رواية الوصية الثلاثية الفصل السادس 6 بقلم سهيلة محمد
فصل طويل يعوض الغياب الي غيبته بجد اسفة بس كان غصب عني، بجد تفاعلكم بتاع كل فصل وكومنتاتكم اتمنى الاقيها في الفصل ده لان ده الي هيشجعني بعد طول غياب، وحرفيا كومنتاتكم على كل حتة دي هي الي بتهون عليا زعل كتير والله، ممكن يكون الفصل بعضه حلو وبعضه رخم، وممكن يبقى كله رخم بسبب تعبي وقلة شغفي، فأتمنى اشوف ارائكم وممكن البارت يتأخر لظروف خارجة عن إرادتي والله دراسة وبيت ودروس وهكذا بس صدقًا هحاول على قد ما اقدر متاخرش وصدقًا وحشتوني جدا
2
__________________________
+
مر يومان وكان بنداري يجلس أمام ياسر وهو يقول بغضب "أيوة وبعدين؟؟؟" نظر له ياسر بعدم فهم ثم ترك هاتفه وهو يقول "نعم؟ اؤمر يا عم سنجاري؟"
4
وقف بنداري بغضب وهو يصرخ به "عدى يومين وعرفنا العنوان ومجيبناش البت، هو انتم عاجبكم قعدتكم دي ولا ايه انا مش فاهم؟؟"
2
نظر له ياسر بملل ثم وضع السماعة مرة أخرى في أذنه وهو يقول بعدم اهتمام "مش جاسر الكبير؟ كلمه هو وفكك مني يا عم سنجاري الله يباركلك"
6
نظر له بنداري بغضب ثم نظر حوله بحيرة وهو يقول "هو جاسر وآسر فين؟؟" نظر له ياسر بعدم اهتمام وهو يقول ويغمض عينه "راحو الشركة"
1
"وانت مروحتش معاهم ليه؟" قالها بنداري بغضب ليقول ياسر بملل"مليش في جو الشركات دي بصراحة" وقف بنداري بغضب وهو يصرخ "يابني يعني انت ملكش في الشغل بشهادتك، ولا ليك في إدارة شركة في الأساس شركتك انت واخواتك، اومال ليك في ايه؟؟"
4
ابتسم ياسر ببرود وهو يقول "ليا في الخناقات، شاورلي على اي خناقة هتلاقيني داخل بقلب وببهرك" نظر له بنداري بغضب ثم سحب معطف بدلته وهو يقول "انا هستناكم بليل نروح نجيب فريدة ومش عايز اعتراض واديني قولت وعلى الله محدش يسمع كلامي"
6
نظر له ياسر بتعجب وهو يرفع إحدى حاجبيه له ليقول بنداري بتوتر "بس يا ياسر يابني لو حسيت بدوران أو تعب تقدر تقعد براحتك وهاخد معايا جاسر وآسر"
19
ابتسم ياسر بسخرية ولكن قاطعه اقتراب فيفي وهي تجلس بجانبه بعدما رحل بنداري وتضع يدها تضم كتفه لها لينظر لها ياسر بتعجب وهو يقول "سلامتك يا فيفي مالك؟؟"
3
ضمته فيفي وهي تقول "ابن ابني وبحضنه ايه حرام؟؟" ابتسم ياسر بريبة وهو يقول "متاكدة؟؟" تنهدت فيفي ثم قبلت رأسه وهي تقول "عايز الورك بتاعك؟؟"
9
نظر لها ياسر بصدمة وهو يقول "نعم؟؟" ابتسمت فيفي وهي تقول "اصل انا ليا صدر وانا مش بحبو فقولت اخد الورك بتاعك" ابتسم ياسر وهو يقول "اشطا وانا هاخد الصدر بحبه"
1
تشنجت فيفي وهي تقول بغضب "لا طبعا، انا هاخد الورك وبكرة هاكل الصدر" نظر لها ياسر بغضب وهو يقول "والله وانا أكل البامية بايه بقى أن شاء الله؟؟"
2
رحلت فيفي بعدم اهتمام وهي تقول "كلها اورديحي كتكم داهية، واتنيل أطفي التلفزيون شغال بقاله تلت ساعات"
6
تأفف ياسر بملل وهو يقول "انا عايز ارجع لنعمة تاني" ولكنه فزع من صراخ اروى وهي تقول "ياسر ياسر في مصيبة"
5
"ده انتم بيت ابن مضايقة في ايه؟؟" صرخ بها ياسر لتقترب منه أروى وهي تعطيه الهاتف وتقول "كلم جاسر بسرعة في حاجة مهمة"
7
اخذ ياسر الهاتف سريعًا وهو يقول "لقيتو فريدة؟؟" نفى جاسر وهو يقول برعب "جاك صحبي منه لله، المفروض اني عندي مقابلة مع دكتور كبير جدا صاحب معمل وهياخد مني البحث، انا لسة محددتش معاه معاد وهو اتصل بجاك على أساس أنه مدير أعمالي مثلا واداله معاد وعنوان بيتنا كمان"
10
"وانا مالي؟؟؟" قالها ياسر بجهل ليقول جاسر بترجي "ياسر، انا اخوك من لحمك ودمك، انا مش هعرف اجي مش هلحق الدكتور زمانه داخل عليكم اصلا، ولو شاف اني لسة مجيتش كل الي عملته هيطير لانه بيكره عدم الالتزام"
15
"أيوة بردو انا اعملك ايه؟ عايزني أثبته لحد ما تيجي؟؟" قالها ياسر بجهل ليصرخ جاسر بفزع "لا وحياة امك بلاش انت كدة هتطير مستقبلي مش الراجل بس، انا كل الي طالبه منك انك تمثل انك انت انا"
15
نظر ياسر لأروى بصدمة وهو يقول "هو عبيط؟؟" نفت أروى وهي تقول بشفقة "فعلا لازم تساعد اخوك" استمع ياسر لقول جاسر "ياسر دي اول مرة احتاجك فيها، اثبت اخوتك وهتلاقي النضارة التانية بتاعتي في اوضتي ألبسها والبس قميص شيك من دولابي بلاش السويت شيرتات والكاجوال الي انت بتلبسه ده"
2
"حلو كل ده، اتكلم ازاي أقوله ايه؟؟" قالها ياسر بعدم فهم ليقول آسر وهو يقتحم المكالمة "توهه يا ياسر لحد ما نيجي، وبمجرد ما نيجي هنعرفه أن احنا تلاتة وجاسر يعمل نفسه ياسر ونطلع الاوضة تبدلو الهدوم وجاسر ينزل يكمل"
+
تأفف ياسر بغضب ليستمع لترجي جاسر "مستقبلي يا اخويا في ايدك دلوقتي" القى ياسر الهاتف بغضب وهو يقول "فين اوضة البيه؟"
5
ابتسمت أروى وهي تقول "اطلع البس هدومه وانا هقعد معاك لما ييجي الدكتور علشان متلبخش في الكلام Because you are an idiot and you can take us to hell" (لانك اهبل وممكن تودينا في داهية)
7
نظر لها ياسر بتعجب وهو يقول "Because يعني لأن صح؟؟" ابتسمت أروى ببلاهه وهي تقول "الله ينور عليك كدة انا اطمنت على لباقتك مع الدكتور ال جاي، يلا اطلع بقى"
8
تأفف ياسر بملل ثم ركض للأعلى كي يبدل ملابسه
1
________________________________
+
كان جاسر يجلس في مكتب آسر وهو يقول بقلق "تفتكر هيبهدل الدنيا؟؟" ابتسم آسر وهو يقول "عيب عليك ياسر جامد وهيثبته"
17
"هيثبته ازاي؟؟؟" قالها جاسر بفزع وهو يصدم كفيه على المكتب ليضحك آسر وهو يقول "قصدي يعني هيحسسه أنه انت"
1
"منك لله يا جاك انت إلي عملت فيا كدة" قالها جاسر بحسرة ثم انتبه لأحد ما يقتحم المكتب وهو يقول ببرود "آسر شاندويلي الدَعْلُوب، ولأول مرة اجيلك من غير ما اكون ناوي على خناقة"
7
