رواية اللعنة التي لم ترتكب كامله وحصريه بقلم نور آل عبدالله
اللّعنه الاولىٰ
"اللّعنة الأولى... أو ما يُسمّىٰ البــارت الأول.!
ها قد بدأت الحكاية، وأول خيطٍ من اللعنة قد انكشف… فهل أنتم مستعدّون لما هو قادم.؟ "
.
*الرواية أحداثها من البداية للنهايه من زمن التسعينات لهذا السبب راح تشوفون اكو اختلاف بـ اللهجه
لأن اني كـ كاتبه جنوبيه شفت صعوبه بيهن،والاغلب كتبته مثل ما اعرفه مو مثل ماوصلني
.
احذروا.... فـاللعنه لا تُكشف دون ثمن "التصويت+مُتابعه الحساب+التعليق بين الفقرات."
+
...............................*
.
+
.
+
فِـي الصَـفحة الاولىٰ تُكتب
بِـ خَـط واضح...
لو لاكِ لَـ مات قَلبي
حيثُ التسعينات.
في منزلٍ كبير،
بشعرٍ مُنسدل،
وعيون الريم تُزينها الكُحل العربي،
وشفاهٍ تُزينها روج القهوة الداكنة،
تنشأ البطلة في الجنوب،
تحيط بها دماءٌ غامضة...
قصتها تُروى قبل أن تبدأ.
.
1
.
+
:-كملت من كلشي وضفت اخر شي هوَ گلادتي الذهب هدية والدي ما اطلع گعدة نسوان بدونها باوعت على نفسي
+
لابسه هاشمي بارز خصري حزام الذهب وگلادتي اكيد شعري على طوله حمرتي الجوزي وكحلتي الي موسعه عيوني
1
طلعت بعد ما سمعت هوسه اكيد وصلن النسوان دخلت للديوان الداخلي الخاص بـ النسوان اول مدخلت التفتن كلهن
على صوت ليرات الذهب الي جان مصدرة الحجل مالتي سلمت وگعدت بلشن النسوان يسولفن والبنات گعدن يمي بلشنا سوالف گالت وحده
+
:-ولجن ما سمعتن شيخ كاظم يريد يزوج حفيده
+
گلتلهن:- واحنه شعلينا
+
قنوت:- چا ولج شلون شعلينا غير اذا تزوج يتزوج وحده من السلف
+
:- وبيت شيخ كاظم شعدهم بـ سلفنا حتى يخطبون منه
+
:- ما ادري والله لجن سمعت هيج خبر
+
:- الله كريم وهـ السوالف طلعنها من بالجن تراها بس المشاكل ورى موضوع الزواج
+
-ورى ما حجيت هيج غيرن الموضوع لان هنه من النوع الي يحترمني حكم الي كلمتي وهيبتي لأن مثل ما معروف عني
"الشيخه الصغيره" من وعيت وانه هذا اللقب كلها تصيحلي بي رغم عندي اخواتي اكبر مني بس اتزوجن وهمه صغار
1
أما انه برزت وجودي ويا امي بـ ديوان النسوان من الصغر شويه وصاحت المساعدة على العشاء گمت أنه أشرفت عليهن
بـ المطبخ وهنه ينقلن للديوان الي موجوده بي امي ترتب الاكل خلصت العزيمه على خير وطلعن النسوان گعدت أنه يم امي
+
گالت وهيَ تظفر شعري:- سمعت من البنات يردون يخطبون الحفيد شيخ كاظم
+
:- ايي وعلى اساس المره من سلفنا
+
:- شعجب
+
:-والله ما ادري
+
:- الله يقدم الي بي خير
+
