رواية اللعنة التي لم ترتكب الفصل السابع 7 بقلم نور آل عبدالله

رواية اللعنة التي لم ترتكب الفصل السابع 7 بقلم نور آل عبدالله

ها قد اقترب الوصول إلي النهايه،اللعنة قد أبتدأت تنكشف اكثر والأسرار تتباين... فهل أنتم مستعدّون لما سوف يُكشف فِي هذا البارت.؟ "

.

.

احذروا.... فـاللعنه لا تُكشف دون ثمن "التصويت+مُتابعه الحساب+التعليق بين الفقرات."

.

..................*

زينب...

- ما اعرف شلون لزمت روحي شويه ودخل چانت اول مرة يشوفها حسب علمي،اخذت نفس عميق احس الهوا واگف بريتي

شويه وطلعنا البيت الشيخ كاظم راحوا كلهم،دخلت الغرفة البنات وانه ناويتها طلعت الخناجر الي جايبتهم وياي

لبست ثوبي الضيگ وگصير والخناجر الي جبتهم وياي من البيت،غيرت اغنيتهم إلاغنيه "الهچع" الزهور حسين

بلشت اتمايل ويا الموسيقى لحد ما بلشت بالاغنيه

:-اجلبنك يـليل الف تجليبه "الهَچع...الهَچع

-بلشت وياها وبيت ورى بيت وأنه مندمجه ارگص لحد ما كملت وانه متقصده شخطت بطني سمعت شهگة زهرة واجتني تركض چان تگلي

:-انتِ خبله شلون تسوين هيج

:-هاي شبيج شصار هسه

-رجعتلهن اغنيتهن الي چانن يرگصن عليها ورجعت للغرفه ولا عبالك مسويه شي وراي زهرة تريد تشوف الجرح اخر شي صحت بيها

:-شبيج هو شويه دم طاح قابل شكو

:-زينب شنو غايتج من هذا كله

ضحكت بصوت عالي وجاوبتها:- ما الي غايه وداعتج يلا خلي ابدل

:-بالبداية اشوف جرحج

:-اوووف هاي شبيج ترى حتى ما جاي احس بـ وجع

-اتقربت يمي غطتني ورفعت ثوبي بلشت تمسح بـ جرحي ومعكمشه وجها عبالك هي الي جاي تتوجع ضحكت عليها

چان تصيح ومبين عليها العصبيه

:-اركدي خلي اكمل الجرح لا اكمل عليج

:-شنهاي ليش معصبه

:-اهبدي ولج

-سكتت وهي كملت جرحي وطلعت وأنه غايتي مسيطره عليه،شويه ورجعنا وانه ويا امي اول ما صلنا للبيت چان تگول رحمه

:-ولح يمه زينب ولا غلطه وعلي رگصج

زهراء:-لا وشلون تتمايل ويا النغمه عبالك متدربه عليها

رقيه:-ترى مو شي جديد،بكل مناسبة هاي رگصة زينب بس الجديد رگصتها بملچة خطيبها

زينب:-اهوو علينا منين لوين حتى اجه خطيبي خطبني وما صارت

-شويه وهنه سدن الموضوع وارتاحيت من عرفت محد شاف الجرح دخلت للغرفه تعبانه رئستاً نمت گعدت الصبح على

ادم يگعدني،هالولد ما اشوفه بس وكت النومه گمت غسلت وطلعت چان تگلي امي

:-شني هذا النوم يمه

زينب:-ما ادري جسمي مكسر وماحسيت بروحي

سجاد:-خاف بداية صخونه

حجيت وأنه اگعد:- ما ادري

عباس:-للعصر إذا ماصرتي زينه اخذج للمضمد

زينب:-خوش

-گام بأس راسي وطلع كملت ريوگ اخواني طلعوا نص للگيعان والباقي ويا ابوي عندهم گعده گمت ويا البنات كملت شغلي

وگلت الامي وطلعت للبستان رحت گعدت على الجرف وياي الراديون وطلعت الاغنيه الي هداها الي حسين