تافف آسر بغضب وهو يلقي هاتفه ويقول "انا اصتبحت بوش مين انهاردة علشان الاقي نبيل في وشي" ابتسم نبيل بلا مبالاة وهو يجلس في المقعد المقابل لجاسر وينظر نحو آسر ببرود وهو يقول "انا جايلك علشان حاجة صغيرة انت ملكش تعرفها اصلا، بس معلش هقولك؛ انا هتجوز منة"
20
"نعم يا اخويا؟؟؟" صرخ بها آسر وهو يقف بغضب ويقترب منه ليمسكه من تلباب قميصه سريعًا وهو يقول "انت جاي تستظرف ولا ايه ما تخلنيش اضطر اعمل فيك مصيبة يا نبيل"
1
أبعده نبيل عنه بهدوء وهو يقول ببرود "انا مش جاي اتقدملها منك يا آسر، انا جاي علشان تعتبر نفسك معزوم على خطوبتنا أن شاء الله، أصل معروفة البنت لابن عمها، ومتخفش منة موافقة ومش هتعترض"
13
"معندناش بنات للجواز، منة شبه مخطوبة" قالها آسر بعناد ليقول نبيل بتشنج "ايه شبه مخطوبة دي مشروب عليها شاي بلبن يعني ولا ايه؟؟؟" ابتسم آسر بسماجة وهو يقول "لا يبن الظريفة شاربين عليها حلبة، اتفضل اطلع برة بقى يلا"
18
"إن شاء الله انا الي هشرب عليها شربات يا آسر" قال آخر كلماته وهو يبتسم بثقة ثم تركهما وذهب بدون كلمة واحدة لينظر آسر في أثره بصدمة وهو يصرخ بصوت عالي "شربو عليك قهوة سادة ووزعو قرص يا بعيد"، بينما جاسر وقف سريعًا وهو يقول بغضب "الواد ده كداب، لا يمكن تكون منة موافقة"
5
نظر له آسر بتعجب وهو يقول "وانت ايه الي مخليك واثق كدة؟؟" تنهد جاسر بتوتر ولا يعلم ايخبره بما يحدث معهما ام لا، ولكنه قام بوعد منة الا يخبره لذلك قال بتوتر "لا منة ولا أروى بيطيقوه، وده باين جدا يعني فأكيد هو بيستعبط"
3
أومأ آسر بهدوء وهو يقول "وحتى لو موافقة، انا لا يمكن اسلم اختي ولا آمن عليها مع واحد زي ده" نظر له جاسر بلا مبالاة وهو يقول "مش وقته يا آسر خلينا نفكر في فريدة دلوقتي"
2
ضحك آسر وهو يسحب معطفه سريعًا قائلًا وهو يركض "فريدة ايه دلوقتي خلينا نلحق مستقبلك الي ياسر هيضيعه انهاردة"
5
______________________________
+
كان ياسر يحاول أن يرتدي تلك النضارة ولكن يشعر بألم في عينه ولا يرى بها، لذلك رفعها أعلى رأسه وهو ينظر لهذا الرجل الذي يظهر عليه الهيبة أمامه وقال ببلاهه "منورنا والله، تشرب ايه دكتره؟؟"
19
نظر له ذلك الطبيب الذي يدعى ايهاب وهو يقول بابتسامة بسيطة "لو امكن كوب قهوة مظبوط" نظر ياسر لأروى سريعًا وهو يقول "قومي هزي حيلك كدة واعملي فنجان قهوة للبيه، بوش مش بوشين زيك ها"
32
ابتسمت أروى بتوتر ثم لكمته بيدها في معدته وهي تهمس له "والله لاوريك الوش التاني ده بس لما يمشي" نظر لها ياسر بوعيد ولكنه انتبه بسرعة عندما قال إيهاب "بص يا جاسر يابني، انا معرفكش انا كل الي اعرفه عنك انك دكتور بس وان في بحث مهم جدا محتاج تعرضه عليا، فخلينا نتكلم الاول عن تخصصك انت دكتور ايه؟؟"
1
ابتسم ياسر بتوتر وهو يقول بتلعثم "دكتور ايه، اااه، دكتور ايه يا اروى علشان بس النضارة صدعتني ونسيت" نظرت له أروى بفزع ثم قالت بتوتر اي شئ خطر في بالها "دكتور باطنه"
18
"أيوة صح انا دكتور باطنه وفشة وكرشة وكلاوي بقى وكدة" قالها ياسر ببلاهه لتشهق أروى بفزع ثم ضحكت بتوتر وهي تقول "معلش بقى يا دكتور ايهاب اصل جاسر دمه خفيف، الدكتور الفرفوش رزق"
13
نظر له ايهاب بتعجب ثم تغاضى عما حدث وهو يقول بجدية "طب كلمني شوية عن محتوى البحث يا دكتور" لم يستطع ياسر إلقاء اي رد فعل غير أنه صفع خديه بيديه في حركة شعبية تسمى باللطم وهو يهمس لأروى "بحث ايه يا اروى الي اتكلم فيه، انا اخر بحث عملته كان بحث للبت صفية جارتنا وهي في تانية اعدادي ايام الكورونا"
22
لم تستطع أروى كتم ضحكتها لذلك كعادتها وضعت يدها على فمها وهي تضحك بهدوء ليلكزها ياسر في كتفها بتوتر وهو يقول "اعمل ايه يخربيتك انطقي؟"
1
نظرت أروى لايهاب سريعًا وهي تقول بابتسامة هادئة عقب دخول تحية وهي تضع كوب القهوة "انا شايفة أن الأفضل تشرب قهوة حضرتك الاول بهدوء وتتعرف علينا اكتر وبعد كدة نبدا نتكلم في البحث فوق في المكتب"
3
أومأ ايهاب بهدوء وهو يمسك بكوب القهوة ثم نظر لياسر الذي يظنه جاسر وهو يقول "طب يا جاسر يابني كلمني عن شهاداتك المعتمدة، أنا سمعت أنك واخد شهادتك من ألمانيا الي تعتبر أكبر بلد ممتازة في الطب"
5
"الله ينور عليك بالظبط كدة" قالها ياسر وهو يبتسم ببلاهه ليقول ايهاب بصدمة "بالظبط ايه يابني ما تكمل قولي ايه شهاداتك الباقية"
4
عدل ياسر من وضع النظارة الخاصة بجاسر وهو يقول بخجل مصتنع يحاول تحمل تلك الثياب وتلك النظارة وذلك الطبيب ثم قال "انا بالصلاة على النبي يا دكتور، واخد شهادة ابتدائية، واعدادية، وثانوية، وجامعية"
31
"نعم؟؟" قالها إيهاب بصدمة ليقول ياسر سريعًا بتوتر "وفي شهادتين تقدير من ميس عفاف بتاعة العربي" ضحكت أروى بشدة ليلكزها ياسر بغضب وهو يقول "اتلمي"
7
نظرت أروى للطبيب وهي تقول "طبعا كل الكلام ده شوية رفاهيه كدة نخفف عن حضرتك اي توتر لحد ما تخلص قهوتك" نظر لهما الطبيب بمعنى حقًا؟ ثم تنهد بهدوء وهو يقول "تمام بس يعني انا مش بحب الرفاهيه الي زيادة عن اللزوم"
5
أنهى حديثه بنظرة حادة صوبها لياسر ثم ارتشف من كوب القهوة لينظر ياسر حوله بتوتر ليجدها ما زالت تضحك بخفوت ليضحك على ضحكاتها وهو يهمس لها "يا باردة"
1
"انت مسخرة" قالتها وهي تضحك بشدة لينظر لضحكاتها الرقيقة حتى أنها لا تصدر صوت فقط تضع يدها على فمها ليجد نفسه يبتسم بدون شعور ولم ينتبه حتى عندما قال إيهاب "احنا ممكن لو خليناها رفاهيه أسألك سؤال طبي سريع كدة"
21
ثم نظر لياسر الذي مازال ينظر لأروى وضحكاتها وهو يسأله "ايه زيادة ضربات القلب يا دكتور؟؟" ابتسم ياسر ببلاهه وهو يشعر بزيادة ضربات قلبه ليقول "عينيها وضحكتها"
65
توقفت أروى عن الضحك وهي تنظر له بصدمة وعندما وجدت أنه ينظر لها وهو يقول هذا، زاد عليها الخجل بينما هو استوعب ما قال لينظر لايهاب وهو يقول "يا سواد السواد يابا رشدي، طبعا ولا كاني قولت حاجة ها، عيد السؤال تاني كدة، كان ايه يابت يا أروى؟؟"
