رواية انتقام قدر الفصل السادس 6 بقلم جمانه السعيدي
البارت السادس
انتقام قدر
جمانه السعيدي
قدر احس كلشي جاي يصير وياي فوك مقدرتي
ماجاي اكدر اتحمل ياناس مااكدر
اني ضعيفه موكد هاي المصببه
كام جسمي يرجف حيل
والحراره احسه صعدت الراسي
كوه سحبت التليفون واتصلت بابا
قدر بابا الحكلي راح اموت
عفت التليفون بابا يسئلني بس مااكدر اجاوبه
شويه واجاني حتى عيوني مااكدر افتحهن
راد يكومني ماكدرت اكوم مااكدر رجليه مايشليني
بلكوه شالني ونزلني جوه
صعدنا بلتكسي ورحنا للمستشفى
دخلنا وهو يصيح فدووه الحكولي بنتي راح اضيع مني
التمو عليه كل الكادر بلمستشفى
جسمي ينتفض حيل احس نفسي اصعد وانزل
عبالك كاعده بركان
احس الحراره كامت تطلع من عيوني
ضربوني ابره خافظ حراره بس مانزل حرارتي
جمانه السعيدي
الدكتو كال سوله كمادات واذا مانزلت حرارته انطوها ابره ثانيه بس بعد اربع ساعات لان موزين عليه
خلولي محلول بس جسمي بعده ينتفض
بابا تخبل
....دكتور شبيه بنتي فدوه دكتور هاي الحاله جاي تتكرر وياها
.الدكتور ..هاي علامات الانهيار العصبي بنتك متعرضه الصدمه
...اي صدمه دكتور الله يخليك ماعدنا اي مشاكل بنتي محاميه وكلش شاطره
...بس هاي علامات الانهيار العصبي
...الله يستر دكتور فدوه اخذه الاي دكتور تكول علي
مستعد اعالجه
...خليه اليوم تحت العنايه المركزه واذا ماصارت زينه اني انطيك اسم دكتور تراجع عنده
رجعو ضربوني ابره ثانيه تنزل حرارتي
جسمي شويه هدء بس احس نفسي بردانه حيل
امي ومرام اجن ورانا للمستشفى
وبابا راح جاب بطانيه واكل ورجع
شويه نزلت الصخونه بس مااكدر افتح حلكي كله مطكك
ولا اكدر اكل واشرب
جابولي عصير اشربه بلقصبه
احس بلعومي يابس كلش
ومااكدر اكل
جمانه السعيدي
فتحت عيوني شويه
ماما شبيج حبيبتي شصاير غرفتج ليش مكسره غراضه
ليش صار وياج هيج
مااكدر احجي بس دموعي ينزلن منا ومنا
بابا عوفيه ليش تحجين وياها خل تصير زبنه
ياغرفه ياغراض
اسيل سمعت بيه مريضه جابت زوجه واجت
يومين اني بلمستشفى لا اكدر اكل ولا احجي
اشرب شويه مي لو عصير بلقصبه
بس الصخونه فكتني وحالتي شويه احسن
اهلي كلهم وياي بلمستشفى حتى اسيل وزوجه وابنه
جمانه السعيدي
ثالث يوم طلعت للبيت لكيت امي منضفه غرفتي
بس اني احس نفسي حيل تعبانه امشي شويه واتعب
ماعندي مقدره
احس حيلي كله رايح مني
شكد حاولت اسيل تفهم شنو صار وياي هي وامي
بس مااكدر احجي
شكووول وشلون راح ابرر الموقف
كعدت اكلب بلتليفون
من كل عقلي الكا متصل او داز مسج يعتذر ويبرر الي صار
شكد اني غبيه
بقت عدنا اسيل اسبوع هي وزوجه
واني على نفس حالتي اكثر الوقت نايمه ومالي خلك احجي وياهم
اقترحت عليه اسيل اروح وياهم الكركوك حتى اغير جووو
امي وابوي ضغطو عليه وكالو اي روحي غيري جووو
جنت محتاجه ابتعد اريد افكر
اريد الكه حل بس ولله أقسمت قسم مثل ماأخذ مني اعز شي أملكه اله اخذ منه اعز شي يملكه
