رواية اللعنة التي لم ترتكب الفصل الرابع 4 بقلم نور آل عبدالله
اللّعنة الرابعه... أو ما يُسمّىٰ البــارت الرابع.!
ها قد وصلنا الىِ الرُبع الرابع مِن الخيط،اللعنة قد أبتدأت تنكشف... فهل أنتم مستعدّون لما هو قادم.؟ "
.
+
.
احذروا.... فـاللعنه لا تُكشف دون ثمن "التصويت+مُتابعه الحساب+التعليق بين الفقرات."
+
.
..................*
+
زهرة...
+
:-ولجج زهره حرگني حرگ اتخيلي يگلي اختك هم حلوه وتفيد وهوَ عود صاحبيي وانه حتى مستحي اگله اريد اتقدم الاختك
+
:-يبعد عمري لا تضيج خلگگ علمود هيج شي خيولي قابل شني يگدر يسوي
+
:-حتى لو بس مو يحجي بـعرضي ولج زهره وحق علي گلبي نار واجه بي
+
:-مو مستاهله وداعتك
+
:-اشش اسكتي زهرة اسكتي ما شايفه النار الي بـ گلبي
+
-سكتت عنه من شفت حالته وگعت دمعته بـ قهر عرفت مو سهله علي صاحبه يتغزل بـ أخته كملنا گمت أنه للغرفه
وهوَ راح الغرفته نظام بيتنا هيج الولد كل واحد غرفته خاف واحد منهم يقرر يتزوج والبنات النه غرفتين مقسمين عليها
+
گعدت ثاني يوم الصبح اول ما طلعت شفت امي ونسوان عمامي گاعد يحظرن بالريوگ گالت امي روحي گعدي البنات
رحت گعدتهم ورجعت اول ما دخلت المطبخ گالت امي
+
:-تعرفين ويا ياهو اتعارك حسين وليش
+
:- اتعارك ويا ابن الشيخ عگاب بس ليش ما اعرف
+
:-انتِ ماتعرفين ولج ليش هوَ من يمته يضم عليج
+
:-يمهه شبيج ماگلي والله
+
:-لا تحلفين جذب لا بارك الله بيج
+
:-يااا هاي شبيج وياي
+
طگتني على ضهري زگالت:-جا هاي اخر تربيتي بيج تحلفين جذب بس حتى ماتسولفيلي
+
:-يمه عليج علي ليش حتى اجذب عليج بس ماصرتلي ويا شوفه حتى يسولفلي
+
:-عود خوش
+
-عرفت امي زعلت بس شسوي اعرف بي ما راح يقبل اگول گعدنا نتريگ والهدوء مسيطر على السفره اخر شي
كسر هذا الهدوء صوت استكان الچاي وهوَ يحطه جدي على الطبگ وگال
+
:-اي حسين
+
حسين:-گول جدي
+
جدي:-شني الي متعاركين علموده انتَ وابن الشيخ عگاب
+
حسين:-هيج شيخ،بسيطه
+
جاسم:-يا بسيطه وانتَ خرب معاني وجهه
+
حسين:-الي يجي من ايده الله يزيده
+
جاسم:-بس مو هيج الحچي
+
جدي:-اسمع ولك حسين بالليل اخذك ونروح للشيخ عگاب نعتذر من عنده
+
حسين:-جدي اخذ احفادك وروح انه ما اروح
+
ابوي:-وشني تستنكف ما تروحلهم
+
حسين:-والله الغلط هو راكبه من ساسه الراسه انا ما غلطان واعتذر
+
جدي:-انتَ روح وياي وانه الي اخلي يعتذر منك
+
گام وگف حسين وگال:-جدي لا تحاول تقنعني گاع الشيخ عگاب بعد ما اعتبها
+
صاح بي جدي:- احترم واوزن كلامك وفكر عدل بـ الي تريد تحجي ولا تنتر
+
حسين:- ما ناتر انه جدي ومفكر بـ كلامي حتى الحجي الي حجيته وياك گبل كم يوم طلعه من بالك
+
