رواية اللعنة التي لم ترتكب الفصل الثاني 2 بقلم نور آل عبدالله
"اللّعنة الثانيه... أو ما يُسمّىٰ البــارت الثاني.!
ها قد وصلنا الىِ الرُبع الثاني مِن خيط من اللعنة قد انكشف... فهل أنتم مستعدّون لما هو قادم.؟ "
.
+
.
+
احذروا.... فـاللعنه لا تُكشف دون ثمن "التصويت+مُتابعه الحساب+التعليق بين الفقرات."
+
.
+
........................*
.
+
زينب....
+
-طلعوا ابوي واخواني وياهم اسلحتهم طلعوا وبس صوت الهوسه مسيطر على البشره وبسبب هدوئنا واصللنا كلامهم
وصياحهم اصوات غريبه اول مره اسمعها عاط واحد صوته خشن كلش
+
:-اسمعع شيخخ عگاببب الك مهله الباجر العصر إذا ما جبت زلمك وعشيرتك واجيت النه غير حجيي واشووف منهوو اليي يعتررض
+
اسمع ابوي رد علي:- احترم نفسك واوزن كلامكك من هديت على بيت اله حرمته مافكرت بالعواقب.؟ واحنهه ما غلطااانييننن الغلط
راكب ابنكم من ساسه الراسه ولو ينعاد الزمن انه ولدي نفس التصرف نعيدهه والرجال يفك حلگه الا ادوسه اله
+
رد علي واحد غير الي حجه بـ البدايه:-بس شيخ انتَ العاقل والفهيم وهوَ جاهل
+
:-يا ابو محمد هو لو جافصله بـحجايه بيها مجال لچن هوَ كل حجيه تجفص على ياهي منهن اعذره انه حجي مو وياكم ويا شيخكم
اريد اشوف مسلم الكباريه للمزعطه وتجي تتمرجل علينه شني
+
-طبعاً الصوت يمنا واضح لأن نتصنت عليهم رغم كلشي مافهمنا بس گدرنا نسمع شويه ونصى الصوت
لحدما اختفى
دخلوا ابوي واخواني تلگيناهم نركض گعدوا واحنه گعدنا يمهم حجت امي وهيَ تريد تنفجر
+
:-باوعوا تسولفون لو شلون لا وعلي أخذ عبايتي واهج منكم ترى تعبانه منكم ومن سوالفكم وروحي جزعت
+
ابوي:- اعصابج يرويحتي
+
عباس:- ها حجي مو گدامنا عيب
+
حجه ابوي وهو ينزع العگال:- گوومم لا بارك الله بيك
+
زينب:- بويه هسه عوفوا الشقه وعلي گلبي خلص سولفوا شنو السالفه
+
-سولفوا بس مختصر وما اقتنعت.!
+
.........................*
+
*مُلاحظه تم نقل الأحداث بـ التفصيل عن طريق سجاد
.
.
+
تتعالى صوت الزلم
بـ السلام والهلا والمرحبا
بـ المضيف مُعلنه عن
ابتداء جلستهم حجه أحد الشيوخ
الي الوقار مبين بـ وجهه
+
:- الله بـ الخير
+
:- الله بـ الخير والعافيه
+
:- عمي كلكم تعرفون السالفه شني وليش مجتمعين الشيخ عگاب احترگ بستانه وبيته وهذا سبب موت واحد من احفاد
والي چان المذنب عن هاي العمله هو حسين
+
حسين:-بلا زحمة شيخ تسمحلي.؟
+
٠:- احجي ابني
+
حسين:-طبعاً من رخصة عمامي وأبوي وجدي بس شيخ عگاب انت من اجيت واتهمتني وشوهت سمعتي وانه لحد
هاي اللحظه ساكت اريد اشوف شنهو دليلكم وانتوا جايين تتهموني
+
شيخ عگاب:- بويه انه ما أجيت من عبث من اتهمتك ناس شايفتك وحلفت بـ كلام الله شني مصلحتها تجذب.؟
+
حسين:- سولفلي العندك واسولفلك العندي
+
