رواية مقبرة الاحياء الفصل الثالث 3 بقلم سارة جعفر
البارت الثالث 
.
.مقبرة الأحياء
أرد أحط راسي على متنك گلبي خلصان، مخنوگ أجيتك من جور الأيام وبس أنتَ الحنين وياي يفلان...
105
وجهي أحسة أشتعل نار لأن الباب نلزگ بي، صرخت خايفة وأرجف طب شخص وياي وبسرعة سد الباب وراه وأسمع صوت سرگي الباب ينقفل!!!
101
من الخوف جمدت بمكاني ما تحركت راسي حسيتة أشتعل نار وعيوني راح يطيحن گدامي من الصدمة تمنيت أختفي من الوجود وتمنيت عندي جناحات وأطير، لحظات صار من حمام لگبر يخنگتي، كلشي ما مفتهمة وگلبي يدگ طبل أسمع صوت أنفاسة العالية ويلهث چنة چلب بچيت بخنسة ومن الصدمة أحس عقلي تبنج وأيدي ترجف..
103
همست حرف حرف أتراجف من الخوف
-ياهو أنتَ؟
65
ضحك ضحكة عالية أريد بس المحه ياهو ووين واگف ماكو أسمع صوتة قريب عليَّ، رجعت لوره مرعوبة والحمام أظلم هندس ضحكتة زرفت راسي وعقلي لحد هاي اللحظة ما مستوعب شجاي يصير!!
57
صحت بصوت عالي يرجف
-وحاضر الشدات يَـ عدنان إذا ما تطلع ألم الديرة كلها عليك!!
368
همس بصوت ناصي وأسمع خطواتة يتقرب
-ياهو يسمع حسچ؟ العب بيچ مثل ما أريد وأشمرچ بمزاجي
261
تخبلت حسيت راح أطيح من طولي من الخوف والصدمة حسيت بشي ينزل على شفتي حطيت أيدي على خشمي ينزف دم!
80
بچيت بخوف ورعب وصدمة وبسرعة مشيت أريد أفتح الباب رغم ما أشوف شي بس أحاول، جرني بثنين أيدي بهمجية ولطشني على الحايط صرخت متعورة من ظهري لأن طگني حيل بالحايط، وجسمي مكزبر من الخوف
109
قبل لا أطگة طگاني راجدي قوي على وجهي
-أيدچ أكسرها بت الچلب
275
صارعت وياه علمود أفلت روحي منه ماكو نتيجة أبچي وأصرخ بكل حيلي وبس أريد أفلت روحي أحس شطت وروحي وصلت لسابع سما، وهوَّ يتلمس بيَّ بجراءة بدون خوف ولا مخافة الله بين عيونة طفلة أنه طفلة وبين الظلمة والتحرش، روحي أحسها فرفحت تريد تطلع من جسمي شطت أصرخ بكل حيلي..
230
أطگ بي بأيدية الثنين بحرگة گلب لزم أيدية لواهن لحد ما سمعت صوت طگة عظمي صرخت بوجع ومستمرة أتلوى أريد أفلت روحي من بين أيديه بس ماكو نتيجة أسحب روحي وبس أريد أوصل للباب ويرد عليه مثل الثور يجرني
عيوني أحس صار عليهن غواش وأچتافي أحسهن ثكلن فكرت راح تطگني جلطة، يلزم أماكن بجسمي شوغت روحي صايرة بينة وبين الحايط أشهگ بالنفس مختنگة وهوَّ مدنگ عليَّ ولازمني مثبتني بثنين أيديه ويكفخ بيَّ أحس نار أشتعلت براسي معدتي تگلب وصوت من حلگي يبين أريد أتقيى
84
وخر عني يغلط عليَّ ويسب بيَّ
-لچ بت النعال لا تخليني أفرك حلگچ بالقندرة
150
حطيت أيدية على رگبتي أجر بالنفس أختنگت ونفس واحد ماكو بريتي معدتي تشلعت راسي نسطر راح أموت أحس جاي أنازع روحي، لعبت روحي وخفت وهوَّ مفرفح بالغلط والسب لزمني من شعري وجرني حيل مثبتني وأنه مفرفحة مچلبة بي أريد أدفعة ما ينرد لورة!
31
صفگني راجديات على وجهي أحس نار أشتعلت بخدودي وسب وفشاير عليَّ وراجديات وكتل لحد ما حسيت جسمي تدمر من الوجع طحت بالگاع بنص الحمام والماي بدون ملابس وگوة أجر النفس حسيت بيني وبين الموت شعرة، لدرجة تشاهدت بگلبي لأن أيست أعيش أحس روحي بين الموت..
119
حسيت بثگل على جسمي صار عليَّ صرخت مرعوبة أبچي من أستوعبت وأطگ بي بكل حيلي بس ولا طگة أثرت بي لأن فرق العمر بيناتنا كارثة هوَّ زلمة چبير كلش وأنه مراهقة صغيرة دفعتة مني أصرخ وأملخ بي ملخت رگبتة تملخ بأظافري وأدفعة حيل بس ما يرد لوره ويستهزأ بيَّ ويغلط ويفشر عليَّ روحي شاطت ما مستوعبة هذا شجاي يسوي شنو من شناعة واصل الها!!!
