رواية مقبرة الاحياء الفصل السادس 6 بقلم سارة جعفر
وردة: فكيت عيني من شفت حُرّ قبضات أيديه متروسه دم وبأيده سوط طابع على كل جزء بجسم و وجه مشتاق أبن صمد وبلقيس، اليتناثر دمه بالگاع وصاير عبالك ذبيحة يصرخ بكل حيله ويتلوى بالگاع من الوجع!!
56
نبلع وجه بلقيس بخوف وصمد عاگد حاجبه واگف بمكانه مستغرب بينما وائل أول ما شاف أخو متوسد الگاع وحالته حالة ركض على حُرّ يريد يهد عليه، جراه صمد ودفعه لوره ونتر
9
صمد: أرجع أبن القندرة
26
وائل: يكتل بمشتااااااق ما تشووووفة؟
29
صمد: وحگ علي لو فكيت حلگك أترسه قنادر..
36
بلقيس ملخت وجها باللطم والبچي وتصرخ متخبله وصوتها شعلاته
-كتتتتتل أبني يمةةة كتللللة المسودن خريج السجون ماله رداد يمشي ويكتل بالوادم!!
105
صمد راح عليها يريد يطگها بس كضو ولده وائل ولؤي وبلقيس بعدها تدگ وتلطم منهاره وأحنى كلنا متكترين نباوع على الوضع بأستغراب وحُرّ كل طگة يطگها لـ مشتاق تشوغ روحه ويصرخ بصوت يفززنا كلنا، صوت السوط من يصير على جلده مُرعب عبالك جلاد..
24
صمد: ليش تطگه ولك؟ هيچ صرت جسر وما ينگدرلك!!!
18
حُرّ: أبنك الشفيه أبن الستين قندره، مغتصب بت عريبي وشارد واجو دگو بيتنا لأن أبن القندره هذا مغتصب بتهم..
224
الشهگه شگت صدورنا بصدمة وبين الدگن على صدورهن، والزلم غضبت ملامحهم قادر وفقار واگفين بصف حُرّ بالبداية يجرون بي من مشتاق بس وخرو منه وهمَّ يصيحون حيل بي الكتله وبين صمد الواگف متخبل يصرخ فقد..
8
صمد: أيا أبن الزفره ولك أنه تنزل راسي؟ اليوم أكسر ظهرك وأعلگك بهاي النخلة اليوم شسوي بيك!!!
بلقيس: مشتاق أبني ما يسويها، المسودن خريج السجون يتبلى عليه خاف هاي سوالفك وتذبها براس المگرود أبني!
53
حُرّ: خايبة أنه ما عدي لحيه مسرحه، أگطع السوط على ظهرچ وظهر اليطلع وراچ وأنعل أبوچ لابو تربيكم الجايفة هاي
159
وائل: أحجي عدل لا أفركك حلگك وعلي!
66
التفت صمد طگاه على حلگه خلاه يصب دم وباوع لـ بلقيس الخنست وأشرلها مفرفح
-أنعل أبوچ لابو خلفتچ الخايسه، أسكتي أنتِ وجراوتچ..
73
دنگ على مشتاق محترگ گلبه يحچي بعصبيه
-بويه تزين راسي، هذا الخايس يطين راسي؟ واليسوى والما يسوى يتشمت بيَّ! ميت ولا هل عار برگبتي..
13
حُرّ: لأن تربيتك خايسه، شنهي مربين زلم لو چلاب ياهوَّ الأجه وسواله فعله خسيسه ولكم أنه التعيرون بيَّ ليل نهار مسودن وخريج سجون ما خريج سجون ما مسوي سوايات القنادر العدكم، أدري بياه مجاري مربينهم، الچنت عايش وياهم أطهر من الخنازير العدكم..
60
صمد: أيدك الك ولك ربيه..
27
لؤي: بوية شالقضيه، ما تشوفه راح يموت؟
24
ضيغم: چا فرحان بأخوك؟ تعال حبه بعد وباركله على سوايته الچايفه
26
لؤي: تلگون البت هِيَّ المطيتة عين النوب گلبت عليه!
101
حُرّ: يوصلك السره أن شاء الله يوصلك لا تخاف خل أخلص من أخوك وجايك..
بلع ريگ لؤي بتوتر وخوف واضح على ملامحه وبلقيس تبچي مفرفحه على مشتاق المتوسد الگاع مثل الجنازه وجهه ما ينشاف من الدم والسوط طابع بكل جزء بَـ جسمه ويتلوى بالگاع والتراب ويصرخ بوجع
20
حُرّ طگاه بالسوط بكل قوته وزمخ
-الشارب الما بي خير بنعالي أزينه.
75
كل طگه يطگها لـ مشتاق أفز على آثرها، صوت السوط يخوف وحُرّ جلاد وبين المؤيد على كتل حُرّ لـ مشتاق وبين الرافضين ومتخبلين بس ساكتين خوفًا منه، وأني دموعي تجري بخوف من كثر المشاكل الصارت وياي صرت أخاف وأبچي من أسمع مشكلة تصير..
15
حُرّ سابح بدم مشتاق يكتل بي بحرگت گلب، ما منقهره على مشتاق يطبه طوب وعساه يحرگونه وهوَّ عايش لأن هيچ ناس "خنازير بشرية"..
15
بس خوفي چان من حُرّ وضرباته الما بيها رحمه حيل خفت بيوم من الأيام هيچ يطگني لأن عنده ثار وياي ما يبرد، مسحت العرگ من وجهي وأجر النفس بصعوبه مختنگه من المنظر الگاع متروسه دم وحُرّ يكتل بَـ مشتاق ويغلط عليه ويفشر بأنواع المسبة والغلط بكلمات تقشعر البدن من كبرهن
16
حُر: ولكم أنتم ما توبون أضل كل عمري أچتل بيكم؟ ما خذتو عبره من عدنان الحيوان لو كلكم تردون تودعون حيلكم ورجليكم؟ خاف ذاك المطي بس عوقته أنتم شيب أهلكم أحرگه، وستر زينب أرش عليك نفط وأگببك!!
26
تفل عليه ودفرة التفت ينتر
-أرد أربيكم لأن أهلكم ملتهين يبوگون بالوادم وينهبون بيهم..
20
خنزر بوجهه صمد لأن يمكن الكلام مسه
-سولف عدل ولك!!
9
التفت الصمد فحطان ورفع أصبعه بتهديد
-حسك لا يطلع بعد، تزامط وخابصنا وتاليها هاي خلفتك؟ غم روحك ولك ومتعين تربيتك وإذا أنتَ أزلمه أسلم على روحك من بيت عريبي يحرگونك أنتَ وچلابك..
