رواية خيانة عهد الفصل الثامن 8 بقلم جمانة السعيدي
شويه شويه بديت ارجع الحياتي الطبيعيه
ماكان شي سهل عليه ابد
خصوصا رجعت الببت اهلي مره ثانيه
اجت سوسن زعلانه هي وجهالها اثنيينهم وهلمره مشكله جبيره بينها وبين عمته
وقرر اخوي بعد ماترجع اله بيت وحدها حتى تنتهي الخلافات
لكن زوجه مايكدر يعوف اهله
وخصوصا هو الجبير والازغر منه عزلو بيوت وحدهم
الام لو جان عدها حكمه شويه جان دارت جنتها حتى تضمن بقاء ابنها وياها لكن نار الغيره شلون
اخر حل توصلو اله يبنيلها بلطابق الثاني ويكون الباب من برا
يخلي درج
وافقت هي على هذا الحل وبقت عدنا شهر علما يكمل بناء
وترجع ويا للبيت
رغم جنت ضايجه عليها بس فرحت جنه نكعد بليل نسوالف ونتونس ومرات نندب حضنا
لان اثنينه ما ارتاحينه بزواجنه
كمل بيته ورجعت سوسن
واني ساعدته اشتريتله شغلات للبيت لان رجله خطيه ماعنده بس كلش حباب ويحبه يموت عليها
بس ضروفه ماتياس ابد
جمانه السعيدي
مرن اتلث سنوات من انفصلت هواي تقدمولي عرسان
لكن كلهم مزوجين والاغلبيه علمود وضيفتي
بس اني ما اريد اعالج الغلط بغلط
اني انفصلت علمود هاي الشغله
ما اكدر اخذ رجال من مرته واعيد نفس الغلط
اكو بيهم يجيب مرته تخطبني وهم ارفض لان ماكو مره تخطب الرجلها اكيد مغصوبه على هاي الخطوه
وسمعت من الموضفين الويانه اخو سعد مسوالف الهم جايب ايات بيتي وعلى اثاثي
وكل الشغلات الي اشتريته صارت من نصيبه
صحيح هاي الشغله جانت تحز بكلبي لان فضله عليه وما رضا ينفصل عنها علمودي
وما قدم اي شي حتى يستعيدني
لكن جان عدي امل جبير برب العالمين ينصفني ويعوضني
لان رب العالمين ماضيع عنده الطيبه
ان الله لايضيع اجر العاملين
جمانه السعيدي
اجمعو الموضفين وبدو يسجلون للعمره وعرضت عليه ام غزوان موضفه ويانه جبيره بلعمر
اسجل وياهم ترددت ما ادري عمري ما مسافره خارج العراق جنت خايفه ومتردده
طبعا ام غزوان رايحه خمس مرات وضلت تلح عليه حتى اطلع من هاي الاجواء
...ام غزوان فاتن لازم ترحين ويانه تغيرين جو وتتونسين وهم تشوفين بيت الله هاي فرصه مراح تتندمين وتغيرين جو
فاتن ...ما ادري خل احاجي اخوي واشوفه يقبل لا لان هو نفسه مارايح عمره قبل اذا يوافق اروح
.ام غزوان ..كل موضفين راح تروح منا ومن غير دائره وهذا الحمله دوم انروح ويا فكري وخل انسجل سويه
وفعلا رحت فاتحت اخوي بلموضوع بلبدايه جان متردد شلون بنيه وتسافر وحدها
وخابر ام غزوان وسائلها
منو ومنو يروح وطلع يعرف الحمله الي راح ياخذنا
ووافق اروح للعمره
كلش كلش فرحت حسيته تجربه جديده بلنسبه اليه
ماكان عندي جواز
بديت اطلع جواز وشتريت ملابس ابيض وحذاء ابيض وشحاطه ابيض
حتى حنطه بيضه ازغيره اشتريت
وبقت انتضر بس موعد الطيران
طبعا الطيران عن طريق مطار بغداد
واجه الموعد واجا اخويه وصلني للسياره الي تودينا للمطار ودعني ووصا ام غزوان والموظفين عليه
حملنا الجنط وصعدنا
جنت كلش فرحانه مو شلون مجان
طبعا مو كل الموضفين من دائرتنا اكو موضفين من غير دوائر ويانه
جنه تقريبا عشرين موضف واتلاثين موضفه
اكو موضفات جايبات امهاتهن
واكو هي وامها وابوها
وصلنا للمطار وسلمنا الجنط ومنتضرين موعد الطياره
الموضفات راحن نامن بمسجد المطار واني من الفرحه ماكدرت انام بس اتفرج
صعدنا بلطياره ونطلقنا
ساعتين ونص وصلنا المطار جده
بدو يفحصون الجوازات
كالو انتي وام غزوان ما وياكم محرم
ومايقبلون اله محرم يله تعدون من المطار
الحمله مالتنا كال هسه ادبرها
هواي موضفين بلمطار يعرفونه
هلكد ما يسافر دوم
اكو واحد ويانه عمرا تقريبا ثمانيه وتلاثين او تسعه وتلاثين
شكله هادء وكلش وقور
ضخم وانيق ومرتب اكو كم شيبه بلحيته زايداته جاذبيه للكن شويه عازل نفسه
يصيحوله استاذ حسن
جابه الحمله ويا وكال توكفن بصف استاذ حسن وكولن ابن عمتي ابن خالتي
بعتباره هو المحرم وياجن حتى نعبر من المطار بسلام
طبعا هو مدبره ويه الموضفين بس هيج روتين
سلم علينا سلام ثكيل
جان لابس قاط رصاصي وكف كدامنه
وحنا وكفنا ورا اثنينه
جانه شكله هيبه وانيق وهادء كلش
وصلنا للكابينه وانطينا جوازاتنا
كاله بنات خالتي والحمد لله كدرنا نعبر بسلام
بقينا بلمطار منتضرين الباصات تجي وتاخذنا للفندق
هو مجرد ما عبرنا الكابينا ابتعد عنا وبعد ماشفته ابد
اجت الباصات وصعدنا
هاي كلها الصعدات والنزلات واحنا النسوان مالنا شغل بلجنط همه يصعدوهن وينزلوهن احنا شايلين بس جنط بادينا ازغيره
جمانه السعيدي
وصلنا للفندق
وزعو العوائل بغرف وحدهم
والنساء الي جايات وحدهن خلوهن بغرف وحدهن والرجال بدون نساء هم وحدهم خلوهم
اخذت جنطتي وصعدت اني وام غزوان للغرفه ويانه اثنيين موضفات من نفس دائرتنا
لمن صعدت لكيت الجنطه الي عندي مو جنطتي بس نفس لونها بلضبط
الكل كان كاتب اسمه على جنطته اله اني
اخذتها ونزلة اسئل الحمله على جنطتي متبدله
