حرف يريد يحچي زمخ حُرّ بصوت فزيت وأنه بين أيديه
-أببببن القندرة وين وليت تمشي على بيض مكسر ما تگلي!
161
باوعتلة بخوف خانسة وجسام فحطان يجر النفس بصعوبة
-ولك سيارتي طالع بيها أخوي، أخذت سيارة من الولد
53
مشى حُرّ بسرعة وطلع من البيت وأنه دمي يگطر وراي الگاع متروسة بدمي للحظة فكرت راح يخلص دمي لأن البيت أنترس بي نزفت هواي بخبال اليطب للبيت تنهبط روحة عبالة صارت جريمة قبل لا يطب لهنا، جسام يسوق السيارة وأنه گاعدة وره وحُر بصفي..
85
آون من الوجع أحس أريد أشرد من عده بس وين أروح من شي بيَّ عيوني تنترس بدموعي وأمسح بيهن ويرجعن ينزلن أودي راسي مناه ومناه لحد ما صار چف أيد چبيرة على راسي وبهدوء حط راسي على چتفة رفعت عيني اله باوعتلة بتعب حُرّ حاط راسي على چتفة!!
506
بلعت ريگ وضليت مخليه راسي على چتفة وهوَّ ما باوعلي أبد عينة لگدام الدرب طويل بين الريف والمدينة، والمستشفى صايرة بالمدينة ماكو يمنة الوجع ياكل بيَّ وما أدري شسوي علمود أخلص منه مديت أيدي على زند حُرّ القريب مني وغرست أظافري بزندة
100
باوعلي بطرف عينة بدون ما يهتم، وأنه ما واعية على روحي شجاي أسوي أيد أعصر بعبايتي وأيد بأظافري على زندة لحد ما حسيت روحي مثل الغفيت وفزيت على واحد يشيلني فتحت عيني فازة بخوف همس وعينة لگدام
-أششش لا تخافي
141
فريت عيوني بالمكان حُرّ يمشي بيَّ لداخل المستشفى وأخيرًا علاجي قرب بسرعة أسعفوني وخلولي مغذيات وأبر وطلعو السم الباقي بجسمي، خلصت العلاج الفجر طلعنا من المستشفى وجريت نفس لأن تعبت من العلاجات والمستشفى..
121
والدكتور قبل لا نطلع سولف هواي ويَـ حُرّ وحب جرآئتة بموقفة لسواه من لدغتني الحية حب نبهتة وذكائة لأن ما خلة السم ينتشر بكل جسمي وطلع قسم منه، وهاي حركة نسويها علمود نساعد الشخص المتسمم ما ينتشر السم بكل جسمة ونحاول نطلعة لان الدرب بعيد عن المستشفى.
120
گعدت بالكشن الوره وهلمرة حُرّ بالصدر، جســام باوعلي بالمراية
-شلون صرتي؟
57
همست بصوت ناصي مبين عليه المرض
-أحسن
-الحمدلله عدت
38
أبتسمتله بتعب ورجعت راسي على الكشن غمضت عيوني والسيارة تمشي وأسمع بس أصواتهم يسولفون..
20
حُرّ: خايب ما تاكل تبن سرسري غير كلة من وراك!
جسام: چا خوية أنه شمدريني؟
27
حُرّ: رجلها تخر دم، غير تاخذونها لمستشفى لصخام أبوك!
55
جسام: ولك شمدريني، لا أنتَ أنطيتني خبر ولا هِيَّ أنطتني شمدريني أشم گفة أيدي، مو أنتَ شگگت رجلها چا ما خذتها للمستشفى؟ ماتت بلة
51
حُرّ: أنه كل ظني أهلها ياخذونها، شلون أخذها أنه عبالي بت رياض مالي حگ بيها ولا تظل تچفص شني شگگت رجلها مسودن أنه؟ غير علاج هذا طلعت السم من رجلها علمود ما ينتشر لحد ما توصل للمستشفى ويعالجونها شمدريني رياض وقنادرة عدنا!
133
جسام: بلة هذولة مچودرين عدنا
20
حُرّ: على ساس خيرين واحدهم عده عشر وجوه
73
جسام: هههههههههه غير صايرين صحبة ويَـ بيتنا المچاليب
24
حُرّ: كل ظنهم يعبرن عليَّ هذني مطگطگهن جوة رجليه من چنت فرخ ياهل..
159
جسام: غنم حشاك، الحمدلله فطنت بسرعة ورديت للبت چا صار بيها شي
19
أستغربت من آواخر كلامهم، يعني الفهمتة حُرّ أجاني مو علمود يكتلني علمود يساعدني زين هوَّ عرف أنه وردة شلون ساكت عني وفوگاها ساعدني عقلي أفتر، أسمعهم كملو كلامهم سوى يسولفون ومندمجين..
80
جسام: أگلك صدگ أنتَ ما تبطل طلايبك؟
17
حُرّ: شمسوي ما تگلي!
14
جسام: غير يومية مسويلك طلابة
18
حُرّ: يعيلون بيَّ تريدني أسكت؟ تخسى
107
جسام: غلس عليهم خل يولون
حُرّ: يلمالك شر مالك هيبة.
