رواية انتقام قدر الفصل الثاني 2 بقلم جمانه السعيدي
البارت الثاني
انتقام قدر
جمانه السعيدي
قدر ثاني يوم كعدت كلي حماس اكثرمن اليوم الاول
سبحت طلعت شسورت شعري وعفته مفتوح
لبست بنطرون جينز ثلجي وقميص احمر وستره سوده
حذاء وجنطه احمر ميكب حلووو وعطر
نزلت
امي تحضر بلريوك
قدر صباح الخيرر ياست الكل
امي صباح الخيرات
قدر وين بابا
امي جاي يبدل
قدر صباح الخير بابا
بابا صباح الخيرات
قدر شنو رائيك
بابا حلو بس اريدج تعرفين شي مهم صحيح الاناقه والترتيب والكشخه مهمه بس الأهم منهن العمل
العمل مهم اثبتي نفسج بعملج تمام
قدر قصدك اني مبالغه بلبسي
بابا لا انتي هسه بلبدايه وتردين تثبتين نفسج
بعدين انتي وحدج راح تغيرين كلشي
المحكمه مو مثل الكليه انتبهي زين
قدر اذا ماعاجبك لبسي اغيره
بابا لا انتي فرحانه بلدوام خليج مثل ماانتي بس حاولي تكونين على طبيعتج اكثر
قدر تمام اتفقنا
جمانه السعيدي
تربكنا وطلعنا طبعا الصبح كلنا نطلع من البيت امي تروح للدوام ومرام تروح للكليه
واني وبابا نروح للمحكمه
وصلنا بس استاذ صباح بعده ماواصل
بابا راح الغرفته واني بقيت انتضر
تقريبا بلتسعه وربع وصل
اني ماشايفته قبل ولا اعرف شكله ابد
فات واحد من كدامي شكله حلووو وانيق بشكل مو معقول
والعطر ترس المكان
حتى المشيه مميزه لابس قاط رمادي وقميص ابيض
مااعرف ليش لفت انتباهي
طويل وجسمه متناسق شعره اسود لحيته حلوه
التفت عليه وهو يمشي نضرلي نضره غريبه
حسيته نضره مميزه
نضره كله اعجاب
اني بوقته ماتوقعت استاذ صباح ابد
لان مامبين عمره ٤٥ اني انطيته عمر ٣٧ او اكثر شي ٣٨
لان شكله ماينطي هذا العمر ابد
بعدين كمل طريقه واني بقيت واكفه بمكاني
عشر دقايق واجاني بابا
بابا اجا استاذ صباح خل اعرفج علي
بقينا واكفين واني اباوع بلوجوه شكو واحد بعمر بابا
يجي اكول اي هو هذا
جمانه السعيدي
رن تليفوني باوعت اسيل اسمع بابا يسلم علي واني ملتهيه رفضت المكالمه ورجعت التليفون للجنطه
رفعت راسي جان اشوف نفس الشخص الي فات قبل شويه كدامي
مد ايده وكال اهلا وسهلا
مديت ايدي اسلم علي باوع عليه نضره بوقته لو احجي للصبح مااكدر اوصفه
نضره كله اعجاب نضره مميزه نضره حلوه
بعمري محد مباوع عليه هيج ابد
حسيته ضغط على ايدي وسلم بحراره
بابا هاي بنتي قدر الي حجيتلك عنه
صباح اهلا وسهلا شلونج قدر
قدر سحبت ايدي وكتله اهلا وسهلا استاذ
صباح مستعده تبدين التحدي
قدر ابتسمت اكيد مستعده
بابا بعد مااوصيك عليه طبعا هي ذكيه وشاطره كلش
ومراح اتعبك ابد
صباح مبينه ذكيه وشاطره
مااعرف ليش كنت اسمع كلامه بنغمه خاصه كلش
احس مايحجي مثل الناس العاديبن ابد
راح تكولون شدعوه بالغتي بلوصف
ابد مابالغت هو انسان مميز كلش
مثل الساحر احس كلامه سحر ونزل على عقلي
جمانه السعيدي
بابا خلاص اني اعوفكم لان اتاخرت على شغلي
بابا المسكين مايعرف سلمني بيد الذيب بايده وهو مطمن
التفت عليه
صباح يله نبدي الشغل وابتسم
قدر يله
صباح مااريد ادخلين غرفة المحامي اله ضروره قصوى
قدر ليش
صباح اني اعرفهم اكثر منج مستحيل راح بعوفونج بحالج ابد
قدر بس اكو محاميات ثنيبن البارحه تعرفت عليهم
صباح ولو اله شي ضروري يله ادخلين
قدر تمام
صباح تعاي انطيج ملف ادرسينه وحده طالبه الطلاق لان زوجه يعنفه
ومالج شغل باي احد ولا تحجين ويه اي احد غيري فهمتي
قدر تمام
اخذني الغرفه بيه موضفه جبيره بلعمر كاعده على مكتب
عرفني عليه
هاي ام حسن اعرفج عليه
قدر اهلا وسهلا