حجه شيخ عگاب بـصوت عالي:-يا جماعة الخير كلكم تعرفون بستاني وبيتي احترگوا وبنتي لاحها الضرر وحفيدي اتوفى
وتعرفون الي مسؤول عن الحرگ هو حسين أما شلون عرفت وشنو دليلي تعرفون الگهوجي مالتي محيسن هو الي شاف حسين بالبستان ويا الحرگ
+
:- وانتَ شيخ معروف بـ عدلك وچلمتك الأمره والناهيه اخرتها هيج تصدگ بـمحيسن.؟
+
:- لا وعلي ومعگوله هيج انه بلا عگل اجمع هاي الوجوهه الطيبه وموش عندي دليل علمود چلمة من گهوجي
بس هو حلف بـ القران وما اتوصور واحد يحلف بـ كتاب الله جذب خصوصاً الي مثله صايم مصلي وهمين انتَ تعرف
+
الطلايب الي ماتخلص بين علي وحسين ومو بس محيسن عندي مجموعة شهود شهدوا على حجي محيسن وهمه ويا شافوا الي صار وحلفوا
+
:-شنهو رايك يا حسين ويا شيخ كاظم وانتَ حسين إذا مسوي العمله اعترف وخلنه نفضها
+
حجه حسين وهو يعدل شواربه:- والله يا شيخ انه من البداية ساكت احتراماً للوجوهه الطيبه والمخاطر محيسن
بلاكت هو صديقي لچن هو الي ماخله اي إحترام ولا الخاطر علموده الي حرگ البستان هو محيسن
+
حجه واحد مقاطعه:-شنهي چا هو لعب يهال وساعه حسين ساعة محيسن
+
حسين:- هسه تخلوني اكمل لو شنهي سالفتكم
+
:- كمل بويه حسين
+
حسين:-وحگ كلمن عنده حگ انه الي شفت محيسن وبهاي عيني الي يأكلها الدود شفته وهو يرش النفط ويحرگ
البستان هو وحاشيته ومن هددته علمود اگلك سكت الظاهر جان يحوكها شلون يطيحني بيها
+
شيخ كاظم:- بس بويه هذا حچي چبير يجوز حتى فصل يصير علي
+
حسين:- وانه عد حجايتي گدام الوجوه الخيره وهذا شاربي مو عليه إذا ما جنت خسار الفصل من الدينار الاكثر شي يطلبونه عمام محيسن
+
:- شنهي رئيك يا شيخ عگاب
+
:-والله ما اعرف شنهي الي اگول خجلان منكم كلش هواي بس بنفس الوقت هسه ضاع دم حفيدي.!
يعني انه لهسه ما اعرف الي حرگ البستان وكلها تصيح حسين يعني مو بس انه وبـ نفس الوكت ما اعرف
+
حسين:-عمي انه عاذرك بنتك اتأذت وحفيدك فقدته والي تسوي من حرگة گلبك وانه اتكفلك ويا ولدك اول بـ اول
+
شيخ عگاب:-والله ما اعرف شنو اگول اسف على الموقف الي خليتكم بي
+
:- ماكو داعي للاسف شيخ نعرف شعورك شنو
+
گال الشيخ عگاب وهوَ يگوم يبوس راس شيخ كاظم:- السموحه منك يشيخ وعلي ما اعرف شلون احط عيني بـ عينك
+
:- وليش هذا المستحى بـالتالي احنه اخوه وهاي المشاكل تصير بين كل أخين
+
-اتحاضنوا واعلنوا صلحهم جدام الشيوخ كلها طلعنا من الديوان وحسين ويانه رحنه للديوان مال ابوي لگينا محيسن ماكو
رحنا البيت أهله گالوا ماكو بقينا يومين ندور علي ماكو فص ملح وذاب الا أن لگينا بـ اليوم الثالث بـغير محافظه رايح
+
اخذنا عفنا بالمخزن مال معمل ابوي وطحناله دگ كتل لحدما اعترف انُ هوَ الي حارگ البستان وگال بـ المعنىٰ الحرفي
+
:-جنت متفق ويا صحباني حتى النار تمشي سريع بالبستان توصل البيتكم بين ما انتوا تطلعون احنه نبوگ البيت
