رواية الوصية الثلاثية الفصل الرابع 4 بقلم سهيلة محمد
by soskam455 Follow
Share
Share via Email
Post to Your Profile
Report Story
Send
Send to Friend
Share
Share via Email
Post to Your Profile
Report Story
اسفه على الغياب وحاولت اعوضكم واكتب البارت ومش عارفة هل قدرت أطلعه كويس أو لا بسبب مرضي الايام دي، فأتمنى اشوف رأيكم وبجد التفاعل على البارت الي فات اسعدني جداا جدا وكومنتاتكم الكتيرة على المشاهد الي بتعجبكم دي لسة شيفاها وهي الي شجعتني اكتب البارت ده فأتمنى الاقي نفس التفاعل على البارت ده.....
3
____________________________
+
كان ثلاثتهم ينظرون لبنداري بصدمة ليقول ياسر بغضب "انت شارب حاجة بقى ولا ايه؟ اخت مين بس سمي الله في قلبك كدة"
1
نظرت لهم يسرا بتعجب وهي تقول "في ايه يا آسر انت مش قايلهم؟؟" تشنج آسر وهو يرفع شفتيه العليا وهو يقول "نعم ياختي، اقولهم ايه مش لما اعرف انا الاول، في ايه اخت مين اومال ابويا لو كان بيحب امي كان خلفلنا فرقة ناجي عطا الله ولا ايه؟؟"
22
نظر له بنداري بغضب وهو يقول "يابني مش ابوك حكالك قبل ما يموت مصدوم كدة ليه مش فاهم" وقف آسر بغضب وهو يقول "حكالي أننا كنا تلاته بس انا وآسر وياسر وجاسر"
3
هنا وقفت فيفي وهي تقول بتعجب "انتم كنتم أربعة توأم مش تلاتة، ده الحمدلله أن امك قامت منها اصلا ومماتتش وهي بتولدكم" تشنج جاسر وهو يقول "لا افهم معلش، فريدة دي راحت فين يعني؟؟؟"
18
نظر لهم بنداري بغضب وهو يصرخ "راحت الملجأ مع ياسر، بس رحيم عرف عنوان ياسر وعرف عنوانك ومقدرش يلاقي فريدة، ولما قرر يجمعكم انتم التلاته وتدورو على اختكم للاسف ملحقش ومات ووصى آسر بده"
11
نظر له آسر بصدمة وهو يقول "وصاني باية يا بنداري ابويا قالي على ياسر وجاسر بس وأننا كنا تلاتة" وقفت يسرا وهي تقول بغضب "دي عادة ابوك، لما جيه يحكيلي انا وبنداري عمل نفس الكلام وحكى بنفس الطريقة، بيقول عليكم انتم التلاتة الاول وبعدين يروح حاكي على فريدة لوحدها ويقولنا انكم كنتم أربعة مش تلاتة"
29
أومأ بنداري موافقًا وهو يقول "حكالي بنفس الطريقة بردو" ابتسم جاسر بتعجب وهو يقول "تقريبًا بابا كان عنصري بعض الشئ ومعندوش حاجة اسمها حقوق مرأة وبيحكي عن الرجالة الاول وبعدين يذكر دور المرأة في القصة"
4
هنا تذكر آسر والدة وهو يحاول اخبارة بشئ ولكن لم يستطع أن يكمل وتوفى ليجلس بغضب وهو يقول "بابا كان عايز يقولي على حاجة قبل ما يموت بس مقدرش واخر حاجة قالها كلام مش مفهوم كدة، انت ومكنتوش وبنداري، وملحقش يكمل ومات"
+
تأفف ياسر بملل وهو يفرد جسده على الأريكة ويقول "حوارتكم كترت، رجعوني لشيماء حوارتها ارحم من كل ده والله" ولكنه صدم من صراخ فيفي وهي تضربه بعكازها وتصرخ "قوم يا حيوان من على الكنب، انت مش شايف جسمك يا شحط هتهبط المراتب انت عارف الانتريه ده بكام، وانا بصراحة مش هضيع ورثي على تنجيد وكنب جديد، ما نحافظ من الاول ونهتم يا شوية مهملين يا فشلة"
16
نظر جاسر للجميع ليقول بملل "ايه المطلوب مننا يا استاذ بنداري" ابتسم بنداري وهو يقول "تلاقو اختكم"
1
نظر له جاسر بغضب وهو يصرخ "ودي نلاقيها ازاي ونعمل ايه" نظر بنداري لثلاثتهم وهو يقول "بصو على ايديكم اليمين انتم التلاتة كدة"
14
نظر الثلاثة ليدهم بتعجب ليبتسم بنداري وهو يقول "عندها نفس الوحمة الي في ايديكم انتم التلاتة" تشنج آسر وهو يصفق بغيظ قائلًا "ياه يا بنداري لولاك مكناش لقينا البت، ايه يا راجل جيبت التايهه"
23
تشنج جاسر أيضًا وهو يقول "انت عارف في كام واحدة في مصر عندها وحمه في ايديها؟؟؟" وفي عالم موازي كان ياسر ينظر ليده بصدمة وهو يقول "يعني دي مش حسنة كبيرة اكمني بعمل خير كتير؟؟؟"
54
أطلقت يسرا ضحكة عالية بسبب حديث ياسر ليبتسم ياسر وهو يقول "الضحكة تخطف القلب وعهد الله، يعني اسمك يسرا واسمي ياسر محستيش أن في بينا حروف مشتركة؟؟" نظرت له يسرا بصدمة وهي تضحك وتقول "ولد انا زي مامتك"
13
"مامتي ايه بس صلي على النبي هو انا ليا كام ام بالظبط، وبعدين انا ليا واحدة رميتني ومسالتش فيا اصلا، والتانية معلمة حارة الكل بيخاف من اسمها، مسبقش أن ليا ام ميس Egypt قبل كدة" أنهى ياسر حديثه بمزاح لتضحك يسرا بشدة على حديثه
