رواية انتقام قدر الفصل التاسع 9 بقلم جمانه السعيدي
طبعا اهل رائد بين عليهم الرفض من اول ماشافوني
ام رائد رفضتي بسبب فارق العمر
اما صباح يعرف هاي الزواجه مستحيل أتم
بسبب الي صار بينا
اني شرعا وقانون احرم على رائد بعد الي صار بيني وبين صباح
بس اني اريد اضغط علي واندمه واخلي يلعن الساعه الي فكر بيه يدمر حياتي
جمانه السعيدي
صباح رجعت للبيت واني حاير اضرب اخماس باسداس
هاي منيين طلعتلي
شلون دخلت حياتي
شلون تعرفت على رائد
اكيد درست وخططت حتى تدخل حياتنا ودمره
واني اكوول الموضوع عده على خيررر
وقدر قبلت بلامر الواقع
والموضوع مر بسهوله
طلعت غشيم ومااعرفه زين
اني لازم اوكفه عد حدهااا مستحيل اسمحله ادمر كلشي بنيته
لازم تطلع من حياتنا ورائد لازم ينساها للابد
انتضرت لمن يرجعون من المطعم
رائد ضجت من أسلوب اهلي ليش هيج يعاملونه
ولله لو يتعرفون عليه
جان حبوها مثلي واكثر
جمانه السعيدي
رائد وصلنا للبيت دخلت ولكيت بابا كاعد وشكله عصبي وضايج حيل
ماما يااا هاي انت هنا مو كلت عندي شغل
صباح لغيت الموعد
رائد اريد احجي وياكم بموضوع مهم
صباح باوع قبل لا نحجي اي شي هاي البنيه تنساها
ماما اي ماما اكبر منك واني الصراحه ماارتاحيت اله ابد
رائد لو تحجين منا للصبح اني غير قدر ماازوج
صباح لو تبقى اخر بنيه بلدنيا ماتزوجه فهمت
رائد لو ابقى طول عمري بدون زواج مراح ازوج غيره ابد
صباح انت تعاند
رائد لا مااعاند بس انطيني سبب منطقي حتى اعوفه
ماما اكبر منك
رائد انت شجلبتي بهاي السالفه تاخذينه وترجعينه
شنو اكبر مني شنو فرق سنتين
انت تحجين صدك اصلا مامبين عليه اكبر مني
انتم متعجبين
اصلا زين منه وتحبني ولله احسن الشخصيات تتمناها
حلوه ومثقفه وبت ناس مابيه اي عيب
أنطوني سبب واحد مقنع حتى اعوفه
صباح اني كلت تعوفه يعني تعوفه
رائد واني كلت مااعوفه واذا تبقون على رائيكم
اروح اخطبه وازوجه ومااخليكم تشوفون وجهي ابد
عفتهم ورحت بغرفتي واني متاكد مراح يرفضولي طلب
لان اني تعلمت من زغري اي شي اريده اخذه
جمانه السعيدي
قدر رجعت للبيت بدلت وتمددت واني انتضر ردت فعل صباح اكيد مراح يسكت ابد
رائد دزلي رساله اسف حبيبتي
قدر ولا بهمك حبيبي
ثاني يوم لبست قاط كريمي كامل بنطرون وستره وقميص ماروني
رفعت شعري نص ونص وخليت ميكب هادء
طلعت واني اعرف هذا اليوم مراح يعدي على خيررر
منتضره ردت فعل صباح
اكيد راح يثور عليه بس اني متحضرتله
وصلت لكيته واكف برا وعيونه حمر
صباح تعاي اريد احجي وياج
عفته ودخلت جوا وكنما ماسمعته
اجا وراي ست قدر ممكن نحجي سويه
قدر بلاول كول صباح الخير ترا السلام لله
صباح صباح الخير ممكن نطلع نحجي خارج المحكمه
قدر اسفه عندي مرافعه خل اشوف دفتر مواعيدي
واشوف ياوقت فارغه وارد عليك
صار عصبي وهو هذا الي اريده حلفت اله اخلي يتوسل
صاح بعصبيه قدرر
قدر لا تصيح ماتخوفني بصياحك من افرغ اني انطيك خبر عموووو
لازم منا وهيج كله اصيحلك عمووو
بصفتك ابو زوجي المستقبلي
أتقدم وسحبني من ايدي بقوه وطلعني برا
قدر عوفني وجعتني
صباح نحجي خمس دقايق وترجعين
فتح باب السياره ودخلني
صعد ومشا بسرعه وماحجه اي شي
جمانه السعيدي
مشا تقريبا نص ساعه بدون مايحجي اي شي
وصلنا المكان مفتوح
يعني بيوت وساحه كدامهم بيه حديقه جبيره
وكف السياره ومانزل بقه كاعد ورا الستيرن ويفرك بوجه
صباح انتي شتريدين بلضبط
