رواية زواج في زواج الفصل الثاني 2 بقلم جمانه السعيدي
ميار...رجعت للبيت
كعدنا نتغدا ميار اريد اكلكم على شي مهم
اني راح ازوج
امي...تزوجبن شلون يعني مافهمت
ميار...اليوم مدير القسم خطبني الابن عمه ونسيبه
امي... اي خوش خبر بس كون يطلع خوش ولد
ميار...اذا اخلاقه مثل استاذ اياد كلش زين
لان استاذ اياد محترم وحباب
امي...زين انتي شفتي الولد
ميار...اي اسمه أكرم وحلو شكله مرتب يبيع ويشتري بلسيارات المستعمله
رحمه...اي بلكت يجيبلج سياره حتلو سايبه ميخالف
غصن...الله عليج خل يجيبلنا سياره
ميار...خل نشوف هاي القسمه تصير ماتصير
امي...انشاء الله خير
ميار...اي ولله اني متفائله
ثاني يوم اجت ام اكرم تطلب ايدي
مره حلوه ومرتبه لابسه جبه وشال اجت وياها اخت أكرم زوجت استاذ اياد
امي استقبلهم ودخلتهن
اني كان عندي خبر لبست فستان احمر حلو قصير
وسرحت سعري خليت شوية مكياج وعطر
ام اكرم بس شافتني عجبتها
ام اكرم..ماشاء الله شنو هذا الجمال
حنى زوجت استاذ اياد مروه هم عجبتها
اتفقنا نسئل عليهم ونرجعلهم خبر
يعني اخذو منا موافقه مبدئيه
عائلتهم تتكون من ولد ثنيين اياد الجبير وخوات ثنيين
مروه وزهراء وحمودي ازغر واحد طالب للاعداديه
رابع عام جمانه السعيدي
اتصلنا على خالي حتى يسئل عنهم
خالي اخذ يومين وهو يسئل عنهم وعن اطباعهم سمعتهم بلمنطقه
رجع كال كلشي تمام عائله زينه وسمعتهم طيبه
اليوم الي بعده من داومت بس وصل استاذ اياد
اياد...صباح الخير
ميار..صباح الخير
اياد...مارجعتي خبر ترا الجماعه مستعجلين
واذا على أكرم اني اضمنه
ميار...هذا رقم خالي اتصل علي انشاء الله خير
اياد...يعني شنووو نكول مبروك
ميار...انشاء الله
فعلا تحدد يوم المهر واستاذ اياد انطاني اجازه اربع ايام
قبل المهر بيومين ويوم المهر ويوم بعد المهر
حتى اجهز نفسي
اشتريت فستان يخبل ذهبي فاتح ورحت للصالون
ماخليت شي ما سويته بس شعري ما صبغته
اني ماأحب الشعر المصبوغ اخاف شعري يحترك
طلعت اخبل وحده ثانيه
كل اقارب العريس اندهشو من شأفوني شكلي طلع كلش حلو
كانت حفله حلوه ومرتبه حيل
حتى خواتي من شافوهن اقارب العريس طلبوهن للزواج
بس احنا ماعدنا بنيه تزوج قبل لا تتخرج
جمانه السعيدي
اما اني كنت طايره أكرم حلو ومرتب
حسيت عيونه تضحك من تشوفني لبسني الذهب
واخذنا صور تخبل تبادلنا ارقام التليفونات اني ويااا
خلصت الحفله كلهم طلعو بس أكرم بقى يريد نتعرف على بعض اني ويااا
كل شويه جماعته متصلين علي بس هو يرفض المكالمه
رتبنا المكان اني وخواتي
بقينا اني وأكرم كاعدين
ونسولف نحجي مواضيع عامه
مدري ليش حسيت نفسي مااعرف احجي
هلكد ما مرتبكه يمكن لان اول مره ننفرد اني وباا بمكان سئلني شنو تحبين
وشنو الاشياء الي متعوده عليها واذا حابه نروح سوا
نجهز العرسنا
تعشينا ورجع البيتهم
ثاني يوم كعدت الساعه ١١ الصبح هلكد ماتعبانه
اتصل عليه اكرم
أكرم...وين جاي اتصل من الصبح ماكو
ميار...اني من انام اقفل التليفون ستوني كعدت
أكرم...اذا تعبانه اخذلج اجازه بعد يوم من اياد
ميار...لا مايحتاج انشاء الله باجر اداوم
جمانه السعيدي
رجع اتصل عليه بليل وكعدنا نسولف
ثاني يوم رحت للدوام والموظفين كلهم باركولي
بدينا نجهز شغلات العرس ونستعد
ماكنت اشوف اي شي غير اكرم شكد فرحانه بي
وكل شويه اكول اكيد هذا العوض من رب العالمين
همزين خلصنا من ولد عمنا يعني ابد ماكو اي مقارنه
أكرم ووين وولد عمي وووين
علاقتي بستاذ اياد صارت زينه باعتبار اني راح اصير وحده من هاي العائله
يضحك ويسولف وياي طول الدوام
