رواية مقبرة الاحياء الفصل الخامس 5 بقلم سارة جعفر
مقبرة الأحياء. البارت الخامس5 
.
.الكاتبة ساره جعفر
6
11
باچر كل بچينا يرد، باچر كل حطب محروگ من دموعنا يورد.
31
-وردة: صرخت بخوف من تكسر جام غرفتنا من الرمي والطلق ظل يتطاير فوگ راسي، شهگت ودفنت راسي بمخدتي أبچي الرمي على بيتنا كلة ومن كل صوب أسمع صوت الطلق، ومن أكثر من سلاح وصوت صريخ النسوان وصوت بچي الأطفال يكزبر الجلد البيت مگلوب گلاب متت من الخوف أباوع للباب ورجليه ميتة ما أگدر أوگف على حيلي وأطلع من الغرفة وأساعد روحي..
29
باد حيلي والصوت ما گطع أسمعهم برة كلهم مخبوصين من الخوف ودموعي تجري شلال على وجهي عصرت الغطا بچف أيدي وغمضت عيوني حيل والرمي زرف الكنتور والحيطان وزرف غرفتنا كلها للحظة حسيت راح يتشخل جسمي من الطلق!!!
18
ندفر باب الغرفة وضوه من الهول طب للغرفة بس حجبه جسم حُرّ وبأيده سلاحة جرني من الفراش بأيد بسرعة ودنگ عليَّ لامني لصدره وأنه مچلبة بثنين أيدية بي ومغمضة عيوني أشهگ وأحس ما أگدر أسمع صوت غير صوت الرمي طلعني من الغرفة بسرعة
63
وبصوت ناصي يهمسلس
-لا تخافي غزالة
284
وگفني برة غرفتنا وراي الحايط وهوَّ گدامي حط أيده على راسي وأيده الثانية على تفگته رفعتله عيوني قطرة دم ما باقية بوجهي وشاحب وشفايفي يرجفن
-شكو شصاير!
9
يتلفتت بالمكان باله مو وياي نفسه عالي ويحچي
-البنات وين فجر وكلارة وينهن؟
8
عگدت حاجبي بخوف وهمست بصوت يرجف
-ما أدري، گعدت لگيت روحي وحدي..
3
عصر عيونه بأصبعه حيل مرد عيونه مرد، ومسح وجهه بقسوه وجر نفس طويل جرني لمكان ثاني وگفني على جهة وحچه بأستعجال
-ضلي هنا ولا تگومي من مچانچ!
40
هزيت راسي بخوف جامدة بمكاني، وهوَّ مفرفح يدور على أخواته والرمي بعده مستمر وأنه حاضنة روحي بخوف وخانسة بصف الحايط رفعت عيني على المكان الموجودة بيَّ متجمعين بي النسوان كلهن وأطفالهن كل وحدة لامة أطفالها لحضنها ومحتارات بخوفهن وخوف أطفالهن اللي صريخهم هرج البيت..
4
وحدة حالتها أتعس من الثانية منهارات من الخوف ويتراجفن ويصرخن بذعر وكل زلمة واگف گدام نسوانه خايفين على عوائلهم وكلهم بوجوهم علامات الأستغراب منو الجاي يرمي على بيتنا، لمو الكل هنا لأن الهول صاير بنص بيتنا وأكثر مكان آمن من الطلق ما توصلة طلقة بس الصوت يخوف طرشنا
1
حسيت الگاع راح تنهد بينا آذني ضلت توجعني من قوتة ورجليه يرتعشن عبالك صارت هزة أرضية، مطرو الدنيا مطر بالطلق بحيث نخبصنا خبص كلنا وحُرّ غاب عن عيني أختفى وما اله آثر!
7
وائل: بويييية شجاااي يصير تعرفهم هذووولة؟
6
صمد: خايبين هاي دگة عشايرية بس مانطونة خبر!
41
فقار: دگتيش عمي شمسوين ويدگون بيتنا؟
3
صمد: عدنا هواي مستهترين واحد منهم طببنا بمصيبة حسام شوووف الباب الخارجي طلعو منه النسوان والفروخ بسرعة ولك طلعوهم..
6
حسام واگف بطرف الهول يم الباب أيده على خاصرته
-عمي محاوطين البيت من كل كتر ويرمون علينا بخبال ما نگدر نطلعهن يتچتلن لو طلعن..
11
صمد: ولككككم ليشششش جاي يرمووون ياهمه ذولة!
25
أستغربت من عرفتة ما يدري شجاي يصير، ولا حتى يعرفون هذولة اليرمون البيت منو، حُرّ فاقد أحساسة لا هامة رمي ولا هامة صريخ، يفتر بين الغرف يدور على أخواته يدور ويزمخ
-فجر وكلارة وين؟؟؟ خواااااتي ويييين!!!
41
التفت عليَّ ولزمني من زندي وأنه كلي أرجف
-ما شفتيهن، ما گللچ وييين راحن؟
-ما أدري والله ما أدري چنت نايمة وگعدت وحدي باقية
-وييين راحن يا علي وييين!!
10
واگف يتلفت بالهول ووجهه أصفر يرجف رجيف عليهن راح للمطبخ يركض يدور عليهن وأجه وياه كلارة تبچي متخبلة وجها ينطي ألوان ولاف أيده عليها حاميها وجابها يمي والخبصة الصايرة ما تتسولف حسيت راح تطگني جلطة من الخوف أجت يمي عيونها متروسة بدموعها جريتها بصفي گلبها راح يوگف
6
كل الزلم واحد يسأل الثاني هذولة منو، وليش جاي يرمون ومحد يدري وأصلاً كلنا چنة نايمين گعدنا على صوت الرمي والهوسة وحُرّ كل باله ويَـ فجر حسيته راح ينفجر حط أيده على راسه
-فجر وين؟ البيت گلبتة گلاب ماهِيَّ!
11
كلارة همست بتردد صوتها مبحوح من البچي
-بالحمام، فجر گبل شوية راحت تبدل هدومها بالحمام
فك عينه متخبل وطگ راسه بقهر، لأن الحمام بعيد كلش عن البيت وقريب على الشارع أكثر المكان هسة خطر عليها أكثر من خطورة البيت وصوت فجر برز من بين كل الأصوات تصرخ بخوف أول ما سمع صوتها ركض للباب يريد يطلع للحوش يروحلها..
12
وأحنى حوشنا صاير أحمر من الرمي الدنيا مگلوبة گلاب والگاع تهتز گد ما رمو، لزمو الولد جرو جر لجوة ما راضين يطلع وهوَّ متخبل يريد يروحلها يحاول يفلت روحه من بيناتهم ويطلع وصمد واگف يصيح
2
صمد: تريد تروح علمود يچتلونك ولكككك؟؟
3
حُرّ: چا تنچتل فجر تنچتتتتل!
