رواية اللعنة التي لم ترتكب الفصل الثالث 3 بقلم نور آل عبدالله
اللّعنة الثالثه... أو ما يُسمّىٰ البــارت الثالث.!
ها قد وصلنا الىٰ الثُلث الثالث مِن الخيط اللعنة قد أبتدأت تنكشف... فهل أنتم مستعدّون لما هو قادم.؟ "
.
+
.
احذروا.... فـاللعنه لا تُكشف دون ثمن "التصويت+مُتابعه الحساب+التعليق بين الفقرات."
.........................*
.
+
زينب....
+
-گاعده بـ الغرفه امشط شعري واحس إفادي واج نار من موقف مساع إذا عرف ابوي شلون بس زلمه شافوا ما اتوقع يسكتون
ذبيت المشط ومر المشهد على بالي غمضت عيوني من وجع الراس الي اجاني مجرد ما اتذكرت الموقف
بعد ماشفت محيسن گال وهوَ يتقرب
+
:-اشش اروحن الج فدوه لاتحجين وعلي ما أذيج
+
:-برى منك علي ومن أفعالك شتريد جاي بـكل عين صلفه
+
:-احبج زينب وعلي احس ماجنت بوعيي متندم انه
+
:-خلي يفيدك ندمك من يعرف ابوي انتَ هنا بـ السلف لو أصلاً داخل الگاعنا
+
دنگت شلت معجانه الخبز وكملت:-فكر زين بـ كلامي وزلم ابوي اكيد هسه شافوك روح ودع اهلك وخلي يسولك ثواب من هسه
+
:-راح تندمين لأن ماسمعتيني هسه
+
:-اعلى مابخيلك اركبه ماترجف شعره مني وانا عندي ست اسود بـ ظهري
+
-رجعت من ذاكرتي على عيطة ابوي غمضت عيوني عرفت وصله خبر گمت امشي خايفه شفته واگف وعيونه حمر اول ماشافني عاط
+
:-شنوووو جنتييي تسوينن واگفهه يم هذا الخ**
+
دنگت راسي وحجيت بـصوت يرجف:-بويه وعلي انه ماعليه هو اجه وبقى يحجي ويهدد وأنه هددته بيكم
+
گعد بالگاع فرك رأسه وگال:-احجيلي كلشي ترى تعبت وعلي
+
-گعدت يمه وبقيت اسردله وهو يهز رأسه بـ إستماع وأنه مستمره من خلصت هوَ گام وطلع شويه واسمع صيحتهم لليل تقريباً رجعوا
والي عرفته واصلين البيت محيسن ومحذرين ابو المره الجايه اي واحد يشوفه چيلة برأسه حتى لو من زلم ابوي
+
ومايحق الاحد يطلع ورا وامي بقت اسبوع كامل كل ماتشوفني تلومني
+
:-كله من وراج راح تتجاتل الزلم علمودج انتتِ
+
:-يمه ترى معليه هو محذرينه مايدخل گاعنه ودخل اعترضلي وزلم ابوي وينهم محتارين بس ينقلون حچي محد اتدنه وگال شصاير
+
:-يايمه تدرين بيهم ابوج ما يقبل يتدخلون بشي يخصنه بس وكت الضروره
+
-هزيتلها راسي وگمت من يمها لأن إذا ابقى يمها شويه تطلعني من الكفار گمت دخلت للغرفه حاولت انام
ماگدرت الافكار كتلتني كلها تراكمت عليه مرت بالي ذكرى طفيفه الطفولتي،جان عيد لابسه فستان گصير وردي ومسويه گصايب اثنين
+
وحذائي الحفايه ابيض طالعه حلوه چنه مجتمعين بـ البستان العب انه وبنات خوالي وبنات خالاتي نركض ونلعب فجأه اتقدمت عليه
بنت خالتي حنين دفعتني وگالت
+
:-انتِ ماتستاهلين تصيرين حلوه
+
برطمت ودمعت عيوني گلتلها:-حتى لو اتدمر ابقى احلى منج
+
اجه ابن خالتي شالني وگال:-شبيج ليش تبجين
+