جدي:-يعني هسه تقنعني هذا الموضوع بعد ما تفتحه
+
جاوبه حسين يأكد كلامه:-انا وانت والايام ونشوف
+
-الكل بقى منتظرين جدي بس هو بقى ساكت هز راس حسين وطلع صفگ جدي بـ ايديه دلالة على نفاذ صبره
خلصنا بدينه انه ورغد بنت عمي ننگل بـ الاكل للمطبخ حتى نغسل اماعين بلشنا انه وياها والبنات بلشن يعزلن البيت
چان تحجي رغد بـفضول
+
:-تعرفين شنو راح اموت واعرف ليش صارت العركه
+
:-يا عركه قصديها
+
:-شبيج يمعوده عركه حسين وسجاد
+
:-انه اگول هالمره تبطلين فضولج وما تدخلين بـ شي ما يخصج
+
:-وليش حتى ما يخصني
+
:-لان هو من صدگ ما يخصج
+
:-شبيج تعرفين بيه فضوليه
+
:-بطلي هذا فضولج رحمه لله ما ناقصنا مشاكل
+
:-يعني هسه انا صرت مصيبه
+
:-گلت مشكله مو مصيبه وسدي حلگج وخلي نكمل شغل
+
-سكتت هيَ وأنه اتذكرت اخر مره اشتغل فضولها شنو صار،چنه گاعدين أنه وياها والبنات امهاتنا راحن يوجبن جيرانه ابنها عرس
والزلم طالعين چان تگول رغد
+
:-بنات تذكرن قبل فتره سالفه جدي وابوي
+
بثينه:-شبيها
+
رغد:-لج شنو شبيها غير لازم نعرف شنو السبب الرئيسي الي خله العركه تصير
+
غسق:-عليچ العباس بس عوفي المشاكل تولي
+
رغد:-اهووو ترى هاي مو حاله كل ما احچي وگلتن مشاكل
+
بثينه:-لان هيَ هاي الحقيقه
+
رغد:-معليه بيجن المهم شوفن بليل جدي يريد يحجي ويا ابوي وحدهم فـ نتصنت عليهم
+
زهرة:-شنو هذا الحچي رغد غير إذا لزمنا واحد يصير كتلنا عمل شعبي
+
رغد:- مايصير شي معليجن
+
-صدگ لليل اترخصنا منهم حتى نطلع للبستان بس گالوا لا ترحن بعيد چان عندي امل ما يوافقون بس وافقوا غريب
من يمته يقبلون نطلع بليل لا وهمه لهسه ما نايمين غلست وطلعنا شفنا جدي وعمي بـ المضيف بلشت اسمع حجيهم
+
جدي:-هذا هو إذا يعجبك من بأچر اشوفلك بيت واطلع
+
عمي:-بويه خوما تكدر خاطرك مني ترى وعلي افركش كلشي
+
جدي:-لا يبوي عليمن تفركش بعد انتَ حتى صارلك چم يوم ماتحجي وياي
+
عمي:-بويه اريد افتك من نگ المره كرهتني بـ عيشتي وعلي
+
جدي:-حقك يبوي
+
گام حظنه عمي وحچه:-الله لا يحرمنا منك،وهم بويه ما اريد هسه اطلع خلي هاي المده
+
-منظرهم حلو وهمه واحد شابگ الثاني صاحت رغد
+
:-اروحن فدوه الهاي المناظر
+
:-شچايييي تسون ولچن
+
-گمزنا اربعتنا وانه وجهي صار احمر من شفت الي گدامي قاسم ماكو مجال اكيد راح يصيح جدي ما اشوف الا جدي
طلع على صوت قاسم العالي گال وهوَ يباوع آلنه
+
:-خير شكوو
+
قاسم:-جدي اجيت احچي وياكم وشفت ذني الزوج يتصنتن عليكم
+
رغد:-چذاب جدي قابل انتَ ماتعرف اخوي.؟
+
جدي:-ومن كون هوَ چذاب انتن شتسون يم المضيف
+
-سكتنا وصار هدوء تام دخلنا للمضيف وطاحلنا رزايل منا لمن مل، فزيت من صفنتي على بثينه وهيَ تگول
