رواية انتقام قدر الفصل الثامن 8 بقلم جمانه السعيدي
البارت الثامن
انتقام قدر
جمانه السعيدي
قدر بدا يجيني شغل عن طريق ابو حسن وخاصتا اني
نزلت اتعاب القضايا
صار عندي شغل كلش زين
وبيوم اجيت للمحكمه وجان اشوف استاذ حميد يخابر
شكله ضايج
اكو كرفان وكفت ورا حتى اسمع شيحجي
حميد استاذ صباح ليش ماترجع ترا الشغل قل كلش مو مثل ماكنت انت هنا
واغلب القضايا جاي تنسحب من مكتبنا
اني اكول لو ترجع احسن
قدر عرفت خطتي نجحت وعمل صباح هنا بدا ينهار شويه شويه
جمانه السعيدي
اما رائد ابد مابطل يتصل بيه ويعبرلي عن حبه وتمسكه بيه
يعني لو على رائد جان لزكلي ٢٤ ساعه
مامصدك اني احبه طاير من الفرح
وبيوم اكو واحد اجانا للمكتب اني ورنا لان
رافعين على قضيه
اخته رافعه علي قضية ورث وهو جاي يهددها ويهددنا
حتى ننسحب من القضيه
واكف بلمكتب ويهدد بينا جان دخل رائد
شافه واكف ويصيح علينا وهو لزمه من ياخة قميصه
رائد انت تحجي ويه منووو ليش اتصيح عليهن
انت منوووو
قدر عوفه يمعود هذا واحد فارغ ماعندا شغل وعمل
جاي يهدد لو اكل الورث كله بطني لو اهدد
كام رائد سحبه وطلعه برا المكتب وكاله اذا شفتك هنا مره ثانيه ماتلوم غير نفسك
قدر طلعت ورا وكتله عوفه خل يروح لا ياذيك
ناس مابقه بكلبه رحمه
كلشي ماسلم منهم
جمانه السعيدي
دخلنا وطلبتله جاي
رائد هاي شنو من نماذج مايستحي جاي يهدد مره
قدر ترا احنا متعلمين هنا بلعراق اي واحد مايعجبه الوضع لو رافعين علي قضيه يروح بهدد المحامي
شكد قضايا تنسد من الخوووف
عايشين بغابه كل واحد يسوي الي يعجبه
رائد ديري بالج من تطلعين من هيج نماذج ماتخاف من الله
بعدها باسبوع اتصل رائد كال اليوم اني مريض وعندي امتحان ومااكدر اروح امتحن
قدر اجي اخذك للمستشفى
رائد لا ماكو داعي فلاونزا بس كلش قويه احس عضامي يوجعني
ومصخن
قدر هسه اجي اخذك للمستشفى
قدر مارحت للمحكمه طلعت على الشقه مالته واخذته للمستشفى
مالكينا علاج اصلي بلمستشفى طلعت اشتريت علاج ورجعت ضربو ابره مال التهابات
وطلعنا رجعته للبيت وجبتله اكل من برا
هو اتصل باهله واتصل بصديقه يجي
واني رجعت للمحكمه وبقيت على تواصل ويااا
اخر شي كال بابا اجا بلطريق هسه يوصل
صباح وصلت ولكيت وضع رائد احسن
رائد هذا كله يرجع الفضل الصديقتي
صباح صديقتك منو
رائد لازم اعرفك عليه بيوم من الايام انسانه راقيه بشكل
وحلوووه
صباح شنو هلحماس مبين تحبه
رائد اي مو بس احبه مجنون بيه
صباح اني كم رائد عندي انت أشر على بنت السلطان واني اخطبه الك
جمانه السعيدي
اتصلت بي
قدر هاا رائد شلون صرت
رائد الحمد لله والشكر احسن وبابا وصل
قدر تمام
رائد بابا يريد يحجي وياج ويشكرج
قدر غير وقت هسه مشغوله كلش
رائد مع السلامه
صباح ليش ماخليتني اتعرف عليه اريد اشكرها
رائد مشغوله تكول غير وقت
قدر صباح من شاف الزباين بدت تنسحب منه
رجع المكتبه وقسم الايام اتلث ايام بغداد وباقي الاسبوع
بلكوووت
لان هيج كام يخسر هواي
بلاضافه سمعت من رائد
امه ماعاجبه العيشه بلكووت ابد وتريد ترجع البغداد
ويوميه تتعارك ويااا صباح رجعنا البغداد
وهو هم اطمن لان اني كانت ردت فعلي طبيعيه من شفته
هو متوقع راح اسويله مشكله
واوصل الخبر الزوجته
جمانه السعيدي
بليل اتصل رائد
رائد هلو قدررر
قدر هلوووو
رائد اني اليوم فرحان وحبيت افرحج وياي
قدر يالله شكووو