11
صمد: منين دريت أنتَ؟
4
حُرّ: هاي كراوي تعبانه حجي، لا تضل تلوف بالسالفه حط عينك على مصيبتك وحلها، وأبشرك ناوين يحرگون البيت على راسك..
صمد: أيا عار يا أبن ستين قندره يا مشتاق!!!
20
حُرّ: بس خوما أخليهم يجون لهنا ويتعبون رواحتهم؟ لا ليش الحگ الهم ومحد يفك حلگه وهذا الزمال أنه بأيدي أروح أشمره عليهم..
22
كمل كلامه وجر مشتاق من ياخة هدومه وسحبه بالگاع يريد يطلع بي للشارع تخبل صمد چلب بأبنه وجراه من حُرّ متسودن
صمد: شني هاي ولك؟ شو أنتَ تسودنت توديه علمود يچتلونه؟
9
حُرّ: چا شيسوون وياه يلعبون محيبس؟ مغتصب بتهم ومنتهك عرضهم موش أزلام إذا ما شنقو بالديره..
33
صمد: أنه صارلي ساعه واگف وياك وأدري غلطان الچلب هذا ونزل راسي بين الوادم واليسوى والما يسوى يضل يعير بي، بس خوما أنه ما رايده أروح أذبه بيناتهم؟ لا تتسودن أنه أعرف شلون أربيه..
14
حُرّ: شمالك أنتَ؟ تربي شنهي ولك هوَّ بايت بره البيت وتربيه أگلك مغتصب حرمه منتهك عرض حرمه دمر حياة حرمه تفتهم عليَّ أنتَ لو شنهي؟؟
13
صمد: تلگاها هِيَّ مطيته عين؟؟؟
50
حُرّ: چني راح أدير السوط عليك، طلعت أنتَ وخلفتك شيل وشمر بالزباله..
37
صمد: مالك غرض أنه أحل السالفه وأطيب خاطر آل عريبي..
7
حُرّ: البيت أحرگه عليكم وستر زينب قنادر عتگ
12
دفر مشتاق وطب للبيت شايطه روحه ويدردم على مشتاق والغلط بفلس لسانه إذا فشر لو غلط بعد ما يسكت جرتني كلارة من أيدي وطبينا لجوه لأن صمد وولده گبت بيناتهن العركه وهوسه چبيرة صارت طبينا لجوه خايفين، فجر طلعت قبلنا النوب وره لحظات أختفت..
فجر: متمدد جسام على الفراش وبأيده كانوله، عاگد حاجبه بأستغراب من الأصوات العاليه البره ومن بينهم بارز صوت حُرّ، ما يگدر يطلع يشوف شكو بره ضل باله، سألني مستغرب
-شكو فجر!
3
-حرّ جاي يكتل بَـ مشتاق
-چا يستاهل..
-تدري بالسالفه شني أنتَ؟
-لا ما أدري بس حرّ ما يطگ إذا مو على سبب.
8
-تتذكر الدگو بيتنا؟
-أي، شمالهم!
-مشتاق مغتصب بتهم
-أيا ****
4
گعدت وأيدي على خدي صافنه وأسمع صوت السوط الصار جزء من روتين حياتنا حرّ من يعاقب واحد بالسوط يصير جلاد عليهم ينهيهم نهيان ويسميه "السبعة وسبعين" وطبعًا الأسم اله قصه، وما يلوح السوط جسم واحد إذا ما يكون فعلاً مسوي فعله شنيعه..
21
أبتسم جسام بتعب ومركز يسمع الأصوات
-جاي يكتله بالسوط مو؟
7
-أي، جلده جلد
-يا يابه شلون جاي أحس براحه..
-النوب أنتَ متعلعل من وراي
-چا شني موصيني بيچ أنه؟ غصبًا عليَّ واجبي هذا
4
-بس أنتَ خاطرت بروحك علمودي
-تستاهلين أخاطر لآجلچ العمر كله..
22
-كلش مستحية منك والله حتى حرّ ضاج حيل عليك
-يابه ليش مكبرين السالفة هِيَّ طلقه!
-ها چا الطلقه هينه!
-سهله سهله، لو نسيتي هاي مو أول طلقه!
15
أبتسمت من تذكرت چان صغير هم صارت سالفه وتصاوب بالغلط
-بعدها آثرها بزندك؟
-أي بعده، ولا يروح الآثر..
1
طلعت من الغرفه صدري ضايگ لأن جسام ما عنده وحده توگفله وبهذا الوقت محتاج مساعده بكلشي لأن ما يگدر يتحرك خصوصًا الطلقه مكانها حساس ونحس..
6
ثاني يوم الصبح أخذت هدومه ودگيت الباب على غرفة أخواته وطلعتلي كوثر الچبيرة باوعتلي ونترت
-ها؟
7
قدمتلها الهدوم وهمست بهدوء
-هاي هدوم جسام كلهن دم أغسلنهن..
باوعتلي من فوگ لجوه وضحكت
-وشني أشتغل عدچ!
7
-شلي غرض حبيبتي هدوم أخوچ ترى!!
-خل يولي أخوي الي خلگه؟
18
-تحچين صدگ!!
-يوووه شيخلصنا من البت المثالية الحبابة المؤدبة!
-فعلاً ما تستحين أنتِ، شريد أگلچ بعد يحتار الوصف بيچن "بنات محاسن" بعد..
19
خزرتني بعصبيه ما راضيه، عفتها ورحت للحمام بحيره غسلت هدومه من الدم يابس عليهن، ظهري نكسر لحد ما خليت العطر يفوح منهن وراحت ريحة الدم ورجعن نظيفات يلمعن شريتهن ورحت للغرفه تمددت وعظامي تطگطگ من التعب والشغل..
3
جسام ماعده بهل دنيا غير قادر، أخوه الوحيد من أمه وأبوه بينما عنده هواي أخوان وأخوات بس كلهم من أبوه و أخوانه من محاسن مرت أبوه الما تجرعها الگاع وما تريده لا هِيَّ ولا بناتها ولا ولدها ولا حتى أبوه وصل الموت ولا وحده أو واحد بيهم خافو عليه أو على الأقل كلفو رواحتهم وگالوله الحمدلله على السلامة!!
7
يكسر الخاطر وحده بغرفته وصوابه جديد، لحد يذكره بأكل ولا بعلاج ولا بشي بهل دنيا نمرد گلبي مرد شلون هيچ منسي من أشوفهم يعاملونه هيچ أنقهر، خصوصًا أنه السبب الخليته بحاجه للناس بينما هوَّ چان الحمدلله ما محتاج غير الله سبحانه وتعالى..