+
:-هيي وين صافنه
+
زهرة:-هاي رغد تريد ترجع تطيحنا بـ مشكله لا والانگس ويا حسين
+
بثينه:-إنلاصت،اكيد تريد تعرف سبب العركه
+
غسق وهيَ تدخل للمطبخ:-اكيد اكو غير سالفه صابره
+
زهرة:-باوعن خلي هاي المره نبتعد عنها تريد خلي تعرف السبب وحدها
+
بثينه:-اتفق ويا زهرة وإذا ردنا نعرف كلش عود هيَ زهرة تسولفلنا
+
زهرة:-ها شسولف
+
غسق:-ابوي،ترى كلنا نعرف حسين مايضم عليج
+
زهرة:-مو هالمرة
+
-سدن الموضوع من عرفت ما اريد احچي بي ما ادري ليش هيج كلها تسئلني بس اتوقع لأن مثل ما گالوا متعلمين
ما يضم شي عليه مر اليوم بدون حدث لليل كملت المطبخ انه عادتي ابقى بـ المطبخ ورا ما اكمل تنضيف عبرت
+
من يم غرفة حسين اشوف گدامه مجموعة اوراق وشكلهم مبين قديم انصدمت من شفت دمعه من عنده طاحت على
الورقه.!! اخوي يبجي من منو هاي الاوراق حتى هيج متأثر طلعت من صدمتي من شفته لزم قلم حبر اسود
وبلش يكتب إلى أن شويه وگف عن الكتابه وبلش يحجي الحجي الي صدمني
+
.....................*
+
زينب...
+
-طلعت اريد اشوف شنو شفت امي گاعده تلگط خضره وسجاد گدامها والواضح چان يسولفلها على عركة امس.!!
اول ماشفتني نكثت الخضره من أيدها وگالت
+
:-عاجبجج هيجج ها.؟ عاجبج سمعتنا راح تصير على كل اللسان من وراج
+
:-شعليه انه يمه إذا ناسيه فـ ابنج هوَ الي راح اتعارك رغم أنه سئلني وگلتله ماكو شي بس يستاهل
ما دام ما يصدگ بيه حيل بي
+
:-اسكتي ام المصايب هوَ من ورى ياهو راح اتعارك مو من جوا راسج
+
-بقت تحجي وأنه ساكته امي هذا طبعها سمعتها اهم شي رغم تحبنه بس حبها للسمعه وصورتها بين الناس اهم من عدنا كلنا
شويه وسمعنا صوت هوسه قريبه على البيت طلع سجاد حكم بس هوَ موجود بـ البيت اخواني طلعوا يشوفون البساتين
+
وعباس ويا ابوي عندهم گعده شويه ورجع سجاد گال
+
:-بيت شيخ كاظم اجه يمه راح اودي واحد من الزلم يصيح ابوي لأن هسه خلص وكت الگعده
+
-ردت علي امي من هزت راسها وهو طلع اباوع من الشباج شفت ابوي وعباس اجو بـ وجهم للمضيف شويه وطلعوا دخل ابوي
من الباب صاح بـ سجاد وهوَ وجهه احمر من العصبيه
+
:- وحگ علييي بعد إذا شفتكك دايس عتبت گاعهم هاي الله كتبها عليك،فشلتنييي الله اكبررر عليككك
+
-اشوف ابوي عصب لدرجة صار يرجف من العصبيه فجأه نزف خشمه دم ركضوله عباس وسجاد اول مره تصير هاي الحاله
عند ابوي راح سجاد شويه واجه عاط ادخلن جايب جيرانه مضمد طلع ضغطه صاعد انطاه علاج وگال ياكل شي حلو وطلع
+
طلعنا وراه والي عرفته من سجاد ابوي دائمًا يرتفع ضغطه ليش احنه مانعرف.؟مدري غلسنا ابوي دخل للغرفه يرتاح
واحنه بقه عباس يسولفلنا
+