111
بچيت أصرخ حنجرتي راح تنفجر وأملخ بي
-وخررررر الله يوفقك وخر عنييي
43
أطگة بكل قوتي وهوَّ يضحك ويتلمس بجسمي يتحسسة كزبر جلدي أبچي بخوف ورعب ومن خوفي سن يطگ بسن يلزم بجسمي ويضحك رفع روحة مني أسمعه يفتح بنطرونة ويهمسلي بكلمات خلتني أفقد آخر ذرة عقل براسي كلمات يشرحلي شراح يسوي بيَّ..
248
بچيت وأحس آلم بظهري فضيع لأن طحت حيل وصوت طيحتي شعلواته أريد أتملص من بين أيدية وأشرد ماكو الحمام أظلم وكلشي ما أشوف حسيت روحي تخبلت وفقدت عقلي!
23
حچيت وأنه أرچف وأبچي
-فدوة أروحلك عوفني فدوة، حرام عليك والعباس حرام عليك أنه أنه بت عمك فدوة لا تسويلي شي وخر عني أنتَ أنتَ هم عدك خوات وخر عني فدوة!!
98
الشهگة چلبت بلعومي وعيوني يغوشن وينزلن دموعي ويترسن عيني غيرهن، صوت شهگتي يطلع من نص گلبي أبچي تيزاب مو دموع وأتوسل بي علمود يعوفني
18
ضحك بصوت عالي فرحان بخوفي
-يا بت عمي يا نعل أبو أبوچ اليوم أسمطة، ما مصدگ لگيتلي فرصة عيني عليچ من زمان..
صرخت بخوف صرخاتي مختلطة ويَـ صوت ضحكاتة جر رجلي يريد يجرها من الثانية وأنه لاطشتهن سوى ميتة من الخوف تخبلت، أرجف وسن يطگ بسن ملختة تملخ بحيث دفعتة عني لبعيد ورجعت لوره للحايط أشهگ
36
رجع عليَّ مثل الثور سطرني على عيني
-شني من حيل عدچ بت الچلاب ما تگليلي!!
78
طلعت كل قوة الدنيا بيَّ بوكت الردت أساعد روحي وأنقذها من الدمار، يطگني بكل قوتة بحقد جريت أيدة وعضيتها عضة صرخ متعور وبأيدة الثانية يطگني حيل على راسي ووجهي بحيث حسيت وحدة من عيوني راح تنعمي!
22
حسيت بطعم الدم بحلگي وسني طب بلحم أيده
-أخخخ ولچ بت النعاااال
71
طلعت حرگة گلبي بي يطگني وأرجع أطگة لحد ما حسيت جسمي كلة أنترس وجع تسودن كل ما يطگني أزود بطگاتي طگاني على عيني حيل لزمت عيوني متعورة ولزمني من راسي وطگاه بالحايط بقوة وأكثر من مرة الوجع دمرني حتى عيوني ضليت ما أگدر أفتحهن والدم ينزل من راسي على عيوني وحرورة الدم على گصتي وحتى لعيوني طب
85
راسي راح ينفجر گد ما طگاه لحد ما فحط صوته يلهث أيد لزمني بيها من رگبتي يسيطر عليَّ بسرعة رفعت راسي وعضيتة بأيده ولزمته بثنين أيديه حسيت أسناني نطبگن على بعض گدما العضة قوية والدم ترس حلگي وهوَّ يصرخ ويريد يفلت روحة مني ماكو بهاي اللحظة ما لگيت شي ينقذني غير روحي حسيت راح تطيح وذرة من أيده بالگاع!!
100
بين ما هوَّ مشغول بوجع أيده يصرخ منها، جريت طبلة الحمام ورفعتها حيل رگعتها براسة نشل بالگاع وصريخة ترس المكان يون ويتلوى واضح من صريخة أشگد طگتي قوية
252
ما أدري شوكت وشلون لحگت أفتح الباب جريت ثوبي حطيتة براسي وأول ما حطيت رجلي برة الحمام طلعت منه طحت على وجهي، گام بسرعة لازم راسه بأيد ويسحل بروحه أنه گمت حاولت أركض لگدام جرني من شعري لوره يريد يردني للحمام
49
تخبلت لازمني من شعري ويعت بيَّ لجوة طگيتة بعكس أيدي حيل رخت أيده من شعري وأنه ركضت أول مرة أدري بروحي هيچ قوية بحيث لآخر نفس بيَّ وأنه أحاول ما أستسلمت الله صب عليَّ قوة تعجبت بيها!!
168
ما أدري شوكت وصلت لنص البيت ما أدري شوكت لحگني كل الصار صار بسرعة أفتر بالبيت مثل المخبلة علمود أفتح الباب وأطلع أشرد من البيت وعيني صارت على المطبخ فتت بسرعة وهوَّ يركض وراي بس يعرج من رجله وراسه يخوف شلال دم ينزف
49
ركضت للجرارات أدور مثل المخبلة على أي شي حاد أفتح بالجرارات بثنين أيدية بسرعة وأتلفت خايفة يوصلني أول ما صارت گدام عيني سچينة چبيرة لزمتها حيل والتفتت شفته واگف گدام باب المطبخ چان يريد يجي عليَّ
25
صفن عليَّ بخوف و وگف بمكانة متردد
-نزليها لا أذبحچ بيها!
