رواية خيانة عهد الفصل الرابع 4 بقلم جمانة السعيدي
حياتنا الزوجيه جانت اكثر من مثاليه متفاهمين كلش
وماكو اي خلاف بينا
اتعجب من وحده من البنات تسوالف على مشاكل بينه وبين زوجه
دائما اكول عليمن هلمشاكل
يمكن لان اني جنت جدا مسالمه وشيكول حاضر وتدلل
وسعد انسان طيب وحنيين
كلش حبيته وتعلقت بي كان اول انسان بحياتي
دائما اكله اني احبك
مو تعوفني بيوم من الايام
جان يكول انتي رويحتي شلون واحد يعوف روحه
جمانه السعيدي
بدت ايات تتردد علينا بكثره واني اشجعه
اكله اذا اضوجين تعاي يمنا ماعدنا احد
كل يوم تجي بنفس الموعد
من ادك الباب
سعد يعرف موعد جيته
يطلع يفتح الباب يكول هاي اكيد ايات
جان سعد يطلع برا بنفس موعد جيته ويفتحلها الباب
ويتبادلون السلام والابتسامه
كلما تحتاج شي او مساعده اضل اني الح علي حتى يساعدها
وكم مره اخذه ويانه للاسواق واشتري الجهاله
جهاله يحبون سعد كلش
كل مره تجينه جهاله يحضنون سعد ويكعدون بحضنه
اني اكول خطيه يجوز يشتاقون الابوهم
اي شي يعطل ببتهم او يحتاجون مساعده
اني اكله روح خطيه انته اخوهن ماعدهن اخو
لاتعتبرون طيبتي هاي غباء وانما حسن تربيه لان اني عمري مااستغليت احد ابد
وخاصه الي اكل واشرب وياااا
عمري مافكرت اخون احد عاشرته
كثرت كلامي كدام زوجي عليها وعلى جماله وحظه السىء
وتشجيعي الها انو تتردد علينا
وشتحتاج انساعده
خلاها تحسدنا على حياتنا
وتحاول تاخذ كلشي مني واني على نياتي
كلشي قدمته اله في سبيل الله
ورب العالمين ايجازي الناس على نياتهم
اكثر من سنه صار من دخلت حياتنا
وزواجنا صار اتلث سنوات
جمانه السعيدي
بدا سعد شويه يتغير عليه
يعني جان وين مايطلع يصمم ياخذني ويا حتلو يروح يجيب صمون
لو يروح للاسواق يكول امشي ويااااا
خل نغير جووووو
مرات نروح نكعد على الشط نغير جو
اني مرات عندي تنضيف وما اقبل يكول من نرجع
اني اساعدج بلتنضيف
وفعلا جان يساعدني بكل شي بلبيت
بدا شويه شويه يتغير
يعني يطلع ومايصمم ياخذني ولو كعد بلبيت هواي يخابر وماله خلك الاي شي
جنت اعذره اكول ضغط الشغل علي
وما الح على هواي
ومرات اكول يجوز يضوج لان ماعدنا اطفال
بديت اراجع دكتوره كلش زينه على مود الاطفال
بهاي الايام اختفت ايات كامت ماتبين ابد
نهائيا ماتجبنا ولا اشوفه
...اكلك سعد شو ايات هليام ماكو مختفيه وين صارت
...واني شمدريني بايات
...يجوز رجعها زوجها بسلا صدك رجعت
اذا رجعت صدك مخبله
معقوله تعيش ويه هيج انسان
شبيه ميت واحد يتمناها
زغيره وحلوه ولا جنها مزوجه وحبلانه وجايبه
ايجوز اهلها ضغطو عليها ترجعله
ايسونها مايكدرون يتحملون مسوليه جهاله
هي دوم تشكي من امها تكول تريدني بس ارجع
اكلك راح اسئل امها عليها وين صارت
...بكيفج روحي بس لادوخيني بعد بايات وتحجين عنها ابد
...هاي شبيك عيوني هليام مالك خلك اكو شي متعبك شي
كلي بلكت اساعدك
...ماكو اي شي اريد انام تعبان
...زين راح اسئل امها واجي
...طفي الضوه اريد انام
وفعلا رحت سئلة امها عليها كالت رجعت الزوجها
واني كمت احجي على امها
خطيه ليش رجعتيها الهذا المجرم خاف يذبحها هي وجهاله
. امه ..محد يحملها ويحمل جهاله غير ابوهم
رجعت سمعت سعد يحجي بلتليفون بس ما اسمعه شيكول يحجي بصوت ناصي
فتحت الباب حسيته ارتبك
وكال مع سلامه بعدين اخابرك
...هااا حبيبي بعدك مانمت
...اي صديقي خابر عليه
...اتصور مرجعين ايات الرجله شنو من بشر ذوله لمن يذبحه يله يرتاحون
سعد ...وحنا شعلينا بيهم
...طبعا رجلها مستقوي عليها من ورا اهله كلما يكتلها وتجي زعلانه يرجعونها اله
...حبيبتي لاتحركين دمج تعاي نامي همه ادرا بمصلحة بتهم
من عدنا
فاتن ...بس ولله عجيبه ليش ماسلمت عليه من راحت ولاكالتي
...تدري راح تعارضين وتمنعينه
...طبعا امنعه هذا الزواج من اصله غلط والي ينبني على الغلط ايضل غلط
من البدايه ماسئلو على الولد
ماصدكو تجيهم قسمه كلشي الجان
زوجوها ركض عبالك حمل عليهم
مايدرون راح تتعذب طول عمرها
.سعد ..حبيبتي راح انضل نحجي بايات طول اليل شو تعاي بحضني خل انام
للحكايه بقيه