9
صمد: ما عليهها شي ما دام طلعلها حس بعدها ما ماتت خل يگطع الرمي وروح جيبها هسة إذا طلعت تنچتل!
14
فك عينه مصدوم ودفع صمد من صدرة لوره
-وخر صمد وخر لا أبتلي بيك
2
صمد: عمي أنتَ شمالك مچلوب!
28
حُرّ: خايب هذا شماله جاي أگلك أختييي
6
صمد: محد منكم يطلع أهچدو هنا ما عايزنا خساير..
4
حُرّ: وفجر مو خسارة؟ متعينك ولك
12
قادر: إذا رحت هيچ تموت، خل نلگه غير طريقة نجيبها
حُرّ: يطبني مرض ميت عساني ولا تظل خايفة..
23
فقار: بس أصبر نلگه حل بس أنطييي صبرررر
حُرّ: خايبين هدوني شو هدوني راح تموت يا صبر يا دنيا!
4
يدفع بواحد يكضونه ثنين تخبل روحه طلعت يريدهم يهدونه ماكو يريد يفلت روحه منهم مفرفح، شبعهم مسبه وفشاير وهمَّ خايفين عليه وبس يردونه يثبت ماكو، وفجر بعدها تصرخ بخوف ورعب والرمي مستمر وصوت النسوان ما گطع يصرخن..
1
وبلقيس تلطم على خدها بخوف شفايفها يابسه
-راااااح نمووووووت دخيلك يا علي راح نموووت!!!
حُرّ نفسه عالي وعيونه حمر دم من القهر وجهه عرگان وشعرة مخربط وهمَّ يقنعونه ما يروح لأن يموت إذا طلع هسة جسمه يتشخل من الرمي طب جسام فحطان صدره يصعد وينزل وجهه ينطي ألوان وشعر مخربط
12
وگف يباوع بالوجوه مخطوف لونه وعاگد حاجبه
-فجر وين؟
8
همس أسمها بتعب وخوف يباوع بالوجوه يدورها أجه على حُرّ وباوعله من شافه مفرفح جره من أيده باهت
-شبييك؟
-لا تطلعلي صفح أنتَ الثاني وتگلي لا تروح والحسين هسة أفرغ شاجور بروسكم هدوني!!
-لا أنه أروح وياك..
15
صمد لطم گصته ونتر
-أجاني المسودن الثاني بويه أنتم ما تردون أعماركم؟
7
جسام جر حُرّ من هدومه وهمسله بصوت ناصي بدون لا واحد ينتبه اله ولأن أنه قريبة من حُرّ سمعته يگله
-الأهل أنه راح أغافلهم وأطلع لأن أنتَ ما يخلونك وبالهم وياك هسة، وأنتَ حاول تلگه طريقة ترمي على الدگونة علمود يخف رميهم شوية لمن أجيبها، أنه أجيبها سالمة وداعة الخوه!
17
حُرّ بس يريد طريقة يآمن بيها على فجر لأن صريخها سودنه وما خلاه يفكر ولا يندل دربه حتى صوته راح وروحه نسحنت سحن عليها والوحيد جسام لگه طريقة تختلف عن طرق الولد بس خطره..
لزم جسام من أيده يشاوره محذره
-مو يصير بيها شي جسام!
-وداعة الخوه أجيبها سالمة لا يضل بالك بس غافلهم عني خل أطلع..
7
هز راسه جسام نسحب بهدوء ولأن هوسة محد لاحظه يريد يطلع لأن كل ضنهم بس حُرّ يحبها، محد لاحظ جسام غير شخص واحد الي هوَّ قادر أخوه باله وياه وطلع يركض وراه، ركض حُرّ للسطح سلاحه بأيده
3
ولدنا كلهم صرخو عليه بصوت واحد ما راضين بس ما سمع منهم وصعد يركض ما مفكر بحياته ولا فكر لحظة راح يخسر عمره أهم شي يأمن على عمر أخته الجاي يشوفها تضيع من أيده وبوضع يكسر الخاطر..
جسام طلع بسرعة بدون ما ينتبهون زلمنا لأن من سابع المستحيلات يخلونه يطلع بهل وضع، وضيغم ركض وره حُرّ راح وياه والبقية يحچون عليه ما راضين على السواه وشلون هيچ راح يكبر الموضوع أكثر.
2
صمد طگ أيد بأيد متحسف ويهز براسه
-هسة يزرفونه تزرف بالچيلات
8
التفتله فقار الملتهي بعائلته ومرته التبچي خايفه وأطفاله
-عمي خاف هاي الوادم دگت بيتنا من وراك؟
11
-ليش من وراي عمي شايفني أبو طلايب شو ما تستحي!!
-چا شني أبو جامع عمي خلينا ساكتين رحتلك فدوة..
-نچب ولك راح تموت وبعدك تعير
-عليك الحسين إذا الك أيد بالسالفة سولفلنا
-والحسين ما متعارك ويَـ واحد أنه!
40
حچاها وفتح أيديه ثنينهن عبالك يحضن واحد بس هوَّ جاي يأشر ويشرح ويباوع لفقار مقهور شهگت مرعوبه بخوف من الرمي النعاد من حل وجديد وهل مرة من الصوبين زاد البچي والصريخ وگلبي أحس راح يوگف أيديَّ على مسامعي أحاول أكتم الصوت بس ماكو حل أحس حتى معدتي گلبت من گد ما خفت هوسة وخوف وبچي چن سنين مو چم دقيقة!!!
2
فقار طگ أيد بأيد مستحسف وهمس
-راح يموت..
5
صحيح أحنى ريف وعشائر، ومتعودين على هاي الأجواء ومثل شربة ماي عدنا لأن جزء من روتين حياتنا الرمي والأسلحة والدگات العشائرية بس مو على بيتنا وفجأة بدون سابق أنذار وبدون لا نعرف هوية الهجم علينا ودگ بيتنا كل مرة الدگة العشائرية التصير گبلها يطلعون النسوان والأطفال ويكون عدهم علم منو متعاركين وياه بس هل مرة يرمون على بيتنا وحتى چبيرنا ما مفتهم السالفة..
10
كلارة مفرفحة تبچي على أختها الـ بنص الموت وصوتها اليشگ الگلب وأخوها الرايح للموت برجليه والرمي صار عليه بفلس تلطم من قهرها وعيونها تصب بدموعها وصوتها راح من الصريخ ملخت روحها تملخ مفرفحة ومنهارة أريد الزمها ماكو..