رفعتها گدام وجهه وبدون ذرة خوف زمخت
-لا توصلني وحاضر الشدات لو أكتلك لو أكتل روحي بيها!
58
-أكلي خرا بت الچلب تكتلني هِيَّ خايبة أشبع بيچ لمن آمل وأشمرچ وما تگدريلي.
95
-أكتلك والله أكتلك لا تجي عدنان أكتلك والله!!
35
ضحك يفر بأيده كل ظنة ما راح أسويها لأن صغيرة ما أگدر على هيچ فعل چبير، لزمت السچينة بثنين أيدية لأن ما ثابتة ترجف السچينة بأيدي وأيدي مثل السعفة تنكث..
15
صوتي مبحوح ورايح من الصريخ زمخت بحرگة گلب
-أكتلك عدنان والله أترس الگاع بدمك!!
22
يتقرب عليَّ وأنه أبچي وأحس السچينة راح تطيح من أيدي گد ما خايفة، لحظات تفصلني عن الموت والجنون والجحيم وكلشي تعيس بهذا العالم، رفعت أيدي بس هل مرة مو علمود أحطها گدام وجهي وأحمي روحي هل مرة علمود أكتل علمود شرفي، دچيتة بصف گلبة بكل قوتي شهگ وأسمع صوت اللحم يتشگگ سحبت السچينة والدم ترس صدرة والگاع وأيدي..
340
طاح بالگاع يتلوى گدامي والدم تارسه ويصرخ بوجع والسچينة بعدها تگطر دم على الگاع وجهه صار أزرگ وصوت نفسة مخنوگ حطيت أيدي على راسي مصدومة بعدني ماصدگة الصار كلة، صوته غريب مختنگ ويخوف عبالك روحة جاي تطلع ينازع ويتلوى وجهه صار غليض وعيونه راح يطيحن بالگاع وعلامات سكرات الموت كلهن بوجهه!!
140
طلعت من المطبخ أركض وهوَّ يصارع الموت وحده وصاير ذبيحة دمه تارس الگاع، طلعت أركض من البيت بدون حجاب شعري صاير كفشة ومتگطع وجهي متروس دم وحافي وسچينة متروسة دم بأيدي وأركض بالشارع مثل المخبلة وأحس عقلي شخط وما جاي أحس بشي غير الخوف والضياع أركض بالدرب ضايعة..
وعلى الجهتين النخل والزرع تارس المكان وأتلفت بالمكان بخوف ورعب محد هنا ماكو واحد واگف بس أنه واگفة بين الضياع والخوف، نجريت من أيدي صرخت وتخيلته عدنان گدامي لحگني!!!
22
مغمضة عيوني وأتراجف من الخوف
-فتحي عينچ وردة تنوعيلي!
127
فتحت عيوني على كيف خايفة وگلبي يدگ حيل صحيح سمعتة صوت حُرّ بس خفت حيل خفت بلعت ريگ وملت راسي بتعب وعيوني متروسة دموع صارت عيني بعينه يباوعلي مصدوم ومستغرب
20
تشبثت بصدرة بثنين أيدية أبچي بخوف، حاوط ظهري بأيده يسندني لأن جسمي كلة يرجف وراح أطيح من طولي، عيونه تتنقل على ملامحي بحيرة بلع ريگة ومسح على شعري بأيده الثانية والجگارة بين أصابعة
-شمالچ، شنهي الحال هذا؟
67
أول ما كمل جملتة صارت عينه على السچينة البيدي كلها دم باوع منا ومنا أحنى بديرتنا دوم المكان فارغ لأن بيت بعيد عن بيت جر السچينة من أيدي بسرعة ولزمها بأيدة
13
مسح الدم من وجهي بچف أيدة
-چاتلتمن ولچ!!!
76
ما رديت عليه من الخوف سن يطگ بسن أتراجف وأبچي ومچلبة بيّ وهوَّ عاگد حاجبة
-يخسى اليگرب صوبچ وأنه يمچ..
349
ما أدري شلون وليش حچاياتة طمنن گلبي، بلعت ريگ مغمضة هزيت راسي وهمست
-كلها خذلتني لا تخذلني أنتَ!
-حريمة..
272
جراني من أيدي بأستعجال ومشى بسرعة لبيت رياض طبينا وهوَّ يتبع آثر نقاط الدم الطاحن من السچينة بالگاع وكاضني من أيدي وأنه أتراجف من الخوف لحد ما طب للمطبخ صفن على وضع عدنان ثواني وهوَّ جاي يصارع الموت وينازع روحه، وجهه ورم وعبالك روحه راح تطلع وبهل أثناء طب رياض وكفاح للبيت سوى!
47
شهگت كفاح وركضت لأبنها وجها ما يتفسر
-يمممة عدنان يبني يمممممة!!!
