رواية اللعنة التي لم ترتكب الفصل السادس 6 بقلم نور آل عبدالله

رواية اللعنة التي لم ترتكب الفصل السادس 6 بقلم نور آل عبدالله

ها قد اقترب الوصول إلي النهابة،اللعنة قد أبتدأت تنكشف اكثر والأسرار تتباين... فهل أنتم مستعدّون لما سوف يُكشف فِي البارتات القادمه.؟ "

.

.

احذروا.... فـاللعنه لا تُكشف دون ثمن "التصويت+مُتابعه الحساب+التعليق بين الفقرات."

.

..................*

زهرة...

-اباوع العركة گابة بين جدي،ابوي والي عرفته حسين يريد يتقدم الزينب منطيهم خبر واجه اخذني وهمه گابين ورى

گال جدي اول ما شاف حسين

:-ولكك انتَ ليش بس تريد تفشلنا وانتَ تعرف مستحيل تم الخطوبة واخوانها مستحيل يوافقون

:-شمسوويلهممم اخوانها حتىى مايقبلون،بس هاي المرة حاولوا علمودي وإذا ماقبلوا المرة الي تردونها انه جاهز اخذها

-حجه وطلع الأجواء متوترة ماكو شي يوصف الي چنت اشوفه امي السالفة كلها ما عاجبتها،ابوي يريد الخطوبة وبـ شدة

جدي عبالك يعرف شي احنه مانعرفه مرت يومين حسين مادخل للبيت بـ هاي اليومين اجه ثالث يوم الصبح

حالته حاله متبهذل ومترب چنه عايفين الريوگ گعد من حلگ ساكت،اول تالي حسين هيج گاعد وساكت حتى صباح الخير ماگال

مستغربه الوضع اكل لگمتين وگام دخل الغرفته امي باوعت الأبوي وگالتله

:-وتبقى انتَ على هاي الحالة ابنك راح يروح من بين ايدك سوي شي

ابوي:-يعني شسوي شبيدي هسه انه

جدي:-نخطبها اله

ابوي:-بويه شتخطب عليك الله بنت شيخ عگاب ولدها ينطوها لحسين

امي:-وشبي حسين نسوان السلف كلها تريده البنات بس هوَ اخخ اخخ راحلي على بنت الشيخ عگاب

جدي:-البنيه موش ناگصها شي وكلنا نعرف ابصوج صوج ابنج راح يتمعشگ اليعرفون ماضيه

اجانه صوته يرعد:-"وحگ ابو راس الحار لو انه اخذها لو الله"

- مجرد ماحجه هيج رجف گلبي من قوة الموقف ومن حلفانه حسين من يحلف يعني الموضوع انتهى

بلعت ريگي وانه اعاين

جدي يباوعله بـ نظرة فخر،ملامه عاف هو وطلع للعصر يلا اجه بوجه للغرفه شويه وطلع أخذ جدي وراحوا للديوان

رجع جدي چان يگول

:-حظروا نفسكم اليوم رايحين نخطب بت عگاب لحسين

-بلشنا نحظر وجدي انطى شيخ عگاب خبر لليل رحنالهم بقينا نسولف إلى ان فتحت جدتي الموضوع الخطوبة هيَ طلعت مستحيه

وامها ردت بـ

:-الله كريم نشوف ابوها واخوانها ونردلكم جواب

جدتي:-ام عباس احنه نريد من عندكم خبر يسر الخاطر عبن تعرفين حسين الحفيد الچبير واول مرة يهواله وحده

-اشرتلي امي اطلع ورى زينب گمت انه وبثينه وراها شفت وجها الاسمر مزين بـ اسمرار خفيف ضحكت عليها وكت

