رواية مقبرة الاحياء الفصل الرابع 4 بقلم سارة جعفر
البارت الرابع 
.4
.430
الكاتبة ساره جعفر
24
لا تنسون التصويت + التعليقات بين الفقرات عشقي 
.
.45
ما طحنا والعباس والهسة قــادة
لو غبنا عمي سنيـن نبقى السيـــادة.
203
-فجر: فقدت آخر ذرة عقل براسي تخبلت من شفت منظر الدم صار نافورة وردة وجها وجسمها أنترس دم وعدنان والگاع كلها تلفت بدمهم صريخ النسوان وخبصة الزلم لحظات نشفن دمي بوريدي، ما تنوصف كل ذرة بهذا الموقف لحظات بس حسيت فقدت حُر..
80
جسام ركض لحُرّ سحب التفگة من أيده ورياض وكفاح جرو أبنهم بيناتهم متخبلين والكل مصگورين وجامدين بأماكنهم من الخوف والصدمة صريخ الأطفال وبچي لنسوان يفجع وردة قبل لا يتقرب الها واحد جرها حُرّ من أيدها وطلع من البيت كلة وأنتبهت الطلقة الثانية ما جاية بَـ وردة، حُر ضرب عدنان طلقتين طلقة برجله اليمنى وطلقة برجله اليسرى!!!
197
صمد فك عينه مصدوم
-ولك خذه البت المسودن خريج السجون تعاااااال!!
129
ما رد حرّ عليه وفقار أبن عمي گاطع رفع أيده طگ وجهه بحرگة گلب وصرخ
-ويييين وله المسودن وييين راح يشيبني!!!
91
طلعو فقار وقادر ولد عمامي وأصدقاء حرّ المقربين جماعتة وجسام طلع وراهم وسلاح حرّ بأيده وأنه بعدني مصدومة شلون ما أجت الطلقة بوردة وأنه شفتها أنترست دم بس الحمدلله طلع دم عدنان لأن دمه صار نافورة وتلطخ وجها، طلعنا من مصيبة طبينا بمصيبة أكبر طلعت من البيت مفرفحة وين أخذ البت وكلهم يصيحون خذاها علمود يكتلها وأول ما طلعت أتعثرت
40
أسمع حسه بصفي
-الله الله
59
التفتت على صوت جسام راجعلي مسح وجهه وگال بأستعجال
-أمشي فجر أمشي خل أخذچ
-المن رديتلي روح وراه لا تخلي يكتلها!
-الولد راحو وراه
46
مشيت وروحي طايرة قبلي تمنيت عندي جناحات وأوصلة بسرعة وجسام محتار بيَّ ويحچي بقلق
-كافي بسچ من البچي، ماكو شي ما يسويها حرّ ما تطلع منه..
36
-توه صوب عدنان تريده ما يصوب وردة!
-عدنان يستاهل
-يستاهل أدري بس حرّ الما يستاهل يطب سجن مرة ثانية..
22
مالچ شغل ما يطب أنه أدبرها
-شتسوي؟
-ألوزها وما أخليه يطب ولا يشوف باب السجن..
58
-أي أروحلك فدوة
-الدنيا تروحلچ فدوة ما ترحين فدوة لواحد أنتِ.
303
طبينا لبيتنا وأسمع الصياح گاب قادر لازم حرّ وفقار يصرخ عليه
-ولك تعبتني ولك أركض وراك وگلبي طاير عليك جاهل أنتَ جاهل!
-أسكتتتت لا أنعل والديك أبن القندرة، هدني أنتَ
61
يتعارك وياهم ثنينهم وأنه أدور وردة بعيوني وأنتبهت الها واگفة على صفحة وجها أصفر ليمونة ما تنوصف أحوالها رجفتها تخوف وجسمها كله شاحب شفايفها بيض ومتروسة دم ترس تشهگ وتبچي وفص عينها أحمر
47
ركضتلها أمسح بوجها بعبايتي من الدم
-أششش وردة كافي كافي ما يسويلچ شي..
15
وحرّ مفرفح يروح ويرجع بالمكان جسام حط السلاح بأيد واحد من ولد همي وغمزلة علمود يروح يضمه عن حرّ، طب صمد وعمامي كلهم يهفون بعبيهم وبقية بيتنا كلهم رجعو من بيت رياض ونفس ذيچ الهوسة والخبصة صارت هنا بس كلهم متخبلين هل مرة أكثر من القبلها..
25
صمد: ويييين وليت بالبت حسبالي راح تكتلها فلك طرك
70
گاطع: ولك أنتَ شني مالك رداد؟ موگفنا على تك رجل ذاك الولد صوبته برجليه ثنينهن وهله أحتارو بي أحط ظهرك وأكسره هسة!
147
بعده ما مكمل كلامة يهدد وحرّ ركضله خنگه بأيده بگوة فرغوهم واحد عن الثاني وقادر وجسام جرو حرّ على جهة يسولفون وياه وهوَّ من بينهم صوتة يلعلع
55
حُرّ: ما تشوفه ولك ما تشوفه، واگف ويَـ ذاك القندرة متعينك ولك گاطع عمت عينك تصف ويَـ اليمس عرضك يالردي!!
93
صمد: كافي بويه كافي شمالك نچلبت اليوم، أفتهمنا گاطع غلطان وهسة أحط القندرة بحلگه، بسك كافي سولفلي البت المن جبتها لهنا؟
54
حُرّ: تتونس شوية، شفتها ضايجة گلت تجي هنا تغير جو، صمددد أنتَ صاحي يعني أخلي البت بذاك البيت علمود يضلون يتحرشون بيها؟ شايفني مگرن لو ما عدي غيرة مثل گاطع؟
13
هز راسة عمي صمد وسبحته بأيده يمسح على خرزها
-خوش يلة كافي خليها البت جوه ذراعك ولا تخلي واحد يگربلها..
68
گاطع: شني وأحنى المن نربي؟ البت مالها ضلة بالبيت هذا أحط القندرة بحلگها لو ضلت ليلة وحدة هنا!
132
حُرّ: شلون شلون ما سمعت؟ تضل وغصبًا عليك البيت بيتي وجوه ذراعي و وحده من نسواني وإذا واحدكم أزلمة وبيكم خير من الله أريد واحد يفك حلگة حتى أفك حلگة وأحط چيلة بلسانه.
