رواية زواج في زواج الفصل العاشر 10 والاخير بقلم جمانه السعيدي
ميار...واخيرا خلصت منهم وأهم شي كتبت عليهم تعهد بعد مايوصلون يمي
بس امي زعلانه عليه
تكول عيب جان المفروض يخلص كلشي بلتفاهم
امي طيبه وعلى نياتها
تتوقع الناس مثلها طيبه وعلى نيتها تسامح وتنسى بسرعه
داومت بعد انفصالي كل الموظفين والموظفات
باركولي لان خلصت من اكرم
اياد كان اكثر واحد فرحان لان خلصت من اكرم
بس خطية تبهذل بلمحاكم
لان مروه كل شويه تطلعله بشغله شكل همزين البيت اجار جان اخذته منه
جابت سياره وأخذت كل غراض البيت
كلشي ما بقتله والمحكمه طلعتها نفقه و الموخر
يسددهن اياد على شكل قسط شهري من الراتب
المحكمه تستقطع من راتبه وتنطيها
اياد مشتري قطعة ارض بدون ماتعرف مروه
منتضر تخلص هاي القضيه حتى يبني ويسكن بيها
حاليا كاعد بيته بس جاب كم شغله الي يحتتجهن الضروريات
ام اياد من سمعت بسالفة طلاكه والمشاكل الي صارت
بسبب مروه واهلها
جبرت إخوانه كل واحد يتبرعله بمبلغ وهي باعت ذهبها
جمعه مبلغ زين واخو الجبير اشترا حصة اياد من بيت اهله
دفع هذا المبلغ مقدمه حتى يبني قطعته ويستقر بيها
وباقي المبلغ يتقسط شهريا على شركة المقاولات
طبعا هذا مدير شركة اامقاولات صديق اياد واياد مخلصله شغل هواي لذالك اساهل ويااا
اتفق البناء طابق واحد منا لمن يستقر اياد ويكمل بناء
ام اكرم اجت تخطب بنيه من الموظفات الي وياي على اساس تحرك كلبي عود ياخذ وحده احسن منج
بس كل الي تخطبها ترفض بعد ما ساكنه يضربني من اجا اخر مره هههه تفكيره تفكير وحده رعنه ما تعرف تتصرف
جمانه السعيدي
ميار...الكلام بيني وبين اياد اطور اكثر مرحله عبرت الصداقه تكدرون تكولون إعجاب لهفه تعمق
اياد...تعرفين اني شكد ارتاح من احجي وياج
ميار...تصدك اني هم احسك تفهمني حتلو مااحجي
اياد...بما ان احنا ثنيبنه خلصنا من هاي العائله المريضه
شنو رائيج نزوج
ميار...عبالك طرت من مكاني شلون وصلت السابع سما
مامصدكه الشي الي سمعته معقوله
كتله شنو ما سمعت
اياد...اني متأكد.سمعتي بعد هاي السكته اكيد سمعتي
بس اني فعلا معجب بيج واريد اتقدملج
توافقين تكونين شريكة حياتي
ميار....اكون سعيده بهذا الارتباط
اياد...ممكن تحجين وياا امج وراح اتقدملج مجرد ما تخلص عدة الطلاق
ميار...اي ممكن
اياد....اكدر اكول مبروك
ميار...مبروك حبيبي
اياد...شنو شنو ما سمعت
ميار....حبيبي الحب مو كلمه الحب موقف وفعل
وانت جدير بهاي الكلمه لان جنت كد كلمتك وكفت وياي
وخربت علاقتك بيت عمك علمودي
اياد... يرحونلج فدوه كلهم اني مامصدك نفسي
ميار...صدك الحياة فرص والانسان لازم يستغل الفرصه
الي تصير كدامه
اياد....احبج
ميار...واني هم احبك
ميار...اجيت افتح الموضوع وياا امي اندكت الباب
اجن نسوان ثنيين يخطبن خواتي
مره هي واختها جايات على رحمه اخت ام العريس شافت
غصن كالت اني اريد هاي البنيه الابني
خطيب رحمه خريج تحليلات هي هم خلصت تحليلات
اما غصن تدرس علم نفس والي تقدم الها مدرس رياضيات
ميار...من شفت البيت انخبص قررت ااجل موضوع زواجي شويه اجو العرسان وصارت الشوفه الشرعيه
واياد...يلح يله احجي ويا خالتي كوليله اياد العريس الثالث
ميار...خل البنات يزوجن واني اخلص عدة الطلاق ويصير خير
رحمه متخرجه وغصن هاي السنه اخيره
كل وحده بيتها وحدها رحمه مشتمل طالع من بيت اهل العريس وغصن مشتمل معزول فوك والدرج خارجي
ميار...بعد انفصالي باربع اشهر بلضبط ازوجن خواتي
ثنيبنهن ازوجت رحمه بهذا الخميس وغصن بلخميس الي بعده بعد زواجهن كنت اني مخلصه عده صار ٢٥ يوم تقريبا
جمانه السعيدي
فاتحت امي بموضوع زواجي اني واياد
امي...لا ما تاخذين اياد شتكول علينا الناس هسه يكولون جانت اتحب زوج حماتها واطلكت علموده