رائد اهلي راح يرجعون البغداد لان ماعجبتهم العيشه هناك
وبابا فقد جزء جبير من عمله
قدر زين خوش اخبار
رائد بس يرجعون اهلي اريد اعرفج عليهم
قدر تعرفني عليهم بصفتي شنووو
رائد حبيبتي وزوجت المستقبل
قدر انت تريد ترتبط بيه
رائد اكيد اريد ارتبط بيج اني تعلقت بيج بشكل مو طبيعي ومستحيل اتخلى عنج ابد
الا اذا انتي عندج رائي ثاني
قدر لا ماعندي اي رائي ثاني شوف اي وقت تحب واني مستعده اتعرف عليهم
خلصت السنه وامتحن رائد ونجح وبقت بس سنه وحده
ويخلص كليه
وبمناسبة نجاحه اهله سوو حفله بسيطه بلمطعم وعزموني
وبهاي المناسبه صمم رائد اتعرف على اهله
هاي اللحظه الي اني جنت منتضرته من زمان
اريد اشوف ردة فعل صباح من رائد يقدمني اله ويكول اريد اخطبه
جمانه السعيدي
اشتريت فستان كلش حلووو رمادي وبي شغل فضي قليل
مخصر على جسمي عدل وطويل
والردن تول منفوشه وطويله
رفعة شعري ونزلة كذله ولبست تراجي طوال
خليت مكياج سموكي
طلعت غير شكل
العزيمه جانت بليل اترخصت من بابا كتله حنة صديقتي
اجا رائد اخذني بلسياره مالته
وصلت للمطعم هو نزل قبلي فتحلي الباب ونزلني
دخلنا للمطعم امه وأبو كانو كاعدين بلعكس يعني ماشافوا
بس اخته شافتنا لمن وصلت كام ابو يسلم عليه
رائد افدملك قدر
بقه واكف ومصدوم ومانطق ولا كلمه
اني مديت ايدي وكتله هلو عمو شلونك فرصه سعيده
رائد بابا جاي اتسلم عليك
صباح هلووو
رائد امي
قدر هلو خاله ماشاء الله عبالك اخته مو امه
صباح واكف والف علامة تعجب بوجه
لا كعد ولا حجه واكف مثل الحايط
سلمت على اخوات رائد وكعدت
صباح كعد وعلامات الدهشة بوجه
ام رائد مااعرف وين شايفتج شكلج مو غريب عليه
قدر يخلق من الشبه اربعين
ام رائد لا مو شبه اني متأكده شايفتج صباح مو هاي البنيه جانت تشتغل بمكتبك قبل
صباح هاااا
قدر على فكره رائد اني طلعت اعرف ابوك وملتقيه بي سابقا بس مجنت اعرف هذا ابوك
استاذ صباح غني عن التعريف
رائد همزين تعرفينه يعني مايحتاج تسئلين علينا
قدر اسئل عليكم ابد مافكرت اسئل عليكم
اصلا ابوك اشهر من نار على علم
طبعا صباح كاعد واحواله كله تخربطت لا يحجي ولا ياكل
ولا عنده اي ردت فعل من الصدمه
ام رائد انتي مو محاميه
قدر اي محاميه وعندي مكتب
ام رائد يعني أكبر من رائد
رائد ماما
قدر لا عوفه نحجي براحته اي اكبر منه بسنتين
ترا الحب مايعرف فارق العمر ابد
اعرف وحده تحب واحد أكبر منه بعشرين سنه بس غدر بيه وعافه ورب العالمين عوضه واحد احسن منه الف مره
احجي واخزر بصباح وهو كام العرك يصب من كل مكان
راسا صباح كام وكال اني اعتذر عندي شغله مهمه لازم اخلصه
جمانه السعيدي
ام رائد وين مو جايبن نحتفل بنجاح رائد
صباح عندي شغله كلش مهمه ماتنحمل التاجيل
ابقو انتم كملو العشى ورائد يجيبكم
كعدنا نتعشى بس الكل ياكل بدون نفس وام رائد ابد مانزلت عينه من عليه
ماكنت عاجبته ابد لان أكبر من رائد
اني شفت الوضع مايعجبني كتله رائد رجعني للبيت
لان مااكدر اتاخر اكثر
رائد بعد وقت
قدر لا مااكدر اتاخر اكثر
كمت وكتلهم من رخصتكم
طلعنا من المطعم
رائد اني اسف احسبيه علبه المفروض امهد الموضوع اكثر قبل لا اعرفج على اهلي
قدر ماصار شي حبيبي المهم اني وياك متفاهمين
كل العالم مايهمني ابد
رائد ياربي شني هذا الملاك الي نزلته عليه
احبج ولله احبج وبعمري ماحبيت وحده بكد مااحبج
قدر اني هم احبك واموت عليك
