رواية سديم والادهم العنيد الجزء الثاني الفصل الرابع والعشرين 24 بقلم دينا اشرف
قالوا لها: هنيئًا لك حفظتِ القرآن.
قالت: بل القرآن حفظني !!
إن حزنتُ واساني، وإن ضعفتُ قوّاني، وإن نسيتُ ذكّرني، وإن غفلتُ أيقظني، وإن جهلتُ علّمني..
جليسي في وحدتي، وأنيسي في غربتي؛ لا أستوحش وهو معي..
لأنه باختصار كلامُ الله !!
+
ĐΪ₦Ă ĂsĦГĂ₣💜
+
سليم بفزح وخوف جري علي اخته هو الوحيد اللي قرب منها وراح شايلها وجري بيها علي اقرب اوضه ومعاه حلا وسلمي والعيله كلها خايفه مش عارفه تعمل ايه وايه سبب اغماء سديم
+
سليم دخل بيها الاوضه وحطها علي السرير براحه ونزع نقابها وبداء يفوقها بخفه
+
سليم ،، سديم حبيبتي فوقي مالك ياقلب اخوكي ايه اللي حصل
+
حلا بدموع وحزن ،، سليم خليني اكشف عليها
+
سليم ،، بسرعه ياحلا يالا فوقيها
+
حلا بدات تكشف عليها
+
بعد قليل
+
سليم ،، ها ياحلا مالها
+
حلا بفرحه ،، سديم حامل
+
سليم اتصدم ،، حامل حامل ازاي
+
حلا ،، سليم ركز معايا حلا حامل ياسليم حامل
+
سليم بفرحه ،، الله الحمدلله يارب انا هبقي خالو
+
حلا ،، وانا هبقا خالتو وعمتو
+
سليم قام حضن حلا بفرحه
+
سليم ،، بس هي ليه مش بتفوق
+
حلا ،، الحمل بيحصل فيه اغماء دا طبيعي بس هي اللي تعبها اكتر صدمة شافت حاجه صدمتها
ياتري شافت ايه ياسليم معقول ادهم حصله حاجه
+
سليم ،، لا ياحبيبتي متقوليش كدا ادهم كويس باذن الله
طب ايه مش هنعرف العيله باالخبر الجميل دا
+
حلا ،، لا ياسليم بعد ماادهم يفوق هنعرفهم كلهم
+
عند سديم كانت بتحلم
+
كانت سديم لابسه فستان ابيض طوييل وبديل طويل وبجناحات من الجنبين
زي بتاع الملايكة
وكانت قاعده علي مرجيحه وادهم بيزقها
+
سديم ،، ادهم ايه دا زقني اكتر من كدا انت بتزق براحه ليه
+
ادهم ،، ياحبيبتي عشان متقعيش وانا بخاف عليكي
+
سديم ،، لا متخفش وبليزز زق جامد طول منتا معايا انا مستحيل يحصلي حاجه
+
ادهم بداء يسرع شويه وسديم فرحانه وشعرها بيطير في الهوا
كانت المرجيحه دي فوق جبل عالي اووي
وتحتيهم بحيرة كبيرة
+
فجاءه وهي بتتمرجح الحبل اتقطع وسديم فلتت من المرجيحه ووقعت بس مسكت في الجبل قبل متقع
+
ادهم بصراخ ،، سديييم
+
سديم بخوف ،، ادهم ادهم الحقني ياادهم انا هقع ياادهم انا خايفه اووي
+
ادهم بخوف طلع يجري عندها ،، متخافيش يانجمتي انا معاكي انا معاكي ومستحيل اسييك تقعي ياروحي
+
سديم ببكاء ،، بسرعه ياادهم بسررعه ايدي بتفلت
+
ادهم جري عليها ومسك ايديها علي اخر ثانيه قبل متقع
ادهم ،، انا مسكتك اهو اهدي خالص ماشي
+
سديم ،، حاضر
+
ادهم بداء يطلعها براحه خالص وكانت بوقع بس ادهم بيطلعها
بيطلعها ادهم من هما ورجله بتفلت وبيقع هو
+
سديم بتمسكه قبل ميقع من ايده
+
سديم ببكاء ،، ادهم امسك فيا حلوو ادهم اوعي تقع ياادهم مش هقدر اعيش كن غيرك
+
ادهم ،، دي النهايه ياحبيبتي انا مش فرحان اني سايبك بس انا هستناكي يانجمتي
خلي بالك من نفسك يانجمتي ومن ابننا اللي في بطنك دا رمز حبنا
بحبك يانجمتي وايده فلتت ووقع ادهم
+
سديم بصدمة ،، لا ادهم مش وقع لا مستحيل
+
سديم بصراخ ،، لااااا ادهمممممم
