رواية انتقام قدر الفصل العاشر 10 بقلم جمانه السعيدي
البارت العاشر
انتقام قدر
جمانه السعيدي
قدر رجعت للمحكمه بديت شغلي واني متوقعه الاسوء
من صباح مستحيل يسكت
بس اني راح اكون واعيه
وانتبله اكثر
الساعه ١١ امي اتصلت
امي الووو قدر
قدر هلووو ماما
امي اليوم عدنا خطار حاولي ترجعين من وكت
قدر خطاررر منو
امي اسيل هي وعياله جايين
قدر عيال اسيل شعجب
امي هذا العجب ارجعي من وقت
قدر انشاء الله
رجعت الساعه ١٢ للبيت لكيت امي مخبوصه وتطبخ
لبست تراك ورفعت شعري وبديت اساعده
بلطبخ وبترتيب البيت
جمانه السعيدي
عيال اسيل مو عائله جبيره ثنيين ولد وامهم
احمد زوج اسيل موضف بشركة الاتصالات
وعمار طيار بلخطوط الجويه العراقيه وعمره ٣٠ سنه
الساعه ٢ وصلو صعدت بدلت لبست ثوب طويل اسود وبي ورد اصفر
ورتبت شعري ومرام وصلت من الكليه وبدلة ملابسه
وبابا رجع من الدووام
رحبنا بيهم
وبدينا نحضر بلاكل
تغدينا واني احس ام عمار وعمار عينهم عليه
حسيت اكو شي
ام عمار احنا جايين نبقى كم يوم بغداد نغير جووو
امي اهلا وسهلا هله بيكم لازم عمار ماعندا رحلات هليومين
عمار اي عندي اسبوع كامل امشي بي على الارض
كافي تحليق بلسما
كمت احس نفسي طير هلكد ما طاير
قدر اصلا الكل يحسدك على هاي الوضيفه منو مايحب يسافر وكل يوم بلد
عمار الي يسافر بمزاجه ويفتر ويتونس مو مثلنا
احنا النا مواعيد خاصه
والتزام من كد السفر كرهت هاي الشغله
شلنا الاكل وقدمنالهم جاي
وبدينا أنصف اني ومرام واسيل ونرتب
امي ماقبلت اروح العصر للمكتب كالت عيب اطلعين وتوعوفيهم وحدهم
جمانه السعيدي
اتصلت برنا اعتذرت منه
اجاني مسج من رائد
رائد وين اليوم ماكووو
قدر عدنا خطار من كركوك ومشغوله
رائد اشتاقيتلج
قدر واني هم اشتاقيتلك من افرغ اتصل بيك
رائد لا تتأخرين عليه
قدر تمام
العصر طلعنا نفتر اني وماما وبابا ومرام وياهم
وعزمناهم على العشى بمطعم
حسيت عمار يحاول يقرب مني ويدور مواضيع حتى يحجي وياي
وحنا نفتر بلمول اجاني عمار
عمار قدر تعاي شوفي منو الاحلى هذا البدي لو القميص
دخلنا اني وياا للمحل
قدر ثنيبنهن حلوات
بله خلي البدي على صدرك حلووو
شو خلي القميص لا البدي احلى عليك
عمار خلاص اني راح اختار البدي
طلعنا اكو مكان يبيعون بي لوحات كلش حلووه
عمار اريد لوحه حلوه الغرفتي
شنو رائيج تختاريلي وحده
قدر شعجب تشتري من العراق وانت كل يوم بدوله
عمار هنا الأسعار ارخص بهواي من باقي الدول
ليش اشتري من برا اشتري من العراق احسن
طبعا بلدول بس يسمعون بيك سائح
راسا يضاعفون السعر
يله اختاريلي على ذوقج
قدر بس بشرط اني ادفع فلوسه واعتبره هديه مني الك
عمار لا شلون دافعين فلوسه
قدر هديه مني الك
جمانه السعيدي
اختاريت لوحه كلش حلوه ومابيه تفاصيل هواي
واشتريته
رجعنا للبيت بس ولله جنت محتاجه هيج طلعه لان تونست حيل
صعدت ابدل راسا اجتني رساله
جمانه السعيدي
صباح قدر اريد احجي وياج اني صباح وهذا رقمي الجديد
قدر تفضل استاذ صباح
صباح عندي حل الهاي المشكله ولازم توافقين علي
قدر اي مشكله
صباح مشكلة زواجج من رائد لا تسوين نفسج غبيه
قدر انت استاذ صباح المحامي لو غيرك
صباح هاي شبيج اي صباح
قدر تفضل استاذ اسمعك
صباح نزوج بلسر اني وياج وتعوفين رائد
قدر نزوج بلسر شلون
صباح نزوج مثل كل الناس بس بلسر اهم شي عائلتي ماتعرف واي طلبات اني حاضر
بس تبتعدين عن رائد
قدر بس اني احب رائد
صباح قدر عوفي هذا الحجي الزايد اني هسه جاي
اعاملج معالمه طيبه باقي على العشره الي بينا
بس هلمره ياقدر اذا رفضتي ماتلومين غير نفسج
اني ممكن اتساهل بكلشي
بس رائد خط أحمر ابتعدي عنه احسلج
فكري هذا انسب حل الهاي المشكله
جمانه السعيدي
راسا اخذت سكرين للمحادثه حتى استخدمه ضد صباح
بلوفت المناسب
شويه وصعدت اسيل
راسا قفلت التليفون
اسيل ويامن تحجين