بس خربت خطتنا من اختكم دخلت للبيت جنت خايف عليها وردت اشوف طريقه اطلعها بس مالحگت وهي توجعت أيدها
+
ضربته وگلت:-كمل
+
حجه بـ ارتباك:- شش شنو اكملل
+
حسين:- اي شي مثلاً ليش ردت تشوف طريقه تنقذ بيها بنت الشيخ.؟وشنوو غايتك جانت وراها.؟
+
:- لأن احبها
+
-كتلنا كتل لمن سحبنا من عنده حسين واحنه ابتعدنا بعد متأكدنا مابي شي عدل والشيخ الوحيد الي متأكدين من عنده هوَ
خشمه المكسور يجر النفس والي اجو اليوم همه اهله
+
.....................*
+
-خلص سوالف ودخل نام بقيت وحدي صافنه ابوي جان مأمنه على البيت شنوو هوَ الي حرگ البستان شنو يحبني حسيتها اجتني صدمه
+
غلست عن الموضوع وگمت نمت گعدت ثاني يوم الصبح جانت امي جاي تخبز وانه يمها لابسه شيلتي البريسم وعبايتي متحزمه بيها
شويه ورجعت للبيت ورا دقايق اندگ الباب بـ صوت قوي رحت الغرفة ابوي سحبت تفگته ورحت للباب فتحته
+
وعفت التفگه بوجهه واحد وحجيت بـ صوت عالي
:-منهو انتَ وشتسوي هنا
+
:-انه حسين حفيد الشيخ كاظم،اريد اخوانج موجودين.؟ وياهيَ انتِ
+
نزلت التفگه وحجيت:- لا محد هنانه بس نسوان وشعليك ياهي انه
+
صفن دقايق وگال:- خوش،مشكوره
+
:-تدلل
+
-هو طلع وانه صكيت الباب ورى درت للبستان حجت امي من شافتني
+
:-خير ياطير متفگه.؟
+
:-الباب اندگ وطلعتله عبالي واحد من أهل محيسن
+
:-وياهوَ طلع
+
:-حسين حفيد الشيخ كاظم
+
:-وهيج طلعتي للولد أنتِ وتفگتج
+
:-جا شني احنه ناس عدنا ثار
+
-بقت تحجي عليه وتگلي راحت انتِ بنيه ولا عبالك همه الي علموني الرمي غلست ورجعت للبيت مالي خلگ اي شي
رجعت نمت ثاني گعدت على صوت اني وهيَ تگُلي
+
:- اگعدي ماتردين ترحين الزهره
+
فزيت بـساع:- عليج العباس يمه
+
:- والعباس يلا بساع گومي الج عشر دقايق إذا ماكملتي ما اخليج توصلين عتبة الباب
+
:-گايمه وعليي گايمهه
+
-گمت ركض ركض بدلت وطلعت شفت سجاد يم الباب اخذني الزهره اول ماوصلت هيَ فتحت الباب وسجاد رجع
دخلتلهم عدل وگبل الغرفتها گعدنا وسوالف وسوالف إلى أن خلصنا كل الي بـ گلبنا اخر شي ختمناها
+
:- اطلعي گبالي للبستان علما اسوي چاي واجيج
+
:-تمام
+
-طلعت للبستان گعدت على الجرف ويمي الراديون ما اسمع بس صوت
+
:-هاي الگعده مو غريبه عليه
+
باوعت شفته حسين حجيت:- شلون يعني
+
:-ما اعرف احس شايفج
+
:-امس اجيتنه
+
:-ايي اعرفج ام تفگه بس اقصد شايفج بـهاي الگعده
+
:-لا متوهم
+
:-على العموم اتشرفت بـ معرفتج بنت شيخ عگاب
+
:- الي الشرف حفيد الشيخ كاظم
+
:- ليش مو بـ اسم محمد ابوي.؟
+
:- اول ماعرفتك بـ اسم حفيد الشيخ كاظم فـ ما اعرف اسم ابوك
+
:-اممم حلوو
+
-اجت زهره هوَ ترخص وراح وانه وزهره گعدنا سوى قبل لا اشغل الراديون باوعنا وحده للثانيه وبلشنا نقرأ
+
:-إحنه غير حسين ما عدنه وسيلة
والذنوب هـواي كفّتها ثجيلة
