رواية تزوجت حماي الفصل الحادي والاربعون 41 بقلم عائشة الدليمي
سلطان ــــــ جيهان شتريدين لضلين معلگتني بهوا اشباط من الاخير ياحبيبتي شتريدين اهجرج لو اطلگج لو تعتبرين زوجج وحبيبج وتخلينه انعييش
جيهان ــــــ اهجرني
سلطان ــــــ اخ منج
جيهان ــــــ وهسه ممكن تعوفني وحدي
سلطان ــــــ اعوفج ليش لا
جيهان ــــــ راح ورجع جايب وردات
سلطان ــــــ ياحلو ممكن اتعرفني عن نفسك
جيهان ــــــ شتريد
سلطان ــــــ هذا الج ماعرف منو دزه
جيهان ــــــ شكرا
سلطان ــــــ احم اني ماعندي صديقات عادي اصير صديقج
جيهان ــــــ صديقي
سلطان ــــــ اي
جيهان ــــــ لا
سلطان ــــــ اعتبريني مو سلطان
جيهان ــــــ مايحتاج
سلطان ــــــ اذا ماصرتي صديقتي متروحين لاهلج بعد
جيهان ــــــ مو بكيفك
سلطان ــــــ لا بكيفي ياحلو
جيهان ــــــ هئ
سلطان ــــــ بس لتبجين اشلعلج اعيوني وانطيجياهن
جيهان ــــــ هئ
سلطان ــــــ شگلتي انصير اصدقاء
جيهان ــــــ وتوديني لاهلي
سلطان ــــــ اي اودييج
جيهان ــــــ اييي
سلطان ــــــ لتبجين كافي مو طفله انتي
جيهان ــــــ
سلطان ــــــ احم اني ابو عدل وانتي
جيهان ــــــ اني جيهان
سلطان ــــــ اي اتشرفت ام عدل اقصد جيهان
جيهان ــــــ شكرا
سلطان ــــــ مزوجه مو
جيهان ــــــ اي
سلطان ــــــ حتى اني مزوج ومرتي ملاك اتجنن اتمنه اتسامحني حتى اگدر اعرفها عليج بس هيه شويه زعلانه مني
جيهان ــــــ اي
سلطان ــــــ وانتي مو ناويه اتعرفيني على زوجج
جيهان ــــــ زوجي مو خوش اتمنى ماتعرفه
سلطان ــــــ ها لهالدرجه مو زين
جيهان ــــــ اي حيل مو زين دمرني خرب حياتي هوا مايعرف بس الضرب و هئ يكرهني حتى نوبات يگعد يعيب على شكلي وينتقدني ويسولف ويايه بصيغه ولد ويگلي ماعتبرج مرا وانثى دائما يجرحني بكلامه
سلطان ــــــ شگد حقير عجل الله ياخذه يخلصج من شره
جيهان ــــــ انته حقير
سلطان ــــــ احنه اصدقاء مو لو متريد اتروحين لاهلج
جيهان ــــــ ويضل يهدد
سلطان ــــــ اي خلي يولي كلب هذا حمار يهدد هيج ملاك
جيهان ــــــ لتهددني
سلطان ــــــ منو مهددج
جيهان ــــــ هئ كافي دوختني
سلطان ــــــ ليش هالدموع ياحبيبي
جيهان ــــــ رحت نمت بفراشي ثاني يوم لگيت دباديب على فراشي وحلويات وعلبه حمره فتحتها بيها سوار هيج فكرته بالبدايه طرت من الفرح اني عمري وحياتي محد جابلي اللعاب جنه فگر اخذ الالعاب مالت بنات خالاتي من يصيرن مو حلوات ويشترن غيرهن بجيت على هاي الذكرا ماعرف احس بس اريد ابجي لبست السوار حيل جبير على ايدي بس حلو نسيت كلشي ورحتله جان يسوي بالتنور ويغني
سلطان ــــــ حياتك صافيه ماتعرف اغيوم حياتك صافيه ماتعرف اغيوم لتگلي انتضر ماريد اودعك
جيهان ــــــ صديقي
سلطان ــــــ نعم
جيهان ــــــ شكرا للهدايه الحلوه
سلطان ــــــ تستاهلين بس هذا مو سوار هذا يلبس بالرجل تعالي
جيهان ــــــ فصخه من ايدي وخلى برجلي
سلطان ــــــ اهين ينحط
جيهان ــــــ حلو اني اشكرك حيل والهدايا حلوه
سلطان ــــــ لتشكريني حبيبتي
جيهان ــــــ شوكت اتوديني لاهلي
سلطان ــــــ يوميه امسربين يم اهلج عمي حتى همه ملو من عدنه
جيهان ــــــ لا صارلي هوايه مارحتلهم
سلطان ــــــ هم
جيهان ــــــ انته مو گلت صيري صديقتي واوديج
سلطان ــــــ من التحق اوديج وابد ماگلج ارجعي للبيت اله ارجع من الدوام واجي اخذج ماشي حياتي
جيهان ــــــ اي
سلطان ــــــ احبج
جيهان ــــــ اني رايحه اعزل الدباديب