ومراح اسكت ابد اله اشوفه يتوسل بيه
لو يبقى بعمري يوم واحد لازم اخذ ثاري منه
جمانه السعيدي
سافرت ويه اسيل الأجواء هناك حلووه
بس اني الي حزينه
شكد حاولت اسيل تفهم شنو صار وياي بس اني ماحجيت ابد
شحجي وشكوول صخام وجهي
اذا حجيت راح أفضح نفسي
احتمال اسيل تحجي الماما لازم اسكت الحد مالكه حل
بقيت اسبوعين عدهم احس نفسي صرت احسن
بآخر يوم من ردت ارجع اجا حماها طيار بلخطوط الجويه العراقيه
صممو ياخذوني وياهم اسلم علي
رحنا العيال اسيل الناس حيل رحبو بيه وحماها بس شافني كال ماشاء الله العائله كله حلووه
ابتسمت تغدينا يمهم وطلعنا
رجعت البغداد زوج اسيل وصلني ورجع
جمانه السعيدي
لكيت اهلي منتضريني فرحو بجيتي
ماما وبابا حاضنيني ويبوسون بيه ومرام بس شافتني كامت تبجي
اخذت راحه يومين وقررت ارجع الشغلي مستحيل اخلي واحد مثل هذا يهزني
راح ارجع اشتغل واتكتكله على كيفي
بعد يومين اخذ كل القضايا الي الهم يمي ورحت سلمتهن الاستاذ حميد
وكتله سلملي على استاذ صباح وكله ماناسيتك قدر
طبعا اني تعلمت منه فنون العمل وجذب الزباين
بديت اشتغل اكو ناس تعرفني من صباح جانو يشوفوني بمكتبه
هاي الحسنه الوحيده الي حصلته منه
بديت اشتغل وكامت تجيني قضايا
جمانه السعيدي
وبنفس الوقت اجمع اخبار عن صباح وعائلته من بعيد
اريد ادور نقط الضعف واهاجمه منه
ماكو انسان ماعندا نقطة ضعف
اذكرت حميد كال ابنه هنا بغداد باقي
قررت اعرف وين يداوم وين ساكن
بصعوبه يله كدرت اعرف هو وين يداوم بيا كليه
قررت اتعرف على ابنه
ابنه الوحيد الي راح يوصلني اله
عرفت وين يداوم وشنو يحب وشنو يكره
هاا وعرفت ابو يزوره بغداد وينطي مصرف
على فكره صباح خلال هاي الفتره اجه مرتين للمحكمه
بس يخلص شغله بسرعه ويطلع
جاي بتهرب مني يخاف اشوفه وافضحه
مايدري اني شضامتله
اذا ماخلي يتوسل مو اسمي قدر
جمانه السعيدي
بيوم كعدت الصبح كشخت اخر قوتي لبست فستان اسود يخبل
مقسم جسمي تقسيم وحذاء وجنطه احمر
وحمره حمره
شسورت شعري وطلعت للكليه كبل
بقيت اسئل الحد ماا وصلت اله
جان واكف يتصل بابووو
منطيني ضهره طلعت فوني وسويت نفسي احجي
ومشيت بلعكس يعني امشي ليوره
الحد ما طخيته بضهره
هو التفت عليه واني نزلت التليفون وكتله العفووو
جاي احجي بلتليفون وماانتبهتلك
راسا نضرلي نضره كله اعجاب ذكرتني بنضرة ابووو المحتال ابتسم وكال لا تتاسفين
ماصار شي ابد
قدر اسفه بس المكالمه كانت مهمه وماانتبهت
رائد لو كل الناس تتأسف مثلج جان حل السلام بلعالم كله
قدر انت شكد لطيف ودبلوماسي
رائد شلون واحد يشوف هذا الوجه الحلووو ومايصير
لطيف
قدر اكيد تدرس فنون لان الفنان دائما يكون صاحب مشاعر راقيه
رائد لا اني مو فنان اني محامي قصدي راح اصير محامي
قدر ابتسمت يامحاسن الصدف محامي اني هم محاميه
رائد شنو هاي الصدفه العجيبه
