رواية اصفاد العشق والهوس الفصل الثالث 3 بقلم سارة احمد
دنا منها كالمغيب وهو يستنشق رائحتها المسكره وغمغم : ريحتك سافله بشكل !!
تراجعت وتين بزعر وهمسة : ايه ده ؟!
دنا منها وهو ينظر لها من اعلي الي اسفل بعدم تصديق ، تراجعت أكثر حتي اصطدم ظهرها باحدي الاجهزه الطبيه المتطورة ، وسقط ع الأرض وتهشم ..
3
ايهم: حاسبي استني !!
هتف بها ايهم عندما سقط الجهاز ، وشهقت وتين وتجمعت الدموع ف عينيها وهي تلطم ع وجهها وهمسه: يخيبك يا وتين ؛
نظر لها بذهول ومسك يدها حتي يمنعها من لطم وجنتيها وهتف : بس يا بت المجنونه انتي ايه ملبوسه ؟!
ظلت تتخبط بين يديه وهي تشهق وتنحب بفزع ، اقترب منها وحاوط خصرها حتي يسيطر عليها وهتف : خلاص يا وتين اهدي ، يا ديني ايه الدماغ دي !!
صاحت وهي لا تشعر بالتصاق ايهم بها : البتاعه انكسرت يا نهار اسود اكيد غاليه اوي ؟!
عض ايهم ع شفتيه وهو يشعر بنار تأكل جسده بسبب التصاق بها وهي تتحرك وتحتك به دون وعي
زفرا بحنق وصاح بنفاذ صبر: اهمدي بقا يابت أنا ع اخري وربنا !
10
سكنت بين يديه اخيرا ، ونظرت إليه بتشوش وصدرها يعلو ويهبط من شده الانفعال ، حدق الي عينيها الساحره وهو يشعر بدوامه تسحبه الي اعماق البحر ، غاب ف سحر عيونها عن الواقع ، ووقع صريع اللحظه ، مرر عينيه الي وجنتيها التي تشتعل بحمره مذهله تنافس ف روعتها اوراق الورد الجوري ، ثم حدق الي شفتيها فهذه قصه اخري تدعوه الي تقبيلها وبالحاح قاتل وهو بالطبع لا يرد دعوه هذه الجميله الفاتنه اقترب منها وهمس : جمده جمدان السنين !
10
دنا منها وقبل أن يلمس شفتيها لفحت أنفاسه الملتهبه وجهها سار ماس من الكهرباء بجسدها وشهقت وهي تنزلق الي الأرض وتتلعثم : لالالا
انزلق معها وهو ينظر لها بدهشة وقال: مالك ف ايه ؟ اهدي اهدي أنا متاسف يا وتين أنا عـ ..
قطع جملته فتح الباب ودخول شامل رفع حاجبه بدهشه وغمغم: الله يحرقك انت بتعمل ايه يا عربجي ؟!
شهقت وتين ولطمة وجنتها تمسك ايهم بيدها وقال: بس كفايه قومي معايا !!
نهض بها وهتف: ف ايه يا جدع انت هو ميتن ام الباب ده معمل ليه مش تتنيل تخبط !
رفع شامل حاجبه وهتف: لا يا شيخ ماشي برضو كنت بتعمل ايه ؟؟
نظر له بغيظ وسحب وتين المتخشبه بصدمه واجلسها ع الكرسي وهتف : اهدي يا انسه وتين مش مشكله !
اشارة إلي الجهاز وهمسة : الجهاز انكسر ؛
لمعت فكره خبيثه ف عقل ايهم وقال بأسف مصطنع : اه اتكسر للاسف وغالي جدا كمان !!
9
دها ع فمها تمنع شهقتها وهي تنحب وتصيح: عاااا أاا نا مـــ مـ ش عع
رفع ايهم حاجبه بذهول وللحظه كاد يتراجع عن خطته ، ولكنه عض ع شفتيه بغل عندما اقترب منها شامل وهتف: اهدي يا انسه مفيش مشكله !!
هتف ايهم : حاسب يا جدع انت ؛ مفيش مشكله ازاي ! انت عارف الجهاز ده بكام ؟!