336
سكت جسام وأنه صفنت بحچايتة، رجلي بعدها توجعني أحركها بصعوبة وأباوع للطريق، چانو يسولفون بأريحية ومتونسين أنتبهت الهم علاقتهم قوية وثنينهم بارود ونار خوش صحبة متوالمين..
52
أول ما جســام وگف السيارة گدام شارعنا نزلت من السيارة وأنه أسند طولي على باب السيارة وگفتي عوجة بس الحمدلله حالتي أحسن، بسرعة جسام نزل من السيارة وأجة عليَّ باوعلة حُرّ بأستغراب من شاف أرتباكة الواضح تحمحم جســام ونطق بتوتر
-روح للبيت حرّ أنتَ اليوم هواي تعبت
122
طال سكوتة شوية وهمس بهدوء
-شمالك جسام؟
32
بلع جســام ريگة وعيونة بيني وبين حُرّ
-مابيه شي، أنتَ بيك شي؟
54
سكت حُرّ وأحس بينت على ملامح وجهة الباردة طول الوكت النرفزة رجفت أيدي لزمتها بأيدي الثانية أثبتها وعيني ما نزلت من عينة فر عينة من جســام لعيني يباوعلي بنظرة عميقة بسرعة قاطعنا جســام وهوَّ يگول بأستعجال
-يلة وردة گبل للبيت، حرّ أنتَ تعبان روح أرتاح وراك شغل وأنه أسولف لعمي أبو عدنان السالفة..
65
هز راسة حُرّ وبسرعة لگفها، وعرف جسام خايف منه عليَّ خايف يأذيني بس ضلت الفكرة تتراود ببالي حُرّ عرفني أنه وردة، مشيت ويمشي وراي جسام همس بصوت بيني وبينة
-ترى حرّ دره بيچ أنتِ..
153
بلعت ريگ ورفعت عيني اله بخوف
-أنه ما مسوية شي، مو ذنبي!
40
جر حسرة طويلة وهمس بعتب
-چا أنه گلت مذنبة أنتِ؟ ليش تخلينا نفتح دفاتر عتگ يا وردة يا خوية!
230
سكتت ومشيت لباب بيتنا أول ما فتح الباب جســام ولازم أطب ما أدري ليش التفتت على مكان حُرّ نص التفاتة كل ظني راح بس من التفتت لگيتة بنفس مكانة يباوع عليَّ نظرتة رجفت طولي باوعتلة هواي وهوَّ بنفس مكانة أحس گلبي يريد يطلع من مكانة
-طبي جوة
65
التفتت على صوت جســام اللي يأمرني أطب بخزرة بسرعة طبيت وضل حُرّ عالگ بالي، ليش ساكت طول الوكت وما نطق حرف وياي وما جاب طاري العداوة البيناتنا أنه كل ظني أول ما يشوفني يگطع مني وذر، شنو جاي يدور ببالة مو والله راح أتخبل!!
76
أول ما طبيت للهول صارت بوجهي كفاح مخنزرة وزمخت
-أجت الدايحة أم الزلم أجت، السايبة بنصاص الليالي!!

ما أستغربت من ردها وكلامها لأن متعودة عليها، وأول ما طب وراي جسام عاگد حاجبة ومصدوم بحچيها شمرت أيديها ووجها صاير أحمر مختنگة وتأشر بعصبية
13
-الصلفة جايبتة وياها وجاية، عفية **** ماكو سالفة سگط ما سوتها وماكو خيسة ما مطببة راسها بيها!!
70
ضل واگف بمكانة وبصدمتة ساكت وكل ولدها وبناتها ملتمين وأولهم عمي رياض واگف مخنزر ولام أيدة يريد يشرب من دمي رفع أيدة جسام ونتر بيها بعصبية
-ما تستحين أنتِ؟ إذا الكبرة هيچ چا الخلفة شلون تطلع؟
62
عدنان راد يهد على جسام جراه عمي رياض لوره وخزرة
-لحد يفك حلگة أنه أتصرف.
35
أبتسم جسام بأستهزاء ونطق بكلمات مبطنة بيهن بسمار
-چا عمي حگهم ما يهابون مچانك، الخلفة تتبع الأم والأم ما شاء الله ما مقصرة مكفية وموفية..
91
كفاح تريد تشرب من دمة من حقدها عليه، زمخ رياض
-سولف عدل جسام لا تضل تچفص لا أدوس بطنك
-شتدوس عمي ما تگلي إذا أنتَ أهلك ما هابوك تريدني أنه أهابك!
155
بحچايتين دفع رياض وخلاه يشيل روحة ويرگعها بالگاع، ما أعتقد جسام متقصد يترس براس رياض بس حچاها من صدگ وأستهزاء بي لأن مرتة وولدة تصرفو گبلة وهاي عيبتها چبيرة عدنا رفع أصبعة عمي رياض وحطة بوجهة جسام
-إذا تعيدها هاي بعد لسانك أگصة!