9
ولكن فزع الجميع من صراخ فيفي وهي تقول "يا بهايم مولعين الست لمبات بتوع النجفه، تحية تعالي ولعي تلت لمبات بس ايه هو النور ببلاش يا شوية مبذرين"
26
وقفت منة وهي تقول بغضب "عمو بنداري اوعى تقول اني مطلوب مني انا واروى ندور معاهم على اختهم؟؟" نفى بنداري برأسه وهو يقول "انتم مطلوب منكم المشروع بس لكن اختهم هما الي يلاقوها"
1
ابتسم آسر ببلاهه وهو يقول "مفيش خروج من البيت ولا مصروف لو مجيتوش دورتو معانا على الي اسمها فريدة دي، واه انا اخ قاسي" ضحكت أروى بسخرية وهي تقول "يا عم اتنيل ده انت مش هتلاقي تاكل بعد كدة"
26
"خدي هنا يابت، طب مفيش روايات هتيجي اونلاين بعد كدة يا أروى غير لما تدورو معانا ها" أنهى آسر حديثه بصراخ ثم نظر نحو منة التي ابتسمت له ببلاهه وهي تقول بشماتة "مش هتقدر تهددني بحاجة لأن الالوان الي كنت بتذلني بيها اشتريتها خلاص يا آسر"
4
ركضت منة من أمامهم لينظر آسر في أثرهم بغيظ ثم نظر نحو يسرا وهو يقول "انتي معرفتيش تربي على فكرة" وقفت يسرا وهي تقول بسخرية "كويس انك عارف انك مش متربي"
20
أطلق ياسر صفارة عالية من فمه وهو يقول "جبتهالك في منتصف الجبهه يا آسر" نظر لهم جاسر بتعجب وهو يقول "ممكن نتكلم بجد شوية، هنلاقي فريدة دي ازاي بعد تمانية وعشرين سنة؟؟ الأمر شبه مستحيل"
10
"مفيش حاجة مستحيلة على ربنا يابني" قالها بنداري بتعجب ليقول ياسر بتشنج "ونعم بالله يا عم سنجاري بس بالعقل كدة هندور فين وازاي اصلا؟؟؟"
8
نظر بنداري نحو آسر ليغمض آسر عينه بتعب وهو يقول "متبصليش كدة، انا تعبت من مجرد اني روحت جيبت الاتنين دول وانا عارف عنوانهم اساسًا ومدورتش، عايزني ادور على واحدة منعرفش غير اسمها، انا اكسل من كدة بكتير"
5
"ماهي المشكلة أن سبحان الله البت مكانتش شبهكم رغم انها توأمكم الرابع، اه في شبه بس مش نسخه زيكم انتم التلاتة" أنهى بنداري حديثه ليقول جاسر بغضب "انت بتعقدها اكتر ولا ايه؟؟"
13
نظر لهم بنداري بشفقة وهو يقول "الحل الوحيد تبدأو انكم تدورو من الملجأ" وقف آسر بملل وهو يقول "انا طالع أنام"
11
أوقفه صراخ بنداري وهو يقول "خد يا والا، خلو بالكم انتم التلاتة هتيجو معايا بكرة تشوفوا أحوال الشركة، ولو مش بتفهمو في الإدارة آسر يعلمكم ازاي تديرو الشركة"
6
"مش لما آسر يتعلم الاول ازاي يدير الشركة يبقى يعلمهم" قالها آسر بتذمر ليقف بنداري بغضب وهو يحمل حقيبته "انا كدة خلصت الي عندي يا ولاد رحيم"
2
ثم نظر نحو ياسر وهو يهمس له "بقولك يابني معاك رقم الست نعمة؟؟؟" نظر له ياسر بتشنج وهو يقول "نعم؟؟ ما تظبط يا عم سنجاري مالك؟؟؟"
12
نظر له بنداري بغضب وهو يقول "يابني أن بعض الظن اثم انا نسيت الساعة بتاعتي عندكم وكنت عايز اقولها لو لقيتها تشيلها لحد ما ربنا يكرم لو اتقابلنا تاني أخدها" أنهى حديثه وهو يرحل من أمامه مسرعًا
8
نظر جاسر للجميع بملل ثم تركهم ورحل لينظر ياسر في أثره ثم ينظر مرة أخرى حول آسر ليقول بغضب "عليا النعمة لو سيبتني لوحدي وطلعت لاعمل منك حمام محشي بالفريك"
4
تأفف آسر بتذمر ثم خلع حذاءه وذهب نحو الأريكة ليرتمي بجسده عليها ولكن قام بسرعة وهو يقول بفزع "فيفي طلعت نامت؟؟؟" أومأ له ياسر ليتنهد آسر براحة ثم يفرد جسده على الأريكة مرة أخرى وهو يقول بتذمر "ياما نفسي اعلمكم ازاي تحترمو الشخص المكتئب ومحتاج ينام يا بيت فوضاوي مشمش ريحة الخصوصية"
4
"وايه الي كائبك يا اخويا؟؟" قالها ياسر بسخرية ليتنهد آسر وهو يقول "الشغل، ضغط الشغل كله عليا يا ياسر يا اخويا والله، كويس انكم جيتو تشيلو عني الحِمل شوية، تخيل سبع صفقات في شهر واحد؟؟؟"
8
نظر له ياسر بصدمة مصتنعة وهو لا يفهم ما يتحدث فيه اساسًا "يالهوي وعملت ايه؟؟" ابتسم آسر وهو يغمض عينه ويقول "مرحتوهمش"
8
"لا بتتعب وبتشقى" قالها ياسر بسخرية وهو ينظر نحو التلفاز ليقول آسر "ياريتهم بيقدرو، وطي بقى التلفزيون لاحسن فيفي تسمعك وتيجي تشيل الريسيفر علشان المشترك لسة جديد والكهرباء جات كتير الشهر الي فات"
3