:-حنين دفعتني تغار مني
+
:-تروحلج فدوه حنين حبيبتي لاتبجين
+
-بقى شايلني بس فجأه ايده صارت تتحرك عن مناطق بـ جسمي رجفت أنه خايفه لأن اعرف مايصير هيج گال وهوَ يضحك
+
:-شبيج ترجفين بعدنا
+
طاحت دمعتي وگلتله بـصوت يرجف :-بس مايصير هيج تجيسني
+
:-عادي انه مو غريب ابن خالتج
+
-الرجفه ماعافت جسمي وهوَ يتجرء بلمساته اكثر لحدما بجيت اجه اخوي حسنين يركض شاف حركاته گعد علي وطاحله بالكتل
جسمه صار بس زراگ وبقى الموضوع بيناتنا لليوم محد يعرف بي رجعت من ذكرياتي على دمعتي الي طاحت،انه أقل موقف
+
يأثر بيه رغم قوتي وجبروتي الي معروفه بيهم، شويه وگدرت انام گعدت الصبح ماكو شي جديد مجرد ايام تمر
بين روحاتي الزهره وگعدات النسوان وطلعاتي للبستان ماكو شي جديد اليوم امي جانت طالعه وبس أنه بالبيت
+
اجت يمي زهره گعدنا أنه وياها نسولف إلى أن فتحت موضوع
+
:-زينب إذا خطبناج الحسين توافقين.؟
+
:-يا حسين.؟
+
:-اخوي شبيج
+
:-لا ما أوفق
+
:- اكو سبب.؟
+
:-لا بس بعدني ما مستعده ليش حتى اعرس وانه مو حمل مسؤوليه
+
:-بكيفح بس ردت اشوفج لأن صراحتاً ماكو وحده تستاهل تصير جنتنا غيرج
+
:-متفهمه هذا الشي بس اتمنى بعد ماتفتحين الموضوع وياي لأن صراحتاً مو بالي اعرس
+
:-شعجب،وراح تتحملين حچي السلف عليج على ابو بنت الشيخ ومامتزوجه
+
:-هيَ إذا تبقى عليه اكيد ما اهتم بس ابوي شلون
+
:- چا اكيد ما يتحمل حتى معيوبه راح يسونج
+
:-الله كريم منا الوكتها هسه انه لاغيه هاي الفكره
+
-سدت هيَ الموضوع احتراماً الطلبي شويه وراحت اجه عليها اخوها وانه طلعت للبستان صافنه معقوله تصير وأبوي يجبرني
على العرس بس مستحيل ابوي يجبرني حاولت اطلع الفكره من بالي مر الوكت ورجعوا اهلي ثاني يوم صادف عدنا ثواب
+
على روح عباس صار المغرب بلشنا توزيع،بين فترة وفترة نسوي ثواب ابوي يگول هم على روح عباس وهم هواي ناس ماعندها تاكل
بسبب الحصار وذاك من ذاك الي عنده الامكانيه ويلگه ياكل وحكم احنه الله منعم علينا فـ نسوي ثوابات
+
گالت امي أخذي عشى بيت شيخ كاظم أنتِ وسجاد صدگ لبست عبايتي وشيلتي وطلعت ويا سجاد تثنينا شايلين
كل واحد صينيه حكم همه عائله جبيره فـ امي مسويتلهم صنيتين وصلنه الهم دگينا الباب طلع حسين
+
سلم وكذا واخذ الصينيه من سجاد بس بـ هاي الأثناء عينه مانزلها مني لدرجة سجاد حس واجه أخذه الصينيه مني وگف گدامي
متحمحم هوَ شلون الي صحى دخل الصينيه واجه أخذ الثانيه من ايد سجاد مشينا أنه ويا باوعلي سجاد وگال
+
:- شنهو بينچ وبين حسين.؟
+
:-شنهو بينا.؟
+
:- انه جايي اسئلج
+
:-ماكو شي
+
:-اممم خوش خوش
+
-نظراته زرعت الخوف جواي رغم مامسويه شي يخليني اخاف من شافني خفت بلش يشك وصلنا للبيت حاولت