سلطان ــــــ ماعرف اذا عجبنج بس خطرلي اجيلجياهن
جيهان ــــــ اي حيل حلوات اني اول مرا يصير عندي دباديب بعدهن توهن منشريات وماواگعات اعيونهن
سلطان ــــــ ليش
جيهان ــــــ ماجان حالنه زين يعني
سلطان ــــــ اي مو تدلل حبيبتي اجيبلج يوميه ياروح سلطان
جيهان ــــــ رحت للغرفه ادحگ للدباديب حيل حلوات اتخيل طفلي يكبر ويلعب بيهن معقوله اني جيهان الساحره المكروها اصير ام ياترى ابني راح يكرهني مثل مالناس تكرهني ضميت الدباديب و الحلويات نزعت الخلخال وضميته بالعلبه لان مبين ذهب شفت بوكية الورد يجنن احمر اتذكرت بوكية الورد مالت زواجنه طلعت الصور وصرت اتمثلهن ماجنت حيل حلوه يمكن لو هسه اعدل نفسي اطلع احلى
سلطان ــــــ حبيبي اشتاگ لايام عرسنه
جيهان ــــــ عاد شلون جان عرس ماتمناه لعدواني
سلطان ــــــ شلون
جيهان ــــــ زوجي جان حقير و دائما يحقرني واني جنت مهمله مو مهتمه لنفسي يمكن لو هسه جان طلعت احلى
سلطان ــــــ تتمنين ترجعين تليسين بدلة العرس
جيهان ــــــ لا بعد ازوجت
سلطان ــــــ اي
جيهان ــــــ شوكت تلتحق
سلطان ــــــ بكيفج
جيهان ــــــ شگلت اليوم
سلطان ــــــ ههههه كل عقلج مالتحق هالايام انتضريلج اسبوع
جيهان ــــــ ضجت حيل شوكت اروح لاهلي خلص اليوم گعدت الساعه بالتسعه اني كل عاده اگعد من وكت لگيت بدله بغرفتي شكبرها ماصدگت عيوني وضليت افرك بعيوني اخاف خيال لو حلم ومكياج وغراض هوايه رحت شفت البدله اجنن احلى من بدلة عرسي بهوايه معقوله سلطان يريد يزوج عليه معقوله يرجع طليقته ماكو سبب غيرها رحت لگيته يشرب جاي بالحديقه،،، سلطان
سلطان ــــــ نعم تعالي
جيهان ــــــ مبروك
سلطان ــــــ على شنو
جيهان ــــــ بس والله والله اذا جبت طفلي و اخذته مني وطلگتني تدري شسوي اذب نفط على روحي واحرگ روحي والذنب عليك
سلطان ــــــ اولا على شنو مبروك
جيهان ــــــ مو تريد تزوج
سلطان ــــــ ها ثانيا لو تموتين ماطلگج ثالثا البالغرفه هاي الج
جيهان ــــــ الي اني بس شلون اني مازوج اني مزوجه
سلطان ــــــ اوف اكيد مزوجه شوفي اليأس وين واصل بيه اطگ من الفرح لو اعترفتي بزواجي
جيهان ــــــ
سلطان ــــــ يالله بدلي حبيبي خل انروح للصالون
جيهان ــــــ اني بس ليش
سلطان ــــــ تعالي وماعليج
جيهان ــــــ بدلت ورحت وياه بعد ماغسلت شعري وجففته گاللي غمضي عيونج غمضت ضلا يخللي مكياج فتحت عيوني وكمل المكياج بعدها سوا شعري من خلصا شفت مكياجي يجنن اجنان متت من الفرح احس رجعت بالعمر رجعت وياه لبست البدله سد السحاب مالته
سلطان ــــــ وهاي حققت امنيه من امانيج
جيهان ــــــ بس ماجانت امنيه
سلطان ــــــ المهم فرحتج جيهان
جيهان ــــــ شكرا الك
سلطان ــــــ ويالله اخذلج صور بدال هالصور التعبانه
جيهان ــــــ صار ياخذلي صور يجنن اتعجبت بيهن
سلطان ــــــ احم تريد تاخذين ويه زوجج الحقير صوره
جيهان ــــــ بخجل،،، اي
سلطان ــــــ عجل انتضري راح اروح اخلي يبدل غصب عنه واجيبه يصور وياج
جيهان ــــــ هههه تسلم،،، راح واجه مبدل اخذنا صور خلا البيريه على راسي واخذلي صورا
سلطان ــــــ اتمنه فرحتي هاليوم
جيهان ــــــ اي حيل فرحانه اني اشكرك
سلطان ــــــ تدللين حبيبتي
جيهان ــــــ خلص اليوم ثاني يوم جان فراشه بارد معقوله راح للدوام وماخذني لاهلي معقوله يجذب عليه طلعت مالگيته بالبيت صرت اثرد عليه حجي طلعت لگيته يزرع ورد
سلطان ــــــ تحبين الورد؟؟؟
