رواية اصفاد العشق والهوس الفصل السابع 7 بقلم سارة احمد
والصبح أيقظ حسنها وغفا
وكأنَّ جمال الصبح لم يكن...الا لها
ولكي فى قلـــبي...نبضة عشق..
لا يحتويها أحد غيرك..
ولك عهدا مني .. أن لا ترى
عيني غيرك .. انتي روحي..
لن ولا ولا تشتاق .. إلا لكي ..
ولكي انتي وحدك حنين عشقي ونبض قلبي
5
وقف جلال وقد جحظت عينيها وهدر : يا ولاد الكلب !!
نظرت زاد إليه بدهشه وهتفت : ف ايه !حصل ايه؟؟
ظل يراقب الشاشه أمامهم ولم يرد عليها مما دفعها الي سحب أحد المقاعد والجلوس بجانبه ، وقرأت ما دون أمامها من اخبار ، لحظات وفتحت فمها بذهول وهتف: يعني ايه الكلام ده ؟! يعني احنا دلوقتي هاربنين من مين !ولا مين ؟
2
كور قبضته بغضب وهدر: احنا كده هاربين من كله!! الحكومه ، وناس منعرفش هم مين لسه!! بس ازاي ده ؟؟
جلس وهتف : يعني أنا دلوقتي هارب ومتستر علي متهمه ف قضيه كبيره تخص أمن الدولة!!
يا حبيبي !!!
هدر باخر كلمه بسخريه وهو يمرر يده ع شعره بعنف ...
5
نهضت زاد وردت ؛ احنا ممكن نروح دلوقتي وترجعني المدريه وتقول اللي حصل !!
ضحك بتهكم واردف ؛ ايه بقا اللي حصل ؟!
2
- اللي حصل قدام المدريه ، ضرب النار وأننا هربنا من الرصاص مش من السجن ، أنا بريئه ومش عايزه اهرب !!
اغمض عينيه بملل مخلوط بالغضب وقال : انتي يا دكتوره مش بتفهمي ولا ايه ؟!
لكزته بقوه وردت: ليه مش بفهم يا فيلسوف زمانك؟؟ فهمني طيب؟!
اشاره الي الشاشه بغضب وهدر: الخبر ده كان متحضر ،وكل حاجه معمول حسابه ،في حد عايز يورطك ف القضيه باي شكل ، وانا كمان عشان حظي مهبب بهباب اتورط معاكي!! يبقي ايه؟!
10
نظرت له بدهشة وكأنه برأسين أمامها وردت : يبقي ايه ؟!
رمش بعيونه يستوعب سؤالها وغمغم : لا ده كتير عليا بجد !! اه أنا عرفت انتي ضاربه ايه دي دماغ كولة مش كده؟!
8
لكزته بقوه وردت: ماتحترم نفسك وتكلمني زي ما بكلمك الله !
صاح بغضب : يبقي ف حد بيحفر وراكي يا دكتوره وعايز يقتلك أو يجيبلك اعدام فهمتي بقا؟!
هبطت ع الكرسي من جديد وجحظت عينيها بذهول وغمغمت : طيب ليه؟ ومين ؟!
ده انا انا عمري ما أذية حد ف حياتي عشان حد يفكر يعملي فيا كده ؟؟
2
شعر بالشفقه عليها وضع يده ع يدها وقال: متخفيش يا دكتوره أنا معاكي وان شاء الله ربنا يقدرني واقدر اثبت برائتك ..
وابتسم بسخريه وأكمل : وبرئتي بقا احنا دلوقتي هاربنين زي بعض !!
.......................
ف الحاره ف منزل حمزه ..
دلف من باب الشقه وجد والدته وزوجته ف انتظاره ويبدو القلق والتوتر ع صفحات وجوههم ونار الانتظار اكلت قلوبهم بلا رحمه ..