طول اليوم ابتعد عن نظراته احس عبالك مذنبه مر اليوم من دون شي يذكر غير نظرات سجاد الي شبهه تريد تكتلني حاولت اغلس عنها
+
دخلت للغرفه احاول اوخر هاي الافكار من راسي وانام،بستان لونه أشجاره اخضر فاتح غريب عليه انه لابسه بدلة عرس
غريبه عليها قطرات دم يمي شخص ملامح وجهه مو واضحه بس لابس دشداشه بيضه ومثل قطرات الدم عليها
+
ماكو هواي حظور بس أشخاص ينعدون على الاصابع منهم واحد طويل بنية جسمه ضخمه وجهه عباره عن نور حتى ما اگدر ابقى اباوعله
فزيت من نومي خايفه ولشتي ترجف سمعت اذان الفجر جاي يأذن گمت اريد اتوضى لگيت ماي ماكو رجعت للغرفه
+
بقيت متمدده على المصلايه وعيوني تذب دموع اريد اعرف شنو معنى هذا الحلم وشنو هاي نقاط الدم زين ليش
بدلة عرس عليها الدم مو غير لبس گمت من المصلايه ونزعت المحرام اول ماتمددت على الفراش غمضت عيوني
+
مستسلمه للنوم من گد التفكير والبجي رغم ماكو شي يستاهل ابجي بس فكرة الحلم خوفتني والشخص الموجود
غير المكان الي عبالك رسم مو واقعي تقريباً ساعتين لل5 وگعدت طلعت لگيت اهلي گاعدين همه يوميه يگعدون هيج وكت
+
ماكو شي جديد بس أنه ابقى متأخره لل7 شفت امي طالعه تحلب الهايشه،نسوان اخواني يحظرن الريوگ شويه ورجعت امي
گعدنا نتريگ خلصنا كل واحد گام على شغله وأبوي گام للمضيف خلصما تنضيف البيت وامي تطبخ الغده انطيتها علم
+
وطلعت للبستان گعدت على الجرف نفس كل مره ويمي القصيده المعتاده سمعت صوت خطوات وراي طفيت الراديون
والتفت شفته هوَ ما غيره.!! محيسن گلتله وأنه عيني بـعينه
+
:-خيرك يـمحيسن شنهو الي رايده
+
:-رايدج أنتِ زينب
+
:-رادتك ريده وعافتك يريده
+
:-مقبوله منچ
+
:- باوع وحگ من خلقك إذا ماتوخر من وجهي هسه أصيح عليك زلام ابوي واشوف ياهو الي يمنعني
+
اتقرب عليه لزم ايدي وگال:-قابل إذا منچ اموت
+
-طلعت خنجر ابوي الي دوم وياي ونبته بنص بطنه باوعلي بـصدمه وطاح على ظهره سحكت على ايده وحچيت
+
:-هاي ايدك اعلگها بـرگبتك لو جاستني بعد
+
حجه بـ كلمات متقاطعه من الوجع:- للل لليش سس سويتي هيج
+
:-وحگ علي المرجفهم بعد إذا اتماديت وياي اسويلك الانگس
+
-عفته نايم وردت أصيح اي واحد من زلم ابوي أو اخواني بس على صوت صياحه اجو ابوي واخواني وزلم ابوي الي گال وهوَ مستغرب
+
:-هذا شبي وياهو سوا بي هيج
+
حجيت بـچبروت وفخر:- انه
+
ابوي:- والله وكفوو
+
:-تربيتك
+
عاط محيسن بـ صوت عالي:- شيخخخ فدوتككك ايدييي وبطنيي شيخخخ
+
دفره سجاد وگاله:-تستاهل حيل وأبو الزايد تستگوي على مره.؟ايا نثيه
+
ابوي:-روحي انتِ معليج بالباقي
+
-هزيت راسي ومشيت بس طبعاً مستحيل ادخل للبيت وافوت الي يصير فضولي ما يسمحلي ارجع بقيت اراقب من بعيد
أصواتهم عاليه توصلي شفت عباس ضغط على ايد محيسن قوي بـ رجله وحجه
+
:- شعملتلها ولك وخليتها هيج تصرف وياك
+