وغداً يبدو لنا سدّاً منيعـــــا
هذه آراؤنا فيه جميعـــــا
والذنوب هــــواي كفّتها ثجيلة
احنه غير حسين ما عدنه وسيله
والذنوب هــواي كفّتنا ثجيلة
+
-نقراها ونلطم لحدما گالت زهره وهيَ تصفگ بـ حماس
+
:-واخيرااااً حفظناها
+
:-قصدج حفظتيها
+
:-ايي المهم شنو كلش فرحانه اوكفي أهلهل
+
- هلهت ضحكنا وبقينا نسولف لحدما اجه عليه اخوي ورجعت ويا مرت باقي الايام بـ هدوء لحدما اجه يوم گعدة عباس انشغلنا نحظر
غدا لأن الي راح يجون لازم يتغدون ويظلون عدنا بلشت ايده بـ ايد ويا نسوان اخواني والبنات الي يساعدنه جانن موجودات
+
خلص الغده وبلشوا يجون اهل محيسن شي ورا شي حكم المضيف معزول عن البيت مانسمع بس من تصير صيحه قويه
شويه شويه بلشت أصواتهم تهدأ شويه شويه لحدما انحسبوا كلهم شويه ودخل ابوي گمنا تلگيناه بلش يسولفلنا
+
:- بـ البداية أهله يرفضون بس شويه شويه ومن عرفوا ابنهم معترف على نفسه عرفوا هاي السوالف ما الها داعي
واول وتالي السالفه متكربسه بـ رأسهم بلش شيخهم يحجي وان همه ماعندهم جاوبته
+
:-شيخ انتَ تعرف العز الي انه بي ومامحتاجين فلوس الحمدلله والشكر بس حگ حفيدي شلون حگ بنتي اليي اتشوهت أيدها
الفلوس ترجعهم.؟
+
:-حگگ يشيخ بس بعد هذا أمر الله ومحيسن چان وسيله بـ تنفيذه
+
:- لو چان حادث لو غيره بيها مجال نگول هو چان وسيله بس هو بـ ايده دبرها للمكيده
+
اجه يركض يحب ايدي وگال:-فدووه رحتلك شيخ فدووهه رحتلك سامحني
+
:-تحلم وعلي الا اخليك تمشي وتتلفت اخليك من خيالك تخاف
+
:-فدوه شيخ مو هيج فدوه
+
نكثت ايده وگمت وگفت وگلت:- انه اقبل بـ اي مبلغ تقدمونه على شرط ابنكم ينهدر دمه وين مانشوفه نچتله حتى حسين اله حق ويا ولدي يچتله
....................*
+
-كمل ابوي حجيه وضح اتفقوا على مبلغ معين وهدر دم محيسن شويه ودخل ابوي ينام لحگته امي گال سجاد
+
:-الظاهر ليلتهم راح تبلش من العصر
+
دفره عباس:-احترم منا اختك
+
:-عادي اختي مو غريبه
+
حسن:-الزم السانك لا اگوم اكسرك
+
-بقوا همه يتناگرون وانه صافنه عليهم اخر شي عفتهم ودخلت نمت گعدت على ايد تسحل بـ شعري فزيت وصحت بي من شفت ابن اخوي كالعاده
+
:-هاي شبيكك
+
:-دومي دعدي تلها داعده
2
:- اطلع يمعود بس تاكل حروف
+
-خطيه هو طلع وانه استوعبت هو ليش هيج عنده مشاكل ويا اللغه العربيه گمت گعدت يمهم شافني عباس اشرلي وگال
+
عباس:-تعالي شوفي ادم متعلم شغلات جديده
+
اتأففت وگلت:-يعني هسه مگعديني علمود هاي السالفه
+
عباس:-ولج اي اسمعي،تعال بويه ادم
+
اجه گعد يمه ادم گال عباس:-يلا بويه گول عمه زينب
+
جاوبه ادم بـكل ثقه:-مه ذنب
+
زينب:-صرت ذنب بـثواب ابنك
+
ضحك عباس وگال:-ادم بويه تحب تصير الشيخ.؟
+
ادم:- ايي ثيخ
+
وگف عن الضحك وحجه:-خوش...خوش ثيخ ادم هوَ ومته ذنب
+
