رواية الهدف الفصل الثاني عشر 12 بقلم سلسبيل
= انتي لسه تحت تأثير البينج ومش واعيه
"كان مضايق وهي بتعيط خصوصاً ان عمرها ما عيطت قدامه بالشكل ده بل لين عمرها ما عيطت اصلا بدء يطبطب عليها وسندها على كتفو"
- قوليلي مالك طيب
اتكلمت بسرعه وهي بتعيط: انا مش فاهمه مالي انا محْضوضه من فكرة اني قت*لت اتنين انا عارفة اننا اتمرنا على كده لكن مش قادره وكمان و منفذتش الأوامر هربت لوحدي و... بعدين مش فاكره الى حصل انت جيت لكن كان في صْـ. رب نار كتير حولينا و فجأة بقيت في مصر
ياسين فضل يمسح على شعرها: ششششش بس اهدي انا هشرح لك كل حاجه اهدي عشان جسمك لسه تعبان والضغط ده مش حلو
مسح دموعها بأيده: انا هشرحلك
فلاش باك #
" ياسين شال ليان بعد ما فقدت الوعي و اتحرك مع الناس الى كانت تبع سامح "
كانت معاه فالعربية و ساند راسها على رجله: سامح احنا لازم نروح السفارة بتاعتنا
سامح: متقلقش احنا في طريقنا
" و فعلا وصلوا السفارة و ياسين مكنش مهتم غير انهم يلحقوا ليان و طلعت بطيارة خاصة بسبب مكانة ياسين و ان السفارة تدخلت ، طلعوا على مصر و منها علي المستشفي عشان يخرجوا منها الطلقة وتتعالج من باقي الجروح.. "
" ياسين كلم آسر و طلب يقابله عشان يقدر الخطوة الجاية "
آسر: الموضوع كبر و اتحدد معاد هيتكلم في السفارتين و الفريق بتاعك هيتعمله زي محاكمه و انت نفس الكلام
ياسين: انا مستغرب انهم قدروا يخرجونا من هناك؟
آسر: عشان احنا مسكنا منهم هنا اصلا بعد ما اتكشفوا
ياسين: ايه!
آسر: قولتلك الموضوع كبير اطمن عليها يا صاحبي و بعدين قابل العقيد عشان تقدر تفهم كل حاجه
ياسين: طيب اصبر الى اتقـ. تلوا دول ؟؟
آسر: دول قصة تانيه خالص و مطلعوش تبع المحْـ. ابرات بتاعتهم
ياسين: انا اقصد هنعرف نخرج منها؟
آسر: لين الى قتلتهم صح
ياسين: كانوا حْـ طفنها و هيقتولها يا آسر!
آسر: طيب كل ده هيتقال متقلقش احنا معانا ورق ضدهم
ياسين: تقصد الأسرى؟
- ايوه.
= تمام
باك #
ياسين بهدوء: بس كدا ده كل الى حصل و احنا قدرنا نخرج من هناك بسبب ان السفارة دخلت الموضوع من بليل اصلا يعني قبل حتي ما تعملي اي حاجه لأن وقتها احنا كشفنا منهم عندنا و خدناهم أسري و ديفيد و دنيال مكنوش غير ستاره ليهم يعني مش رجالتهم او مش مهمين عندهم مدام اتكشفوا فاهمه
لين: و انت عرفت كده منين
- انتي فضلتي وقت كبير نايمه بسبب الحقن و البنج فالوقت ده كنت مع العقيد و فهمني هنعمل اية بالظبط وقت الاجتماع انا مش عايزك تقلقي من حاجه انا معاكي
= لاء انا مش عاوزاك تتأذي بسببي!
- مش هيحصل.. بعدين يا ليان عاوز اعرف حاجه
بصتله بأنتباه: ايه!
- انتي من ساعة ما جيتي المبني و كشفتك وقفتي قدامي من غير ما ترمشي حتي وقعتي فالبسين وكنتي هتغرقي برضو عادي بوظتلنا المهمه بتاعت سينا و مفيش خالص تقومي تيجي لما تقتلي اتنين كوم زبا**له اللقيكي واقعه بتعيطي
لين فضلت تضحك جامد على طريقة ياسين: انت بجد بتهزر دلوقتي؟
"ابتسم و كان فرحان انوه شايف ضحكتها.."
- بتكلم جد
