رواية تزوجت حماي الفصل الحادي والثلاثون 31 بقلم عائشة الدليمي

قمر ــــــ اتفضل

كنان ــــــ الله الله ول يابه ماتنتبهين

قمر ــــــ خليني بحضنك اشويه

كنان ــــــ ههههه اوف اضمج بلبة گلبي مو بس بحضني ياروح حبيبج انتي

قمر ــــــ شالني،،، عيب كنان هسه نيار يحجي نزلني

كنان ــــــ شمعرفه يمعوده

قمر ــــــ هاي نجمه ثالثه

كنان ــــــ اي اترقيت

قمر ــــــ بست نجماته وحضنته،،، تستاهل ابو صلاح مبروك

كنان ــــــ الله يباركلج يالعشگ

قمر ــــــ نزلني حبيبي

كنان ــــــ من عيوني غاليتي

قمر ــــــ مرا الايام واني وكنان رجعنه عصافير حب قررنا نسوي طفل وصار عدنه جنه نتمنه تطلع ابنيه كافي عندي كومه جهال صلاح ونيار و عمر شصير انوب فتحت روضه بيهم اجه الشهر الي اعرف الطفل انثى لو ذكر خابت امالي من گالت اوليد كنان كاتل نفسه يريد بنوته رجعنه الطريق كله ابجي

كنان ــــــ هاهيه حبيبتي بس تمام الخلقه لتنقهرين

قمر ــــــ هئ مايصير عندي بنات

كنان ــــــ لا عيوني الولد بيضته اتصير اضعف من البنيه شمدريج مالله يرزقنه ببنوته ورا هالوليد وشمدريج ميطلع الوليد بنوته

قمر ــــــ هئ ماجيب بنات ماجيب البيت انترس ولد

كنان ــــــ ته شسالفه يمعوده همه بس اربعه

قمر ــــــ رجعنه لگيت اخواته جايات سلمنه عليهن

ام كنان ــــــ شبيج ييمه تبجين

قمر ــــــ عمه بيه وليد

ام كنان ــــــ خير من الله خير من الله

قمر ــــــ اريد ابنيه هئ

ام كنان ــــــ گولي الحمد الله غيرج مو لاگيهم والولد باقيلج طول العمر البتيه تزوجينه وتروح

قمر ــــــ والله جذب البنيه حبيبة امها البنيه مريوده وكنان يريد بنيه

ام كنان ــــــ شلون راح اگوملج بالنعل

ريام ــــــ عوفيها هيه يجيها وادي العگل

قمر ــــــ مرا الخمسشهور وجبت علاوي وبعدها مرت سنه رجعت للمدرسه شفت صعبه دراستي وجهالي و البيت و صلاح لازم ادرسه عفت المدرسه گلت فد نوب ادرس خارجي لان اني هيج هيج رايحه مسائيه اجيب بنيه و بعدها اروح خارجي وكنان ميقصر والله ماقصر ويايه رغم الضغط العليه والمسؤوليات،،، كنان

كنان ــــــ نعم

قمر ــــــ كنان قررت ابطل

كنان ــــــ انجبي روحي ادرسي مو عندج امتحان كيمياء لو هم ناويه اجيبيلي تلاثين

قمر ــــــ كنان خل انتبه على جهالي و بيتي حتى انته هملتك ولا اني طالعه من خطيتكم ولا من خطية دراستي

كنان ــــــ قمر لتقهريني عفيه روحي منا

قمر ــــــ اكمل خارجي مو هسه

كنان ــــــ امتحني نص السنه اذا نجحتي اتكملين رسبتي سوي البدالج

قمر ــــــ خوش اني راح انام هم شويه ويگعد الافندي يريد حليب

كنان ــــــ ماكو نوم ادرسي

قمر ــــــ طبعا اني خامس لان من جنت حامل بعلي درست رابع و هسه خامس وشويه احس نفسي ازماله من اجه علي اتغيرت مالي وكت ادرس ابد ماخلاني انام كملت دراسه ونمت شد عليه كنان فد شده بس اني مالحگ مالحگ وگعت بخمس دروس وهاي لازم امتحنهن اخر السنه فبطلت كنان زعل مني يعباليني متعمده ارسب جنت امسح الطرمه وهوا يشد بالتنور بالحديقه اجت ريام سلمت عليها راحت سلمت على اخوها جبت مي شربت وانطيتها ماعبرني ولا عبالك موجه عفت السراحيه والگلاص يمه ورحت كملت مسح الي ربثو جهالي وجهال ريام گلت خل ازلگ نفسي بلكت يهتم شي الله گال اشو تعاي اعلمج التمثيل عالصحيح زلگت من صدگ گلبت الدنيا بالصياح ركض عليه شالني