216
صمد: شلك غرض گاطع؟ البيت بيته خلوها جوه ذراعه مالنا غرض بيها أحنى هوَّ تكفلها وهوَّ يتحملها..
39
حُرّ: ما بيكم فحل يكسر چلمتي.
69
گاطع: نسى لو شني، نسى ياهِيَّ هاي وشتگربلة؟ وسفه والله وسفه
56
جسام: بويييية كاااافي شني القضيةةة!!
65
جسام وقادر أخوان وما يوگفون ويَـ أبوهم لأن بيناتهم مشاكل هواي وأبوهم دوم على غلط وهمَّ ما يرضون، بين الهوسة هاي كلها وردة ما بينت خفت نهزمت، ضليت أدور عليها بين النسوان وأنتبهت الها بالزاوية طايحة بمكانها مغمى عليها وحالتها ما تتفسر تكسر الخاطر ركضتلها وجريتها أگلب بيها يبس گلبي عبالي ماتت!
1
بلكي نموت
خلصنا العمر لچمات
محد يفهم شبينا
الوجع لاحگنا من كل صوب
حافظ حتى أسامينا..
طگيت خدها بخوف أرجف وأصرخ
-وردة ولچ وردة
10
ما فكت عينها البت عبالك ميتة بس النفس يصعد وينزل بيها صرخت بخوف وفزع وجريتها لصدري أگلب بوجها لونه باهت چانت مثل الحليب بيضة صارت مثل لون العباية أحس الوادم كلهم دارو عليَّ وحرّ جرها من أيدي يگلب بوجها
رفعها من الگاع وطلع من البيت
-فجر تعاي
27
طلعت وراه وجسام وياي شغل السيارة وحرّ حطها بالسيارة وفتحلي الباب علمود أصعد، صعد هوَّ بالصدر وأنه بصفها وكل شوية أشوفها تتنفس لو لا، جسام يسوق ويستغفر مسح وجهه بعصبيه
1
-يعني يا خوية يا حرّ شمتاني البت تطگ أصبعتين بت هل كبرها ترمي چدام عينها وحاط التفگة براسها يعني والله ما أدري شني فلمك لو بعد قرن البت بعد ما صحت، عمله هاي فدوة أروحلك!
47
باوعلة حرّ بطرف عينه ما عاجبه
-ما تاكل خرا غير أنه علمودها!
-خرا بمودها، ولك البت گطعت الخلفة سواية هاي أنه زلمة وخفت شحال هِيَّ صغيرة وتخاف وهسة طالعة من مصيبة وأنتَ طببتها بوحدة بعد ما تطلع منها..
55
-نچب يلة نچب حسك أبلعه
-ماكو فايده الحچي وياك كل فايده منه ماكو..
-جسام نلصم كافي متحملك على أعصابي
48
أول ما نزلنا گدام المستشفى أخذها حرّ من أيدي وطب بيها للمستشفى وضلينا أنه وجسام واگفين وهوَّ ما عافها لحظة، تچتفت وحطيت راسي على الحايط دايخة وأحس راح أطيح بگوة متماسكة صافنة وتعبانة وجسام بصفي واگف..
10
وكل الفهمتة من كلام الدكتور وردة متعرضة لتعنيف قوي سبب الها رضوض بعظامها وچم جرح عميق بجسمها وراسها، وصف الها علاجات وحبوب وأكيد صدمات نفسية ونفسيتها صفر نمرد گلبي مرد عليها..
29
جسام: حگها زين منها وبعد بيها نفس
11
فجر: عمت عيني عليها أشگد عانت وهِيَّ بعدها بداية عمرها
17
جسام: مرات الكبر مو بالعمر كبرت وشابت من الضيم..
44
ضلينا هواي أحنى بالمستشفى وأخيرًا طلعنا وهِيَّ ويانا واعية بس ما نطقت بحرف ساندتها لحد ما وصلنا للبيت وساعدتها تروح للغرفة فرشت الها فراش وغطيتها غمضت عيونها ما أدري نامت لو لا، بس حسيتها غفت وطلعت على صوت دگة الباب
2
من فكيت الباب صار گدامي حرّ حك حاجبه بأيده علاگة علاج
-هاچ هذا علاجها
26
أخذته منه وهوَّ بحلگه حچي ومحتار
-تعاي شوية لبره
12
هزيت راسي ورحت وراه وگفنا بالحوش وحدنا الوادم نايمة والبيت فارغ وأغلبية الأضوية طافية...
-نامت؟
-ما أدري والله تمددت وغمضت عيونها
-ديري بالچ عليها بعد هِيَّ صارتلچ أخت ثانية!
-يا بعد روحي، أحطها بنص عيوني
115
باس راسي وربت على چتفي
-علاجها لا تنسينه
-أن شاء الله خويه
-وتقربيلها سولفي وياها أسحبي منها حچي
-عن شنو؟
-عن عدنان..
22
عگدت حاجبي صافنة عليه وهوَّ مدنگ محتار ومتردد
-شلون يعني؟
-شمالچ فجر أفهمي منها شمسويلها متگرب الها!
-لا أسم الله، أن شاء الله خوية أن شاء الله..
جر حسره وفرك عيونه بأصبعه صايرات دم حمر
43
من حچه آخر جملة كلش أختنگ همست
-لا تقهر بروحك بالزايد
-حربة بنص صفحتي وستر زينب
-أهم شي البت هسة يمنا وبآمان لا تخاف وخلي كلشي على الله
-والنعم بالله..
60
كح وجر نفس قوي من الجگارة أحس يطلع حرگة گلبه بالجگارة النفس ياخذة منها بشوغة والتعب هاد حيله
2
أشرلي بأيده البيها جگارة لجوه
-طبي لغرفتچ نامي
10
هزيت راسي وطبيت لجوه للغرفه، حرّ ميت من القهر عليها وأني حالي حالة ميتة لأن الموضوع مو هين وهوَّ دافع الها وأستقتل عليها وما أستغربت لأن لو عدوة صاير وياه هيچ ما يقبل حرّ غيور وعنده الشرف خط أحمر عده أستعداد يموت ولا يشوف واحد يمس بنيه بشرفها..
