رواية زواج في زواج الفصل التاسع 9 بقلم جمانه السعيدي
ميار...بليل اندكت الباب حيل عبالك واحد يكسر بيها تكسير
طلعنا كلنا للباب اني وامي وخواتي
فتحنا الباب عمتي ام اكرم هي وحماتي زهراء
بس فتحنا الباب عبالك رشاش ونفتح
مو مره بيكسي ما تكست تحجي هي وبتها بنفس الوقت
عمتي...انتي الخايسه الفاهيه تشتكين على أكرم ودخلينه السجن
انتي صدك ما مربايه ولا عندج ذرة اخلاق
زهراء...وين شايفه تربيه هاي ام الزلم تفتر طول النهار بنص الزلم بلدائره تسولف وتضحك وياهم
عمتي.. هسه اطلعين اكرم يوم اسود الي عرفناج بي
ميار...أشرت الرحمه اجيب تليفونها وتصور كلشي
بعد مااخاف ابد اخذ حقي من كل واحد بيهم
راحت رحمه وجابت تليفونها وكامت تصور
عمتي...هسه تجين تتنازلين عن اكرم وانتي الممنونه شسوالج عيوني خرب شعرج غلط عليج
تستاهلين الغلط وحده قليلة اصل بدون تربيه
امي...ليش هيج تحجين ابنج معتدي عليها وضربها كدام الموظفين
عمتي...اي وشصار انفكست عينها انكسرت رجلها
شصار
اكرم مقهور منها الي سوته مو شويه شلون ترفع عليه قضية طلاك ابمكان ماترجع البيتها
رايحه ترفع علي قضية طلاك
التفتت عليه امي وكالت طلاك
عمتي...اي سوي نفسج ماتعرفين اكيد مخططات الهذا الشي
امي...اني مااعرف
زهراء...اسكتي عجوز البين جذابه حيالات مدبرات
شلون غشيتونا وضحكتو علينا
وله احنا اناسب ناس زباله مثلكم
ميار...ماكو غيركم زباله انتم الي غشتونا اني طلبت الطلاك
من حقي اريد اطلك مااكدر اعيش ويا ناس مرضه مثلكم
عمتي...اله مااخلي يطلكج اذا مااخليج هيج لا انتي للسما ولا للكاع اذا ماازوجه وحده احسن منج
مااتسمه باسمي
ميار...مو بكيفج اطلك غصبا ما عليج وعلي فهمتي لو لا
راسا هجمت عليه عمتي وزهراء يردن يضربني
خواتي وامي دافعن عني طلعناهم برا وطبكنا الباب
امي...يمه الله يستر ذني شنو من بشر
طبعا بقن واكفات بابنا
ويفشرن ويغلطن ويكسر بلباب بعدين اسمع زهراء تكول الامها وخري وخري
كل طابوكه من ورا لباب دخلنا داخل البيت وطبكنا الباب
دخلت جوا اتصلت بلمحامي وحجيتله كلشي
ودزيتله الفديو مال العركه
المحامي...هسه راح اطلع للمركز اقدم عليهن شكوووو
ميار...كسرن الجام بلطابوك جام المطبخ وجام الباب
المحامي.... هذا كله الصالحج
كلما يغلطون وياج اكثر تتخلصين منهم اسرع
هسه راح اطلع المركز الشرطه وبهذا الفديو راح اندمهم
جمانه السعيدي
اما من الجهه الثانيه العركه كبت بيت اياد
مروه...امها اتصلت بيها وحجتلها كلشي صار وشلون اياد وكف وياا ميار ضدهم واخذها حتى تشتكي عليهم
بلاضافه هو شاهد بهاي القضيه ضد اكرم
هذا الحجي العصر قبل المغرب بشويه
مروه سمعت هذا الحجي بلتليفون
وهجمت على اياد
مروه...اياد اياد تصيح بعصبيه اياد وينك