اغلق الباب وتقدم إليهم وعلي وجهه إمارات الإحباط والحنق الذي قرأته عنايات بسهوله وهتفت : ايه يا حمزه مش قولت يا ابني أن اختك هتخرج النهارده هي فين يا حبيبي ؟!
بلعت غرام لعابه بصعوبه وهمست : حصل ايه يا حمزه اتجدد لزاد تاني ولا ايه ؟!
صاحت عنايات بحزن: بس يا بت فال الله ولا فالك خلي يتكلم !!
+
ثم نظرت إليه بلهفه ورجاء أن يريح قلبها الملتاع ويكويه نار فراق ابنتها الوحيدة بالنار: اتكلم يا حمزه ابوس ايدك يا بني انت ساكت ليه ؟!
تارجحت عينيه بينهم بالم وحاول اجلا صوته وقال : التقرير اتاخر مش عارف ليه بيقولوا هيطلع بعد يومين !
ضربت عنايات بحزن ع فخذيها وهتفت بدموع : يعني ايه اختك مش هتطلع !لبسوها التهمه وخلاص كده ؟!
3
ربتت غرام ع منكبها وردت : متقوليش كده يا خالتي انتي عارفه الحكومه حبالها طويله هم يومين وان شاء الله يكون خير !!
اشار له حمزه وهو يجلس بجانبها ويمسك يدها: يا أمي متعمليش ف نفسك كده ! زاد كويسه مسألة وقت بس اصبري الله يرضي عليكي وادعيلها ؟!
+
ربتت عنايات ع صدرها فوق قلبها وغمغمت بدموع: قلبي مش مطمن يا ابني حاسه ف حاجه ومش هينه أنا قلبي عمره ما كدب عليا شدة اختك دي يا حمزه مش هتخلص بالساهل أنا قلبي حاسس بكده !!
3
ضمها إليه واحتضانها وهو ينظر إلي غرام بقهر وغمغم: لا يا نعناعه قلبك خدعك المره ؛ دي زاد كلها كام يوم وترجع تنور البيت وتدوشنا زي عدتها ..
+
عضت غرام ع شفتيها تمنع شهقتها وهي تدرك أنا ما يقوله زوجها ما هو الا درب من الخيال وان ما يخفيه بداخله أجل وأعظم ...
.............................
ف منزل وتين
استيقظت ع صوت رنين الهاتف ..
تململت بالم من نومها ع الأرض وهي تشعر بتيبس أطرافها من بروده الأرض التي لفحت جسدها...
اعتدالت ببطئ وهي تفرك عينيها بالم تشعر بحريق ف عينيها بسبب كثرة البكاء بالأمس وهمسة : اه ياني عيوني بتحرقني اوي !
+
انتبهت الي صوت الهاتف الذي عاد يصدح من جديد ف الغرفه نهضت وسحبت هاتفها وحدقت به... وتارجحت عيناها وهي تضغط على زر الصوت والقت الهاتف تحت وسادتها ..
وخرجت من الغرفه وأغلقت الباب وجدت والدتها تجلس امام التلفاز ولكنها هي في وادي والتلفاز في وادي اخر...
+
اقتربت وتين واخفضت صوت التلفاز ، وجلست بجانب بدريه ووضعت راسها ع فخذها ، مسحت بدريه ع شعر ابنتها وهي تشعر بالقلق والتوتر الظاهر ف عيناها .. ولكن ما الجديد ؟!
فطلما رأته! وطلما صمتت !ولم تسألها وكأنها تعلم الاجابه أو كأنها لا تريد أن تسمع اجابه اخري حتي لا تدرك أنها فشلت كام أن تحمي ابنتها الوحيدة من احساس فقدان الشعور بذاتها ،
5
ولكنها كانت تظن أنها تحميها هكذا ، ولم تدرك أن الإفراط في كل شي ايضا خطأ جسيم ، الإفراط في الخوف عليها من الناس ،ومن المجتمع ، والغلق عليها بين جدران غرفتها جعل منها شخصية هشه وضعيفه ، لا تستطيع اتخاذ القرار المناسب في اي شئ....