نظرت له وتين وعينيها تلمع بدموع مع احمرار أنفها وشفتيها ليهتف ايهم وشامل معا : يخربيت جمالك !!
نظرت لهم بدهشه وردت : ايه ده ؟!
هز ايهم رأسه حتي يفيق من سحرها وهمسه : اسندني يا صاحبي والنبي أنا ع تكه وهكلها !
ربت شامل ع كتفه وهو لا يستطيع أن يزيح عينيه عنها وهمس : اول مره يبقي معاك حق يا لا !!
13
نظر له ايهم بغضب وهدر: طب اطلع بره ولا اتصل بمراتك اقلها تعالي شوفي محن جوزك ؟
رفع منكبيه وغمغم: قولها عادي اه انا متجوز بس بحب الملبن !!
لكمه ايهم بغضب وهدر: نعم يا محنه !!
رفع يده باستسلام وهتف: ااااه خلاص يا مفتري أنا بره اصلا ؛
انصرف شامل وهو يضحك ع غضب صديقه واغلق الباب ...
حدق بها وقال بجديه مصطنعه : هااا هنعمل ايه ؟ هتدفعي تمن الجهاز ده ازاي ؟؟
نهضت وهي تضم حقيبتها الي صدرها وهمسة بخجل : هـ هو بكااام ؟!
ضحك بعبث وقال: لا ابدا مائة وخمسين ألف بس !!
رمشت بعيونها وتعثمت: كـ كام ؟!
اقترب من كرسي مكتبه وأشار بيده وقال : اه مائة وخمسين ألف !
جلست وهي ترتجف وقالت : بس انا ...
نظر لها ورد : مش معاكي المبلغ ده ؟!
هزت راسها بخجل ونكست رأسه انزلق شعرها الناري المموج كموج البحر اغرق ايهم فيه اقترب منها ووضع يده ع ذقنها ورفع وجهها واردف بدون وعي: انتي اكيد جنيه
"تأملته للحظات أنه وسيم حد اللعنه سواد عينيه يسحبها إليه دون أدنا مجهود .. شهقت وتين وهي تتساءل لماذا قلبي يرجف هكذا وكاني فقدتي أحدي دقاته .. ولماذا لا أشعر بالخوف منه الان ..ولماذا هو ؟!
فاق ايهم من سحر اللحظه وغمغم : انتي لازم تسددي الفلوس دي !!
عادت للواقع وهمسة : ازاي ؟!
12
- هتشتغلي هنا ويتخصم من مرتبك كل شهر لحد ما تخلصي ..
قطبت حاجبيها وقالت: بس كده أنا هفضل شغاله عندك طول عمري ؟!
- طب وهو ف احلي من كده
- نعم
نهض واقترب منها وهو يسحب ورقه وقلم وهتف : قصدي ف مكان احسن من المستشفى هنا تشتغلي فيها ؟!
هزت راسها بالنفي وردت: "لا !!
وضع الورقه أمامها وقال : "امضي !
نظرت إلى الورقه وردت بتردد :" ايه ده ورقه بيضه؟!
هزه رأسه وقال : ده إقرار منك انك مش هتسيبي الشغل غير لما تخلصي تمن الجهاز !
نهضت وقالت بخوف وتردد من اتخاذ القرار المناسب وتلعثمت :" لالا أنا بوعدك اني هكمل ف الشغل بس من غير ما امضي !!
نظر لها واردف ببرود: مينفعش وبعدين محدش ضامن عمره يمكن تحصلي حاجه تهربي انتي بقا وقتها لازم الموضوع يكون قانوني !!
4
همسه وهي ع وشك البكاء: بس دي ورقه بيضه !!
مد لها القلم وقال : اه أنا عارف امضي عليها وانا هبعتها للمحامي يكتب عليها الإقرار !!
قبضت على حقيبتها بتوتر وهمسة: مش هقدر أنا اسفه !
........................................
ف الحاره ..
6
جلست عنايات مع بدريه يتبادلون أطراف الحديث هتفت عنايات بحزن: البت زاد ينن عيني طالع عينيها من ساعة ما ابو حسام دخل المستشفى !
مصت بدريه شفتيها بشفقه وقالت : ياختي ليه بناتنا بختهم مايل كده !! قلنا حلوين وربنا يسهلهم ويتجوزو بدري بدري ؟!