ميار...اني شعليه بلناس هاي حياتي مو حياتهم اني مقتنعه بي واحبه ومراح ازوج غيره
امي...لا يعني لا لا ابد لا تحجين بهذا الموضوع ابد
اتصلت على آياد ووصلتله خبر رفض امي
آياد...اني راح اجيكم للبيت حتى أقنعها
فعلا اياد اجا للبيت
اياد...خاله اني احب ميار ومراح اخذ وحده غيرها
حتلو ترفضين راح ابقى منتضرها طول العمر
امي...خاله انت ما تقبل الناس تحجي علينا
اياد...ليش الناس تحجي زواج على سنة الله ورسوله قابل اني خاطفها
امي.. مو جنت مزوج حماتها
اياد...واذا كانت زواجه فاشله والحمد لله خلصت منها
الله يخليج وافقي ولله مراح اخليج تندمين لان وافقتي على هاي الزواجه ابد جمانه السعيدي
بقا اياد يلح على امي وكل شويه داز عليها احد يقنعها
حتى خالي مهند ادخل بهذا الموضوع وقنع امي
الشي الي نسيت اذكره خالي مهند ضربته جلطه وصار مقعد على كرسي متحرك لذالك كان يتابع موضوع طلاكي والمشاكل من بعيد لان مايكدر يروح ويجي وياي
بس ماعافني بقه على تواصل وياي خالي مهند ما يستاهل المرض كون هذا المرض للناس الي ما تخاف من الله
اخيرا امي اقتنعت واقترحت نزوج ونكعد وياها بلبيت
ليش اياد يدفع اجار وهم هي راح تبقى وحدها بلبيت
وهم الحد ما يكمل بيتنا
الزواج كان بسيط كلش اني حتى طلبات هواي ما طلبت منه لان النفقه تاخذ نص الراتب وباقي الراتب ينقسم بلنص بين المقاول وبين مصرف اياد
ازوجنا بيت اهلي يم امي
بعد يومين من زواجنا بلضبط خبر هذا الزواج
وصل الااكرم ومروه
واجو علينا للبيت مروه كلبت الدنيا شلون اياد يزوج ميار
مروه....حقيره انتي بسببج اطلكنا بقيتي تفترين على الرجال لمن طلكني واخذتي
اياد....ميار ماله شغل لا تدخلينها بهذا الموضوع انتي الي زعلتي وانتي الي رفعتي قضية الطلاك
اكرم...جنت حاسبك اخوي تالي تاخذ زوجتي
اياد..انت مو طلكتها لو هسه صارت حلوه بعينك
روحو منا لا ادخلكم السجن عدنا توقيع بعدم التعرض
عيشو حياتكم ونسونا كل واحد اختار مصيره بنفسه
اياني وإياكم اشوف واحد منكم هنا
بقت مروه تمشي وتدعي علينا وتفشر وتغلط عليه تكول انتي اخذتي رجلي مني إلله لا يوفقج
اصيح بلشارع اياد جان ينام وياا ميار قبل لا يزوجها
تريد اشوها سمعتنا بلمنطقه
ميار.. انسحبو لان يخافون لا نرجع نشتكي عليهم وهما الحد هاي اللحظه جاي يسددون خسايرهم بسبب الطلاك
امي الي شلعت كلب اياد يله وافقت صارت تحبه اكثر مني
تنتضره على الاكل شكد تسولف ويااا
اذا اني ماالحك اغسل ملابسه هي تغسلهن
وهو طاير بيها كلمة يمه ما طيح من السانه
مايقبل ياكل ولا يشرب الي تكعد كباله يكول هاي امج اخر نسخه طيبه على الارض
احلى يوم يوم الجمعه لان نجتمع اني وخواتي وازواجهن
بيت اهلي والسهر حلوه بشكل
حتى خالي مهند اياد يروح يجيبه بسيارته يوم الجمعه
حتى يغير جو شويه
مروه اجتها قسمه وازوجت بعد زواجنا بسنه
رجال عمره ٦٠ سنه زوجته متوفيه وولده مزوجين باقي وحده بلبيت
وعلاوي بقه يم ببيته بلبدايه ماقبلت تنطنيا تكول مالي علينا البيت اكرم ازوج ونفصل للمره الثانيه
حسب ما سمعت بسبب امه نفس المشاكل القديمه
زهراء ازوجت جمانه السعيدي
حاليا أكرم وامه وعلاوي بلبيت
اياد..كل أسبوع يروح يجيب علاوي يبقى يمنا يوم واحد ويرجع البيبته
اياد...يكول خطيه متعلقه بي مااكدر احرمها منه
مصاريف دراسته اياد يدزهن الهم كل شهر من يستلم
الراتب
سنة ٢٠١٩ صار عندي بنيه وسنة ٢٠٢١ صار عندي ولد
وحاليا حامل للمره الثالثه
انشاء الله هاي اخر شي كافي عدنا خير من الله
بيتنا كمل بس امي ما تقبل ننتقل ونعوفها
كلشي قسمه ونصيب وإنشاء الله نصيبنا احلى نصيب
الحكمه من هاي القصه هي الام
الام هي أساس البيت هي الي تعمر وهي الي تخرب
هي الي تزرع الرحمه والطيب بكلوب اولادها
هي الي تأثر عليهم وتخليهم يتماسكون وما يتخلون واحد عن الثاني
انتهت قصتنا دمتم سالمين