6
وجسام الطلع من البيت مفرفح وما هامه الرمي فوگ راسه طلع ملهوف وعيونه ما تشوف غير الحمام المزرف من الطلق وآذنه ما تسمع أي صوت ما عدا صوتها وصريخها الخلاه يركن حياته ويركض الها حافي وقادر طلع يركض وراه خايف على أخو وما أنطاه گلبه يعوفه وحده وأخو گلبه على محبوبته..
27
-فجر: أشهگ بصوت عالي وأبچي محروگ گلبي وعيوني مغورگة بالدموع والطلق بعده مستمر، ما جاي أعرف شجاي يصير برة بس كل الأعرفة بهاي اللحظات التمر عليَّ بصعوبة انه خايفة وگلبي راح يطلع من صدري من الخوف باب الحمام تزرف من الطلق
2
وأنه ظهري على الحايط وكل لحظة تمر يمر مشهد موتي بعيني أسمع خطوات ركض بأتجاه مكاني والعرگ يصب من گصتي كل طني الجاي يرمون أجو عليَّ للحمام بعد ما طبو لبيتنا..
أسمع صوت مو غريب عليَّ يصيح وهوَّ يمشي بسرعة
-جسام أوگف لا تموت ولك أوگف
2
بهت وجهي وركزت هذا صوت قادر، جسام شجابه بهل وكت نفتح الباب حيل فزيت وشهگت خايفة وطب جسام بسرعة وجهه ما يتفسر من القلق مرعوب وأجة عليَّ يباوعلي بخوف
-بيچ شي؟ تعورتي؟ فجر سولفي شمالچ!!
12
ما رديت عليه حالتي حالة ولساني معگود ما أگدر أنطق بحرف وهوَّ يباوع لوجهي والجسمي يتفحصني خاف بيَّ شي غمض عينه براحه وزفر نفس من شافني سالمة
-الحمدلله..
4
أباوعله والخوف محتل گلبي أشهگ وأبچي
-لا تخافين فجر لا تخافين
-راح أموت جسام گلبي راح يوگف
-ماكو شي ماكو، هاي هِيَّ كافي
1
جرني يطلعني ولزمني خلاني بسد الحايط وبسده علمود إذا يصير شي يصير بيَّ بدالي أيده فوگ راسي بدون لا يطخني خاف أتصوب وطلعني من الحمام يمشي بأستعجال وقادر يمشي ويانا ويغلط على جسام لأن خوفه عليه
12
مشينا هواي أشگد مستعجلين بس الطريق طويل ما أدري لأن خايفة هيچ حسيت لو صدگ الفرق چبير، بس أحنى حمامنا كلش بعيد عن بيتنا وأغلبية بيوتنا هنا بالريف هيچ لأن مساحة چبيرة فـ شي بعيد عن شي لحد ما وصلنا لنص الحوش لأن أحنى حوشنا كلش چبير وأسمع شهگة جسام زرفت آذني التفتتله مرعوبه فاك عيونه بآلم وتعب
15
ضغط على أسنانه يكتم ألمه وغمض عينه بوجع
-يمممة، جسااااام
14
وأسمع صوت قادر الخايف يصرخ بخوف عليه
-ولك خوية تصوبت!
9
التفت قادر على جسام وجراه من أيده وأستعجل بمشيته يرجف خايف عليه، وأنه لحد هاي اللحظة ما أدري وين متصاوب بس وأضح من تغير تعابير وجهه الأصابة مو طفيفة وأنتشر ببيتنا الرعب لأن الطلق من كل كتر ومن كل صوب حرّ يرمي عليهم وهمَّ يرمون عليه وصوت دوريات الشرطة ترست الديرة نگطع الرمي وأختفت الهوسة برة، بسرعة طببني جسام للممر وبعدها أيده ملفوفه عليَّ تحميني تصوب وما عافني، أول ما طبينا للممر القريب من الحوش ويودينا على المطبخ والهول
4
راح حيله وطاح من طوله تعبان سنده قادر بسرعة
-الله الله، خل نوصل للهول جسام ما ضل شي أصبر
4
حاول قادر يعينه ويرفعه من الگاع وأنه خايفة جامدة بمكاني وجسام همَّ حاول ويَـ روحه جرني من أيدي وطبينا للهول وأنتبهت لظهره وتغير لون وجهي عضيت شفتي بقهر ودموعي تصب قميصه طابع على ظهره ومتروس بدمه والطلقة أجت بظهره من ناحية النفس قادر مفرفحه روحه نزع قميصه وضل بفانيله تعلاگه ولمه بأيده حط القميص على جرح جسام وضغطه علمود يگطع الدم
-جسااام ولك جسام
6
روحه فرفحت يريد بس يساعد أخو ما يدري شيسوي وجسام غاب عن الوعي ولأن أصابته خطيره خفت حيل خفت عليه يموت وأول ما شافو وضع جسام كلهم نخبصو والتمو عليه لأن حالته فد مرة خطرة وخسر دم هواي..
3
صمد طگ أيد بأيد
-شكلت خرا؟ مو گلتلكم تتصاوبون طيح الله حظكم
6
قادر جر راس جسام لحضنه وچن الطلقة جايه بيَّ مو بأخو
-خوية جسام فدوة رحتلك لا تغمض عينك
11
أجت كلارة تركض عليَّ تباوعلي بخوف باوعت لرجفتي لزمتني من أيدي تهديني وأنه عيوني ما شلتها من جسام المغمض عيونه وراسه بحضن قادر وجهه أصفر وشفايفه بيض نزلت دمعتي وما گدرت أسيطر على دموعي الصار وياه كلة بسببي لأن حماني تصاوب لو ما جاي حاميني ما تصاوب..
7
الشرطة ترسو الديره والدنيا نخبصت خبص بالدوريات وطلعو نص زلمنا، وأسمع ركض على الدرج نزل حرّ وبأيده سلاحه شمره بالگاع وأجاني ملهوف لزمني من وجهي بثنين أيديه حاله أخس من حالي وجهه عرگان وعيونه حمر دم
2
-بيچ شي؟ سولفي فجر خوية تعورتي؟
-لا لا ما بيه شي كلشي ما بيه بس جسام..