لگيتها غاطة بنوم عميق وأنه هم تعبانة كلش أول ما حطيت راسي على المخدة بسرعة نمت بعد يوم ما خلص غير بهدر الحيل والتعب كيفت خلص هذا اليوم المشؤوم والمتعب وتسجل من أتعس أيام حياتي
4
-وردة: يوم بعد يوم أكتشف حياتي تعيسة وكل آمل ما بيها، حزن متراكم على گلبي بس بكل يوم أفتح عيني على يوم جديد أعيش بآمل جديد الحياة قاسية حيل أشگد مرت عليَّ ظروف وبكل مرة أگول عادي الدنيا أختبار بس بالموقف الأخير الصار وياي گلب كل موازين حياتي الضربة القاضية الي ولكل آمالي..
32
طبت فجر بأيدها صينية الأكل وحطت الريوگ گدامي
فركت وجهي بتعب وهمست
-ما أشتهي مشكورة
-أزعل عليچ والله يعني الأكل هذا كلة سويتة علمودچ والنوب ما تاكلينه، عليچ الله مو تزعل؟
17
ما عرفت شنو أسوي ضليت ساكتة ومحتارة وهِيَّ تباوعلي مقهورة ما حبيت أكسر بخاطرها لأن الريوگ هواي ومبين متعوب عليه طلبت منها تساعدني علمود أگوم وأروح أغسل ومن مكان المغسلة للغرفة سمعت كلام وأشياء خلت جلدي يكزبر من الصدمة معقولة أكو بشر هيچ مسموميين نسوانهم عيرني وكلامهن يقهر حيل..
37
أول ما رجعت للغرفة وگعدت علمود أكل أنتبهت الها ما جاي تاكل
-ليش ما تاكلين تريگي وياي
-لا أنه من زمان گاعدة وسبقتچ بالريوگ
-ألف عافية
1
أبتسمت ورفعتلي لفة مسويتها الي أخذتها منها وتشكرتها بس على أعصابي ما حبيت أكسر بخاطرها بس لگمة وحدة ما أشتهي أحط بمعدتي والدنيا طالعة من عيني بس بيها شي يجبرك ما تكسر حچايتها حسيت شخصيتها حيل رزنة وجدية تجبر الإنسان يحترمها
26
أبتسمتلي بهدوء وهمست
-يوم جديد وحياة جديدة أركني كلشي صار وياچ بالماضي وأبدي من جديد.
9
-صعبة
-ماكو شي صعب بهاي الدنيا، هنا حياتچ الجديدة وشوية شوية راح تتأقلمين وياها وتگومين تحبينها وأنه هنا وياچ مثل ضلچ وأختچ الچبيرة أعتبرچ أخت ثانية الي وأحاميلچ بكل حيلي ولو توصل بيَّ أذيتي تصير منفعة الچ ما راح أتردد لحظة وحدة..
نزلت دمعتي واللگمة بحلگي بلعتها بصعوبة والغصة تارسة صدري بسرعة أجت عليَّ تسمح بدموعي وحضنتني بين أيديها مستغربة وتهمس
-يا بعد گلبي، ليش تبچين؟
22
-أول مرة بحياتي أسمع كلام حلو من شخص الي
-أن شاء الله بعد تسمعينه كل يوم مني لأن تستاهلينه
32
رفعت راسي من حضنها ومسحت وجهي مقهورة
-مشكورة، بس فجر أنه ما أريد أعيش هنا!
4
عگدت حاجبها بأستغراب وخوف
-ليش خية؟
-حُرّ ما شفتي شسوى وشلون حط السلاح براسي!
-ما يآذيچ والله لو يموت ما يمسچ
-خايفة منه هواي..
8
-ثقي بيَّ وإذا سوالچ شي لا أنه أخته ولا هوَّ أخوي رغم وحيدي وسندي بهاي الدنيا وما عندي غيرة بس إذا سوى بيچ شي لا أنه أختة ولا أريده، وصدگيني هوَّ ما يأذي حرمة كلشي سواه ويَـ عدنان وعاداهم كلهم لأجلچ لأن غيرته ورجولته ما تسمحله حرمة تتأذى گدام عينه وما يسوي شي.
30
دنگت راسي متحسرة وأحس نار مشتعلة بصدري من القهر والتعب باوعتلها بتردد
-وأهل البيت هذا؟
-ياهمَّ أهل البيت قصدچ أنه وحرّ!
-لا أقصد الموجودين غيركم
4
-البيت بيتنا هذا، بيت أخوي حرّ اليفك حلگة وياچ أطيح حظة وأنتِ لا تهتمين لواحد أهم شي تعرفين البيت بيتچ ومحد هنا مفضل عليچ بشي.
19
هِيَّ تسولف وأنه أهز براسي، أكلت قليل كلش وبعد ما رضيت أكل معدتي حيل تأذيني مسحت دموعي وباستني ورادت تگوم، أنتبهت الها هاي البنية حنينة وحبابة ومؤدبة أرتاحيت الها حيل وفرحت بوجودها بحياتي..
وقبل لا تروح حسيتها تريد تحچي بس مترددة
-أكو شي فجر؟
-وردة أنه من يوم طبتچ لهذا البيت أعتبرتچ أختي الصغيرة وعلى هذا المبدأ جاي أعاملچ أريد أفتهم منچ شغلة عدنان شنو سوالچ بالضبط؟
7
هزيت راسي وسولفلتها أنُ هوَّ ما گدر يعتدي عليَّ لأن طگيته وشلت عليه سچينه، بس حسيت روحي جاي تطلع وأنه أسولف الشهگة ما فارگتني وعيوني تجري دموع وگلبي معصور عصر..
2
نفتح الباب شوية شوية وطبت بنية تطلع تقريبًا بَـ عمري أول ما طبت عينها بعيني صفنت فترة بطريقة غريب عليَّ وأبتسمت أبتسامة مرعبة تباوعلي بعمق!
68
نظرات متروسة حقد همست بصوت ناصي
-صار سنين أنتظر هل لحظة وأجيتي برجليچ..
126
باوعتلها بأستغراب بس تلاشى وتبدلت ملامحي للصدمة فكيت عيوني من رفعت سچينه بأيدها وأجت تركض عليَّ صرخت بكل علو صوتي مرعوبة وحطيت أيديه على وجهي غطيت عيوني..
27
-فجر: وگفت كلارة تباوع بخوف على وردة نزلت السچينة من أيدها وهمست بتردد
كلارة: جاي أشاقة وياچ لا تخافين والله انه حبابة!
17
فكيت عيني خازرتها بسرعة دنگت
-كلارة شنو هاي التصرفات؟ شوكت تكبرين وكت شقة هسة شايفة الوضع مناسب لشقاچ السخيف!!!
