رواية الوصية الثلاثية الفصل السابع 7 بقلم سهيلة محمد

حاسة اني متاخرتش عليكم اوي، المهم أن حابة اقولكم حاجة بسيطة، اي اغاني بكتبها في الرواية مش بتبقى مجرد اغنية والسلام علشان المشهد، بالعكس دي بتبقى بمثابة حوار بينهم على هيئة اغنية، يعني لو حد مش بيفضل يقرأ الاغاني فحابة اقولك حاول لأن انا بكتب الاغاني كحوار ما بين الابطال وباذن الله هحاول مزودش اوي يعني وتبقى خفيفة، مستنية رأيكم في البارت ده لاني بحضره من اول ما اخترعت الرواية اصلا فمستنية ارائكم وطبعا طبعا كومنتاتكم القمر على كل قطعة تنال إعجابكم ومتحكموش على شخصية اي بطل من الفصل ده لان لسة في اسرار كتيير واحداث اكتر

صلوا على النبي محمد✨

___________________________

كانو يقفون أمام الباب ينظرون لبعضهم بتوتر الا آسر الذي كان يبتسم بحماس وهو يقول "مستنيين ايه يلا نخش نشوف المزز...قصدي فريدة اختنا" نظر له ياسر بمشاغبة وهو يقول "فريدة بردو، حد الفرحة هتكون هتنط منه كدة علشان أخته بس؟"

"بذمتك مش حاسس بنفس حماسي؟" قالها آسر بخبث وهو يقترب من شقيقه ليبتسم ياسر وهو يقول "تؤ، حاسس بضعف حماسك تلت مرات"

"انا بقى حماسي أزيد منكم كلكم" خرجت هذه الجملة من فم منة لينظر لها جاسر بتشنج وهو يقول "حماس مين ياما؟؟ انتي واروى هتنزلو تستنو تحت في العربية" نظرت له منة بتشنج وهي تصرخ به "نعم نعم نعم؟؟؟ ليه يا بابا ايه الفرق بينا يعني علشان انتم تخشو واحنا لا؟"

ابتسم آسر وهو يغمز لشقيقته قائلًا "اصل المكان ده بيبقى الرجالة فقط" ابتسم ياسر هو الآخر وهو يكمل مع شقيقه "علشان يبسطونا"

"يشخلعونا" خرجت من فم آسر وهو يبتسم ليقول ياسر بابتسامة واسعة "يرقصونا"

صرخ بهما جاسر وهو ينظر لهما بعدم تصديق "اسكتوا، انتم ايه متربتوش خالص كدة استغفر الله العظيم يارب" نظرت لهم أروى وهي تقول باشمئزاز وخجل "مستحيل ادخل المكان القذر ده، مستحيل اسمح لعيني اصلا تشوف الحاجات دي please يا جاسر هات مفتاح عربيتك انا نازلة"

نظر لها ياسر بتعجب وهو يبتسم ويقول "ليه مكسوفة؟" نظرت له أروى وهي تقول "طبعا مكسوفة" ابتسم ياسر وهو ينظر بعيدًا قائلًا "حلو ده"

أخرج جاسر مفتاح سيارته وهو يعطيه لأروى ثم نظر لمنة وهو يقول "يلا" نظرت له منة بتشنج وهي تقول "يلا ايه؟ انا عايزة اتفرج" نظر لها جاسر بغضب وهو يقول "تتفرجي على ايه يابت ما تتلمي، يلا روحي مع اختك يا ماما الحاجات دي للكبار"

"انا كبيرة عندي اتنين وعشرين سنة، آسر انا اختك من قبل فريدة دخلني معاك" قالتها منة وهي تنظر لهم بترجي ليقول آسر بحزن "والله انا مش ممانع بس ماما لو عرفت هتنفخنا احنا الاتنين"

نظر له جاسر بغضب وهو يقول "مش ممانع ايه انت كمان، انزلي يلا مع أروى واوعي تطلعي لا انتي ولا هي فاهمين" تاففت منة بغضب وهي تضرب قدميها بالأرض وتصرخ بجاسر الذي فزع من صراخها وانتفض جسده وهي تقول "ماشي، ماشي يا انشينتاين على ما تفرج انت"

وأثناء هبوط أروى ومنة كان بنداري قد وصل أخيرًا وهو يقول بحماس "ها يولاد وصلتو لايه لقيتوها؟؟؟" ابتسم ياسر وهو يقول "اه يا عم سنجاري هي في الشقة دي"

نظر بنداري نحو الشقة وهو يقول بتعجب "اومال ايه صوت الاغاني دي؟ هي انهاردة حنتها ولا ايه؟؟" ابتسم آسر بحماس وهو يقول "ده في كمية حِنن جوا يا عم بنداري، هتبقى مدعكة"

نظر له جاسر بغضب ثم نظر لبنداري وهو يقول بعدم تصديق "تخيل يا عم بنداري أن اختنا في بيت مشبوه؟؟" فتح بنداري عينيه بصدمة وهو يقول "يعني ده بيت مشبوه؟؟؟"

أومأ الثلاثة ليبتسم بنداري بشدة وهو يقول "يعني ينفع نخش ببلاش علشان اختكم جوا يعني فيه واسطه صح؟؟" صفق آسر بحماس وهو يقول "أيوة يا بنداري يا جامد"

ابتسم ياسر وهو يركض نحو الباب ويقول "انا متحمس اخش اووي" نظر لهم جاسر بصدمة ثم قال بغضب "اخد بس اختي من هنا وورحمة ابويا لابلغ بوليس الآداب"

طرق ياسر الباب بحماس ليفتح له امرأة ترتدي عباءه طويلة وتضع حجاب على رأسها وهي تقول "اؤمر يا بيه؟" نظر لها ياسر بتشنج وهو يقول "ايه الهزار البايخ ده؟ حماسي اتبخر"

اقترب آسر من شقيقه ثم نظر للسيدة ليقول بأمل "اللبس ده تمويه مش كدة؟؟؟" نظرت له تلك السيدة بتركيز ثم قالت بغضب "انتم عايزين مين؟"

"عايزين فريدة" جملة خرجت من فم الأربعة وهم يبتسمون ببلاهه لتنظر لهم الفتاة بتعجب وهي تقول "انتم الاربعة؟؟"

أومأ الأربعة ببلاهه لتقول الفتاة بحسرة "لا حيث كدة خشو قابلو المعلم الاول" نظر ياسر لاخوته وهو يخرج سلاحه من جيبه ويقول "سيبوني انا اتفاهم معاه علشان ده هيبقى كلام معلمين مع بعض"

فتحت لهم الفتاة ليدخل الأربعة بحماس وفي ثواني كان آسر يطلق صفيرًا عاليًا من فمه وهو يقول "ده احنا مكناش عايشين يا جدع"

فكان المنظر كالتالي، النساء ينتشرن في كل مكان داخل البيت وكلًا منهن ترتدي ثوب قصير يظهر جسدهن، وهناك بعض الرجال يجلسون على الأريكة ومنهم من يرقص بلا وعي في بهو البيت، والاغاني والخمور في كل مكان فكان منظر مقزز لو يعلمون مصيرهم في الآخرة لبكو قهرًا واحرق قلبهم على ما فعلوه.