اياد...بس سمعتها تصيح عرفت راح تصير مشكله
اياد...نعم ليش صوتج عالي
مروه....صوتي عالي انت بعدك ما شفت شي مني
شلون تروح تشهد وياا ميار ضد اكرم
اياد...شهدت ويا الحق البنيه رفعت علي قضية طلاك
المفروض يحترم رائيها
لو يطلكها باحترام لو يحاول يصلح الموقف مو يجي يضربها بلدائره كدام الموظفين
تقبلين اضربج بمكان عام
لو تجين للدائره وراي واضربج كدام الموظفين
مروه....اني تقارني بهاي هاي وحده بلا اخلاق ما مربايه
رافعه قضية طلاك علي علمود شنو
شو عايشه احسن عيشه بيت اهلي
مدلله دلال تاكل وتلبس وتطلع وتدخل بكيفنا
منو مقرب عليها منو ماسه بكلمه
الي مثله تحمد ربها الصبح والعصر على هاي القسمه
كل الموضفات حاسداتها على اكرم
اياد..هسه انتي شنو تردين مني لان اني تعبان
مروه...تروح تسحب شهادتك وتشهد وياا كرم ضد ميار
تكول عليها وحده مستهتره
وماعدها اخلاق واخوي تورط وياها ورطه
اياد....اي وبعد
مروه...تدفع كفاله وطلع اكرم من السجن
اياد...خلصتي لو بعد
مروه...اي خلصت هسه تروح مو باجر اكرم ما يبات بلسجن ولا ببقى ساعه وحده
اياد...واذا ما نفذت طلبج
مره...لا انت زوجي ولا اعرفك شلون اباوع بوجه اهلي بعد
وزوجي شاهد على اخوي
اياد...ابد مااروح ولا اسحب شهادتي ولا ادفع كفاله الااكرم
وراح ابقى ويا ميار للاخير
اني الي ورطتها بهاي الزواجه واني الي راح اخلصها منها
واني الي راح اساعدها تدفع فلوس المحامي
جمانه السعيدي
مروه.. تحجي صدك
اياد..اي احجي صدك
مروه...بعد مااكون الك زوجه طول عمري وراح اوكف وياا اهلي وارفع عليك قضيه
وابهذل احوالك سمعتني لو لا
اياد...الله ومحمد وياج تندلين الباب لو لا
الزوجه الي توكف ويا الباطل ضد الحق مااريدها
الزوجه الي تخلي حياتها وياا زوجها على المحك بسبب
اي مشكله تصير بينا وبين اهلها مااريدها
الله وياج يمتى ما ترفعين قضية طلاك كبل اطلك
وانطيج كل حقوقج
اني تعبت منج اعلم وما تتعلمين
هذا اخوج باجر يطلع من السجن ويزوج وينطيج ضهره
ساعته تعرفين قيمة البيت والعائله
الله وياج درب السلامه
مروه...هذا اخر كلام عندك
اياد...لا نسيت شي السحر الي خالته ورا الكنتور اخذي وياج
هاي سوالفج مو عليه
الله وياج ديري بالج ترجعين تتوسلين فهمتي لو لا
مروه...احرمك من ابنك واخلي حسره عليك تشوفه
اياد...ازوج ويصير عندي بدل الولد عشره خلي ابنج على كلبج يله الله وياج
اياد...طلعت من الغرفه واسمعها اتصلت على امها وتشكيلها مني
امها تكله تعاي عوفيله البيت وتعاي اذا ما نبهذله بلمحكمه
ونخلي يمشي ويتلفت
امها شكد بلا عقل خربت حياة اكرم وهججت زوجته
لمن وصلته للطلاك
وهسه تريد اطلك مروه وتكعدها يمها وزهراء على هاي الوكاحه الي عدها الله يساعد الي راح ياخذها