3
- حق يختي ع راي المثل رايح فين ياحظ رايح للوحشين طب والحلوين يا حظ كفايه عليهم حلاوتهم..
تنهدت بدريه وردت : ايوه يا حبيبتي الدنيا مش بتدي كل حاجه !
وضعت عنايات يده ع وجنتها بهم وقالت : حتي حسام يا حبة عيني بيلف ع المحامين زي التور اللي بيلف ف ساقيه ولا محامي راضي ياخد القضيه كان مستخبي فينا ده كله بس ياربي ؟!
2
ربتت بدريه ع ساقها وهتفت : وحدي الله يا عنايات يا ختي العبد في التفكير والرب ف التدبير يا حبيبتي..
دلف حمزه من عملها وهتف : أمي !
هتفت عنايات من الداخل : أنا هنا يا حبيبي تعالي !
دلف حمزه الي الغرفه وقبل راس والدته وهتف : ازيك يا امي عامله ايه يا خالتي ؟!
ربتت عنايات ع يده وغمغمت: الحمد لله يا ضنايا ..
ردت بدريه : تسلم وتعيش يا حبيبي ؛
حدق بأنحاء الشقه وقال : زاد برضو ف المستشفى ؟
هزت عنايات راسها وقالت : ايوه يا حبيبي يكون ف عونها ربنا ؛
جلس ورد : وعم خليل عامل ايه ؟ أنا روحت ازوه لقيت الزياره ممنوعه وف حراسه ع اوضته !!
تنهدت عنايات بهم وردت : زاد بتقول حالته استقرت بس لسه ما فاق ؟!
ردت الأخرى : ربنا يقومك بالسلامه يا سي خليل والله راجل ولا كل الراجل يا ختي !
اومات عنايات بحزن : انتي بتقولي فيها لولاها بعد ربنا أنا كنت هقدر ع العيال دي لوحدي ربنا ياخد بيده قادر يا كريم !!
تمتم حمزه ؛ يارب !
...................................
ف قصر ابو الفضل ..
2
دلف ايهم وهو يطلق صفير باستمتاع توقف ع الدرج اثار صوت والدته الساخر : بجد مش مصدقه ايهم راجع البيت الساعه سبعه هي الكباريهات والبارات اجازه الليله دي ولا ايه ؟!
نظر لها بلا مبالاة وهز رأسه ببرود وهتف: لا مش اجازه بس مليش مزاج أعط غريبه مش كده ؟
اكمل بنبره مستفزه : بس الغريب اكتر أن سلوي هانم عزيز كمان ف البيت ف الوقت ده !!
رمقته بغيظ وردت: تعط !! انت مفيش فايده فيك هتفضل كده تتكلم زي الناس البيئه والحورتجيه ؟!
رفع حاجبه بدهشه وغمغم: مالهم الحورتجيه يا مدام ولاد بلد ورجاله بجد مش عيال هفا !!
شهقت سلوي بغيظ وهتفت: عيال هفا ؟! يعني لو صاحبة اي شاب من ولاد اصحابي مش احسن من شوية اللمامه بتوعك ؟؟
قهقه ايهم بمرح ورد: أنا اصاحب العيال دي دول كاوركات عيال سيس بتتركب لامؤخذه !!
جحظت عينيها بعدم تصديق وهتفت : ايه اللي بتقولوا ده انت عايز تجنني يا ولد ؟!
دق هاتف ايهم قطع جملته سحب هاتفه ورد : ايوه يسطا !!
صمت لبرهة ثم تهلل وجه وقال: حبيبي وربنا عدي عليا ف المستشفى بكره يا معلم هحلي لك بؤك !
توجها للباب وهو يعود إلى الخارج من جديد وترك والدته تنظر إليه بذهول ...
....................................
ف الحاره ..
13
وصل أسفل البنايه التي تقطن بها وتين وسحب هاتفه ودق عليها ..
دلفت الغرفه ع صوت الهاتف الذي تضعه ع الشاحن وحدقت بها ثم ضغطت ع زر الصوت وتركته دون رد فهي تغشي الارقام المجهوله ولا ترد عليها ..