12
صرت أهتم بأدق تفاصيله، هواي عنده أصدقاء يجون يزورونه ويبقون فتره يمه، ماي وچاي ما خليته يحس بنقص ولا يحس بحاجه لواحد، رغم أشگد أسمع كلام سم من نسوان بيتنا خصوصًا بلقيس وبناتها بس أغلس عليهن لأن مو كل الناس يستاهلون تنزل لمستواهم وتجاوبهم
9
أكله، وقت علاجه، تنظيف غرفته، غسل هدومه، ومن يريد يگوم لو يگعد أصيحله حرّ لو واحد من زلم بيتنا علمود يساعدونه وكلشي يريده أجيبه قبل لا يطلبه بحيث هوَّ ضال بس صافن شوكت فجر هلگد قريبه عليه أو دائمًا أتواجد بمكانه وغرفته بس ما ردته يحس ولو مره وحده بقهر وحاجته للعائله..
9
وردة: گاعدين أنه وفجر بالغرفه نسولف عن سالفة مشتاق وسوايتة السزز وگلوبنا ممروده مرد ومقهورين على البنيه التدمرت من وره الخنزير مشتاق
-عود صمد الحقير ليش ما كتله!!
6
هزت أيدها فجر وضحكت
-يا يكتله ولچ، صمد وبلقيس الگاع ما تجرعهم ولچ شياطين..
3
بقيت ساكته ومقهوره، طبت كلارة همست بهدوء
-وردة حرّ يريدچ
7
بلعت ريگ ودرت عيوني لفجر بخوف
-يمه، شيريد مني أبو شوارب!!
طبطبت على چف أيدي وهمست بهدوء
-ماكو شي يخوف روحي شوفيه شيريد..
+
لزمت أيدها بخوف وعيوني تتوسل بيها
-روحي وياي حبابه!
2
ضحكت وهزت راسها
-لا المن رايحه؟ گال أريد وردة فجر شعدها وياها!
1
طلعت من الغرفه بتردد خطوه لگدام وخطوه لوره أريد أطب للغرفه المكان الوحيد الأحس بي آمان الي، بالبداية بديت أستوعب هوَّ حباب وحنين بس من شفته شلون يجلد بَـ مشتاق رجعت أخاف منه أحسه حيل عصبي يخوف وما يتفاهم وعلى يا ساعة أنه هم يكتلني، أمشي وبعده منظر السوط بعيني خايفه ينطبع عليَّ بلعت ريگ من طلعت للحوش أدوره وشفته گدام المغسله
مدنگ يفرگ چفوف أيديه جوه الماي
-تعاي
5
بلعت ريگ ورحت وگفت بعد مسافه عنه بخوف، التفتلي
-شمالچ تردي تبچي؟
9
-ما بيه شي..
-سولفي شمالچ مو شلعتي أفادي، واحد وياچ؟
10
يحچي عاگد حاجبه منتظر جوابي
-هاي شمالها، ياهوَّ وياچ ما تحچي شنهي خرسة أنتِ؟
2
-محد، والله العظيم محد وياي صحتني أنتَ شتريد!
-مساع عليمن تبچي؟
14
رفعت عيني اله بصدمه هذا وين شافني چنت أبچي من يكتل بمشتاق، چم عين عده بلعت ريك بتوتر ونزلت دمعه من عيني بسرعه مسحتها هزيت راسي وهمست وهوَّ ما شال عينه مني
7
-ما بيه شي
-شنهي ما بيچ مساع شفتچ تبچي عليمن؟
2
تقرب عليَّ چم خطوه وگف گدامي ضايج وأيديه يقطرن ماي كضني من زندي حيل مضيگ عيونه
-تبچي على مشتاق؟
8
-لا شنو هذا وأبچي عليه، بچيت من الخوف
-ليش من الخوف شلچ غرض أنتِ!
2
باوعت لأيده وهمست بضوجه مخنوگه
-نزل أيدك مني
5
بسرعه هدني وخر لوره ودنگ عينه ضايج
-لا تكضني مرة ثانية أنه ما أحب واحد يكضني!
-أفتهمنا يَـ مهبولة أفتهمنا بسچ
-ليش كل ما تشوفني تگلي مهبولة؟
-لأن صدگ أنتِ مهبولة
-رحم الله والديك
ورث جگارة وجر منها نفس وهمس
-صايرة لوتية يَـ ملعونة؟
3
-شنو!!
-تغيري السالفة، ليش بچيتي من الخوف أشگد كلاوجية طاگچ أنه من گبل؟
5
-لا
-چا عليمن خفتي بعد!
-خفت يجي يوم تطگني مثلهم..
17
صفن بوجهي وسكت بعد ما ردلي ضليت أعصر بأيديه وخانگتني البچيه بلعت ريگ وهوَّ أشرلي أروح بسرعه مشيت للغرفه مكيفه خلصت من السوالف وياه، أنه ما أكرهه لأن آمانة الله هوَّ مفضل عليَّ بس ما أحب السوالف وياه وأكره كلشي يخصنا سوى أخاف منه أحس ما عده بريك كلشي براسه يسويه..
5
-كلارة: بهاي الفترة رممو بيتنا من الخراب ورجعوه مثل قبل، بس أوضاع البيت تضوج مگلوب گلاب وما هدئ ولا لحظه خصوصًا من صارت السالفه عشاير وجيب عمك جيب خالك هوسة وزلم تروح وزلم تجي..
7
بلقيس خانسه وأول مره بحياتها هيچ تسكت من خوفها على مشتاق لأن حياته بخطر ودمه مهدور، بعد مطاحن ومشاكل كسرو ظهر صمد بفصل خلو صمد يشخط وعقل ما ضل براسه والمشاكل صارت بفلس
8
بس سمعت منهم يگولون "آل عريبي" حادين أسنانهم على بيتنا ورغم الفصل أشگد چبير وصارت عشاير وسالفة چبيرة بس ما رضاهم والمفروض ما يرضون بفصل وحتى حرّ ضاج من عرف بالسالفة لموها هيچ رادهم يكتلون مشتاق بس ما چنه ندري آل عريبي شنو أبالهم..
38
طب حرّ للبيت بأيده جنطه رفع أيده مبتسم لفجر
-حياهم الله
2
ضحكتله وراحتله تنشف بأيديها من الماي
-هلا يبعد گلبي
2
وانه أباوعلهم من بعيد مبتسمه، لحد هاي اللحظة ما مصدگة رجعة حرّ النا لدرجة دائمًا أگعد أتآمل بي معقولة الصار حقيقي لو مجرد حلم حلو مر بخيالي بس الحمدلله من رد النا بس فرحتنا ما مكتملة لأن ندري نهاية حرّ لو للموت لو للسجن لأن يريد يكتل صالح..