16
-والله العظيم حبيت الطف الها جو گلت ضايجة ومقهورة أشاقة وياها بلكي أغير نفسيتها شوية ما عبالي راح تخاف..
95
بين عركتنا وأنه جاي أرزل بيها نفتح الباب وطبو حرّ وجسام مستعجلين وخايفين و ولدنا البقية كلهم واگفين بالباب، حرّ باوع لوردة عاگد حاجبة
5
-شمالچ ليش تصرخي؟
-الخانم كلارة حبت تلطف وياها جو وتصير خفيفة دم وتشاقت وياها بالسچينة..
17
فك عينة مصدوم وهِيَّ خنست وشمرت السچينة
-والله جاي تتبلى عليَّ لا تصدگها خوية!
42
تقرب لزمها من أذنها مدنگ عليها
-چم مرة أنه ناهيچ من سوالف الزعاطيط شوكت تكبري يجاهل!
-ما أعيدها والله
وردة تبچي وجسام صفن على كلارة وفر أيده
-والله بيها خويط كلارة
-وروح أمي ردت أضحكها والله حبيت أشاقيها
41
جراها حرّ من طرف ثوبها من رگبتها ومشى للباب وهِيَّ تصيح
-والعباس أشاقة وياها حرّ عوفني حباب لا تكتلني الله عليك لا تكتلني خايبة فجر شمالچ أنه أختچ ساعديني!!
55
فجر: طبچ مرض خل يأدبچ، أيدك الك ربيها..
7
كلارة: أنتِ مو أخت أنتِ أنتقام، جسام عليك الله لا تخلي يكتلني والله أيده چنها طابوگة أنتَ حباب تعال وخره عني!
30
جسام: بعد أيدي، بيك وما كتلتها خليها سنة لگدام ما تضحك
37
فكت عينها مصدومة وحرّ أخذها وطلع وراح وراه جسام يحچي عليها كلارة تحب تتشاقة وتسولف وتحشش ما تاخذ أي شي بجدية وبعدها صغيرة ما مستوعبة أغلب الأشياء تحب تسولف وتتشاقة هواي طاحت وذرة من لساني وأنه أعلم بيها بس عقلها هيچ وما تتغير شخصيتها فرفوشة وعامة عليها..
26
صفنت وردة بخوف وقلق
-ليش خليتيه ياخذها ما تسمعينها تگلچ راح يكتلني!
2
باوعتلها بحيرة بعده عقلها قافل حرّ شخص مو زين وعبالها راح يكتل كلارة من صدگ، أبتسمت وهمست بهدوء
-لا تخافين ما يكتلها هاي أختنا الصغيرة، وردة لا تخافين من حرّ ترى هوَّ مو لهاي الدرجة مو زين!
7
سكتت وصفنت على الگاع ساكتة تبلع بريگها أدري مستحيل راح يروح المنظر من راسها خصوصًا حرّ حيل عصبي وأسلوبة يخوف أخذت صينية الريوگ وطلعت من يمها وأسمع كلارة تتوسل بحرّ يعوفها وأجت وراي للمطبخ تحچي عليَّ التفتت خزرتها
1
-شلون تسوين هيچ؟ ذرة عقل ما بقت براسي
-أشاقيها شمالكم نفسية
-وكت شقة هسة
-چا شلون نضل الدهر كلة محزنين حبيت أدخل السرور لگلوبكم..
وهسة شتسفاديتي
-ما أستفاديت غير تصفگت راجديات
-كتلچ؟
-لا بس چم راجدي يكلي خفيف غير أصابعة طبعن بوجهي
28
ضحكت وهِيَّ تحچي عليه وتتذمر فرت أيدها
-والله لو أكضة، خاف عبالة يخوفني غير أنه أموتة بس هيچ مغلسة عليه بمزاجي..
96
باوعت وراها بصدمة وخوف وجها ضل ينطي ألوان والتفتت لگتة واگف باب المطبخ يدخن ويسمع سوالفها ضحكت بخوف وهمست
-وعلي جاي أچذب عليها، أنه چذابة والله أكبر چذابة
132
-كلارة: طلعت من الغرفة عيني تدور بالمكان ماكو واحد هنا كلهم بغرفهم الدنيا ظهر وكلهم منطمرين، أشگد الحياة حلوة بدونهم بس شنسوي للعادات الغريبة مالتنا، أحنى عايشين كلنا بيت واحد عمامي وكُل بيت خاتون بنفس البيت وعائلة چبيرة وكلهم يلعبون الروح بس أنه وأخواني مؤدبين..
123
الشمس طابة للبيت وأشعتها تخبل تنفست بعمق مبتسمة لأن بيتنا دائمًا هوسة ومابي راحة بس ما تدوم أكيد
التفتت على صوت بلقيس مرت صمد واگفة بصف غرفتها
-تعاي هاچ أخذي هاي المعاملة وديها اله
2
رفعت حاجبي ونترت
-چا رجليچ شبيهن؟ ما تودينها أنتِ
18
أبتسمت أبتسامة تنگط خباثة وهمست
-أنتِ وأختچ خدم جوة رجلينا، عليمن متعبة روحي!
46
جريت نفس أهدي روحي وأول مرة ما أسوي مشكلة وأكبر عقلي لأن فجر مية مرة حذرتني ما أفتعل مشكلة أو أرد على أي واحد لأن حرّ هل فترة متسودن وأحنى نزيدها فوگاه بمشاكلنا ما يصير نخاف نفقده..
10
جريتها من أيدها مبتسمة وهزيت راسي
-أن شاء الله خير بلقيس..
3
ضحكت تستهزأ وأشرتلي فوگ أخذت المعاملة وصعدت لفوگ وأغلط عليه وعلى المعاملة وعلى بلقيس وعلى البيت كلة وگفت أباوع وأدور غرفتة بعيوني لمحت الغرفة مفتوحة وهوَّ ماكو بيها تقربت أكثر وأنتبهت لنرگيلة بصف چربايته جمرتها هافتة ونفسي دنت عليها ضليت أرزل بروحي وحطيت المعاملة على الميز وردت أطلع من الغرفة
33
باوعت للنرگيلة بطرف عيني واگفة بالباب ومترددة صار أشگد بنفسي أجرب لنرگيلة دوم أشوفه يدخنها وأفكر شنو طعمها عندي فضول أجربها طلعت راسي من الباب الطابق الثاني چبير وهوَّ ماله آثر بالمكان كلة تقربت للنرگيلة گعدت على طرف الچرباية وقررت أخذ منها نفس واحد وأطلع بسرعة بس أجربها..