66
بكل برود جسام باوعلة بنظرة أستصغار وكمل
-بعد هذا شي بينك وبين عائلتك، تريد تضبهم ويحترمون وجودك تريد تخليهم على راحتهم، الرآي رآيك شلي غرض أنه بس جبت بت عمي طاهر من المستشفى لأن من چنتو ببيت حرّ البت لدغتها حية وخذتها يعالجونها گلت أنطيك خبر.
24
طلعت ضحكة صغيرة من كفاح بأستهزاء ما مصدگة وفرت أيدها
-خوش أعذار هاي
وقبل لا تكمل حچايتها زمخ بيها رياض صوت لصمها لصم

بلعت ريگها وعينها تجدح نار من حقدها وغيضها، وفوگاها رياض فشلها وقلل من مقدارها گدام الوادم رياض خوش عربانة وجسام ما يعرف شلون يدفع وتلاگو، التفت رياض وگال بنتر
-والليل كلة تعالج بيها بالمستشفى؟ ششفتنا يا عمي وجهي مال تضحك عليه بحچايتين فدوة أروحلك!
35
-هاك هاي تحاليل البت وكل أوراق المستشفى
أنطاهن لعمي رياض الرفعهن يباوع بيهن وهز راسة
-هاي هِيَّ خوش.
26
وأول ما كمل كلامة التفت على صوت علاء اليگلة بحقد
-بوية شفت حرّ گبل شوية بباب بيتنا وياه وردة وجســام!
47
فك عينة وأندار علينا باوع لجسام ونتر
-ها ولك شو ما سولفلتي؟
-چان وياي خذانها سوى للمستشفى
-شعجب ما چتلها!
-ما يچتلها هوَّ مو مسودن..
93
جرني من أيدي عتني عت ويگول
-أخذوها أخذها ولك ذبها عليه يريد يچتلها يريد يگطعها وذر مالنا غرض خل ياخذها ويفكنا منها
94
طاحت دمعة من عيني ودموعي صارن شلال نعصر گلبي مثل عصرة أيدي لثوبي، عيني ما رفعتها من الگاع داوية نار أحس الدنيا كلها طلعت من عيني وأنه أشوفهم مستصغريني لهاي الدرجة وذاليني رفعت عيني لجسام النبرة صوتة تغيرت وأختنگ
-من كل عقلك أنتَ!
86
هز راسة رياض بسرعة وبكل صلافة يگلة
-أي چا غير حگة، حگة بوية ثارة هذا ياهو يعوف ثارة؟ خل يچتلها
88
مات جسام عروگ رگبتة نطن وعينة خبطت حمرة
-عمي شمالك!
38
ردت كفاح بنبرة مسمومة متروسة حقد
-يمة يمة أجانا اليحچي بالشرف، خلي المستور مستور تستشرف بروسنا والوادم كلها تعرفك أنتَ شني ياريت ما ندري عاد نصدگك شريف مو سالفتك لا تنضم ولا تنسد..
131
فك عينة ولم أيدة يريد يكتلها نظرة عينة الها خوفتني أنه وهِيَّ تحير شتسوي علمود تقهر بالوادم جســام باوع لعمي رياض
-مع الأسف والله مع الأسف ضال أنتَ بس فاك حلگك وهاي مادة لسانها متر لگدام!!!
بسرعة نطقت قبل لا يرد رياض
-ما مچذبة
-هينة چا أعلمكم اليستشرف شيسوي..
22
-عوفك من هاي السوالف هسة وروح أخذها اله
يحچي ببرودة دم فورت أعصاب جسام وزمخ بعصبية
-عرضك هاي عمي عرضك!
-لا مو عرضي ولا أريدها الزلمة حگة بيها..
70
-أنه لو بيدي من زمان ما خليتها عدكم ترحون فدوة لخيط بعبايتها، عبنكم موش أزلام بس وحگ المات عطشان إذا شفتلي واحد بيكم يسترخصها أحطلي بي چيلة وأچتلة فنكم تدوسولها على طرف.
271
كمل كلامة وعيونة تخوزر بيهم بحقد وفكة يرجف من عصبيتة طلع وطبگ وراه الباب حيل بلعت ريگ والتفتت ألهم العيون كلها تخوزر بيَّ والحقد يطلع من نظراتهم الغيض تارس گلوبهم عليَّ كلهم نفس النظرة ينظرولي بنفس الوكت..
17
جريت حسرة وكفاح حطت چف أيدها بين زندها وجسمها وگالت بحرگة وصوت يلعلع
-حاطتة هنا، حاطتة جوة أيدها عفية بت ما عبرت العشرين صايرة مذابح بين الزلم علمودها شمنطيييييتة وچاتل روحة عليچ شمنطيتةة؟؟؟
131
باوعتلها بقهر وگلت بصوت متروس حقد
-خايبة تخسين
87
جسام مثل أخوي زلمة زين وما يرضى على الغلط، لزمني عمي رياض وبثنين أيديه طگاني على وجهي بنفس الوكت حسيت خدودي أشتعلت بيهن نار ودموعي تصب وهوَّ يغلط ويسب بيَّ وبأهلي وأنه مفرفحة من الوجع ورافعة أيدية بس أحمي روحي ودفراتة التجي بخاصرتي شوغت روحي لامة روحي بالگاع أريد أحميها ماكو أحط أيدية على راسي خايفة وأبچي وما أدري الطگة منين تجيني
112
گعدت على حيلي صافنة بزماني وأيدي على راسي محتارة بعد ما عافني عمي رفعت أيدي بهلع وحطيتها على خشمي وباوعتلها أنترست دم خشمي طگ دم من الحرگة ما أدري من كثر الكتل، بسرعة حاولت أگوم علمود أغسل وجهي من الدم بس نغزني وجع رجلي ورجعت گعدت مابيه طاقة..