:- اول ما دخلنا المضيف لگينا شيخ كاظم ولده وأحفاده كلهم عدى حسين گعدنا وبلشوا يسولفون واحد يعتذر من الثاني،
بس شيخ كاظم گال الابوي
+
:-رغم الي عرفنا ابنكم الي متعدي على حسين بالبداية بالبداية والصوج منه بس من عرفت كلش متأثر أجيتكم
بـ النهاية احنه اهل والزعل مو حلو بيناتنا ومن هاي السوالف واخر شي ختمها "مو حلوه كل مره تصير بينهم عركه
ويكون السبب بـسجاد خاف وحده من المرات تنهي العلاقه"
+
زينب:- يعني ابوي ارتفع ضغطه علمود هذا الموضوع
+
عباس:-ترى صدگ زودها سجاد ولا چن هذاك العاقل نفسه
+
زينب:-الله يهدي
+
- هز راسه وگام طلع بقت امي تحجي على ابوي تگول المفروض يحجي بيناتهم مو گدام الچناين امي عود ليش
ما جاي تستوعب الي جاي يسوي ابنها وتدمير سمعتنا طنشت الموضوع،لليل ما صار شي ينذكر چنه گاعدين
+
ابوي صار احسن من الضهر ورا العشى چابن الچاي وگعدن ويا ما جاي نسولف گالت رحمه
+
:-اگلج عمه أنتِ مو مره گلتي اسولفلكم قصة زواجكم سولفيلنا
+
زينب:-صدگ يمه اشو احنه ما نعرف شلون عرستوا أنتِ وأبوي
+
زهراء:-يلا عمه
+
عاطت بينا امي:-انطني مجال اتنفس شجاجن
+
عباس:-يمه سولفيلهن لا يذبلهن فرخ
+
بلشت امي تسولف:-قبل چنت اجي للگاع مال الشيخ اساعد امي وأبوي بـ الحش ومره من المرات صادف جاي ابوج وجدج
اجه جدج يحجي ويا ابوي ورا السلام والحچي راحوا بس طول ما همه واكفين ابوج مانزلت عينه منه
+
گاطعه ابوها يحجي:-چا حقي منين شايف مثل هذا الگمر
+
:-ياا شيخ الجهال گاعدين
+
عباس:-مشكوره يمه كلج زود
+
رحمه:-عمه كملي فدوه
+
:- اي وبعدين گمت أنه اروح للزرع وهو يفتر يباوعلي من بعيد بس مامرة تدنالي ومرة رحت مثل كل يوم
بس بـيوما هو ماكو ابوي استغرب لأن اتعود علي عاد والله راح يسئل ومدري شني وعرف من الگهوجي صاحبه
+
الشيخ طارده محد يعرف السبب بقى اكثر من شهر محد جايب طاري وأنه گلبي واجه بي نار بس اريد اعرفلي خبر عنه
ماكو فجأه بـيوم اسمع الباب اندگ گام ابوي فتحه واسمعه يهلي بـواحد اجه گال ادخلن دخلنه أنه وامي للمطبخ
+
اتفاجئنا من گال الشيخ جاي هوَ وابنه حظرنه انه وامي الچاي والماي اخذهن اخوي الهم وبعدين عرفناهم جايين خطابه
وطبعًا اهلي فرحوا بيت الشيخ اجو يخطبون بنت الفلاح وافقوا بدون مايسئلوني وتمت الخطوبه والي عرفته بعدين ابوكم
+
من طاردة جدكم علمودي لأن چان مفاتحه يريد يخطبني وجدكم ما قابل لهيج هو طالع من البيت
+
رحمه:-الله عمه قصتكم تخبل
+
زهراء:-ايي والله وما اتصورت عمي هيج يحبج
+
زينب:-والله وطلع ابوي مو هين
+
-بقينا ناصبين علي وعباس كلش شويه گاله ها شيخ ها اخر شي صاح بينه گمنا نتراكض للغرف مرن كم يوم بهدوء