مسحت القامچي بطرف ثوبي حيل، وأخذت منها نفس وزفرتة وبنفس اللحظة سمعت صوت صورة التقطت شهگت وشمرتها من أيدي من شفتة واگف گدامي وأخذلي صورة وأنه أنرگل
40
گمت من مكاني مرتبكة وهمست بخوف
-ضيغم!
95
ضحك حيل وهز راسه
-ها
-أخذتلي صورة؟
-لا
-أخذتتتتت! سمعتك أنه
11
حط تلفونه بجيبه وتقرب حط الفحمات على النرگيلة مجمرات
-أي، علمود مرة ثانية إذا تستهترين عليَّ أشوفچ لأخوچ
8
-أيا نذل أيا چلب ولك تصورنييي!!
-چا هم يالة أحمي روحي منچ مستهترة أنتِ ما تنگدرين..
27
همست بغصة والخوف كاتلني، إذا وصلت الصورة الحرّ يشنقني مسحت وجهي ونترت
-ما تستحي أنتَ!! بلة گلي أنتَ عدك خجل لو لا؟
6
-لا ما عدي ياهوَّ گالچ أنه أستحي!
-كل أخلاق ما عدك
-أي والله
22
يحچي ومبتسم مديت أيدي وحچيت بنفاذ صبر
-أنطيني
-أبد والله هذا تهديد عمرچ كلة ما تخلصين منه
-أنطيني التلفون لا أكسره براسك
-تسرسحي منا لچ..
-ضيغم بلا سوالف الجهال هاي! أنطيني التلفون گتلك!
11
ما رد عليَّ جر القامچي يدخن نرگيلة ومبتسم نزلت دمعتي بخوف وتوتر بسرعة مسحتها وعصرت أيديه
-أشگد حقير، ترى أنه ما أدخنها بس ردت أجربها!
8
-نفسچ دنية
-مالك غرض، أمسحها وأسكت عني
-خايبة دروحي روحي لا أشوفها لحــرّ..
14
يحچي برود مستفز وفرحان على حرگان دمي شلون أنه چنت أكرهه هسة كرهي صار اله أضعاف سبيتة وغلطت عليه بگلبي وطلعت من الغرفة ومتحلفة بس أخلي ينسى أغافلة وتلفونه كلة أكسرة وأسوي طحين ولو بيدي حتى راسه أكسره، أنتقام هذا..
20
رجعت للغرفة مترددة
-ضيغم لا تصير خبيث عيب عليك حاط صورتي بتلفونك
-مثلاً أريد أحطها خلفية أريد أهددچ بيها وهاي هِيَّ..
-ترى إذا أگول لحرّ ضيغم مصورني يموتك والله!
-وأنه أشوفه أنتِ تنرگلين..

ترى تلعب سبع أرواح أنتَ
-طالب رآيچ بشكلي؟
-حتى شخصيتك زبالة
-لا تضلين تچفصين
-أمسح الصورة لا أمسح بيك الگاع
40
گام من مكانة وگف ورفع أيده يأشر بنتر
-شني أنتِ مالچ رداد؟ وعلي أفصم ظهرچ
34
هزيت راسي ونترت
-خليها عدك سهلة أنه أعلمك..
1
فر أيده وضحك گعد وجر القامچي
-سدي الباب وراچ
التفتت على الباب جريته ورگعتة بالحايط وطلعت وأسمع صوت ضحكتة العالية تارسة الغرفة، گعدت على الدرج وضليت أبچي، أدري لو دره حرّ ما راح يرضى وراح يضوج ويطيح حظي وهذا ضيغم حقير ويحب يضوجني وعيد وجابة العباس راح يشيب راسي بهل صورة، عفتة وضليت أرزل بروحي لأن نفسي دنية ورحت جربتها..
15
وردة: طلعت من الغرفة والشال شامرتة على راسي خاف يلاگيني واحد، عيوني مطفية بس صار سنين أنه أجبر روحي أگعد وكت الفجر علمود الصلاة وإذا بالغلط فاتني فرض يعنصر گلبي عصر بين الصاحية والنايمة أمشي..
18
البيت چبير لأن لعائلة چبيرة كلش، بالليل يخرع لأن الهول وحدة شكبرة والأضوية خافتة حيل يطفون أغلبية الأضوية ويخلون أضوية خافتة وبس أنارة للمكان فركت عيني أتاكد الجاي أشوفة حلم لو حقيقة!
2
عيني على باب الهول مفتوح على كبرة ومبين الحوش أظلم وكلشي ما مبين من عنده بس خيال الغراض الموجودة داخلة مثل الشجرة اليابسة مايل لونها للسواد وبس هيئتها واضحة والهوى عالي حيل
2
بلعت ريگي من عيني صارت على چنگال المروحة الفارغ ومعلگ بي حبل ممتد من الچنگال لجوة بهيئة مريبة تحبس الأنفاس رجف گلبي وكزبر جلدي من شفتة يتلولح وبلأخير بي عقدة چبيرة للـ "شنق" يتلبس بالراس أعتلت أنفاسي بخوف وعيوني تمركزت على الحبل يروح ويرد بسبب الهوى والمكان أطلم وضواه خافت!!
56
جرت دمعتي على خدي، وگلبي نعصر والحبل بعده يتلولح وكأنما ينتظر اليشنقة أتلفتت بالمكان ومتأكدة من الشدة ياهو، بس ماكو بالمكان الچبير هنا غيري عصفت بيَّ ذاكرتي لذاك اليوم المشؤوم لذاك الحبل..
11
أسمع وراي صوت مهامس كلام ما گدرت أفهمة التفتت عاگدة حاجبي وشفت أغلبية أهل البيت موجودين هنا الكلام من واحد لواحد أنتشر وكلهم أتجمعو هنا مصدومين وصافنين على الحبل المعلگ بالهول!
4
وجه فجر مصوفر وعيونها مدمعة رافعة عيونها تباوعله
-ليش رجع تعلگ الحبل ليششش!
58
بلع ريگه صمد بخوف عبالك خايف يتعلگ هنا
-شعلگة بعد هاي السنين؟ خاف ناوي يشنق واحد ثاني؟
أحتقن وجهة جسام وزفر دخان الجگارة
-سدو السالفة، ماكو شي أن شاء الله
1
التفت عليه ضيغم عاگد حاجبة
-تغشم روحك جسام؟ لو ما تدري هذا الحبل شنو!