زينب تستحي وصلت يمها چان اگول

:-الظاهر العاشگه الولهانه فرحتها بس فكرة هيَ راح تصير اله

نزت گالت وهي عايفه أيدها على صدرها:- شبيج زهرة فززتيني

بثينه:-اوووف زينب وعلي متحمسه تصيرين چنتنا ويانه بالبيت

غسق وهيَ تجي يمنه:-نوب راهمين شيخ وشيخه

-اباوعلها بـغير عالم بس مبتسمه معقوله الحب هيج يسوي.؟ زين هي متأكدة من موافقة اخوانها حتى هيج مبتسمه.؟

لو ممفكرة بـشي غير هيَ راح تصير من نصيبة.؟اتمنيت من كل گلبي تم على خير فززتني من صوتي وهيَ تگول

:-تؤر لازم اني الي اصفن وابتسم هيج

زهرة:-عساس مقصرة أنتِ يمه،بعدين صافنه افكر بيج

غسق:-ليش شبيها هيَ

زهرة:-اخوانها راح يوافقون.؟

بثينه:-وليش يمه حتى ميوافقون وين يلگون مثل شيخنا

زهرة:-مو تعرفين المشاكل الي بيناتهم

غسق:-اهوو واحنه نريد عرس

-صارت عيني عليها عبالك صحت من أحلامها احتلت ملامحها القلق بدل الخجل والفرحه الي چانوا مساع هزيت راسي

الها أملها انُ ممكن صدگ وتصير القسمه،شويه ورجعنا للبيت مرت يومين هدوء ماكو اي شي جديد ثالث يوم دخل جدي چان يگول

:-بيت الشيخ عگاب رفضوا حظروا نفسكم كم يوم ونروم نخطبله

-واحد باوع للثاني ساكت محد بينه اتجرأ يحجي ويا جدي ورا هذا حجيه،اباوع على حسين عيونه دمعت گلبي انمرد ما اريد

اشوفه بهاي الحاله احس قصة حبهم ما لازم تنتهي هيج وانه اعرف اذا خطب حسين بعد يحلم يأخذها اله مرة

خليتهم يرحون الغرفهم وشفته طلع لبرى طلعت يمه شفته گاعد يبچي.! ثاني مرة اشوفه بهاي الحاله وبالمرتين بسبب الحب

گعدت يمه عفت ايدي على متنه أخذ نفس ودار باوعلي گال

:-سويت كل شي الخاطرها وماشفت غير الرفض

اخذت نفس مقهورة على حالة اخوي:-حقك بس هم لا تلومها ترى مو بـ أيدها

:-ما اگدر زهرة وعلي تخنگني فكرة هي مو مرتي اخوانها اخخخ يخوانها

:-حسين ما شفتها من خطبوها الك وعلي تحس ردتلها روحها عبالك تحبك من سنين،فكرت إذا ماقبلوا شيصير بيها

:-شسوي زهرة قابل انهبها بس وحگ ابو راس الحار إذا بگوا هيج أسويها وانزل راس العشيرتين بالطين

واحدهم مسويلي نفسه بالمضيف كلش يحجي بالحگ وهمه مشبعينه ضيم

:-حسين والعباس انقهر من اشوفك هيج

:-لاتنقهرين يبعد رويحة حسين أنتِ انه هسه اعدل مزاجي بجگارة وادخل وحتى لو صارت الخطوبة مايصير العرس وداعتج

-مرن تقريب ثلاث ايام الأجواء هدوء بس امي تدور مرة لحسين وطاح الاختيار على بنيه من سلف بيت الشيخ عگاب

راحت امي تشوفها هيَ ونسوان عمامي وبيبيتي اجن يحمدن بيها وبـاهلها وحسب ماعرفنه ابوها واحد من فلاحين الشيخ

اتذكر بـيومها حسين من حجه وياي گالي

:-خليتها تثق بيه واخرتها أخذ بنت فلاحهم.؟

:-مو بـ ايدك حسين

:-خرب روح حسين لا تگليلي مو بـ ايدك غير أنه إلزلمه هي مجبورة أنه شبيه ماوگفت بوجهم