4
بلعت بدريه لعابه بصعوبه ، وهي تواجه ذاتها بتلك الحقيقه الظاهره لها من البدايه كالشمس في كبد السماء ، ولكنها هي من كانت يتجاهلها حتي لا تعترف بها ، وتواجه مشكله موجوده بالفعل ، وعليها ايجاد الحل لها لا تجاهلها الذي عقد الأمر أكثر ، ووصلت لطريق يكاد يكون مغلق ، ولا تري به اي بصيص أمل ،
1
ولكن لن تستسلم هي من أفسدت الأمر وهي من عليها بـ إصلاحه ، نظرت إلى ابنتها الشارده بملكوتها الخاص بعيون يملؤها التشتت والحيرة ولمحه عميقه من الحزن وقالت : مالك يا وتين ؟!
للحظه لم تدرك وتين هذا السؤال ونظرت إليه
وقالت: ايه ده ؟!
تنهدت بدريه براحه وردت: مالك يا بنتي ف حاجه معاكي محيراكي؟!
2
رفعت وتين حاجبيها بذهول وردت: اول مره تسئليني السؤال ده يا ماما ؟!
مسحت ع شعرها وقالت : بس طول عمري حاسه بيكي يا بنتي !!
اعتدالت وتين وقالت : وليه مش بتقولي !!
ليه ساكته يا امي ؟! أنا طول عمري محتاجلك !!
2
حاولت بدريه الاقتراب منها وتمتمت : وانا جانبك يا وتين !
وقفت وردت بحده غير مقصوده : لا يا امي أنا طول عمري لوحدي محدش جمبي ولا حتي انتي؟!
وهرولت الي غرفتها وهي تنحب ويتملكها شعور غريب بالغضب من كل شي واي شي ...
........................................
ف شقه سامح ...
+
حاول جلال فك الكلبش حتي فكه وحرر يدها اخيرا ، قبضت علي يدها وهي تدلك رسغها بالم وغمغمت : غبي عمال يسحب ف ايدي لما عورني !!
رفع حاجبه بدهشه وقال: انتي دايما كده بتحدفي دبش ؟
هزت راسها ببرود وهتفت : لا طبعا ! بس انت شاطر اوي تطلع اوحش حاجه ف اللي قدامك !!
2
رفع حاجبه بدهشه ورد : ده انا ! هو انتي بتتكلمي علي نفسك وانتي مش حاسه؟! أنا ف حياتي كلها مشفتش واحده مستفزه زيك !!
يا ساتر يا شيخه انتي بلوه والله ..
2
تحرك من أمامها وتركها جحظت العنين وهمسه : أنا بلوه !!
ثم صاحت : استني انت رايح فين ؟! هي مين دي اللي بلوه يا تور انت !!
شوح بيده وهو يخرج من المطبخ وغمغم : الله يحرقك مش عارفه قال مين اللي بلوه ؟؟
يمكن امي يا ختي!!
1
قبضت ع ذراعه وسحبته وهتفت بنزق : لا استنا انت اتجننت أنا بلوه ؟!
نظر لها من اغمس أقدامها الي قمة راسها وهز رأسه بيأس وهمس لنفسه: اجمد بلوه شوفتها ف حياتي !
لكزته بقوه عندما طال صمته وصاحت : انت هتفضل متنح كده كتير !!
5
عض ع شفتيه بغل واقترب منها بخطوات ثابتة ببطئ وقال : انتي عايزه ايه بالظبط عشان أنا جبت اخري بقا !وشكلنا كده مطولين مع بعض يا انسه بلوه !!
تراجعت زاد حتي انصدمت ف بار المطبخ ولكزته بقوه ف صدره وردت: برضو هيقولي بلوه ؛ يا ابني احترم نفسك بقا أنا مش عايزه اهزئك؟!