لحظات وصدح صوت رنين الهاتف ضغطت ع زر الصوت ، وتحركت الي الخارج تسمرت بارضها وهي تسمع صوت رساله صوتيه، عادت وفتحت الهاتف وثم الرساله وجحظت عينيها عندما استمعت الي صوت ايهم يهتف : وتين أنا تحت ومعايا الورقه بتاعت الإقرار لو منزلتيش عشان تمضي هطلع ع القسم دلوقتي !!
5
سقط الهاتف من يدها وهي تنحب وتضع يدها على فمها وهرولت الي شباك غرفتها ونظرت تبحث عنه وجدته بالفعل تحت البنايه يقف بجوار سيارته ويعبث بهاتفه ..
تراجعت بسرعه وسحبت عباءتها وهرولت الي الأسفل حتي تجعله ينصرف قبل عوده والدتها من منزل زاد ..
ارتدت العبايه السمراء ع الدرج ، وهي تهرول للاسفل
خرجت عليه ، رفع وجهه إليه وياليته لم يرفع وجهه ، وياليته لم يأتي من الأساس ، هذا ما دار ف عقل ايهم وهو يري جنيه بشعر مموج ناري وبجسد مهلك يتمايل ف العبايه السمراء بطريقه سرقته جميع دقات قلبه وسلبت أنفاسه غمغم ايهم : ملبن محشي مانجا والوش مهلبيه بالقشطه !!
وصلت إليه وهي تلهس وصدرها يعلو ويهبط من فرت الحركه حدق الي صدرها ورفع حاجبه وهمس : اموت انا ف لبن الأم ؛
هتفت بتلعثم : ايه اللي جابك يا دكتور ايهم لو امي شافتك هتبقي مصيبه سوده !!
همس بدون وعي: جعان !
هزت راسها وردت : ايه ده جعان ؟!
انتبه لما تفوه به وقال : لالا متخديش عليا خالص ؟
أخرج الورقه والقلم وهتف : امضي وانا امشي ؛
اشاره له بيدها وهتفت: روح دلوقتي بعدين بعدين !!
هز رأسه بالنفي وقال : لا يا وتين أنا جايلك من بعدين وبقلك مش همشي غير لما تمضي !
تراجعت خطوه وردت : ابوس ايدك والنبي مش عايزه امضي !!
10
- تمضي علي ايه يا بت يا وتين ؟!
جحظت عينيها برعب عندما سمعت صوت والدتها
لاحظ ايهم شحوب وجهها برعب فاقترب من والدتها وهتف : يلهوي ايه القمر دي اكيد انتي اخت وتين ؟!
عضت وتين ع شفتيها تمنع شهقتها وهي تفرك يدها بتوتر ونظرت بدرية الي ايهم من أعلي الي أسفل بإعجاب وهتفت : لا يا ضنايا أنا امها !!
هتف ايهم بمكر : احلفي !!
ضحكت بدريه وهتف : انت مين يا حبيبي ؟!
اقترب منها وكأنه يعرفها من سنين وقال : أنا ايهم مدير وتين ف الشغل ؛
بدرية برفعت حاجب: يا ماشاء الله مدير اسم الله عليك يا حبيبي ؛؛
غمزه لها بمرح ورد: لسه صغير مش باين عليا يا خالتي صح ؟!
ربتت ع صدره العريض وهتفت : صح يا نن عين خالتك شكلك واد مخلص !
دنا منها وتمتم: لا دانا اعجبك اوي يا خالتي "
كل هذا ووتبن تنظر الي انسجام ايهم ووالدتها بدهشه وذهول "
هتفت بدريه : أخص عليكي يا وتين مش تقولي للجدع يتفضل !
رمشت بعيونها وتلعثمت: يتفضل فين ؟؟
مط ايهم شفتيه بحنق مصطنع وقال : لا يا خالتي بنتك مش طالعالك ابدا ؟!
هزت راسها وهتفت: طالعه لابوها يلا الهي يحرقه مكان ما راح ؛
13
غمزها ايهم وهتف : الهي يا خالتي !!
همست وتين بذهول : خالتك مين ؟!
