رواية اللعنة التي لم ترتكب الفصل الخامس 5 بقلم نور آل عبدالله
اللّعنة الخامسة... أو ما يُسمّىٰ البــارت الخامس.!
ها قد وصلنا الىٰ مُنتصف الخيط،اللعنة قد أبتدأت تنكشف اكثر والأسرار تتباين... فهل أنتم مستعدّون لما هو قادم.؟ "
.
+
.
احذروا.... فـاللعنه لا تُكشف دون ثمن "التصويت+مُتابعه الحساب+التعليق بين الفقرات."
+
.
..................*
+
زينب...
+
واكفه وجاي احظر الكليچه والچاي بلشن يجن نسوان السلف يعايدنا كملت طلعت اقدملهن گعدنا سوى ناكل شويه
وصاحني عباس گمت اركض گال اجو زلم حظري الضيافه گمت حظرتها شويه واجه سجاد انطيته الصينيه بدون ولا حرف ويا
+
لأن هوَ حتى بصباح العيد ماتعب روحه واجه عايدني وانه حلفت ما احجي ويا مر اليوم طبيعي مابي اي شي غير الخطار
ثاني يوم گعدت الصبح مثل عادتي ثاني يوم العيد اطلع للاسطبل،هاي عادتي كل سنه ياخذني عباس للاسطبل
1
اركب خيل لبست وكملت وطلعنا مانسيت نقاب الليرات اول ما صعدت گال عباس شويه واجيج هو راح وانه بقيت
امشي على كيفي بـ الخيل لأن اخاف شويه وسمعت صوته
+
:-عسى كل ايامي عيد بفضل عيونج
1
نزيت وگلت:-هاي شتسوي هنا
+
:-اجيت اعايدج
+
:-ماتستحي داخل گاعنا وبـ كل عين صلفه تگول اريد اعايدج
+
قاطعني وهوَ يگول:-احبچ بنت عگاب
1
:-ها
+
:-شنو الها احبج زينب
+
رجف جسمي اول مره يگول اسمي غمضت عيوني وگلت:-انتَ لو تستحي على روحك چان ماعتبت گاع ابوي وتتمعشگ وياي
+
انطاني كاسيت وگال:-ادري ما راح تسمعينه بس جربي،لان هاي اغنيتي المفضله
+
-راح قبل حتى لا ارد علي شويه ورى ما راح واجاني عباس ومثل كل مرة صعد الخيل الثاني وبقينا انه ويا نمشي ونحجي
خلصنا ورجعت للبيت حرفيا احلى فقرة عندي هاي وانتضر الاعياد علمودها،مرت الايام بدون شي لازم نذكره اليوم چنت گاعدة
+
ضايجه فكرت ليش ما اخذ الراديون واروح للجرف رحت وأخذت وياي مجموعة كاسيتات وصلت گعدت وعفتهن يمي
وانه جاي اگلب بيهن شفت الكاسيت مال حسين واتذكرته،شغلته وبدت موسيقى شويه وبدت كلماتها
+
:-ضلمتو بالوصف لمن وصفتو
حبيبي شكد حلو بس ما نصفتو
ضلمتو بالوصف لمن وصفتو
حبيبي شكد حلو بس ما نصفتو
احسه بـ روحي وبـ گلبي ولعيون
احلى من الحلو لو ما تصدكون
احسه بـ روحي وبـ گلبي ولعيون
احلى من الحلو لو ما تصدكون
هاكم هاي عيني وبيها شوفو
دخذو هاي عيني وبيها شوفو
+
-بقيت اكرر بيها اول مرة بـحياتي اندمج هيج ويا اغنية شويه وگمت رجعت للبيت لگيت الجهال گابه زفرت نفس بـ ملل
يوميه على هاي السالفه احنه عفتهم ودخلت الغرفه چنت انعس دخلت للغرفة تمددت وغفيت شويه وحسيت واحد يگعدني
+
باوعت شفته ادم مابيه حيل ارد علي رجعت نمت بقى يلح اخر شي صحت بي
+
:-هايييي شبيكك غير منطمره
+
ويا ماجاي احجي دخلت رحمه اخذت ابنها وحچت:-هاييي ليش هيج تصيحين عليي