أتلفت بالمكان يدور شخص بعيونه
-أبليس وينها؟
22
أجت بلقيس وجها ما يگصه السيف نترت بي
-ها؟
14
قدملها الجنطه ونتر
-أطيها لصمد
-صمد يلعب وياك ما تگول عمي!
-وشنهي أنتِ تعلميني؟
-لا ما أعلمك بس عيب وأنه حسبة أمك
-تخسين..
23
خزرته ضايجه وبگوه ضامه سمها عنه لأن تخاف منه تبين روحها گدامه فقيره، طلع وهِيَّ التفتت تتراجف من العصبيه وتنخزر بفجر
-عود شني يگلي أبليس ما يستحي هذا أخوچن؟
فجر ملتهيه ردت تكمل شغلها وتردلها برود
-ما گلتيله هذا الحچي مو چان هنا؟
+
رفعت أيديها تلعلع وتأشر
-يتفاهم هوَّ؟ أبليس هوَّ مو أنه..
ما گدرت أكتم ضحكتي التفتت عليَّ خازرتني همست
-بس والله وزن وقافية على أسمچ
10
خزرتني مفرفحه تهدد بيَّ، طبت للمطبخ تصيح روحها شايطه باوعت لفجر بأستغراب وهِيَّ تباوع لـ بلقيس بهدوء منتظره تخلص هاي المهزلة..
بلقيس: ياااا بويييه نسوان خايسه جايفه نايمات للظهاري، خو ذيچ ما تحل رجل الدجاجه وصخه وخايسه مثلها ما شفت!
1
كلارة: ياهي ذيچ، شو تحچين بسامير شني تخافين؟
2
بلقيس: عمت عينچ كون أنه أخافن أشگچن شگ، وردة ذيچ الخوينسه الله يستر منها هسه تغربل واحد من ولدنا وتضحك على عقله مثل عدنان المسيچين..
8
كلارة: هسه شجاب هاي بهاي شني هل ربط هذا، جاي تحچين على التنظيف عدنان القندره شجابه بالموضوع لو كاتلتچ وردة!
بلقيس: كلارة ترى أحط النعال بحلگچ لسانچ طولان!
1
كلارة: عمت عينچ ولچ تخسين..
6
بلقيس: منطيچن عين ومسوفلچن المسودن خريج السجون بس أصبرلي يا بويه شسوي بيچن من يرد للسجن!!
4
فجر: شو چنچ متأكده من ردته للسجن؟ شنو ناوين تذبون طلابه براسه!
بلقيس: هههههههههه ليش نذب يمه شني هوَّ خير خايبه أصبريلچ سنه بالزايد إذا ما أكله ١٥ سنه مثل الگبلها شمالچ عود يضل هيچ؟ يرد للسجن يرد..
فجر: من كون عمت عينچ وعاب حلگچ، ترحين فدوه لمشية چدامه
4
أيناس: أكلي تبن لا أحط النعال بحلگچ، شو أنتِ مستهترة مالچ رداد
7
فجر: تكتري على صفحه وأكرمينا بسكوتچ لا وروح أمي أخليچ فرجع لأمة محمد أنتِ وابليس اليمچ..
3
بلقيس: ههههههه طلع صوتها العاشگه الولهانه وينچ وين أخوچ أنتِ ملتهيه ويَـ حبيب الگلب.
4
فكت عينها فجر وأنه أريد أگطع بلقيس فار دمي، وهِيَّ تدردم وتصرخ بين النسوان التفتت بأستغراب على فجر الرفعت حاجبها
1
فجر: بله أنتِ ما تستحين؟ سوالف بنات الشوارع شجابها عليچ يا عجوز البين يا مستهترة، عيب والله عيب حتى ما يجوز أتجاوز عليچ مره عجوز ورجليچ بالگبر شريد أگلچ بعد حيره الواحد الما يحط قدر العمره ما يسوى فلس..
1
بلقيس: جسام متخربطه أحواله بالغرفه على فراگچ روحي أركضي أركضي وسدي الباب وراچ والله أعلم شيصير جوه
7
تحچي وتهز بشفايفها تباوع لفجر بطرف عينها وفجر فرفحت روحها وصوتها عله
-وروح أمي لو عدتيها يا بلقيس وروح أمي، ورجعتي جبتي طاري شرفي بحچايه أخليه يدفنچ بگبر وأنتِ عايشه، تكفي الشر وراح أصير عاقله مو لأجلچ لخاطر أخوي ما أريده يلوث أيده بدم نگس وما يسوى نعاله..
4
كملت كلامها وراحت للغرفه تتراجف من العصبية وحتى ما أهتمت لرد بلقيس ولا أنتظرته، أشگد صارت مواقف بس أول مرة بحياتي أشوف فجر لهل درجة متعصبه ومقهوره ماكو أغلى على البنيه من شرفها وبلقيس طعنتها بطريقه تموت قهر..
رحت وراها لگيتها گاعده بغرفتنا تمسح بوجها وتنفخ نفسها بعصبيه
-لا تنقهرين خلي تولي أبليس
+
أحچي وأمسح بدموعي مقهوره، نقطة ضعفي فجر وحرّ والحقيره أبليس تحچي عليهم ثنينهم كلام يفطر الگلب وشاده ويَـ حرّ فد مره گعدت بصفها أيدي على رجلها
-ليش تهتميلها؟ أبليس من يومها چلبه
3
رفعت أيدها من وجها وباوعتلي مقهوره
-ولچ تطعن بشرفي!
-تخسي توصل لذره منچ هِيَّ وبناتها الچلبات..
التفتنا على الباب ينفتح وطبت زهراء زوجة فقار للغرفه هم مطنگره وضايجه أجت گعدت يمنا جرت حسره تباوع على فجر مقهوره
-عليمن ضايجة شني جديده عليچ بلقيس؟
9
-مو قصة جديده، بس لكلشي حد والشرف خط أحمر وبلقيس تعدت الخطوط الحمر كلها ومستهتره فد مره..
زهراء: مو مره حشى تحسين أبليس طاب بيها شيطانه وما بيها ذرة إنسانية..
2
فجر: لچ والله أشگد أسكت عنها أگول مره چبيره مو من أخلاقي أحط عقلي وياها لو تصير بيناتنا مشكله لأن بالنهايه هِيَّ بگد أمي بس ما تتوب مني!
كلارة: يا ريت لو نسولف لحرّ يشوف حل لهاي المهزله!
