رواية انتقام قدر الفصل الثالث 3 بقلم جمانه السعيدي
بعد اسبوع عمل واني لازكه الاستاذ صباح
وين مايروح وياااا
وكلش منتبه الاسلوبه وطريقته بلتعامل ويااا الناس
شكد ذكي ويعرف كل دهاليز العمل
وشكد عنده قضايااا
الناس كله تريد توكله لان كلش شاطر
صباح شنو رائيج تجين تشتغلين وياي بلمكتب العصر
اكو قضايا عندي ومحتاج مساعدتج
قدر اي طبعا اشتغل ليش لا بس خل انطي خبر البابا
صباح انتضرج اذا كنت حابه الشغل وياي بلمكتب انتضرج العصر الساعه اربعه
قدر تمام
جمانه السعيدي
رجعت واني مامصدكه وفاتحت بابا وماما بلموضوع
قدر استاذ صباح اليوم طلب مني الزم قضايا ويااا
ويريدني اداوم بلمكتب
بابا اي ليش لا هاي من الزينات اذا اشتغلتي ويااا بلمكتب راح تصير عندج خبره اكثر
قدر وبعد اتفق وياي بنطيني اتعاب كل قضيه اشتغله واكسبه
لان تعرفون المحامي ماله راتب من الدوله
بابا انشاء الله خير اريدج تنتبهين زين وتفتحين عيونج
لازم تكتسبين خبره اكثر واكثر
انشاء الله خلال سنه وحده راح يكون عندج مكتب وحدج
قدر انشاء الله
صعدت الغرفتي واتصلت بي
قدر الووو استاذ صباح شلونك
صباح اهلا وسهلا اهلا قدر
قدر بابا وافق على الشغل بلمكتب بيش الساعه تحب اكون موجوده بلمكتب
صباح بلاربعه او الاربعه ونص
راح ادزلج العنوان
ماكدرت انام سبحت وبدلت صارت الساعه بلاربعه وطلعت
وصلت لكيتهم موجودين قبلي عرفني على المحامين الي يشتغلون ويااا
واكو بنيه ترد على التليفون وتسجل الاسماء
سكرتيره بلمكتب
جمانه السعيدي
صباح انتي اليوم ضيفه عندي وباجر اجهزلج غرفه خاصه
راح اخليج تستلمين قضايا الطلاق وقضايا النفقه
كل القضايا الي تخص النسوان
قدر انشاء الله اكون عد حسن ضنك بيه استاذ
كعدت يمه بلمكتب ونطاني قضيتين كال راجعيهن
دنكت اقرا ببهم واراجع التفاصيل
كلما ارفع راسي الكا يباوع عليه
وكل شويه وكال مرتاحه
قدر اكيد مرتاحه استاذ
اجته مكالمات وطلع شويه ورجع وجابلي ويااا جاي
قدر شكرا استاذ مااريد اتعبك
صباح تعبج راحه ممكن اعرف ليش اسمج قدر
قدر بيوم ولادتي بابا تعرض الحادث بلسياره والحمد لله طلع سلامات
جانو متفقين يسموني رحمه بس بعدين امي كالت انسميه
قدرر
اني الصراحه اسمي حيل عاجبني
لان ماكو منه هواي كنت بلمدرسه حيل مميزه
لان اني الوحيده اسمي قدر
جمانه السعيدي
صباح انتي احلى قدر
قدر ابتسمت شكرا استاذ بس من ذوقك
صباح لا ولله ماجاي اجامل انت مو بس اسمج مميز
انتي كلج مميزه
قدر ابتسمت ودنكت حسيته جاي يغازلني
خلص اليوم على خيررر
وصمم يوصلني الببتنا لان الدنيا صارت ليل
قدر مايحتاج اني ااجر تكسي وارجع وحدي
صباح مستحيل اعوفج ترجعين وحدج لازم اوصلج
صعدت وياا بلسياره بس ماحجينا اي شي ووصلني للباب
بس دخلت
جمانه السعيدي
بابا هلووو حبيبتي اتاخرتي
قدر لو شايف شكد عدنا شغل يعني من طلعت الحد مارجعت بس نشتغل واني هسه ميته جوع بس شربت جاي
بابا يله بدلي امج جاي تحضر بلعشى
قدر هسه ابدل وانزل
بقيت اسولفلهم تفاصيل العمل والقضايا من رحت لمن رجعت
ثاني يوم كعدت شويه متاخره احس نفسي تعبانه
بابا يصيح يلح يله راح وقت الدوام بسرعه
جاي ابدل واجاني مسج
صباح صباح الخيرررر
قدر صباح الخيرات
صباح اتاخرتي
قدر شكووو صاير شي
صباح لا ماصار شي بس منتضرج اقصد القضايا منتضرتج
قدر اي هسه شويه واجي
نزلت بابا كام يحجي اذا تتأخرين مره ثانيه اعوفج تجين وحدج
قدر بس اليوم احس نفسي تعبانه حيل
بس وصلت لكيته ينتظرني برا بس شافني ابتسم
سلم على بابا ودخلنا
صباح ليش اتاخرتي
قدر جاي تحسسني اني مهمه
صباح مو بس مهمه كلش مهمه تعودت عليج مااكدر ابدي بومي من دونج
قدر صحيح