1
حچيت وآشرت بأصبعي على جسام دار عينه على جسام وفك عينه مصدوم هسة يلة أنتبهه ما چان يشوف بالمكان غيري راحله خايف وجراه ملهوف
-ولك جساااام
10
قادر نمردت روحه مرد على أخو وبرة نسمع أصوات الشرطة وبيتنا مخبوص خبص وكلهم وأگفين يتنوعون على جسام البينه وبين الموت شعره الخوفه تارسه وجوهم والهبطه بعدها ما فارگتهم قادر وفقار وحرّ وضيغم كلهم بصفه متخبلين عليه، وردة من بعيد تبچي بخوف وترجف وحُرّ خبصهم
1
حُرّ: سيااااارة بسرعة سيارة خايب ضيغم گووووم
4
طلع ضيغم يركض علمود يشغل السيارة حيله رايح وحرّ حاول يرفع جسام من الگاع وباوع لقادر وزمخ عليه بعصيية
-قادر گوم وياي ما مات لا تفاااااول عليه گوووم
6
گام قادر وساعده وسندو ثنينهم وعبرو أيديه على رگابهم وطلعو دمه تارسه ترس وظل طبع دمه على الگاع گعدت بالگاع لامة رجليَّ لصدري وأبچي مقهورة البيت فرغ من زلمنا كلهم طلعو لبرة وهاي أحنى هسة بلشت المشكلة أصلاً لأن مستحيل يسكتون على هيچ شغلة چبيرة..
-ضيغم: كلنا واگفين برا بيتنا خايفين على جسام، حرّ راد يروح ويَـ جسام للمستشفى بس قادر ما رضى..
قادر: لا تروح حرّ البيت مو آمان صار، والشرطة هنا وأسلحة عدنا حاولو تحلون السالفة وأنه التهي بجسام..
+
حُرّ: خايب تحچي صدگ أنتَ شلون أعوفه!
1
قادر: أنه وياه لا يضل بالك بس الوضع مو مال تروح هسة!
حُرّ: من أكمل السالفة هاي أجي وراكم..
قادر: أن شاء الله
سيارات الشرطة صافه گبال بيتنا صفنت وهمست لحرّ
-بعد وكت هذوله هسة ذكرو يجون؟ ذولاك رمو على بيتنا لمن أجة ينهدم!
4
التفت عليَّ ينكث أيديه من التراب
-ما يتدخلون بالطلايب العشايرية..
1
ثنين ضباط وأگفين وصمد واگف گدامهم يسولف وياهم
-عمي شني القضية، صايرة هاي دايرة بوية وادم ببيوتنا يجون قنادر عتگ يرمون علينا عوايلنا ماتت من الخوف الدگة العشايرية هم ينطون خبر ينطون فنتگ الوادم تطلع نسوانهم فروخهم هذولة أجو خرطو الطلق على بيتنا وولو..
16
-تعرفونهم؟
-لا عمي شني هل شكول الزفرة وعدنا معرفا بيهم!
1
جراه فقار من أيده وائل واگف يهدي بأبو لأن جاي يتجاوز حدودة ويَـ الضباط، وهمَّ غلسو عليه لأن شافو چبير بالعمر تقرب عليهم فقار وحچة بهدوء، رحنا أنه وحرّ وياه
1
فقار: سيدي الموضوع كلة أحنى ما عدنا معرفة بي الرمو على بيتنا وادم ما يستحون ولا عدهم ذرة رجوله الزلم إذا تريد تهد على البيوت تنطي خبر لأن العوائل مالها غرض وحتى ما خالين ببالنا ناس لأن ما عدنا مشكلة حاليًا ويَـ واحد!
الضابط حسيته ما ثق بكلام فقار رفعله حاجبه وأصبعه بتحذير
-متأكد ما تعرفونهم؟
1
-سيدي شالقصية لو نعرفهم ما نكيف نشتكي عليهم ما تشوفني طالعلك بالبـ... والفانيلة التعلاگه زين ولحگت البسلي البـ... وأطلع من غرفتي..
63
أبتسم الضابط وحرّ همس بصفي بصوت ناصي
-أسئلة ليش ما لابس لبـ..؟
-هههههه حارة من الحر
61
الشرطة طلعو من ديرتنا ورجعو للمركز لأن أساسًا ما يگدرون يسوون شي هسة، أحنى ما نعرفهم ياهمَّ هذولة ولا نعرف ليش رمو ولا نگدر نشتكي بس گالو راح نضل وره السالفة ومن هل سوالف أول ما مشت سياراتهم صعدنا بسيارة فقار وگبل للمستشفى لجسام بالنا وياه وحرّ گاعد بالصدر رافع تلفونه يخابر بَـ قادر
-ها يمعود .. لا لا صدگ .. يلة يلة هسة أحنى جاين مسافة الطريق.
نبلعت وجوهنا نسأل بي ونستفسر رايحه گلوبنا على جسام نزل التلفون والدنيا طالعة من عينه
-أجت الچيلة بمچان النفس، بمچان كلش خطر طببو عمليات وحالته مو زينه خاسر دم چثير ومچانها نحس..
7
طگيت أيد بأيد متحسر
-جسام السبع يتوسد المستشفى، وصمد الخايس يمشي على طوله شني من دنيا ما ترحم..
25
أبتسم حرّ أبتسامه جانبيه
-السباع دوم يحطون روحهم بحلگ الموت والمخانيث أعمارهم طويله لأن يشردون منه، ما تشوفه عمره عمر تفگه..
13
طگيت چتفه وصحت
-الله، والله صحيح
أول ما طبينا للمستشفى وصلنا لقادر المات سبعين موته بعملية جسام ووجهه أصفر ليمونه لزمه حرّ
-گول يا الله سبع جسام يطلع منها
-ما عدي غيره بهل دنيا خايب وأفگده!
14
نعصر حرّ عصر لأن يدري السبب الأول والوحيد هوَّ وفجر ضلينا نتگله، صاحب روحي جسام مو بس أبن عمي، روحي من الدنيا لمن طلعو الدكاتره روحي طلعت والحمدلله بشرونا بنجاح عمليته ومن فتح عيونه طبينا نشوفه..
حضنه حرّ وباسه براسه يهمسله
-لو أنطيك عمري يضل دينك برگبتي..
10
ضل ساكت تعبان ويون من الوجع والبنج بعده براسه ضلينا نسولف وياه بس ماكو ما يرد يجر بالحچايه جر
-أريدها والله أريدها
50
التفت حرّ باوعلنا بأستغراب
-ياهي اليريدها؟
5
ضيغم: مدري والله
قادر: يمسلت يمعود لا تخلي بالك وياه..
6
حُرّ: شنهي يحب؟ شو ولا أدري الملعون ما سولفلي!