زهراء: چم مره گلتلچن سولفله مدري شمالچن ساكتات؟
1
فجر: عود هاي أنتِ العاقله! من كل عقلچ أسولفله بربچ حرّ إذا سولفتله شيسوي؟ كلنا ندري بَـ حرّ شني طبعه لو عرف ينحرهم وما يرفله جفن ويگلب الدنيا وما يرضى أنه ما أريد أخسره..
11
زهراء: بس فجر الجاي يصير ما ينسكت عنه!
فجر: تدرين أنتِ حرّ ليش مخلينا لحد هسه عايشين هنا؟
لأن يدري بروحه مو صاحب طويله وجاي يدور على صالح علمود يكتله وأكيد يرد للسجن وما يريد يعوفنا وحدنا لأن آخرته هوَّ للسجن لو للموت فـ هنا يآمن علينا أكثر..
5
زهراء: ما تفوته فايته هوَّ شعجب ما يدري شلون چلاب عليچن!
فجر: ما يطب للبيت كل چم يوم يجي شويه ويروح، لا ينام هنا ولا ياكل هنا ولا حتى نشوف وجهه بهل بيت يغيب أيام ويختفي يجي شويه ويروح لا ندري شلون عايش حياته ولا ندري شجاي يصير وياه وملتهي بطلايبه وشغله وهوسة حياته ومحد يعاملنه مو زين گدامه..
كلارة: أكثر من مرة سألني، أدري فجر ما تسولف سولفيلي أنتِ واحد هنا لو وحده يضوجونچن شلون يعاملونچن سولفيلي أكو شي هنا قاهرچن ما حاباته، أشگد حاول يسحب لساني بس كلشي ما حچيت كل ما لساني يريد يزل وأتذكر راح نرد نفارگه تنمرد روحي.
2
زهراء: الله يكون بعونچن، خطيه والله ليش هيچ يريد يدمر روحه خل يعوف صالح!
2
فجر: من كل عقلچ زهراء؟ هوَّ عليمن عايش لهل وكت وما مات الصار وياه يموت أكبر گلب بس لحد هسه هوَّ دايس على روحه ومكمل حياته علمود يكتل صالح..
جرت فجر حسره ومسحت وجها بچف أيدها تعبانه تمنيت أكو حل ثالث أشگد فكرت بس كل الافكار نهايتها نفارگه گعدت وردة من النوم لأن نايمه من البارحه بالليل ولا گعدت بعد
+
دنگت عليها وطگيتها راجدي خفيف على وجها
-شالقضيه طبيتي غيبوبه هيچ الخوف يسوي!!
-خايبه وخري عني خليني مرتاحه..
گعدت تفرك بعيونها بتعب تكسر الخاطر، صفنت لگدام فتره ساكته ضحكت على منظرها
-وين چنتي تتعاركين بالحلم؟
-لا والله كلش فرحانه چنت نايمه
-شني اليفرح بالموضوع!
-من أنام كلشي ما أحس لا بخوف ولا بمشكله أرتاح شويه..
-واصله مرحله أنتِ، دنيا شكبرها ما يريحچ بيها بس منامچ
-چا شنسوي بعد بيها حكمه..
-بيچ فد طبع حلو هواي إيجابية كون أنه دگيت ولطمت وأنتِ تتفائلين وتصبرين أشگد حلو!
2
أبتسمت وگامت نفضت فراشها وطلعنا من الغرفه سوى وحرّ غايب من البيت وماله آثر، وأكيد متعودين على هذا الوضع لأن يغيب هواي طلعنا للهول گاعدات بي كلهن طب ضيغم للهول كاشه روحه وگالب وجهه وقبل لا يصعد لغرفته گال بضوجه
ضيغم: نظفن الديوانية، يجونا وآدم على جسام بالعباس صرت أستحي بيچن جيش ولا وحده راحت نظفت الديوانية والوادم رايحه جايه!
6
محاسن: وشلنا غرض؟ شني مخلفه جسام وما أدري!
ضيغم: يابه چا شلون مصوب الزلمه يروح هوَّ ينظف!
محاسن: شلي غرض أنه وبناتي ما نشيل العود من الگاع ما مبتلين بجسام شني أبتليت بي؟؟؟
1
ضيغم فر أيده يباوعلها بحيره وضوجه وأمه آشرتله ما يتعارك صعد بس حسيته يريد يشرب من دم محاسن لأن كلنا ندري بيها شلون چلبه على جسام وقادر تنگط خبث وسم عبالك عدوينها
ضحكت بلقيس والتفتت على فجر وأشرت بأصبعها
-دوانية أخوچ هاي والعيبه عليه لو شافوها الزلم وصخه وخايسه يگولون نسوانه خايسات وفشلنه..
2
-چا همزين أنتن تعرفن رواحتچن خايسات ولا تهشن ولا تنشن تعاي وياي كلارة البيت بيت أخونا والوادم الگاعدين هنا خطار أحنى أهل الدار ننظفه ونشيلهم بعيونا حگهم علينا چا همَّ ما ضالين..
19
مبتسمه أشوفها مشتعله نار رفعت أيديها تلعلع وصوتها شهرنا بس ما سمعتها فجر ولا عبرتها ولا تانتها تكمل كلامها رحنا للديوانية ننظفها وأجت ويانا وردة وأنه ماي بارد ونزل على گلبي أحب ردود فجر الهم تخليهم يشيلون روحهم ويدگونها بالگاع من القهر
2
-وردة: طلعت قبل البنات بعد ما خلصنا تنظيف وفجر راحت لجسام لأن صار وقت علاجه بهل وكت وكلارة راحت نامت لأن نعسانه وتعبت من الشغل هِيَّ ما تعرف تشتغل لأن فجر شايله عنها كلشي العود ما تخليها تشيله من الگاع لهل سبب كلشي ما تعرف..
گعدت أرتاحيت شويه وشربت ماي وره فتره گمت على شغلي وشغل فجر ظهري أنقسم نصين بيتهم چبير ويتعب أريد أبچي والدمعة بطرف عيني بس صابره لخاطرها، مسحت وجهي وأول ما طبيت أشوف حرّ وعمامي ولدهم كلهم گاعدين بالهول ملتمين جگاير وضحك وسوالف ولمه
ضيغم عيونه مدمعه أول ما باوعتله عبالي چان يبچي بس من ضحكته المحبوسه ويحاول يضمها عرفت بي جاي يضحك راح گعد بصف جسام المتمدد بالفراش ومنتچي على الحايط
فقار التفت على ضيغم بأستغراب عاگد حاجبه
-شبيك بگوة كاض ضحكتك!