جمانه السعيدي
قدر سعيده تعرفت عليك اني محاميه شاطره اذا تحتاج اي مساعده
رائد اني ابوي محامي شاطر وكلش مشهور
قدر كلت بكلبي تعلمني بي اذا ابوك محامي مراح تحتاجني مع اني حابه انكون اصدقاء
رائد اتمنى نكون اصدقاء واكيد راح احتاجج لان ابوي نقل عمله الغير محافظه
قدر خلاص هذا كارتي واذا تحتاج اي مساعده اني حاضره
رائد اليوم اني حظي حلوووو
التقيت بمحاميه حلوه وانيقه وجذابه مثلج لا وفوكاها انطتني الكارت الخاص بيه
قدر على فكره انت راح تصير محامي شاطر لان اسلوبك يجنن اني اتاخرت من رخصتك
رائد تفضلي
قدر مشيت من كدامه واني اتمايل ومتاكده عينه مانزلت من عندي
راح انتضر اذا اتصل بيه يعني خطتي نجحت وكلشي تمام
وراح انتقل الخطوه الثانيه
رجعت للمحكمه بس مسحت الحمره
كملت عملي ورجعت للبيت بيومه اتفقت اني ورنا هاي المحاميه الي وياي نفتح مكتب خاص بينا ثنيبنه
طبعا اني عندي زبائن اكثر منه
واني اشطر منه
الفضل كله الصباح علمني شلون اتعامل ويااا الناس
بس شلفايده كسرني كسرة عمري
جمانه السعيدي
بليل بقيت انتضر اتصال من رائد حتى اتأكد الخطه نجحت وكلشي تمام
فعلا الساعه عشره اجاني اتصال
مارديت اول مره
رجع اتصل
قدر الوووو
رائد شلونج ست قدر
قدر منو حضرتك
رائد محامي المستقبل رائد
قدر ممكن تفهمني لان ماعرفتك
رائد تعرفنا الصبح بلكليه
قدر اهلا وسهلا شلونك رائد اعذرني رديت عليك بطريقه مو حلوه بس تعرف احنا يوميه كم مكالمه نستلم
رائد اني الي اسف يمكن اتصلت بوقت مو مناسب
قدر لا بلعكس كنت ناويه اخذ استراحه من العمل
ومكالماتك اجت بلوقت المناسب
رائد يعني مراح ازعجج
قدر اكيد لا خل نحجي شويه بس شي غير العمل
لان صدعت من العمل
رائد راح اكول شي بس مو تكولين تبالغ
قدر كووول
رائد مااعرف ليش صورتج ماتفارق بالي من الصبح ليهسه
قدر كلت بكلبي صدك لو كالو ابن الوز عوام نفس ابو بلضبط
اكيد اصدك كلامك لان انت مبين انسان صادق ومستحيل تكذب عليه مبين ابن اودام ومن عائله محترمه
جمانه السعيدي
رائد وين جانت هاي الصدفه من زمان
قدر انت شكد مواليدك
رائد ٩٤
قدر مبين اكير من هذا العمر مشاء الله جسمك رياضي وعضلات وخشن
رائد اني اشبه ابوي بلشكل بس الجسم لا على خوالي خشن
وانتي
قدر اني شنو
رائد اعرف النسوان مايحبن هذا السوال بس
قدر قصدك عمري
رائد اي
قدر اني مواليد ٩٢ يعني أكبر منك بسنتين
رائد تبينين ازغر تدرين انتي كلش حلوه
قدر شكرا عيونك الحلوات
رائد لا صدكي مو مجامله احجي صدك انت كلش حلوه ومميزه
قدر شكرا جزيلا ممكن اروح انام لان وراي دوام
رائد ممكن بس بشرط
قدر شنووو
رائد تسمحلي ارجع اتصل بيج مره ثانيه
قدر اكيد مو احنا أصدقاء بس بشرط
رائد كولي عيوني الج
قدر صداقتنا هاي تبقى سر بينا ثنيبنه ومحد يعرف بيه لا اهلك ولا اهلي
رائد اكيد راح تبقى سر ببنا
قدر تصبح على خيررر
رائد وانتي من اهل الخيرررر