1
نظرت له أروى بخجل وهي تقول بتوتر جاهدت لخروج صوتها "ايه ايه؟ ايه سبب زيادة ضربات قلبك؟" ابتسم ياسر بتوتر وهو يهمس لها "ما بلاش قلبي انا علشان ايجابتي هتودي مستقبل جاسر ورا مصنع الكراسي"
11
ابتسمت أروى وهي تهمس له "جاوب طيب علشان ليلتنا مطينه مع جاسر" نظر ياسر لايهاب سريعًا والذي ما زال ينظر لهما بصدمة وهو يرفع إحدى حاجبيه ليقول ياسر بتوتر "معروفة يا دكترة زيادة ضربات القلب الضغط العالي، انا مجربه مع امي"
6
"فعلًا؟؟" قالها إيهاب بغضب ثم وقف وهو يقول "الظاهر يا دكتور انك منمتش كويس ومش فايق علشان كدة اجيلك يوم تاني" وقفت أروى بفزع عندما استمعت لمزمار سيارة آسر شقيقها لذلك قالت سريعًا "بالظبط حضرتك جاسر فعلا مش نايم كويس، حضرتك هتطلع معايا لاوضة المكتب لحد ما هو يغسل وشه ويجيب البحث ويجيلنا اتفضل معايا يا دكتور"
5
نظر لها إيهاب بتردد ثم وافق على الصعود معها لتقول أروى لياسر سريعًا"جاسر وصل بدلو هدومكم وخليه يجيب البحث ويطلعلي على فوق بسرعة يلا"
1
ركضت أروى خلف إيهاب بينما ياسر وقف ببلاهه حتى وجد آسر وجاسر يدخلان بسرعة وجاسر يقول بلهفه "هو فين؟؟" شاور ياسر بيديه نحو الأعلى بملل ليقول جاسر سريعًا وهو يخلع قميصه "اخلص اقلع بسرعة"
1
شهقة خرجت من يسرا عندما استمعت لتلك الجملة لتزداد صدمتها عندما قال آسر وهو يخلع معطف بدلته "اقلع انا كمان اسعادكم في حاجة؟؟"
16
"انتم بتعملوا ايه يخربيوتكم؟؟؟ تقلعو ايه يا كلب منك ليه" صرخت بها يسرا وهي تقترب منهم بصدمة ليكمم آسر فمها سريعًا وهو يقول "اسكتي يا ماما هنتفضح"
3
فتحت يسرا عينيها بصدمة وهي تدفعه بعيدًا عنها وتقول "يعني خايف من الفضيحة ومش خايفين من ربنا؟؟ يابني ده انتم كدة ملعونين مثل قوم لوط" شهق جاسر وهو يقول "انتي فاكرة ايه يا نهار ملون؟؟؟"
24
"كمان ملون؟؟ ده انتم عايزين تترجمو" قالتها يسرا بغضب ليقول ياسر بصراخ "ما تستني بقى يا ولية خلينا نخلص بسرعة" شهقت يسرا مرة أخرى بفزع ثم أمسكت بأقرب تحفة قابلتها وهي تركض خلفهم وتصرخ "تخلصوا ايه خلصت روحكم يا عديمي التربية، ابوكم لو كان عايش كان وأدكم يا كلاب"
9
حاول آسر امساكها بينما ياسر امسك بجاسر سريعًا وهو يقول "اخلص اقلع البنطلون الراجل قرب يخلل فوق اقلع أنجز" شهقة جديدة افزعتهم ولكن تلك المرة لم تخرج من يسرا، بل خرجت من إيهاب الذي كان يقف فوق الدَرَج وينظر لهما بصدمة ليقع جاسر على الأريكة وهو يقول "ضاع مستقبلي"
28
ارتدى ياسر قميصه بسرعة وهو يقول "مش تحمحم قبل ما تنزل، افرض فيه حد خالع راسه" صفع آسر خديه بكلتا كفيه وهو يقول "ايه الي نزله ده؟؟؟؟"
5
"انا لا يمكن اقعد في بيت المجانين ده، دكتور طلع ليه نسختين ومش فاهم منهم حاجة وست مجنونه معرفش طلعتلي منين" وفجأة وجد ايهاب شئ يصتدم برأسه جعله يصرخ من الألم ولم تكن سوا فيفي التي صرخت بغضب "يعني خلصت اخر معلقتين بُن كنت مدكناهم علشان يسهروني بليل للمسلسل وكمان داخل بالجزمة على السجاجيد والسجاجيد غالية وبتتأمر علينا كمان ده انت محتاج الي يربيك ايه الجيل المبذر ده"
6
اقترب آسر من شقيقه بفزع وهو يقول "واد يا ياسر اخوك اتجلط هات ماية بسكر بسرعة" ركض ياسر نحو جاسر وهو يقول بغضب ويصفعه على رقبته "فوق ياض مش بحث الي هيعمل فيك كدة، قوم وهوديك لمدير مستشفى التأمين الصحي تعرض عليه البحث"
4
نظر إيهاب لما يحدث بغضب وهو يقول ويسير ليخرج من هذا البيت "بيت فوضاوي متعفن" ولكنه صدم من عكاز فيفي الذي اصتدم برأسه مرة أخرى وهي تصرخ به "لما تدخل بيوت الناس بالجزمة الي مشيت بيها في الشارع يبقى مين فينا الي متعفن؟؟"
6
خلع ايهاب ربطة عنقه وهو يقول بغضب "انا اسفلكم، والله لاستقيل علشان ترتاحو" هنا واستيقظ جاسر بفزع وهو يغلق قميصه بسرعة ويركض خلفه "لا استنى بالله شوف البحث الأول، يا دكتور"
3
نظر ياسر للجميع بقرف وهو يقول "ليه كل الاوفر ده؟؟ ده احنا ملحقناش نقلع غير النضارة بس" تأفف آسر بملل وهو يقول "الي يمشي وراكم ميجيلوش غير الهم"
8
_______________________________
+
انتهت منة من محاضرتها لتخرج من الحرم الجامعي وهي تتجه نحو سيارتها لتصعد إليها وما كادت أن تقوم بتحريك السيارة حتى استمعت لارسال رسائل لهاتفها لذلك أمسكت بهاتفها اولًا لترى ما ارسل لها
1
ارتجفت يديها وهي ترى كل صورها الخاصة مرسلة لها من رقم مجهول، صدمت أيضًا عندما رأت صور لشخص غريب لا تعرفه وبجانبه صورة لجاسر وآسر شقيقها ولا تعلم ما الذي يحدث
1
لم تنتبه لأي شئ الا صورها الخاصة لترتجف أوصالها وتهبط دموعها وهي تضع يدها على فمها تمنع شهقاتها من الخروج، تشعر بالفزع والخوف والقلق
7
قاطع هذا الصراع الداخلي رنين هاتفها لتمسكه بقلق وهي تضع الهاتف على أذنها لتستمع لأكثر صوت تبغضه وهو يقول "لقيتك مش بتيجي بالزوق قولت اجيبك بالعافية، مش قولتلك هعمل اي حاجة علشان تبقي ليا، لو فضلتي راكبة العند ساعتها انتي عارفة هعمل ايه"
11
"عايز تفضح عرضك يا واطي، ده انا بنت عمك لحمك ودمك يا عديم الدم، وصلت بيك الجرأة لانك تهكر تلفوني يا نبيل؟؟" قالتها منة بغضب لتستمع لصوته وهو يقول بأسف "واعمل اكتر من كدة يا منة علشان اوصلك، وهوصلك صدقيني بالزوق بالعافية هوصلك، ودلوقتي بقى تحبي ايه الي يحصل"
7
صمت قليلًا ثم قال وهو يضحك باستفزاز "صحيح بالنسبة للصور التانية، فصورة الراجل الاولاني ده واحد بيموت في جاسر لدرجة أنه نفسه يقتله، انا بقى ممكن ابعتله جاسر ده وخليه يوريني ساعتها رجولته وجدعنته الي طلعها معاكي دي هتعمل في ايه، ولو مش هامك جاسر فخافي على آسر علشان بكل سهولة ممكن اقولهم أن آسر هو جاسر وساعتها ودعي اخوكي يا منون، يلا اقابلك بكرة بقى علشان انهاردة مش فاضي، اول ما تروحي تقولي لآسر انك موافقة على طلب نبيل ها"