-صاروا يضحكون وبقوا طول اليوم هذا موضوعهم ذنب مشه اليوم ورا باقي الايام اليوم گعدنا على صوت الصواريخ
والواضح رجعت گبت بيناتهم حجت رحمه
+
:-الله ياخذ صدام لحد يمته نبقى هيج
+
حجت امي مقاطعتها:-اسكتيي ولج لايسمعج واحد تعرفين أنتِ الحيطان الها اذان
+
رقيه:- عمه من تحجي حقها هسه همه كلساع وگابه بيناتهم ومشتغلينا بالصواريخ شوفي الفروخ شلون خايفه وترجف
+
امي:- جا شنسوي ياعمه بس اذا نحجي تعرفن الوضع وشلون خطر علينه
+
-خلص كلامنا من طلع ابوي من الغرفه لأن منبهه علينا محد يفتح هاي المواضيع بقينا مجتمعين كلنا بـ مكان واحد والخوف
مسيطر علينا أجواء يرجف الها الگلب ممكن اي دقيقه يطيح علينا صاروخ بالغلط بقينا بـهذا القلق تقريب الاسبوع
+
ورجعت الأوضاع مثل قبل ورجعت حياتنا الاعتيادية واليوم عدنا عزيمة واكفه بـ الغرفه اتجهز جانت يمي رحمه هسه طلعت
جريت الكحله الي برزت سواد عيوني وجانت اخر لمساتي دخلت رحمه طلعنا انه وياها ومرت العزيمه عاديه لحد نهايتها
گالت وحده من نسوان السلف بـ صوت ناصي
+
:-شيخه فدوه العينج اريد احجي وياج بـ موضوع أنتِ والشيخه الصغيره
+
امي:- اي ليش لا
+
-شويه وطلعن النسوان بقت بس هيَ هاي المره طلعن نسوان اخواني بقينا بس احنه الثلاثه
حجت امي مبلشه الموضوع
+
:- گولي خيه ام ازهر شنهي الموضوع الي تردينه
+
طاحت دمعة المره مسحتها وگالت:- على الله وعليج شيخه من بختكم
+
:-گولي خيه مايردج غير لسانج
+
رجف صوت ام ازهر من بلشت تحجي:- شيخه ابو ازهر لزم يقين بنتي مواعده ابن الفلاح مالتكم وهسه يريد يذبحها وأنه محتاره يخيه
+
لطمت امي على وجهه وگال:- صخام يمت هذا الحجي
+
ام ازهر:- والله يا خيه قبل لا اجي وهسه گال عندي شغل ويا الشيخ جبت البنت واجيت
+
امي:-من هيج اشوفن وجها اصفر
+
ام ازهر:- ايي يخيه وانه گلبي يتراجف عليها وعلي والولد لزموا اخوانها ومدري شصار بي
+
امي:- شوفي خيه لاتعبين روحج وتفكرين زايد روحي للبيت واخذي البنت وياج واذا شفتي اي تصرف يسوي شرديها
الي ومعليج بـ الباقي أنه اتصرف والشيخ اكيد ما راح يقبل
+
-طلعت ام ازهر باوعتلي إمي وگالت
+
:-شو ساكته
+
لميت شعري وانه احجي:-جا شني احجي انطيتيها أنتِ حل وبلكي ابوها يعقل شويه
+
:-بلكي الله يهدي عليها هالمسكينه جابت حياتها ظلم يمهم واخر شي تنذبح لأن عشگت واحد
+
:-الله يساعدها
+
:-بس هم حقهم هسه الناس تاكل وجهم
+
:-اذا مايسولفون منين تعرف الناس
+
-سكتت هيَ شويه واجه ابوي ويا سجاد وأنه بالي صار يم يقين لأن هسه المفروض ابوها اجه شويه ومانسمع بس الباب يندگ بسرعه
گام سجاد فتحه دخلت يقين وجهه احمر وخدها علي اثار راشديات واضحات بـ سبب بياضها الزايد وعبايتها بس على رأسها
+
ركضتلها بسرعه لزمتها گعدتها بالگاع وامي اجتها من الجهه الثانيه گعد ابوي وسجاد گدامها گال ابوي
+