ـ اجه ابوي هوَ واخواني گمت من امي وهوَ بأس راسي وگال
+
:- هلا بـ شمعة بيتي وشيخته
+
:- هلا بيك يرويحتي
+
:- مشتاگلج بويه مو ساعات ماشفتج عبالك دهر
+
:- وانه اكثر والعباس
+
-ابتسمت وگعدت بـ حضنه بعد ما سلمت على اخواني همه يسولفون وامي تسولفلهم على عزيمة اليوم وانه اتصنت الهم
ما احب احجي هواي اغلب الناس عبالها شايفه بس انه هذا طبعي حتى ويا اهلي خلص حديثهم وطشوا كل واحد الحجرته
+
ليل وهدوء متمدده وشعري على كبر المخده افكر بـ هواي اموور قررت باجر الصبح اروح الصاحبتي زهره صار هواي ما شايفتها
اخذني النوم الغير عالم ما گعدت لحد الصبح على هوسه اهلي طلعت صبحت عليهم واتريگنا وطشوا كل واحد الشغله
+
انطيت خبر الامي اريد اروح الزهره وافقت بس ندهت على اخوي ياخذني لان مو امان الطلعه وحدي حكم العراق واوضاعه
رغم سلفنا امان بس هم يخافون عليه اهلي لبست عبايتي وشيلتي البرسيم وصلت البيتها استقبلتني هيَ واهلها
1
بقينا گاعدين نسولف أثناء ما جاي نسولف حجت زهره
+
:-اگلج زينب شنو حضرتوا المحرم
+
:-والله خيه امي حضرت كلشي بس تعرفين الاوضاع يمكن حتى قرايه مانسوي
+
:-هم حقكم الاوضاع مو امان بس حتى لو لازم نحارب لأن هاي عقيدتنا ولدنا بيها
+
:-ايي وتعرفين ابوي واخواني مو من النوع الي يهتمون الاوضاع البلد وعدهم اهم شي أحياء هاي الايام بس بعد للضروره احكام والسنه تختلف عن كل سنه
+
:-ايي هم صحيح،تعالي نطلع للبستان مالتنه
+
-طلعنا انه وياها بستان بيت شيخ كاظم هم مامقصر جمال وكبر عن بستانه طلعنا وصلنا الجرف النهر الي يفصل بين سلفنا وسلفهم
وصلنا يم النهر وهيَ وياها الراديون صغير اول ما گعدنا طلعنا بي قصيدة
+
:-إحنه غير حسين ما عدنه وسيلة
والذنوب هـواي كفّتها ثجيلة
وغداً يبدو لنا سدّاً منيعـــــا
هذه آراؤنا فيه جميعـــــا
والذنوب هــــواي كفّتها ثجيلة
احنه غير حسين ما عدنه وسيله
والذنوب هــواي كفّتنا ثجيلة
1
-نردد وياها ولا إرادياً صرنا نلطم لحدما خلصت القصيده بقينا نسولف شويه واجه عليه اخوي رجعنا للبيت
مر اليوم عادي وتبعه اليوم الثاني وهيج مر اسبوع مباقي المحرم غير يومين جنه گاعدين بليل واجه اخوي مدمه ركضت علي أنه
+
:-شكو شبيك ليش هيج كلك دم
+
:- لتخافين بسيطه
+
سئله ابوي بـ نبرة قلق :- شبيك ليش هيج مدمه.؟
+
:-اتعاركت ويا حسين حفيد الشيخ كاظم
+
ابوي:- شنهو السبب.؟
+
:-هيج سالفه بسيطه
+
امي:- سالفة بسيطه وهيج انتَ مدمه والولد الله يستر شصار بي
+
ابوي:-هذا هو،بس ترى راح اعرفه السبب
+
