رواية خيانة عهد الفصل الثالث 3 بقلم جمانة السعيدي
طولت الخطبه شهر واحد تشاوفنا بيها كم مره
كان انسان بسيط وحباب
شكله عادي
اني تعلقت بي كلش
يمكن لان اول رجال بحياتي
ولان راسا خطبني حسيت هذا الحب شرعي وحقيقي
سعد كان عنده بيت وحده
جيرانه من جهه اخو الجبير ابو علي الدلال ويعيشون ويا امه وابو وعائلته ومن الجهه الثانيه
عائله ام حوراء
ام حوراء عدها تسع بنات وما عدها ولد ورجلها يشتغل سايق
سوينا خطبه بسيطه
وحددنا يوم العرس
ورا شهر ازوجنا عرسنا جان كلش حلو
البيت ما مثث اثاث كامل
بلمطبخ كاونتر وطباخ وسنك
وغرفة نوم وفراش بلصاله
جمانه السعيدي
بديت اني ورا زواجنه اشتري واثث بلبيت
اشتريت طخم وشتريت غساله
واشتريت كل نواقص البيت
صار بيتنا كامل ومكمل من كلشي
حياتنا عاديه ومستقره وكلش متفاهمين اني ويا
كل يوم اتعلق بي اكثر من الي قبله
لان هو فعلا انسان حباب واخلاقه عاليه وماله شغل بكلشي
كل يوم نطلع الصبح للدوام
ونرجع نتغدا ونام
وبليل هو يروح يشوف امه وابوووو
واني اكمل شغلي لان عندي دوووام
حياة عاديه وبسيطه كلش
اني ماأحب اخالط الجوارين
بس ام حوراء تختلف حبابه وبسيطه
طبعا اني مافارغه اروح وارجع للجوارين لان الدوام ماخذ كل وقتي
وأم حوراء هي صديقة العائله
يعني صديقه عيالي من زمان
وماينه عليهم كلش
بدت تتردد علينه ام حوراء اني حبيته انسانه فقيره
وبسيطه
ام حوراء بسبب الضروف المعيشيه الصعبه
كانت ازوج بناتها زغار
يعني اول واحد يتقدم الهن ازوجهن
يعني عادي عدها
حتلو عمرها ١٢ سنه عادي ازوجه
مو مهم الي يخطب بته يشتغل عاطل
عنده ماعنده
اهم شي تخلص من مسولية بناته
جمانه السعيدي
كلهن مزوجتهن بعمر زغير
وماكان ابوهن يددقق حيل بزواجهن كانه يريد بس يخلص منهم
فا اغلبيتهن مو مرتاحات بحياتهن
هذني البنات كانن جميلات بشكل مو طبيعي
يعني جمال خارق
لذالك جانت تجيهن قسمه بسرعه
مرت الايام متشابه
صحيح روتين بس ماعدنا مشاكل ابد
فات على زواجنه سنتين وضعنا كلش زين بس اطفال ماكو
راجعنا يم احسن الدكاتره
واجرينا كل الفحوصات كلشي تمام مابينه اي شي
بقينا منتضرين رزق رب العالمين
الحد ما اجت ايات بت ام حوراء
زعلانه يم اهله بنيه جمالها ابد موطبيعي
بيضه وملامحها تخبل وجسمها عبالك لاحبلانه ولا جايبه
اما قصتها شني تكول رجعت من المدرسه بلثاني متوسط
ولكيت عدنا ناس خطابه من غير محافظه
واهلى موافقين
ومتفقين على كلشي
ابوي جان يعرف ابو الولد
اني ماكان اليه رائي ابد
كنت مثل الانسان الالي
كالووو ازوجي ازوجت
لمن ازوجت بلبدايه زين بعدين مات عمي وزوجي انكلب كلاب
كام يشرب ويتعارك وياي جنا ساكنيين ويه بيت حماي بلطابق الثاني
ويوميه يتعارك وياي ويوميه يكتلني
صار عندي منه ولد وابنيه وهو ابد مانصلح حاله
مره اجا سكران ويركض وراي بسجينه يريد يذبحني
وكلما اجي زعلانه ابوي يرجعني
ويكول ماعدنا مره تزعل اكعدي ابيتج وسكتي
فاتن اني كلش اتعاطفت وياها
وجنت اشكي حاله الزوجي
لان حيل اناثرت بحالته
واني مستخطيتها
واكول مسكينه الله يساعدها
جمانه السعيدي
اكو واحد عنده هذا الجمال وجهال اثنيين وهجي يعامله
بدت ايات تتردد علينا
وتكعد وياي اني ورجلي وتحجيلنا مشاكلها
واني اساعدها واخلى سعد يساعدها
نساعدها بفلوس او نشتري ملابس للجهال
ومن اطبخ ادزلها هي وجهالها اكل
كل يوم تجينا وتكعد ويانه
يعني تكعد وتحجي وتضحك ويانه
بدون قيود ابد
وكنما وحده من عدنا
واني اكول خطيه مسكينه خل ترفه عن نفسه شويه
بدت تجينا وهي مبدله وكاشخه على اخر حبايه
وهي حلوه ما قاصره
واني من غبائي كنت اضل احجي بيها وامدحها كدام رجلي طول اليوم
ومره دكت الباب علينا ابنها متخربط وتريد سعد ياخذه للمستشفى
لان ابوها ما موجود
وفعلا راحت هي وسعد اخذو للمستشفى
راحت بس هي وزوجي
واني بقيت للبيت
وسعد جاب علاج ابنه من عنده
كنت النهار كله بس احجي بيها واساعدها
بيوم سعد بلدوام واكع ورجله انفصخت
طلب اجازه وكعد بلبيت
هي اجت شافته
ثاني يوم رحت للدوام واجيت لكيته جايبه غدا وخبز
لمن سئلة سعد كال ايات جابته اليه
اني اخذت الموضوع بحسن نيه
كلت اكيد سوة هيج لان احنا دوم انساعدها
للحكاية بقيه