وائل أبن صمد يباوع بحقد مخلوط بخوف
-يبقى هذا المسودن يفتر علينا لمن يشنق واحد بينا..
27
كملو كلامهم عن الحبل وصاحب هذا الحبل المعروف، وماكو علامات على وجوه الكل غير الخوف والإغلبية متأكدين تهديد واضح وصريح من عنده وممكن يكون واحد بينا بيوم من الأيام نهاية بهذا الحبل..
12
-جسام: ظلمة ومكان چول وبذاك الصوب چدامي شط چبير وبس ضوة الگمر تمشيت لحد ما وصلت للشط ولچحت حرّ متمدد بطرف الشط وأيده جوه راسه مغمض عيونه وإذا أندار لوره يطيح بالشط وهوَّ مسترخي تقربت أكثر وأكثر لحد ما وصلت گدامه، الشط هذا چبير وسالفتة سالفة، وهدوء الليل ويَـ صوت جري الماي الواضح جريت حسره وگعدت على جهة چدامه..
60
طلعت باكيت من جيبي ورثت الجگارة
-حرّ أدريك مو نايم أگعد أحاچيك
1
ما رد عليَّ ولا تحرك، وبعده مغمض عيونه اليشوفه يگول هذا وين بسابع نومن بس أنه الوحيد الأدري يجي هنا علمود يرتاح مو علمود ينام صفنت عليه
1
-حرّ أنتَ تدري كلش زين المچان هذا شني؟ المن جاي!
-شلك غرض؟ يلة ولي لا تضل تلحگني
-مو أنه غريب شلي غرض، دفتح عينك لا أزرگك بدفرة أوصل الماي المعدتك
-وين أطي وجهي وأشرد منكم وين؟ ولي من خلقتي..
23
جريته من هدومه، گدامه أسوي روحي لأن أريد أتعارك وياه بس بيني وبين روحي خايف عليه لا يطيح ويصيرله قدر لا سامح الله وأفگده وأنه ما كيفت تلاگينه بعد سنين دفع أيدي من هدومه متسودن
12
-لا تكضني لا تكضني لا أنعل أبوك
-الشط هذا الأگشر ليش تجي يمه؟
-علمود أخلص من شكولاتكم الزفرة
-تدري بي شط مو راحه المن جايله!
-ذابلك رقم، متحرش بيك؟
نعلى على غيرتك ولك تدري زين شني قصدي بس تتعمد تستهزأ وتستفزني، الشط هذا متروس طلايب وياهو يريد يگتل واحد يجي لهنا واليتعاركون يجون لهنا لأن ماكو شرطة ولا نعل چول الوادم تذبح وتكتل محد يدري هذا الشط بلة چم جريمة سجل؟ ليش ما تتوب أبني مو والله شلعت گلبي!!
38
گام من مچانه ينكث بهدومه من التراب ودفرني بخاصرتي
-أنعل أبوك لأبو حتى أبنك
30
ضحكت كاض صفحتي أتلوى
-أبوك زلمة خير ما أگدر أغلط عليه
2
نكث أيديه ثنينهن من التراب
-ضل مثل الچلب تتلوى بالگاع بلكت يجي واحد يچتلك..
2
مسح خشمه بطرف أصبعه وعدل شعره المتخربط وجر حسره طويله يباوع للماي اليجري گلت بوجع
-ينطيك گلبك أنكتل
-يطيني
-ما أصدگ
-ضل لا تصدگ
-وعلي ولا أصدگ
-لا تصدگ لمن أنه الأچتلك
59
ضحكت وتدنيت گعدت گدام الشط أدخن
-أحاچيك بس بدون سوادين؟
-لا تحچي
-ليش
-مبينه سالفتك خايسه مادام هاي المقدمه
-لا بس أدريك على كلشي تتسودن
-أي أتسودن أنلصم وأسكت
-خليني أكل خرا
-يلة أكل
34
-چا أشگد سگط ولك أنتَ
-أحب من تغلط على روحك أفرح
-هذا شماله!
37
رفعت راسي أباوعله وهوَّ بعده وأگف يباوع للماي ويدخن وحسرته تشرح همومه المچودره بگلبه أشرتله بمچان بصفي
-تعال هنا يمي نسولف
-لا تصير صاحبي سولف وأكل خرا يلة
34
يسولف وگعد بصفي لحظات محد بينا يسولف هدوء وسكتة، جريت حجاره صغيره من الگاع بصفي وشمرتها بالماي وبدون ما التفت گلت
الله فرج عنك، وطلعت من السجن بمعجزه مو كلمن ينحكم هيچ سنين يطلع، عمر هذا وأنتَ عدك حلال ومال وبيوت قصور وگيعان وبساتين وأنتَ أغنى واحد بديرتنا بعد شتريد ليش تريد ترد لهاي السوالف؟
29
باوعلي بطرف عينه مخنوگ
-ديلة نچب كافي نچب..
49
ربتت على چتفه بعتب وجريت حسره
-أدريك تنقهر، بس لازم تتقبل الواقع.
1
جر حسره وفرك وجهه بقهر يجر النفس بصعوبه وتعب ضلينا ساكتين فتره لا هوَّ يحچي ولا أنه، وكل واحد يفكر بصوب التفتت عليه
1
-تدري هذا المچان يجونا طايحين الحظ، وينه اليريد يچتل وينه اليريد يتعارك أنتَ شتسوي هنا؟
التفت عليَّ وزمخ بنفاذ صبر
-وأنه شنهي شيخ؟؟
12
-حرّ!
-أنه كلي خلگ واحد مسودن خريج سجون، هتلي وسگط شنهي أنه وتريد تصلحني تحچي صدگ تشاقه؟ روح جسام روح أنه مو أفتك من الوادم تجيني أنتَ..
34
-وليش أنتَ شني مو بشر؟ مو كلشي تحچي الوادم صحيح، همَّ ما يعرفونك ويلزگون براسك تهايم أنتَ شمالك ما تعرف روحك؟ ما تفكر بأخواتك؟ ولك والحسين يهدن الحيل مكيفات بيك وفجر طاير گلبها وراك تضل الليل كلة متانيتك بالحوش وما تغفى عينها لحد ما أنتَ تجي..