-دخل اخوي للغرفه ولحگته مرته اباوع ابوي ما مقتنع بـسالفه شي بسيط شويه وكلها طشت الغرفها مرن اليومين
الي قبل محرم بـسلام بس بـليلة محرم رفعنا الرايات رغم خوف امي على اخواني بسبب الأوضاع
اليوم اول يوم
+
لبسنا الاسود وصوت القصايد عالي بـ البيت بس ابوي رفض وبـ نفس اليوم بـليل واحنه نايمين گعدنا على صوت صريخ الكهوجي
+
:-شيخ الحگ بستانك احترگ
1
- نزلنا نركض لگينه ابوي گدامنا طلع بعده ما نايم وعلى اول صرخه طلع هو واني الخوف اكلني عليهم
رجليه بادن شويه ورجع اخوي يصيح
+
:-اطلعن من البيت راح توصله النار
+
-لحظات ما اتمناها العدوي لبسنا عباياتنه وطلعنا النار وصلت للبيت بالحظات الي جنه نطلع بيها بقى ابن اخوي جوى أمه جانت
ممنتبه اله باقي بقيت اعيط الباب بساع مشت بي النار لأن خشب واسمع عياط ابن اخوي متحملت دخلت للبيت
+
ويا صراخ امي ونسوان اخوتي بس مهتميت عزيز روحي جوى لگيته بالزاويه ويرجف شلته وحاولت بـ كل طريقه نطلع اسمع
صريخ أبويه واخوي شلون خايفين علينا احاول الزم نفسي علمود ابن اخوي ما يطيح حاولت وطلعت الباب متاكل أطرافه
+
ابن اخوي فجأه سكنت حركته ما اهتميت بس اريد اطلع حاولت وگدرت بس الأطراف جانت شابه بيها النار
سبب هذا حرگ بـ ايدي احس روحي شاغت تلگوني اخواني وابوي واحد اخذه ابنه والبقيه اجوني ابوي شاف ايدي صار يبوس بيها ويگول
+
:-بويه ياروحي اتوجعتي سوده عليه
+
دمعت عيوني واردفت:- بابا توجعني ايدي
+
:- سوده عليه أبويه هسه اخذج للمضمد أنتِ وابن اخوج
+
:-خلصت الاطفائيه وراحوا الحمدلله الله ناعم علينا وعند ابوي اكثر من بيت راح اخوي وصل امي ونسوان اخوتي
والجهال للبيت وأنه وابن اخوي اخذونه ابوي وأخوي للمضمد اشوف المضمد بساع صار وجهه اصفر خفت بس لا الي جاي افكر بي
+
صحيح.؟ شلون لا يربي غمضت عيوني بـقهر من گال المضمد
+
:- شيخ جنت اتمنى اجيبلك اخبار زينه بس الولد وصلني ميت الرئة متشبعه بـ الدخان الملوث
1
ابوي:- إنا لله وانا اليه راجعون
+
ـاباوع الأخوي انهار حقه اني دموعي بقت تطيح وحده ورا الثانيه عزيز روحي اقرب واحد الي بـ ولد اخواني اتوفه وبـ إيدي
حاولت أسند نفسي لأن ابوي راح الأخوي يركض يلزمه قبل لا يطيح بـ الگاع شويه ونجح ابوي بـتهدئة اخوي
+
خابروا على باقي اخواني وطش الخبر عباس ابن علي اتوفه.! رجعني اخوي للبيت اول ما دخلت من الباب انهاريت
وأنه اشوف امه شلون تبجي وتلطم ويمها امي لحظات وصوت النحيب ترس البيت گد ما الصوت عالي تحس حتى الحايط بجه علي.!!