حجه بـ نحيب :-والله ماسويت شي والله
+
رجع دفره وگال :-من لا شافك الله لا تحلف بي چذب
+
:-اخخخخ ايديييي فدوه ايدي يمكن انكسرت
+
حسن:-يطبك مرض
+
-بقيت اباوعلهم وهمه يستجوبونه شويه ورا الكتل الي اخذه حس على نفسه وقرر يحجيلهم اخر شي مجرد
ما خلص حجي نزلوا علي عباس وحسن بـ الكتل باوع للجهه الثانيه شافني طول نظراته عليه انتبهت سجاد عاف المشكله وركز
+
ويا حسين باوع متفاجأ من شاف نظرات حسين عليه مشيت لأن ما الي خلگ مشاكل اليوم مبين من بدايته وصلت للبيت
تلگتني امي تسئل گلتلها بعدين اسولفلج لأن حالياً ما بيه حيل سين و جيم رحت للغرفه وگفت يم الكنتور اطلع ملابس
+
انتبهت الأيدي متوسخه بـدمه لهذا النگس كشت روحي وعقجت وجهي عفت الملابس وركضت للمغسله
اغسل ايدي قوي باوعت شفتها صايره حمره من الفرك وخرت نشفتها ورجعت طلعت ملابس ودخلت اسبح
+
جاي امشط بـ شعري واردد الايه المتعلمه عليه كُل مره
{ قُلۡ يُحۡيِيهَا ٱلَّذِيٓ أَنشَأَهَآ أَوَّلَ مَرَّةٖۖ وَهُوَ بِكُلِّ خَلۡقٍ عَلِيمٌ }
اول ماخلصت بعدني ما لامته واسمع صوت قوي من الصاله گمت ركض شفتهم واكفين كلهم منظرهم مايقل عصبيه
+
عن قبل شويه رجعت للورا من سمعت علي اخوي عاط
+
:-تعاليي زينب
+
رجع صاح:- مو گلتلج تعاليي
+
اقتربت وانه احس الدم جمد بـ عروگي من الخوف حجيت:- ها علي
+
علي:- ليش هيج مسويه بي بويه
+
زينب:-يستاهل
+
سجاد:-اتمادة وياج
+
زينب:-يتخسى اكسر ايده مو بس بطنه اشگها اله
+
عباس:-لتخافون عليها لبوة زينب الي يتدنه يمها ويريد يوجعها تخرمشه
+
حسن:- ترى يمكن السالفه تنگلب علينه
+
ابوي:-حتى الصمهم على حلگهم واشوفن واحد يفكه اله اترسه الهم نع* فوگ شينهم گوة عينهم
+
سجاد:- ما احس أصلاً راح يوصل السالفه الأهله لو شيوخهم لأن هو من شافنه چان متأني نكتله موت
+
-بقوا يحجون عن الموضوع وامي ونسوان اخواني كلشي ما فاهمات عفتهم وگمت كملت تمشيط طلعت سمعت ابوي يسولف
على الي سويته وامي جان ردها
+
:- حيل ويا يستاهل الي يجي من ايده الله يزيده
+
رحمه:-بس شني چا هيَ مسترجله حتى هيج كاتله الولد
+
عباس:- يستاهل والي سوته بي شويه چا شني يجيسها وهيَ مو محرمه علي وأيده الي مدها عليها كسرناها اله
+
ابوي باوعلهم بـنظرات فخر وحجه:-عبن انه مربي اسود مامربي نثايه يسكتون عن حقهم
+
-كل هذا الحجي وأنه ساكته شويه صبت امي الغده اتغدينا صبيت انه الچاي والبنات غسلن الاماعين خلصوا وراحوا ناموا
بقيت بس انه گاعده ضايجه رحت للغرفه متمدده وافكر معقوله هاي كلها صارت هالفترة.؟ ماكو هيج شي المشاكل
+
ماتنطي مجال احك راسي تطلعلي سالفه جديده يأست وانه افكر إلى أن غلبني النوم گعدت على زهراء تگعدني
گمت وأنه النوم بـ عيني غسلت ونزلت لگيتهن جاي يحظرن بـ العشى حيلل هاي أنه شگد نمت جسمي مكسر مابيه