ام حسن اهلا حبيبتي
صباح اكعدي هنا شويه وراح تجي صاحبة الدعوه اريدج تكعدين وياها وتسجلين كلشي تحجي اللج
قدر تمام
طلع ورجع راسا
صباح نسيت اربد رقم تليفونج
قدر اي اكيد
صباح سجلي رقمي ورني عليه انطاني كارت
وبقه واكف سجلت الرقم ورنيت علي
صباح تمام
طلع واني كعدت وبقيت اكلب بلملف وام حسن تشتغل
تقريبا ربع ساعه ورجع
صباح هاي صاحبة الدعوه اربدج تسجلين كلشي تحجي اللج
قدر تمام
جمانه السعيدي
طلع واني بقيت كاعده وهي تحجيلي شلون زوجه يعنفه
وماينطيه مصرف ويغلط عليه
واخر شي رايح مزوج عليه وعايفه هي وجهاله
سجلة كلشي حجته اليه
بعدين اتصل بيه استاذ صباح
صباح الووو قدر
قدر اي استاذ
قدر انطيه خبر اتاجلت القضيه الباجر لان زوجه ماحضر
قدر تمام
راحت صاحبة القضيه واني بقيت كاعده واقرا تفاصيل قضيته
شويه واتصل بي بابا
بابا هااا قدر شلونج شلون الأمور وياج
قدر لزمت قضيه بعد لحد يحجي وياي صرت محاميه رسمياااا
بابا عفيه بنيتي تردين ريوك اطلبلج
قدر لا موجوعانه
بابا اي شي تحتاجينه اتصلي عليه
قدر تمام
طلعت رحت لكيت رنا هاي المحاميه دفعتي تخرجت السنه وياي
سلمت عليه
وبعدين حجينه شويه
الساعه ١١ اتصل بيه صباح كال وين الملف جيبي اني راح اطلع اكو أوراق بمركز الشرطه اكملهن وارجع
اخذت الملف ورحت علي
ابتسم ابتسامه حلوووه هااا شلونه الشغل اول يوم متعب مووو
قدر هو وينه الشغل اريد شغل اكثرررر اريد كون ماارفع
راسي من الشغل
صباح مو تدللين اذا ماخليج حتى تباتين بلمحكمه من الشغل
قدر اي استاذ فدوووه اريد شغل هواي
صباح راح اخليج تشردين من الشغل
جمانه السعيدي
طلع وبعد مارجع
بيومه بعد ماصار شي مميز رجعت للبيت
تعبانه تغديت ونمت كعدت المغرب حضرت العشى ونضفت المطبخ وصعدت الغرفتي
الصبح كعدت على مسج
كوه فتحت عيوني
لكيته من صباح
صباح الخيررررر مستعده المحاميه الشاطره للعمل
قدر صباح النور اي مستعده
صباح تمام نلتقي بلمحكمه
راسا طفرت عبالك اجتني جرعة حماس سبحت وبدلت
لبست قاط كامل بنفسجي داكن وبدي كريمي
وجنطه وحذاء اسود
شعري رفعت نص ونزلة نص
خليت عطر ومكياج هادء ونزلت
جمانه السعيدي
وصلت للمحكمه بس دخلت لكيته برا وعيونه كأنما تكول منتضرج
سلم علينا اني وبابا بابا راح الغرفته واني ويااا
دخلنا للمحكمه
بدينا نشتغل نروح منا ونرجع منا وجيب هاي الأوراق
وستنسخي ذني
بعدين حضر زوج هاي البنيه الي اني دونت كلامه
واحد مخربط وشكله كلش مستفز
راسا خنز عليه هي خافت
اشرله اني اعلمج بسيطه
اني كلش ضجت منه فوك ماغلطان النوب يهدد
كتله ممنوع تحجي اي شي ويه موكلتنا والا اشتكي عليك
التفت على زوجته وكال اسحبي القضيه ولا مااخسر شي عليج غير طلقه وحده
هي راسا كامت تبجي
ماتخوفيني بمحاميتج انتي وياها اخلص عليجن بوقت واحد
هو كال هاي الكلمه واستاذ صباح ورا
صباح تخلص على منوووو اني راح اخلص عليك
انت جاي تهدد المحاميه قدر
راسا دخل قدم علي بلاغ وحضر الشهود اني وموكلتنا
بهاي القضيه اقصد زوجته
راسا القاضي كال اخذووو للسجن حتى يتأدب
والقضيه اتأجل اسبوع كامل
طلع صباح واني بقيت واكفه واهدي بيه
رجع بيده عصير هاج قدر لا تخافين من واحد مثل هذا
اذا مااندمه لان حجه وياج هيج
وانتي لا تخافين يقصد على زوجت المتهم
راح اخذلج حقج وازيد
هذا حيوان مو بشر شلون معاشرته
طلعت موكلتنا من المحكمه
صباح خوما حجه عليج شي زايد
قدر لا بس هددني
صباح اي واحد يحجي وياج حجايه زايده كبل اشتكي علي ذوله مالهم علاج غير السجن