اذا يجي أكرم للدوام استاذ اياد يسمحلي اطلع قبل لا ينتهي الدوام
مرات نطلع نتغدا برا او نروح نشتري شي من برا
الحد ما تحدد يوم زواجنا
هلكد ما سعيده بااكرم وبفكرة زواجي ماكنت اشوف اي شي
الدنيا كله حلوه بعيني
احس نفسي اخذت احلى واحسن واحد بهاي الدنيا
حفلة زواجنا تخبل هلكد مااجت سيارات بلزفه
مااكدر اتخيل عددهن شكد
عرس حلو بكل تفاصيله الزغيره قبل الجبيره
ايام زواجنا تخبل وأكرم لازك بيه عبالك متزوجين عن قصة حب لمدت عشر سنوات او اكثر
ولا كأنما زواجنا تقليدي
احلى ايام حياتي كانت أول شهر من هذا الزواج
هلكد ما يتصل عليه أكرم ويجي يطلعني من الدوام
الموضفات كلهن حسدني عيني عينك يسمعني كلام
محضوضه بس داومت لكت عريس
ميت عليها تليفونها ماينزل من ايدها الرجال متخبل عليها
نسوان مدبره تعرف شلون تصيد الزلم الزينه
طبعا هنا يحجن عود بشقه بس اكيد هذا الكلام جوا
غيره
بس اني ما يهمني كلامهن خليهن يحجن
أكرم صار زوجي ويحبني
جمانه السعيدي
بس هو شهر واحد وبديت الاحظ على أكرم شغلات ما تعجبني
يمكن هي موجوده بس اني ماكنت اشوفها
لان كنت فرحانه بي وما مصدكه هذا زوجي
بينت علي الصفات الموحلوه
اناني يحب بس نفسه عايف حياته كلها تتحكم بيها امه
اول ماتعرفنا كنت حاسه يحبني وطاير بيه
مثل الطفل من يذبح نفسه على لعبه ومن يحصلها
ويلعب بيها شويه يمل منها
فقد لهفته عليه اي شي اطلبه يكول روحي الامي
اسئلي امي شوفي امي امي تعرف
امي امي امي
اني ماكنت اريد افتح على نفسي حرب
وابدي اعادي امه لان امه شخصيتها قويه وفارضه
نفسها بلبيت
كنت اسكت وامشي الامور لان اني حبيته
هو أول انسان بحياتي
بس الموضوع كلما يمر وقت اكثر يسوء اكثر
اي شي مايعجبه بتصرفاتي مايكعد يسولف وياي يكول روحي شوفي امي شلون جانت تسووي
انتي كلشي ما تفتهمين
اني طبعا مقدره اني وياا كل واحد جاي من بيئه مختلفه
اكيد راح يكون اكو بينا اختلاف بلاطباع والتصرفات
بس ممكن احنا نتفاهم بينا ونحاول نقرب واحد من الثاني
بدا اكرم يطلع هواي من البيت يخلص كل وقته برا
ومن اتصل علي يضوج
ويكون رده عليه جارح
انتي ليش تتصلين اني بلشغل
مرات بليل يبقى برا الوقت متأخر وياا جماعته
ومايرد عليه اذا اتصلت علي
اني عندي دوام لازم اكعد من الصبح
ومن ارجع من الدوام متاخره الساعه اتلاثه ونص لو بثلاثه يله اوصل للبيت مااكدر انام لان اتغدا
والكا المطبخ ماكلين وعايفينه وصخ
علما انضفه وانضف الطرمه
ابدي اجهز العشى
جمانه السعيدي
ام اكرم واخته كلشي ما يسون من اوصل للبيت
عليهن بس الغدا يطبخن الغدا ويرتبن غرفهن
باقي البيت والعشى عليه
ماكنت اكدر احجي لان اني ماأحب المشاكل واريد حياتي تستمر مااريد اطلك وارجع الاهلي
والناس تشمت بيه
بليل اكون تعبانه حيل واريد انام وهو يطلع يفتر وياا جماعته للثنتين للساعه اتلاثه
اني مجرد مااخلي راسي على المخده اروح بسابع نومه
بدا اكرم يتعارك وياي ليش ما تنتظريني شنو اجي الكاج نايمه
ميار...اي تعال من وكت ليش تتأخر وانت تعرف اني عندي دوام
أكرم...شنو الدوام اهم مني
ميار...لا مو اهم بس اني من ارجع للبيت ماانام اكعد انضف واطبخ واغسل ملابسي وملابسك اتعب
مااكدر ابقى كاعد للثنتين
أكرم...انتي هم حاسبه نفسج عليه مره اني شفت منج
الصبح اكعد الكاج طالعه للدوام
وبليل ارجع الكاج نايمه اريد اعرف اني ليش ازوجت
شنو استفاديت من هاي الزواجه
اجي عبالك جثه نايمه يمي
طبعا اني اكتشفت أكرم بعد زواجنا انسان نرجسي شما يكون غلطان يكلب الموضوع عليه
واطلع اني الغلطانه مو هو لو شكد ماحاول ارضي مايرضا
دائما يحسسني بلنقص