وفي ثواني كان جاسر يخفض رأسه للأرض وهو يقول "استغفر الله العظيم استغفر الله العظيم" بينما ياسر ابتسم بحماس وهو يقول "أخيرًا شوفت البيت ده في الحقيقة، تصدق طلع زي الافلام بالظبط"

نظر بنداري حوله وهو يبتسم ببلاهه قائلًا "حاسس اني رجعت لسن التلاتين" بينما آسر اقترب من إحدى النساء وهو يقول ببلاهه "بصراحة كدة انا حاسس ان دي اختي"

نفى ياسر وهو يقترب من واحدة أخرى ويقول "لا يعم انا حاسس ان هي دي اختي" نظر لهما جاسر بغضب وهو يقول "الله الوكيل لو لقيت اختي في البيت الزبالة ده لاجيبها من شعرها واغسل عاري بايدي"

"عار ايه يا عم هو احنا نعرفها" قالها آسر ببلاهه ثم اقترب من إحدى الفتيات وهو يبتسم قائلًا "انتي فريدة؟؟" ابتسمت الفتاة بغنج وهي تقول "لا يا قمر انا مش فريدة، انا شفيقة"

ابتسم آسر وهو يقول "طب الحمدلله انك مش فريدة، حيث كدة بقى القمر كام سنة؟؟" نظر ياسر لآسر بقرف وهو يقول "زوقك نتن"

"قوله" قالها جاسر بغضب ولكنه صدم عندما وجد ياسر يقترب من فتاة أخرى وهو يقول "دي اجمد، اسمك ايه يا قمر ويارب متكونيش فريدة لاني هكلم اقرب مأذون دلوقتي"

ضحكت الفتاة بشدة وهي تتخطاه وترحل ليقول ياسر بتذمر "براحتك اتقلي، اصلا انتي مش زوقي المفضل" فاض الكيل بجاسر وفي ثواني كان يسحب شقيقاه من تلباب قميصهما وهو يصرخ بهما "ما تتلم ياض انت وهو وغضو بصركم ايه قلة الحياء دي انتو متربتوش قبل كدة؟؟"

نفى كلا من ياسر وآسر براسهما وهما يبتسمان ببلاهه ويقولان "لا متربناش" انتبه الثلاثة لبنداري الذي قال بلهفه "البت الي فتحتلنا بتقول أن المعلم مستنينا جوا يلا نخش بسرعة"

تنهد الثلاثة وهم يرحلون خلف بنداري حتى دخلو لتلك الغرفة، ليجدو رجل في عمر الخمسين تقريبًا يجلس على الأريكة وهو يقول بابتسامة عريضة "اؤمرو يا بشوات"

نظر الأربعة لبعضهم بحماس ثم قالو في نفس الوقت "كنا عايزين فريدة" نظر لهم الرجل بتعجب وهو يقول " فريدة مين؟؟ اااه قصدكم فيرو، معلش فيرو كانت طالبة تلاتة بس أربعة مينفعش"

"طالبة ايه يعنيا؟؟؟" قالها جاسر بصدمة وهو يشعر بقلبه سيتوقف بسبب ما يحدث الآن لينظر لهم الرجل بتقييم ثم نظر نحو آسر وهو يقول "معلش يا باشا اتفضل انت وسيب التلاتة التانيين وان شاء الله حظ موفق في دور آخر"

نظر له آسر بصدمة ثم قال بتذمر "يعني ايه game over!! يخربيت الزولم اشمعنى بنداري اختارتوه؟؟" نظر ياسر للرجل بتشنج وهو يقول "ياعم انت بتختار ايه صلي على النبي كدة، احنا عايزين فريدة في حاجة تانية غير شغلكم المقرف ده، احنا قرايبها ومحتاجين نقابلها"

"بس فيرو ملهاش أهل" قالها الرجل وهو ينظر لهم بغضب وشك ليقول جاسر بغضب "ما تقول هي فين وتخلص أنت هتحقق معانا؟"

تافف الرجل بغضب وهو يقول "فيرو عندها نمرة" ابتسم بنداري وهو يقول بتعجب "بتعمل نمرة ازاي يعني؟ هي شغالة في المرور قسم نمر عربيات؟؟؟"

ضحك الرجل بسخرية وهو يقول "لا يا حدق، فيرو عندها نمرة دلوقتي في الكابريه" وقف جاسر بصدمة وهو يصرخ بفزع "كابريه؟؟؟؟" بينما ياسر تنهد براحة وهو يقول "الحمدلله طلعت رقاصة مش شغالة في البيت ده"

"هتفرق يا اخويا؟" قالها آسر بتشنج ثم وقف بحماس وهو يقول "كباريه؟ تعرف أن كان حلمي وانا طفل ابويا يفسحنا في الweek end يودينا كبارية بس الله يرحمه كان بيرفض دايما مش فاهم ليه"

وقف ياسر بحماس وهو يقول "وجات فيرو علشان تحققلنا الأمنية، يلا على الكباريه بسرعة هموت وأشوف الڤيو هناك عامل ازاي" نظر جاسر لاخوته باحتقار وهو يسير خلفهما ويسحب بنداري معه وهو يقول بغضب "عيال فاسدة"

وعندما وصل الجميع للسيارة ذهب بنداري لسيارته بينما منة نظرت لآسر بحماس وهي تسأله "كان في منكر فوق؟؟" نظرت أروى لشقيقتها بغضب وهي تقول "منة احترمي نفسك عيب كدة"

"اسكتي انتي دلوقتي، آسر احكيلي ايه الي كان موجود فوق" قالتها منة بحماس ليبتسم آسر وهو يقول "كان في كمية ستات يابت يا منة، جايين من كوكب زمردة، حاجة على قد ماهي تقرف بس جامدين"

ابتسم ياسر وهو ينظر للخلف نحو شقيقه ويقول ببلاهه "شوفت يا واد يا آسر البت الي اسمها شفيقة ام فستان ازرق؟؟" ابتسم آسر وهو يقترب من شقيقه يهمس له لتقترب منة منهما كي تسمع ما يدور بينهما ولكن وجدت يد آسر تدفعها للخلف وهو ينظر لها بقرف ثم عاد لشقيقه مرة أخرى لتعود منة لهما مرة أخرى كي تسمع ما يقولاه وانضمت لها أروى ايضًا وهي تستمع لقول آسر "شوفت البت مارينا ام فستان فسكوزي؟؟؟"