10
قادر: ههههه يا يحب يمعود ياهي تجرعه هذا
3
ضل حرّ يباوعله مبتسم بأستغراب لأن جسام صديقة المقرب وما يدري بي يحب وهذا يهذي يامن يسد حلگه لا يچفص وأنه والولد تلاثتنا واحد يباوع للثاني ونبلعم خاف يچفص
9
جسام: يا سمرتي
22
حُرّ: ياهي هاي ولك سگط!
2
قادر: جسام كافي شهل تمسلت بويه؟
حُرّ: شمالك كاض حلگه خلينا نفتهم عاشگمن السگط هذا
4
فقار: عاشگمن يمعود تلگاه يحب وحده ما معبرته..
1
جسام: أموت عليها والله
12
حُرّ: هذا مسيس فد نوب..
5
مبتسم فرحان بجسام يشوفه يحب بس لو يدري يحبمن يا بوية، يمحي وما يضل اله آثر قادر وجهه ضل ينطي ألوان بأيده خاولي يمسح على حلگ جسام لأن يتقيئ بسبب البنج وبالخاولي سد حلگه يضحك مجامله
6
حُرّ: شنهي سمرتي شو هذا ما يستحي!!
3
فقار: ترى ما يدري شجاي يهذي لو يموت ما يحچي بيها گدام واحد
جسام: أحبها حرّ ما يوم حبيت واحد بدنيتي مثلها..
15
حُرّ: حبتك سليمة ولك هم طلعت مو گليل!
يحچي عاگد الحاجب وأحسه بدى يضوج من جسام لأن هذا ما يمشي عليه شي يلگفها وهِيَّ طايرة وهذا چلب سمرتي وأحبها وما تريدني، وخله حرّ يشك هاي فجر لأن الوحيده عدنا سمرة هِيَّ وصدگ جسام يقصدها كلنا نعرف بي يحبها مفضوح صفن عليه وراح يمه لزمه من فچه بأيده على كيف ودنگ عليه
9
حُرّ: تحبمن ولك؟
7
جسام: سمرتي..
4
حُرّ: يا هيَّ!
ضل يون ساكت مغمض عيونه وبعده البنج براسه، حرّ رفع عينه باوع علينا مستغرب وعگد حاجبه
حُرّ: شمالكم وجوهكم تنطي ألوان؟ ذاكر سمرته لو عزرائيل!
6
قادر: شمالك يمعود بالبنج وين يفتهم شيمسلت مالك غرض بي
ضيغم: الدكتور وصفلي لهذا المطي علاج تعال وياي نشتري
2
حُرّ: والمن جاي وياك فزعة
1
ضيغم: تونسني بالدرب
فشر عليَّ ضحكت وطگيته على چتفه طلعنا سوى بس مبينة السالفة ضلت بباله، ذب نفس قادر مرتاح من خلص من هل شدة لأن كلنا وجوهنا ضلت تنطي ألوان وهوَّ أنتبة النا بس غلس وما راح يعبرها أدري بي طلعنا سوى بلكت ألهي عن السالفة لمن يگعد جسام واسولفلة سالفتة وخل يحير بَـ حرّ شلون يقنعه..
-وردة: النسوان أغلبيتهن نومن أطفالهن ونظفنا المكان من الگزاز والطلق الطاح بالبيت رتبنا البيت بس ظل بدون جام والحيطان مزرفة وفجر بعدها بالغرفة گاعدة وميتة قهر ومصدعة من البچي والخوف أشتغلنا أنه وكلارة بدالها
وبلقيس تشتغل وتدردم
-منين أجتنا هاي الطلابة منييين!! كله من المسودن خريج السجون
5
أستغربت شدعوة هلگد حاقدة عليه رغم هوَّ الوحيد تصرف هنا بينما ولدها ما تحركو كلارة مالها خلگ چانت باچية هواي وعيونها مورمة وصوتها رايح التفتتلها ضايجة
كلارة: عفية حيل وعفية مرة وره هاي المصايب كلها وبعدچ تسوين مصايب چا أشگد بيچ حيل دخيل الله!
خزرتها بالقيس وزمخت
-ترى أگوم أگطع النعال عليچ تأدبي وأحچي عدل
-والحسين لو جبتي طاري حرّ أشگ حلگچ
فكت عيونها وأيناس وحنان بناتها واگفات يم أمهن أيناس زمخت بكلارة
-لا تغلطين طايحة الحظ يا ما عدچ أخلاق
1
-لو ما أخوي چا هسة أنتن دمچن بطولچن، ياهو من زلمچن سبع وردهم عنچن شو ختلو وياچن صمد وولده!
4
شهگت بلقيس وطگت صدرها تصيح وتشمر بأيديها
-تغلطييين على صمد يمة يااا يمة اليوم أخلي يطلع حرگة گلبه بيچ يالدايحة يربيچ من جديد!!
1
فجر فتحت الباب بتعب وصاحت بعلو صوتها
-كاااافي
1
بلقيس هزت حلگها
-طلعتلنا الثانية أم العشگ والغرام
2
رفعت حاجبها فجر ونترت
-شو أنتِ كلش ما تعرفين تسولفين!!
ضحكت وطگت أيدها على أيدها الثانية
-خلينا العرفة والسوالف الچ يالدايحة
1
حچتها ومشت للحوش وبناتها وراها، فريت أيدي هاي عود معقولة بلقيس هيچ بيها حيل كلارة صفنت على فجر ولزمت أيدها مستغربة
-هاي الچلبة ليش جاي تگول هيچ عليچ؟
-خل تولي تمسلت..
2
صاحتنا طببتنا للغرفة وطبت ويانا وقفلت الباب
-أگعدن وأسكتن خلنهن يولن مالنا خلگ لمن يرد حرّ
1
ما حچينا شي وگعدنا وهِيَّ مبينة مهمومة، وكلارة تاكل بأظفرها بتوتر وقلق وأنه أيدي على خدي ومر الوكت، گمنا من مكانة من سمعنا صوت حُرّ بالهول طلعنا من الغرفة ولگينا العائلة كلهم ملتمين وجسام فارشيلة بالهول فراش على السريع لأن مسوي عملية وجهه أصفر وحالته كلش تعبانه، متمدد أيده على عيونه فجر راحت جابت ماي لحُرّ وللبقية وهمَّ يتناقشون
1
حُرّ: عرفتوهم، ليش رمو، من ورامن؟
صمد: شمدريني يا عمي إذا كلكم تگولون مو أحنى
حُرّ: چا شنهي متعافين؟
صمد: والله ما أدري
قادر: يابة إذا واحد من الولد أنتم مسوين سالفة وخايفين تسولفونها سولفو لا تزيد النوب وما نگدر نحلها..