96
التفت حُرّ على عمي رياض الوجهه ينطي ألوان وجامد
-تعال عاوني ناخذة للمستشفى بسرعة لا تضل تصفن
21
أخذو حُرّ ورياض للمستشفى وأنه جامدة بمكاني أشهگ وأبچي بخوف وما أرمش عيني جامدة نزلت من طولي للگاع ولميت رجليه لصدري منهارة بخوف مو على عدنان لا على الموقف التعرضت اله والرعب والخوف وعمري الراح يضيع بسبب واحد نذل راح أصير قاتلة حالي حال المجرمين والتحرش والموقف التعرضت اله لو يلفوني بالچفن ما أنسى ولا راح أگدر أتخطاه..
59
فجـر:
319
أكثر شي يخوفني بهذا العالم فقدان أخوي حرّ مرة ثانية، أعصر بأيدية وگلبي يدگ حيل وأنه أسمع خبصة بيتنا واحد يگول للثاني عدنان مدچوچ وحالتة تعبانة وبالمستشفى وماكو أسم أجة على كل لساه غير أسم "حرّ"..
جريت عبايتي حطيتها على راسي وطلعت للحوش ميتة خوف والبيت فرغ من الوادم كلهم راحو لبيت رياض بس أنه خايفة من هل لحظة وترددت هواي أروح خايفة من فكرة حرّ يرد للسجن مرة ثانية أول ما فتحت باب الحوش صار گدامي جسام يدخن جگاير باب البيت
127
أول ما صارت عينه عليَّ شمر جگارتة داسها وأجه عليَّ
-ها فجر المن طالعة؟
-رايحة لبيت عمي رياض، أريد أشوف حرّ
-حرّ ماهوَّ، ما تشوفيني ما رحتلهم!
61
بلعت ريگ بخوف والدموع تارسة عيوني
-وين راح مو گلبي شاب گبل راسي من وراه!
24
عگد حاجبه ما عاجبه يباوعلي ضايج بطرف عينه
-وهاي الدموع والقهر كلها على عدنان؟
-يا صخمان؟ ويني وين عدنان أنه گلبي نار على أخوي
-وشله غرض أخوچ بالسالفة!
-خاف هوَّ داچة؟
119
سكت عينه بالگاع وأشرلي بأيده
-أمشي أنه أخذچ
-الوادم كلها راحت وحدها اله أنه أنتَ تاخذني؟
-چا أنتِ مثل الوادم!
-چا وحد؟
-لا تختلفين، هواي تختلفين..
389
جر حسرة خلتني التفت عليه مستغربة
-فجر لا تفكرين حرّ يكتله ما معقوله!
-ليش ما معقوله كتل من گبل ما يسويها هسة؟
-هسة يخاف يخسرچن يحسب حساب الچن..
38
أبتسمت فرحانة والتفتتله الضحكة شاگة وجهي
-صدگ؟
-أي وداعتـ... والله
-الله يبشرك بالخير فرحتني
177
همس بصوت ناصي كلش بينه وبين روحه بس سمعته
-ياريت، الله يبشرني بيچ..
402
مسحت وجهي وفتحت الباب وطبيت وجسام وراي والصياح والهوسة گابة لباب الشارع أول ما طبينا طبو ورانا حرّ وعمي رياض جايبين عدنان مثل الجنازة شايلينة رياض ولدة ساعدو حطو بالفراش وزلم ونسوان واگفين والعركة گابة بيناتهم وحرّ متكتر على صفحة هادئ وساكت رحت وگفت بصفة مرتاحة نارهم تاكل حطبهم بعد شلي غرض..
29
كفاح: لحظة وحدة بعد لحظة مالها ضلة بيتي، أموتها والحسين أكتلها لو ضلت تردونها تكتل ولدي كلههههم!!
رياض: أنه اليوم أخذها وأشمرها بأي مچان ومالي غرض بيها شني عمي أبتليت بلوة!!
50
زمخ عمي الچبير صمد وحچايته سيف على الكل
-وسم حتى سم، شني ماكو أحترام للچبير؟ تاكل خرا يذبها أبو حلگ غير أشگگ نصين شتگول الوادم علينا ذبو عرضهم بالشارع؟
66
رياض: مو عرضنااااا يابة مو عرضننننا أبتلينا بيههها!!
37
حرّ كل هذا الوكت ساكت متچتف همس بهدوء
-وردة مو؟
18
التفت عليه رياض وردله بازع
-أي عمي، مو وردة بلاء طاح على راسنا
28
-شلها غرض بسالفة عدنان؟
-ليش ما تدري غير رادت تشرد كضاها عدنان ودچتة
-أيبااااه وزلمتك هيچ سبع؟
-چا شماله، ثمن حچيك عمي كلامك عليه كسران ظهور
-والله ما أشوف غير ظهرك وظهر أبنك الراح ينكسر
-موش تاهيلك أحنى!!