30
السراميك متروس بدمي وأنه سابحة بالدم، عمي يطگني بكل حيلة عبالك يتصارع ويَـ زلمة ما چن بت گدامة جريت حسرة وگمت أسحل برجلي سحل للمخزن فتحت الباب والصوت كارثة مزعج بسرعة سديتة وراي ورفعت ثوبي أباوع لرجلي!

السم والتعب وكلشي بصفحة وكفاح بصفحة من هدت عليَّ علمود أگوم أنظف المكان لأن أنترس بدمي، شنو أحقر من شعور أنظف بدمي التارس الگاع؟
89
نظفت الگاع من الدم وضليت فترة أنه أنظف مو لأن المكان وصخ أو تعبني بالتنظيف، بس لأن أنه مريضة وتعبانة ما أگدر، أمشي وأسحل برجلي سحل لأن ما أگدر أدوس عليها گعدت فحطانة
23
لحد ما كملت وطلعت من بيت عمي رياض للبيت العايشة بي، متمددة على ظهري أباوع للسگف أجر حسرات تطلع من نص گلبي ودموعي من عيوني للمخدة، كل نفس أخذة أحسة سجين ينبت بصدري حفظت الچينكو الحديد الصاير سگف غرفتي على الغيب من گد ما أصفن عليه وعيوني تمطر بدموعها مستمرة..
42
الليلة گلبي من التعب ما نام
وأسمع ونين يدگ بالعظام..
81
بيت عمي رياض ما مگعديني ببيتهم، ما يردوني فـ مخليني أنام بممر وره بيتهم صغير عرضة متر ونص وطويل حيل مخلين بي كل أشيائهم الما يردونها والسگف چينكو حديد..
92
مسحت گصتي وأحس المكان أشگد بارد بس صار حار گصتي صارت جمر وتصب عرگ، گعدت على فراشي مغطية رجليه بالغطه وأفرك بگصتي لأن الصداع كارثة حتى عيني أحسها نعمت وما أگدر أفتحها من قوة الوجع والصداع گمت من مكاني بگوة على روحي أدور بجنطتي الحاطة بيها غراضي طلعت حبوب صداع شربتة
29
والتفتت على صوت هوى عالي جاي من ناحية الشباك، الشباك يطل على شجرة چبيرة ضاله بس غصن أوراقها طايحة بالگاع وتخوف بالليل، أسمع صوت خطوات على أوراق الشجر اليابس وصوت هدوء الليل المرعب!
46
أحس بأحساس غريب كأنما أكو شخص جاي يراقبني ويشوفني بس ما أدري وين ومنين، صوت الهوى بعده يجول بالجو گمت من فراشي فتحت الباب أباوع منه، المكان أظلم ما بي ضوة غير ضوة الگمر يضوي المكان بلعت ريگ بخوف مستغربة ولازمة الباب وصافنة لبرة أدور شخص ثاني بس ماكو غيري هنا؟
56
سمعت صوت بصف الشباك صوت خطوات وتبعهن صوت حسرات دگ گلبي بخوف رحت بخطوات مترددة على الشباك وعاگدة حاجبي باوعت من خلال الجام البيني وبين المكان الفارغ وره البيت حُرّ گاعد ومنتچي على حايط الشباك لابس دشاشة سودة وبأيدة سلاحة الما يفارگة يجر حسرات وبصوت ناصي متروس حزن وقهر يغني مندمج وهوَّ يعشگ مخزن سلاحة فشگ..
62
-البارحة بالحلم چني لهلي رديت
وما بين ناسي گعدت، چن سولفت وبچيت
ريت الحلم ما گضة، وريت أنه ما فزيت
ضاع العمر غربة، كلمن مشى بدربة
550
ضليت صافنة عليه بأستغراب شعده هنا، گاعد ومندمج وصوت الطلقات يركبهن وحدة وره الثانية واضح ويَـ صوت هدوء الليل جمدت بمكاني صوتة متروس حزن بس بنفس الوكت حيل حلو..
همست بصوت متردد يرجف
-حُرّ!
57
ما رد ولا عنده رد فعل عبالك جامد وعينة ما نزلها من عيني
-أفتحي الشباك
46
بلعت ريگ وهزيت راسي لا وهمست
-روح
8
بدت تنرسم أبتسامة خفيفة على وجهة لحد ما كبرت وهمس
-شلون أروح وأنه جاي هنا علمودچ؟
357
رجف گلبي بخوف وعين عليه وعين على الظلمة الوراه همست بخوف
-فدوة روح
10
أبتسم وأيدة على جام الشباك يباوع بعيني
-أنه جايـــچ..