كنان ــــــ اش اش مابيج شي مابيج شي اسكتي

قمر ــــــ رررجلليي انكسرت رررجللييي انننكسرررتتت

كنان ــــــ اش هسه انروح لدكتور بس اسكتي

قمر ــــــ صعدني لبسني رداء وفل الشال الخالته على خصري تا لا يتبلل ملابسي

كنان ــــــ اسكتي يولي ته اله كل عقلج

قمر ــــــ حموت يكنان حموت

كنان ــــــ خبال يولي مابيها شي هسه اطيبين

قمر ــــــ رحنه للدكتور طلعت مكسوره صدگ جرها وجبسلياها رجعنه للبيت

كنان ــــــ ثوله

قمر ــــــ ههه والله الله عاقبني

كنان ــــــ ليش عيني

قمر ــــــ ردت اسوي نفسي زلگانه تاشوفك اتخاف عليه اشو زلگت من صدگ

كنان ــــــ اوف عجل تستاهلين ابو زايد

قمر ــــــ ههه من شلتني بحضنك راح كل الوجع

كنان ــــــ اي صحيح مو ضليتي اتعوصين

قمر ــــــ ههههه حبيبي كله مقبول منك بس المهم ترضى اگلك كنان انته بالبدايه مو قبلان عالدوام اشو تعلقت بيه اكثر مني بالنهايه

كنان ــــــ شفتج متفوقه بس السنه الله عماج

قمر ــــــ هههه مو علاوي دمرني دمار وابو علاوي يلح ادرسي صخمي انوب صلوحي ثاني مسؤوليه جبيره عليه

كنان ــــــ اي

قمر ــــــ اخ يمه اخ

كنان ــــــ سمعتي الدكتور شگال گال لتحركينها

قمر ــــــ احبك

كنان ــــــ لو تحبيني جان نجحتي

قمر ــــــ انجح بس خل اجيب بنيه

كنان ــــــ لتفكرين بجهال اذا ماكبرو عمر و نيار

قمر ــــــ نيار واعي اكثر من عمر

كنان ــــــ شهالذكاء يولي الخارق غير نيار اكبر من عمر فشي اكيد اوعى

قمر ــــــ ها هههه هم صحيح

كنان ــــــ بلوه انتي

قمر ــــــ احلى بلوه بحياتك

كنان ــــــ اسوء بلوه

قمر ــــــ زعلت ومارضه اذا متنزل اجيبلي ببسي و بقلاوة اشو مشتهيتهن

كنان ــــــ تدللين مو من عيوني

قمر ــــــ تسلم عيونك حبيبي،،، نزل راح جاب بقلاوة وجيس حليب خلاهن بحضني

كنان ــــــ شعندي غيرج احبل اجيب

قمر ــــــ هذا

كنان ــــــ ماكو ببسي بعد منا ليما اطيب رجلج ماكو ببسي منا وهيج ريوگج حليب وغداج وعشاج

قمر ــــــ من زود ماحبه بس احب حليب الجياس اخلطه ويه الجاي

كنان ــــــ لا عيوني جاي ماكو بعد هذا جبتلجيا بين ماجيبلج حليب طبيعي

قمر ــــــ كنان لتسوي هيج تدري بيه ماحب حليب الهوش

كنان ــــــ والله مشكلتج تا المرا الجايه تتصرفين عدل عمرج 19سنه شوكت تكبرين يولي

قمر ــــــ انته ماعليك شوكت اكبر اني شوكت مايسامحني حبيبي اكبر

كنان ــــــ انتي خبله

قمر ــــــ وحبيبي يحب اخبالاتي مالك لازم اخ اصبعي ترا زوجي ميقبل اتعض اصابيعي زوجي ضابط كل شغله تعذيب يكسرلك سنونك

كنان ــــــ انتي مينگدرلج

قمر ــــــ رضيت

كنان ــــــ اي رضيت بما انو ضحيتي وكسرتي رجلج لخاطر زعلي

قمر ــــــ اضحيلك بحياتي بس مو برجلي والله موتتني

كنان ــــــ هههه فدوه الي يجوز دفعت شر عن كنان

قمر ــــــ اخذت ايده بستها

كنان ــــــ احبج

قمر ــــــ كنان اعشقك اني

كنان ــــــ هاي وصلينه

قمر ــــــ شالني وبحضني علبة بقلاوة و جيس الحليب اتحمدولي بالسلامه اخذ البقلاوة خلاها بمواعين ودارها اجه گعد يمي وكلني وعمتي اتصنف اني اتعودت گبل اخجل منها ومن عمي من يصنفون هسه لا،،،،، والله يعمه گلت اسوي نفسي زلگانه اشو زلگت من صدگ

ام كنان ــــــ المهم جبتي نقش

قمر ــــــ ههه انكسرت رجلي يانقش يابقش

كنان ــــــ فدوه الي