:-احجي بويه شجرالج شني هذا حالج
+
حجت يقين بـ تواسيل وصوتها الي مبحوح گد البجي:- فدوه شيخ وعلي ابوي يريد يذبحني
+
:-اهدئي بابا وسولفي سالفتج
+
-حجت سالفتها وأبوي يهز بـ رأسه بـ كل استماع اخر شي گال
+
:-بويه هسه أنتِ گومي ويا زينب وما يصير بس الي يفرح خاطرج اطمني
+
-اخذتها وگمت شويه وما اسمع بس هوسه والي عرفته اجه ابو يقين يطالب بيها يريدها يريد يغسل عاره ابوي گاله بصوت عالي
+
:-ابو ازهر استهدي بـ الرحمان وگول يا الله حگگ انتَ الناس هسه تاكل وجهك بس مو هيج هاي بنيتك وحيدتك
+
-فجأه اختفه صوتهم طلعت والي عرفته ابوي ماخذهم للمضيف رجعت يمها اشوفها منتهيه وبس تبجي گلتلها
+
:- لا تخافين والله محد يجيسج وأبوي واخواني يمج بعد أنتِ دخيلتهم
+
:-واذا گدروا ياخذوني زينب وعلي انتهي اخلص جاسم يحبني وانه احبه ما اريد اصير الغيره
+
:- لا تخافين ان شاء الله ماتصيرين الغيره
+
-بقيت احاول أقنعها وهيَ شبهه اقتنعت بس بقت بس تبجي عدها دموع زايده شويه ودخلوا ابوي واخواني صاحونه طلعنا الهم گال ابوي
+
:-بويه شوفي اتفقت انه وابوج أنتِ دخيله عدنا وممنوع تطلعين هسه واحد من الولد يملچ عليج لحدما نشوف حل
+
:-بس شيخ خوما راح اخلص حياتي دخيله يمك
+
:-الله كريم بويه وإذا ماشالتج الگاع عيونه تشيلج
+
:-اشكرك شيخ
+
-نهى ابوي حجيه واشرلي اگومها خاف مستحيه گمنا انه وياها اباوعلها شلون تبجي كسرت گلبي شبگتها اريد أخفف عنها
خلص اليوم ثاني يوم ابوي گال راح يجي شيخ يعقدلهم هيَ وسجاد احظرها وهيَ دمعتها على خدها شويه واجه الشيخ
+
خلص عقدهم اول ماطلع الشيخ صارت تبجي وتشاهگ لدرجة اختنگت النفس وگف بـريتها بقيت افرك بـصدرها لحدما شويه شويه
رجع النفس الها اخذتها وطلعنا للبستان حتى شويه تغير جو اول ماطلع شفت الفلاح وابنه وهيَ وياي اباوعلها عيونها غورگوا بـ الدموع هوَ تقرب عليها وگال
+
:-شلونج يبعد هوا ريتي الوگف اليوم
+
بلعت غصتها وگالت:-جاسم فدوه وخر ليغاد انه هسه مره متزوجه وهاي التصرفات مايصير
+
:-وعلي اخذج أنه اثق بـولد شيخ عگاب وهمه گالوا ماتروح الغيرك
+
:-بس رحت واليوم جان ملچتي
+
:-چا أنتِ تدرين ماكو بـ إيدي شسوي وعلي احس گلبي تعبان يوجعني
+
:-اذا ماصرت الك شوف حياتك ويا وحده يستحقها گلبلك
+
-ابتعد وهيَ عيونها تصب دموع دمعت على موقفهم اباوعله طاحت دمعته مشيت وراها لگيتها گاعده على الجرف گلتلها
+
:-ابجي شگد ماتگدرين حتى بلكي شويه يبرد گلبج وتطفي ناره
+
حجت وهيَ تشهگ:-صراحتاً ما اعرف شلون اردلكم معروفكم سويتولي الاهلي ماسوو
+
:-حبيبه تدللين وترى ابوي يسوي هالشي ويا كل شخص محتاجه
+
-بقينا نحجي أنه وياها شويه ورجعنا للبيت مر اليوم عادي ولحگه باقي الايام اليوم گعدنا الصبح على صوت الباب يندگ
طلعت شفته سجاد باوعتله گلتله
+
:-ها.؟
+