"شوفتها، طب شوفت انت ال...." قاطع ياسر صراخ أروى وهي تقول "عيب كدة المفروض تنسو الي شوفتوه فوق علشان كدة عيب وحرام" نظر لها ياسر بغضب وهو يقول "بس يابت"

"بت اما تبتك يا بتاع شفيقة" صرخت به أروى ليشهق ياسر بصدمة ثم نظر لآسر وهو يقول بغضب "انا بتاع شفيقة يا آسر؟؟"

ابتسم آسر بسخرية وهو يعد على أصابعه "ده انت بتاع شفيقة وبتاع شيماء ودقتيتين وكنت هتبقى بتاع مارينا ام فستان فسكوزي" قاطع الجميع صراخ جاسر الذي افزعهم "اخرسو بقى، مش خايفين اختنا تطلع زي الزبالة الي كانو فوق دول؟؟ انا قاعد ادعي ربنا تكون رقاصة بس ودي هنعرف نداويها"

تافف ياسر وهو يقول "مش فاهم انا ايه اخواتي الي طلعولي من مصباح علاء الدين دول فجأة" ابتسم جاسر بسخرية وهو يقول "ويوم ما يكونلي اخوات يبقى واحد بلطجي والتانية رقاصة"

"وانت تطول تبقى اخو البلطجي ده، ده غيرك بيحلم يبقى مكانك" قالها ياسر وهو يصرخ به لينظر له جاسر بغضب وهو لا ينتبه للطريق "احترم نفسك ياض وانت بتتكلم، اتنين متربوش قاعدين تبصو على البنات بدل ما تبصو في الأرض، فسق وفجور ربنا يعافينا"

نظر له ياسر بتشنج ثم امسكه من تلباب قميصه ليصفع آسر خديه بصدمة وهو يصرخ "هنموت يخربيتكم" كان ياسر مازال ممسك بتلباب قميص جاسر وهو يصرخ به "جرا ايه يا دكتور البهايم انت، انت هتعمل فيها شيخ وبعدين انا كنت يسألهم على اساميهم بس شوفتني عاكستهم؟؟"

لكمه جاسر بغضب وهو يقول "ياض انت محتاج إعادة تربية سواء انت ولا اختك الي هنروح نلمها من الكابريهات دلوقتي" شهق ياسر بصدمة وهو ينظر له بينما آسر كان يحاول القفز للامام والإمساك بالمقود الخاص بالسيارة وهو يحاول تحريكه يمينًا ويسارًا بينما ياسر يمسك بجاسر وكلًا منه يحاول قتل الآخر، بينما منة كانت تنظر للثلاثة بملل وهي تقوم باختيار اغنية لتشغيلها وفي عالم موازي كانت أروى تنظر لهم بغضب وهي تصرخ "shut up بقى مش عارفة اقرا الرواية"

توقف هذا الشجار فجأة عندما استمعو لصوت احتكاك عجلات السيارة بالأرض لتصدر صوتًا عاليًا وجسد آسر يدفع للامام بشدة ليصرخ بألم وهو يمسك بظهره ويصرخ بهم "منكم لله"

انتبه الجميع لصوت بنداري الذي اقترب من السيارة وهو يقول بابتسامة بلهاء "وصلنا يا ولاد" هبطت أروى من السيارة ثم ركضت نحو بنداري وهي تقول "اونكل بنداري please واحنا مروحين خدني في عربيتك"

هنا هبطت منة وهي تحاول لملمة شعرها ثم تثبيته بقلم من اقلامها مع هبوط بعض خصلاتها من الامام، ثم وقفت بإصرار وهي تقول "انا هخش معاكم الكبارية يعني هخش، والي يعرف يخرجني يفرجني"

نظر جاسر لآسر وهو يقول بغضب "انت هتسيب اخواتك البنات يخشو كباريه؟؟؟" اقترب آسر من منة وهو يقول ببلاهه "كاميرتك حلوة؟؟"

"عيب عليك ده آيفون" قالتها منة بحماس ليسحبها آسر خلفه وهو يقول بحماس "اشطا تعالي نصور علشان نفرج فيفي"

نظر جاسر في أثر شقيقه بصدمة لينظر ياسر لأروى وهو يقول "اترزعي هنا" نظرت له أروى بتشنج وهي تقول "نعم؟؟ لا طبعًا مش هقعد لوحدي، وبعدين ده night club يعني زي الديسكو كدة مجرد حفلات مش اكتر"

"ما بلاش يابنت الحلال" قالها ياسر بتحذير لتقول أروى بغضب"لا مش هقعد لوحدي خدني معاك يا ياسر علشان خاطري" ابتسم ياسر وهو يرفع حاجبيه بمشاغبة قائلًا "اتحايلي عليا شوية"

نظرت له أروى بغضب وهي تقول "متظيطش ها، انا هدخل مع اونكل بندا...." لم تكد تكمل حديثها حتى وجدت بنداري قد اختفى بل وجاسر أيضًا لتتافف بغضب وهي تقول "ممكن بعد اذنك تدخلني معاك جوا؟؟"

ابتسم ياسر بسخرية وهو يشير لها أن تأتي خلفه لتبتسم أروى بحماس وهي تركض معه للداخل

وصل الجميع إلى بهو هذا الملهى الليلي لينظرو لتلك الأجواء، فكان عبارة عن ساحة كبيرة يوجد بها العديد من الطاولات وهناك مسرح كبير يجلس عليه فرقة موسيقية وفتيات يقفن في كل مكان بتلك الثياب المقززه

انطلق صفير من فم أحدهم لينظر جاسر نحو إخوته بغضب ولكنه صدم عندما وجد هذا الصفير يخرج من فم منة التي أخرجت كشكول رسمها كي ترسم ما تراه، ولكنها تفاجئت عندما سحب جاسر كشكولها من يدها ثم وضعه على عينها وهو يقول "غمضي عينك بسرعة"

أبعدت منة الكشكول بغضب وهي تقول "لا انا عايزة اتفرج" وضع جاسر الكشكول على عينها مرة أخرى وهو يقول بغضب "تتفرجي على ايه يا منة اتلمي، بقولك غمضي عينك انتي لسة صغيرة"

بينما أروى كانت تنظر للفتيات بصدمة لتضع يدها على فمها تشهق بصدمة وهي تقول "انا كنت فاكرة الحاجات دي بتبقى في التلفزيون بس!!" ضحك ياسر بسخرية وهو يقول "غلبانة اوي"

"هي البنات دي ازاي حلوة كدة؟" قالتها أروى بتعجب ليقول جاسر بغضب "حلوين بس هيتشوو في نار جهنم" ابتسم ياسر وهو ينظر لجاسر بمشاغبة ويقول "اعترفت أنهم حلوين"