قدر ماكووو شغل
اسيل عندي موضوع اريد احجي وياج بي
قدر اي اسمعج
اسيل عمار معجب بيج من ذيج المره لمن شافج عدنا
واكل كلبي يوميه يسئل عليج
قدر وبعدبن
اسيل الصراحه هو اجه حتى يشوفج ونفتح موضوع الخطبه واذا وافقتي راح نكون اني وياج
ماخذين الاخوان وراح تكون المشاكل مستمره
اني زوجت الجبير ولا زم اوامري هي الي تمشي
ماكو املخ كفشتج تعرفين الغيره بين نسوان الحموه
هااا شكلتي
قدر مااعرف فاجئتيني محتاجه وقت افكر
اسيل اني اختج واكيد اريد مصلحتك اني اكول وافقي عمار خوش ولد وكريم ونفسه طيبه
ومادام هو الي اختارج اكيد راح يسعدج
قدر اي لازم افكر وبعدين ارجعلج خبر هلفتره عندي شوية مشاكل بالعمل لازم احلهن بلبدايه
وافكر زين لان هذا زواج مو لعبه
اسيل زين تقبلين انطي رقم تليفونج حتى تتواصلون انتي ويااا
واذا اقتنعتو بعض نكول على الخير
قدر اي عادي انطي تليفوني واذا اقتنعنه اني ويااا
انشاء الله يكون اكو بينا نصيب
جمانه السعيدي
ثاني بوم اتفاجئت عمار اجاني للمكتب
قدر عمار اهلا وسهلا
عمار اهلا بيج شنو هذا المكتب الحلووو
قدر من ذوقك جاي لو كهوه لو عصير
عمار جاي
قدر تدلل
طلبنا جاي
عمار زين الشغل
قدر الحمد لله
عمار شنو اكثر القضايا الي تجبكم
قدر الطلاق اكثر قضايا تجينا الطلاق ونفقه وورث
وتحويل ملكيه وبعد شغلات
عمار ياستار نسبة الطلاق حيل مرتفعه هاي الفتره
قدر اي بشكل مخيف كلش
بكل دقيقه تطلك وحده على مستوى العراق كله
عمار اي المجتمع أصبح مهزوز والقيم انلغت
والشباب بس تريد تزوج مو هم التوافق العمري لو الفكري
يريد يزوج وبس
قدر فعلا اكو بنات يجن يطلبن الطلاق حتى تاخذ نفقه
او تسجل راتب مطلقات
او حتى تمشي بكيفه واغلب اسباب الطلاك تافه
عمار شغلكم متعب
قدر فوك ماتتصور بس كل الشغل متعب بهلوقت
عمار اني اربد احجي وياج موضوع مهم
قدر تفصل
عمار اكيد اسيل حجت وياج اني اريد اتقدملج
قدر اي اسيل حجت وياي اكيد بس محتاجه وقت افكر
تعرف الزواج عشرة عمر ولازم يكون اكو توافق بينا
عمار هذا كلامج خلاني اتمسك بيج اكثر
قدر انشاء الله خير
عمار ممكن اخذ رقم تليفوني حتى نتواصل اذا هذا الشي مايزعجج
قدر لا اكيد مايزعجني تفضل هذا الكارت
عمار اني جان ممكن اخذه من اسيل بس حبيت اخذه منج
واشوف ردة فعلج بعيني
قدر اتشرف بيك
عمار البه الشرف اكيد
جمانه السعيدي
طلعت وصلت عمار للباب وكان اكو سلام حار وابتسامه بينا
وشفت رائد نزل من السياره وهو عينه علينا
راح عمار واني دخلت دخل وراي رائد
رائد هذا منوالي هيج ترحبين بي والابتسامه شاكه الوجه
قدر هذا اقاربنا من كركوك
رائد وليش هيج تحجين بسعاده عنه
قدر هاي شبيك رائد شنو تغار
رائد طبعا اغار
قدر أقاربي وجاي من محافظه ثانيه يعني شلون اقابله واني معبسه
رائد ممنوع اضحكين بس اليه
قدر صار يدلل استاذ رائد
رائد اشتاقيتلج
قدر واني اكثر شصار من موضوعنا اهلك وافقو على الخطبه
جمانه السعيدي
رائد بعدني زعلان ومااحجي وياهم لازم يوافقون
لان اني مااكدر بدون قدر الحلوه
قدر تمام واني راح انتضرك العمر كله
طلع رائد شويه ودخل صباح لان مكتبه بنفس الشارع
بس احنا بلبدايه وهو مكتبه بلنهايه
بس دخل للمكتب فتحت التليفون على وضع التسجيل
قدر نعم تفضل خير شكووو
صباح فكرتي
قدر بشنو افكر
صباح بموضوع الي كتلج علي
قدر الي هووو
صباح نزوج اني وياج بلسر واي شي تطلبي اني حاضر
وتعوفين رائد
قدر اني زواج بلسر مااتزوج فهمت لولا
صباح واني راح ادمرج تدمير فهمتي لو لا
الحد الان ماشفتي وجهي الحقيقي ومراح اسمحلج ادمرين حياتنا
ورائد خط احمر مراح اخليج تقربين علي فهمتي لو لا
قدر اي فهمت بس اني زواج بلسر مااتزوج ليش اتزوج بلسر شنو ناقصني مثلا حتى ازوج بلسر
محاميه والف واحد بتمناني
صباح الج يومين تفكرين زبن اما تبتعدين عن رائد
او اضيع مستقبلج