_____________________________
+
كان يجلس أمام حاسوبه المحمول ويعدل من وضع نظارته وفي نفس الوقت يضع هاتفه على كتفه ويميل برأسه ليضع أذنه على الهاتف ويضع القلم في فمه ويكتب بكلتا يديه على الحاسوب وهو يقول "حسنًا جاك اذا سالك أحدهم عني أخبرهم انني ذهبت لإسبانيا لا تخبر أحد انني في مصر ارجوك، احاول ان انتهي من اخر شئ في البحث كي اسلمه وانتهي من ذلك الذي يدعى هيثم لقد سئمت منه بالفعل، كاد أن يقلتني وكانني اهتم مثلًا أو اخاف على نفسي، أن كان يريد قتلي فانا أرحب بالموت على اي حال اهم شئ أن أسلم هذا البحث قبل اي شئ"
7
أتاه رد جاك صديقه الغاضب وهو يقول "يا لك من وغد جاسر، أخبرتك أما أن تهرب أو تسلمهم البحث، يا غبي تضحي بحياتك من أجل ماذا؟؟؟" تنهد جاسر وهو يقول "من أجل الاطفال يا جاك، ليس الاطفال فقط بل أشخاص كثيرون، أنت تعلم أن السرطان أصبح وباء يصيب الجميع، صدقني إذا نجحت تلك العقاقير الطبية التي قمت بتركيبها فسوف يساعد الكثير من الناس اللذين يهابون من العلاج بالكيماوي"
22
كانت تجلس بملل ولكن أثناء تجول انظارها نحو الحديقة لفت انظارها جلسته الغريبة تلك لتبتسم وهي تراه يحاول إثبات هاتفه على كتفه ويحاول الكتابة بسرعة على الحاسوب ويحاول أن يتحدث والقلم في فمه لذلك ضحكت بدون وعي وهي تراه يعدل من وضع نظارته بتذمر منها أنها تقع من على أنفه وهو لا يستطيع الكتابة على حاسوبه
7
لم تستطع منع نفسها في أن تركض نحو المرسم لتخرج ادواتها ثم تركض مرة أخرى لمكانها ثم تمسك قلم خشبي طويل وتقوم بلم شعرها وتضع هذا القلم كي يمسك بشعرها ولا ينسدل مرة اخرى، ثم بدأت في رفع اكمامها ومسك قلمها وخشبة عريضة تضع بها الوانها
7
نظر نحوه لتبتسم وهي تبدأ في رسمه بحماس وهي تقول "منظر عشوائي بس فيه اجتهاد كدة" مر حوالي ساعة كان جاسر فيها يكتب على حاسوبه ومرة أخرى يكتب على إحدى الاوراق ومرة أخرى يتحدث في الهاتف لتنظر له منة بغضب تريده أن أن يبقى في وضع محدد كي تستطع اكمال رسمه
2
نظرت منة لتحركه الكثير بتافف ثم نظرت نحو اللوحة لتجد أنها قامت برسمه ورسم حاسوبه ولكن لم تنتهي إلا من ذراع واحد فقط ولم ترسم الذراع الآخر، كادت أن تضع قلمها على اللوحة ولكن توقفت بصدمة وهي تستمع لصوته الغاضب وهو يقول "انتي بتعملي ايه؟؟؟"
6
شهقت منة بفزع ثم نظرت خلفها لتجده يقف خلفها وهو ينظر لها بغضب لتقف سريعًا وهي تحاول اخفاء اللوحة وتقول بتوتر وهي تبتسم ببلاهه "برسم مناظر طبيعية خلابة"
7
اقترب منها جاسر بتعجب وهو يقول ويبتسم بسخرية "وانا المناظر الخلابة دي؟؟" ابتلعت منة لعابها بتوتر وهي تعود للخلف وتقول "ممكن تعتبر نفسك مساعد من عند الله في إنقاذ يتيمة من عدم وجود فكرة لمشروع التخرج"
5
"ورسمتي هي الي هتبقى مشروع تخرجك صح؟؟ ده انتي ساعتها متحصليش مقبول حتى" أنهى جاسر حديثه بسخرية لتقول منة بتوتر "اعتبره تدريب لمشروع التخرج"
2
تنهد جاسر ثم دفعها بهدوء ليظهر أمامه تلك اللوحة لينظر لها بتشنج وهو يقول "مطلعاني مشلول بايد واحدة؟؟ يعني ربنا ينعم علينا بالصحة وانتي تشيليها في الرسمة؟؟"
6
نظرت له منة بغضب وهي ترفع قلمها في وجهه لينظر لها بتعجب وهو يبعد وجهه للخلف ويستمع لتهديدها الواضح "اياك والسخرية من رسمي، انا شكسبير لو كان عايش كان يتحايل عليا بس اني اوافق اشترك معاه في لوحة، اسخر مني براحتك لكن رسمي لا"
14
فزعت منة عندما وجدته يسحب هذا القلم من يدها وهو يقول "مسكالي القلم كانك ماسكة سكينة مثلا؟ بعد كدة يا شاطرة مترسميش حد غير لما تستاذنيه احنا مش في زريبة"
8
تركها جاسر ورحل لتنظر منة في أثره بتشنج وهي تقول "برسم احمد عز يا واد؟؟ عكرت مزاجي والله ما انا مكملة الرسمة، واه انا شاطرة بقى ها"
6
________________________________
+
دخل جاسر للبيت لينظر لآسر الذي كان ينام بعشوائية على الأريكة وبجانبه ياسر يستند برأسه على الحائط وهو يغرق في النوم أيضًا ليبتسم بتعجب وهو ينظر لنفسه عبر المرآه الملتصقة في الحائط ثم ينظر لهما، خلع نظارته ثم نظر لهما مرة اخرى، يشعر أنه لا يعرف نفسه وسطهما من كثرة ما يشبهون بعضهم.