قدر انت الي كلت عندي موضوع مهم وياج شتريد
صباح ابتعدي عن رائد
قدر مااابتعد عنه احبه وراح نزوج اني وياااا
صباح ضربت الستيرن بعصبيه اي زواج هذا الي تحجين عنه
انتي ورائد مايصير تزوجون
قدر ليش مايصير نزوج
صباح مايصير وبس
قدر لا لازم اعرف ليش مايصير نزوج
صباح لان حرااام
قدر حرررام انت تعرف الحرررام لو تعرف الحرام
ماضحكت عليه باسم الحب
لو تعرف الحرام ماكسرتني وشردت
انت شنو من بشر ضليت تحوم عليه وتسمعني كلام حلووو وتخدعني باسم الحب
منا لمن اخذت الي تريده
ودرت وجهك ومشيت ذبحتني وعفتني
ابد مافكرت تلتفت عليه لو تساعدني
تنتقل الغير محافظه وتغير تليفونك ليش
اني شسويت حتى يكون هذا جزائي
ماطول الشغله حرام بحرام ازوج رائد واكابلك واكعد
لا تخاف مراح احجيله عن عمتلك السوده
صباح اسف غلطت مايصير البشر يغلط
قدر هههه هههه هههه هههاي غلطت واسف هيج بكل سهوله
يعني عادي عندك ادمر حياتي وتكول اسف
اريد احلفك بكل غالي على كلبك
لو بنتك اجت وكالت اغتصبوني راح تكول عادي
وتغبر الموضوع
لو راح تدور الي سوا هيج وتنتقم منه
جمانه السعيدي
صباح سكتت
قدر ليش سكتت احجي اني مو بعمر بنتك
ليش سويت بيه هيح
صباح اني مستعد الكل طلباتح بس ابتعدي عن رائد
رائد ابني الوحيد الي طلعت بي من هاي الدنيااا
وهو متمسك بيج
ومايقبل يعوفج ابد بس اذا انتي كتيله ابتعد راح يبتعد عنج
قدر وكفووو منه انسان محترم كال كلمه ونطاني وعد
وكان عد وعده اليه
اتمنى لو مقابلته بضروف احسن من هيج
صباح انتي تعرفين هذا الزواج مايصير ليش متمسكه بي
ليش تردين ادمرين حياته
رائد ماله ذنب بلي صار
قدر حلفت اخذ منك اعز ماتملك مثل مانت اخذت مني اعز مااملك
ورائد اعز شي عندك
صباح انتي شتريدين فضيني
قدر نزوج اني ورائد
جمانه السعيدي
صباح مايصير ياامة الإسلام مايصير حرام تفهمين حرام
قدر ولله وطلعت تعرف الحرام
صباح قدر لا تعبيني ابتعدي عن رائد لا ولله تشوفين وجه ثاني
قدر لا تهددني ترا اني مو قدر الي تعرفه من زمان
اني اليوم انسانه ثانيه
قويه فوك ماتتصور ولا تنسى اني كنت تلميذتك بيوم من الايام يعني كل حيلك والاعيبك اعرفهن
خاف مني لان انت ماتعرفني زبن
صباح قدر ابوس ايدج عوفي رائد
عذبيني اني انتقمي مني اني تردين فلوس شكد يرضيج مستعد
اوقعلج شيك على بياض
قدر رفعت اديه وكلت الحمد لله رب العالمين
صباح هاي شبيج
قدر رب العالمين شكد كريم شوفني بيك يوم وأنت تتوسل بيه
يله ميخالف كسرت خاطري اعوف رائد بس بشرط
صباح شنو هذا الشرط
جمانه السعيدي
قدر تجي تخطبني علني واجيب رائد وزوجتك وبناتك وياك
وتسويلي عرس ماله مثيل
وهيج تكون جاي تصحح غلطتك وكلشي يرجع المكانه
صباح انتي تحجين صدك شبيج تخبلتي
قدر اي ولله احجي صدك ليش مااستاهل تخطبني وتسويلي عرس
تذكر شلون جنت تحبني قبل
وتتوسل حتى تشوفني
تذكر لمن مارحت للمحكمه يومين شلون اجيت تركض
للبيت حضنتني وكلت مشتاق
ذاك اليوم الاسود
الي دمرت بي حياتي ونهزمت
بس رب العالمين مايقبل بلضلم اخذلي حقي منك
وخلاك واكف كدامي تتوسل وحاير بزمانك
صباح انتي الكلام وياج ضايع
اني راح اطلع رائد للخارج يكمل دراسته
اكيد اذا ابتعد عنج راح ينساج
قدر حاول شكد ماتكدر رائد مراح يعوفني ابد
واذا سفرته راح اسافر ورا وين مايروح مااعوفه ابد
واني وياك والزمن طويل
نزلت من السياره وهو بقه كاعد ويفور