5
اغلق الخط واستمعت لصفير إنهاء المكالمة لتلقي الهاتف ثم تضع كفيها على وجهها وهي تبكي بانهيار لا تدري ماذا تفعل، تلقي نفسها لنيران نبيل ام تلقي بنفسها للفضيحة وتلقي شقيقها وجاسر للهلاك؟
19
______________________________
+
وبعد أكثر من ثلاث ساعات كان آسر يتحدث في الهاتف وهو يقول بملل "خلاص يا عم بنداري أهدى بس علشان اعصابك، يا اخي صحتك متعملش في نفسك كدة لا اله الا الله، هنقوم نشوف ياسر ونروح حاضر" اغلق المكالمة وهو يتأفف بملل ثم نظر لجاسر وهو يقول "قوم يا عم نشوف ياسر ونلبس ونروح عنوان فريدة ده"
2
"ياريت بجد خلينا نخلص من الحوارات دي" قالها جاسر وهو يقف هو الآخر ليذهبان إلى الحديقة حيث يجلس ياسر دائمًا
1
ولكن وقفا بصدمة وهما ينظران لياسر الذي كان يجلس على طرف حمام السباحة ويخلع قميصة وفقط كان يجلس بمعطف بدون اكمام رياضي ويشمر سروال قدميه ويضع قدمه في حمام السباحة ويربط رأسه بقميصه ويمسك بملابسه وهو يقوم بغسلها في حمام السباحة
14
شهق آسر بصدمة وهو يقول "يخربيتك يا ياسر قلبت البيسين ترعة" نظر له ياسر بقرف ثم عاد لغسل الملابس ليصرخ جاسر بغضب "ياض انت فاكرها ترعة المريوطيه الي كنت بتصيف فيها؟؟"
3
"اخرس ياض" قالها ياسر وهو ينظر له بقرف ليقول آسر بغضب "يابني هي من قلة الغسالات الي في البيت؟؟" القى ياسر ملابسه بتذمر وهو يقول بغضب "اعملكم ايه انا مش بحب اغسل لبسي غير بنفسي وعلى ايدي نعمة عودتني على كدة اني اعمل اي حاجة لنفسي ومعتمدش على حد، روحت الحمام مفيش غير بانيو الا حتى ما فيه مسحوق أوكسي من ابو خمسة جنيه، قولت بما أن البيسين فيه كلور يبقى اغسل لبسي فيه ينضف بسرعة"
16
نظر له آسر بتشنج وهو يقول "قوم يا ياسر ربنا يهديك، قوم وانا هدي هدومك لتحية تغسلهم" نظر له ياسر بغضب وهو يقول "لا مش هقوم قولت بحب اغسل هدومي بنفسي حتى لما اتجوز انا الي هغسلهم بنفسي، وخلاص يعني فاضل تيشيرتين وبنطلون اقعدو يلا اغسلوهم معايا"
18
نظر له جاسر بصدمة وهو يصرخ به "لا ده انت مجنون بقى نغسل معاك ايه يا متخلف انت" تشنج آسر وهو يقول أيضًا "ده انا عمري ما غسلتلي فردة شراب عايزني اغسل معاك هدومك وكمان في البيسين يا متخلف"
1
"وانا قولت كلمة" قالها ياسر وهو ينظر لهما بتحدي ليقول الاثنان بسخرية "واحنا قولنا لا يا ياسر"
13
______________________________
+
كانت أروى تجلس أمام حاسوبها المحمول وهي تعدل من وضعية نظارتها وتكتب في عدة أوراق أمامها لتدخل يسرا وتبتسم عندما ترا مظهرها هذا لتذهب لتجلس بجانبها بحنان وهي تقول "انا عارفة انك نفسك تكملي شغلك في امريكا وتكبري هناك"
1
نظرت لها أروى بحماس ولهفه وهي تخلع نظارتها وتقول بأمل "وافقتي اسافر؟؟؟" تنهدت يسرا بحزن وهي تقول "أروى انا مش هينفع اسيب بنتي عمرها كله في بلد غربية بعيد عن حضني، الموضوع صعب انا مش بقف قدام حلمك انا خايفة عليكي"
1
وقفت أروى بغضب وهي تقول "Damn the fear that prevents me from my work, mother please leave me building my future as I want" (اللعنة على الخوف الي مانعني عن شغلي، ماما ارجوكي سيبيني ابني مستقبلي زي ما انا عايزة"
5
وقفت يسرا بغضب وهي تقول "اخر مرة تعلي صوتك عليا يا أروى انتي فاهمة، مش هقولك لو رحيم كان عايش كان عمل ايه لا، انا هقولك يونس ابوكي لو كان عايش كان لا يمكن يوافق اصلا انك تدرسي في جامعتك هناك، ده رحيم وافق علشان بس متقوليش عليه جوز ام وبيهدم مستقبلك، لكن انا بقى كلمتي هي الي هتمشي عليكي يا اروى ومفيش زفت رجوع لأمريكا وانتهى الحوار على كدة"
5
"ماما انتي بتدوري على شقة للبيع ليه؟؟" جملة خرجت من أروى جعلت يسرا تنظر لها بصدمة وهي تقول "وانتي عرفتي منين، انتي بتراقبيني يا أروى؟؟"
2
"مش براقبك انا بس سمعتك امبارح وانتي بتتكلمي في التلفون صدفة واستغربت وعايزة اعرف ليه بتدوري على شقة؟"
9
"علشان خلاص ياسر وجاسر رجعو، وشوية وباذن الله فريدة كمان ترجع، انا مش هينفع اسيب بناتي قاعدين مع اتنين شباب في بيت واحد، آسر كان أمر واقعي وطول عمركم زي الاخوات فعلا، لكن جاسر وياسر لا"
10
انهت يسرا حديثها لتبتسم أروى بأمل وهي تقترب من والدتها وتقول "طب ما تيجي نسافر، منة خلاص هتتخرج كمان كام شهر، تعالي نسافر امريكا ونقعد هناك احنا التلاتة وأكمل انا شغلي، ومنة هتلاقي مستقبلها في الرسم هناك، في مصر مش بيهتمو بالنشاطات الي زي دي وبيشوفو أنها حاجة تافهه وصعب جدا تلاقي شغل، ماما احنا مستقبلنا هناك"
5
نظرت لها يسرا بألم شعرت به في قلبها ودموع تجمعت في عينيها وهي تقول "واسيب ابني هنا لوحده؟؟" نفت أروى سريعًا وهي تقول "آسر مش هيبقى معاه فيفي لوحدها، ده هيبقى آسر وجاسر وياسر وفيفي وممكن كمان فريدة لو لاقوها، هيبقى وسط عيلته، احنا اه عيلته بس مش من صلبه ولا من دمه، ممكن ننزل نقعد معاه اسبوع مثلا ونرجع تاني، دوري على مستقبلنا يا ماما وفكري بعقلك"
8
"لالا آسر ابني، لو هما عيلته فهو عيلتي الوحيدة من بعد ابوه، انا رحيم كان هو ضهري وأماني ومليش سند غيره، ورحيم مات وآسر ابني هو الي سندي دلوقتي؛ وقولتلك مئة مرة يا أروى آسر ابني من دمي عمره ما في يوم كان ابن جوزي" أنهت يسرا حديثها وهي تمسح دموعها لتقف أروى وهي تصرخ بغضب "ماما احنا الي بناتك بجد متضيعيش مستقبل بناتك علشان واحد مش ابنك اصلا"
23
وقفت يسرا بغضب وهي تصرخ بها "اخرسي واتكلمي بأدب، آسر ابني زي ما انتم ولادي، وسفر لأمريكا لا يا اروى وخلاص انتهى الأمر ده واقفلي على الموضوع"
2
قاطع تلك المناقشة الحادة دخول فيفي وهي تقول بتعجب "هو ايه الصوت الي جاي من الجنينة ده؟؟ هما عاملين فرح تحت؟؟" استمعت يسرا لصوت تلك الأغاني لتقول بتعجب "معرفش في ايه تعالو أما نشوف بيهببو ايه"