اقترب منها وتمتم: انتي هتفضلي مذبهله كده كتير امضي وبعدين استوعبي ع مهلك ؛
مسكت الورقه ووقعتها دون وعي وأعطته له
اخذ الورق وابتسم بانتصار ووضعها ف جيبه وهتف: من بكره تكوني ف مكتبك السكرتيره بتاعتي ؛
هزت راسها بالنفي وردت: أنا كنت عايزه اشتغل ممرضه !!
تحرك بتجاه السياره وقال : أنا المدير أنا اللي اقرر !
هتفت بدريه : انت هتمشي لا لازم تشرب حاجه ؛؛
ارسل لها قبله ف الهواء وهتف : بكره يا خالتي يا قمر هجيلك واتغدي كمان اعملي لي محشي !
- من عنيه يا ضنايا ؛
وانطلق ايهم بالسياره تحت ذهول وتين وفرحه بدريه بالعريس المنتظر ؛؛
...............................
ف المستشفي ..
دلفت زاد وحسام الي غرفة العنايه بعد إلحاح حسام الشديد كي يطمن ع والده اقترب حسام من فراش أبيه وغمغم وهو يقبل يده : الف عافيه يابا سلامتك يا حبيبي ؛
بدأت زاد ف الكشف عليه وعيون حسام تراقبها بصمت وعجز ، لحظات وصدح صوت انظار الجهاز معلن عن اضطرب ف دقات قلب العم خليل ، تحركت زاد بسرعه تجلب أحد العقاقير التي تعمل على إرخاء الأوعية الدموية وتوسيعها ما يؤدي إلى وصول مزيد من الدم إلى القلب ..
تحرك حسام برعب خلف زاد وهو لا يعلم ماذا يفعل وهتف بتوتر : مـ ماله يا زاد ؟!
اصطدم بها ف عودتها وصاح : ماله يا زاد ابويا ماله ردي عليا ؟؟
اخذت العقار وهتف : حسام انت وبتوترني زياده اطلع بره بسرعه !
7
نهضت واسرعت الي عم خليل وحنقته بسرعه انسحب حسام الي الخارج ووقف أمام الزجاج وهو يراقب ما يحدث بفزع .. لحظات وتشنج جسد عم خليل فتح عينيه وضغط ع كف زاد وهو ينظر لها برجاء وهمس بصعوبه : فـ فـ فلاش !
هزت زاد رأسه وهي تقرب أذنها من شفتين عم خليل تحاول سماع همسه لحظات وأصدر صوت الجهاز صفير عالي ينبئ بتوقف قلبه، شهقت زاد بعنف وهي تنظر إلي الجهاز بذهول والي حسام وهي تحاول إنعاش قلب عم خليل لكن فاضت الروح الطاهره المكلومه الي بارئها ..
8
هز حسام رأسه بذهول وهو لا يصدق ما يري
رفعت زاد الغطاء ع وجه عم خليل وهي تشهق وتنحب بصوت مسموع وخرجت الي حسام الذي ينظر إلي ما تفعل بذهول وعدم تصديق اقترب منها وتمسك بها وهتف بأطراف مرتعشه : في ايه يا زاد انتي بتغطيه ليه ؟!
شهقت زاد ودموعها تنهمر وهي لا تعلم ماذا تقول
اقترب منهم جلال وهتف : ايه اللي حصل يا دكتوره ؟
شهقت زاد بعنف وهتفت : عم خليل مات ؛
صرخ حسام بغضب : لالاا ممتش ارجعي اكشفي عليه تاني ابويا عايش يا زاد مش كده والله عايش ..
انهار حسام ف حضن زاد التي لم تكن تقل عنه انهيار
ابتعد جلال بحزن فطلما اعتبر العم خليل بمثابة والده ..
...........................
ف الحاره وصل خبر وفاة العم خليل وكان بمثابه الصاعقه ع الجميع ، ولم لا والعم خليل يحبه الجميع ويحترمه فطلما كان نعم الرجل الخلوق صاحب القلب الكبير حاله من الحزن ملأت الحاره وسكنت الارجاء بقهر وحسره ...