+
- بقت تحجي ما رديت عليها اتجاهلتها لمن اخر شي گالت
+
:-حقجج ماتردين ويجوز هسه حتى بالجج مو وياي،الله الي يعلم ويا ياهو
+
ما اتحملت وصحت بيها:-حدج لهنا وبس خاف شفتيني سكتت عنج يعني اخاف خايبه الظاهر ماعرفتيني بـ هاي السنين
الي عشتيهن وياهن عوفيها ترجية بـ اذنج "انه بنت عگاب" مو انه الي اسكتلج،واذا هاي المره سكتت من حجيتي وياي فـ الجايات هواي وما راح اسكت
+
-طلعت هيَ وأنه رجعت اكمل نومتي وكأنوا شي ما صاير مرن كم يوم وأنه بالي بس يم حسين تصرفاته كلهن بالي
اهتمامه بـ كلشي يخصني طلعت الموضوع من بالي ما چنت عايفه بالي حب وهاي السوالف لأن انه بالاصل ما متقبتله
+
هاي الفكرة مو نوب اعوفها بالي،شويه واندگ الباب گمت اشوفه طلعت زهرة وحسين دخلت زهرة وحسين گال
+
:-السلام عليكم
+
رديت واحاول اسوي نفسي طبيعيه:-عليكم السلام
+
-گلبي صارت دگاته همجيه احس حتى ملامحي بين عليها شعوري الداخلي،هو اترخص وراح ودخلنا انه وزهرة
گوه امشي احس حيلي باد ما اعرف شنو شعوري مستحى على توتر صارت زهرة تسلم وانه احاول ابين نفسي طبيعيه
+
دخلنا للغرفة اول ما دخلنا حضنتني زهرة وبلشت تبجي بسرعه گلتلها
+
:-شبيج ولج
+
:-ما متعوده تزعلين عليه زينب وعلي احس مختنگه طول هاي المده من ليمت احنه هيج نزعل
+
:-ما زعلانه بس حجيج وياي اخر شي چان يوجع الگلب
+
:-اعتذر منج وعلي ما اقصد اجرحج بس حجيت لأن اعرف بـ اخوي ومشاعره
+
دگ گلبي سريع مجرد ماذكرت مشاعر اخوها گدامي گلتلها وانه احاول اغير الموضوع:- عاذرتج،وغيري الموضوع خلي نطلع للبستان نسمع القصيدة
+
-ضحكت بـ حماس ابتسمت على ردة فعلها طلعنا للبستان شغلنا القصيدة وانطلقنا وياها مثل كل مره شويه واجه عليها
اخوها راحت رجعت للبيت اول ما دخلت گالت امي
+
:-ليش ماتحجين ويا رحمه
+
:-والله شوفيها هيَ شني جافصه وياي حتى هيج ما احجي وياها
+
:-احجي رحمه
+
:-ها عمه
+
زينب:-يمه الظاهر چنتج تستحي تگلج گالتلي بـ المعنى الحرفي لأن مارديت على تمسلتها "حقجج ماتردين ويجوز هسه حتى بالجج مو وياي،الله الي يعلم ويا ياهو "
واذا أنتِ تقبليها عليه تمام هسه اصالحها ويجي ابوي يشوفلي حل
+
صاحت امي ورا ما لطمت على خدها:-صخام الصخمج يرحمه لو سامعج واحد من خوانها لو ابوها مو عبالهم صدگ ويذبحونها
+
:-والله عاد انه ماحجيت الا الصدگ لو ماشايفتها بـ هاي عيني ويا حسين حفيد شيخ كاظم
+
زينب:-انطمي واوزني كلامج انه لو عندي شي ويا چان مارفضته من اجه وخطبني،بس الظاهر أنتِ مو ادميه
+
-صرت احلف الا اگول السجاد اخر شي امي هدأتني،گمت للغرفه لليل اجت رحمه اعتذرت مني والي عرفته بعدين
امي گايلتلها ومرزلتها،مرن يومين هدووء ماكو شي صار اليوم وحدي بالبيت نسوان اخواني عند اهلهن وامي طلعت واجب
+