23
كلارة: چنا متجمعين بالهول حرّ هسة أجة من الشغل وگاعد تعبان فجر حطت الغدة گدامة وصلاحية لبن متروسة ثلج ونعناع وملح ولامندوزي وكلها حموضة وملوحة وباردة هاي نقطة ضعف حرّ لازم يومية يشرب لبن وبهيچ وصفة..
60
ضحك من شافها ما ناسيتها ولا ناسية أضافة وحدة بيها والبقية كلهم گاعدين يسولفون ويشربون چاي لأن قبل شوية خلصنا غدة الولد گاعدين يم حرّ ضيغم وجسام يلعبون دومنة وقادر وفقار يسولفون عن الشغل
حرّ نزل الصلاحية من أيده يباوع لضيغم وجسام
-خل أخلص غده أسوي طشاركم ماله والي..
14
ضحك ضيغم حيل
-ولا تغلبني محد يگدرلي بالدومنة أنه
1
جسام حط آخر قطعة بأيده وصرخ
-دنچبببب قشمرررر
25
بهت وجه ضيغم بفشله والولد ضحكو شامتين بي نتر
-ترى هذا غشاش لا يضحك عليكم!
9
طگاه جسام وتعاركو، وردة غايبة ومالها آثر باقية بالغرفة تخاف من التجمعات لأن يضوجونها حيل خباث عليها..
1
كمل غداه حرّ وراح يغسل ضيغم مدلي التلفون
-بلا آمر عليچ الشاحنة وراچ أشحنيه
5
أجيت أخذه منه مكيفه والگاع ما شايلتني، همست
-خوش
1
بسرعة جراه من أيدي
-لا لا مشكورة بي شحن..
32
خزرته حيل وشبعته غلط بگلبي تذكر الصوره أكيد ويدري أسوي شي بالتلفون حطاه بجيبه وراح گعد يم جسام مبتسم ويباوعلي بطرف عينه يا بويه أشگد كرهته أكسره لو يضل يوم بعمري أكسره وأكسر راسه لهل سربوت المستهتر..
17
رجع حرّ ينشف بأيديه من الماي وگاطع يگول
-اليوم رياض سولفلي خطية عدنان صار معاق
77
التفت عليه حرّ عاگد حاجبه، وصمد صفن عليه
-أرتاحيت ولك هسة من عوقت الولد؟
4
تقرب گعد بهدوء على غير العاده
-عوافي، يستاهل الخسيس
8
گاطع متنرفز ما أدري ليش نتر
-چا همَّ گالوها هيچ؟ أفتهمنا غلطان وطگه وصوبه بس مو هيچ أنتَ متقصد تعوقه وتخلي على كرسي!
2
ضحك حرّ وهز راسه
-أي أنه متقصد، ما صوبته بگلبه ولا حطيت الطلقه براسه لأن ما أريده يموت متقصد..
3
عگد حاجبه قادر يخوط بالچاي مالته
-ليش؟
فجر قدمت چاي لحرّ أخذه منها بأبتسامه
-الموت راحة، أنه أريده يتعلعل يشوف الموت ألف مرة باليوم وما يموت يگعد على كرسي طول عمره يضل ذليل للرايح والجاي يضل يتوسل علمود واحد ينطي حاجة لا يعرس ولا يعيش يضل بس يتحسر، مثل ما راد يحرمها حياتها ويدفنها بفعلته وهِيَّ عايشة دارت الدنيا بيَّ وهوَّ النحرم من كلشي..
أبتسم جسام وگاطع وصمد ضايجين من تصرفه وما راضين على السواه ضحك ضيغم يكسر الجو المشحون
-بعد أيدي، خليه هيچ معلگ لا هوَّ للسما ولا هوَّ للگاع..
13
قادر: ولك ضيغم أنتَ بَـ بيت رياض أنطيت الشحاطة لوردة علمود تطگ عدنان لو غيرك؟
84
ضيغم: أي أنه، ردتها ترگع شاربه بالقندرة
76
گاطع: ليش شمسويلك وضايج منه؟
3
جسام: بويه ليش تدافعله؟ أحنى ولدك مو هيچ واگفلنا أنتَ وعمي صمد شادين حيلكم تدافعون للخيسه!
صمد: أبوك مكسور خاطره ما يريد أولاد العم يتخاربون
جسام: عمت عيني صلة الرحم عنده أهم شي أبوي مو؟
2
گاطع: تضل زمال وحليبك نگس ما طالع على أبوك
10
جسام: الحمدلله ما طلعت عليك..
29
قادر: كافي سدو السالفة، أي بلة ضيغم سولفلنا ليش بهيچ وكت ردتها ترگع شاربه بالقندرة!
4
ضيغم: ولك أكرهه أموت منه ريته بالحمس، مسوي روحه متدين علينا بحيث إذا تتنفس يمه يگلك أعوذ بالله ليش تتنفس ولك ما يجوز لازم تتنفس قليل، أي شي تسويه بالحياة لو بس مجرد تضحك يطلعلك حديث نبوي وآية قرآنية وهن چذب من عنده بس عود شوفوني متدين، وهوَّ شفتو أخلاقة شني مال سكاره وطايحين حظ شجابه على الدين!
61
فقار: حيوان مسوي روحه متدين علمود يبعد الشبهات عنه..

ضلو يسولفون على عدنان وحرّ ساكت بين العركه والضحكه والسوالف مشى الوقت، بس صفنت على عقلية حرّ أول مرة أنتبه اله هيچ بتركيز حيل ذكي ما أدري عقلة يخوف شلون يخلي معلعل لا ميت ولا عايش سلب منه حياته الراد يسلبها من وردة..
5
غيرو الموضوع ولعبو هوَّ وضيغم بلشو لعب نتر حرّ
-قندرة لا تغش لا بالنعال
5
رفعله عينه من الصايات وگال برائه
-والله ما غاش!
1
-لا تچذب ولك سرسري
-ياخي لا تغلط هسه ما غاش شمالك لسانك والغلطه!
-وشني تستنكف قشمر
8
ضحكو الولد وضيغم طنگر جسام طگاه على رگبته من وره
-فنك تفك حلگك وياه يفركه بالنعال، أمداك گدرتك عليَّ..
4
حط صاي ونتر بعصبيه
-إذا ما غلبتك أنه مو أبن أمي
-لا أبني، دنچب يعني إذا مو أبن أمك چا أبن جدي!
-هذا شماله متحمل عليَّ!!