قبض ع يدها وثبتها بجانبها ع البار واقترب منها وهمس: ابنك أنا !! طب لمي لسانك الطويل ده انا برضو لساني اطول منك شخصيا هتقلي ادبك هتشوفي سفاله وقله ادب احنا الاتنين هنتفاجي بيها ولساني مش طويل بس بيعمل حاجات تانيه كمان هتبهرك !!
شهقت وأغمضت عينيها بالم من قبضت يده ع رسغها وهتفت : اااه ايدي ؛
نظر لها بلهفه وترك يدها بسرعه وهتف : مالها وريني كده ؟!
مسك يدها بين يديه وهو يفحصها حتي وجد علامات حمراء بسبب الكلبش سحبها الي الحمام وقال : آسف يا دكتوره مكنتش اقصد تعالي اكيد ف مرهم الكدمات ف علبه الاسعافات هنا !!
5
أخرج علبه الاسعافات ،واخرج المرهم ، ومسك يدها ووضع القليل ، وبدأ ف تدليك يدها براحه ولمسه حنونه ، عضت زاد ع شفتيها بالم ،ثم نظرت له وتاملته بدون وعي ، وسيم جدا بشكل يخطف الأنفاس ، وسيم لدرجه الغرور ،
3
رفع عينيه عندما شعر بها تحدق به ، والتقت العيون بنظره تحمل بداخله مشاعر غير مفهومه ،
ولهفه غير مبرره .. عيونها أشبه بنجمتين بالفضاء الواسع علي الرغم من أنها أمامه مباشرا ولكنها بعيده جدا .. لحظات مرت كانت مسروقه من الواقع حتي مر بإصبعه ولمس دبله خطبتها التي ف اصبعها ..
3
وشعر كأنها حلقه من نار كوت قلبه بنارها ..
وإعادته الي ارض الواقع .. بأنها ملك لشخص آخر .. وربما تحبه وسوف تتزوجه وتبني معه حياه ..
وانت جلال عد الي رشدك انت لا شئ ف حياتها..
2
انت مجرد شخص عابر ف قصتها ..وشاء القدر أن تلتقي بها وتسرق قلبك وتخطف النوم والراحة من حياتك ...
عد جلال الي رشدك انت ليس لك مكان ف حياتها...
+
ترك يدها وتنحنح حتي يجلي صوته من كم المشاعر التي ملأت قلبه وقال : احمم المرهم ده كويس هتخفي عليه !!
3
وتركها وخرج ، وقفت زاد لا تعلم ماذا حدث !!
ولماذا قلبها يدق بتلك الطريقه ؟! تحركت حتي سندت ع طرف الحوض ، ونظرت إلى المرأه
وهمسه: فيه ايه مالك يا زاد ؟؟ ده حسام نفسه مش بيوصلك الحاله دي من مجرد مسكت ايد !!
فوقي يا زاد انتي مخطوبه وحسام ميستهلش كده ابدا !! ده كفايه وقفته جمبك وانتي متهمه بقتل أبوه! اصحي يا زاد انتي بتغلطي واول مره تقعي ف الغلط يا دكتوره !! فوقي يا زاد قبل فوات الاوان !
..................................
ف المستشفى صباحا
ارتدي ايهم ملابسه وهم بالخروج لكنه توقف عندما وجد صديقه شامل يدلف إليه نظر إليه بدهشه وقال: ايه ده انت رايح فين يا جدع ؟!
اشاره له بيدها وقال : هخرج مش طايق اقعد ولا دقيقه ؛
تمسك به ورد بذهول : تخرج فين انت لسه طالع من العمليات من كام ساعه انت اتجننت ؟!
3
تمسك بالباب وقال : اه اتجننت !
نظر له شامل بدهشة وقال: طيب اهدي وقالي حصل ايه جننك كده ؟!
زفر بحنق وغمغم: وتين مشيت وهي زعلانه من كلام سلوي هانم ؛ وبرن عليها من امبارح مش بترد عليا !!