ضيغم أول ما فقار كمل حچايته نفجر بالضحك ما سيطر يكتم ضحكته صار الهول هدوء وكلهم يباوعوله يضحك بشكل مو طبيعي ميت من الضحك ومختنگ جر بديه وضم وجهه كله وما بين منه شي، جسمه يهتز من الضحك طگاه فقار ضايج
5
فقار: وسم ومرض عليمن هل ضحك چنك ضحكة ****
1
صمد: خايب ترى أگوملك، ولك شني قروده مگابلنا وتضحك!!
8
ضيغم: هههههههههههههه يا بوييييه
حُرّ ما ضحك ولا أبتسم، يباوع على ضيغم بجمود منتظره يكمل ضحكته شكيت بي يعرف سبب ضحكته، وجسام مغمض عيونه بوجع ويغلط على ضيغم
جسام: قندررررة لا تضحكني أسكتتت
2
قادر: عليمن أنتَ تضحك؟
2
جسام: يسوي واهس للواحد يضحك وياه
8
غماهم صمد ميت محترگ لأن جاي يضحكون، ضل ياكل بروحه شلون يضحكون وهوَّ گاعد خو وائل صار برميل وكلهم يسألونه يردون يفتهمون منه السبب ليش هيچ يضحك والفضول أحتل الكل
1
ضيغم: حرّ ترضى أحچي لو لا؟
حُرّ: لا
ضيغم: عليك العباس أخو زينب خليني أسولفلهم سالفة ما تتفوت
1
حُرّ: سالفة تافهة ما ألها داعي تنحچي.
1
ضيغم: يا بويه وعلي تضحك، خايبين لو تسمعون حرّ البارحة بالليل شسوى..
5
من صار أسم حُرّ بالموضوع ركزت بحديثهم أكثر أباوع لضيغم بتركيز أريده يكمل علمود أفتهم شبي حُرّ لأن حُرّ وسالفة تضحك مستحيل ترهم..
لؤي: يله سولف مو موتنا من الفضول!!
ضيغم: تعرفون صلاح؟ شلون ما تعرفونه من الديره تدرون بي هوَّ وحرّ بيناتهن طلايب واحد يموت من الثاني وهواي راد يطيح حرّ بمشاكل وصلت بي النذاله يسوي مكيده علمود يرد حرّ للسجن..
4
جسام: سرسري
1
ضيغم: شوف المصيبه، آخر مره كلش وصلت بي راد يطبب حرّ للسجن ومتفق على السالفه ويَـ وادم وخابص روحه علمود يذب تهمه براسه بس وصلت لحرّ السالفه وعرف بيها، البارحه بالليل أنه چنت طالع وياه هوَّ فر السياره وراح بغير درب أستغربت النوب من شفت صلاح عرفته راح علمود يطيح حظه لأن وصلت حدها وياه..
جسام: أنه أخوك كبرت السالفه!
1
ضيغم: ولك بعدنا أصلاً ما طابين بالسالفه، من راح كل ظني راح يجيبه براحدي منا راجدي منا وفيمالا بس الأخ ناويله غير نيه، كتله كتله مرتبه زورگه لحد ما خلاه يفقد وعيه من الكتب النوب صلخه من هدومه وخلاه مصلخ كما خلقه ربه وشمر محفضته وهدومه بالشط ورد للديره وذاك ضل مصلخ بمچانه..
44
ضحك جسام ضحكه طويله أنتهت بوجع غمض عيونه يون بآلم
-أشتعلو، ولكم راح تطگ خياطات عمليتي!!
فقار: خويه صدگ چذب هسه هاي سالفه!
حُرّ: مسوي روحه سبع براسي، يخسي خل يحتار بروحه..
صمد: يا بويييه ولكم شلون بله الواحد ما يأمن على روحه بله هاي سوايه؟ غير شيطان أنتَ ولك!!
5
حُرّ: يجيك الدور أصلخك وأعلگك بالنخلة أخليك مضحكة لأمة محمد..
24
صمد: شلون بله الواحد يقفل هدومه عليه بحديد!!
9
وائل: والعباس صلاح مطي يا بويه كون أنه مسوي بيَّ هيچ!
4
حُرّ مسح على شواربه بهدوء عدل گعدته والتفت على وائل
-شتسوي بله؟
1
وائل: أسويها دم وعشاير والحسين
1
حُرّ: من طـ*** تسويها عشاير كلك فرخ ياهل..
23
صمد: دنجب وائل نجب وسكت يله لا النوب نلگاك مصلخ هذا مسودن ما عليه آمان..
مد راسه فقار من باب المطبخ وبهدوء گال
-خويه وين زهراء
-راحت ويَـ أم ضيغم للخياطه
-ما تصبيلنا چاي بعد أخوچ
-صار..
5
خدرت الجاي وراسي مسطور بس أريد الزم المخده وأنام وأمدد ظهري لأن الوجع كتلني، أنه متعوده هواي على الشغل بس بآخر فتره فجر علمتني على الدلال والراحه وأجت بلقيس طلعته من عيوني بس أصبر وأشوف تاليها وياها وأنه أعرف شلون أربيها هسه بعدني جديده بس والله إذا كضيت بلقيس أخليها تكره الساعه الطبيت بيها لهذا البيت خدرت الچاي وحسبت على عددهم صبيته ورحت للهول
5
قبل لا أقدمه لواحد گام حُرّ خذاه من أيدي
-شعدچ تفتري هنا يَـ مهبولة!
-أشتغل..
4
-ما تشوفي هاي المطايا گاعدة؟
-يا مطايا!
4
حچيتها وصفنت بعيونه بأستغراب أبتسم وهمس
-روحي روحي لغرفتچ وعوفي الشغل خل يولي ما طاير..
1
درت وجهي وطلعت من المكان أشوفه خذه گلاص وحط الصينيه بالگاع وكل واحد خذه گلاص چاي ما وزعه عليهم يمكن يستنكف ضليت گاعده بالمطبخ أعزل المواعين الغسلتهن وصوتهم يوصلني گاعدين يسولفون بالهول..
حُرّ: جسام شنهي خويه مصوبينك بچيله لو بقاذفه؟
4
جسام: خايب شمالك شمسوي ما تگلي!
حُرّ: شتسوي بعد مسوي روحك موات فد نوب
1
ضيغم: النوب دوخنا بس يون من ونت ضلوعك من المرض..