102
التفت صمد على حرّ وعگد حاجبه مستغرب
-شمالك مچلوب على عمك ولك؟
-ما رادت تشرد، شو شمسويلها ودچتة هل قندرة هذا
-وأنتَ ليش متأكد شني گالتك؟
13
-الله نشاف بالعقل مو بالعين، وأنه مو قشمر مثلكم كلشي أسمعه أصدگه البت صغيرة وما تدچه إذا ما شافت ماكو حل غير تچتله؟
55
صفن صمد يهز براسه وأيديه وره ظهره
-قنعتني
64
التفت حرّ على عمي رياض ونتر
-البت وينها؟
التفت رياض على كفاح التبلعم خايفة
-وين البت جيبيها
8
همست بتردد وأرتباك واضح على وجها
-ما أدري وينها يمكن شردت ما شفتها
حرّ رفع الجگارة أخذ منها نفس وزفرة وعينه ما شالها من كفاح وهِيَّ أحتارت وين تضم روحها الخوف مبين عليها رفع أيده يأشر بهدوء
-كفيلچ الله أنتِ ضامتها
70
فكت عينها بخوف وأرتبكت تنتر
-شمالك تبليني بيها عمة؟ البت ما أدري وينها شمدريني!!
-أنه أجيبها..
33
حچة جملته وما أنتظر جواب من أحد طب للبيت لجوه بحذائه وما مهتم يدوس فراش البيت لحد ما أختفى آثره أستغربت وين يدري وهوَّ ما چان موجود، كفاح وجها نبلع صارت صفرة ما تعرف وين تشرد گاعدة يم عدنان الخوفتة ما تقل عن خوف أمة!!
51
ورياض يسولف ويَـ صمد ويقنع بيَّ عدنان سوى خير وما رادها تشرد وضل يتذمر منها شلون متعبتهم وطلع البت ملحدة ما چن صغيرة وما الها حس ومبينة فقيرة وحبابة وصمد مضيگ عينه يباوع لكفاح وعدنان بشك ويهز راسه...
35
-وردة: دخل ضوة للظلمة الگاعدة بيها رفعت أيدي أحجب الضوة عن عيوني لأن ضلن يوجعني تنفست بعمق من شفته حرّ گدامي من طلع من السجن لحد هسة كل ظلمة تصير بحياتي يتبعها نور بسبب حُرّ..
124
أسمع صوت خطواته يتقرب عليَّ ويهمس بهدوء
-وردة
29
بلعت ريگ رفعت عيني بعينه مصدوم وجامد بمكانه وهوَّ يشوف حالتي ووضعي، وجهي متروس دم ودشداشتي مشگگة من كل كتر ومبين منها نص جسمي وأعظامي متكسرة گد ما نطگيت ولامة رجلية لصدري وأيدي مربوطة بحبل بالشباك
95
تقرب عليَّ ودنگ گنبص گدامي همست بتعب
-عبالي راح تخذلني!
-يا حريمـــة..
185
أمس مارحت عن بالي
أمسس وي كلشي گمت الگاك
بضحكتي، بدمعي، بخيالي
أمس لو جايني چتال
أصيحن هلا بچتالي
250
بسرعة جر الحبل وفتحه من أيدي مضبوب على أيدي ضب بحيث طابع الحبل عليها، تنفست بعمق وأختلطت ريحته وي الهوى الشتميتة بسبب قربة القوي مني غمضت عيني والتعب تارس گلبي ترس وعيوني ذبلانة وروحي تعبانة..
10
مسح على شعري وملامحه مو كلش مبينه المكان أظلم
-ياهوَّ سوى بيچ هچي سولفيلي؟
32
مسحت خشمي بظهر چف أيدي من الدم حچيت وأنه أبچي
-كفاح كتلتني وربطتني هنا من عرفت أنه دچيت عدنان..
33
لزمني وگومني على حيلي أول ما حطيت رجلي بالگاع وردت أمشي صرخت بآلم متعورة وشلت رجلي من الگاع ميتة وجع نزلن دموعي وهوَّ بسرعة لزمني متلعثم
-شمالچ، بس لا عورتچ؟
هزيت راسي وأشرت على رجلي وهمست بصوت مبحوح
-رجلي تعورني
9
أستغفر وفرك وجهه حيل متنرفز، وگف گدامي بحيرة من شاف حالي ما ينطلع بي راح على هدومي الموجودات بسلة على جهة وطلع دشداشة وحجاب وعباية جابهن ورجع عليَّ وأنه بعدني واگفة
27
شمرهن بصفي وهمس
-البسي بساع وأنه متانيچ بالباب
25
طلع وأنه رحت وگفت وره الباب صرت أخاف من ظلي لبست بگوة وتأخرت كلش لأن بگوة أرفع أيدي من الوجع وحركاتي بطيئة ما أدري شلون جاي أدوس على روحي وأتحرك بس داخلي ميتة آلم لحد ما لبست عبايتي وفتحت الباب
1
التفتلي وشمر الجگارة بالگاع داسها
-ها كملتي؟
14
هزيت راسي وهوَّ تقرب عليَّ متعصب عاگد حاجبه عبالي راح يطگني بسرعة رفعت أيدي أغطي وجهي بخوف صفن بوجهي بحيرة ممزوجة بصدمة وقهر وأنه كل ظني يريد يطگني جرني من أيدي على كيف لأن ما أگدر أمشي أعرج گد ما متعورة ومن كل كتر مجروحة وطلعني من المكان للهول وأنه أهمسلة
49
-حباب لا تاخذني الهم يكتلوني والله!