نظر الجميع نحو آسر ليجدوه ينظر نحو شئ ما بصدمة وعندما نظرو نحو ما ينظر له وجدو صورة كبيرة معلقة على الحائط لراقصة ما ومكتوب بخط كبير _ملكة الرقص الشرقي فيرو_ ليقول آسر بصدمة "هي دي اختنا؟؟"

انتبه الجميع نحو المسرح ليجدو الموسيقى بدأت في الاشتعال ليبتسمو بحماس عندما وجدو رجل يقف على المسرح وهو يمسك بمكبر الصوت ويغني بصوت إلى حد ما مقبول "اكل العسل حلو بس النحل بيقرص"

ابتسمت منة بحماس وهي تخرج هاتفها لتصوير ما يحدث وتشاهد غناء الرجل بحماس "شرب الدواء مر بس بيشفي ويخلص"

صفقت أروى بحماس وهي تجد الرجل يغني بمزاج عالي "في لحم تأكله، ولحم ياكلك، لحم تشمه، لحم يشمك، في لحم تأكله ولحم يكلك، لكلكلك"

نظر الثلاثة للمسرح بتعجب وهم يقولون "هو هيغني لوحده ولا ايه؟؟" ولكن في ثواني كان هناك صوت انوثي يصدح في المكان وهي تقول بصوت رقيق "يا ولا، يالا"

وفي ثواني كانت الموسيقى تزداد أكثر وأكثر مما جعل الجميع يرقص بدون شعور وصوت الكورال يغنون بحماس "يطلع في شتاء أو صيف هو ايه؟؟"

زادت الموسيقى أكثر وأكثر ودخلت هي ببدلة رقص خضراء اللون ترتدي أسفلها شئ يسمى _بادي كارينا_ من اللون الاسود فكان شكلها مثير للاشمئزاز، ولكنها كانت ترقص بمهارة ووقف الجميع بحماس عندما دخلت للساحة واقترب المطرب منها وهو يغني "العنب العنب العنب، العنب العنب العنب"

صفق كلًا من آسر وياسر بحماس وهما يبتسمان ببلاهه بينما جاسر كان يفتح عينه بصدمة وهو يرى الرجل يرقص مع شقيقته وهو يغني "احمر ودمه خفيف، العنب"

لتقترب منه فريدة وهي تغني بغنج "اخضر ولونه ظريف العنب" رقص الرجل وهو يبتسم بحماس ويغني "العنب العنب العنب، هو الي ملبسنا هو، هو الي مدلعنا هو، هو الي مرقصنا هو، هو الي مشخلعنا هو هو"

وأثناء ذلك الحماس والموسيقى ورقص الجميع نظرت أروى للثلاثة وهي تقول "المفروض تعملو ايه؟؟" نظر جاسر نحو فريدة بغضب وهو يقول "نطلع نلفها بملاية ونعلقها"

"أو نرقصها" خرجت تلك الجملة من فم آسر وهو يبتسم ببلاهه ليغمز له ياسر وهو يبتسم قائلًا "أو ننقطها"

"انتم بتقولو ايه؟" صرخ بها جاسر بغضب ثم انتبه للمطرب وهو يغني بحماس ويشاور للجميع "يلا يلا يلا" ليصدم عندما يجد آسر وياسر يذهبان نحو المسرح وهما يرفعان أيديهم بحماس ويغنيان "يلا يلا يلا"

"ما تيلا يلا يلا" غناها المطرب بحماس وهو يرقص مع فريدة ليصعد آسر وياسر للمسرح وهما يغنيان بحماس "يلا يلا يلا"

عاد هذا المقطع المطرب بينما آسر ذهب نحو أحد أفراد الفرقة الموسيقية وهو يسحب منه طبلته ثم رفع قدمه على المقعد ووضع على قدمه الطبلة ثم وضع في طرف فمه عقب سيجارة غير مشتعله من الأساس ثم بدأ في التطبيل بمهارة

بينما ياسر أخرج نقود من جيبة وهو يرقص مع شقيقته ويلقي فوق راسها تلك النقود الورقية تحت نظرات الصدمة في عيون جاسر

رقص ياسر مع فريدة بحماس وهو يمسك بيدها ويصرخ بآسر "الوحمة في ايديها ياض يا آسر" ابتسم آسر بحماس وهو يزيد من ايقاع طبلته

بينما ياسر رقص مع شقيقته وهو يغني بمرح "يطلع في شتاء أو صيف هو ايه، احمر" لتقترب منه فريدة بدلع وهي تغني "اخضر"

ليقترب منهما آسر بطبلته وهو يغني مع فريدة بمرح "اصفر" لتميل فريدة نحوه وهي تبتسم وتغني "احمر" ليغني ياسر وهو يرقص معها بحماس "اخضر" لتميل فريدة نحوه وهي تغني "اصفر"

وهنا غنى آسر وهو يزيد من ايقاع طبلته "يطلع في شتاء أو صيف هو ايه؟" رقص ياسر بحماس وهو يبتعد للخلف وفريدة تقترب منه وهي ترقص أثناء غناءه "تعالى تعالى تعالى تعالى"

زاد آسر من طبلته وهو يبتسم بحماس ويرقص بكتفيه فقط بينما فريدة ترقص بحماس ومعها ياسر الذي وضع يده على كتفها وهما يرقصان بمهارة ليستمع لصراخ جاسر من الاسفل "يحيوان شيل ايدك حراااام"

"يعم الوحمة في ايديها يعني اختي احضنها براحتي، اوعى يا فيرو" قالها ياسر بحماس لتنظر له فريدة بجهل ولكنها رقصت بحماس معه تحت ايقاع طبلة آسر

ليقترب المطرب وهو يكمل الأغنية مع تلك الموسيقى ورقص ياسر الحماسي مع شقيقته وفي الاسفل كانت أروى تصفق بحماس وهي تطلق صفير من فمها بينما منة تصور ما يحدث بحماس وجاسر يضع يده على رأسه وهي يشعر بجلطة على وشك المجئ

وفي ثواني كان ايقاع آسر يزداد وياسر يمسك بيد شقيقته وهو يجعلها تدور حول نفسها ويغني الكورال ويهبطون بسلم الموسيقى كي يضعون لمسة النهاية "يطلع في شتاء أو صيييف"

وفي ثواني كانت هناك زغرودة عالية تطلق من فم منة لينظر لها جاسر بصدمة لتنتبه له منة لتقول باحراج "sorry اندمجت في الأجواء"

رحلت فريدة ومنع الحراس آسر وياسر بالحاقها ليهبطان ويذهبان نحو جاسر وهما يبتسمان ببلاهه ولكنهما صدما من صراخ جاسر "خلاص ركبنا قرون وبنرقص اختنا في كابريهات؟؟؟؟"