سجاد:-گولي اليقين تحظر امورها ترى راح يجي الشيخ ارمي عليها اليمين
+
زينب:-شنو السبب البنيه تبقى هيج.؟
+
:-اكيد لا هالچم يوم يجي جاسم يخطبها اتفقت ويا
+
زينب:-بيها الخير
+
-راح هو ويقين كملت تحظير روحها وطلعت ورا شويه واجه الشيخ وتم طلاگهم ثاني يوم گاعدين أنه وياها گلتلها
+
:- تعالي اسمعج قصيدتي المفضله
+
:-صدگ بلا خلي اسمع
+
بدت القصيده بـ اول بيت:-إحنه غير حسين ما عدنه
+
-بعده مامكمل البيت الاول واسمع الهوسه قويه باوعت من الشباچ شفت هواي زلم ومن بينهم جاسم وأبو والي عرفته ورا ماطلعوا
اجه ابو يقين وخطبوها رسمي من ابوها بحظور ابوي حكم هو شيخهم وجيبرهم مرت فترة واتزوجت يقين ماكو اشياء تذكر
+
بس منظرهم بيوم العرس جان يخبل منضرهم ابوي واخواني كبروا بعيني ورا هذا موقفهم حسيتهم صدگ سند وعليهم الاعتماد
او هذا الي جنت متوقعته المهم مرت وراها ايام هادئه بحيث حسيت هذا هو حياتي هدئت بس غلطانه
+
جنت گاعده على الجرف احب هذا المكان احسه يمثلني رغم ذكرياتي ويا مو حلوه مر طيف ذاكرتي من جنت صغيره
طالعين انه وعباس جاي نمشي يم الجرف وعباس يمه صاحبه شويه شويه همه ابتعدوا عن الجرف وأنه وياهم
+
وصلنا النص البستان وهمه گعدوا انه غافلتهم وبقيت وحدي گعدت كلش يم النهر اباوعله فرحانه دنگت اريد الوحه
اول مادنگت زلگت رجلي وطحت صارت طيحتي بالنص صحت واحاول احرك ايدي ماكو ما اگدر على صياحي اجو
+
الفلاليح وعباس وصاحبه طلعوني وأنه گوه أخذ انفاسي صحيت من ذاكرتي على صوت خطوات باوعت شفته حسين باوعتله وگلت
+
:- خير ياطير شتسوي هنا
+
:-الگاع بـ اسمج
+
:-انه وأبوي مابيناتنا فرق احجي وگول شنهوو الي رايده
+
:-رايدلي ريده من الشيخ عگاب ماتوقع ينطيها
+
:-ابوي معروف بـ كرمه للناس الأوفياء اله فـ إذا تحبه ينطيك عيونه
+
:-ابوس عيونه
+
:-يلا لا تأخذ راحتك لا واحد يشوفنا هنا وتصير حچايتنه على كل اللسان
+
:-ابتره من عرجه اللسان اليحجي عليج
+
:- ما محتاجه ابوي واخواني مايخلوني احتاج واحد يبتر اللسان لأن همه يعرفون ياهو الغلطان يا ابن محمد
+
:-تدللين بنت عگاب
+
-هوَ راح وأنه بقيت صافنه عبر على الجسر لحدما اختفى من عيوني يلا رجعت الوعيي ما ادري شنو صار بيه من شفته
رجعت للبيت شفت الحبايب ملتمات گعدت يمهن واحنه نحظر بـ الغده لمن خلصنا اتغدوا وطشوا ناموا ورا ماشربوا چاي
+
للعصر امي والبنات راحت الجيرانه بنتها جايبه أنه ما اطلع للجيران مبتعده عنهن بس وكت الي يجن النه او اذا عزيمه كلش اروح
مر اليوم مابي حدث جديد ثاني يوم گعدت الصبح امي گالت دوري اخبزي لبست شيلتي البرسيم والعبايه اتخصرت بيها واتنگبت
+
ورحت الغرفة الخبز طگيت الخبز ورجعت وأنه بالطريق انصدمت وطاحت معجانه الخبز من ايدي من شفت الي گدامي
محيسن...يتبع
3
.
+
.............................*
+
.
+