حُرّ: المسوي سالفة منا منا خل ياكل تبن ويسولفها
+
صمد: خاف أنتَ ولك؟
حُرّ: چنت منطمر حالي حال الوادم شوكت لحگت أتعارك!
وائل: مو بعيده عليك بالنهاية أنتَ خريج سجـــون
5
ضيغم: چا خريج السجون بكل سالفة تبلونه؟
وائل: ما عدنا غيرة يسوي طلايب..
صمد: إذا أنتَ بوية سولف أنه أحلها الك!
حُرّ: مشهودلك عمي أنتَ.
أبتسم وره حچايته بسمار الصمد، مسح وجهه بتعب وعيونه مرهقه من النعاس گام من مكانه وباوعلهم كلهم
حُرّ: أنه راح أولي أنام بس وحگ الحسين التطلع السالفة من وره راسه وستر زينب أخلي السوط يلعب عليه وأطره طر..
1
وبدون لا يسمع رآي واحد طب لغرفته وسد الباب مر الوكت وكل واحد راح يرتاح بغرفته، بس محد مرتاح بينا وكلنا نريد نعرف منو وره هاي المصيبة الطاحت على روسنا وبعدنا بنفس دوامة القلق من الناس الدگو ييتنا وأحنى ما نعرفهم لليل الساعة عبرت الـ١٢ فرشنا فراشاتنا بغرفتنا نريد نام بعد يوم متعب ومرهق..
1
بس الخوف ماكل گلوبنا لأن نخاف يرجعون مرة ثانية أني هاي الأيام الأجيت بيهن لهذا البيت أسبوع تقريبًا وكلة گضيتة بغرفة فجر اللي صارت غرفتي وياهن أني وفجر وكلارة نام بنفس الغرفة مو لأن الغرف ما تكفي أو ماكو أمكان بس فجر هيچ تأمن أكثر وتعتني بينا هواي عبالك جهالها وتقفل الغرفة يلة تنام
7
أسبوع كامل أنه ما أطلع من الغرفة اله للضرورة، وما أختلط وأخذت فترة أنعزال وحدي وتمنيت تطول أكثر بس من دگو البيت والمشكلة الصارت نجبرت أطلع من الغرفة علمود أساعدهن بتنظيف البيت..
كلارة تغفي أول ما حطت راسها على المخدة نامت كل مرة ما تنام هيچ بسرعة بس اليوم مريضة كلش وتعبانة التفتت على فجر أحسها تريد تحچي بس مترددة وجها ذبلان وعيونها تعبانة
-شبيچ فجر؟
ضلت ساكتة وصافنة رجعت گالت بتردد
-أگلچ وردة
عگدت حاجبي مستغربة توترها أول مرة أشوفها هيچ مرتبكة ومتوترة وبنفس الوكت مترددة تسولف
-أريد أروح أشوف جسام بالي يمه وجرحه بعده جديد يحتاج واحد يعتني بي وأدري محد يوگفله هسة..
صفنت عليها مضيگة عيوني ومن أرتباكها وخوفها شكيت بيها وهمست بيني وبينها مبتسمة
-تحبينة؟
طگتني على چتفي بخفة وخزرتني مرتبكة
-نچبي ولچ حبيش، بعدچ زعطوطة شنو هل السوالف هاي!
1
ضحكت وهزيت راسي مبتسمة
-روحي عيني روحي لا يضل بالچ أنه هنا باقية..
لفت شالها عدل ومتوترة أحلف عليها تحبه، طلعت بتوتر وأنه رغم نعسانة حيل وتعبانة وبس أريد الزم المخدة وانام بس تربعت گاعدة ومنتظرتها علمود محد يلاحظ غيابها أو تصيرلها مشكلة لأن أنتبهت بهذا البيت يسون مشاكل على أشياء تافهة، المشاكل تمشي بدمهم
+
ندگ باب الغرفة غمضت عيني بضوجة هسة ياهو أجة بهل وكت على حظ فجر، زفرت نفس بملل وگمت لبست شالي وفتحت الباب صار بوجهي حُرّ عگد حاجبة مستغرب لأن كل الوكت العدهم ما أفتح الباب ولا أشوفه حتى، صفن على عيوني وهمس
-شنهي تسوي الغزالة باقية لهل وكت گاعدة؟
3
-ما جايني نوم
-ليش؟
-والله ما سألت عيوني..
3
خزرني عاگد حاجبه يباوع للغرفه ويرد يباوعلي
-وين فجر؟
1
بسرعة سديت الباب وراي علمود ما يلاحظ الغرفة وينتبه فجر ماكو، مسحت وجهي مرتبكة متت خوف من سأل عليها أبتعد لوره وخله بيناتنا مسافة لأن صرنا حيل قريبين من بعض وحفظني أضوج إذا زلمة يصير قريب مني حكيت خدي مدنگه
-نايمة..
ضيگ عينه وهز راسه صافن على وجهي بتركيز
-وأنتِ ما جايچ نوم گلتيلي؟
-أي عيني جفاها النوم ما أگدر أنام..
-خاف شاغل بالچ شي؟
يحچي وصافن عليَّ بنظره عميقه يشوف ردة فعلي
هزيت راسي ورديت بسرعة
-لا شنو عندي أفكر بي كلشي ماكو..
-فوتي نامي
-محتاج شي تريد أسويلك أنه؟
-لا ما رايد شي، أجيت أسئل عليها عفتها مقهورة وضل بالي يمها أريد أشوفها شلون صارت؟
-تعبانة وأول ما طبت نامت
-خليها نايمة لا تگعدينها، أنتِ شلونچ؟
-الحمدلله أحسن..
-تردي نروح للمستشفى مريضة تعبانة؟
-لا مشكور ما بيه شي أحسن
-ضل بالي يمچن لأن رمي وهوسة خاف صار بيچن شي؟
2
أبتسمت متوترة وأريد بس أشغل باله عن فجر، ما أريد يلاحظ أختفائها لأن فجر راح تصير بموقف كلش مو حلو گدامه وتصير بيناتهم مشكلة لو شافها بغرفة جسام خصوصًا ليل ومتأكدة فجر راحت لأن تعرف جسام محد اله بهل وقت
-الحمدلله عدت..
+
هز راسه بس أحسه ما يريد يروح يريد يضل واگف يسولف وياي أنتبهت اله صفن يدورله سالفة يسولفها وياي، وأنه طگيت وياه ميانة عبالك أعرفه من سنين رغم بالأيام العادية ولا أسولف وياه ولا أحاچي أخاف منه
6
ما أضل بمكان بيَّ هوَّ، بس والله فجر تستاهل أنطيها عيوني صارلي چم يوم يمها عاملتني معاملة أعجز أوصفها تستاهل ماي عيني حتى من يطلبن البقية مني أشتغل تشتغل ببدالي ومداريتني مثل الماي الـ بالصينية..