3
ابتسم بتعجب في ليلة أصبح له شقيقان نسخه منه ليقول بابتسامة وهو ينظر نحو آسر "غلبان اوي في نفسه الواد ده" ثم نظر نحو ياسر ليقول بتذمر "بس ده مش متربي وعليه لسان عايز قطعه"
8
"طب اتلم بقى بدل ما اقوم اوريك قلة التربية بجد" قالها ياسر وهو ما زال يغمض عينيه لينظر له جاسر بغضب وما كاد أن يتحدث حتى استمع لصراخ عالي أفزع ثلاثتهم "آســــــــــر"
4
فزع ياسر من نومته وهو يقول برعب "فيفي، اطفي النور والتلفزيون بسرعة" نظر لهما آسر وهو يقول بملل "فككم دي أروى بتصوت علشان روايتها"
8
هبطت أروى من الأعلى وهي توقظ آسر وتصرخ بغضب "انت عملت ايه في روايتي، ايه الي قطع الجلدة بتاعة الكتاب كدة رد عليا" نظر لها آسر بملل وهو يقول "في ايه حاجة كانت محشورة في سناني ومش لاقي دبوس، لقيت الكتاب قدامي قطعت من حتة ورقة مش حوار يعني هو كتاب مقدس دي رواية"
41
نظرت له أروى بغضب وهي تصرخ "الهي تتحشر بين جبلين ما تعرف تتسلك منهم يا بعيد، الواحد عايش معاك وهو عاصر على نفسه زتونه"
7
"لمونه" صحح لها ياسر وهو يفرك عينيه اثر النوم ولكنه صدم عندما قالت بغضب "ملكش دعوة" ثم نظرت نحو آسر مرة أخرى وهي تصرخ "اقسم بالله يا آسر لو لمحتك بتقرب من رواياتي تاني لاعملك فضيحة بزلازل"
15
"بجلاجل" صحح لها ياسر بتذمر من تدميرها للغته الشعبية لتقول هي بغضب "ملكش دعوة" نظر لها ياسر بتشنج وهو يقف ويقترب منها وهو يصرخ ليمسكه آسر سريعًا ليدفعه بعيدًا بغضب وهو يقول "استنى يا آسر، يعني ايه ملكش دعوة؟؟ انتي عبيطه يا بت ولا ايه ما تتعدلي في الكلام كدة مالك"
47
نظرت له اروى بصدمة وهي تصرخ به "انا بت؟؟؟ بت اما تبتك لم نفسك" نظر لها ياسر بتشنج وهو يقول "ليه شيفاني متبعطر علشان الم نفسي، انا ساكتلك من الصبح بس وعهد الله لو صبري نفذ ما هسكتلك، انتي بتتكلمي مع عيل في الشارع ولا ايه، ايه الهم ده"
6
نظر له آسر بغضب وهو يقول "ما تتلم ياض ملكش دعوة بيها، هي شايفة نفسها بنت نجيب ساويرس يا عم ملكش دعوة" نظر لهما أروى بتشنج وهي تصرخ بغضب "مبقاش الا انتم الي تعدلو على شخصيتي كمان؟؟؟"
6
"ومالنا يا حبيبتي ناقصين ايد ولا رجل، عامللنا فيها من جاردن سيتي وانتي تلاقيكي من الحرفيين اصلا" صرخ بها ياسر لتشهق أروى بصدمة من جرأته ثم تقول "تصدق انك بني آدم مش محترم"
7
نظر لها آسر بغضب وهو يقول "اسكتي بقى يا أروى بلاش طول لسانك ده واطلعي فوق" أوقفه ياسر وهو يقول "لا هي مغلطتش انا مش محترم فعلًا، فابعدي عن وشي يا بنت الحلال انا محترمك علشان آسر وامك القمر دي بس"
4
"كل ده ومحترمني؟؟ اومال لو مش محترمني هتعمل ايه؟؟" قالتها أروى بتشنج ليضغط ياسر على شفتيه السفليه بوعيد وهو يقول "اقولك ومتزعليش"
14
دفعه آسر للخلف بغضب وهو يصرخ "ما تتلم بقى يا عم في ايه؟؟ احترموا نفسكم انتم الاتنين وانتي اتفضلي اطلعي على فوق" نظرت أروى نحو ياسر بوعيد وهي تقول "ماشي والله لتشوف هعمل ايه"
1
ابتسم ياسر بسخرية وهو يقول "لا اصل انا اعمى فتلاقيني مش شايفك ولا شايف انتي هتعملي ايه" نظرت له أروى بغيظ ثم تركته وصعدت لغرفتها لينظر آسر لجاسر الذي كان يتابع ما يحدث ببرود ثم قال "انا جعان"
13
جلس ياسر على الأريكة بتافف وهو يقول "وانا كمان جعان، نطلب أكل؟؟؟" جلس آسر هو الآخر وهو يقول "اشطا انا جعان جدا بردو، اطلبولنا اكله حلوه كدة على مزاجكم، الصبح قرب يطلع متهيالي مش هتلاقو مطاعم فاتحة دلوقتي أصلًا"
4
فتح جاسر هاتفه وهو يقول "انا هطلبلكم أكل"
7
________________________________
1
كانت أروى تسير في غرفتها بغيظ وهي تقول "بقى انا يكلمني بالطريقة دي؟ مين ده اصلا علشان يكلمني كدة هو عبيط ولا عنده خال اهبل؟؟"
8
نظرت لها منة بملل وهي تقول "ما انتي لسانك طويل بردو يا أروى" نظرت لها أروى بغيظ وهي تقول "انتي اختي انا ولا أخته هو؟؟ انا محدش يكلمني بالطريقة دي وهو اتجرأ وعملها، والله لاخلي اليومين الي هيقعدهم هنا ايام سودة على دماغه"
4
نظرت لها منة بملل ثم نظرت لهاتفها بملل أكبر عندما وجدت هوية المتصل والذي لم يكن سوى نبيل لذلك اغلقت المكالمة بملل وهي تلقي الهاتف، ولكن دقيقة وعاد رنين الهاتف مرة أخرى لتتافف بغضب وهي ترد وتصرخ "انت فاتح شركة اتصالات ده الرقم المليون الي اعملك منه بلوك يا شيخ"
7
"اصلي مبزهقش يا منون، طالما هسمع صوتك يبقى كله يهون" قالها نبيل ببرود لتقول منة بغضب "يابني انت معندكش دم من الي عندنا ده خالص؟؟ ده انت مش بيجري في عروقك ماية حتى؟؟ دي ماية صرف صحي الي بتجري في عروقك دي"
4
ضحك نبيل بشدة وهو يقول "دمك خفيف يا منون، الحق عليا عايز اسمع صوتك قبل ما انام علشان احلم بيكي" نظرت منة للهاتف باحتقار وهي تقول "الهي اطلعلك في كوابيسك بحرقك صاحي قادر يا كريم"
7
أغلقت منى الهاتف بغضب لتقترب منها أروى بغضب وهي تقول "انا ساكته عليكي يا منة بس والله مكالمة كمان من الزفت ده ومش هسكت وهروح اقول لآسر" نظرت لها منة بفزع وهي تقول "انتي عبيطة؟ انا ساكته كل السنين دي عن الي بيهببه نبيل معايا وانتي عايزة تروحي تحكي لآسر ويمسكو في بعض ويا قاتل يا مقتول؟؟"
6
"اومال اسيب واحد حيوان قاعد يضايق في اختي ويا عالم ممكن يعمل ايه تاني؟؟؟" قالتها اروى بغضب لتقول منة بحنق "لا نروح نقول لآسر علشان يمسكو في بعض ويا عالم ممكن نبيل يهبب ايه لآسر صح؟؟ نرمي اخونا في خناقات مش هتخلص غير بالدم؟؟"