اخواني وأبوي طالعين عندهم گعده،اندگ الباب طلعت فتحته چان اشوفه حسين گلت
+
:-محتاج شي.؟
+
:-تعالي للبستان عندي وياج حجي
+
-عاف وراح صار عندي فضول اريد اعرف شنو يريد،حسمت قراري من امس إذا اعترف بعد اسولفله مشاعري لأن
احس خلاص التفكير وصل حده وصلت للبستان ما اعرف وين بالضبط واگف وأنه جاي امشي سمعت صوته
+
:-حبيبي شگد حلو بس ما نصفتو
+
زينب:-هاي شبيك گمزتني
+
:-اويي عيني سندس
+
:-اختصر شنو تريد
+
:-اتوقع تعرفين الموضوع الي اريد احجي بي وياج
+
:-حسين لا يشوفك واحد فدوه خلص وروح
+
:-ترى اختاريت هذا الوكت لأن اعرف محد موجود
+
:-احجي بسرعه فدوة رحتلك
+
:-زينب احبج
+
اتوترت ما اعرف شنو ارد بلعت ريگ وهزيت راسي وگلت:-ايي
+
:-شنو اي زينب لاتعلين گلبي
+
:-ما ادري
+
:- احبنج يبت الشيوخ
+
نزلت راسي بـ خجل:- انه هم احبنك
+
طول نظرته على حنجي وگال:- دگتج مو بـ حنجج بـ إفادي محفوره
+
- ابتسمت ونزلت راسي المستحى مسيطر عليه وهوَ يتأملني بـ نظرات عشگ لان قليل بـحق نظراته كلمة حب
طلعت من البستان وانه گلبي يدگ سريع ما اگدر اسيطر على دگات گلبي من اكون ويا وصلت للبيت وانه مبتسمه
+
امي لگيتها جايه وراحت وانه دخلت الغرفتي شفت دفتري وگعدت اكتب فرحانه بي صار كم يوم
من جابه ابوي الي وأخوي الي عايش بغداد اقترح عليه اخلي اكتب عن الي اعيشه خلصت سديته وضميته
+
اتمددت على الجربايه وانه الاعب خصلات شعري الاسود ومبتسمه مثل المخبله هسه لو تشوفني امي چا غمتني
وگالتلي الغسل للمخبله الحمدلله هيَ هسه طالعه ثواني وما اسمع بس العيطه نزلت اركض انصدمت من شفت المنظر الي گدامي
+
رجفت من انتبهت امي طايحه وصايره زرگه ويمها زوجة اخوي تعيط وتندهه بيها اجه اخوي على صوت عياطنه
اخذها الممرض الي يمنا شافها وقاس ضغطها واوكسجينها لگاه ناقص دارلها اوكسجين امي كل مره هيج
+
وكل مره نخاف عليها أكثر من القبلها بس بلشنا نتعود رجعوا جان يگول ابوي اول ما دخلوا
+
:- حظروا ضيافتكم نسوان وزلم راح يجون بيت شيخ كاظم
+
-احمر وجهي مجرد ما اتذكر الحدث بيناتنا احس وجهي يريد يطگ ميته من الخجل احس كلها عرفت اني گلتله احبك
دخلت اتحضر واكفه گدام المرايه جريت حمرتي وأنه صافنه على دگتي حبيتها اكثر ورا ما اتغزل بيها،فجأة وعبالك رجعت الواقعي
+
من اتذكرت اهلي إذا عرفوا شيصير بيه اكيد مصيري الذبح حالي حال باقي غيري الي تحب،هزيت راسي نافيه هاي الأفكار من بالي
كملت شويه وسمعت صوتهم طلعت وانه على وجهي ابتسامه استقبلناهم وگمت جبت الضيافه ووديت ضيافة الزلم
+
گعدنا والي عرفته من حجيهن جايات خطابه خطبوني مره ثانيه لحسين ركضت برى ديوان النسوان ابتسمت
وأيدي على گلبي يرجف ما چنت اعرف هاي الفرحه راح تنگلب عليه
+
..........................*
+
زهرة...