صباح صدكي اذا مااشوفج مااعرف ابدي يومي ابد
جمانه السعيدي
هذا اليوم بس الصبح شفته
انطاني القضايا المهمه واكو مرافعه كال اجليه على باحر
وطلع وبعد مارجع
دزلي مسج العصر ضروري اشوفج بلمكتب
قدر اكيد
كلامه بقه ابالي من يحجي وياي كلام حلووو
يحجي بطريقه عجيبه احس كلامه ينزرع بروحي وعقلي
رجعت اتغديت ونمت شويه وكعدت سبحت وبدلت
لبست فستان كابوي مخصر
وفتحت شعري ومكياج وعطر
ليش انكر احس نفسي جاي ابدل واكشخ علموده
طول الوقت اريده بس عينه عليه
فرحانه بكلامه واهتمامه بيه حيل
نسيت هو اكبر مني بعشرين سنه ومزوج وعندا عائله
رغم اني ماشايفه عائلته ولا متعرفه عليهم ابد
نسيت كلشي
اريد اريد اسمع منه كلام واشوف اهتمامه بيه
دخلت للمكتب هو مجان موجود رحت انتضره بمكتبه
وبديت احضر بقضيه الي اجلناها اليوم
ربع ساعه واجه بس دخل وشافني ابتسم
صباح الله شنو هذا العطر الطيب شنو هذا الوجه الحلوووو
قدر ابتسمت
صباح كلشي بيج حلووو والحلا زادت بهاي الابتسامه
قدر دنكت اذا تبقى تحجي وياي هيج مراح اعرف اكمل شغلي ابد
صباح انتي بس اكعدي اني من اشوفج الشغل كله يخلص وحده
قدر وين مكاني خوما ابقى مكابلتك وكاعده
أشر على كلبه وكال هذا مكانج
قدر فتحت عيوني حيل باستغراب ترا احجي صدك
اريد مكان خاص ببه
صباح هو هذا المكان الي خاص ببج
طردتي كل الناس الي اعرفهم صار عشرين سنه واحتليتي كلبي
قدر اليوم صاير الكلام كله غزل ومبين مراح نشتغل ابد
صباح اذا كتلج اشتغلي من مكتبي تزعلين
قدر لا بس اكو قضايا احتاج احجي وياا النساء على انفراد
صباح اني راح اخليلج مكتب بغرفتي
واذا اكو قضايا من هذا النوع اعوفلكم المكان
اهم شي تكونين كبالي
جمانه السعيدي
كلامه طيرني السابع سما حسيت نفسي مو بلارض
معقوله هذا الإنسان الناجح
هذا الإنسان الي الناس كله تحترمه وتقدره
يحبني اني
يريدني اني
كلشي جان حلووو بلنسبه اليه لان هاي الاحاسيس احسه اول مره
كلامه مثل السحر ونزل على كلبي
عيوني مااشوف بيهن غيره ابد
فعلا خلالي مكتب بغرفته وكمنا نشتغل سويه
اني مكابلته بلمحكمه وبلمكتب
ودائما من يخلص عمل المكتب يوصلني للبيت
تعلقت بي بشكل مو معقول
حتى من ارجع للبيت مايبطل يتصل ويدز مسجات
فات اربع اشهر واني اشتغل وياااا
وكمت أحقق نجاحات بلعمل اي قضيه الزمه لازم اكسبه
وماتضيع مني اي قضيه
بس بتوجيهات استاذ صباح
واني هم كلشي منتبه الشغلي
واحفظ اي شي يصير كدامي بحيث مايمر شي من جوه ايدي ابد
جمانه السعيدي
بيوم كاعدين بلمكتب راسا دخلت علينا وحده
حلوه جسمه مليان انيقه ومرتبه
عمرها بداية الاربعينات
جان تكوول وبن صباح
قدر منو حضرتج
...اني زوجته
..هسه يرجع تفضلي
من كالت زوجته احس كلبي نعصر احس كمت اتنفس بلكوه
جان التفتت عليه وكالت انتي منو ماشايفتج هنا قبل
قدر هااا صار فتره اشتغل وياا استاذ صباح
...وليش كاعده بمكتبه
قدر علما تجهز غرفتي
....هااا تجهز غرفتج خزرتني وكعدت
راسا طلعت تليفونه واتصلت بي
...الووو صباح وبن انت اني مو كتلك شويه واجيك للمكتب
يله انتضرك
سدت التليفون ورجعت خزرتني مره ثانيه
ماكدرت اتحمل اني وياها بنفس المكان وجودها خنكني حيل
طلعت برا راسا هو وصل نضرلي نضره توسل قبل لا يدخل للغرفه
اسمعه يكولله هااا حبيبتي خوما اخرتج
...هاي شنو الي جايبه ومكعده بمكتبك
.صباح هاي ابوها صديقي وطلب مني اشغله بمكتبي
يعني محاميه تحت التدريب
هاي شبيج حبيبتي ترا بكد زهراء يعني بكد بنتي
....خليله مكتب برا مو مكابلتك وكاعده
اذا انت زين بنات هلوكت موزبنات
راسا طلعو هو وياها وهو خال ايده بايده
ماكدرت اتحمل بس طلعو اخذت جنطتي وطلعت من المكتب