ابتسم آسر بسخرية وهو يقول "اختنا ايه يا عم هو احنا نعرفها" أومأ ياسر موافقًا وهو يكمل "وبعدين الكلام ده لو طول عمرنا مع بعض واحنا الي مربيينها ساعتها نجيبها من شعرها، لكن دي واحدة اول مرة نشوفها اصلا يعني الله اعلم هتطلع اختنا ولالا في مليون واحدة عندها وحمة في ايديها"

نظرت لهما أروى وهي تقول بحماس "بس كنتم جامدين اوي كان ناقصكم جاسر وتبقو انتم الأربعة so cute بجد" ابتسم آسر ببلاهه وهو يقول "عجبتك؟؟ لا بس ايه رأيك في تطبيلي؟؟"

ابتسمت أروى وهي تنظر نحو ياسر وتقول بتعجب "انت جيبت الفلوس دي منين يا ياسر وانت محيلتكش حاجة لا انت ولا آسر؟؟" ابتسم ياسر ببلاهه وهو يقول "لا مهي دي فلوس جاسر"

شهق جاسر بصدمة وفي ثواني كان يهجم على ياسر وهو يصرخ بغضب "يخربيتك خدت ألفين جنيه مصري بعد ما بدلتهم بدولارات في البنك؟؟؟" أومأ ياسر وهو يبتسم ببلاهه ليصرخ به جاسر بغضب "نقطت فلوسي على رقاصة يخربيتك"

دفعه ياسر بغضب وهو يقول "يعم عيب متقولش كدة، هي الفلوس راحت لحد غريب دي اختك" حاول جاسر الاقتراب منه بغضب ليمسكه آسر سريعًا وهو يغمض عينه بانزعاج من صراخه "يا اخي كك خوت يا شيخ، رميت فلوسي لرقاصة وتقولي اختي؟ ده كان يوم ملهوش ملامح يوم ما اكتشفت أن ليا اخوات زيكم واحد مبيعملش حاجة في حياته غير أنه بينام والتاني بلطجي والتالته رقاصة"

"والا انا ساكتلك من الصبح ومش عايز اعورك" قالها ياسر بغضب ليصرخ بهما آسر بنفاذ صبر "اخرسو بقى وخلونا نعرف نخش للهانم الي جوا دي، هو بنداري فين اختفى ليه"

نظر الجميع حوله لتشهق منة بصدمة وهي تشاور نحو طاولة ما "عمو بنداري هناك اهو" نظر الجميع نحو الطاولة ليفتحو أعينهم بصدمة

فكان بنداري يجلس على إحدى الطاولات وبجانبه فتاة من تلك الفتيات اللاتي يعملن في هذا المكان وهي تضحك بغنج وتقول "انت دمك خفيف اوي يا عمو"

"ربنا يكرم اصلك يا حبيبة عمو والله" قالها بنداري وهو يبتسم ببلاهه لتقول الفتاة بتعجب "واحد بخفة دمك الشربات ده متجوزش ليه لحد دلوقتي، يعني معقول مفيش حد كدة ولا كدة شاغل دماغك؟؟"

غمزت له في اخر حديثها ليشير لها أن تقرب أذنها لفمه لتفعل هذا لتجده يقول بخجل "بصراحة كدة فيه، يعني واحدة كدة ست بمعنى ست بصراحة، حاجة كدة اللهم صلي على النبي، بس للاسف مش عارف اشوفها بقالي كتير بحاول انساها"

ضحكت الفتاة بصوت عالي ثم أعطته كاس من الخمر وهي تقول بغنج "اشرب يا عمو وانت تنسى" ابتسم بنداري وهو ياخذ الكاس منها وينظر له بتعجب وهو يقول "ايه ده ده عصير تفاح؟ طب ما تملو الكوباية يابنتي حطالي بوقين ايه البخل ده؟؟"

"تفاح؟؟" قالتها الفتاة بتعجب ثم أطلقت ضحكة عالية جعلت آسر يصفق بمرح وهو يقول "أيوة يا عم بنداري يا جامد" اقترب الجميع من بنداري لتقول أروى بانبهار "ده انت طلعت بتاع ستات يا اونكل بنداري؟"

نظر لها بنداري بتعجب وهو يقول "دي قد بنتي ده انا كنت بفضفض معاها بكلمتين على ما تخلصو" ابتسم ياسر وهو يغمز له قائلًا "بنتك بردو يا عم سنجاري"

وقف بنداري بفزع وهو يقول "لا يا ياسر يابني انت بالذات اوعى تشك في نزاهتي"

تافف جاسر بغضب وهو يقول "والله وقعتو اسم عيلة شاندويلي الدَعْلُوب على الأرض" نظر له ياسر بتشنج وهو يقول "ماهو كدة كدة واقع خلقة ده اسم يعر" ابتسم آسر بسخرية وهو يقول "اسم يعر وخلفة تعر سبحانه"

"اتكلمو عن نفسكم يا اخويا" قالها جاسر بغضب ليقول آسر بملل وهو يدفعه أمامه "عم انشينتاين على ما تفرج، اسكت كدة شوية الله يباركلك ويلا نطلع عند فريدة"

_________________________

كان نبيل يجلس وهو ينظر أمامه بغضب ويفكر في شئ ما ليقاطعه صوت صديقه وهو يقول "ها يا نبيل ناوي على ايه، الورق لو مبقاش معاك قبل ما الورث يتسلم مش هتعرف تعمل اي حاجة بعد كدة"

نظر له نبيل وهو يقول بغضب "الورق ده لو بقى معايا ساعتها هثبت أن نص الفلوس دي بتاعة بنات عمي، وطبعا عمي كان حاطط وصية أن ابويا يبقى هو الواصي على فلوس بناته لحد ما كل واحدة فيهم تتم ستة وعشرين سنة، وابويا مات، يعني انا الي هبقى واصي عليهم لان الاتنين لسة تحت الستة وعشرين سنة"

ابتسم صديقه بسخرية وهو يقول "وبعدين؟ لما يتمو الستة وعشرين هتعمل ايه بعد ما الفلوس تبقى تحت سيطرتهم؟؟" ابتسم نبيل وهو يفكر في شئ ما ويقول "تؤ، ماهي منة هتبقى مراتي يعني بسهولة همضيها على تنازل بكل حاجة، و أروى اسهل من اختها اصلا واغبى من منة بكتير"

"احلام يقظه يا صاحبي لانك لسة حتى مش عارف هتجيب الورق ازاي" قالها صديقه بسخرية ليعود نبيل بظهره للخلف وهو يسند رأسه على الحائط ويبتسم بشر قائلًا "اكيد هلاقي حل قريب، حتى لو فيها دم آسر، المهم الورق يبقى في أيدي"