2
بدأ أهل الحارة بتحضير مراسم تشييع الجنازة ع قدم وساق وكل شخص يريد تأدية واجبه كل اكمل وجهه بعد انتهاء الدفن وانصراف معظم الناس
+
وقف حسام أمام قبر والده وهو ينظر إليه بعدم تصديق انهمرت الدموع من عينيه وهمس : سبتني يا ابويا زي امي سبتوني بدري اوي طب أنا أعمل ايه لوحدي انتوا عارفين اني مليش حد غيركم طيب هنت عليكم كده ؟
ربت حمزه ع كتفه وقال: حرام عليك يا حسام ادعيلهم انتي بني ادم مومن وموحد !!
هز رأسه وتمتم: لا اله الا الله مش قادر يا حمزه هموت من الوجع ؟!
ضمه حمزه ودموعه تنهمر ع وجهه وربت ع ظهره وقال: ربنا يرحمه ويغفر له يا حبيبي !
غمغم حسام بدموع : يارب ؛
3
ف منزل زاد حيث عزاء السيدات رتبت عنايات ع ظهر ابنتها المنهاره وقالت بدموع : صلي على النبي يا بنتي مش كده !
غمغمت زاد ودموعها تنهمر ع وجنتيها: مش قادره يا ماما عم خليل كان زي ابويا مقدرتش أنقذه أنا طول عمري اتمني اكون دكتوره عشان انقذ الناس ومعرفتش انقذ اعز الناس ..
2
هتفت عنايات بحزن : لا اله الا الله يا بنتي حرام عليكي ده عمره ومكتوب ع الجبين يا بنتي !
رتبت بدريه ع كف زاد وقالت : يا بت ده لو دكاترة الدنيا كلهم اتجمعوا ميقدروش يزودو عمر بني ادم عمره خلص دقيقه أنا اللي جاهله هقولك يا متعلمه يا متنوره ..
اقتربت غرام منهم وف يدها كوب الماء وهتفت بدموع : استهدي بالله يا زاد واشربي يا قلبي ..
تناولت زاد الكوب وارتشفت منه القليل وهمسه: ونعمه بالله يا غرام !
شهقة وتين بشده وهي تهتز بعنف فهي لم تذق طعم حنان الاب الا من العم خليل كان لها نعم الاب كان الأب الروحي طلما حاول معها حتي يخرجها من دومتها وخوفها الملازم لها ..
شهقت وتين ودموعها تنهمر ع وجنتيها وغمغمت وهي تردد : الله يرحمه الله يرحمه !
....................................
ف الاسفل
1
وقف حسام وحمزه وبعد رجال الحاره أمام الصوان يتلقون التعازي وقف حسام وكأنه انقطع ع العالم لا يشعر بما حوله كانت لحظات حزينه تحمل كل معاني الحزن والوداع والقهر والحسره ..
بدا الشيخ بتلاوة آيات من الذكر الحكيم صمت الجميع برهبه واحترام لكلام رب العزه ..
حتي انتهاء الشيخ من تلاوته مع انصراف بعد الأشخاص ..
مر الوقت سريعا وانتهاء العزاء ودلف حسام وحمزه
الي منزل زاد وجلس بجانبها بحزن عميق يلف قلوبهم جميعا ربت حسام ع كفها وكأنه يؤاسي نفسه بها
نظرات له بأسف شديد هز رأسه وبادلها النظرات بامتنان ..
اقترب حمزه من شقيقته ومسح دموعها بطرف يده وضمها بحضنه وغمغم: اهدي يا زاد انتي عملتي اللي عليكي يا حبيبتي وربنا يرحمه عمره يا قلبي !
هزت راسها بداخل حضن اخيها ودموعها تنهمر ع وجنتيها بصمت ..
1
اجفلا ع صوت طرق الباب نهضت غرام وفتحت الباب وشهقت عندما وجدت رجال الشرطه أمامها تراجعت بخوف وقالت: حمزه الحق !!
اقترب حمزه منها وتمتم: ف ايه يا غرام ؟!
دلف جلال و العساكر خلفه وهتف : وهو ينظر إلي زاد بغل : الانسه شهرزاد عبد الكريم !!
نهضت زاد مع حسام ووالدتها واقتربت منه وقالت : ايوه يا فندم !
نظر لها واردف ببرود: انتي مطلوب القبض عليكي بتهمة قتل خليل عتمان ...
............................
يتبع