+
فاقت من الحلم وهي بتصرخ بااسم ادهم
+
سديم بهستريا ،، لا ادهم مسبنيش لاا
+
سليم جيه علي صوتها ،، مالك ياسديم اهدي ياقلبي اهدي بالله عليكي
+
سديم ببكاء ،، فين ادهم ياسليم هو فين
+
سليم ، لسه في العمليات
+
سديم ،، جهاز القلب وقف اكتر من مره هاتلي ادهم ابوس ايدك ياسليم
+
سليم بحزن عشان صغيرته ،، اهدي ياسديم ابوس ايدك والله ادهم كويس ودلوقتي هيطلع لازم تهدي عشانه وعشان حد تاني
+
سديم ،، حد تاني مين
+
سليم ،، سديم انتي حامل
+
سديم بصدمة ،، ايه حامل
+
سليم حضن وجهها ،، ايوه ياروحي انتي حامل هتبقي اجمل مامي في الكون
+
سديم حضنت اخوها ،، كان بيقولي في الحلم خلي بالك من ابننا وسابني ومشي
سليم ابوس ايدك وديني ليه
+
سليم ،، طيب تعالي يلا
+
سليم ساعدها في النزول ولبسها نقابها ومسكها وخرجو بره الغرفه وراحو مكان مابقيت العيله كلها واقفه
+
ايناس ،، انتي كويسه ياحبيبتي
+
سديم بتعب. ، ، اها ياماما متقلقيش انا بس تعبت من المنطر
+
سعد ،، مااحنا قولنالك ياحبيبتي متتدخليش
+
سديم ،، اللي حصل بقا ياعمو
+
فضلو مستنين قدام الاوضه وبيدعو ربنا ان ادهم يخرج ليهم بسلام
+
بيعد قليل بيخرج محمد من العمليات
+
سديم بلهفه ،، ايه ياخالو حصل ايه ابوس ايدك طمني ادهم كويس صح
+
محمد بحزن ،، للاسف انا عملت اللي عليا
+
سديم ،، لا متقولش الكلمة دي قولي ادهم ماله
+
محمد ،، مقدرتش اساعده
+
سديم ،، لا انت بتكذب عليا
+
محمد بضحك ،، طبعا بكذب دا ادهم النمر بسبع ارواح ياعني
+
الكل اتنفس باارتياح
+
ايناس ،، اخص عليك خضتنا
+
سديم ،، انت بتتكلم جد ولا لا
+
محمد ،، والله بتكلم جد العمليه نجحت بفضل ربنا وادهم بقا كويس
+
سديم من الفرحه راحت حضناه ،، شكرا اووي انت رجعتلي حياتي من تاني
+
محمد ، حبيبتي سبق وقولتلك دا ابني
+
سديم ،، هو هيفوق امتا
+
محمد ،، لا دا مطول معانا ولما يفوق مش هيكون تعبان هيكون كويس ومفيش داعي يفضل في المستشفي
+
سديم ،، انا عايزه اخرج ادهم حالا
+
محمد ،، ليه
+
سديم ،، سليم الطيارة جاهزة
+
سليم ،، ايوا جاهزه فوق
+
سلمي ،، طيارة ايه ياحبيبتي
+
سديم ،، انا وادهم هنسافر حالا باالطياره
+
ايناس ،، ايه التهريج دا ازاي هتسافرو وهو لسه تعبان
+
سديم ،، ماما انا حابه اعمله مفاجاءه عشان راحته النفسيه ووعد مني هنرجع قريب اووي عشان خاطري ساعدوني بقا
+
سعد ، انا معاكي وهساعدك
+
كامل ،، وانا كمان
+
بقيت العيله ،، واحنا كمان
+
ومحمد ،، انا طبعا موافق
+
بعد قليل بيتم نقل ادهم لااعلي المستشفي اللي هو سطح المستشفي
باالمعدات اللي هيحتاجها كلها معاه في الطياره
+
سديم بتحضن اخوها والعيله كلها
+
سديم ،، هنرجع ليكو قريب اووي انا وادهم وادهم الصغير
+
الكل بعدم فهم،، ادهم الصغير ازاي
+
حلا ،، سديم حامل
+
الكل بفرحه وعدم تصديق جريو علي سديم وفضلو يحضنو فيها
+
سديم ،، انا لازم امشي قبل ماادهم يفوق
+
سليم ،، انتو هتروحو فين
+
سديم ،، مكان محدش يعرفه غيري انا بس
+
سلمي ،، حبيبتي خلي بالك علي نفسك وعلي حفيدي
+
سديم ،، حفيدك في عيوني ياسلومتي
+