+
عباس طفل هادء وجهه ملائكي خدوم دائماً مبتسم وابتسامة غصب تخليك تبتسم من يشوفني ضايجه يجي يلاشيني
ويتشاقه وياي ويحضني لطمت على رجليه وأنه اتذكر مواقفنا وأتذكر بعد ما اشوفه ينكسر گلبي حسيت على شخص يحتضني
+
رفعت رأسي شفتها زهره وصلهم الخبر حاولت تطمني وتبين الي انه مو وحدي هيَ يمي بـ هاي الفترة مر الليل علينا
مثل بلاع الموس لا يگدر يبلعه يتأذه ولا يگدر يطلعه اباوع مرت اخوي تتلوع عبالك گاعده على جمر واني ما أقل منها وكلنا على هذا التوتر
+
الناس بدت تلتم والخبر طش بالسلف وبرا السالف حفيد الشيخ عگاب اتوفه انگلب البيت گلاب الزلم بـ الديوان الي الحمدلله موصلتله نار
والنسوان بـ البيت الي انتقلنا بي شويه وگالوا جابوا الجنازه بلش الصريخ يملي المكان خصوصاً بعد ما اجني خالاته
+
واني جاي الطم فقدت ماگعدت غير وانه بـ الغرفة واحد يرش عليه ماي انتبهت هاي زهره اجت گعدت يمي عافت راسي بـ حظنها واردفت
+
:-زينب حبيبتي اعرف صعبه عليج بس لا هيج تذبلين نفسج مو زين عليج وهوَ راح طفل يعني طير من طيور الجنه
+
حجيت بين شهگاتي:- بس ما اگدر احبه انه زهره
+
:- هوَ هم يحبج بس راح يم الاحسن مني ومنج راح يم الي خلقه
+
حجيت بـ ضياع:- ما ادري
+
-بقت يمي تمسد على راسي وتسولف وتحاول تصبرني لحدما غفيت گعدت على صوت الملايه تقرا وصوت صريخهن
مرن ثلاث ايام مال الفاتحه مثل الجبل على گلبي خلصت الفاتحه وگال ابوي نسوي مجالس ونرجع مثل كُل سنه
+
لأن حس هذا الشي صار ويانه بـ سبب عدم احياء شعائر هاي الايام الفضيله ومثل مگال ابوي لحد يوم العاشر صار اخر مجلس
حسيني بيتنا مرت ايام والمسؤول عن الحرگ بقى مجهول واحنه رجعنا للبيت لحدما بـ يوم دخل ابوي گال وهو يگعد يمي ويحتضن كتفي
+
:-عرفنا المسؤول عن الحرگ
+
امي:-منو.؟
+
:-حسين حفيد الشيخ كاظم
+
زينب:- لا صدگ
+
ابوي:-والله
+
حجت زهراء "ام عباس" بـ نبرة تواسيل:- عمي فدوه اروحلك ريح گلبي اخذلي حقي منه وعلي وحق مصاب الحسين گلبي
واج نار على ابني والله راح اموت على فراگه
+
ابوي:-وحق ربج حق ابنج ينوخذ ومن حلگ السبع بس خلي نتأكد
+
-بقوا يسولفون ويتناقشون عن الموضوع اخواني گاعدين ومبين حادين سنونهم على بيت الشيخ كاظم خصوصاً علي لأن الي راح منه
مو شويه طفل عاش ويا اربع سنوات وحتى لو هاي فترة مو هواي يكفي هذا ابنه مر وقت طويل وهمه على نفس النقاش
+
وعلي گوه لازمينه ابوي وباقي اخواني بس يردون الليل يمر على خير وصدگ طشوا كل واحد الغرفته
گعدت ثاني يوم الصبح
على هوسه اول ماطلعت شفت گدامي اخواني لابسين دشاديشهم وملثمين محظرين التفگ واكفين صفه وحده خمستهم
+
رجف گلبي خفت عليهم الشر يتطاير من عيونهم واعرف ما راح تعدي على خير اجه ابوي من شاف نظراتي نظرات خوف حظني واردف
+