:-ضلمتو بالوصف لمن وصفتو

حبيبي شكد حلو بس ما نصفتو

ضلمتو بالوصف لمن وصفتو

حبيبي شكد حلو بس ما نصفتو

احسه بـ روحي وبـ گلبي ولعيون

احلى من الحلو لو ما تصدكون

-بعدني ما مكملتهة وسمعت صوت وراي

:-هالگد مشتاگتلي حتى تسمعين اغنيتي

:-لا مشتاگه ولا شي متوهم

:-اي مبين

:-ايي،شرايد مني رجل لمياء

:-ها أنتِ ضايجه لأن صرت رجل لمياء

:-يعني گبل چم يوم اسولف وياك وهسه تخطب لا واحبنج ودگتج مو بحنجج

:-زينب والعباس مو بـ ايدي

:- بـ ايد منو چا ها.؟لاتگلي جبروك زلمه شطولك شعرضك

:- گلت بلكت اخوانها يلينون ويوافقون ورحت گلت الجدي اخر مره اخطبها إذا ماقبلوا أخطب الي تعجبك

طاحت دمعتي وگلت:-ليش هيج حسين وعلي وجع بـگلبي ردت اموت،عبالج هينه عليه

زينب:-حسين وخر فدوه ترى وعلي تعبانه

-وخر عني باوع من الجهتين ورجع گرب عليه حظني حيل حسيت يريد يفوتني بين ضلوعه ويحجي بـ صوت ناصي

:-احبج والكفل زينب،زينب حتى روحي تحبج وحگ علي

-وخر باوعلي بهيام استحيت نزلت عيوني وهو يضحك على تعابيري طول نظرته عليه وحجه

:-ليش ساكته

:-حسين الله يخليك روح لا يجي واحد من اهلي

:-اشش معليج بعد كل ما يطلع ابوج گعده هذا مكانه،وسالفة اهلج انه أحلها

:-خوش

:-ولج سمعت راگصه هچع لا وجارحه نفسج

:-بكيفي

اتقرب يمي وحجه بصوته الناصري:-وصلت رسالتج عزيزتي

-هزيتله راسي وهو راح انه بقيت صافنه علي وهو يختفي من عيوني بقيت اكمل بالاغنيه يمكن ثلاث مرات عدتها

ومبتسمه،اخر شي استوعبت عبالك خبله گمت دخلت للبيت نص ساعه تقريباً وأجوا اخواني وابوي دخلوا واحنه گمنا صبينا غده اول ماگعدنا گال سجاد

:-وين طلعتي اليوم

ارتبكت:- بـ البستان

باوعلي بنظرات شك وگال:- ياهو شفتي.؟

زينب:-شبيك سجاد شني ياهو شفتي

عباس:-صدگ شو انتَ ماتعرف تحچي شني ياهو شفتي اوزن كلامك سجاد

سجاد:- اي مو تعرف حسين ناقص غيره ومو بعيده علي يدخل گاعنا ويشوف بتنا

-يوميه هذا حديثه مليت عفته وگمت حتى غدة ماردت چان يصيح ابوي

:-تعالييي زينب

-بدون حچي گعدت على الصينيه ا عرف ابوس كلمته ما تصير اثنين وكـ اي بيت عراقي عدنا احترام الاب واجب

گعدت على الغده واكل بدون صوت خلصنا گمت انه اغسل اماعين ورحمه صبت الچاي علما خلصت رحت يمهم خلصنا الچاي

ودخلوا ينامون نومة الظهر،اجت يمي زهراء گعدت گالت وهيَ تباوعلي بنظرة حزن

:-تحبي.؟

دنگت،حجيت وانه اعرف زهراء مو مال اچذب عليها لأن بساع راح تعرفني:-اي

:-شفتي الصبح

:-ايي

:-باوعي انه ما راح الومج لأن الي جاي يسوو بيج اخوانج حقج تسوينه،بس زينب إذا شافج واحد منهم ما راح يرحموج

:-تعبت منهم زهراء وعلي تعبت لحد يمته اضل أضحي بحبي علمودهم

حضنتني وهي تطبطب على كتفي:-تهون يا روحي بس لا تصعبيها

-بقينا نسولف انه وياها وهي تحاول تغيرلي جو،مرت ايام ومتسمره لقائاتنا انه وحسين اليوم ابوي ماكو گعدت اتحظر

مثل كل مرة اتكحلت،وجريت حمرتي انطيت خبر الامي وطلعت اول ما وصلت شفته واگف يتانيني چان يگول

:-هلا بشيخة روحي

چان اجاوبه وأنه المستحى طاغي عليه:-هلا بيك

:-زينب صار ثلاث ايام ماشايفج گلبي طاگ شوگ عليج،ميت وعلي

:-حسين ليمته نبقى هيج تشوفني بالسر

توا جاي يرد چان يبس الدم بـ عروگي من سمعت صوت من وراي:- هاي شجاي تسوون

.....................*

زهرة...