ركبت سديم الطياره جمب ادهم
+
ولوحت باايديها ليهم
+
واقلعت الطائرة تحلق في السماء
+
سديم تملس علي شعر ادهم ،، هتفرح اووي ياادهومي باالمفاجاءه دي
+
بعد ساعات من تحليق الطائره في السماء واخيرا هبطت اللي مكان قطعه من الجنة
+
سديم للكابتن ،، لما تعوز نرجع هكلمك عشان انت اللي عارف المكان دا بس
+
الكابتن ،، وانا تحت امر العشاق
+
وبداء يساعدها في حمل ادهم ونقله اللي مكان رائع جدا بل اكثر من رائع
+
وادخل ادهم اللي بيت عباره كوخ بس كوخ كبير اوي
وكان شفاف وبيطل علي البحر مباشره
وحوالينه خضره والكوخ دا في جزيره وبتحيطه الميه من تلات جوانب
وكان منظر يسلب الانفاس
وضعت سديم ادهم علي السرير وودعت الكابتن
وبدلت ملابسها ولبست هوت شورت وتيشرت بنصف كم
لان اصلا محدش هيشوفها لانهم في جزيرة مقطوعه
ورفعت شعرها لفوق ونزلت كام خصله
واتجهت اللي حيث ينام ادهم وقبلته وراحت علي المطبخ عشان تعمله اكل
+
بعد قليل بيبداء ادهم يفوق ويتملل في فراشه بتعب
+
ادهم بيقوم وبيقعد نصف قاعده كدا وبيتطلع حواليه وبينظر اللي المكان بااستغراب وتعجب
+
ادهم ،، ايه دا انا فين
ومين جابني هنا وايه المكان الغريب دا
انا اخر حاجه افتكرتها وانا في المستسفي
+
ادهم قام بس كان حاسس بدوخه وصداع بسيط
وبداء يمشي من الغرفه
وسمع صوت يدندن وهو حافظ الصوت دا مشي علي اثر الصوت ووصل اللي المطبخ حيث كانت سديم تطبخ وهي تدندن
+
ادهم ابتسم لما ترتديه صغيرته
+
اتجه اليها بخطوات هاديه وحضنها من ضهرها
+
ادهم ،، ممكن اعرف نجمتي خطفتني فين
+
سديم فرحت انه فاكر كل حاجه والعمليه مااثرتش فيه
+
سديم بفرحه ،، ادهم انت كويس
+
ولفت ليه وحضنته اووي
+
سديم بدموع فرحه ، حمدلله علي سلامتك ياروح قلبي كنت بموت في بعدك عني والله
+
ادهم ، وانا اقدر برضو ابعد عنك
+
بس ايه المكان الغريب دا خطفتيني هنا ازاي
+
سديم ،، بعدين هحكيلك
+
دلوقتي روح ارتاح علي مااجبلك الاكل
+
ادهم ، لا انا مش جعان
+
سديم ،، لا منا هفتح نفسك
+
ادهم بخبث ،، ازاي مثلا هتفتحي نفسي
+
سديم ،، مش اللي في دماغك ياقليل الادب انت يابني مبتحرمش من قله الادب اللي في دماغك دي
+
ادهم بضحك ،، يابنتي انتي دايما فهماني غلط كدا
+
سديم ،، امم انا برضو اللي فهماك غلط
عموما يلا روح اقعد بقا في الجنينة الجميله دي وانا هجيلك وهقولك علي خبر حلو اووي هيفتح نفسك ومش بعيد تاكلني انا شخصيا
+
ادهم بخبث ،، في كلتا الحلتين هاكلك يعني
+
سديم ،، اعاا اطلع بره ياادهم
+
ادهم انفجر من الضحك علي شكلها
+
ادهم ،، طيب طالع اهو
+
وخرج ادهم وقعد بره في الجنينة وعاجبه المنظر اووي والطبيعه الجميله دي
+
ادهم ،، هموت واعرف عرفت المكان دا ازاي
+
بعد قليل بتخرج سديم وهي حامله الاكل وحطته علي السفره
+
ادهم بغمزه ،، ايه الخبر اللي هيفتح نفسي
+
سديم ،، يلاهووي عليك انت مبتضيعش وقت
+
سديم قعدت علي رجله وحاوطت رقبته بحب
وقربت منه وهمست في اذنه
+
سديم بهمس ،،، انااا حامل
+
ادهم بصدمة كبيره ،، نعم 😳😳😳😳😲
+
انتها البارت
+
خلاص ياجماعه قربت روايتنا الجميله علي الانتهاء اتمني تنال اعجابكم 💜
+