قادر: يا مرض ما تشوف حاله حتى ضعفان صاير چنه نعال
10
جسام: هذا شماله، خويه أنتَ عون لو فرعون؟
4
فقار: شد روحك ولك شني ترى لعبت رواحتنا
جسام: ها خويه شايلني على ظهرك؟ خوما تعبتك عليك الله
3
ضيغم: أضوج أشوفك ما تشتغل ونايم مرتاح
جسام: شلك غرض
ضيغم: لا لا شني ما يصير
قادر: منيله مرتاح ينبچي على حاله
فقار: لا وين، فجر ما مقصره وياه مدللته مثل الماي بالصينيه
3
حُرّ: جسام أخوها الثاني، يمون عليها..
29
هوَّ حچاها بهدوء واضح على نياته، بينما كلهم سكتو خصوصًا جسام أعتقد الحچايه ما فرحته بگد ما لچمت گلبه غيرو الموضوع بسرعه بس الما منتبه اله حُرّ جسام يحب فجر واضح من نظراته التذبل من تشوفها ومن بلعة ريگه من يصفن عليها ومن نظرته التريد تخترقها لو باوعلها..
مستحيل يمر عليه شي بدون ما يلاحظة، أنتبهت اله ملعب ولوتي بس أعتقد لأن ما مختلط هواي وأساسًا ما شايف جسام وفجر سوى ويجي قليل للبيت كلش فـ ما يدري البيت شيصير بي ما يصير، جسام محترم حيل وياها واضح يحبها حب شريف بس هِيَّ الله أعلم أحسها هم تحبه
مرت فتره على وجودي بيناتهم فجر وكلارة صارن حيل قريبات مني وصرت اعتبرهن أخواتي وحيل تعلقت بيهن، بينما البيت هذا كله ما مختلطه بيهم والاغلبيه إذا شافوني يسمموني بالكلام والمواقف ومشت الايام والحياة..
1
رغم أنه وحُرّ بنفس البيت وجوه سگف واحد بس قليل نلتقي هوَّ ما يجي للبيت هواي وأنه من يجي ما أطلع ما بيناتنا أي تواصل والمواقف اللي ملتقين بيها ينعدن على الإصابع وأنه هيچ مرتاحه حيل..
أعصر بأيديَّ وأطگطگ بأصبعي بتوتر من سمعت صوته يگول
-تعاي غزالة
5
طلعت من الهول للحوش على صوت حرّ عدلت شالي على راسي ومشيت أدوره وأتلفت
-يَـ مهبولة تعاي هنا أنه
1
التفتت على جهة المغسله واگف بصف المغسله وبأيده موس واگف مقابيل المراية وعلى لحيته وغاف الصابون الأبيض يحلق بلحيته ويباوعلي بالمرايه
-تعاي عدي وياچ حچي..
رحت بخطوات بطيئه وگفت على جهه أباوعله
-سولف شنو؟
+
يحلق بلحيته گدام المرايه وصوت الموس بجلده واضح ومركز نظره على المرايه وعلى لحيته اللي جاي يزينها وممتقرب لـ شاربه مخليه مرتب وثخين
-غزالة راح تبلش السنه الدراسيه الجديده تردي للمدرسه مو؟
3
فز گلبي بطاري المدرسه والضحگه شگت حلگي التفت عليَّ هز راسه يضحك
-ملعونة بيها مصلحتها ضحكت.
أبتسمت وأعصر بأصبعي بتوتر
-يعني هسة صدگ تردني؟
-چا متشاقي وياچ!
+
هزيت راسي بسرعه خايفه يغير رآيه
-أي أي أكيد أريد أرجع
-خوش أنه راح أرتبلچ الوضع وهل أيام تردي تدوامي
3
هزيت راسي مبتسمه والضحكه تارسه عيوني حتى مو بس شفايفي وهوَّ ملتهي يحلق بلحيته گدام المرايه ردت أمشي لأن سكت أشرلي أوگف وفتح الماي غسل وجهه ونظفه من الشعر والصابون
التفتت عليَّ وجهه يقطر ماي ومسح على شاربه يرتبه، أنتبه للهوسه لهنا ومجموعه من بيتنا واگفين يسولفون آشرلي بأيده وگال
-تعاي لغير مچان سوالفي وياچ ما گضت
2
هزيت راسي ورحت وياه للحديقه وبعده يريد ينطق طبت أيناس غمض عيونه متنرفز ودنگ راسه يحك بحاجبه ساكت وهِيَّ ضلت بالحديقه حسيتها متعمد لأن ما شالت عيونها عنا!
2
مسح شاربه مبتسم يباوع بعيوني وهمس
-رجلچ خضره
3
بهتت بوجهه مستغربه ودنگت أباوع على رجليَّ
-لا والله بيضة
12
-ههههههههه ولچ مقصد حچيي، وجودچ خير الرجله خضره على المچان معناها يجيب الخير والبركه وياه لكل مچان يطبله..
4
بگلبي أفكر ويني وين الخير غير أنه كل مكان أطبله تصير بي طلابه، بس أيناس حشريه وتريد تتسنط عليَّ لا خير ولا صخام بعيني
-شنو أجيت تسولفلي؟
همس بصوت بس أنه أسمعه بيني وبينه
-أنتِ بعدچ صغيره وأنه من عين باچر أمشي بدراستچ، عدي أستعداد أسوي المستحيل بس علمود تردي بس هلله هلله بيَّ وبأسمي من يوم طيبي لبيتي صرتي جوه ذراعي وحرمه من نسواني أريد ترفعي راسي..
4
صفنت عليه هادئه وساكته أستمعله بتركيز هزيت راسي متأثره بكلامه
-والله ما أسوي أي شي يضرك لو يضر سمعتك!
-لا حشى ما تطلع منچ العيبه بس أنتِ منا وغاد راح تكبري هسه بعدچ فرخه ياهل ما أريد تتقشمري..
هزيت راسي وهمست
-خوش
-يله هسه ردي لجوه ولا تضلي بمچان بي قندره
-ياهو قندره!
-وائل
-ليش؟
-ما عاجبني
-خوش
4
طبيت لجوه وأنه أغلط على وائل يا وائل يا دنيا راح أرد للمدرسه، أمشي والضحكه شاگه وجهي گلبي يرفرف وعيوني مدمعه شويه وأبچي لاگتني كلارة گرصتني
-يمه يمه عليمن تتمضحكين ولچ؟
لزمتها من أيدها ميته ضحك وسعاده
-شمالچ حاسدتني على الضحكه!
-حسچ ولچ حسچ ما أريدن حسچ يطلع
-خايبه دوخري چنچ عجوز
-عليمن طلعتي من الحديقة تتمضحكين؟
-حرّ راح يردني للمدرسه
-العب وردة الدكتوره
التفتت على صوت فجر مبتسمه
-وردة حبيبتي حضري روحچ بعد شوية نطلع للسوگ
1
عگدت حاجبي مستغربه
-شنسوي؟
-حرّ أنطاني فلوس أشتريلچ هدوم مدرسه، وهدوم بيت لأن هدومچ ضلن عد بيت رياض ما جبناهن بعد..