+
-عبرت من يم غرفة حسين اشوف گدامه مجموعة اوراق وشكلهم مبين قديم انصدمت من شفت دمعه من عنده طاحت على
الورقه.!! اخوي يبجي من منو هاي الاوراق حتى هيج متأثر طلعت من صدمتي من شفته لزم قلم حبر اسود
وبلش يكتب إلى أن شويه وگف عن الكتابه وبلش يحجي الحجي الي صدمني
+
:-زينبي ليمت افتحلج گلبي ما كافي صار سنين وأنه اضم مشاعري،حتى اخوج عرف وانتِ حتى ما ملاحظتني
خلصت عمري وانه اكتبلج رسائلي بالورق واريد اوصلهن الج،تمنيت هوايي تعرفين مشاعري بس ما گدرت كل ما اريد احجي
+
ينربط الساني،كل مره اشوفج اتمناج حلالي اكثر من الي گبلها زينب گلبي من يشوفج ينسى هو شنو بـنضر اخوانج
ينسى هو لو يوگف من النبض هم اخوانج مايرف إحساسهم عليه ويقبلون،كل انسان يندم على شي وأنه ندمان على ماضيي
+
-حجى بعد هواي وأنه ويا كل كلمه أنصدم اكثر اخوي شنو ماضي.؟وليش مستحيل اخوانها يوافقون.؟ ومن ليمت هو هيج
مشاعره اتجاه صديقتي اتمنيت اساعده بس اعرف صديقتي مستحيل تفكر بـ هيج شي،عفته ورحت للغرفة اتمددت على فراشي
+
وانه فكري يم اخوي شگد متعذب بـ عشگها واعرف مستحيل تصير اله حتى لو ابوها قريب علي بس مشاكله الي يوميه
ويا واحد من خوانها تثبت أن مستحيل تصير اله
اتمنيت بـ لحظتها بس يصير شي يبرد گلبه العشگ چتال وأخوي
+
مو گد هذا الحمل،شويه وعطشت گمت اريد اشرب ماي واسمع صوت اغنية طالعه من غرفته چانت اغنيه توها نازله ماصار هواي
+
:-ضلمتو بالوصف لمن وصفتو
حبيبي شكد حلو بس ما نصفتو
ضلمتو بالوصف لمن وصفتو
حبيبي شكد حلو بس ما نصفتو
احسه بـ روحي وبـ گلبي ولعيون
احلى من الحلو لو ما تصدكون
احسه بـ روحي وبـ گلبي ولعيون
+
-مشيت من يمه واكفه اترس ماي من الدبة حكم الجو وبرودته خلصت وگفت صافنه على البستان من الشباج وأتذكر
مره چنه گاعدين كلنا چان جبناها على نسوان سلفنا وسلف بيت شيخ عگب چان تگول مرة عمي
+
:-هسه اكبر مثال زينب بت الشيخ،مسوينها ملاك ونازل من الجنه وهيَ بالحقيقه ملامحها زينه مو مال ذاك الجمال
الي مبالغين بي كلش عدنا احلى منها
+
-حسيت يقصدها بـ هاي الاغنيه ومن تگول حبيبي شگد حلو بس مانصفتوا،اخذت دولكة الماي ورجعت للغرفه حاولت لحدما اخذني
النوم العالم احلى من واقعي گعدت الصبح على صوت بثينه تتعارك ويا غسق خرب حظهن حسرة م على واحد ينام يمهن
+
مرت ايام واجه رمضان اول يوم چنه معزومين بيت الشيخ عگاب وراها كم يوم احنه عزمناهم حجيت ويا زينب وحسيت
جرحتها بس اعرف مشاعر اخوي الها اكبر من مشاعر جرحها،اخوي حسب ماعرفت بـهاي الفترة مهووس بـشي اسمه زينب
+
من ينذكر طاريها يفرفرح وگال حاجي امي اريد اخطبها غيرت كل هذا بس علمود يضمنها اله ومن گلتلهم على رفضها
گالوا شورها بـ ايد ابوها واكيد راح يوافقون بس الي ما يعرفونه اهلي،اخوانها همه الي ماشيه كلمتهم عد ابوها
+
مرت ايام واجه العيد وأنه گلبي يمها اريد اصالحها ما متعوده اجرحها هيج بس التهيت خطار وعيد وهوسة اول
ما صارتلي فرصه رحتلهم ما اريدها يبقى بـ خاطرها مني والحمدلله صالحتها اول ما رجعت من بيتهم لگيت العيطه گابه بيتنا..."يتبعع
.
+
.........................*
.
+
.