+
اغمض شامل عينه يحاول جلب بعض التركيز وهتف : أنا مش فاهم حاجه !! مال سلوي هانم بوتين ؟ وايه جاب وتين هنا ؟ وانت زعلان ليه عليها كده ؟!
+
زاغت عينيه وضغطه ع فكيه وقال : عادي واحده بتشتغل عندي ومحبش أنها تتهان قدامي ومن امي وانا ساكت !!
رفع شامل حاجبه وتمتم بخبث : لا يا راجل هي دي كل الحكايه ؟! طيب خلاص لما تخرج من هنا بالسلامه وتقابلها ف المستشفى ابقي اعتذر وخلاص الحكايه مش مستاهله الغضب ده كله ..
+
حك ايهم بجانب راسه وغمغم : لا أنا لازم أخرج أنا اتخنقت !!
- ايهم هات من الاخر مش عليا يا صاحبي
هتف بها شامل بثقه ..
+
رفع ايهم منكبيه وغمغم: بحبها يا اخي ارتاحت !!
قهقه شامل بمرح وقال: اخيرا هشوف فيك يوم ؛
دفعه ايهم من أمامه وخرج بنزق وتبعه شامل وهو يضحك بمرح وتمسك به وقال : خلاص انا اسف ! قولي طيب انت متاكد من مشاعرك مش يمكن عشان البت حلوه اوي بس انت مشدود ليها ؟!
10
رفع حاجبه بدهشه وقال ؛ ليه شايفني عيل صغير من هيقدر يفهم مشاعره يا بني ادم ؟!
هز شامل رأسه وقال : عشان كده ورطها ف حق الجهاز اللي اتكسر !!
هز رأسه وتمتم: أنا ورطها عشان متسبش الشغل وتبعد عني !! بس والله قلبي اتقطع عليها !!
بس اعمل ايه لو مشيت من غير ما اربطها مش هترجع تاني ..
3
ربع شامل ذراعيه وغمغم : يا سلام قلبك انت اتقطع؟!
غمز له بطرف عينه وقال: اه ده اتعصر وحياتك ؛
تحرك ايهم الي الخارج وخلفه شامل وهو يضحك بمرح
..............................................
ف منزل حسام
نهض من فراشه وهو يحدق ف هاتفه يقرا الأخبار التي ملأت الصحف والميديا بسرعه البرق برقت عينيه وهتف : يعني ايه الكلام ده ؟! انا حاسس ان الموضوع ده ف أنه من الاول !!
ترك هاتفه وتحرك حتي يبدل ملابسه وسحب هاتفه وخرج بغضب وتوجه الي منزل حمزه لحظات ودق الباب ..
3
فتح حمزه الباب واندفع حسام الي الداخل بغضب
صاح حسام بصوت يدوي بغضب : شوفت الاخبار شوفت بيقولوا ايه ع زاد والضابط ؟! أنا عقلي هينفجر إزاي يا حمزة؟ إزاي أصدق اللي بيحصل ده؟ اللي كنت شايفها أختي قبل ما تبقى خطيبتي، تهرب مع الضابط ده معناه إنها متورطة إنها خانتني!
8
عض حمزة ع شفتيها بغضب وهدر : انت اتجننت يا حسام، أختي مستحيل تعمل كده. مستحيل !
إنت عارف كويس إنها بريئة من تهمة قتل أبوك !! أبوك كان بالنسبة لها أكتر من حماها... كان أبوها التاني.انت هتخيب يا حسام ؟!
2
ضرب حسام الطاوله بقبضته وهدر : عارف! عارف إنها ما قتلتوش! لكن دلوقتي... إيه اللي يخليني أصدق إنها ما خانتنيش؟ هربت مع الظابط، يا حمزة! قدام الكل، قدام عيون الناس، دي كانها بتثبت التهمه ع نفسها
1
حاول حمزة التماسك وقال : هربت عشان لو ما هربتش كانت هتموت يا حسام! أنت مش شايف الصورة كامله الضرب اللي حصل كان محاولة لتصفيتها، والضابط عمل اللي كان لازم يعمله عشان يحميها ..