4
تاففت أروى بخوف على شقيقتها وفي نفس الوقت خوف على شقيقها لتقول "طب تقولي لماما" ابتسمت منة بسخرية وهي تقول "وماما تروح تقول لآسر، عملنا ايه جديد بقى؟؟"
5
تاففت أروى بغضب وهي تصرخ بها "براحتك يا منة بس تأكدي انك مش هتقدري تقفي في وش نبيل لوحدك ويا عالم ممكن يعمل فيكي ايه لانه مش هيسيبك تصديه العمر كله"
7
تركتها أروى ورحلت لتنظر منة في أثرها بحيرة لتمدد جسدها على الفراش وهي تمسك رأسها بألم من التفكير ثم تقول بغضب "ربنا ياخدك ويريحنا يا نبيل"
2
عادت أروى مرة أخرى وهي تسحبها وتقول بغضب "تعالي أما نشوف الي تحت دول بيهببو ايه انا سامعة حاجات غريبة"
4
_______________________________
+
في الاسفل كان جاسر يجلس بإحراج وآسر يحاول سحبه ليقول "يابني لا والله مليش في الرقص صدقني، يوه بقى يا آسر والله ما بعرف، متسحبنيش يا آسر قولت مبعرفش ارقص الله"
9
أنهى حديثه وهو يقف يخلع نظارته ويشارك إخوته في الرقص، هبطت كلا من أروى ومنة لتفتحان اعينهما بصدمة عندما وجدان آسر يضع ثلج في كوب ويضع مشروب 'الشويبس' وكأنه يمسك كأس خمر
37
بينما ياسر يمسك بجاسر وهو يحاول أن يجعله يرقص بينما جاسر يتذمر "يا ياسر متجرنيش معاك للشعبيات مليش فيها" امسك ياسر بعصاة الخاصة بالمكنسة ويرقص بمرح ويشاركه آسر وهما يغنيان ويسحبان جاسر معهما "سوق البنات كله قمرات وحلوين طعمين"
5
أمسك آسر بالمشروب الغازي وهو يمثل وكأنه كأس خمر ويغني بتأثر "وانا نفسي في بت تكون حلوة من الحلوين" ثم نظر لياسر وهو يغمز له ويغني "وتبقى بلدي وحلاوتها تسحر ملايين، زي شيماء كدة"
13
"لا تقولي بابي ولا مامي ولا اروح مشاوير، ولا اروح مشاوير" غنى ذلك المقطع ياسر وهو يرقص مع شقيقه بمرح ثم قام بسحب جاسر الذي قال بغضب عندما رأى آسر يخلع نظارته من وجهه "قولت مليون مرة مليش في الشعبيات يوووه"
3
وفي ثواني كان يحاول الرقص مع اخوته وهو يغني "وتبقى بيضة ياما، ونبي بيضة بيضة، عيني ياما ياما، ونبي ياما ياما اموت عليها ياما"
33
"أيوة يا دكتور يا مشرفنا" قالها ياسر وهو يرقص معهما بمرح وسعادة بينما أروى ومنة كانتا تنظران لهم بصدمة لتضحك منة بشدة وهي تقول بسخرية "اوعى يا دكتور الهيبة الي كنت عايزني أستاذنها الاول قبل ما ارسمها، بلا نيلة"
4
فزع جاسر من هذا الصوت ليرتدي نظارته بسرعة وهو يقول باحراج "ايه الي حصل ده؟؟ انا ازاي واقف برقص كدة؟؟ كله بسبب آسر شربني الكاس ومن ساعتها وانا مش شايف قدامي ومش واعي انا بعمل ايه"
24
نظر له آسر بتشنج وهو يقول "انت هتستعبط ده شويبس اناناس" بينما ياسر في عالم موازي كان يمسك بالعصا وهو يرقص بها وعندما وجد يسرا تهبط من أعلى الدرج ركض نحوها وهو يسحبها ويبدأ بالرقص معها بينما هي تنظر له بصدمة ولا تعلم ما الذي يحدث لتجده يمسك بيدها وهو يرقص معها ببلاهه لتنظر حولها بتعجب لتجد آسر يرقص معها هو الآخر لتنظر نحو جاسر الذي حمحم باحراج وهو يقول باحتقار "فسق وفجور يا طنط يسرا والله"
14
نظرت لهم أروى بصدمة لتصرخ بغضب "What for God's sake, shut down that random music right now" (ايه الي بيحصل ده بالله عليك، أطفي الاغاني البيئة دي حالا)
13
نظر ياسر لأروى بغضب وهو يقول "اتكلمي عربي وحياة عمو ميمون، مالها دي" نظرت له أروى بغضب وهي تقول "طبعا انت إلي مشغل الاغاني دي ما انت فاكرنا قاعدين في حارتكم، متعرفش أن ده كومباوند راقي ومن أقل ازعاج ممكن الجيران تقدم فينا بلاغ"
5
"ما الي يقدم يقدم احنا هنخاف ولا ايه جرا ايه يابت ما تعيشي عيشة اهلك" صرخ بها ياسر لتقول أروى بغضب "والله هي دي عيشة اهلي انت كدة عايزني اعيش عيشة اهلك انت"
11
ضغط بأسنانه على شفتيه السفليه بغضب وهو يحاول الاقتراب منها ليمسكه جاسر سريعًا بينما هو ينظر لها بوعيد وهو يقول "يابت مش عايز امد ايدي عليكي، هديكي قلم يخليكي وشك مكان قفاكي"
6
"لو راجل اعملها" قالتها أروى بتحدي وهي تضم ذراعيها أمام صدرها ليقول ياسر بغضب "مهو انا علشان راجل مش هعملها علشان الي يمد أيده على بنت ميبقاش راجل، بس لو سمعت صوتك ده تاني هزعلك"
4
اوقفتهم يسرا بغضب وهي تقول "بس انتم الاتنين في ايه، وانتم عايزين تشغلو اغاني خلو الصوت على قدكم أو استنو لحد الظهر، مش الساعة ستة الصبح تعلو بالطريقة دي والناس نايمة، ولا ايه يا استاذ آسر، وبعدين باباكم لسة ميت من شهر ونص يا معدومين الدم"
12
نظر الجميع نحو آسر ليجدوه ينام على الأريكة وهو يضم كوب المشروب الغازي وينام بعشوائية لتقترب منه يسرا بغضب وهي تصرخ به "آسر اصحى، انت يا ولد نايم في نص الصالون كدة ليه"
2
فزع آسر من نومته وهو يقول "الاكل وصل؟؟" نظر جاسر لاخوته ليضحك بشدة على افعالهما بينما ياسر قال بغضب "لسة موصلش مش فاهم كل ده تأخير، انا هقدم شكوى في المطعم"
1
نظرت منة لشقيقها بتعجب وهي تقول "ايه يا آسر ما انت كنت بترقص زي محمد رمضان دلوقتي وقعت فجأة ليه" نظر لها آسر بتشوش وهو يشرب من ذلك الكوب ويقول بتمثيل متقن "الكيف ياختي، الكيف مخلاش للشباب صحة"
16
قاطعهم طرق أحدهم على باب البيت ليقوم جاسر بلهفه وهو يقول "الاكل وصل" قام الاثنين الآخرين بلهفه وركض آسر خلف إخوته وكأنه لم يكن يحتضر منذ قليل.