-يخسون..
122
أهز براسي ما راضية أروح أرجف وشفايفي يابسات وريگي خشبة وحالتي حالة وگف ولزمني بثنين أيديه يباوع لعيني
-وردة تنوعيلي
-ما أريد ما أريد أطب عوفني
-تطبي وتاخذي حگچ
-ما أريد أشوفهم ما أريد أشوف واحد..
26
صوت نفسي عالي مدنگة عيني أبچي لزم فكي بچف أيده ورفع وجهي حطيت عيني بعينه
-محد يسويلچ شي ثقي بيَّ
-بس أنتَ ما تدري همَّ شيسوون بيَّ!!
18
بلع ريگ وعيونه حمر دم يباوعلي بحيرة أحس بأيده الازم بيها وجهي مشتعلة نار مسح على راسي وهمس
-العايل وياچ أخليه بساط تدوسي عليه..
243
دگ گلبي أخاف من المواجهة صحيح أنه جريئة وقوية بس والله گلبي ما عاد يحمل، أگابل الشخص الأجة يعتدي عليَّ ويكتلني والحيرة ماكلتني والخوف جمد أطرافي هزيت راسي بخوف بچف أيده لزمني حيل وطب وأخذني وياه لجوة
8
أول ما طبيت للهول صار عدي هبوط من كمية الناس الموجودين بلعت ريگ صافنة وعيني ركضت لعدنان متمدد على الفراش وأيده على جرحة يخزر بيَّ وگفت وره ظهر حُرّ خايفة وأرتاحيت أكثر من ما أشوفهم گدامي أشوف بس ظهرة لأن صايرة وراه
11
صمد: تغسلت هل حلوگ شكباركم بعد وتچذبون؟
حُرّ: أم عدنان ليش چاتلتها ورابطتها بالمخزن؟
12
أسمع طگة صدرها وشهگت تصيح مصدومة
-وروح أمي ما سويتلها شي
-أنعل أمچ الما عرفت تربيچ
-يا يا رياض تسمعه!
-ويفك حلگة رياض؟ چيلة بگصته أنيمه بصف أمچ
281
جرني من وره ظهرة وطلعت نص جسمي بخوف تشبثت بأيدة صار الي الآمان الوحيد هنا..
34
جسام مسح على لحيتة ونتر
-ليش مربطتها وضامتها كفاح إذا تدرين أبنچ على حگ!
10
-لأن دايحة ومستهترة تريد تغافلنا وتشرد، أنه چم مرة أكضها تريد تشرد وفلا حچيت فوگ ما كضيتها وما خليتها تفضحكم بين الديرة وتخلي روسكم بالگاع هاي جزاتي أمداني هيچ أتجازة!!!
81
صارت هوسة كلمن يحچي بصفحة هذا يجر بصفحة وهذا بصفحة وصايرة هوسة، صياح وغلط وكلهم يحچون راسي راح ينفجر كلمن ينطي رآية بكتر عمامي ولدهم كلهم يسولفون بالسالفة بين الما مقتنع بَـ سالفة عدنان واگفين وياي وبين النزلو عليَّ دوسة ونص بالغلط والكلام المو حلو
1
زمخ واحد من الزلم الواگفين شوية چبير
-عمت عينكم ولكم، بت بطول زري وگفتنا على تك رجل!
67
رفع أيدة حُرّ وبهدوء نطق
-أشششش حرف ما أريد حسكم أبلعو، وردة سولفي ليش دچيتي عدنان شسوالچ ودچيتي القندرة هذا؟
29
بلعت ريگي مختنگة ومحاوطة بكل هاي الأنظار بين اليخزرني واليريد ياكلني بعيونة من الحقد وبين اليريدني أسولف ومتلهفين يعرفون السالفة بتركيز رياض وكفاح يردون يشربون من دمي كفاح خزرتني وأشرتلي بعيونها ما أسولف ودموعي تنزل تچوي وجهي
6
حُرّ: كفاح لا تخزرينها لا أحط رجلي بعينچ!
335
رياض: تماديت حرّ كلش تماديت كااافي سكتتلك هواي
57
حُرّ: وفنك التحچي، زلمة أنتَ ولك زلمة وعرضك معيول عليه متعينك ولك
صمد جرني من أيد حُرّ وگفني يمه ودنگ راسه لمستواي يسولف وياي
-سولفي بوية سولفي أفصم ظهرة لو مسويلچ شي!
51
خزرة حُرّ يرجف من العصبية ونتر
-مو گبل شوية أنتَ تگول البت هاي ما تنگحم ومبينة هِيَّ العايلة؟ مو گبل شوية واگف بصف رياض؟ أول مرة أشوف زلمه منافق..
85
صمد رفع أيديه ثنينهن فاتح چفوفه
-چا بوية شمدريني أنه غير همَّ يسفطون چذب وماكو!
23
رياض: ها خوية صفيت ويَـ المسودن خريج السجون على أخوك؟
16
صمد: أنه على الغلط أوگف حتى ضد أبوي
90
بلعت ريگ وفجر وجسام وأغلبية ولد عمامي ما شالو عيونهم من صمد يباوعوله بصدمه وكأنما أول مرة يشوفونه يوگف ويَـ الحق وأني ما أرتاحيت وياه خفت منه..