1
ضحكت كلارة تطگني بميانه
-أييي يلة علمود بعد ما تلبسين من هدومي، نضل نلبس بهدومچ
-ههههههه شني نتنقل بين الهدوم
1
مر الوكت وصار العصر طلعت من الغرفه وره فجر لابسه عبايه ونقاب وطالعات بس عيوني وجبيني، التفتت عليَّ مبتسمه
-حرّ ياخذنا
16
هزيت راسي وطلعنا أنه وياها بالباب حُرّ منتظرنا چان واگف على جهه يدخن وعينه لگدام أول ما أنتبه النا أجانا
-يلة أصعدن
صعدت فجر وضل الباب مفتوح والمفروض أنه هم أصعد وهوَّ وأگف بصفي بس أنه رگبتي مكسوره على جهه، طلت النظر على بيت رياض وعلى عدنان الگاعد بكرسي متحرك گدام باب بيت أهله عفتهم ورحتله وأسمع صوت فجر وراي
-لچ وررردة تعاااي لا تروحين وين رايحة!!
1
بينما حُرّ ما سمعت صوته ولا منعني رغم هوَّ چان حتى يگدر يلزمني بس ضل هادئ وأنه ما أشوف گدامي غير عدنان اللي خله دمي يفور بوريدي وگفت گدامه وهوَّ رفع راسه يباوعلي دنگت عليه لأن هوَّ گاعد تفلت بنص وجهه ودرت وجهي وعفته ومشيت..
23
وهوَّ حرف ما نطق دنگ راسه وسكت، وأسمع صوت ضحكة حُرّ الترن بالمكان الهادئ وتبين أشگد فرح بتصرفي صعدت بالسياره وسديت الباب وراي وفجر صافنه عليَّ، ما سولفو وياي بعد بالسالفة بس أحس ماي بارد طاح على گلبي من تفلت بنص وجهه الخسيس چان يريد يعتدي عليَّ ويزامط يكتلني ويدمر حياتي وهسه هوَّ گدامي متدمر وحالي أفضل من حاله..
3
أول ما وصلنا للسوگ ونزلنا حُرّ وگف بصف سيارته بأيده تلفونه
-طبن أشترن وأنه متانيچن هنا.
هزت راسها فجر ومشينا أني وياها وأول شي أشترينا هدوم مدرسه طرت من الفرح بس اللي كسر فرحتي وخلاني أنقهر من أحس شي على جسمي التفت ما الگه شي كل ظني علاگه الرجال اللي بصفنا بس شهگت من حط أيده على جسمي!
شهگت خايفه ورديت لوره فاكه عيوني ومصدومه
-أيا طايح الحظ!!!
باوعلي بأستغراب عود يسوي روحه ممفتهم ليش جاي أغلط عليه من حرگة گلبي نزلت على حذائي نزعته ورگعته بوجهه بنص السوگ وبين الوادم فك عيونه مصدوم ورد لوره
-لچ هييي قندرررة
7
وأنه مفرفحه جريت الحذاء أريد أطگه مرة ثانيه وأصيح
-الله يطيح حظك شكبرك وتتحارش بنات الوادم من كون گبور لهيچ مخانيث يا قندره والحسين أگطع الحذاء على راسك يا طايح الحظ يا ما عدك أخلاق!!!
2
جرتني فجر وأنه مفرفحه، وجهي أحسه گب نار من العصبيه وهوَّ بس يريد يشرد لأن الوادم كلهم يباوعوله رفعت أيدي أسب
-نعلى على والديك الما عرفو يربوك من كون گبور يا خايس أنه أعلمك خايب دوگفلي..
6
أريد أطگه بالحذاء وجرتني فجر وطلعتني من المكان بسرعه وأنه أرجف وهِيَّ لازمه أيدي
-لچ كافي راح تنجلطين بسچ خل يولي طيحتي حظه هل حيوان طبه مرض كافي..
مسحت وجهي وصرت على جهه بصف حايط بالمحل لبست الحذاء وگمت أعدل بالنقاب وفجر شويه وتنفجر وتدردم بصوت ناصي
-طايح الحظ راسه مشيب وبگد القندره ويتحرش!
1
النوب أبتسمت بعد ما چانت متعصبه
-بس والله بعد أيدي، حذائچ بنص الوادم طبعتي بنص وجهه هوَّ وهدومه أنترس تراب من الحذاء..
-الموت ما يندل وادليه وأگله أخذ الردي والزين خليه.
3
طلعنا من السوگ بعد ما أشترينا أحتياجاتنا، وبعدني مطنگره وضايجه أول ما صعدت السياره طبگت وراي الباب حيل التفت حُرّ على فجر
-شمالها هاي؟
-ما لگت شنو تريد..
هز راسه ساكت وأيده على الستيرن وأنه بعدني مطنگرة وأباوع من الشباك
-خايبه يَـ مهبولة
-ها
-راح تنفجري علينا
-ما بيه شي
+
باوع للدرب يسوق ويسولف بهدوء
-صدگ فرخه ياهل شوف عليمن ضايجه المهبولة!
2
ضليت ساكته لحد ما وصلنا للبيت ومر اليوم يله فكت الطنگوره وكلارة هم حاولت تضحكني ومر الوكت وكل ما أتذكر ويحترگ گلبي والنوب يبرد من أتذكر وجهه شلون متروس تراب من حذائي لطشته بوجهه..
فجر: جبت الچاي للهول كلهم گاعدين يسولفون وره الغده بيناتهم ومندمجين بالكلام أجه جسام أخذه من أيدي وزعه عليهم.
طب ضيغم للهول يدور بالوجوه لحد ما أستقرت عينه على حرّ صفن عليه
-حرّ تعال شويه لبره عندي وياك سالفه..
شرب الچاي مره وحده وحطاه بالگاع وگام جسام غمز لضيغم وهز راسه بمعنى شكو تحمحم ومال راسه يأشرله لبره معناها يروح وراهم أستغربت ليش ما جاي يسولفون شي هنا عبالك صاير شي گلبي لعب ما مرتاحه
تلاثتهم واگفين بالحوش يسولفون طلعت وراهم گلبي جايسني خصوصًا حرّ سلاحه بأيده ما يفارگه شهگت وطگيت خدي من سمعت ضيغم يگلهم
-أبو كلارة أجه يريدها..
حُرّ: جاي يريد ياخذها الباع عرضه عليَّ بفلوس