الليله چان اول سحور وباجر اول يوم رمضان گعدنا كملنا سحور إذن الفجر صلينا ونمنا گعدت الضهر كالعادة اول يوم
+
فطور السلف كله عدنا فطوره اجت العامله وامي ونسوان اخواني وياهن وانه افتر بالبيت الملم وبخرته
صارت أجواء تفتح النفس ويا صوت القرأن الي على كبر البيت صدگ أجواء رمضانيه رحت للمطبخ شفتهن مكملات
+
بس الاكل باقي على النار سبحت ودخلت للغرفه چان هالمره لبسي يختلف مو هاشمي لبست قفطان مغربي لبست گلادتي كالعاده
شعري مفتوح،طلعت بعدما بلشن النسوان يجن شويه واشوف زهرة دخلت فرحت چنت متصورة ورى هاي المصايب بعد مستحيل يجون
+
اجتني ركض حضنتني وگال:-يابذاته مشتاقتلج
+
زينب:-انه اكثر وأبو فاضل،على مشاكل عباس وحسين اتوقعتكم ماتجون
+
زهرة:-هو على اساس هيج بس جدي ماقبل گال شني شدخلكم انتم حتى ماترحن هاي سالفه بين الزلم وهمه يحلوها
+
بثينه:-زهرة يصير تسويلنا مجال حتى نسلم
+
زهرة:-ها اي
+
-ضحكت عليها وتقدمن البنات يسلمن بعدين رحت سلمت على نسوان عمامها وامها مرت العزيمه بـهدوء وبدون شي يذكر بيها
ثاني يوم عدنا عزيمه الزلم وهمين بلشنا تنضيف وطبخ خلصت بداية رمضان واليوم 15 وبهيج يوم يصير فطورنا
+
بيت شيخ كاظم اتزينت بـ كامل زينتي لبست الهاشمي الازرگ علي طراز ذهبي واخر شي نهيتها بـشيلتي وعبايتي
وصلنا البيت شيخ كاظم سلمنا وكملنا بلشت السوالف چان تگول أم زهرة
+
:-خيه ام عباس احنه اخوات وحتى الصار بين الولد گبل فترة ما يأثر علينا وعلى صداقتنا وهسه انه جايه اصفي
الگلوب وازيد الگرب منكم اريد اطلب ايد بتكم المحروسه زينب الابني حسين وانتم تعرفونه صاحب وكفات وشهامه
وشهاده والحمدلله الله رازقه ومايعيبه شي
+
امي:-الله كريم خيه الشور شور ابوها واخوانها
+
ام حسين:-ان شاء الله مانسمع بس الاخبار التسر خاطرنا
+
امي:- ان شاء الله
+
-خدودي احسهم صاروا حمر متت من المستحى اول مره تصير وحده تخطبني وأنه موجوده بالعاده مايحجن گدامي
گمت ويا زهرة الي اول ما انفتح الموضوع سحلتني حتى نطلع والي عرفته من ردة فعلها هيَ تعرف اول ماطلعنا صحت بيها
+
:-يعنيييي تعرفين وما گلتيلي بعدين تعرفين بيه ماراح اوافق
+
زهرة:- شوفي مو انه من حجيت وياج وماوافقتي وگلت الامي گالت الشور بـايد ابوها واخوانها إذا وافقوا راح يتم كلشي
+
:-مستحيل ابوي مايسويها ويوافق هيج
+
:-ترى أنتِ كبرتي يعني بعد ليمت تعرسين مثلاً،الاصغر منج عدهن فروخ
+
:-هنه مفلف** على العرس انه ما اريد وبعدين ترى انتِ بگدي هم ليمت تعرسين
+
-عفتها ورجعت يم امي معقوله هيج تحجي وياي ومن ليمت هي هذا اسلوبها،غلست كملنا العزيمه طبيعي رجعنا
گاعدين على السحور نسولف وأبوي واخواني يتناقشون على گعده عندهم فجأة چان امي تگول