+
حيل اتحرك واگفه يمهن بـ المطبخ وصافنه ما اعرف وين بس تفكيري شارد فزيت على صوت رحمه وهيَ تگول
+
:-يمعوده مو جاي احجي وياج
+
زينب:- ها شكو
+
رحمه:- صار ساعه اگلچ اطلعي اتعشي ماكو،وسن صافنه
+
زينب:- لا مو صافنه
+
زهراء:- يا ما صافانه يمعوده غير حتى الماعون طاح وأنتِ ما منتبهه
+
-ضحكت على روحي هاي عود صدگ هيج جنت صافنه مشيت ويتهم گعدنا على العشى انتبهت سجاد ماكو سئل امي گالت
+
:-طلع گال عنده شغل
+
:- غريبه من شوكت سجاد يطلع بليل الشغل وحده
+
امي:-اندريي هالولد دومه شالع گلبي يعني اگله الأوضاع خطره ماكو مايفهم
+
ابوي:-يمعوده قابل صغير وبعدين ما رايح بعيد يم بيت شيخ كاظم يم الولد عندهم طلابه وراح وياهم
+
امي:-وانتَ ليش خليته يطلع يعني هسه قابل ما تعرف الأوضاع شني
+
ابوي:- يا مره كل ساعه تعيدين بالموضوع بطلي گلتلج ماعلي شي
+
- سكتت امي من شافت حجي ابوي ونبرته خشنه خلصنا عشى وبين ما شربوا چاي وغلسنه الاماعين طشو كل واحد
الغرفته شويه واسمع شهگة أمي ترست آذاني گمت اركض شفت سجاد مدمه على طوله وامي يمه تدگ وتلطم وهوَ يمها
+
يحاول يسكت بيها طلعوا كلهم على صوتهم وانه دمعتي غورگت بـ عيني يسئلونهم شكو محد يرد بعدين دار
وجهه عليه صفن وچر تنهيده طوويله،استغربت ليش هيج سوى وصحاه من صفنته ابوي من صاح
+
:- لكك ابن الك*ب احچي شصاير وياك
+
:-هيج يأبه شي بسيط بيني وبين حسين
+
:- انتَ وحسين ماتهود مشاكلكم ترى راح تخربونه انه وشيخ كاظم
+
:- معليكم انتم بويه السالفه مو يمكم خلاف بسيط بيناتنه وحليناه هسه
+
-هز رأسه ابوي مأيس لأن يعرف سجاد مادام حجه من البداية بعد مستحيل يحجي بقينه گاعدين وامي تمسح بـ وجهه
سجاد الي كله زراگ،اذا سجاد هيج حسين شصاير بي هزيت راسي مطلعه هاي الافكار من راسي شعليه بي أنه.!!
+
بقوا يسولفون أنه عفتهم ودخلت شويه وصار صوت الهدوء مسيطر على الصاله خمس دقايق تقريباً ودخل سجاد گال وهوَ يگعد
+
:-باوعي راح اگلج شي وشني تسوين حقج
+
:-گول.؟
+
:-رحت لـحسين
+
:- اي مو گلت اتعاركت ويا يعني شنو الجديد
+
:- مو رحت سئلته على الي بينكم
+
:-الي بينا.؟ ليش هو شنو الي يجمعنا أنه وحسين.؟
+
:- ما ادري والله اتصرفت بـغباء بس شسوي يعني ما اتحملت اشوف نظراته عليج كل مره إذا اتصادفتوا
+
:-بس هذا مو حل وراح تبين للولد شگد انتَ ماتثق بيه
+
:-ما ادري بعد الي صار صار وهو طگني من سئلته شنو بينكم
+
:-تستاهل
+
:-هيج حجيج وياي.؟
+
:- ما الي غير حجايه وياك روح خويه ولساني بعد ما يطخ اللسانك
+
-هوَ هز راسه وطلع يعرف من البداية تصرفه ما راح يعجبني بس سوى واجاني بـ كل صلافة يعترف.!! حاول النوم
يزورني بس ماكو ماگدرت ما افكر بـ الموضوع شويه وسيطر عليه النوم گعدت على اذان الفجر صليت وبقيت على المصلايه