4
نظر الثلاثة لهذا الشاب الذي أعطاهم الطعام وهو يقول ببلاهه "الحساب الف وثلاثمائة جنيه" نظر له ياسر بتشنج وهو يقول "شوية حمام على كباب على كفته على طواجن يعملو السعر ده كله ليه يعني؟؟؟"
14
نظر آسر لهما باحراج وهو يقول "انا معيش غير متين جنيه" ابتسم ياسر بسخرية وهو يقول "معيش غير عشرين جنيه" ابتسم جاسر بسخرية أيضًا وهو يقول "معيش فلوس اصلا، لسة محولتش فلوسي لمصري"
6
نظر لهما العامل بغضب وهو يقول "يعني مصحييني من عز نومي وكنت بحلم اني اتجوزت البت الي ابوها رفضني تلت مرات لحد دلوقتي علشان اوصلكم مائدة الرحمن الي انتم طالبينها دي وفي الاخر معكومش فلوس؟؟؟"
15
حك آسر رقبته باحراج وهو يقول "متنسوش كمان أن Credit Card بتاعتنا واقفة بعد ما الوصية اتفتحت يعني فلوسنا في البنك اتحجز عليها"
+
تأفف ياسر وهو يقول "الله يسامحه الحاج مطرح ماهو راح، يعني هو عامل الفلوس دي كلها علشان يذلنا بيهم ولا ايه انا مش فاهم" تأفف جاسر أيضًا وهو يقول "كان هيحصل ايه يعني لو ماما قالت لابوها لا مش موافقة على رحيم وهو يقولها خلاص براحتك وكل شىء قسمة ونصيب و the end على كدة"
4
"وانا مالي بمشاكلكم العائلية دي دلوقتي انا عايز فلوسي" قالها العامل بغضب لينظر ياسر حوله بغضب عندما وجد يسرا وبناتها قد اختفو، ليتافف بغضب حتى وقع عينه على شىء ما ليركض نحوها بسرعة ثم جذبها واعطاها للعامل وهو يقول "اسحب فلوسك يا باشا"
2
نظر آسر لياسر بتوتر وهو يقول "هي ال Credit Card دي بتاعة مين يا ياسر؟" ابتسم ياسر ببلاهه وهو يقول "بتاعة فيفي"
22
"اه قلبي، هتجيبو اجلي يا ولاد رحيم" انتبه الجميع لهذا الصوت بفزع ليجدو فيفي تمسك قلبها بألم وهو تقع على الأرض عندما رأت الفيزا الخاصة بها في يد العامل يضعها بكل قسوة قلب داخل المكنة بل وبكل جبروت يسحب منها اموال، ولم يشفق بحالها بل وايضًا قال بكل قسوة قطعت قلب تلك المسكينة "تمام يا باشا وخدت مئة جنيه بقشيش"
25
هنا هبت فيفي واقفة بصدمة وهي تقترب منه بغضب وتضربه بعكازها وهي تصرخ "مئة عفريت لما يلبسو في جتتك، ليه مئة جنية بقشيش، هما اتنين جنية ونص الي هتاخدهم غير كدة انسى انك تاخد بقشيش اصلا"
7
نظر لها العامل بتوتر وخوف وهو يقول "انا بردو قولت أن المئة جنيه كتير، والله ما انا واخد خالص بقشيشك وصل يا حجة خلاص كتر خيرك، ربنا يقلل من امثالك يارب" نظرت فيفي للجميع بغضب ثم قالت بتوتر "هو حساب الاكل ده كام؟؟ يا خوفي للكمية دي كلها تكون عدت المتين جنية"
5
"لا يا حجة صباح الفل الاكل ده كله بعيد عن بقشيشي عامل الف وثلاثمائة جنية" قالها العامل وهو يبتسم ببلاهه ولكنه صدم عندما وجد فيفي تمسك بقلبها وهي تستند على الباب وتقول "هتجلط، اكل بالف وثلاثمائة جنية ليه؟؟؟ ولاد مين انتم في مصر علشان تتغدو بالثمن ده،ده حتى جدكم اسمه شاندويلي الدَعْلُوب، ده السادات الله يرحمه معملهاش يا ولاد رحيم"
14
نظر الثلاثة لبعضهم بتوتر ليجدو فيفي تصرخ بغضب "رجعلي فلوسي وخد الاكل ده واتكل، مش فاهمة عربية الفول قصرت معاهم في ايه" نظر لها العامل بغضب وهو يركض "مش هينفع يا حجة انا خلاص سحبت الفلوس من الفيزا وراحت للمطعم سلام عليكم"
4
نظرت فيفي في اثر العامل بصدمة لتنظر نحو الثلاثة بغضب ليبتلع الثلاثة ريقهم برعب وهم يبتعدون للخلف بينما هي رفعت عكازها وهي تصرخ "ده هطفحكم الاكل الي بالف جنية ده يا ولاد رحيم"
4
ركض الثلاثة بالرعب للخارج وآسر يركض بخوف قائلًا "والله يا فيفي ياسر هو الي اداله الفيزا بتاعتك وربنا" ركض جاسر هو الآخر وهو يقول " قعدنا نقوله متتهورش احنا هنتصرف في الفلوس ان شالله حتى نقسط تمن العشوة بس بلاش تقهر فيفي بس هو معملش اعتبار لكلامنا"
6
نظر لهما ياسر بصدمة وهو يقول "انا؟؟ اه يا عيلة واطية، ما تتهدي بقى يا ولية انا ساكتلك علشان انتي ست كبيرة بس" ضربته فيفي بعكازها وهي تصرخ "بقى انا ولية يا مهزق"
5
ركض الثلاثة حتى وصلو لحمام السباحة لينظر ياسر برعب لفيفي التي تقترب منهم بغضب ووعيد لذلك في ثواني كان يدفع آسر الذي صرخ قبل أن يقع "لالا مبعرفش اعوم مبعرفش اعوم"
1