-سوالفك تمسلت
-رحم الله والديك شريد أگلك
14
بلشو يلعبون وأنه والبنات نسولف حرّ يلعب ويَـ ضيغم مطنگر وضايج والتفگة بصفه ما يفارگها أكيد، يدخن ويلعب عاگد حاجبه لحد ما حط آخر صاي ضيغم وضحك بأنتصار يباوعله فك عينه وزمخ
-أيا ناقص مو گتلك لا تغش أبن القندرة!!!
14
-ما غشييييت
-خايب غير اليوم أبوك أسمطه تغش وياي؟
22
ضيغم عاف الصيات وطلع يركض من الهول لأن حرّ جر التفگة وسحب قسام وراح وراه يريد يكتله، الولد ماتو من الضحك لأن ضيغم تورط ويَـ حرّ
41
قادر مسح وجهه ميت ضحك
-شماله تورط وياه شني ما رايد روحه
جسام يباوعلهم يريد يشوفهم وين وصلو وگال
-خايبين أنه ليش ما ألعب وياه؟ يحس روحه بحرب وإذا فزت عليه بشي يتسودن عليك خل ياكلها ضيغم..
16
-وردة: مخنوگة حيل عيني جفاها النوم طلعت من الغرفة مترددة بس والله الغرفة جاي تضيگ عليَّ والسگف يخنگني ما أدري وين أريد أروح بس أريد أحس بشعور الراحة..
8
رحت للحديقة گعدت على جهة ونزلن دموعي ضليت أبچي لحد ما حسيت راسي راح ينفجر ودموعي نشفن شعور مو حلو من تحس روحك ضايع بهاي الدنيا الچبيرة أشگد بيها ناس بس محد حبك ولا واحد يريدك طول عمري محسسيني عالة وما مريودة وكلها نابذتني دوم أصفن معقولة أنه لهاي الدرجة ما أنحب لدرجة محد بحياتي حبني؟
37
أنا بعمر الورد بس ورود ذبلانة
أنا بروحي غصن ذبلان وتگلي الناس حليانه..
37
تضل الاسئلة تدور بعقلي وما الهن جواب، التفتت على باب الهول ينفتح بهدوء مسحت دموعي بسرعة وردت أگوم أرد للغرفة لأن خفت يشوفني واحد بس جمدت بمكاني من شفتة حُرّ طلع بوكت متأخر!
ردت أفوت لجوه بس أول ما أجيت أطب سمعته يگول
-تعاي
+
التفتت عليه أفرك بأيدية دموعي تارسة عيوني مسحتهن ورفعت عيني أباوعلة بأستغراب
-ها؟
1
عگد حاجبه جگارته بأيده يدخن مضيگ عيونه
-شعدچ بهل وكت هنا شنهي شتسوي؟
2
-ما أسوي شي ما جايني نوم
-واحد محاچيچ؟
-لا
-عيونچ حمر حيل باچية؟
-لا وين، ما باچية..
-عيونچ مو للبچي يلوگلهن الفرح.
111
-لا محد وحدي والله
-متأكدة!
-أي والله هيچ مخنوگة وبچيت وحدي..
عيوني حمر دم باچية هواي وگلبي ممرود رفعت عيني اله صافن بوجهي وتحديدًا على عيوني أستغربت نظرته العميقه بعيني مركز حيل بلعت ريگ بتوتر أول مرة أشوفه هيچ مركز بعيني!
18
دنگت وسمعت بحة صوته وهوَّ يگلي
-ليش دنگتي؟
13
رفعت عيني لعينه وضعت بعيونه ونظراته أريد أفسر نظرته، أبتسم
-أول مرة أتنوع لعينچ عدل
وشنو المخليك تستغرب هسة؟
-عيونچ غريبة، بيهن ميزة رهيبة!
-شنيه ميزتهن ما فهمت، عيون حالهن حال الوادم!
-لا غلطانة..
45
أبتسمت بأستغراب أباوعله بحيرة، جر نفس طويل من الجگارة وبعدها نفس صفنته بعيوني
-عيونچ عيون الريم، عيون الغزلان..
166
عگدت حاجبي بأستغراب أول مرة أسمع هاي الجمله
-شلون يعني؟ أول مرة أسمع هيچ
1
-عيون الريم، عيون الغزالة مميزات ومالهن مثيل فتنة للنظر وما يتقاومن محد يصد ليهن ويشح عينه منهن وعيونچ أنتِ عيون الغزالة..
52
رفعت حواجبي وبعدني مبحلگة بوجهه
-هلگد عيوني مميزة؟ لو أنتَ تضحك عليَّ!!
2
ضحك حيل وهز راسه
-لچ ملعونة مچذب عليچ من گبل؟
46
هزيت راسي وهمست
-لا، بس شو أول مرة أسمع هيچ أستغربت كلش
-متعينهم ما مقدرين هل نعمة
-چا چانو يعيبون على عيوني يگلولي عيونچ كبار!
-أكو أحلى من العيون الوسيعة؟
-مدري
64
-ماكو أحلى منهن..
24
حاولت أخفي أبتسامتي، بس هوَّ أول شخص بحياتي يمدح عيوني چنت أضوج منهن لأن الوادم يعيبون عليهن كبار وماخذات نص وجهچ وشدعوة عيونچ هلگد وسيعة بس هوَّ غير نظرتي عنهن أكو مراية قريبة من عدنا رحت عليها أباوع لعيوني
8
صفنت عليهن بتمعن صدگ حلوات، ليش چا چانو يعيبون عليهن التفتت عليه أضحك
-چانو يغارون منهن چي حلوات
37
أبتسم أبتسامه جانبيه وهز راسه، صفنت بحچايته "غزالة" الغزالة ما تنگال لياهي الچان بس للحلوة طوخ، ضحكت وطبيت لجوة وضل يتردد على ذهني أسم غزالة من حُرّ وكل ما تصد عيني للمراية أصفن بعيوني وأبتسم معقولة صدگ مميزات مثل عيون الغزلان؟
68
فزيت من نومي مخروعة وگلبي أحسة يريد يطلع على صوت رمي كلش قوي بحيث زرف طبلة آذني تلفتت بذعر وخوف وجسمي يرجف ما لگيت بالغرفة واحد وحدي باقية والرمي ما وگف والغرفة ظلمة حطيت أيديه على أذني وصرخت بخوف من تكسر جام الغرفة من الرمي والطلق ظل يتطاير فوگ راسي