5
ركضن الثلاثة ليهبطن للاسفل حتى وصلن إلى الحديقة ليفتحن اعينهن بصدمة من هذا المنظر
2
فكان المنظر كالتالي ياسر يجلس كما هو أمام حمام السباحة وبجانبه إخوته على كل ناحية واحد، وكل منهما مظهره مثل مظهر ياسر تمامًا، ويمسكان بملابس ياسر وهما يقومان بغسلها وبجانبهم سماعات مكبرة للصوت يخرج منها اغنية
13
اخذ ياسر قميصة ثم وضعه في الماء وهو يحاول غسله ويغني "ايه يووه ويه يووه" رقص كلا من جاسر و آسر بمرح وهما يغنيان "ايه يووه ويه يووه"
4
"ايه يووه" غناها ياسر وهو يرقص بمرح ليكررها آسر ومعه جاسر "ايه يووه"
3
"ايه ايه" غناها ياسر وهو يحرك رأسه للامام ليفعلان المثل وهما يغنيان "أوه أوه"
5
وفي ثواني كان ياسر يرفع قميصه للأعلى وهو يدعكه بيده علامة الغسل ويغني وهو يرقص بمرح "والليلة دوب ولازم نرضى بالمكتوب الليلة ديا، الليلة دوب ولا فيش قلوب تجرح قلوب الليلة ديا"
11
فعلان المثل وهما يغنيان ببلاهه ويرقصان مع اخيهما "الليلة دوب ولازم نرضى بالمكتوب الليلة ديا، الليلة دوب ولا فيش قلوب تجرح قلوب الليلة ديا"
1
وقف ياسر وهو يحرك قميصة حتى تلقى منه المياة ثم ذهب نحو حبل معلق بعرض الحديقة وقام بنشر قميصه عليها وهو يضع المشابك ويغني بمرح تحت ضحكات أروى "غمضت عيني"
6
"يا عيني" خرجت من فم آسر وهو يرقص بمرح ليغني ياسر وهو ينشر باقي ملابسه "وحلمت بيه وصحيت واديني"
2
"يا عيني" خرجت من فم جاسر وهو يعصر سروال أخيه ليكمل ياسر وهو يرقص "ايدي في ايديه، وحلفت عنه يا شوق ما حكوووه"
3
وقف آسر وهو يذهب لينشر الملابس مع شقيقه وهو يرقص ويغني "الليلة دوب ولازم نرضى بالمكتوب الليلة ديا" اقترب منهما جاسر وهو يعصر الملابس ويعطيها لهما ويغني "الليلة دوب ولا فيش قلوب تجرح قلوب الليلة ديا"
9
"ايه يووه ويه يووه"
1
"ايه يووه ويه يووه"
1
توقفوا بصدمة من صراخ يسرا التي قالت بغضب "ينهار ابيض ايه الي انتم عملتوه في الجنينة ده، بتغسلو في البيسين وبتنشرو في الجنينة انتم اتجننتو؟؟؟" أومأ الثلاثة ببلاهه وهم يقولون "ايه يووه ويه يووه"
5
نظرت أروى نحو ياسر وهي تقول "اكيد انت إلي عملت كدة، الحركة البيئة دي متطلعش غير منك" وفي ثواني كان ياسر يحرك القميص بقوه لتلقى المياة التي توجد في القميص على وجه أروى لتصرخ وهي تعود للخلف ثم تنظر له بغضب وهي تقول "ايه يبني آدم انت بتنطر الماية في وشي ما تحاسب"
5
"انا لو عليا عايز احط القميص ده كله في بوقك احشره في زورك كدة علشان تبقي عاملة زي البطة الي بتحاول تتزغط ومش عارفة" صرخ بها ياسر لتنظر له بغضب وهي تقول "لما انت عايز تعمل فيا كدة اومال انا اعمل فيك ايه بالي انت بتهببه في بيتنا ده"
3
نظر لها ياسر بتشنج وهو يقول "بيتك؟؟ بيتك ده مين يا عنيا مهو بيتي زي ما هو بيتك" ابتسمت أروى بسخرية وهي تقترب منه وتهمس له بغضب "بطل تقول كدة علشان في مرة هسيبلك البيت ده كله وامشي"
7
نظر لها ياسر بتعجب ثم ابتسم وهو يغمز لها بمزاح قائلًا "ومين يملى علينا البيت بزعيقه على اي حاجة تافهه" تلاشى غضبها وهي تنظر له بتعجب ثم ابتعدت عنه بخجل ونظرت حولها بتوتر ثم تاففت وهي تتركه وتذهب ليقول بصوت عالي وصل لها وهو يضحك "مكسوفة؟ حلو ده"
34
بينما على الجهه الاخرى كانت يسرا تصرخ في جاسر وآسر على ما يفعلاه ليقول جاسر بغضب "يا طنط انا كنت مغصوب والله وكله من الزفت ياسر" نظرت يسرا نحو آسر وهي تقول "وانت يا بيه قاعدلي كدة ليه؟؟"
1
"استني بس عليا يا ياسو اخد التيشيرت ده فومين" أنهى آسر حديثه ثم نظر نحو ياسر وهو يقول بغضب "واد يا ياسر في بوقعة لونها زهري في القميص مش راضية تطلع، شكله روج ومن النوع الثابت كمان اه يا شقي"
6
نظر له ياسر بفزع وهو يقول "روج ايه يخربيت دي علبة حمرة الخدود بتاعة نعمة وقعت عليا بالغلط من كام يوم" نظرت أروى لياسر بقرف وهي تقول "حمرة خدود؟؟ البلاشر بقى اسمه حمرة خدود؟؟"
19
نظر لها ياسر بقرف وهو يقول "ما انتم من كتر المحارة الي بتشطبو بيها وشكم مبقناش عارفين حاجة واتلخبطنا" بينما فيفي كانت تنظر ليسرا وهي تقول بتذمر "بتزعقي كدة ليه ده بدل ما تشكريهم، وفروا مسحوق غسيل ووفرو استهلاك غسالة وكهرباء بتاعة الغسالة ووفرو وقت كمان، ماية ربنا كتير والبيسين مايته مش بفلوس يعني، لكن الكهرباء والمسحوق بفلوس"
10
"ده انتي لو موجودة ايام العصر الحجري كنتي عيشتي زي الفل لان مكانش فيه اي استهلاك" قالها جاسر وهو ينظر لفيفي بصدمة ولكن قاطع كل هذا الاندماج دخول سيارة منة من البوابة ثم وضعت السيارة جانبًا وهبطت منها وملامح الغضب واضحه على وجهها
1
تنهدت منة بهدوء ثم اقتربت من آسر ووقفت أمامه صامته لثواني ليقول آسر بتعجب "هتاخديلي صورة أربعة في ستة ولا هترسميني لمشروع التخرج الي مش لقياله فكرة لحد دلوقتي؟؟"
1
تنهدت منة بتوتر ثم نظرت لشقيقها وهي تقول ما لم يتوقعه أحد"نبيل جالك الصبح، انا موافقة على الي طلبه منك نبيل يا آسر" وكادت أن ترحل لولا يد آسر التي اوقفتها وهو يجذبها نحو بغضب ويقول "موافقة على ايه يا منة؟؟ موافقة أنه يتجوزك؟"
6
أغمضت منة أعينها بألم كتمت دموعها بداخلها ثم التفتت لآسر وهي تقول "اه يا آسر موافقة" نظر آسر ليسرا كي تتحدث ولكنها كانت تنظر لهما بعدم فهم ليصرخ هو بغضب "بت انتي فعلا في حاجة بينك وبين الواد ده"
2
نظرت له منة وهي تقول "ابن عمي، وعايز يتجوزني وانا موافقة ايه الي فيها؟؟" دفعها آسر للخلف وهو يقول بغضب "الي فيها اني مش موافق"
1
"وانت ملكش ترفض أو توافق اصلا يا آسر ده مش عريس جايلي من برة ده ابن عمي" صرخت بها منة ثم سحبت حقيبتها وركضت للداخل ليقترب جاسر من آسر وهو يقول "أهدى يا آسر، خلاص لو هي بتحبه وموافقة عليه سيبهم هي حرة في اختيارها"
15