نظر ياسر نحو جاسر الذي خلع نظارته سريعًا وهو يصرخ قبل أن يقع "طب هاتلي المايوة، هات المايوة" نظر ياسر نحو فيفي التي اقتربت منه ليخلع معطفه بسرعة وهو يقفز مع اخوته
4
نظرت لهم فيفي بغضب لتجلس على حرف حمام السباحة وهي تضع قدميها داخل الماء وتقول بوعيد "فاكرني هسيبكم، انا لولا أن البجامة جديدة وخايفة تبوظ من الكلور الي في البيسين كنت جيبتكم، بس اديني قعدالكم وربنا ما هسيبكم يا ولاد رحيم، يا عيلة ناقصلها اسم اهبل كمان وتبقى عضو في مستشفى المجانين"
3
نظر لها ياسر بغضب وهو يقول "عارفة لولا أنك ست كبيرة انا كنت....ولا بلاش" نظرت له فيفي بتشنج وهي تقول بسخرية "خوفتني ياض، ما تقول كنت هتعمل ايه؟"
6
"الله يرحم كان رجالة بشنبات بمجرد ما يسمعو اسم ياسر الخواجة بس بيجرو يستخبو في بيوتهم" قالها ياسر بغضب وهو يحاول الصعود من الماء لتقول فيفي بتشنج "كانو بيهربو من خلقتك المهببة، ورحمة ابني لاربيكم من اول وجديد"
4
نظر لها جاسر بغضب وهو يقول "يا تيتا فيفي عيب على سنك والله، الله الوكيل لولا أني متربي انا كنت قلبت البيت ده فوق دماغكم" نظر الجميع نحو آسر ليجدوه أسند رأسه على حرف حمام السباحة وهو يغمض عينه وينام وجسده في الماء ويفرد ذراعيه على حرف حمام السباحة وهو ينام ليقول جاسر "آسر بياكل رز مع الملايكة"
20
" حبيبي ملحقش ياكل الرز البسمتي الي جيه مع الكفته" قالها ياسر بشفقة لتقول فيفي بغيظ "والله ما في كلب فيكم هيمد ايده في الاكل ده"
10
__________________________________
+
أتى صباح اليوم التالي وكان جاسر يجلس في سيارته في مقعد السائق وبجانبه ياسر وبالخلف يجلس آسر ليقول جاسر بغضب "اكل يترمي على دواسة العربية مش عايز" أنهى حديثه ليجد ياسر يبصق قشر اللب من فمه على الأرض ليتافف بغضب وهو يقول "إلقاء قمامة في عربيتي الجديدة مش عاوز"
3
أنهى حديثه ليجد آسر يرتوي آخر قطرة من العصير ثم يلقي العبوة في أنحاء السيارة ليتنهد جاسر بغيظ وهو يقول "دهس في العربية وتراب مش عايز" أنهى حديثه ليجد ياسر يخلع حذاءه وهو يفرك الفردتين في بعضهما ليهبط منهما جميع الأتربة
9
حاول الهدوء وهو يقول "صوت عالي في العربية مش عايز" أنهى حديثه ليجد آسر يصرخ بصوت عالي وهو يخرج رأسه من النافذه "يســــــــــرا متنسيش تطفي النجفة قبل ما فيفي تصحى شغالة الست لمبات من امبارح"
3
أنهى صراخه ليستمع الاثنان لصراخ جاسر المفزع "غباء مش عــــــــاوز" أنهى حديثه ليجد آسر ينظر لياسر وهو يقول بتفكير عميق "هسالك سؤال صعب لخارقين الذكاء ياض يا ياسر، مين الي قتل كليبر؟؟؟"
16
"القاتل" قالها ياسر بغباء ظنه هو نباهه ليقول آسر بانبهار "طب والله إجابة صح ومقنعة"
18
نظر لهما جاسر بغضب وتذمر وكاد أن ينطلق بالسيارة ولكن توقف فجأة عندما وجد كلًا من منة و أروى تصعدان للسيارة ليقول بتشنج "في ايه؟؟ هي الشغلانة لمت ولا ايه؟؟"
+
"جايين معاكم" قالتها كلًا من أروى ومنة في نفس الوقت ليقول آسر بتشنج "جايين معانا فين؟؟" ابتسمت أروى ببلاهه وهي تقول "في المكان الي انتم رايحينه"
2
اخرجت منة من حقيبتها بعض الحلوى والتسالي وهي تقول "خدو سلو نفسكم في الطريق شكل الطريق طويل" نظر جاسر لمنة بصدمة وهو يشعر أنه سيصاب بجلطة ليستمع لضحكات ياسر وهو يقول "اللهم لا شماتة بس انا شمتان"
6
نظرت منة لجاسر وهي تقول بتعجب "جيبت العربية دي منين وانت محيلتكش حاجة ويومين وهتشحت انت وأخواتك" نظر لها جاسر بصدمة ليقول آسر بسخرية "لسانها بينقط سكر"
7
نظر لها جاسر بسخرية وهو يقول "العربية دي من فلوسي، اول ما جيت اديت فلوسي لواحد صاحبي هنا وهو حولي الفلوس لمصري واشترالي العربية، بدل عربايتكم الي اتحجز عليها بسبب الوصية"
2
تأفف ياسر بملل وهو يقول "اتحرك يا عم للشركة عم سنجاري مستنينا هناك" نظرت له أروى بسخرية وهي تقول "اسمه اونكل بنداري ايه عم سنجاري دي انت قاعد في بور سعيد؟"
18
نظر لها ياسر بغضب وهو يقول "ملكيش دعوة، وبعدين ايه اونكل دي؟؟ هو مش الاونكل ده يا جاسر الرباط الي بيتلبس في الركبة علشان لو في شد عضلي؟؟؟"
15