+
برقت الدموع ف عيون حسام وغمغم : يحميها؟ يحميها إزاي؟ ياخدها ويهرب؟ ده كده حط ع النار بنزين دلوقتي كل الناس بتقول إنها متورطة، وإن الظابط متواطئ. وأنا... أنا اللي في النص، اللي الناس بتقول عليه مغفل ولا حتي شريك ..
+
اقترب حمزه منه بخطوات ثابتة وهتف وهو يحاول السيطره على أعصابه: إنت أكتر واحد عارف إن زاد مستحيل تقتل أبوك. ليه فجأة مش قادر تصدق إنها ممكن تكون ضحية زيك؟ ايه اللي جد يا حسام ؟!
+
أشار له وهو يبتعد بعينيه : مش قادر أفكر يا حمزة. عقلي بيقول إنها بريئة، لكن قلبي... قلبي مش قادر يستوعب إنها هربت مع حد غيري، حتى لو عشان تنقذ نفسها...
3
نظر له حمزة بعمق وتمتم : زاد عمرها ما كانت خاينه يا حسام. أختي اتحطت في موقف ما تقدرش تهرب منه. الظابط ما كانش عنده خيار. ليه ميكنش الناس اللي قتلوا أبوك هما نفسهم الناس اللي عايزين يخلصوا منها، عشان ما يتكشفوش ..
+
حدق حسام بنظرات متردده مخلوطه بالغضب وقال : ولو الكلام ده صح... ليه ما رجعوش ليه بدل ما يواجهوا الكل بالحقيقة يخليها تهرب؟
+
تمسك حمزه باعصابه لآخر نفس حتي لا تسمع والدته ما يجري وغمغم : عشان عارف إن لو رجعها، حياتها وحياته هينتهوا. الظابط ده اختار يحميها بالطريقة الوحيدة اللي يقدر عليها وإحنا... إحنا لازم نختار نصدقها، ونساعدها، مش نلومها.
+
وضع حسام يده ع رأسه يحاول أن يستوعب كلام حمزه ورد : بس أنا مش قادر يا حمزة. كل اللي حواليا بيقولوا العكس. الناس بتبصلي وكاني
قطع جملته وغمغم : أنا بحبها بس...
6
قاطعه حمزه بقوه وهدر : بتحبها يبقي تصدقها . ده كل اللي هي محتاجاه دلوقتي. زاد بتواجه ناس واضح انهم اقوه منها ومني ومنك . لو إحنا ما وقفناش معاها، مين هيوقف؟
غمغم حسام بضعف : طيب... نعمل إيه؟
+
جلس حمزة وقال :نحاول ندور على الحقيقة. نكشف الناس اللي قتلوا أبوك، واللي ورطوا زاد ونرجعها بأمان.
.........................
ف الحاره
وصل ايهم أمام منزل وتين .. وترجل من السياره ودلف الي البنايه.. وصعد الدرج بسرعه حتي وصل امام الشقه ..ودق الباب ووقف سحب ياقه سترته وتنحنا لحظات وفتحت بدريه الباب وهتفت : اهلا يا ابني لسه فاكر خالتك بدريه ؟!
3
ثم شهقت برعب عندما لفت نظرها الحمالة تلف ذراعه بثبات، تخرج من عنقه وتمتد حول كتفه لتثبته في مكانه، بينما أطرافها متشابكة بعقدة محكمة. بدا وكأنها تُعلن بصمت عن الألم الذي يحمله...
+
شهقت بصوت مرتجف، وعيناها تتارجح بين وجهه المرهق والحمالة المعلقة وهتفت : إيه اللي جرى يا بني إنت كويس ؟!
ابتسم ايهم واشاره لها برأسه وقال: كويس يا خالتي متقلقيش ممكن ادخل عايزك ف كلمتين !