تافف آسر بغضب وهو يقول "انا هلبس علشان نتزفت نروح نشوف فريدة؛ وانتي يا ماما عقلي بنتك علشان نبيل ده لو اخر واحد في الدنيا مش هجوزهولها"
1
رحل آسر وتركهم ليقترب ياسر من جاسر وهو يهمس له "في حاجة غلط على فكرة، البت دي كان داخله معيطه وعينيها منفوخه، انتم ركزتو على كلامها ومحدش ركز على حركات انفعالها وهي بتتكلم خالص؟؟؟"
25
نظر له جاسر قليلًا ثم قال بتفكير "يعني تفتكر في حاجة؟؟" أومأ ياسر بتأكيد وهو يقول "اروح اتكلم معاها أو نروح احنا الاتنين؟ يمكن في حاجة مش عايزة تقولها لآسر؟"
4
"لا يعم واحنا مالنا دي مشاكل ما بينهم بلاش نتدخل، يلا نطلع نلبس" قالها جاسر وهو يسحب ياسر خلفه للأعلى
29
_______________________________
+
"مالك يا منة احكيلي عملك ايه؟؟" خرجت تلك الجملة من فم أروى وهي تنظر لشقيقتها بلهفه لتتافف منة بملل وهي تقول "مفيش حاجة يا أروى هو الي هنعيده هنزيده"
2
"لا الكلام ده تقوليه تحت مش عليا يا منة، انا هنا الي عارفة الي بيتزفت نبيل يعملو معاكي وكرهك لي، فتيجي فجأة تقوللنا انك مقتنعة بيه وموافقة على جوازك منه ده هما الي يستغربو منه مش انا، انطقي الواد ده عمل ايه يخليكي تقولي كدة" وقفت منة بغضب وهي تصرخ صراخ أفزع أروى "معملش حاجة يا أروى خلاص بقى سيبيني في حالي، انا موافقة عليه محدش لي دعوة بيا ولا حد يدخل في حياتي واتفضلي اطلعي برة وسيبيني لوحدي دلوقتي"
5
"ماشي يا منة انا هسيبك دلوقتي تهدي، بس والله لو ما حكتيلي وفضلتي ساكته كدة لاروح احكي لآسر على كل الي كان بيعمله نبيل معاكي، علشان انا مش هسيب اختي بتروح للهلاك بايديها واسكت يا منة، Forget that we leave you with your thoughts that will lead to your loss" (انسي أننا نسيبك تركبي دماغك الي هتضيعك دي)
13
تركتها أروى وخرجت من الغرفة وهي تتافف من عناد شقيقتها بينما جاسر راقب خروج أروى وغضبها ثم نظر نحو غرفة منة ليقول بملل "وانا مالي ما براحتها عادي ممكن كانت بتكرهه وبعدين هو قدر يحببها فيه بتحصل، ما محبة الا بعد عداوة"
10
وكاد أن يرحل ولكنه استمع لصوت شهقاتها ليتافف بغضب ولم يستطع منع من نفسه أن يذهب نحو غرفتها ثم قام بطرق الباب ليستمع لصوتها وهي تصرخ "سيبوني لوحدي بقى مش هتكلم مع حد دلوقتي"
1
كاد أن يرحل عندما استمع لصراخها ولكنه توقف فجأة بالتأكيد نبيل فعل لها شئ جعلها مجبورة على الموافقة، لذلك عاد مرة أخرى وهي يطرق الغرفة ويقول "منة انا جاسر، بعد اذنك افتحي محتاج اتكلم معاكي شوية، هستناكي في الجنينة تعالي قبل ما آسر يخلص"
2
أزاحت منة دموعها وكادت أن ترفض ولكن هي تحتاج للحديث مع أحد، و أروى إذا علمت بما حدث بالتأكيد ستخبر آسر لذلك وجدت نفسها توافق وتخبره أنها ستأتي له
5
كان جاسر يجلس في الحديقة ينتظرها حتى واخيرًا أتت، نظر جاسر لوجهها بتعجب فكانت اثار البكاء واضحة وبشدة بالفعل لذلك قال بتعجب "ممكن اعرف في ايه؟ منين تقوليلي مش بتطقيه وبيضايقك ومنين انهاردة موافقة أنه يتجوزك؟؟"
2
تنهدت منة بتوتر وهي تقول "انا شايفة أن الأفضل اني اوافق عليه بدل ما يفضل حاطط آسر وفلوس اونكل رحيم والورق في دماغه" ابتسم جاسر بسخرية وهو يقول "لو ده السبب يبقى كان زمانكم متجوزين وموافقة عليه من زمان"
4
"ايه الاوفر ده اونكل رحيم داخل موته على الشهرين بس" قالتها منة بتوتر ليقول جاسر بسخرية وباللغة الألمانية كي لا تفهمه "وكأن هذا الوغد لم يحاول سرقة الورق من أبي منذ أربع سنوات"
6
"نعم حاول، ولكن كان يخاف من والدك، لكن الآن زادت محاولاته فنبيل ليس بالخصم السهل، وآسر لم يدخل في مشاكل من قبل كي يستطع الوقوف أمام نبيل" انهت منة حديثها تحت نظرة الصدمة من جاسر لتقول هي بسخرية "متستغربش انا واخده كورس ألماني وانجليزي يعني هتلاقيني لبلب فيهم"
4
ابتسم جاسر ثم سحب محرمة من على الطاولة وأخذ كوب من الماء ثم اعطاهما لها وهو يقول "طب نشفي دموعك واشربي وخلينا نتكلم بالعقل شوية" ارتشفت منة من المياة ثم نظرت له وهي تقول "نتكلم في ايه؟؟"
2
"منة، انا عارف ان في حاجة باين جدا على عينك الي وارمه من العياط، وعلى نظرة الكره الي كانت في عينك لنبيل، منة احكيلي وانا وعد مش هقول لآسر حاجة ولو في أيدي اساعدك هساعدك، زي ما قولتلك قبل كدة انا هنا اخوكي زيي زي آسر"
21
ابتسمت له منة بامتنان ثم تنهدت قليلًا حتى نظرت له وفاجئته بسؤالها "انت فعلا في حد عايز يقتلك وبيدورو عليك؟؟" نظر لها جاسر بتعجب وهو يقول "آسر الي قالك؟؟"
2
"تؤ، نبيل هو الي قالي" قالتها منة وهي تنتظر ايجابته بفضول ليتنهد جاسر وهو يقول "البحث الي انا عامله يا منة عبارة عن عقاقير لعلاج الكانسر بدون كيماوي، وجربته على كذا حالة ونجح، والبحث ده انا كنت جاي مصر علشان اسلمه بعد ما اخدت عليه جوائز في المانيا ورفضت ابيعه هناك وقولت أني هسلمه لبلدي، ويبقى الي اخترع العقاقير دي مصري والي صنعها وصدرها مصر"
6
"كمل انا سمعاك" قالتها منة بحماس وقد تناست نبيل ليتنهد هو وهو يقول "هناك لم عرفو رفضي واني عايز اسلم البحث ده في مصر، احترمو ده، لكن للاسف في بقى شلة أو من الآخر يعني عصابة أفرادها من كذا دولة، وهما بقى مش عايزين العقاقير دي تنتشر، لان هما اصلا عايزين يعملوا حرب عالمية بمرض السرطان، يعني من الآخر مش عايزين حد يتعالج منه، وده لان بالفعل حالات الوفيات بالمرض ده تلت أضعاف حالات الشفاء، فهما عايزين يشترو البحث مني ويهددوني علشان مصدروش لمصر وعرضوا عليا مليارات وبالفعل مش ببالغ، بس انا رفضت، علشان كدة هما حاولو أنهم يقتلوني وما زالوا اكيد بيدورو عليا"
10
"رفضت مليارات علشان بحث مش هتاخد فيه غير ملاليم ومش هتستفاد حاجة؟" قالتها منة بانبهار ليومأ لها جاسر ولكنه فزع عندما صفقت منة بكلتا يديها وهي تقول بصوت عالي افزعه "واااو بجد جاسر انت بطل، انت اي حد غيرك كان في ثواني هيبيع البحث وفي داهية الناس، بجد انا فخورة أن في واحد بضميرك ده دخل حياتي بجد برافو عليك والله تستاهل رسمة من ايدي"
