رواية انتقام قدر الفصل السابع 7 بقلم جمانه السعيدي
قدر كعدت الصبح على صوت مسج
فتحت عيوني وسحبت الموبايل فتحته
رائد صباح الخيررر
ابتسمت اي هله بيك وكعت بايدي مامتوقعه انت هلكد سهل ومراح اتعبني
كعدت وكتبتله ياصباح الخيرررات
رائد حبيت أصبح عليج قبل لا اطلع
قدر شكرا
رائد مااريد ازعجج اكثر بليل نحجي
قدر تمام
جمانه السعيدي
دخلت سبحت وبدلت ونزلت اتريكت وطلعنا اني وبابا
وصلت للمحكمه اجا دور المرحله الثانيه من الخطه
اكو عدنا عرضجي كلش شاطر
يكعد باب المحكمه
وماتمر اي شغله من جوه ايده تقريبا هو الي مسيطر
على كل المعاملات والاستنساخ
قدر صباح الخيررر شلونك ابوحسن
ابو حسن هله بهل صباح شلونج بنيتي
قدر الحمد لله محتاجتك بخدمه تكدر تكول خدمه ومصلحه بنفس الوقت
ابو حسن اي تفضلي عيوني اللج
قدر تعرف اني جنت اشتغل ويااا استاذ صباح واني تلميذته وكتسبت منه خبره
بس هو حول مكتبه للكوت واني فتحت مكتب خاص بيه
ابو حسن اي بيه الخيرر انشاء الله
قدر خير الي بوجهك اريد اطلب منك اي واحد يحتاج محاميه او عنده قضيه تحوله اليه
يعني تزكيني كدامه وكل واحد راح يجيني ويكول اني من طرف ابو حسن
الك عموله وكلما كثرو الزباين راح عمولتك ازيد اكثر
وخاصه الي يجون يسئلون عن استاذ صباح
خاف الناس عبالهم انتقل الغير محافظه وبعد مايشتغل
اذا سئلوك عنه دزهم عليه كبل
جمانه السعيدي
ومثل ماكتلك راح ارضيك
وبعد اكو شي اي واحد يكول اني من طرف ابو حسن اخذ منه اتعاب اقل هااا شكلت
ابو حسن تمام سهله وماكو أسهل منه تدللين
قدر خلي هذا الاتفاق سر بينا لان تعرف المحامين يغارون من استاذ صباح لان هو ناجح اكثر منهم
وتجي قضايا ودعاوي اكثر منهم
ابو حسن اي ولله استاذ صباح شاطر ولبق وزباينه اكثر
من البقيه
قدر بعد مااوصيك ونسبتك محفوضه
ابو حسن هاي هي اتفقنا اي واحد يسئل عن استاذ صباح ادزه عليج
دخلت للمحكمه وبديت شغلي
الساعه عشره اجاني مسج من رائد
رائد شلونه الشغل
قدر تمام شلونه الكليه
رائد اليوم مو حلوه لان ماكو صدفه تعارف مثل امس
قدر احنا مو اصدقاء اكيد راح نلتقي اكثر واكثر
رائد احلى صديقه
قدر نحجي بليل لان عندي شغل
رائد تمام نحجي بليل
كملت شغلي وطلعت والعصر رحت للمكتب
اجاني واحد كال دزني عليج ابو حسن
اتصلت بابو حسن كتله تمام وصل الزبون
بليل عندي مرافعه جاي احضر بيه
واجاني مسج من رائد عندج مجال نحجي شويه
قدر اكمل الشغل الي بابدي وادزلك مسج
مااريد بس يطلب نحجي اني ويااا كبل اركض علي
لازم يتعلم ينتضرني
اريده يستوي على كيف حتى تعلقه بيه يكون قوي
ساعه ودزيت مسج تمام ماعندي شي
رائد ممكن اتصل
قدر ممكن
رائد شلونج شلعتي كلبي بس افكر ببج اليوم حتى ماليه خلك احضر او اقرا
قدر لا هيج نزعل وين محامي المستقبل
رائد جاي اشتاقلج
قدر تشتاقي ماصار كم يوم من تعارفنا
رائد مو يكولون الحب من النضره الاولى اني حبيتج من النضره الاولى
قدر ماانكر اني عجبتني شخصيتك حيل بس بعد وقت لازم نتعرف اكثر
جمانه السعيدي
رائد زين ممكن اعزمج باجر على الغده
قدر غده يمكن اكون مشغوله زين خليه ريوك
رائد لا اريد اعزمج بمكان محترم باجر الصبح بابا يجي البغداد عنده قضيه وراح يجليبلي فلوس وياااا
قدر تمام انت ماعندك مصرف اذا تريد ممكن اساعدك
الصديق وقت الضيق
رائد لا بلعكس خير من الله عدنا اصلا اني اذا احتاج فلوس اروح اسحب من المصرف
بس هو باجر يجي يربد يشوفني ويطمن عليه
وراح يجيبلي ويااا مصرف
قدر ممكن نخليه بعد باجر لان جمعه واكون متفرغه
