رواية انتقام قدر كامله وحصريه بقلم جمانه السعيدي
اني قدر مواليد ٩٢ طولي ١٧٠ رشيقه ملامحي حاده وحلوه
عيوني كبار ومجرورات رموشي طوال خشمي حلوه
وجهي بيضوي شعري بني وسرح
عائلتنا تتكون من خمس نفرات
بابا كاتب عدل بلمحاكمه
وامي موضفه بلتربيه
اختي الجبيره اسيل واني قدر واخر وحده مرام
اني اسمي قدر
لان بوقت ولادتي بابا تعرض الحادث سياره
بس الحمد لله طلع سلامات
لهذا السبب سماني قدر
جمانه السعيدي
راح احجيلكم قصتي واعرف راح تلوموني وتحجون عليه
اعرف اني غلطانه
بس منو منا معصوم من الغلط
اني انثى ولا نثى اهم شي عدها كرامته
وخاصتا اذا شخص عزيز عليه ومتعلقه بي
هو السبب
اني انسانه ثارت الكرامته انتقمت الشرفه
حتلو هذا الانتقام كان قاسي
بس بوقته ماكان على بالي غير اخذ حقي
واندم الانسان الي وثقت بي وسلمته كلشي وغدر بيه
جمانه السعيدي
قصتي بدت من تخرجت من السادس كان معدلي ٧٩
وكان افضل شي اليه بلقبولات القانون
قدمت قانون ودرست وتعبت على نفسي
حلمي اتخرج واصير شي مهم
طبعا ماما وبابا معلمينا على الثقه والحريه
والحمد لله اني وخواتي الكل يحمد باخلاقنا وشرفنا
ابد ماستغلينا الفرصه
ولا حاولنا انزل من قيمة اهلنا
اختي الجبيره اسيل ازوجت بكركوك ولد جان يدرس وياها عجبته وخطبه
دائما يكول ولله شلعت كلبي بالكليه ماتقبل تحجي وياي
تعلق بيه واجا خطبه
ازوجت وهسه عدها طفل
بيته وحدها وعايشه سعيده وياااا
اما اني ماانكر هواي حاولو وياي بس اني كنت اصدهم
اولا اريد اتخرج
ثاني ابد ماصادفت شخصيه عجبتني وتعلقت بيه
دائما احلم اخذ واحد مميز
واحد احبه واتعلق بي واشوفه يختلف عن الناس
طبعا خواتي يضحكن عليه يكولن انتي راح تبقين بلا زواج على هاي الموصفات الي ترديه
بس اني مصممه الي ارتبط بي كون كووون احبه بجنووون
مو حب عادي
وهو لازم يبادلني نفس الشعور
جمانه السعيدي
المهم مااطول عليكم تخرجت من الكليه واني اي واحد ماداخل كلبي ولا شفت اي واحد مميز
بس اتخرجت طلعت هوية المحاميه
وبابا صمم يعرفني على صديقه محامي شاطر كلش
متعرف على صار سنه بلمحكمه وصايره بينهم صداقه قويه
دائما بابا يحجي عنه وعن شطارته
بس اني ماشايفته
ولا مره جاينه للبيت لان مشغول جدا
بابا كان مصمم يعرفني علي
حتى اتمرن جوه ايده
بابا كان يسولف عنه بحماس ماله مثيل
يكووول مستحيل بلزم قضيه ويخسر
حتلو المجني محكوم إعدام لازم يطلع افراج
اصعب القضايا يحله
عندا مكتب خاص ومشغل ويااا اثنيبن محامين لان مايلحك على القضايااا
جمانه السعيدي
المحامي اسمه صباح
عمره ٤٥ متزوج وعندا ولد واحد وبنات ثنيين
اني من سمعت عمره وعرفت متزوج
اتخيلت شكله جبير وخصوصا بابا يكول صديقي
يعني بابا جبير ولازم صديقه يكون جبير مثله
ابو اسيل باجر ترحين وياي للمحكمه واعرفج علي
قدر تمام
ابو اسيل اتمنى يشغلج ويااا اذا قبل تشتغلين ويااا
راح تصيرين محاميه شاطره كلش
خلال سنه تفتحين مكتب وحدج
اربد تنتبهين حيل وتركزين وياااا حتى تعرفين كل دهاليز القضايااا
قدر اذا هو هيج شاطر اكيد راح اتعلم منه بسرعه
ماكدرت انام بليلته من الفرحه