8
كادت أن ترحل ليوقفها جاسر سريعًا وهو يقول "تعالي يابت هنا متضيعيش الموضوع، نبيل عرف منين أن في ناس عايزة تقتلني؟ وايه علاقة ده بجوازك منه؟؟"
1
تنهدت بحزن مرة أخرى وهي تقول "اصل هو هددني اني لو موافقتش هيعرفهم مكانك، ولو انت متهمنيش فممكن يقولهم أن آسر هو انت ويقتلوه" نظر لها جاسر بحزن وهو يقول "يعني كل ده بسببي؟؟ ياربي يعني انتي وافقتي علشان خايفة على آسر؟؟"
2
"وعليك" خرجت من فمها تلك الكلمة بعفوية لينظر لها جاسر بتعجب وهو يقول "الأهم دلوقتي آسر اخوكي، انا اكيد مش مهم زي ما هو مهم يا منة"
18
"لا يا جاسر، اه طبعا خوفي الأكبر على اخويا، بس لو كان هددني بيك انت بس كنت بردو هوافق، علشان اولًا عمري ما ارضى أن حد يجراله حاجة بسببي، وثانيًا علشان يعلم ربنا انت وياسر من يوم ما دخلتو البيت ده واحنا حبيناكم وبقيتو زي اخواتنا وفرد مننا، اه بقالنا اسبوع بس مع بعض بس فعلا اتعلقنا بيكم وبلمتكم انتم التلاتة مع بعض وعوضتو غياب اونكل رحيم كتير، انت وياسر بالنسبالنا زي آسر بالظبط والله"
18
تنهد جاسر بحيرة ثم نظر لها وهو يقول "موافقيش يا منة، وولا انا ولا جاسر هيجرالنا حاجة متخافيش، هما مش هيستفادو حاجة بموتي لان البحث خلاص هنا في مصر، هما عايزين البحث مش عايزين روحي"
2
أغمضت منة أعينها بألم ودموعها تهبط بحسرة وهي تقول "مهو مش ده بس الي مخليني موافقة على الجواز يا جاسر" اقترب جاسر بمقعده من مقعدها وهو يقول "هو مهددك بحد تاني؟؟"
7
هنا وانفجرت منة في البكاء لينظر لها جاسر بفزع وكاد أن يضع يده على كتفها كي يربت عليها بحنان ولكنه ابتعد بسرعة ولا يعلم ماذا يفعل، لذلك جلب لها محرمة وهو يقول "اهدي يا منة وامسحي دموعك بس الاول"
9
أزاحت منة دموعها ثم نظرت له وهي تقول من وسط شهقاتها "نبيل.... نبيل هكر تلفوني يا جاسر، هكره وخد... خد كل حاجة خاصة بيا ومهددني بيها، وقالي أنه ممكن يعمل أسوأ من كدة كمان، انا لو موافقتش عليه هيفضحني يا جاسر"
6
سب جاسر نبيل بأبشع الألفاظ ليقول بغضب "الحيوان هيفضح بنت عمه علشان مش راضية بيه، منة متأكدة انك مش عايزة تقولي لآسر؟؟" نفت منة بسرعة وهي تقول "بالله عليك بلاش آسر انا مش عايزة اخويا يدخل معاه في مشاكل نبيل مش سهل ابدًا، انا موافقة عليه يا جاسر وخلاص"
6
"يعني ايه موافقة عليه وخلاص يا منة؟؟ هتروحي لحيوان زي ده وتسبيه يشتري ويبيع فيكي؟؟" قالها جاسر بغضب لتقول منة بسرعة "طب اسكت علشان آسر وياسر جوم"
2
وقف جاسر بغضب ومنة وقفت أيضًا لينظر جاسر نحو إخوته ثم اخفض جسده قليلًا وهو يهمس لها يحاول بعث الاطمئنان داخلها "انا هساعدك يا منة" نظرت له منة بلهفه ليقول هو "صدقيني هحاول اساعدك باي طريقة بس بلاش تبيعي مستقبلك في ايد واحد زي ده"
8
اومأت له منة بقلق ثم نظرت لشقيقها الذي وصل وهو يقول "يلا نتحرك نشوف عنوان فريدة ده" ولكنه توقف فجأة عندما قالت أروى بحماس "هاجي معاكم" لتقترب منها منة وهي تقول "هنيجي معاكم"
5
تافف ياسر بملل وهو يقول "ساحبين ولاد اختنا معانا وربنا"
3
_________________________
+
والآن هم أمام تلك العمارة ليمسك ياسر بالورقة وهو يقول بأمل "زينات الاسيوطي، عمارة مئة وتلاتين الدور الرابع شقة تمانية" نظر لهم آسر وهو يقول بلهفه "طب مستنيين ايه يلا نطلع"
1
صعد الخمسة بسرعة ولهفة ثم ذهبو نحو تلك الشقة وهم يطرقوا الباب بلهفه ينتظرون أن يفتح لهم احد، ولكن لا إجابة، تأفف جاسر وهو يقول "معقول يكونو ماتو؟؟"
3
"يا عم فال الله ولا فالك" قالها ياسر بغضب ثم طرق الباب بغضب وهو يصرخ "افتحو الباب يا شوية همج، خاطفين اختنا عشرين سنة ومش بنتكلم، افتحو بدل ما اهد الباب ده فوق دماغكم"
19
اقترب آسر هو الآخر ببلاهه وهو يطرق الباب بحدة ويقول "فريدة، افتحو يابت يا رورو احنا اخواتك، افتحي وحياة امك يا فريدة عايزين ناخد الفلوس الي ابوكي بيذل امنا بيها دي"
10
" فريدة Open the door يا فريدة مش ذنبهم ان امك كانت واطية" نظر الثلاثة بصدمة لأروى لتقول بتوتر "ااا.. sorry بس امكم فعلا كانت واطية انا مكدبتش"
26
انتبه الجميع لفتح الباب ولكن لم يكن الباب الذي كانو يطرقو عليه من ثواني، بل كان البيت المقابل لبيت زينات الاسيوطي، خرجت منه امرأة تبدو عليها في أواخر الثلاثون وهي تقول بتعجب "اؤمرو انتم عايزين تشترو الشقة ولا حاجة اكلم البواب يطلعلكم؟؟"
3
اقترب آسر منها سريعًا وهو يقول "هو حضرتك الشقة دي بتاعة واحدة اسمها زينات الاسيوطي؟؟" اومأت تلك المرأة بحزن وهي تقول "الله يرحمها"
8
صدم ياسر خديه بكلتا كفيه وهو يقول "يلا اهو ده الي ناقص، والله احنا فقر وامنا عارفة" نظرت منة لتلك السيدة سريعًا وهي تقول "طب هي الست دي كانت عندها ولاد؟؟؟"
1
"اه كان عندها بنوته بس ليه؟؟" قالتها السيدة بتعجب ليقول جاسر بلهفه "احنا بقى يا مدام بندور على البنوته دي ومحتاجين عنوانها"
1
نظرت تلك السيدة حولها ثم نظرت لهم مرة أخرى وهي تقول "اتفضلو معايا في الشقة اشربوا حاجة وانا احكيلكم لانه حوار كبير شوية"
5
نظر الخمسة لبعضهم ثم اضطروا للدخول، وبعد دقائق من استقبالهم كان الخمسة يجلسون لتنظر منة نحو الطفلان اللذان يجلسين على الأرضية يلعبان بتلك الالعاب لتقول بلطف وهي تنادي الطفل "انت اسمك ايه يا قمر؟؟"
1
نظر لها الطفل ببراءه وهو يقول "اسمي زياد" ابتسمت أروى وهي تنظر للآخر وتقول "وانت يا قمر اسمك ايه؟؟" وقف الطفل وهو يبتسم ويقول "اسمي عيسى"
13
نظرت منة لأروى وهي تقول "جمال خالص اللهم بارك" اومأت لها أروى بحماس ثم أخرجت من حقيبتها بعض الحلوى وهي تعطيها لهما ليقول ياسر بسخرية "بريئة اوي يابت!!"