___________________________

كانت تجلس أمام المرآة وهي تخلع عدسات عينيها اللاصقة وتأكل العلكة بطريقة مثيرة للاشمئزاز ليقاطعها طرق الباب لتتافف بملل وهي تقول "ادخل يالي على الباب"

فتح الباب ودخل شاب وهو يقول "بقولك يا فيرو في جماعة برة عايزينك" وقفت فريدة وهي تقول بملل "دخلهم لما نشوف ايه المصيبة المرة دي"

دخل بنداري وخلفه الثلاث شباب والفتاتان لتقول فريدة بملل "نعم اؤمرو" ابتسم بنداري وهو يشير نحو الثلاثة "التلاتة دول كانو جايين علشان حاجة تخصك يا فريدة يا بنتي" ابتسمت فريدة وهي تقول بصوت عالي بعض الشئ يسمى في لغتنا _صوت مسرسع_ "اه عرفتهم، بس يا واد يا بندق قولتلك عايزة تلت شباب مش تلت نسخ، ما انت عارف اني بحب التجديد، والتكرار بيموع نفسي"

"بيموع نفسك؟؟؟" قالها الثلاثة بصدمة لتبتسم فريدة وهي تقترب منهم وتقول ببلاهه "معلش كدة مضطرة اختار واحد بس منكم والاتنين التانيين ربنا يوفقهم مع رقاصة تانية"

"دعوة كلماتها مش لايقة على بعض" قالها جاسر وهو ينظر بعيدًا بتافف ولكنه صدم عندما شعر بيد توضع على كتفه وصوت فريدة تقول ببلاهه "انا هاخد ابو نضارة العسل ده حبيته"

أبعدها جاسر عنه بفزع وهو يقول "استغفر الله العظيم يارب" نظر ياسر له بتعجب وهو يقول "انت بتستغفر علشان هي اختك ومينفعش ولا علشان الحوار اصلا حرام؟" نظر له جاسر بغضب وهو يصرخ "انا من يوم ما شوفتكم وانا بستغفر ربنا، عيلة عرة"

بينما آسر نظر لفريدة بتذمر وهو يقول "اووف بقى كل مرة تختاروهم ومحدش بيختارني ليه هو انا ليفتايه؟؟" بينما منة ابتسمت وهي تنظر نحو فريدة وتقول "احلى حاجة فيكي أن رغم شغلك الا انك محترمة ولابسة بادي كارينا تحت البدلة علشان جسمك ميبانش"

نظرت لها فريدة قليلًا وفي ثواني كانت تطلق ضحكة عالية وهي تقول "محترمة؟؟ ياختي لو عليا هموت واقلع البادي لحسن كاتم على انفاسي، بس اعمل ايه حكم القوي عندي حرق في دراعي من سنتين مش عايزاه يبان"

"يخسارة ظلمت البادي" قالتها منة وهي تلوي فمها بحركة شعبية لتقول فريدة بغضب "هو في ايه مش انتم الشباب الي جايين للإنتر فيو علشان يشتغلو المساعدين بتوعي؟؟؟"

صدم آسر كتفه بكتف جاسر وهو يقول بلوم "شوفت؟ طلعت كانت عيزاك المساعد بتاعها، صفي النية واسلك" تأفف جاسر بغضب وهو يصرخ "ما تتكلم يا عم بنداري"

انتبه بنداري لما يحدث ليقول "أيوة صح نسيت، بصي يبنتي من الآخر كدة احنا أهلك" نظرت له فريدة ببلاهه وهي تقول "اهلي ازاي يعني؟؟؟"

"يعني احنا اخواتك التوأم" قالها الثلاثة ببلاهه لترمش فريدة بعينيها عدة مرات وهي تقول "اخواتي ازاي يعني؟"

اقترب منها ياسر ببلاهه وهو يسحب يدها "شايفة الوحمة دي؟؟ احنا التلاتة عندنا زيها، احنا اخواتك يابت فوقي" نظرت له فريدة بتشنج وهي تقول "اخواتي جايين ليا بعد تمانية وعشرين سنة؟؟ جايين بعد ما قربت اطلع معاش؟"

اقترب منها آسر وهو يقول بحماس "معاش ايه بس يا فيرو ده انتي كنتي على المسرح ولا اجدعها صافيناز، احنا والله اخواتك آسر وجاسر وياسر وفريدة"

ابتسم ياسر ببلاهه وهو يقول "اهو شوفتي حتى فينا راء من بعض" ابتسمت فريدة بحماس وهي تقول "يعني انا ليا أهل واخوات؟؟؟"

تافف جاسر وهو يقول "يستي ما قولنا اه واحنا اهلك" نظرت فريدة نحو بنداري وفي ثواني كانت تركض لأحضانه وهي تقول بحماس "آبااا"

أبعدها بنداري عنه وهو يقول "لا يبنتي ابوكي الله يرحمه، انا في مقام عمك" نظرت له فريدة بحزن وهي تقول "يعني انت مش ابويا؟؟؟"

نفى بنداري برأسه وهو ينظر لها بحزن وشفقة ولكن تحول كل هذا لصدمة عندما امسكته من تلباب قميصه وهي تقول "ايدك على حق الحضن يا حاج"

سحبتها أروى وهي تقول "تصدقو فيها شبه منكم جامد" ابتسم الثلاثة وهم ينظرون لبعضهم بحماس ليقول آسر"احنا دلوقتي نروح نعمل تحليل DNA مستعجل ونتأكد أننا فعلا اخوات"

"وانا ايه الي يخليني اصدقكم يا اخويا؟؟" قالتها فريدة بشك ليقول ياسر بملل "التحليل الي هنعمله دلوقتي هيبين ويثبت كل حاجة يلا غيري هدومك وتعالي علشان كل واحد ياخد ورثه ويخلص"

"ورث؟؟ لا هو انا ليا ورث؟؟" قالتها فريدة بانبهار ليومأو لها بتأكيد وفي ثواني كانت تطلق زغرودة عالية وهي تقول "ثواني واكون جاهزة قدامكم يا بركة دعاكي ياما الله يرحمك يا زينات"

نظر جاسر في أثرها باحتقار وهو يقول "البت دي لو طلعت اختي فعلا، وربنا لاربيها من اول وجديد هي والبلطجي التاني" نظر له ياسر بتشنج وهو يصرخ به "مالك ياض الخمس دقايق الي بينا مقوية قلبك كدة ولا كأنهم خمس سنين ما تتلم"

تاففت أروى بملل وهي تقول "يلا حد يروح معاها والباقي يروح انا تعبت"

_______________________________

وبعد أكثر من ثلاث ساعات كانت فيفي تجلس في بهو المنزل وبجانبها يسرا تتناقشان في بعض الأمور ولكن قاطعهم دخول بنداري ومعه منة واروى وخلفهم جاسر لتقف يسرا وهي تقول بلهفه "لقيتو فريدة؟؟"