ضحك آسر بشدة بينما جاسر تنهد بيأس وهو يتحرك بالسيارة، تأفف جاسر بغضب عندما وجد منة تسحب السلك الخاص بتوصيل المسجل بالهاتف ولكنها كانت تسحبه بقوة لتجد جاسر يصفعها على يدها وهو يقول بغضب "ايدك والUSP هتقطعيها العربية لسة حقها مبردش"
8
نظرت له منة بغضب لتصرخ بآسر "ما تلم اخوك يا آسر" كان آسر يبتسم ببلاهه وهو يقول "شغليلي اغنية لما الشمس تروح وييجي بدالها نجوم يبقى الوقت ده ايه يبقى ده وقت النوم بتاعة الفنانة الجامدة هيفاء وهبي بسرعة"
22
نظرت أروى لشقيقها بسخرية وهي تقول "آسر انت سواء الشمس روحت او بايته معانا انت بتبقى نايم يا آسر" نظر ياسر لمنة وهو يقول بلهفه "شغليلنا مهرجان لحمو الطيخا"
6
ابتسمت منة بحماس وهي تقول "الله عليك زوقك الموسيقي عالي" نظر لهما جاسر بصدمة وهو يصفع يد منة مرة أخرى قبل أن تقترب من المسجل ويصرخ "ايه القرف ده يا تشغلو حاجة عدلة يا تسكتو مش عايز تلوث سمعي في عربيتي"
8
نظر آسر لشقيقه بسخرية وهو يقول "ما خلاص يا جاسر ده انت دكتور ومعاك عربية جدااا، قرفتنا بانجزاتك يا اخي" بينما ياسر قد فاض به الكيل فأخرج سلاحه الابيض وهو يقول بغضب "هنشغل مهرجانات يا جاسر، عندك اعتراض ولا حاجة؟؟"
14
نظر له جاسر بتوتر وهو يقول "براحتك يا يسورة ده انت اخويا يا جدع، لو عايزني اجيبلك الفنان الصاعد ربنا يسامحني، الاستاذ حمو الطيخا يقعد معانا في العربية يغنيلك مفيش مانع"
8
نظر له ياسر بغضب وهو يعتدل في جلسته مرة أخرى لتمسك منة هاتفها وهي تقول بشماته "ناس متجيش غير بالعين الحمراء" نظر لها جاسر بغضب وهو يقول "ملكيش انتي دعوة، ياسر اخويا هو الي يشغل دي عربية اخوه انتي متشغليش"
4
تاففت منة بغضب وهي تصرخ "جرا ايه يا ذكر التوكتوك انت في ايه مالك؟؟؟" نظر لها جاسر بصدمة وهو يقول "انا ذكر التوكتوك يا انثى الخرتيت؟؟؟"
8
بينما في عالم آخر قام ياسر بتشغيل اغنية ما وهو يرقص ويغني بمرح "قزقز كابوريا، قزقز كابوريا، لو قزقزوني اقزقز ايه؟؟"
19
رقص آسر في الخلف بمرح أيضًا وهو يصفق بكلتا يديه "ابويا قالي ارمي الشبكبك، وامي قالتلي البحر ياكلك" وكان جاسر ما يزال يتولى أمر القيادة وهو يصرخ بمنة ومنة تسخط منه بغضب
7
صدم ياسر عندما استمع لأروى تغني بنفس نغمة الأغنية ولكنها تقول "Eat a crab, eat a crab, if they eat me, what will you eat?" (قزقز كابوريا قزقز كابوريا لو قزقزوني اقزقز ايه)
48
نظر لها ياسر بتشنج وهو يقول "انتي بتقولي ايه؟؟؟" نظرت له أروى بتعجب وهي تقول "بغني الأغنية الي انتم بتغنوها بس مش عارفة انطقها بالعربي"
27
نظر لها آسر بقرف وهو يقول "شوهتي الفن الراقي" ولكنه انتبه لصراخ جاسر وهو يبعد يد منة عنه "يبت اتلمي بقى هنعمل حادثه الله يحرقك"
4
كانت منة تحاول ابعاد يده وتسحب السلك وهي تصرخ "وربنا لاشغل اغاني وابقى اعترض هخلي يومك ملوش ملامح يا انشيناتين على تفرج انت"
4
بينما ياسر كان يصرخ بأروى وهو يقول "جرا ايه يابت انتي فاكرة نفسك بنت مستر محمد عرفة بتاع الانجليزي ما تتلمي واتكلمي عدل" نظرت له أروى بتشنج وهي تقول "بقى انت إلي هتعلمني اتكلم ازاي وبانهي لغة، طبعا ما اللغات معدتش على حارتكم ده انتم بتتكلمو عربي بالعافية"
5
"ليه يبت فكراني خارج بشهادة إعدادية علشان كدة بلطجي ولا ايه؟؟ لا ده انا خريج تجارة انجلش، البلطجه دي هواية مش شغلانه معتمدة خلي بالك" صرخ بها ياسر لتقول أروى بغضب "والله هي البلطجه الي لايقه عليك فعلا"
10
وأثناء ذلك الشجار الحاد وترنح السيارة يمينًا ويسارًا حتى كادت أن تنقلب، كان آسر يصفق بحماس وهو يغني "انا عندي شعرة، ساعة تروح وساعة تيجي، انا عندي شعرة ساعة تروح وساعة تيجي، دكتور الحقني انا مش مجنون صدقني"
58
ولكن فجأة توقف الجميع بفزع عندما توقفت السيارة بشكل مفاجئ جعل اصوات العجلات تحتك بقوة مع الأرض لتصدر صوتًا عاليًا وجاسر يصرخ بغضب "يلا نغور على الشركة يا عيلة فوضاوية محتاجة الحرق"
10
______________________________
+
انتهى الفصل وأتمنى أن ارى ارائكم بعد هذا الغياب امازلت بنفس المستوى ام لا
7
وفي النهاية دعوني أخبركم
"أن المغامرة لم تبدأ بعد..