1
رفعت عيني حطيتها بعينه وهمست
-إذا تريد شي گلي عادي أسويلك أعتبرني مثل فجر!
5
أجه ينطق ويرفض بس بسرعة غير مسار كلامة
-لـ، أي أريد چاي ما أعرف أسوي بلا آمر عليچ.
4
هزيت راسي وردت أروح بس رديت للغرفة على صوت كلارة مغمضة عين ومفتحة عين
-ويامن جاي تحچين ولچ وريدة؟
-ويَـ أبو شوارب
-ها أخوي
-أي يريد أسويله چاي
3
ردت غمضت ونامت وأنه رحت للمطبخ بسرعة علمود يوخر من باب الغرفة ويروح لغرفته وما يصادف فجر بس أجه وراي للمطبخ أستغربت بس ما حچيت شي وگف وأنتچه على الكاونتر متچتف يباوعلي
3
مسحت وجهي متوترة وجريت قوري الچاي ردت أحمي
-لا عيني غزالة أنه ما أشرب چاي محترگ أريد جديد..
7
رفعت عيني اله مبتسم يباوعلي ويدخن هزيت راسي
-خوش
2
غسلت القوري من الچاي وسويت چاي جديد التفتت على صوته يگول
-لا ترى ما يصير تحطي هلكثر ماي يصير خفيف!
2
رفعتله حاجبي مبتسمة
-مو ما تعرف تسوي؟
1
ضحك ودنگ ساكت عرفته ما همه الچاي، وأنه أسوي وهوَّ يطلع سوالف من جوة الگاع ما أدري إذا يريد يسولف وياي لو ضايج وما لگه غيري وحاطني يسولف عليَّ كملت الچاي والتفتت عليه منتظرته يكمل
2
ركزت بي وأنتبهت عليه منتچي على الكاونتر والجگارة ما تفارگ أيده دوم يدخن جر منها نفس طويل لابس بجامه وبدي نص ردن سود وزنده مدگدگ ورگبته وحتى چفوف أيديه مدگدگه!
دگ تلفونه رفعه يباوع عليه وبسرعة رد
-حياك الله ضلعي هلا بيك
+
صوت هدوء الليل وصوت تلفونه حيل عالي أسمع المتصل يسولف وياه ويسولفه رجال يعرفونه همَّ يريد يوديهم بشغله وسولف عن شغلهم ردله حُرّ
-جيب أبنه ويانا
-ليش؟
-يتربط بي ما يگدر يغدرنا
-شلون!
-يخاف يغدرنا ويتورط أبنه ويانا..
1
سولف شوية بالتلفون وغلقه أنتبهت لچف أيده طول ما جاي يخابر أيده بيها جرح عميق كلش ويخوف من عمقه ومبين جديد الدم يابس على الجرح همست بخوف
-شوف چف أيدك!
1
رفع چف أيده يباوع عليها بأستغراب
-شبي؟
رفعت أصبعي أشرت على الجرح معكمشه وجهي بآلم
-الجرح البيدك حيل عميق ومبين اللحم الجوة!
جر نفس طويل من الجگارة مضيگ عيونه
-وشنهي خايفة علي؟
3
-چا ليش ما أخاف، ليش هيچ هامله شوف الجرح يخوف!
-خل يولي چا شسويله؟
-خيطه
-عليمن
-ترى مو قماشة مشگوگة أيدك هاي!!
2
-شتگولي أسويله؟
-أقل شي لفها بشاش علمود ما تتلوث لو تلتهب وأنتَ تشتغل هواي أكيد راح يدخل تراب بالجرح والنوب يگصون أيدك وتضل بدون أيد!
4
ضحك حيل وهز راسه مبتسم
-أهم شي ما أضل بلايه أيد شلون أچتل بعد؟
4
-وين جاي تفكر أنتَ يمعود أيدك يا كتل!
-غير أنتِ خوفتيني راح يبترون أيدي وأضل بلايه أيد
-شو چنك تضحك على عقلي
-حشى
-لفها بشاش مو تنسى..
1
-إذا خايفة عليَّ داويها أنتِ!
-هسة أجيبلك شاش ومعقم ضل هنا مو تروح
-لا شلون أروح أضل متانيچ
-أيي ما أتأخر
التفتت على الچاي يفور طفيته ورحت جبتله شاش ومعقم وفجر بعدها ما راجعة، رجعت وأنه ما ضايجة صراحة لأن هوَّ ما سمعني كلام مو حلو فـ ما تضايقت من وجوده وياي بنفس المكان وكذلك حسيت السوالف تونس وتروح الملل أتذكر من چنت بيت عمي رياض محد يسولف وياي وبس أگعد وحدي الوكت ما يمشي جامد والملل كاتلني طلعت هيچ السوالف حلوة وأنه حتى هذني محرومة منهن؟؟؟
4
طبيت للمطبخ بأيدي الشاش والمعقم أبتسم من شافهن بأيدي
-خاف تعبانچ غزالة؟
-لا شنو السالفة..
2
رحت صبيتله گلاص چاي حطيته گدامه بالگاع رفع الچاي بأيده البيها الجگارة دنگت عليه قدمتله الشاش والمعقم رفع عينه الي
-وين أگدر أسوي لروحي أنه ما تشوفي بس أيد وحدة لفيها الي أنتِ!
8
هزيت راسي وگعدت گدامه بالگاع على الفراش هوَّ گاعد گدامي ومدلي أيده
-عادي لو تضوجي؟
-لا عادي مريض ومعذور
-طيبينا أحنى وآدم مرضى معلعلين..
8
رفعت راسي اله مبتسمه وهوَّ يسولف وياي مبتسم ومندمج بالحديث رفع چف أيده وأنتبهت كلها دگ أخضر حتى أصابعه، باوعت لأيده بحيرة وهمست
-حرام!
-چا غير تداوينا مرضى نموت شلون بلة!
2
رفعت راسي اله مضيگه عيوني چان ما مهتم لجرحه هسة صار راح يموت، أجه ياخذ الشاش مني
-هاي هِيَّ غزالة خل تولي أنه ألفها
-لا عادي أنطيني أيدك
1
مد أيده لزمتها عدلتها أيده دافية بس بيها هواي جروح ومتعوبه حيل عقمت الجرح ولزمت الشاش ولفيته على الجرح بعنايه وترتيب رفع حاجبه وهمس
-شلون لفة مرتبة
-ههههه غير ردت أصير دكتورة
-مبطلة أنتِ مو؟
-أي بطلني عمي رياض
-چان حلمچ تصيري دكتورة
-أي والله حلم حياتي ولهسة حسرة بگلبي..