أومأ جاسر بملل وهو يجلس على الأريكة ويقول بتعب "نتيجة التحاليل هتطلع بكرة الصبح" نظرت له فيفي بلهفه وهي تقول "اومال هي فين؟ وياسر وآسر فين"

قفزت منة بجانب والدتها وهي تقول بحماس "راحو معاها بيتها علشان بتلم هدومها من هناك وهيجيبوها وييجو" نظر يسرا لبنداري وهي تقول بحماس "طب ايه حياتها عاملة ازاي؟ متجوزة أو مخلفة؟ كانت عايشة مع مين؟"

ضحكة ساخرة خرجت من فم جاسر وهو يقول "فريدة طلعت فيرو" نظر له فيفي بتشنج وهي تقول "فريدة طلعت فار ازاي؟؟؟"

"فار ايه يا فيفي بيقولك طلعت فيرو" قالتها أروى وهي تجلس بجانب فيفي ليقول بنداري بسخرية "زين ما خلفت يا رحيم يا اخويا"

"مش فاهمة يعني فريدة دي طلعت ايه يعني؟؟" قالتها يسرا بتعجب ليتافف جاسر بغضب وحسرة وهو يقول "فريدة اختنا طلعت..."

قاطع اكمال جملته صوت ضجة عالية أتت من الخارج ليركض الجميع بلا استثناء نحو الشرفة ليفتحو أعينهم بصدمة بينما بينما جاسر ابتسم بحسرة وهو يكمل جملته التي قطعت منذ قليل "طلعت رقاصة"

نظر الجميع للحديقة بصدمة عندما وجدو سيارة نصف نقل تحمل فوقها بعض الناس مجهولين الهوية بالنسبة لهم كانو يقومون بالتطبيل والنساء منهم يطلقن الزغاريد من أفواههن وفي الامام كانت الصدمة الأكبر بالنسبة لهم

فكان هناك سيارة صغيرة تسمى بالتوكتوك وفي الامام يجلس آسر بجانب السائق وهو يميل بجسدة للخارج ومجددًا يضع عقب سيجارة غير مشتعلة من الأصل في جانب فمه ويضع طبلة على قدمه وهو يطبل بحماس، وفي الخلف كان ياسر يخرج جسده من الطرف اليسار بينما فريدة تخرج جسدها من الطرف اليمين

كان آسر يقوم بالتطبيل بينما فريدة ترقص وتطلق الزغاريد من فمها وياسر يرقص بسلاحه الأبيض وهو يغني مع تطبيل آسر "أيوة يا ابو محسن يا عسل" زاد ايقاع آسر على الطبلة والزغاريد تزداد من فريدة ومن معها في الخلف لتقول فريدة بصوت عالي وهي تنظر للخلف "زغردو يا ستات، تنجيدي للبيت الجديد شرفووني"

صفق ياسر بحماس ثم نظر لسائق التوكتوك وهو يقول "أيوة على جنب يا كبير" هبط ياسر من التوكتوك وهو يمسك بيد فريدة ويرقص معها في حديقة البيت بينما آسر يقف خلفهما وهو يقوم بالتطبيل لهما بمرح

وفي الاعلى كانت يسرا تفتح عينيها بصدمة وهي تقول "ينهار ابيض مين دول؟؟؟" ابتسمت منة بحماس وهي تركض لتلحق بهم في الاسفل وتقول بصوت عالي "دي فريدة يا ماما"

هبطت أروى خلف شقيقتها وهي تقول بحماس هي الأخرى "فيرو وآسر وياسر هيعملو فرقة fantastic" نظرت يسرا في أثر فتياتها ثم نظرت نحو جاسر الذي قال بحسرة "اختنا رقاصة يا طنط يسرا"

نظرت فيفي لما يحدث لتقول بتعجب "طب يلا يلا ننزل تحت نشوف ايه الي بيحصل ده اخلصو" هبط الجميع مع فيفي إلى بهو المنزل لتنظر فيفي لبنداري وهي تقول بغضب "يعني انا حفيدتي رقاصة؟؟"

انهت حديثها لتجد منة تدخل من باب المنزل وهي تقول بصوت عالي "خشي يا رضا، خشي ياختي وريهم السمن البلدي بيقول ايه وايه وايه" انهت حديثها ليرى الجميع فريدة وهي تدخل للمنزل وخلفها آسر وهو يطبل لها ويغني "قولووووو، قوولووو، قولوووو"

لول جاسر شفتيه بحسرة وهو يهمس ليسرا "اهو قلبو على فيلم كركر، نصيحة مني يا طنط يسرا ابعدي منة عن الشلة الفاسدة دي علشان هتنحرف وهي اصلا ما شاء الله متحمسه للحوار"

نظرت فيفي لهيئة فريدة لتقول بصدمة وهي تشير بعكازها نحوها "مين دي؟؟؟" ابتسمت فريدة وهي تنظر نحو يسرا "الله ده امي؟؟ ايه الام الهشكة دي يا اخويا؟؟"

حاوط ياسر كتفها وهو يبتسم باتساع ويقول "اكبر إثبات على أنها اختي وتوأمي فعلا، نفس رد فعلي" ابتسم آسر وهو يقترب من شقيقته ويقول ببسمة حماسية "دي مرات ابونا يا فيرو"

ضيقت فريدة أعينها بشك ثم اقتربت من آسر وهي تهمس له "مرات ابونا يعني حرباية؟؟ قولي وصارحني انا مجربة" نفى ياسر سريعًا وهو يهمس لها "هي مرات ابونا بس عسل، والله لولا الحرمانية كنت اتجوزتها"

ابتسمت فريدة باتساع وهي تركض نحو يسرا لتضمها سريعًا وهي تقول "تعالي في حضني يا مرات ابويا" ضمتها يسرا بصدمة وهي تحاول استوعاب أن تلك هي ابنة رحيم زوجها

ابتعدت عنها فريدة ثم نظرت نحو فيفي وهي تتسائل من تلك ليقول جاسر بملل "ستك ام ابوكي" ابتسمت فريدة باتساع وهي تركض لاحضانها وتقول ببلاهه "نينه"

نظرت لها فيفي بغضب وهي تبعدها عنها وتقول "انا بنت ابني تبقى رقاصة، وبعدين ايه نينه دي انتو هتعجزوني اسمي فيفي" نظرت لها فريدة بتشنج وهي تصرخ بها "ومالها الرقاصة يا حاجة ما تسمي الله في قلبك كدة، انا بكسب فلوسي بعرق جبيني"

"قصدك عرق وسطك" قالها جاسر بسخرية لتبتسم فريدة وهي تقول "جرا ايه يا ابو نضارة يا عسل انت ما تفكها كدة بدل ما انت متنشن، حسرة يوم ما يخش حياتي واحد جود بوي قمر كدة يبقى اخويا" دفعها جاسر بفزع وهو يصرخ بها "ابعدي عني يابت انتي انا مش طايقك"