توني اريد ارد علي واسمع صوت جدي:-والله حلو عايفلي اخته وگاعد يسولفلها عن عشگه ليكون بعد يومين تريدها تتمعشگ

:-والله جدي إذا حبت بشرف مابيها شي اعاديكم وازوجها ما تدمرونها مثلي

:-هي الي رفضت واحنه ماحبينه المذله وراح نخطبلك اغاتها

باوعله حسين برود وگاله:- جدي كملت.؟اريد اكمل سوالف ويا اختي

:-عديم التربيه

-هو راح وحسين باوعلي وهز ايده رجعت گعدت وهو عاف رأسه بـحضني اللعب بشعره چان يگول

:-هسه شلون اتحمل بدونها انه چنت اروح يم أهلها بس حتى اشوفها،ادري غلط بس زهرة وحگ كافل الأيتام احبها

احس روحي اضيع بدونها

حركت ايدي بشعره وحجيت:-اشش تنحل وعلي تنحل بس گول يالله وكل شي يصير بـ خير

:-زهرة والله مو بـ ايدي انه هسه جاي ادفع اغلاط الماضي

:-سولفلي ليش هيج ما يقبلون ينطونك اختهم

:-گبل سنتين وحده من روحاتي البغداد وزني الشيطان ودخلت ملهى چان وياي صديقي شافني كثرت بالشرب

وماگدرلي وحده أمني بـمكان وراح يصيح سجاد وحسنين ولد الشيخ عگاب هم چانوا بغدا

حتى يساعدونه

ومن يومها وسجاد علاقته متراجعه بيه ومن درى اريد اخته كل وباله لهسه اشرب رغم يعرف صدام سد كل الملاهي

بس هذا تفكيره حاولت اثبتله العكس وماقبل يصدگ

- ماعرفت شنو احجي أو شنو اگول لان صدمه ورا صدمه اخوي دلخل ملهى ويشرب حركت ايدي على شعرة وگلتله

:- بس لا تنسى هم حقه يعني بالنهاية هو خايف على اخته هسه تقبل تنطيني الواحد يدخل هيج اماكن لو اشرب.؟

:-اكيد لا بس وعلي چانت ساعة شيطان وراها تبت وگعدت استغفر وعلي كلما اتذكر استغفر عسى الله يغفرلي ذنبي

والله حتى بچي بچيت بس بعد صارت قابل شسوي شبيدي انه رغم حبها صاؤله سنين بگلبي بس ومنها نسيتها ونسيت أهلها ودخلت

-حضنته احاول اهدئه اخوي واصل مرحلة جنونية بالحب اخوي شخصيته اتغيرت 360 درجة ورا ماحب زينب

أو ورا ماعرفت أنه بحبه لأن حسب حجيه هو صارله سنين يحبها حددوا موعد الملچه صدمتنا من جدي عزم شيخ عگاب واهله

وانطه خبر الامي تعزم مرة الشيخ وزينب وجناينها ما انطيت الموضوع اهميه گلت اكيد ماتجي چان

راحت امي تعزم

وانصدمت من رجعت وگالت

:-مرة الشيخ عگاب تگول حسين مثل ابنا ليش حتى مانحظر واحنه نبقى اهل

-اباوع على حسين عيونه تحجي حزن هوَ محاجي بس عيونه كفيله تحجي كل الي جاي يحس بي

ثاني يوم گعدت على هوسة

اليوم مشية حسين طلعت امي چاي تحظر مواد الطبخ يمها مرة عمي جاي تجرد الي يحتاجنه بعد

للظهر كملنا تنضيف

وطبخ بلشنا نصب وننگل للزلم شويه وبلشنا نحظر روحنا حتى ما اتغدينا خلصنا واجن زينب وامها ونسوان اخوانها

طلعنا البيت أهل العروس وتمت الخطوبه رجعنا للبيت أغلبهم رجعوا بقوا بس الگرايب وبيت الشيخ عگاب جلبت بيهم جدتي

سوينا حفله بيناتنا فجأة انصدمنا من تغيرت الأغنية ودخلت زينب بـثوب گصير ضيگ على جسمها ومن الي بـ أيدها عرفنا نيتها

.........................*

زينب...