48
تقرب عليَّ حُرّ وگف گدامي ودنگ عليَّ يهمس بهدوء
-تنوعي وردة، سولفيلي بس حرف منچ أريد أنطقي وريحي گلبي وخليني أفتهم دربي ليش دچيتي شسوالچ السگط هذا!
31
گلبي يرجف ولساني ثگل أريد أنطق كلمتين هنَّ بس كلمتين وصارن صعبات بلساني حسيت روحي صرت خرسة وأرجف رجيف وابچي ساكتة
1
مسح وجهه مفرفح صوته صار عالي ونتر بوجهي
-سووووولفييييي
40
فزيت خايفه وصارت أصوات هواي يسولفون ما أسمع صوت منهم ولا مركزة بحچيهم، رغم همَّ هواي وسولفو هواي المكان هوسة وعرك وكلهم واگفين وخبصة وعصبية حسيت روحي راح أموت عيوني صارن حمر وجسمي كلة صار حار وراسي ثگل
7
نطقت بصوت ناصي بحيث بس هوَّ سمعن من گد ما معدوم صوتي، وحالتي أشبة بالموت البطيئ
-طب، طب عليَّ للـ للحمام ور وراد...
39
رخت أيده لازم بيها زندي وبهت وجهه رمش صافن بعيوني وگصته عرگانه حسيته نگلب گلاب يمكن چان متوقع عدنان رايد يطگني لو مسويلي شي ومخوفني بس من ردة فعله نصدم وما توقعه راد يعتدي عليَّ جر حسرة ودار عينه على عدنان يباوعله داوي نار حتى ما خلاني أكمل كلامي
14
هز راسه عدنان عبالك راح يبچي وهمس
-چذابة والله چذابة تريد تتبلى عليَّ لا تصدگها خوية!
-متعينك ولك، تمس عرضك!
هدني حُرّ من أيده وجر عدنان من فراشه وتخبل عليه بالكتل كتله كتل ما صاير نص زلمنا يجرون بي يردون يوخرونه منة ماكو وگبت العركة والأصوات علت وصارت خبصة والنسوان خايفات وبين جماعة حُرّ الواگفين وياه لأن جاي يكتل بعدنان وبين اليفرغونه عنه ومتخبلين لأن عدنان مريض وراح يطگن خياطاته
115
وهوَّ ملتهي بعدنان ما يشوف غيرة نگلبت الدنيا گلاب كفاح وبناتها يبچن ويصرخن مرعوبات على عدنان الجاي ينكتل كتل يخوف وبين الزلم البقيه يفرغون بي من عدنان رجعت للحايط ميتة من الخوف وأرجف أيدي على وجهي خايفة
1
ما أدري شلون يطگه بس طگة موت وآخر شي دفره برجله بمكان خياطه متقصد، طگن خياطاته والدم خذاه وحُرّ يتراجف من العصبيه ويفشر فشاير تكزبر الجلد وتخوف ويغلط ويسب ورياض تسودن بس يريد يطلع أبنه من أيد حُرّ والأصوات زرفن راسي أبچي وأيدية على مسامعي أكتم الصوت دفره حُرّ فحطان..
30
-عرضك ولك سگط شلون تدني روحك على عرضك! خايب أنه عشت ويَـ الخيسة وبين الـ**** والحرامي والچاتل والماكو محرمة ما مسويها وما دنت روحي وحطيت عيني على عرضنا ولك تحط عينك على عرضك چا أشگد مابيك غيره وردي!
202
يصرخ مفرفح وعدنان يتلوى متخبل من جرحه النفتح خياطه يخر دم، غمضت عيني حيل لأن راح يوگف گلبي دگاتة سريعة ومن بين أصواتهم كلهم أسمع صوت صمد العالي اليطغى على الأصوات يگول لحُرّ
1
صمد: عفية بعد أيدي أيدك، سبع حرّ أچتلة وأنعل سلفة سلفاه
243
گاطع: شلون حچي هذا خويه، تأيده على الغلط البت لو ما مطيته عين ما جاساها كله منها..
256
التفت حُرّ متسودن عليهم
-ما يوگف وياه غير المثله، ولك گاطع أطرك طر وستر زينب
91
وگب فشاير وغلط وسب برياض وعائلتة وگاطع وياهو اليجي گدامة يفشر عليه لدرجة تمنيت أشرد من كل هاي الفضوى لمكان محد بي حُرّ مفرفح يفشر عليهم كلهم ويغلط لا هاب چبير ولا أحترم واحد بيهم وهمَّ تسودنو لأن الوحيد عدنا ما يحترم الكبار
45
أجة عمي رياض يريد يطگني دفعة حُرّ من صدرة لوره
-وستر زينب إذا تمد أيدك عليها أكسرها وستر زينب أكسرها

چا شنو الطيح حظههها؟ مستهترة وحدة رعنة وكل شرف مابيها چذابة تريد تطلع روحها من السالفة عدنان چبير يتحرش بيها؟ حتى مو بگدة وهِيَّ صغيييرة!!!