:-بويه لتخافين أنتِ بنتي القويه واحنه رايحين نفض النزاع ونجي
+
-باس راسي وابتعد طلعوا من الباب جوى نظراتنا القلقه امي تدعيلهم زهراء تبجي ومگطعه روحها وأنه بس صافنه وادعي بـداخلي
اسمع هوسة الزلم برى باوعتلهم من الشباج زلم ابوي كلهم ملثمين واكفين بقيت خايفه ومتوتره ما اعرف شنو اسوي حتى يروح هذا
+
التوتر تقريباً ربع ساعه واختفوا من انظاري رحت اتوضيت وفرشت مصلايتي وبقيت ادعي تقريب ساعتين واسمع
صوت الهوسه باوعتلهم من الشباج رجعوا طلعت اركض واني لابسه جادر الصلاة طلعت شفتهم موجودين گعدت بلش ابوي يسردلنا
+
:-اول ماوصلنا لگينا شيخ كاظم باب المضيف يريد يروح عنده طلابه استغرب من شافنه بلشت أنه احجيله وهو راد يحجي
والواضح ما قابل على تصرف حفيده بس من شافنه جاين هداده راد يهدي الوضع دخلنا للمضيف وبلش يسولف ويانه
+
حتى يهدأ الوضع والي فهمناه من عنده حفيده صار فترة راجع البغداد راح يحاول يتواصل ويا ويرجع بـ اسرع وقت
+
زهراء:- عمي يعني تردون تنطونه مهله حتى يشرد وما تكتلونه والله اذا ماگدرتوا انه جتالته وأخذ ثار ابني
+
ابوي:-بويه زهراء مو هيج الحجي اعرف حرگة كلبج على ابنج الوحيد بس بويه زلم وناس خيره راح تگعد خوما
ترديني اگمز بنصهم والا اجتل الولد يلا ترتاحون خلينا احنه نفكر
+
-اشوف زهراء وجهه صار يتلاطم حقها محروگ گلبها على ابنها بس مامعقوله ابوي راح يخلي حگ حفيده يروح.؟
بقوا ايام يتناقشون ويحاولون يقنعون علي يشيل فكرة كتل حفيد إلشيخ وهو قافل ابوي يحاول يتوصل الفكره
+
أو حل يرضي جميع الأطراف وما توصل الاذيه الاخواني لأن إذا كتله راح يصير بحر من الدم ماكو نهاية اله
اجو شيخ كاظم ويا شيوخ اخذوا عطوه من ابوي گالوله بس بين مايفض دراسته ويگدر يرجع وأبوي بـ كل بساطة وافق
+
وهذا الشي خله يجن جنونهم الإخواني بـ يومها گبت الاصوات بيتنا وماهدت وكل واحد يحجي شكل
+
علي:- بويهههه شسالفهه من ليمت ننطي عطووهه للكاتللل
+
عباس:- بويههه الضاهررر انتتَ حبب الشيخ كاظم عماك على عيونك خلاك ماتعرف تصرف
+
ابوي حجه بـ صوت عالي :- ولكككك عبااس شووو متعرف تحجييي بلا هذااا اخوك روحه رايحه وگلبه ممرود على ابنته
+
عباس:- يابه ترى اليي رايح من عدناا بشر وعليي بشرر موو فرخخ دجاجه ونسكتت لو ننطي عطووهه مثل ما انتَ
انطيتت شهر كامل متخيلللل.؟؟؟
+
ابوي:- وشكو بيها أول وتالي راح تصير الگعده هسه لو بعدين
+
حسن:- بويه أنه بقيت ساكت بس انتَ مقتنع بـ الي جاي يصير
+
ابوي:- شنو الي جاي يصير حتى ما اقتنع بي.؟
+
سجاد:- بويه ليش أحسك تريد تلعب بـ اعصابنه.؟؟؟
+
ابوي:- بـ العكس انه ماسويت الا الصح خلي الولد يصفي كلشي ويجي حتى نتفاهم
+
-خصم ابوي الحديث وياهم ودخل للغرفه بقوا اخواني يتناقشون واخذوا رئي باوعتلهم وگلت
+