-طلعوا بيت الشيخ كاظم وگبت الهوسة ورى ما اجو ابوي واخواني للبيت صاح سجاد اول ما دخلوا للبيت

:-بويههه بس لا عباللككك اتخبلت حتى انطي اختي الواحد سكير،وعلييي والي اسمه علي زينب ماتصير لحسين اذبحها وما تصير اله

عباس:-گووول يالله جاييي يگلك تركههه هسه انتَ وين تلگه واحد هيج يخطبلهه وحده ورى مارفضوا

سجاد:-بروح ابوك اسكت عني ما دام ما تعرف شي لا تحجي سوالف انتَ مو گدها

-عفتهم ودخلت للغرفه وهمه بعدهم گابين فرشت فراشي مددت اتذكرت دفتري طلعته وگعدت اكتب بي تفاصيل

اول ماعلمني اخوي حسنين على الكتابه چنت بصعوبه اكتب بس هسه صرت احسن حتى خطي اتحسن

وانه جاي اكتب طاحت دمعتي ما اگدر احس اتعلقت بي وفكرة اصير الغيرة مستحيله،اتمنيت تصير معجزة واصير اله

گعدت اكتب شعوري بهاللحظه،حجي اخواني خلصت سديت دفتري وگمت رجعت على فراشي احاول النوم ماكو والدنيا صيف

كهرباء ماكو متت حر طلعت فراشي وصعدت على السطح لگيت عباس فارش ونايم مددت يمه سحبني الحضنه گال

:-زينب تريدينه.؟

استحيت نزلت راسي وحجيت:-مدري

:-ترى احنه رافضين علمودج لو نعرفه زين چان انطيناج اله،بس هو نعرفه ملطلط وغلط بماضيه

والي يغلط مره يغلط الف

:-بس هو مبين يحبني

كفخني على راسي من ورا وگال:-اسكتي ولج شنو يحبج

-سكتت وهو أنفاسه هدأت مبين نام بهالسرعه استغربت اني همين نمت للصبح گعدت على ضوء الشمس نزلت لگيتهم

بعدهم نايمين بس عباس گاعد بلشت احظر بالريوگ شويه وبلشوا يگعدون واحد ورا الثاني،مر اليوم هدوء إلى أن ابوي

رجعلهم خبر الرفض بيومها انهاريت شبعت بجي بقيت للفجر اصلي وابجي،ما اگدر بدونه احس كل شي يوجعني

احس الوجع ينهش بروحي گبل گلبي مرت كم يوم واجت ام حسين عزمتنا هنا احس عبالك منطيني خبر اعدامي

مجرد ماطلعت انهاريت صرت اشهگ النفس بس اريد اتنفس من الخنگه امي اجت يمي تهديني،صدمتني ثاني يوم من گالت

ترحين وياي اتوسلت بيها بس رافضه تگول ما اريدج تبينين الهم ضعيفه لو عندج مشاعر الابنهم حظرت غراضي

واكفه گدام المرايا اجر بالكحله واخر شي ختمتها بـ الحمرة الجوزي ابتسمت راضيه على نفسي الهاشمي مالتي ويا مكياجي ودگتي

ما زايداتني غير الهيبه،حظرت الغراض الي اريدهم وياي وطلعنا الهم وصلت حاولت اتناسى شويه ويا زهرة وبنات عمها

رحنه البيت العروس وبلشت السهام تدگ بگلبي والنفس ضاگ بصدري من سمعتها گالت

:-نعم وانتَ وكيلي..."يتبع

.

..........................*

.

.

أحبّك

وكإنك الصوابُ الوحيِد

الذي فعلتهُ

بين عثراتيِ

السابع من هنا 

تعديل المقال