29
التفت صمد على عدنان اليتلوى بالگاع
-وطاعون يمرد مصارينك ولك، چا هسة أنتَ يالأغم ما لگيت غير هاي المسيچينة، ولك جاهلة شغرآك بيها يطايح الحظ يَـ زمال حتى الدورة ما جايتها!
1.2K
طگاه جسام بعكسة گطع كلامة وصفن يستوعب حچيه وحُرّ مخنزر بوجهة، وگف حُرّ گدامي وجر سلاحة الصافطة على الحايط يرجف من العصبية شهگت بخوف والتفتت عليه مصدومة
8
أشرلي بالسلاح الشايلة على عدنان
-روحيلة
41
أستغربت وكلهم ضلو يباوعوله هدئو وصوفرت ملامحهم لأن كلنا ندري حُرّ كلشي يسوي، زمخ بصوت أعلى من القبله
-روحي شيلي نعال وطگيه على شاربة
490
ضل وجهي ينطي ألوان هزيت راسي بخوف
-ما أريد أخاف أروح أخاف
-تروحي لو لا؟
26
التفتت على صوت رياض رفع أصبعه ياشر مفرفح
-أموتها أذبحها ذبح لو تگربت صوبه
35
-عيد وجابة العباس علمود أطبگك ويَـ البهيمة الجايبها
-ولكككك حررررر تسودنتتتت الولد راح يموت
-موتت الچلاب السود
80
التفت عليَّ وجرني من أيدي دفعني
-أمشي يله طگي على شاربه بالنعال چدام الوادم كلها
122
التفتت مصدومه وگبت العركة مرة ثانية تخبلو لأن هاي عيبة وأهانة لشواربة ولرجولتة الـ أصلاً ما موجودة تمنيت صدگ أطگة وتمنيت يموت گدام عيني علمود يشفة غليلي بس متأكدة كلهم راح يموتوني بأبشع الطرق لو فعلاً طگيتة
23
مسحت وجهي خايفة وهمست
-فدوة خليني أروح ما أريد يكتلوني والله يكتلوني
12
جرني من أيدي وراح لعدنان وكلهم خايفين لأن سلاحة بأيدة صارت هوسة حيل عالية وأنه ميتة من الخوف مغمضة عيني ما أريد أباوع لعدنان أختنگ كل ما تصد عيني عليه رفع السلاح رمه طلقة لفوگ صرخت وحطيت أيدية ثنينهن على مسامعي منهارة أبچي
13
صرخ بصوت عالي من صارت هوسة
-ما أريد أهيسلكم حس وستر زينب أچتلكم
53
جرني وگفني گدام عدنان اليتلوى من الوجع
-طگي بالنعال على شاربة يلة گدامي
126
بچيت عاجزة شلون أشرحلة بهل لحظة بين الهوسة والصياح الصار خوف النسوان وصدمة الزلم وفجر تزلغ بوجهة وتتوسل بي بس ما رضى يوخر التفگة من أيده فاقد وجسام خايف عليها ويريدها ترد لورة وگفت على صفحة ممرودة مرد وحُرّ ما يشوف غيري وغير عدنان
28
-ما أعييييد حچايتي وردة ما أعيدها تطگينة لو أچتلچ وستر زينب لو ما طگيتي بالنعال على شاربة أحط چيلة براسچ!!!
71
واحد من ولد عمي واگف بصفي نزع شحاطته بسرعة وحطها بأيدي
-روحي طگي يلة
740
باوعتله مصدومة والزلم صاحو عليه ما راضيين طاحت الشحاطة من أيدي گد ما أرجف وأيدي خاوية وعرك الزلم وصياحهم دوهني وما خلاني أندل دربي
9
حر حط التفگة على راسي صرخت فجر مفزوعة
-حررررر كاااااافي!!!!
16
غمضت عيني والدموع ما وگفت أبچي وسلاحة زرف راسي من وره، ضاغط فوهة السلاح على راسي أجاني صوتة يزمخ
-روححححي ورددة روحيي طگيه
33
أرفع الشحاطة تطيح مني وأرجف أرفعها وتطيح ورياض تسودن يريد بس يجر عدنان من حُرّ وصمد ما يخلي فزيت على صوت سحب الأقسام من سلاح حُرّ وگفت جامدة ومتشنجة على أي لحظة تجي الطلقة براسي ونتنتهي حياتي!
47
-فجر: التوتر تارس گلبي مفرفحة روحي وأنه أشوف حرّ حاط السلاح براس وردة وساحب أقسام ويأشرلها بسلاحة على عدنان ويزمخ بيها علمود تطگة بالنعال ضلت تبچي جامدة وخايفة
زمخ بصوت فززني وأنه بعيدة عنه
-روححححي
9
ما راحت وضلت جامدة بمكانها ما تحركت حتى ما ترمش من الخوف متشنجة وعيونها تصب بدموعها، كل بالها ويَـ سلاحة الـ على راسها
38
بلعت ريگ خايفة وهوَّ وأگف بينها وبين عدنان
-أچتلچ وأچتلة لو ما طگيتي وردة!!!
118
فزينا على صوت طلقتين من سلاح حرّ والدم ترس الگاع...

يتابع