5
نظرت له أروى بغضب وهي تقول "انا لطيفة مع اللطاف بس، فعدم لطفي معاك ده مش بيوحيلك بحاجة" ابتسم ياسر ببرود مثل الثلج وهو يقول "بيوحيلي اني لطيف لطافة انتي مش قادرة تتعاملي معاها من كتر الجمال"
13
ابتسمت أروى بخفوت على حديثه ثم عادت للجلوس بجانب شقيقتها، في نفس الوقت التي أتت فيه السيدة وهي تضع أمامهم العصير ليقول آسر "تسلمي والله احنا مش عايزين نتعبك"
2
ابتسمت تلك السيدة وهي تقول "لا تعب ولا حاجة، وعلى العموم انا اسمي مديحة" ابتسم جاسر وهو يقول "تسلميلنا مدام مديحة، ممكن بس تحكيلنا عن البنت دي وهي فين دلوقتي؟؟ وعندها تمانية وعشرين سنة يعني اكيد اتجوزت مش كدة؟؟"
1
نظرت لهم مديحة قليلاً ثم قالت "بصراحة يعني البت دي مش بنتهم، يعني لو جايين علشان اي ورث فمش هينفع لأنها مش بنتهم الحقيقية" ابتسم ياسر وهو يقول "الله ينور عليكي يا ام عيسى، اهو ده بالظبط الي عايزينه، احنا عارفين أن البت دي مش بنتهم وبصراحة يعني احنا أهلها وبندور عليها"
2
"بتدورو عليها بعد تمانية وعشرين سنة؟؟" قالتها مديحة بصدمة ليقول آسر بتافف "متدخلناش في تفاصيل دلوقتي يا مدام واحكيلنا الي بيحصل"
1
تنهدت مديحة ثم قالت "انا كنت صاحبة زينات الله يرحمها، اه مش اوي بس كنا بنتكلم يعني بحكم الجيرة، الي اعرفه ان بعد ما بنتها ماتت وربنا ماردش أنها تخلف تاني، بنتها ماتت وهي عندها خمس سنين فهي قررت انها تروح تتبنى بنت بنفس السن وتربيها بدال ربنا مش كاتبلها خلفة تاني، فراحو واتبنو بنت اسمها فريدة وخدوها بنفس الاسم مغيروش اسمها"
2
ابتسم الجميع بحماس لتقول منة بلهفه "وبعدين كملي" تنهدت مديحة وهي تكمل تلك القصة "انا فاكرة أن جوزها عارض الحوار ده واتخانق معاها خناقة كبيرة، وقالها أنه مش هيربي بنت من الشارع وان مفيش حد هيعوضة عن بنته الي ماتت وكان عايز يرجعها الملجأ تاني بس زينات رفضت، وقالتله لو مش عاجبك طلقني بس البت دي مش هترجع، فهو خاف لان الشقة دي بتاعتها وهو محلتوش حاجة، فوافق وربو فريدة وكبروها لحد ما بقى عندها سبعتاشر سنة"
2
ابتسم ياسر بحماس وهو يقول "وبعدين يا ام عيسى كملي" نظرت لهم مديحة بحزن وهي تقول "وساعتها ماتت زينات، وجوزها اتجوز واحدة تانية بعد ما ورث الشقة، مراته التانية دي كانت حرباية وبتكره فريدة، وقعدو سنة كاملة مطلعين عين البت، ومن الاخر مراته دي كانت بتحاول تطفشها مكانتش طيقاها خالص، لحد ما في مرة اقنعت جوزها أنهم يبيعو الشقة ويصفو المطعم الي كان فاتحه، ويسافرو استراليا، وهو وافق بس هي قالتله أنها متاخدش فريدة معاهم وكدة كدة هي مش بنته ويرموها في اي حتة"
7
نظر جاسر لاخوته بحزن على ما عانته شقيقتهم ثم نظر مرة أخرى لمديحة وهو يقول "وبعدين راحت فين؟؟" تنهدت مديحة بحزن وهي تقول "انا للاسف ساعتها كنت في البلد عند اهلي، ملحقتهاش؛ الي خدوها الجيران الي في الشقة الي فوقينا لان هي حتى لو آنسة كبيرة بس هتروح فين"
1
ابتسمت أروى بحماس وهي تقول "يعني هي فوق دلوقتي ونقدر ناخدها؟" لوت مديحة شفتيها في حركة شعبية بذيئة ثم قالت "ياختي استني اكملك، المهم يعني أن منهم لله الشقة الي فوق دول اقنعوها تيجي معاهم ويبقو هما مسؤولين عنها"
1
ابتسم ياسر وهو يقول "ومنهم لله بس يا ام عيسى المفروض تقولي ربنا...." قاطعته مديحة وهي تقول بتوتر وتنظر نحو أطفالها "أصل بصراحة يعني، يعني هي الشقة دي مشبوهه شوية وهي يعني، ملهى ليلي"
34
نظر لها جاسر بتعجب وهو يقول "ملهى ليلي؟؟" ابتسم آسر بحماس وهو يقول "قصدك شقة دعا..." قاطعته مديحة وهي تقول "الله ينور عليك بالظبط كدة يا بشمنهدش، وبس بقى علشان عندي اطفال وبيلقطو الكلام بسرعة"
10
اكمل ياسر جملته التي كاد أن يقولها منذ قليل وهو يقول "وليه تقولي منهم لله يا ام عيسى، قولي ربنا يولع فيهم بجاز وهما في نص البحر ما يلاقو ماية تطفيهم"
11
كانت منة تنظر لأروى بصدمة بينما الثلاثة نظرو لبعضهم وهم يضحكون ببلاهه ويقولو في نفس الوقت "اختنا طلعت في شقة دعا..." نظرت لهم مديحة بتحذير وهي تشير لأطفالها ليقول الثلاثة وهم يلوون شفتيهم بحركة شعبية "اختنا طلعت في ملهى ليلي يا رجالة"
29
______________________________
+
وتظن انك نجوت ثم تهزمك "يا كبير اختك في بيت دعارة"
وهنا تبدأ المعاناة وساجعلكم تعانون معهم، وهنا ستبدأ الحرب الداخلية، فهل سنحذف الراء ونحولها لحب؟ ام ستظل الراء ثابته في مكانها وستظل حرب؟
14
وفي النهاية دعوني أخبركم
"أن المغامرة لم تنتهي بعد.."🤍🫀