:- والله الي سوى ابوي عين العقل يجوز يطلع مو هو الولد على حجي الگهوجي يگُللكم شفته اول واحد اجه وقت الحرگ.؟
يجوز الولد من اجه نيته نضيفه ويساعد ليش تظلمون حضكم وبختكم وإذا طلع مو هو راح يخسر دراسته
+
سجاد:-خوش هسه أنه وياج بهذا حجيج بس وإذا طلع العكس.؟
+
زينب:-مراح نخسر شي أول وتالي الگعده تصير والي كاتبه الله ما منه مهرب
+
-گدرت اهديهم شويه بـ حجي رغم ما حجيت غير الحقيقه بس شويه هدئوا مر اليوم وسبقى باقي الايام
ماكو جديد بس قربت المشايه وكالعادة اثنين من اخواني لازم يرحون لأن ابوي ميقبل يرحون كلهم حسب الأوضاع
+
والي نسمعه بـ الاخبار وهاي ال١٥ يوم الي يرحونها نلزم گلوبنا بـ ايدنا راحوا واحنه بالبيت ابوي السنه مراح گال تعبان
المشايه مو هواي ينعدون على الاصابع الي يطلعون الناس تخاف من صدام وحقهم ناس تگول گطع ايد واحد حتى بعد محد يمشي
+
وووو تعددت الاقاويل امي ما تقبل وتتخبل من تعرف يردون يرحون تخاف عليهم بس ابوي يگُللها مدام على نهج ال بيت محمد خليهم
وهيَ توافق بس يبقى گلبهم يمها وتدعيلهم واحنه نحشش عليها نگللها
+
:-يمه ترى فاهمه الموضوع غلط لازم همه يدعون النه
+
:- يا يمه خايبه شيدعون على هاي الاوضاع
+
زينب:-ها يمه جان تردين يرحون 8 ايام ويردون ايد ورى وايد جدام
+
سجاد:-نوب حتى ما تگول عيب انتوا إخوانهم اخليهم يدعولكم
+
امي:-خايبين شمالكم عليه هسه شگلت أنه
+
حسن:-انطيني ايدج يمه نروح الغرفه اريد اسولف وياج ذوله ولدج مامنهم فايده
+
:-يا يا يااع ولك بس لا عبالك انه مگرمه وتگومني انتَ
+
حسن:-لا يمه كل الخير البركه بيج بس عندي موضوع وياج
+
-گامت امي وهو راح وياها للغرفه شويه وطلعوا وجهم مبتسم ماقبلوا يحجون شي مروا كم يوم ورجعوا اخواني
بعد مية دعاء اجو بـ خير وسلامه الحمدلله جنت لازمه گلبي بـ ايدي بس جانوا بـ حماية الامام الحسين والعباس عليهم السلام
+
گاعدة على جرف النهر والراديون يمي عيني على الضفه الثانيه الي صايره بستان بيت الشيخ كاظم نفس گعدتنا قبل فترة
انه وزهره مشتاقتلها مامتعودين هالگد نبتعد
اكثر مره ما شفتها بيها هي اسبوع هسه صار تقريباً فوگ الشهر
+
من اخر يوم سوينه بي قرايه احس ما اگدر ابتعد عنها متعوده عليها نگعد سوى ونفضفض ونسولف بـ الساعات طلعت القصيدة
+
:-إحنه غير حسين ما عدنه وسيلة
والذنوب هـواي كفّتها ثجيلة
وغداً يبدو لنا سدّاً منيعـــــا
هذه آراؤنا فيه جميعـــــا
والذنوب هــــواي كفّتها ثجيلة
احنه غير حسين ما عدنه وسيله
والذنوب هــواي كفّتنا ثجيلة
+
-طاحت دمعتي وانه اتذكر اخر مره سمعناها سوى انه وزهره هاي قصيدتنا المفضله كل مره نجتمع جنه نسمعها سوى
لمحت شخص من الضفه الثانيه يباوعلي بس ماعرفته منو وسرعان ما اتذكرت مشاكلنا الي انخلقت من جديد
+
