رواية تزوجت حماي الفصل الثاني والاربعون 42 بقلم عائشة الدليمي
جيهان ــــــ الله يجنن،،، گعدت اشم عطورهن
سلطان ــــــ البارحه ماجاني نوم گعدت افكر شسوي خطه لهذا اليوم اذكرت حديقتي شكبرها بس مو حلوه گلت اسويها جنه للحبيبه بلكت تفرحها
جيهان ــــــ احنه اصدقاء ولو مو اصدقاء ماجان اعترفت بهداياك وماجان قبلتهن بس احنه اصدقاء
سلطان ــــــ يابه اصدقاء تدللين
جيهان ــــــ ليش متسوي طريق من النزله و بوسط الحديقه نسوي صبه جبيره نخلي بيها مرجحانه حتى الجهال يتمرجحون عليها
سلطان ــــــ ليش ناويه تشيلين عقوبة الهجر عني
جيهان ــــــ انته ردت هجر
سلطان ــــــ اني ماريد لا هجر ولا صداقه ولا طلاگ اني خيرتج يا هجر يا تحبيني يا تطلگين وانتي اخترتي مابين الطلاگ الصعب وكلام الناس وماببن اتحبيني اخترتي الهجر
جيهان ــــــ
سلطان ــــــ الفرحني انه ناويه تشيلين هالسالفه
جيهان ــــــ لا بس هيج يجوز يطلع ببطني توم
سلطان ــــــ يعود الله
جيهان ــــــ اي
سلطان ــــــ هسه خطتج حلوه عجبتني حيل تدللين
جيهان ــــــ بيتك حيل حلو قصر
سلطان ــــــ اي اني احب البيوت الجبيره
جيهان ــــــ بس حيل يبهذلني بالتنضيف
سلطان ــــــ تدللين حبيبتي
جيهان ــــــ ماعلقت رحت اشم ريحة الورد جاي اكثر من عشر انواع حسيت نفسي بحلم خطيه يشتغل بالجو الحار سبح بالعرگ رحت يمه،،،، تريد اخابر اخواني يجون يساعدونك هم يعرفون بالورود
سلطان ــــــ اني لو اريد اجيب عمال بس اريد اني اشتغل بيهن وحدي
جيهان ــــــ انته ليش اتسوي هيج
سلطان ــــــ اريد اعوض صديقتي عن البؤوس العاشته واذا تقبل نرجع للماضي ونذكر مواجعنه ارجعلها حقها
جيهان ــــــ ترجعلي حقي من نفسك
سلطان ــــــ جيهان السويته بيج مو قليل اني ادري
جيهان ــــــ كافي اتذكرني بالماضي
جيهان ــــــ رحت سويتله عصير وشربه رجع يشتغل ثاني يوم گعدت على صوت طخطخه
سلطان ــــــ بابا الاهل يگعد نصي صوت
جيهان ــــــ منن هذا سلطان
سلطان ــــــ فلبينيات (طبعا عدنا بعض ناس عدهم فلبينيات يشتغلن بالبيت الله يداكم اني امي صاگعتني بالشغل احس اريد ابجي كلما اروح للمدرسه واشوف الفلبينيات ينضفن الكراجات واني ينسحل جد جدي من تجي عاسفه خو اروح يصيرلي واهس ادرس تا اجيب فلبينيه اتنضف بيتي اني انصحجن تتعبن على نفسجن اجيبن شغالات واسمهن شغاالات مو خدامات خبطت عقلكم مو )
جيهان ــــــ سلطان ليش جبتهن الواحد ميبقى سرة بامان
سلطان ــــــ لا حبيبي بس هسه ينضفن ونسويلهن غدا ويروحن فكرج يبقن اصلا متقبل الشركه
جيهان ــــــ ها
سلطان ــــــ اي
جيهان ــــــ كملا شغل ردنه منهن يبقن بس مابقا لان ميقبلون راحا سلطان دافع للشركه قبل تغدا وراح سبح
سلطان ــــــ جيهان جيهان
جيهان ــــــ صعدت لگيته نايم
سلطان ــــــ اذا مو زحمه فركيلي ضهري
جيهان ــــــ لا رحمه،،،، گعدت افركله ضهره شعرض ضهره انوب كله يوجعه يبو كبيت علي الزيت
سلطان ــــــ هاي ليش يالخبله
جيهان ــــــ سمين بالگوا يبيد بيك
سلطان ــــــ خبله
جيهان ــــــ ضليت افرك ضهره غفى ونام نمت اني هم گعدت مالگيته رحت لگيته بالحديقه يشكل بالمرجوحانه اجنن اجنن اجنان خزرني طبيت جوا خلصو الزلم وضيفهم وراحو طلعت
سلطان ــــــ مو عيب تطلعين لو لامحج احد ماجان طلعت بروحج
جيهان ــــــ حلوه اتجنن الله
سلطان ــــــ بقى اصبغها ذهبي و احط فرشه حمره عليها اتصير مالت ملوك