110
نشف دمي بوريدي، من حچاياتة الدگن بصدري والكبر الخوف بگلبي من أختفى وعبالك جاي ينفذ كلامة تخبلت من الخوف گعدت بالگاع لأن رجليه ضلت ما تعيني أوگف وأيدي على حلگي عاصرتة عصر وعيوني مفتوحات على كبرهن أحس راح يطيحن گدامي وأنه أريد أكتم خوفي بس ما گدرت..
23
بچيت بكل حيلي، بچيت بخوف وقلة حيلة وأفكاري ما هدئت يعني الليلة راح ينتهي كلشي؟ الليلة راح يتنفذ أنتقامة وياخذ ثارة منهم بيَّ الليلة راح أموت بعد ما متت ١٥ سنة بكل ليلة يذكرون أسمة؟ أفكار وهلوسات تجيني وشوية شوية حسيت بروحي بديت أفقد عقلي
66
أباوع من الشباك وعيني على السما والوكت خلص وهوَّ ماكو مختفي النوم فارگ عيني، والخوف ما عاف گلبي لحظة مسحت عيوني أحسهن ورمن من البچي والسهر همست لروحي
-ماكو شي، أنتِ قوية وأقوى من كلشي..
33
فتحت باب المخزن وطلعت من الغرفة لأن مستحيل بعد أگدر أرجع أنام مختنگة والمكان أحسة يخنگني بالزايد، رفعت عيني للسما وأنه بنص الحوش وعيوني مدمعة وبدون وعي مني همست
-ربي كلها ضدي لا تخلي ظلمي يدوم..
40
أول ما نطقت كلمتي التفتت لجوة سديت الباب وتمددت على فراشي حاولت أنام بس ماكو آمل لحد ما مرت ساعات وحسيت روحي بين الغافية والواعية وأسمع أصوات يمي فكيت عيني صارت عيني على حُرّ واگف بغرفتي بأيدة سلاحة ويباوعلي لحظات بس چنهن عمر.
116
بلعت ريگ وعيني بعينة همس
-تعاي
70
مسحت عيني بخوف بس جاي أحاول أستسلم للأمر الواقع وما أبين خوفي گدامة، ليش خايفة وهاي اللحظة صار سنين أعرف بيها بس كل كلامي هذا تبخر أول ما تحرك من مكانة وتقدم عليَّ بسرعة حطيت أيديه على وجهي
25
أسمع صوت ضحكتة العالية والتعبانة وأنه ما مبين من صوتي غير شهگتي التشگ صدري، صار هدوء للحظة حسيتة راح بس فتحت عيني لگيتة يخنزر بوجهي
-عليمن تبچي؟
89
دگات گلبي بدت تزيد لامة رجلية لصدري بخوف
-روح بروح عزيز گلبك روح عني!
عيونه بعيوني وصوتة يهمس بتعب
-عدي وياچ حچي
55
صوتة خلاني بدوامة حيرة وتفكير، ليش هيچ وضعة مو طبيعي تگول مسودن الحچاية يجرها جر عبالك سكران وأسمع صوتة هادئ بس يحچي بحذر
-بالچ وياي
42
تخبلت المكان ضيگ حيل مترة ونص وصاير قريب مني حيل هيئتة تخوف حط أيدة على الباب والأيد الثانية رفع السلاح بيها طالت نظرتة عليَّ
-ليش تشلعي أفادي؟
167
ما رديت عليه مسحت دموعي لأن عيوني غوشن مدنگة وأمسح بدموعي وأحچي بغصة
-روح، روح منا، أنتَ سكران ما تدري بروحك شتسوي!
70
فك عينه مصدوم ورفع أصبعة يأشر على روحة
-أنه؟
127
ما رديت عليه مستمرة أبچي أجة عليَّ بسرعة ونترني من زندي رفعني گدامة وگفني يحچي بنتر
-أنه سكران؟
114
خفت من لزمتة لزندي مردة مرد بأيدة شهگت بخوف
-عوفني كافي
32
هزني من زندي حيل وزمخ بوجهي
-أنه سكران؟؟؟
106
نترت أيدي منه وگعدت بالگاع أبچي وأهلوس بتعب وخوف
-أي سكران، ومسودن أنتَ واحد مو بعقلك تريد تكتلني..
95
صفن عليَّ صفنة طويلة فرك وجهة بچف أيدة بقسوة
-گومي أحاچيچ
28
ما گمت ولا رفعت وجهي وباوعتلة، مستمرة أبچي من خوفي نزل عليَّ گنبص گدامي حط أيدة وره رگبتي وجرني عليه بچف أيدة برهاوة يباوع بوجهي
-أنه ما أسكر، بس صدگ مسودن
وره كلمتة مباشرةً أبتسم يباوع لعيني بعمق..
160
خانسة بأيدة وأباوعلة همست بتلعثم
-شتريد مني؟
-چثير..
179
رجف گلبي وجسمي، والمكان ضيگ وصاير كلش قريب مني ولازمني وضعة مو طبيعي يجر بالحچاية جر بتعب وخمول وعيونة ذبلانة شعرة مخربط ونفسة عالي وحار يضرب بوجهي وعينة بعيني ما نزلها
57
لزمت أيدة أفلتها من رگبتي
-عوفني، عوف رگبتي لا تكضني
-تتنگسي مني؟
-حرام، حرام تكضني أكتلني بس لا تحطني بحرام..