-ورى مارگصت زينب الهچع وصفنتهم كلهم رغم مو شي جديد زينب معروفه بالرگص سواء الهچع لو الشرقي

ورى ماخفوا المعازيم وبقينا بس احنه اجو عمامي ولدهم وأبوي وحسين وجدي شويه وگمنا نصب عشى كملوا وگاموا

كل واحد للغرفه مالته،وبقينى انه وحسين باوعلي وجر تنهيده طويله واشرلي على برى گمت ويا وصلنا المكانه مال كل يوم

گعدت وهو مدد بحضني بلشنا نسولف على الخطوبه وهو يسولف

:-تدرين حتى من انطيت موافقتي ماحسيتها لمياء اتخيلتها زينب حسيت زينب الي جاي أعقد عليها وطلعت الموافقه مني

زهرة:-بس حسين هذا الشي غلط انت بعد خطبت

حسين:-شسوي زهرة وعلي گلبي بيها متعلگ صارلي سنين زهرة انه چانت كل ماتجيج اصفن بيها انه

ومنضرها من طلعت بالتفگه من شافتني اول مرة مايروح من بالي وعلي رغم اعرف غلط بس شسوي زهرة

احس مو بس بـ گلبي صرت احبها،صرت احبها بـكلشي بيه اتمنيت الحابها مو هيَ لأن اخوانها يعرفون سالفتي

زهرة مرات احس روحي ضايع وعيونها تدليني طريقي

:-بس حسين انت ماشفت ردة فعلها من لمياء انطت الموافقه،لا وبعدين من رگصت هچع احس تريد من توصلك

السالفه تعرف انُ انت بعد صرت ما تهمها ومن جرحت روحها اتأكدت

حك لحيته وهو يعدل گعدته:- وصلت رسالتها

-صفنت علي مو فاهمه شي بس هو بقيت على الي فهمته احس هو گام خلاني ادخل يلا دخل نمت ثاني يوم گعدت

على صوت البنات يگعدن بيه جايات نسوان يباركن أنه شعليه مدري گمت بدلت وكشخت وطلعتلهن سلمت وگعدت

لأن الضيافه واصله الهن گعدت يمهم وهنه يسولفن وشدني وحده من هالسوالف من گالت وحده

:-سمعنا خاطبين بت الشيخ عگاب

امي:-اي بس ما صارت قسمه

:-يااع خيه وأنتِ مالگيتي غيرها هاي التفتر محمرة ومكحله

جديتي:-اسكتي ولج وعيب تحجين هيج بعدين وين تفتر هيَ البنيه بس النا

:-السموحه منج شيخه بس هاي الحقيقه حتى من ماقبلت أبصر ليش

هنا ما اتحملت حجيت:-خاله ترى الجاي تحجين عنها بت الشيخ عگاب يعني ماتطلع منها العيبه وبعدين تعرفين

هيَ يوميه رافضه واحد يعني مو سالفة جديده يعني عيب تجين يمنا وتحجين هيج حجي والبنيه تبقى صاحبتي واجت حتى بالملچه

-اباوع لها سكتت شويه وگامن طلعن خففت أصلاً مو من النوع الي ما احب الخطار بس هيج نوعية ما احبها

خصوصاً زينب صاحبتي يعني ما ارضى عليها شويه وضجت گلت الجديتي وطلعت للبستان لان ماكو مكان اروحله غيره

وانه جاي افتر وحسبه تجيبني وحسبة توديني باوعت شفت واحد لابس قميص وبنطرون يعني مبين مو من السلف اتقدمت علي وگلتله

:-انتَ ياهو وشتسوي هنا...يتبع"

.

.

..........................*

.

اما بَعد

لا يوجد افضل من لَم شُتات الرُوح.

الثامن من هنا

تعديل المقال