ويا بيت الشيخ كاظم طفيت الراديون وگمت اتمشى للبيت گد ما بجيت بياض عيوني گالب احمر شافني سجاد اجاني يركض
+
:-زنوبه يروحي شبيها عيونج ليش هيج حمره
+
زينب:- لا مابيها شي جنت گاعده على الجرف يجوز شي دخل بي
+
-باوعلي وهو ممقتنع بس هز رأسه وراح اني هم غلست ودخلت للبيت گبل الغرفتين نمت ما اريد التقي بـ احد
شويه وگعدت على ابن اخو يجر بـ شعري عطت بي
+
:- هاييي شبيك
+
:-عمه ادعدي تلها داعده
+
:- ولييي عنيي
+
-هو خطيه خاف وطلع من الغرفه صفنت هو عود ليش ما حجه ولا كلمه صحيحه.؟ عنده حرب ويا اللغة العربيه
گمت غسلت ورحت يمهم بقوا يسولفون ويتناقشون على اربعين عباس الي قربت دمعت عيوني من اتذكرت انتبهلي ابوي گال
+
:-شعجب ساكته
+
ابتسمت واردفت:- جا شني احجي
+
حسن:- متعلمين عليج ماتسكتين بـ هيج أمور وتنطين رئيج
+
زينب:-مدري انتوا جهزتوا كلشي ما يحتاج بعد
+
-هز راسه رغم محد منهم اقتنع حاولت ابتسم بس احس ما الي خلگ اي شي مرن يومين واليوم اربعين عباس گعدنا من الصبح تجهيزات
والتهينا بيتنا انگلب گلاب بالناس صار ماكو محط رجل بلشنا ناس جايه غدا الي بيوتهم بعيده خلصنا الغدا
+
وبلشنا نحظر للختمه لحدما خلصنا وبدت الملايه منا لمن كمل المجلس وثواب عشى بحيث متت من التعب
لليل طلعنا للنجف وصلنا للگبر وگلبي اتگطع من شفت بجي زهراء وعلي
+
زهراء:- ولككك يمههه اگعددد اروحلكك فدوه اگعدد وعلي ما شبعت منكك لكم روحي رايحه انتتَ وحيدي ما اليي غيركك
ولككك يمههه انتتتَ جوى التراابب وجتالككك يفتررر سودههه عليهههه يا يمههه ولكككك عبووسيي الي بگدك
1
يلعبون يمههه گوممم وشوفف صحبانك يمهه من اشوفهم اموتتت وعلييي ما اگدر ما ابجي هسه كون انتتتَ وياهمم
+
-تحجي وميته منهاره من البواجي بحيث على كلامها كلنا دموعنا صارت تنزل اسرع اباوع الحال اخوي حاله أتعس من مرته
عيونه حمر والواضح ضغطه مرتفع بجيت بصوت اعلى من قبل قهري على اخوي ومرته وقهري على فرگة ابن اخوي الي صار فوگ
+
الاربعين يوم من شافني ابوي هيج اجه وخرني بعيد عن الگبر وغسل وجهي وشربني باوعلي يعدل بـ شيلتي ويحجي
+
:-بويه لا تسوين بـ روحج هيج اروحن الج فدوه أبن اخوج طير من طيور الجنه
+
:- بويه عتاب زهراء وبجي علي يفطر الگلب
+
:- همه اثنينهم ما معترضين على أمر رب العالمين ويعرفون هذا الشي بس يردون يطلعون الي بـگلبهم حتى مايكتمون
+
:-بس علي حتى متأذي ضغطه ارتفع مثل كل مره
+
:- لا تخلين بالج هسه اخلي سجاد ينطي ليمون ويصير زين
+
-راح ابوي بعد ما حاول يهديني كلامه ونجح لأن فعلاً هدئت خلصنا وطلعنا زرنا الامام علي (عليه السلام) طبعاً رحنه
بس احنه يعني أنه اخواتي واخواني ونسوانهم وامي وأبوي لأن ماگدرنا نخاطر بـ الگرايب كلهم رجعنا المحافظتنا
+
مرن كم يوم واليوم الگعده گعدت على نفس الهوسه الي قبل شهر نفس المنظر اخواني خمستهم ملثمين ودشاديشهم والتفگ