148
بگوة تطلع الحچاية من حلگي من الخوف صفن بوجهي بغرابة ورجع يفرك بوجهة بتعب عافني من أيدة وصفن على الفراغ فترة مو گصيرة وأنه مترددة وخايفة أحاچيه لحد ما تشجعت وهمست بتردد
-شتريد؟
28
رفع عينه لعيني بنظرة مطولة وعميقة همس
-أريد چثير منچ، أحچيلي المتانيه من ١٥ سنة لليوم أنتِ الوحيدة هنا أريدچ عندچ كلشي أريدة!
عگدت حاجبي بخوف وأستغراب همست بتوتر
-شتريد مني؟ بشنو تريد أساعدك!
24
بينت أبتسامة مريبة على طرف شفتة همس وصوتة ممزوج ويَـ هدوء الليل
-أچتل صالح..
313
فكيت عيني ودگات گلبي زادت شحط بلعومي وضليت أكح لحد ما دمعن عيوني رفعت عيني وهمست مخنوگة
-مالي غرض، ما عليَّ بصالح أنه ما عليَّ!!!
36
رجع جرني من فكي وقربني لوجهة حيل ويجر بالحچاية جر
-أشششش، هسة تسولفي كلشي
-كلشي ما أدري أنه ما عليَّ والله
38
أنتبة لخربطتي بالكلام وخوفي وأرتباكي عگد حاجبة ونفسة الحار بعده يضرب بوجهي
-مبينة ضامة شي ما أدري بي أنه؟
-ما ضامة والله ما عليَّ مالي غرض بواحد
22
أرعش من كل كتر حتى لساني أحس ما أگدر أسيطر عليه فك عينة بتعب وخزرة وتقرب عليَّ زحفت لوره بخوف وهوَّ يتقرب عليَّ أكثر وأكثر نلطشت بالحايط بخوف وعين عليه وعين على سلاحة المركون على الحايط
26
-سولفي وردة سولفيلي شتعرفي عن صالح!!
-ما أعرف والله وروح أمي ما أعرف
-خرب بعقلچ ليش تچذبي ولچ
61
بچيت وهزيت راسي أكثر من مرة
-لا والله لا ما أچذب
-تضحكي عليَّ وردة تضحكي عليَّ!!!
100
باوعتلة بأستغراب وگمت على حيلي وهوَّ يفرك بوجهة رفع عينة بتعب وقهر وجر حسرة
-سولفي راح أموت سولفيلي تسودنت والله!
44
مسحت العرگ من وجهي وگصتي وحاولت أسحب الخوف من گلبي خصوصًا من شفت حالتة شلون متدهورة وتعبانة همست بخفوت وتردد
-ما أعرف شي عن صالح والله ما أعرف
6
حط أيدة على سلاحة جراه يسحب أقسام شهگت بخوف التفت عليَّ وهمس
-آشششش
كتمت صوتي بخوف وصايرة بينه وبين الحايط
20
صفن بعيني وأيد على السلاح وأيد رفعها عليَّ أشر بأصبعة
-صالح أكضة، وأنعل شيب الخلفة أمثل بجثتة وستر زينب وثاري ما يبرد منه أنه چتالة..
10
سكتت ما حچيت شي، كلامي ما يقدم ولا يآخر سالفة صارلها ١٥ سنة ثار ما يبرد وراحت بي هواي ناس وأنهدرت هواي أعمار مستحيل أگدر أغير شي أنه، بلعت ريگ ومسحت وجهي
-أنه ما عليَّ، لا تجيني بعد لا تجي
31
باوعلي بطرف عينه وبعدها أيدة على الأقسام المسحوب
-ما أجيچ وما چاتل روحي عليچ، أجيت أخذ مچان صالح العار منچ وأروح أچتلة الخنيث خاتل ما يطلع روحة ههههه چا ما أگضة؟ وستر زينب أچتلة وأسحگ على دمة..
91
بچيت بخوف وتعب شوكت تخلص هاي المشكلة حطيت أيدي على وجهي ونفجرت أبچي، باوعلي بطرف عينه نظرتة ذبلانة وعينه جواها أسود مبين هواي سهران وتعبان وعيونه كلها شرآيين حمر بلع ريگة وتفاحة آدم تتحرك
-ليش تبچي؟
108
يحچي بشك وحذر ما رديت منهارة أبچي
-روح ولا تجي بعد ما أريد أشوفك، ما أريدك الله لا يوفقك أنتَ دمرت حياتي كلة من وراك الجاي يصير بيَّ..
73
جر سلاحة وطلع من الغرفة وأسمع خطواتة برة بالحوش يمشي بتعب باوعتلة من الباب ما مصدگة راح يروح وعسا ولعل يطلع من حياتي يروح منا ويرجع منا عبالك واحد شارب لمن مال بس مبين على وجهة ما شارب وحتى من صار قريب مني مابي ريحة شرب بالعكس ريحتة طيبة
149
بس حتى مشيتة ما يسيطر عليها چلب بالحايط وسلاحة بالأيد الثانية نزل سند روحة على الحايط ونزل عبالك حيلة راح گعد بالگاع وضل فترة طويلة ما متحرك من مكانة منطيني ظهرة تخبلت ما كيفت راح يروح شعده گاعد هنا!