جيهان ــــــ والله عجزت على هيج اشياء حلوه
سلطان ــــــ انجبي هوا رقم العمر اشو ماحسج اله طفله عمرها عشر سنوات
جيهان ــــــ متت من الخجل
سلطان ــــــ اي اليوم ماجبتلج شي معقوله هالخبل ينسى
جيهان ــــــ حيشاك
سلطان ــــــ يالله اني رايح ابدل واطلع
جيهان ــــــ اي،،، راح بقيت ادحگ عليها اجنت اجنان مخلي السيراميك ابيض و اكو حجر ابيض مخليه بالحديقه ومنا ورود ومنا ورود ومخلي فراغات بينهن بعدين حط بيهن گلوبات يجنن صارا ينطن لون ولا اروع سلطان خلاني ارجع بالعمر لعالم الاحلام يوميه اگعد على فرحه حلوه راح ورجع بليل جايبلي حلويات وگلاده حيل حلوه ضل يجيبلي هدايه رحت لبيت اهلي لان التحق ضجت واحس بس اريد ابجي ميرد عالاتصالات مالتي متت من القهر و اتعقدت بديت اسمع حجي من الناس على انه اني زعلانه لان طولت يم اهلي يگولن فوگما ام اسحوره ومطلگه من ابن عمها فوگما يطلگها هذا رجلها گمت ماطلع من البيت نهائيا و عماتي الاقرب اليه يحجن عليه نساوين عمي يحجن عليه اتعقدت اخابره ميرد دزيتله رساله،،،،، ليش مترد ها
سلطان ــــــ ليش صاير شي بغيابي
جيهان ــــــ صاير تتعمد تهملني انته كل مرا تهتم بيه يوم وتمل
سلطان ــــــ روحي حبيبي روحي مو هسه نحجي
جيهان ــــــ سد الموبايل ماراسلته خلص دوام واجه اخذني فكركم سلمت هم يگولن بسحرها خلته يرجع من سولفتلي امي طگيت من البجي اجه هوا من برا شافني ابجي
سلطان ــــــ شبيج
جيهان ــــــ مابيه شي هئ
سلطان ــــــ شبيج بس گوليلي
جيهان ــــــ يگولون عليه رجعتك بسحري فكرهم اني وياك زعلانين من رحت لاهلي رحنه لل هئ هئ للبستان وهيج حجو عليه واني اسمعهن ومارديت
سلطان ــــــ وشمطلعج ها
جيهان ــــــ هئ
سلطان ــــــ كافي بجي احنه من شوكت نهتم بحجي الناس حبيبي من شوكت
جيهان ــــــ مسح ادموعي سحبت ايده گعد يمي حضنته هوا ضل ساكت دگات گلبه عاليه عبالك گلبه يريد يطلع دفعته
سلطان ــــــ اي حبيبي جبتلج شي حلو ويايه
جيهان ــــــ شنو
سلطان ــــــ تعالي
جيهان ــــــ وين
سلطان ــــــ وله اگول اني اجيبلجيا
جيهان ــــــ الله سلطان يجنن يخبل،،، اخذته من ايده باس راسي
سلطان ــــــ الله يقدرني واصل افرحج واشوف الضحكه بوجهج
جيهان ــــــ تسلم
سلطان ــــــ البسي خل اشوفه عليج
جيهان ــــــ احم بس هذا دلع ومالت جهال
سلطان ــــــ مو مالت جهال هذا فستان يليق بعمرج
جيهان ــــــ بس ماضلي واطب الاربعين
سلطان ــــــ ماعساتج طابه السبعين جيهان الاريده سعادتج لتهتمين احنه مو گلنه العمر علامه
جيهان ــــــ اي
سلطان ــــــ تبقين بنضري طفلة وعمرج 10 سنوات
جيهان ــــــ لبسته طلع حيل حلو عليه
سلطان ــــــ اتخبلين ياروح سلطان انتي
جيهان ــــــ اني اشكرك ماعرف شلون اجازيك مفاجئاتك ويايه حيل اشكرك
سلطان ــــــ لا ضوجتيني المن مسويه غير لحبيبتي اقصد صديقتي الغالية
جيهان ــــــ ابتسمتله ضليت ادحگ لنفسي احس رجعت بالعمر حتى بين معاليم الراحه بوجهي وبديت ارتاح تغيرت صرت انسانه سعيده حتى بشكلي بينت السعاده سلطان ضل يحاول يسعدني جنت گاعده بالمرجوحه اقرا قصة اشترالياها سلطان والجو منعش عصريه هيج اجت ساهره الله شجنت هذيج الفتره مرتاحه منها گعدت بدون سلام
ساهره ــــــ تدرين كل هالاشياء سواهن علمودي سلطان گال تا بس اجيب انتي تجين تعيشين بفيلا حتى مقرر يصبغ البيت و يغير بيه هوايه اشياء