وانعاد نفس المنظر أنه اباوع من الشباج وهمه اتحركوا بس هالمره بطوا لا ساعه ولا ساعتين مر الوقت وتقريب اربع ساعات
+
يلا رجعوا بس الي دخل بس ابوي وسجاد واعصاب بارود حتى ما فهمنا شنو الي صار بس عرفنا شي جبير من شفت اعصاب سجاد
لأن هو إنسان بارد بـ معنى الكلمة يعني من الصعب كلش أن يعصب دخلوا كل واحد الغرفه ومحد تجرأ وسئلهم
+
بقوا للعصر محد موجود منهم للمغرب تقريباً ودخل حسن وعلي عباس ماكو بس هم ما فهمنا منهم شي مرن يومين تقريباً
وهمه يطلعون من الصبح لليل كلش يلا يرجعون وأبوي وياهم كلنه بـ قلق انه،امي،نسوان اخواني
حتى الجهال من شافوا وضعنا هدئوا
+
اليوم ثالث ورا المشيه وهم گعدنا الصبح لا ابوي ولا اخواني گاعدين على صينية الاكل وحده تصفن بالثانيه گالت امي
+
:-هسه لا ريال بي خير ولا جهال جا انه اسهر واربي وتاليها يشتغلون من جوه الجوه
+
رقيه:- اي والله عمه نوب امس حسن حتى بليل مترجمه وادم گلبها عليه بواجي يريد ابو
+
زينب:- ايي امس الليل كله عيني ما اجاها نوم افكر ونوب بجي ادم حسبالك يمي
+
زهراء:- ماكو علي اليوم كله انتظره ومن يجي بليل حتى الكلمه ما يردها ما اريد بس يبرد گلبي اريد اعرف جتال ابني وين صفه بي الحال
+
هند:- اگلج عمه
+
امي:- گولي يمه
+
هند:- اخاف جتلوا حسين حفيد الشيخ وماجاي يجون للبيت حتى خاف يشوفهم الشيخ كاظم
+
امي:- يا خايبه كش وبره ان شاء الله ما واصلين للجتل
+
رقيه:- والله عمه علي محروگ دمه وحسن ما ناقص هو وعباس يعني مو بعيده عليهم
+
زينب:- لا مستحيل اخواني ما توصل بيهم هيج يكتلون واحد ومنو حفيد اعز صاحب عند ابوي
+
- ومر هذا اليوم بين تفكيرنا والأحداث جاي احاول اربطها مايجي بالي اي شي يخص طلابتهم بس ماكو بـ يومها حتى بليل محد اجه
ثاني يوم اجوا وهمه متربين من شعرهم الآخر اصبع بـ رجلهم بحيث عبالك ملحين گد ما متروسين تراب كلنا سكتنا
+
من شفنا حالهم خصوصاً علي جوى عينه اسود وعيونه حمر دم ركضت علي حضنته باس راسي وخرني عنه
رحت الأبوي أخذني جوا ذراعه ومشاني وصلنا للديوان گعدنا انه ويا باوعلنا من شاف نظراتنه گال
+
:-فدوه بس اريد استكان جاي ثگيل واسبح وانام وسهله السالفه اسولفلكم
+
زينب:- بويه شلون وعلي راح اموت من الفضول
+
ابوي:- فدوه الروحج بويه بس خلي اشرب جاي اريح راسي وعلي ما نايم صار فوگ اليومين
+
زينب:- خوش
+
-صدگ سوتله امي جاي شربه وگام سبح ونام واخواني ولا كلمه بقينا بـ قلق كلنا ليش هيج حالهم.؟شنو الي صار بـ الضبط.؟
لليل الهدوء سيد الموقف ولا صوت بـ البيت لحد الساعه ١١ انكسر الهدوء بـ صوت الرمي الي جان كُلش قريب من البيت....يتبع
.
+
.
+
......................*
+
لِماذا لا يَشتاقون مِثلنا
ألا تُطاردهم لعنة الاشتياق
فِي اللّيل