فعلا الام مدرسه اذا إعادتها أعددت شعبا طيب الاعراقي
هاي مو ام هاي بلاء تريد تخرب حياة ابنائها بايدها
هذا الحجي كان العصر
مروه اخذت ملابسها وابنها وطلعت راحت البيت اهلها
من وصلت مروه بدت تخطط للهجوم الي صار على ميار واهلها بليل
من عمتي وزهراء
خططن الهذا الهجوم حتى يخوفني واسحب الدعوه
واطلع اكرم بس اني راح افاجئهن
بس وصلن للبيت كاعدات يفتخرن بلعركه والشي الي سونا
وياي وشلون هجمن علينا بلحجار
اندكت الباب تفاجئن بلشرطه الي اخذتهن للحبس حتى يباتن
بلسجن خلي خططهن تفيدهن
خل وكاحتهن تفيدهن
دزلي اياد رساله هااا شلونه الوضع
ميار...هجمت عليه عمتي وزهراء غلط وفشار رادن يكتلني
بس خواتي وامي دافعن عني
زهراء كسرت الجام بلطابوك
اياد...عود صدك هذا الحجي شكد وكيحه الخاطر الله
ميار...صورنا كلشي ودزينا التصوير للمحامي
كال هسه راح اطلع المركز الشرطه اشتكي عليهن
آياد...زين تسوين بيهن
اما اني عركه جبيره اني ومروه لو تروح تسحب شهادتك وتشهد ضد ميار وتكفل اخوي وطلعه
لو اعوف البيت واطلب الطلاك
ميار...وبعدين
اياد...عافت البيت خل اتولي شايفه نفسها مو زين اني متحملها
جمانه السعيدي
مروه من الشرطه اخذت امها واختها بليل حارت شنو تسوي
اتصلت بلمحامي حتى يلحك عليهن
المحامي راح للمركز بس مايكدر يطلعهن اله ميار تسحب الدعوه تتنازل عن هاي الشكوى ضدهن
اويدفعن كفاله ٣ مليون ويتعهدن بعد ما يرجعن المثل هيج عمل
هاي اليله خلصنها بلسجن
اما مروه تحلفت من الصبح تروح ترفع قضيه طلاك ضد اياد وتأخذ كل حقوقها منه
وتحاول أدبر مبلغ حتى تطلع اختها وامها من السجن
الصبح مروه راحت للمحكمه
فعلا رفعت قضية ضد اياد
ودزت المحامي الي يدافع عن اكرم على محامي ميار حتى يتفاهم وياها
شنو تريد حتى تتنازل عن هاي القضيه
ام ميار....يمه كافي اتنازلي عنهن خطيه البارحه بلسجن اتنازلي عنهن خل يطلعن
ميار...مااتنازل لازم يتربن ذني ما يعرفن شنو تربيه واخلاق
اله يدفعن تعويض للاضرار الي سونها بيتنا
وأكرم يوقع على الطلاك ويدفع كل حقوقي
اتنازل عنهم
اني يغلطن ويفشرن عليه
لازم اخليهن يتندمن على هذا الفعل
امي...عيب يمه عوفيهن الله يجازيهن
ميار...اكو ناس ما تعرف العيب شنو مثل عيالي والي يسامحهم ينطيهم فرصه حتى يغلطون اكثر
مروه ...جمعت فلوس الكفاله اتقرضت من الجيران والاقارب بالاضافه همه عدهم كم فلس مجمعيهن بلبيت
وعرضت سيارة اكرم بلفيس حتى تكدر اطلعه
طلعت امها واختها والمحامي اتعهد اكرم راح يطلك ويدفع كل حقوق ميار
طلع اكرم بعد ما وقع على أوراق الطلاك وارواق اتعاب المحامي وحقوق ميار
باع اكرم سيارته والقرض فلوس من جماعته ودفع الميار كل حقوقها
وكتب تعهد بعدم التعرض الها لا هو ولا اهله مره ثانيه