2
افسحت له المجال وردت بسرعه : لامؤاخذه يا ابني بس إتخضيت عليك ادخل اتفضل ...
دلف ايهم وهو يبحث عنها بلهف بعينيه وقال: اسف لو جيت من غير معاد بس كنت عايزك ف كلمتين كده وهمشي ع طول !
+
اشاره له بيدها وهتفت : اخس عليك ده كلام وانت اللي دخلت قلبي من اول ما شفتك يا ايهم وربنا وحده عالم بغلاوتك !!
قبل راسها بحنو وقال: ربنا يخليكي ليا يا خالتي ..
3
اشاره لها بيده واردف: عملتي المحشي بقا ولا ايه ؟!
أنا من امبارح ف المستشفى وانتي عارفه اكل المستشفى عامل ازاي ؟؟
ضحكت بمرح وطيبه وهتفت : عارفه يا ضنايا لا يتاكل ولا يتشرب اقعد وساعه والمحشي يبقا جاهز انت تعبان ولازم تأكل وترم عضمك !!
+
ضحك وهو يجلس وهتف : طيب وادي قعدها امال وتين فين يا خالتي ؟؟
هتفت بدريه وهي تدلف المطبخ : ف اوضتها يا عين خالتك شكلها نايمه ..
قلب عينيه بملل مخلوض بالحنق وغمغم : نايمه ازاي ده وقت نوم ده ؟!
أخرج هاتفه ودق عليها ولحظه وسمع صوت رنين هاتفها ف الغرفه لكن دون رد حتي انتهت الرنه زفرا بحنق وغمغم: شكلها نايمه بس وماله أنا قعدلك اهو يا جنيتي
.........................
ف فيلا ابو الفضل ..
19
دقت أحد العاملات غرفه نوم سلوي ودلفت : صباح الخير يا هانم ؛
ردت سلوي وهي تقلب ف هاتفها بملل : ف ايه يا صباح ؟!
- ف راجل كده شكله غريب تحت ومصمم يقابل حضرتك يا ست هاانم !
نظرت لها بملل وغمغمت : اسم ايه مين ده ؟!
+
- اسمه برعي يا هانم ..
- خلاص غوري وانا نازله ؛
انسحبت العامله باحراج من تلك المتعجرفه واغلقت الباب ؛
نهضت سلوي وقامت بتغير ملابسها واندفعت الي
الأسفل ..
+
دلفت الي الغرفه وهتفت بحنق : ايه اللي جابك دلوقتي يا برعي ؟!
نهض المدعو برعي وهتف : عندي خبرين انقح من بعض يا ست الكل ؛
جلست سلوي واشعلت سجارتها وغمغمت : اممم اخلص !
هز رأسه ورد : الباشا الصغير ساب المستشفي وطلع ع عنوان ف السيده زينب !!
قطبت حاجبيها وقالت: السيده زينب!! وهو رايح لمين هناك ؟!
تنحنح براعي وغمغم : نفس البنت يا هانم ؛
7
نهضت سلوي بغضب شديد وهدرت : هي حصلت بيروحلها البيت ؟!
اوما برعي وقال : هو عندها دلوقتي يا فندم ؛ والخبر التاني أنا عرفت اوصل لابوها !!
أخرج ورقه من جيبه وقال : وده عنوانه يا ست هانم؛
بس ده راجل زباله محدش ابدا قال ف حقه كلمه كويسه !!
1
اشاره له برأسها وتمتمت : حطها عندك وروح انت دلوقتي ! وفتح عينك وأيهم ميغبش عن عينك يا برعي انت فاهم ؟!
هز رأسه وهتف: فاهم طبعا !! طيب معاليكي تامري باي أوامر ؟!
هزت راسها بالنفي وهي شارده بغضب ؛ انصرف برعي وغمغمت من بين فكيها: ماشي يا ايهم أما علمتك الادب من اول وجديد ماشي !!
وووووووو
8
يتبع