+
كل شويه يجي الموضوع على بالي لدرجة راسي صار يوجعني اخر شي تمددت على المصلايه وغفيت گعدت على صوت أمي تگول
+
:-صخام بـ وجهك سجاد عزيتنا وصخمتناا
+
...........................*
+
كُنت رَمزاً للشجاعه
وكُنت شاهده علىٰ حُبًا
مّات قَبل أن يُحيىٰ
+
خلصت حجي ويا امي وطلعت من غرفتها معصبه هاي لوين تريد توصلنه ذبيت نفس بـ عصبية ضوجتني كلش
اجه حسين من برى گال
+
:-شبيج ضايج خلگج
+
:-امي
+
:-شبيها.؟
+
:-مدري وين تريد توصل
+
اجه باس راسي وگال:- زهرتي لتخلين بالج بس احچيلي وانه الگه حل
+
-باوع تريد تزوجك بس أنه ادري بيك ماتريد ومن وگفت بـ وجهه طگتني راشدي
+
:-سوده بـ وجهي بويه لتضيجين خلگج انه احل الموضوع
+
-هزيتله راسي وطلع گمت ورا الغرفتنا انه وبنات عمي گعدنا نسولف اجت على بالي زينب هاي الفترة المرت كلها
هيَ ماكو،ويا ما جاي افكر بيها طلعتني بنت من تفكيري ورى ما گالت
+
بثينه:- اي زهره شنو رئيج
+
زهرة:- بـ شنو
+
غسق:-اعذرنها بالها مو يمها
+
-خلصنها ناصبات عليه ويضحكن شويه وگمنا نحظر العشى گال حسين هنا جماعته ماركزت منو گال بس حظرنا العشى
واجه هو وقاسم ابن عمي نگلوا للديوان واحنه رحنا اتعشينا كملنه وگفنا أنه وبثينه نغسل اماعين وغسق وبنين صبن الچاي
+
شويه وراحت بثينه بقيت انه بـ المطبخ احب اگعد بـ المطبخ بس شويه وسمعت صوت يم شباچ المطبخ الي صاير على البستان مالتنه
والي ميزته من الصوت هذا سجاد اخو زينب شنو جابه هنا گمت اباوع من الشباچ سمعت حسين يگله
+
:-انتتَ مستوعب الي جاي تحجي.؟ علاقه أنه واختك
+
سجاد:-وليش حتى استغرب نسيت ماضيك حسين
+
:-هه هاي عود انتَ صاحبي وباوع لكك اختك مامباوع عليها بـ نظرة غلط وقبل لا تصير اخت صاحبي فـ هيَ
بت صاحب ابووي وصاحبة اختي يعني حالها حال عرضي چان استحيت على نفسك
+
سجاد:- ونظراتك عليهاا شنو تفسرهاا
+
-اباوع بـ هاي الأحداث اتدنه علي حسين وطگه بوكس على وجهه شفته رجع لي ورى ورجع البوكس لـ حسين ومدري شنو شاوره
رجع يطگ بي وبـ قوى اكبر من گبل شويه شفت قاسم وجاسم اجو ركض يحايزون بيناتهم راح سجاد واجه
+
حسين وهو ويا الولد هو گعد گدامي گمت انضف جروحه والولد اطمنوا علي ودخلوا حجيت وانه امسح اخر جرح من الدم
+
:-شصاير بينك وبين سجاد.؟
+
:-اخخ هال*** ال*** ال**
+
:- اعصابك خويه من ليمت انتَ تلفض هيج الفاض وعلمود ياهو واحد مثل سجاد.!!
+
:-هو خوش ولد بس ما ادري شنهيي الي گلبه هيج
+
:-يمعود لا يصعد ضغطك اعصابك
+
:-ولجج زهره حرگني حرگ اتخيلي يگلي...يتبع
+
.
+
.......................*
.
+
.
+
زُرني .. إذا بلغَ اشتياقُك حدَّهُ
أو دَع خيالَك كي يزورَ خيالي
ما كنتَ مثلَ العابرين؛ فإنَّهم
مرُّوا علي وأنتَ سِرتَ خِلالي
+
.
+