اذا ماتنزل الاهلك
رائد لا ماانزل على السبوع اليجي انزل
قدر خلاص اتفقنا يوم الجمعه الساعه ١١ الصبح نلتقي
رائد اختاري اي مكان يعجبج
قدر من نحجي بليل نتفق
سديت التليفون وقررت اخلي صباح يشوفني من يجي وين يروح مني بس راح اصدمه
جمانه السعيدي
كعدت من الصبح بدلت وكشخت كل قوتي والعطر
وطلعت قبل وكت
مااريد يجي ويروح ومااشوفه
وصلت للمحكمه واستفسرت عن القضيه الي راح يجي علموده وباي ساعه المرافعه
وبقيت واكفتله مثل العظم بلبلعوم
شفته اجا من بعيد طلعت التليفون وبديت احجي مكالمه وهميه
قدر هلو حبيبي اي منتضرتك
خليته قرب والتفتت علي
نزلت التليفون وابتسمت ابتسامه عريضه هو راسا بس شافني ارتبك ووكف بمكانه
مديت ايدي اسلم علي هلو استاذ صباح وين هلغيبه
اشتاقينالك
اول مره تردد يسلم عليه بعدين انحرج لان استاذ حميد واكف والشرطه بلباب واكو كم واحد واكفين
صباح هلو قدر شلونج
قدر الحمد لله كلش زينه ماتتخيل شكد فرحت بشوفتك
لازمه ايده واضغط عليه حيل
صباح اني هم فرحت من شفتج
قدر صار شكد ماشايفتك اكثر من ست اشهر ولو اني هاي الفتره جنت اتعالج من مرض خبيث
الله يبعد عنك المرض بس الحمد لله رب العالمين وكف وياي وساعدني وعوضني خيررر
خيررر شكد ماتتصور
صباح الحمد لله من رخصتج عندي مرافعه
قدر اي تفضل اني هم عندي مكالمه كلش مهمه اريد أكمله
بقه يمشي ويتلفت ابد مامتوقع ردت فعلي هاي
متوقع يشوفني مكسوره وبس اشوفه ابقه اتوسل بي
متوقع يشوفني متغيره وذبلانه
اكثر من اربع مرات التفت عليه
طلعت برا واكو محامي اسمه سامر وكف يسلم عليه
واكلني اكل بعيونه
نص ساعه وطلع صباح واني تعمدت اسولف واضحك كدامه بقه يخزر بيه
طلع وبعدين رجع سلم على سامر ونضرلي نضرة تعجب
وطلع
جمانه السعيدي
ثاني يوم بدلت لبست بنطرون اسود وبدي اصفر
شلت شعري ونزلت كذله على عيوني
لبست حذاء عالي وردي وجنطه وردي
وخليت مكياج صباحي هادء
وترخصت من بابا وكتله اربد اشتري كم شغله محتاجتهن
واتغدا برا وبعدين اطلع للمكتب كبل
طلعت ووصلت للمطعم شويه واجا رائد
لابس بنطرون جينز وبدي ابيض وحالق والعطر يهف
سلم عليه وكعد
بقينا انسولف ونضحك حجالي كلشي عن أهله والتفصيل الممل
حسيته مرتاح بلكلام وياي حيل ومنطلق
بعدين طلعنا نتمشى اني تعمدت الزم ايده
راسا باوعلي وهو فرحان ومامصدك ابد
مشينا تقريبا نص ساعه ولا سكت بس يحجي مامصدك اني ويااا سورا
بعدين دخلنه بحديقه مضلله تخبل كتله اوكف الحذاء تعبني نزعته وشلته بايدي
رائد راح تمشين حافيه
قدر اصلا الارض اذا بيه تراب وتمشي عليه حافي
تمتص الطاقه السلبيه من الجسم
تمتص الشحنات السالبه
راسا دنك ونزع حذاء كال اني هم راح امشي خافي تضامنا
وياج
الكاع جانت بارده تخبل
كعدنا على الثيل وطلبنا عصيرررر
جمانه السعيدي
رائد راح احجي الي بكلبي واريدج اتصدكيني
هزيت راسي
رائد شكد احس براحه نفسيه من اكون وياج اونحجي سوووا
قدر نفس شعوري اتجاهك انت انسان ناضج ومحبوب
رائد بس اني احبج مو صديقه اكثر من صديقه
قدر لا تستعجل خل ناخذ وقت اكثر ونتعرف على بعض اكثر
كملنا اكو حنفيه بيه مي ردت اغسل رجلي حتى البس الحذاء
رائد اوكفي لا ادنكين نزل وغسل رجلي وطلع كلنس ومسحه ولبسني الحذاء
قدر شكرا
بعدين كعدت لمن غسل رجلي ولبس حذاءه
قدر ممكن توصلني للمكتب لان اتاخرت
رائد اكيد ممكن وصلني للمكتب وودعته ودخلت
صحيح جاي اتشفه بصباح واريد انتقم منه
بس رائد خطيه مبين تعلق بيه
بس ماعندي حل ثاني ماكو غير رائد اخذ بي حقي من صباح