-تردي؟
-لا بعد وين راحت عليَّ السنين
-وإذا العمر مو مقايس اليريد حلمة يحفر بالصخر!
-أي والله بس بعد شيردني
-أنه أردچ
رفعت عيني اله بصدمه أبتسم على صدمتي همست
-صدددگ؟؟
-أي والله أردچ چا يروح عليچ حلمچ ليش!
2
أبتسمت فرحانه أحس گلبي راح يطلع من صدري ما مصدگه هزيت راسي احچي
-چا أكيف والله ياريت..
-خليني أستفسر وأدور بالسالفة وأردچ
-هاي السنة راحت عليَّ بعد على السنة التجي
-هاي هِيَّ أن شاء الله
أبتسمت فرحانه وممنونه منه مكيفه والله حتى عيوني دمعن من الفرحة حلم حياتي لأن هذا حلم الطفولة ولحد هسة حلمي أكمل وأصير دكتورة وتصير عدي شهادة..
حط الجگارة بين أسنانه وجر المعقم سداه
-بعد گلاص چاي ولو تعبانچ، هسة تسبي بيَّ بگلبچ
-لا والله أصلاً هسة أصبلك القوري كلة
8
ضحك على فرحتي وگمت صبيتله بعد گلاص وأنطيته اله، أنتبهت اله حيل يحب الچاي، گعدت صافنة أطگطگ بأصابعي وهوَّ أحسه يريد يفتح سالفة بس ماكو ما عده سالفة بس ما يريد أروح
2
كسرت الصمت البيناتنا بسؤال مدوخني
-أگلك سؤال أتمنى أعرف جوابه!
-شنهي
-أنتَ شلون دگيت وشم وأنتَ بالسجن؟
-سهلة، چا همَّ ياهمَّ اليدگون وشم غير أكثر شي أهل السجون!
-زين شلون تدگون ياخذونكم لليوشم لو يجيوبنه للسجن؟
-شنهي وين گاعدين ببيت الخلفونا لو رايحيه سياحة!
1
-چا شلون!
-الدگ يختلف عن الوشم
-شلون؟
-الوشم اله وشام خاص مو كلها تگدر تسويه وجهاز كامل للوشم، والدگ أبره هاي العاديه وياها مادة ثانية شني ما سامعة بالدگ كل أهاليتنا گبل چانو يدگون أقل مثال خاتون داگه بحنچها وبأيديها وأحنى هناك ما عدنا شي نسويه فـ نلتهي ندگدگ على أجسامنا من الملل ما تشوفي كل اليطب سجن يطلع مدگدگ لأن واحد وين يولي أربعة وعشرين ساعة گاعد بنفس المچان!
أها فهمت فهمت، بس مو هواي مسوي على أيديك!
-هذني شوية يم الوشوم البقية الموجودات بجسمي..
-يمة چا شلون تدگ جسمك بآبرة ما تخاف!
-تحملت الأكبر منها ما أتحمل هاي؟
+
صفنت عليه رگبته كلها دگ متروسه وأيديه نفس الحاله جر البدي من ناحية بطنه وراد ينزعه فزيت لوره عاگده حاجبي بأستغراب وخوف همس
-خل أشوفچ الدگ الـ بظهري
4
راح گلبي من الخوف أبتسم وگال بهدوء
-شبيچ ردت أشوفچ الدگ الـ بظهري!
-ها
3
نزع البدي والتفتلي ظهرة كلة دگ وبطنه ورگبته وصدره، عبالك لابس بدي گد ما جسمه ما مبين من الوشوم مرات أحس حلو هيچ بس مرات أحس لا مو حلو وأنتبهت الشغله ظهره بي تشوهات مخيفه حيل حيل عميقة وجروح مبينة قديمة وتخوف بس واضحة وأعتقد لهذا السبب مسوي دگ بكثرة علمود يخفيهن؟؟
5
رجع لبس البدي وگام حط گلاص الچاي على السنگ وفتح الماي غسل الگلاص وحط القوري على الطباخ والتفت عليَّ شافني مبتسمة بخنسة غمزلي
-عليمن تضحكي؟
11
تحمحمت مدنگه محتاره أسولفله لو لا
-شمالچ سولفي
-سؤال لا تعتبرة حسد!
-خوش
-عليك الله لا تعتبره حسد
-مو حسد أفتهمنا
-أنتَ چنت بالسجن، وطلعت بيك عافية وضخم شكبرك وأنه سمعت من بيت رياض يگولون الوادم يطلعون ضعاف اله هوَّ طلع شكبرة شلون هاي؟
-وبيت قندرة ما شافو بس حرّ ضخم وشكبره!
3
-لا تضوج هاي هِيَّ لا تجاوب
-تنوعي يَـ مهبولة
1
سكتت أباوعله منتظرته يكمل وهوَّ يسولف بهدوء
-أنه مو معضل جسمي عادي حالي حال الزلم بس جثل وضخم عظمي خشن وارثة من أبوي، وبنفس الوكت چذابين هذولة قندرة رياض وقنادرة محد يطلع من السجن ضعيف حتى لو مهموم وتعبان الأغلبية تصير بيهم عافية لأن لا يطلع بشمس ولا يمشي ولا يشتغل بس گاعد..
1
بلعت ريگ ساكتة وهوَّ مسح على الشاش الملفوف على أيده مسحت وجهي وهوَّ شمر الجگارة بالسطل بعد ما طفه جمرة الجگارة بأصبعه
-يلة غزالة فوتي نامي ولا تطلعي وحدچ خلي فجر تطلع وياچ إذا تطلعي بالليل
-أن شاء الله..
طبيت للغرفة أمسح بوجهي ومقهورة أحس معقولة هوَّ فعلاً كاتل أنه سامعة وأعرف قصة الكتل مالته كلها وكلنا نعرفها بس شخصيتة ما توحي لهيچ شي هوَّ صح يبين للناس هوَّ ما ينجرع بس أحسه حباب وحنين ومختلف عن الشخصية الظاهرها للناس والحچوها عنه..
فزيت بخوف على صوت صريخ مرعب عبالك واحد جاي ينجلد لو يتعذب، طلعت فجر خايفة وتركض وأحنى طلعنا وراها خايفين فكيت عيني على وسعها مصدومة من شفت...
96
يتابع ..