32
ضليت الطم على فخذي وروحي رايحة من الخوف بالله إذا شافو الوادم بالبيت وياي وانه وحدي مو يسوولي مشكلة شكبرها أحتاريت شسوي خاف أروح أحاچي وهوَّ مبين مو بوعية مسودن وساحب أقسام ويكتلني
19
ضليت گاعدة بباب غرفتي وساندة راسي على الباب ودموعي تجري بهدوء، أحس عيوني ورمن والدنيا طلعت من عيني وبدى يكشف الجو ويطلع الصبح وهوَّ على نفس الگعدة لدرجة ما تحرك ولا حركة أستغربت وعگدت حاجبي!
28
فكرت صاير بي شي لأن مستحيل گاعد، رحت بخوف وتردد بصف الحايط أمشي لحد ما صرت گدامة من بعيد باوعتلة وشهگت مغمض عيونه ومنتچي على الحايط وما أدري نايم مغمى عليه، لو ميت..
21
من الهبطة گعدت بالگاع أبچي وأرجف ميتة خوف وما عدي الجرأة أتقرب يمه وأشوف بي نفس لو لا بس شكلة عبالك ميت وجهة أصفر حيل وشاحب وعيونة ذبلانة شعرة مخربط وحالتة حيل تعبانة بچيت لحد ما حسيت راسي داخ
گمت رحت گدامة بمسافة گصيرة بيناتنا وگلت يلة وردة بعد عليمن خايفة أكو شي ما صار وياچ، وإذا تردين تموتين على أساس حياتچ حلوة ومتمسكة بيها گعدت على ركبي گدامة وقربت أيدي على گلبة أريد أشوفة ينبض فتح عيونه على كبرهن بوجهي فاز!!
89
شهگت وگعدت بالگاع من الخوف
-يممممة
61
فرك عينه بتعب يستوعب، همس بصوت مبين من خلالة چان نايم
-وطمة، عليمن تصرخي!
169
عگدت حاجبي بأستغراب وهوَّ عبالك گاعد من النوم فاتح تك عين بصعوبة وتعب
-شكو حاطة چهرتچ الزفرة بنص خلقتي!!!
195
بلعت ريگ أباوعلة بحيرة وهوَّ يباوع منا ومنا، همس بصدمة
-أنه أخوك!
198
حطيت أيدي على خصري وأشرت على الباب
-ما نايم بغرفتك ترى، يلة روح منا
27
باوعلي بنظرة متأكدة عنده هواي حچي بگلبة بس يمكن ما حب يجرحني، گام من مكانة بتململ وهمس
-أشتعلت روحك صالح
79
التفت باوعلي وهز راسه
-ولو أنه ما مصدگچ، بس حرمة شگدر أسويلچ!
-كفيني شرك ونعلى على والديه إذا جبتلك طلابة
61
باوعلي بطرف عينه وهمس
-خفة هل خلقة هاي
204
مسحت الدموع من عيني جر سلاحة والتفتلي
-أسمعچ تعوي يم راسي گبل شوية، عبالچ متت؟
-أي والله عبالي متت
-چا شلچ غرض تبچي عليَّ عمة ولد خالة بنيه؟
-ما باچية عليك، بچيت من الخوف
116
عگد حاجبة بأستغراب واضح على ملامحة
-وإذا متت منين خفتي؟
-تخيلتك جثة وگدامي متت وطلعت روحك
-أنه ميت بس النفس ضال بيَّ..
103
حط عينة بعيني وهمس بنبرة صوت هادئة
-ويومية تطلع روحي لأن ما چاتل صالح
59
دنگت عيني وبقيت ساكتة وأعصر بثوبي وهوَّ يعدل بهدومة
-لو چتلتة تكلفني أچتل نسلة وأوصلة من عين باچر أسويها
36
رفعت عيني باوعتلة بصدمة مخلوطة بخوف
-أنتَ ليش ضليت ساعات هنا؟ شتسوي گاعد مدري مغمى عليك طر الفجر وأنتَ على حطتك!
-نمت
-وشعدك نايم بيتي؟
-يابة والله ذليتيني بقندرتچ!
سكتت ما رديت عليه وهوَّ جر حسرة طويلة وأيد لازم السلاح وأيد يطلع الباكيت من جيبة
-ردي لمچانچ، وخلقتچ الزفرة ما أريد أتنوعلها بعد
-أنتَ أجيتني ما كاتلة روحي عليك
-ما أجيت أخذچ بالأحضان غايتي وياچ واضحة
-خوش، الباب يوسع جمل الله وياك
117
باوعلي بطرف عينه حسيتة يريد يكتلني أو يطگني أو يسويلي أي شي مُضر، نظراتة كلها حقد وعيونة حمر دم وكل نظرة يباوعها على وجهي أحسها مثل السچينة تذبحني صفن شوية على حالي وعلى البيت وطلع..