معقوله اني راح اشتغل محاميه
وويااا احسن محامي بلمحكمه
فتحت الكنتور شراح البس شلون احجي
شلون اسلم شلون لازم انتبه الكلشي
اتخيل نفسي واكفه بلمحكمه واترافع والزم قضايااا
ضل عقلي يتخيل اشياء واشياء وبلكوه يله نمت
الصبح بس دك المنبه طفرت
كاعده على الجربايه وعيوني مغمضه
مااكدر افتحن من النعاس
بعدين اذكرت اليوم اليوم الأول اليه
نزلت من الجربابه وركض للحمام حتى اصحصح
طلعت شسورت شعري طبعا شعري مدرج النص ضهري لبست قاط رسمي بنطرون قماش اسود وستره اسود وقميص بيجي وحذاء ابيض
خليت معطر ومكياج خفيف
اخذت هويتي خليته بلجنطه ونزلت
لكيت ماما وبابا ومرام يتريكون
كعدت اكلت شي بسيط على السريع
جمانه السعيدي
قدر يله بابا نروح
بابا شنو هلنشاط
قدر بعد محاميه ويومها الاول لازم تكون نشطه
طلعنا تمشي السياره واني عندي احساس عجيب
حسيت نفسي شي مهم
اريد بس اوصل واشوف المحكمه
وصلنا ودخلنا كل الي يشوف بابا يسلم علي
لان بابا صار اكثر من ١٥ سنه يشتغل بلمحكمه
بابا كال انتضري هنا
واني راح اتصل باستاذ صباح اشوفه اذا موجود
كعدت برا بلاستراحة
المحكمه هوسه ناس طالعه وناس داخله
والشرطه تارسين المحكمه
احس العيون كله عليه
بس عادي لازم اتعود بعد اني محاميه ويوميه اقابل ناس اشكال والوان بلمحكمه
شويه وطلع بابا من غرفته وكال اليوم استاذ صباح مايجي للمحكمه
طالع للكوت باجر يداوم
اليوم ماعنده مرافعات بلمحكمه
قدر عادي ممكن استكشف المحكمه وافتر شويه
بابا اي شوفي المكان الي راح اداوم بي
افتريت شويه وشفت ولد ثنيين نفس دفعتي هم جايبن
للمحكمه وبنيه جانت تداوم وياي بس موصديقتي
اني صديقتي المقربه اسمه رفل من تخرجت راسا انخطبت
لابن عمها ضابط وزوجت صار شهرين
ومنعهاااااداوم بلمحكمه
جمانه السعيدي
اكو نسوان جايات للمحكمه سئلتهن ليش جايات وشنو قضاياهن الي جايات علموده
تعرفون النسوان مايعولن واحد يسئلهن راسا انهدن فد هده
بس وحده ضحكتني زوجه ضاربه واهله مشتكين علي
واليوم مرافعته الي ضحكني بلموضوع
زوجه عندا سكر ويضرب ابر انسولين
هي جايبه ابرة الأنسولين وخالته بثلج حتى يضربه بلمحكمه
تتوسل بيد الشرطي ينطيه اله
كتله زين تنازلي وطلعي اذا مريض
تكول اخواني مايقبلون اتنازل
الساعه ١١ رجعت للبيت بس كلش تعبانه
تعبانه وسعيده نفس الوقت
جنت خايفه من المحكمه بس هسه حاجز الخوف انكسر
نمت بدون غدا من التعب
بليل كعدت وكت العشى تعشيت وبابا اتصل باستاذ صباح
اكد على الموعد باجر
حتى يعرفني علي
اتصلت باسيل وحجيتله شلون جان يومي الاول بلمحكمه
ورجعت اتصلت بصديقتي رفل حجينا شويه
وسولفتله تفاصيل يومي
طبعا زوجه سمعنا اخذ التليفون وكال
لا تحاولين مااخليه اداوم ولا تدخل المحكمه
قدر هي صوجه اخذت واحد مثلك متخلف
...متخلف بس احبه ومااربده تتعب روحي نامي وراج دوووام وين الله وتوكعين بمجرم يشوه وجهج
قدر اسم الله بيش طالبني لا تخاف شوف انت اذا طحت بمصيبه
اني موجوده واطلعك
اخذت التليفون رفل
...اسم الله بيش طالبته خلي المحكمه على كدج
قدر يله روحي انتي وهذا مجنونج اريد انام وراي دوووام