نظرت له فريدة بتشنج وهي تقول "جرا ايه ياض انت بتتعامل مع شحاته من الغورية، ده انا حتى بكسب في الشهر خمسين ألف جنيه" هنا حلت الصدمة على وجه فيفي وهي تنظر لها بانبهار لتقترب منها وهي تحيط كتفها بحنان وتقول "خلينا متفقين أن الرقص ده فن زيه زي لعب الكورة والتنس، على كدة بقى ليكي عموله غير القبض"

"أيوة ليا نص النقطه الي بتجيلي وانا برقص" قالتها فريدة وهي تبتسم ببلاهه لتهل اسارير فيفي وهي تقول "حيث كدة بقى مش محتاجين رقاصة فوق سن الستين معاكم في الكبارية؟؟؟"

فتح جاسر عينه بصدمة لينظر له آسر بحسرة وهو يقول "انت جيت غلطة في عيلة شاندويلي الدَعْلُوب يا جاسر يا اخويا" ابتسم ياسر وهو يقول "هو انا ليه مبسوط أن اختي رقاصة؟؟"

"يبني اختك موهوبة، عندها فن وموهبة مش عند حد" قالتها منة وهي تبتسم باتساع ليصرخ بها جاسر بعدم تصديق "مالك يا منة متحمسة للانحراف اوي كدة ليه ومنشكحه ما تتلمي"

تاففت منة بتذمر وهي تقول "في ايه ما انا أول مرة اشوف كباريه غير الي في التلفزيون طبيعي ابقى متحمسة" ابتسم ياسر بسخرية وهو يقول "كله كوم والي قاعدة متعرفيش هي مكسوفة ولا فرحانة دي كوم تاني"

كان يشير لأروى التي نظرت له بتذمر وهي تقول "انا كان عندي فضول اشوف المنظر زي التلفزيون ولالا، بس طبعا مكسوفة هو انا مش بنت ولا ايه" نظر ياسر لتذمرها بتعجب ليقول وهو يبتسم لها بعدم مبالاة "ياستي انتي ست البنات هو حد اعترض ولا قالك حاجة"

ابتسمت أروى وهي تنظر بعيدًا لتنتبه لصدمة والدتها لذلك ضحكت وهي تقول "مامي انتي لسة بتستوعبي؟" اومأت يسرا وهي تقول بصدمة "مش مصدقة أن رحيم عنده بنت رقاصة"

"طب ما عنده ولد بلطجي ومعلم في حارة بطن البقرة ومتكلمتيش" قالها جاسر بسخرية ليتافف ياسر بغضب ثم يخرج سلاحه وهو يقول "انا ساكتلك كتير وده خارج طبيعتي، وربنا لاعورك"

وقبل أن يقترب منه قاطعه سؤال فريدة التي اقتربت منه بفضول وهي تقول "بقولك يا اخويا هو البيسين الي برا ده باشتراك؟؟" نظر لها آسر بتعجب وهو يقول "اشتراك ايه؟؟؟"

"ايه ده هو مش ده نادي الجزيرة؟؟" سألته فريدة وهي تنظر حولها بتعجب لتضحك أروى بشدة وهي تقول "Really the same stupidity as her brother Yasser" (فعلا نفس غباء ياسر اخوها)

نظر ياسر نحو أروى بشك وهو يقول بغضب "بت يا شمندورة انتي انا سمعتك بتقولي ياسر انتي كنتي بتبرطمي بايه؟؟؟" نظرت أروى نحو سلاحه بتوتر وهي تبتلع ريقها وتبتسم ببلاهه قائلة "كنت بقول أنها نفس خفة دم اخوها ياسر، شربات انتم الاتنين اللهم بارك"

نظر لها ياسر بشك ولكن قاطعهم صراخ آسر وهو يقول بلهفه ويمسك بهاتفه "نتيجة التحاليل وصلت بدري يا جماعة" اقترب جاسر من شقيقه سريعًا وهو يقول "ها طلعت ايه"

نظر آسر للهاتف ثم نظر نحو فريدة وهو يقول ببرود "النتيجة طلعت positive" نظرت له فريدة قليلًا وفي ثواني كانت تمسك حقيبتها وهي تقول بتوتر "يا اخويا وانا مالي بقولكم ايه متبصوليش كدة انتم الي قولتولي انكم اهلي، بس يا باشا مكنتش تعشمني كدة وبعدين تخلى بيا، على العموم شرفتونا بس انا مش همشي من هنا غير لما اخد حق الليلة الي اضربت في شغلي دي، اه الشغل شغل"

اقترب آسر من فريدة وفي ثواني كان يضمها وهو يقول بحماس "انتي مش هتمشي اصلا، التحاليل إيجابية يعني انتي اختنا فعلا" نظر جاسر نحو فريدة بحدة وهو يقول "وبما انك طلعتي اختنا، فالله الوكيل لو لمحتك برة باب الشقة لانفخك"

"انت عبيط ياض ولا ايه، هو علشان عاكستك شوية هتتغر عليا ولا ايه مين الواد الرزل ده" صرخت بها فريدة ليمسك بها آسر سريعًا وهو يقول بتذمر "لا ما انا مش كل شوية هحوش بينه وبين ياسر وطلعتيلي انتي كمان، ما تقعد يا عم انشينتاين انت واتهد شوية"

"طب المح طيفك في الزفت الكبارية ده يا فريدة وانا وعهد الله لاجيبك من شعرك" قالها جاسر بحدة لتقول منة سريعًا "أهدى يا جاسر هنعالج الحوار ده بعدين، وبعدين يا فريدة انتي اكيد مش هتحتاجي شغل تاني اصلا"

قاطع هذا الشجار حماس ياسر وهو ينظر لبنداري ويقول "حيث كدة بقى ناخد ورثنا" ابتسم بنداري بسخرية وهو يقول "انت عبيط ولا ايه انت ناسي أن لسة لازم تعملو مشروع انتم الستة مع بعض لان زاد عليكم فريدة، وبعديها تاخدو فلوسكم"

نظر الستة لبعضهم بملل وهم يقولون في نفس الوقت "يادي البخت المهبب، والوصية المهببه"

_____________________________

كانت وصية ثلاثية، ولكن الآن أصبحت وصية سداسية بعد تنفيذ الوصية الأولى

الحرب تشتعل أكثر ولم تحذف الراء بعد، والنار تزيد بهدوء في حياتهم كي تفاجئهم حينما تزداد لتحرقهم

وفي النهاية دعوني أخبركم

"أن المغامرة لم تنتهي بعد...

الثامن من هنا

مدونة مكتبة حـــواء

رواية الوصية الثلاثية الفصل السابع 7 بقلم سهيلة محمد