28
ما صدگت طلع بسرعة سديت باب الحوش وگعدت وراه ميتة من الخوف والقلق حتى نفسيتي تعبت بهاي الليلة الگشرة رفعت راسي ودعيت بعد ما يشوفني ولا يجيني الخوف خبلني وما عدي مكان ثاني أروحلة وهذا مبين مسودن مو صاحي وما آمن على روحي بوجودة
72
عيوني يوجعني من البچي ومورمات، وراسي صداع وعيوني مطفية من النعاس أغمض عين وأفتح عين گد ما منعسة رحت للمغسلة توضيت والماي ثلج بارد هنا وطبيت صليت ونمت والخوفة بعدها بگلبي بس من النعاس أول ما حطيت راسي على المخدة نمت..
13
أحس بدفرات على بطني شوغتني وگعدتني من نومي
-گومي لچ گومي لا أنعل والديچ
48
گعدت أيد على بطني متعورة وأيد على عيني أفركها
-كفاح شتردين؟
13
تخوصرت وضل لسانها يلعلع
-الچلبة، الحيوانة البيت خايس وأنتِ منطمرة شني هاي النوب ياهوَّ گالچ أحنى نشتغل خدم جواچ؟
48
رفعت عيني للساعة بنعاس وتململ ما صارلي چم ساعة نمت والليل كلة أنه خوف وقلق وعيني ما ضاگت النوم وهاي بعدها تلعلع على راسي صرخت بنفاذ صبر
-كااااافي، هسة أغسل خيستچن
39
فكت عيونها وتخبلت عليَّ ضلت تطگني بثنين أيديها وملختني تملخ وأنه أدفع بيها متعورة وتغلط عليَّ وعلى أهلي وتخنگ بيَّ
-لسااااانچ الطولاااان هذا أگصة
21
كفختني على راسي حيل
-طالعة عينچ؟ والديچ أنعلة لو تلعبين بذيلچ تدرين روحچ مالچ مچان ومردچ الي مثل الچلبة!
222
رفعت عيني الها بحقد وخشمي طگ دم
-كفاح تكفي شري كاااافي سكتتلچ هواي
-هههههههه وشتسوين؟ ولچ لو ما أنه ملفيتچ ببيتي چا محد گلبچ وضالة مثل الچلبة بالشوارع لفلان وعلان..
184
فكيت عيني بحقد ودفعتها حيل أصرخ
أطلععععععي كاااااافي ولي منييييي الله لا يوفقچ
19
من شافتني أصرخ متخبلة خلت وطلعت، غميتها محترگت گلب وگلت
-الموت ما يندل وأدليه أگلة أخذ الردي والزين خليه..
158
مسحت خشمي الينزف دم ولميت فراشي بسرعة وغسلت وجهي ورحت أنظف بالبيت عفية نسوان ولا وحدة نظيفة ولا وحدة بيها خير كلهن خايسات لو أنه أنظف لو خيستهن توصل لراس الشارع
34
ومجبورة أضل هنا، لأن ماكو مكان ثاني عندي غير هذا، عاد أتحمل التنظيف أشوه من المجهول المتانيني بالشارع وما أدري أنكتل لو يصيرلي شي، وعلى كل حال لو أموت ما يخلوني أطلع من هل بيت لأن سمعتهم تتأثر ويصيرون علچ بحلوگ الوادم وهذا السبب مصبرهم عليَّ وما طارديني..
19
جريت دشداشة من بين هدومي وطلعت للحمام أريد أسبح بعد ما نكسر ظهري بالشغل وعظم ما ضل بيَّ صاحي ويوم متعب والدنيا ليل، فتحت الدوش على شعري وغمضت عيوني بهدوء لأن البيت تذب بي الأبرة ينسمع صوتها والسكينة ترد الروح كلهم مسيرين كل واحد بيهم مسير لمكان
10
بس وردة عايفينها تكربلهم وتلم بخيستهم هنا، بلعت ريگ من طب الماي بعيني فركتها وحطيت الشامبو على راسي أدلك بشعري ويشلع گلبي لأن طويل وأحب أعتني بي واهسي ذابتة على شعري ما عايفتة رغم الضيم العليه بس روحي بي..
113
صارت ظلمة هندس، بلعت ريگ بخوف درت عيوني بالمكان ماكو شي أگدر أشوفة الظلمة ترست عيني عبالك عمية تلمست شعري بخوف وبسرعة غسلتة من الشامبو وأدور على هدومي بالتعلاگة علمود ألبسهن وأطلع لأن ماكو واحد يحول بس كلشي ما أشوف
87
أريد أكض الملابس وألبسهن ماكو، متت من الخوف أتراجف وأتلمس بالحايط محد وياي بالبيت وحدي فـ جريت السرگي فتحت الباب شوية قليل كلش بس علمود يطب ضوة للحمام والبس وأطلع
83
ندفع الباب بوجهي ونفتح شهگت وندفعت على الحايط الوراي صرخت مرعوبة لحظات بس ما حسيت غير نسد الباب وشخص ثاني وياي بالحمام