+
:-ابو عباس طلبوا من عندي زينب
+
:-ياهو.؟
+
امي:-خطبتها ام حسين الابنها
+
ابوي:-والله والنعم منه حسين خوش رجال
+
سجاد:-انه ماموافق
+
ابوي:-نشوفها ونشوف رئيها وبعدين عود نحجي وياك انتَ
+
زينب:-بس بويه أنه رأيي من رأي سجاد ما موافقه
+
ابوي:-ليش بويه.؟
+
زينب:-ماكو سبب بس بويه تدري بيه انه ضد العرس من الأساس
+
ابوي:-فكري هسه والله كريم
+
-غلست بس بقى الخوف والتردد بداخلي احس راح يجبرني أو شي،بس انسد هذا الموضوع نهائياً والي عرفته موصللهم
الرفض مر اليوم ورا الثاني بـهدوء والثالث لحگه بـيوم الرابع چنت هسه مكمله فطور طلعت للجرف گاعده،واتذكرت
+
زهرة وأسلوبها اخر شي وياي چان اسلوب مو حلو منها بـحقي كـصاحبه الها،فجأة حسيت على حركة وصوت واحد يحجي بـ صوت ناصي
+
:-زبنب ولا صوت اريد يطلع منج
+
-بعدني هسه اريد التفت اشوف ياهو وما اسمع بس صوت الاقسام انسحب والطلقه عبرت من گدام عيوني
اتطافر عليه الدم ترس ايدي وملابسي باوعت شفت متمدد بـالگاع محيسن والي لازم السلاح حسين عاف التفگة بـ ايده ونكث ايديه وگال
+
:-خلصت منه هالنگس
+
-اجو زلم ابوي وراهم ابوي وعباس استغربوا من شافونه هيج خصوصاً انه كلني دمه،اتگرب يمي عباس يسئل
بلش حسين يشرحله
+
:-چنت جاي للشيخ احجي ويا بـموضوع ولگيته داخل للبستان دخلت ورا شفته صافن على بنتك وأنه اتذكرت حجيك من
گلت حتى حسين مسموحله يطگه طلقه وانه مشيت على مبدأك اول ما شفته گدامي ماكلفت روحي بس چيله اتوسطت رأسه
+
ابوي:-ماسويت الا الصح يابويه
+
-بقى ابوي يشجعه اخر شي انتبهوا عليه لمن كلش ردت اطيح لزمني عباس واخذني للبيت اول ما دخلنا تلگتني امي
انخبصت من شافت حالتي وبس تسئل
+
:-شبيها،ليش هيج بيها دم،متعاركهه موو
+
عباس:-يمه عليج علي اصبري شويه
+
-اباوع الامي سوت روحها زعلانه علي وماحجت بعد هو هدئني وراح اعتذر منها وگعد يسولفلها مجرد ماخلص
رگعته بـهلوله وگالت
+
:-واخيرااً خلصنا منه ومن شوفة وجهه الگشرة،وانتِ يالغمة كل مرة تستسبعين واول ما مات واحد بيهم
يمج خنستي لو تصيرين گدها لو توخرين وتخلين سوالف الزلم الها
+
-هزيت راسي وگمت ما الي طاقه احجي احس الدنيا تدور بيه گعدت لأن حسيت راح اطيح تلاحگني امي ورحمه بـ لبن مالح
شويه استعدل وضعي دخلت للغرفه سبحت ارتاحيت شويه،بعدومحد فتح الموضوع والي عرفته طلب من ابوي
+
مرت ايام وخلص رمضان على خير واجه العيد بـ ليلة العيد اتحنيت وچنت كلش فرحانه ما اعرف هذا العيد الي چان سبب كابوسي
.
+
.
"أُغمض عينيّ فأهرب، وما إن يغفو العالم حتى ينقضّ عليّ كابوسي… لا يكلّ، لا يرحم، وكأن النوم ذنبي الوحيد."يتبعع
.
2
.........................*
.
+
