رواية تزوجت حماي الفصل الثاني والثلاثون 32 بقلم عائشة الدليمي

قمر ــــــ ضلينه نضحك رغم انكسرت رجلي واكلتها موحله بس جان يوم سعيد اهلي زاروني وعماتي وخالاتي خطيه هم زارني وعمتي وگفتلي وگفه ماجنت اتوقعها هيج لان بالبدايه متفكر بس بولدها وسعادتهم بس فرحت حيل من شفتها مهتمه بيه وزادني فرح من اتگول لامي

ام كنان ــــــ روحي يم قمر والله حسبة ابنيتي قمر واني اهتم بيها

قمر ــــــ وبالفعل امي راحت لان امي مترتاح بمكان مو بيتها تاخذ وقت طويل حتى تتعود كنان التحق مر شهر وطابت رجلي بدينه انراجع على خلفة بنات طلعت بيوض البنات ضعيفه حيل انقهرت من گالت هيج،،، دكتوره ماكو علاج شي مقويات حي الله شي حتلو زرع المهم ابنيه اريد

الدكتوره ــــــ لا إن شاءلله متحتاجين الزرع استمري على هالادويه وإن شاء الله تجيج احلى بنوته

قمر ــــــ الله يسمع منج دكتوره والله اريد اجيب بنيه تا اگعد هاهيه عندي روضه كامله جهال

الدكتوره ــــــ هههه الله يخثر دارج

قمر ــــــ تسلمين دكتوره،،،،، رحت

كنان ــــــ هاشگالتلج

قمر ــــــ گالت بيوض البنات ضعيفه انطتني ادويه گالت استمري عليهن وإن شاء الله يصير عدنه بنوته

كنان ــــــ بس جيبيلي بنوته والله لو تطلبين عيوني لنطيج

قمر ــــــ ابتسمتله،،، مثل مانته تريد بنوته اني هم اريد بنوته

قمر ــــــ رجعنه للبيت لگيت عمي اخو ابويه هناك لاعب طوبه مدري شبي اجه جرني دحگت لكنان بتساؤل سحبني للسياره،،،، لحضه عمو شصاير

ابو شداد ــــــ بعد متبقيلهم مرا امشي

قمر ــــــ ماروح عمي ليش اروح هذا زوجي وجهالي وعايلتي وين اروح ماروح

ابو شداد ــــــ امشي كتلو ابن عمج كتلو اليوم

قمر ــــــ انصدمت دحگت لكنان وكنان هم مو مفتهم السالفه عاد عمي حجه

ابو كنان ــــــ انته محروگ على ابنك ابني شله لازم بأبن عمه ماله لازم ولا حتى ندري تويتنه درينه منك الله يشهد

ابو شداد ــــــ ميهمني ميهمني

كنان ــــــ اگلك لا اتخبل يمي ابنك مات ودمك حار هسه روح سوي فاتحتك ومن تخلص الفاتحه التامرون بيه احنه حاضرين بس صوب مرتي اخليها مو دم واحد ادمي الكل وهسه يالله عمي خل اوصلك الضاهر جاي عبري

قمر ــــــ اتعصب وكنان اتعصب اشرلي للبيت طبيت واني ابجي على ابن عمي اجه كنان

كنان ــــــ مياخذونج مني هذا العايز والله ماعوفج لو على اخر نفس بيه لتبجين يعيوني

قمر ــــــ هئ كنان اريد اروح عالفاتحه

كنان ــــــ تدللين يالله بدلي امي هم اتروح وياج

قمر ــــــ بدلت ورحنه اني وعمتي خابرت كنان بهدعش بليل تانرجع وتونه طالعات سحبني عمي وسجني بالمخزن ابويه يريد ويريد منه بس حقير ذب المفتاح مدري وين وعمتي لازم اديه من الشباك و اطمني انو يجي كنان ويطلعني تخبلت بخبال عمي عمي هذا وحيده ماعنده لا بنات ولا ولد بس شداد فمتخبل عليه اجه كنان حجه وياه بكل ادب عكس لمن رجعنه العصر جان منفعل حاول يهدي ماقبل ويگله طلگها عرفت كنان بدا يتعصب ناديته،،،، كنان

كنان ــــــ لتخافين هسه اكسره ونروح

قمر ــــــ صار يكسر الباب وماحسينه غير عمي ضارب كنان على راسه بالكرك تخبلت من شفت هيج كنان داخ اريد اطلع عليه مقفول الباب ركضو جابو مي وطشو بوجها صحى اخذو گعدو عالكرسي شويه وگام

كنان ــــــ انطوني مرتي عمي رجعلي مرتي لا اتصير بيها شرطه وماشرطه

ابو قمر ــــــ استر علينه من الفضايح عمي وخليها هاليومين بين ماتگضي الفاتحه واني بنفسي ارجعها مو بكيفه

قمر ــــــ كنان،،، اجه يمي،،،، هئ دنگ بس اريد اشوف راسك

كنان ــــــ حبيبتي مابيه شي عيوني

قمر ــــــ دنگ راسه وشفته،،، خيط الجرح كنان ينزف

كنان ــــــ إن شاء الله يروحي ديربالج على نفسج ماوصيج وإن شاء الله هل يومين اجي اخذج

قمر ــــــ راح ورما راح كسرو الباب طلعت رحت للبيت ابويه عمي تخبل على ابنه شذنبي كنان ابن عم الوليد شذنبي وبعدين هوا حادث وشداد الخاطم جدامه صوج امه الماتلمه بس حايره اتگص فلانه وعلانه وتروح كل وكتها امسربه علينه وعلى بيت عمي عماد مرت الفاتحه واجه كنان تياخذني عمي تخبل المشكله عمي عماد وعمي اياد وگفو وياه ومصرين على طلاگي من كنان شذنبي وشذنبه ماگدر يسوي شي لان مطر يروح يلتحق المهم اخذوني وراحو گالو كنان يريد يطلگج اتخبلت من عرفت ادگ عليه ميرد اجه عمه يلح على ابو كنان هوا يطلگنا طلاق غيابي تطلگنا بس اني ماقبلت اله بوجود كنان بس اجبروني رجعت لبيت اهلي واني منهاره كنان مستحيل يطلگني اصلا بعده بالدوام يعني معقوله مانتضر يرجع ويحاول لا مستحيل يسويها متأكده ميه بالميه عمامي تحاوشو بيتنه ويلومون بأبويه رغم طلگوني وكتبو الجهال لابوهم حسيت حياتي انتهت مابطلت اخابره بس ميرد ورا شهر رجع من الموصل يكاون بعمي الساكن يمنه يريد يرجعني نزلت اسمعه يگله جذاب جذاب،،،، كنان ليش طلگتني

كنان ــــــ ماطلگتج امشي اليوم لو على جثتي ترجعين اليوم

قمر ــــــ هئ طلگونه غيابي كنان طلگونا مو مرتك والجهال وصيتهم صارت الك

كنان ــــــ والله احرگ الدنيا على راسج اذا صدگ

قمر ــــــ من راح خابر على عمي عماد اخذوني اتجرجر لبغداد بتنا هناك وثاني يوم طلعنا لبيت عمي اياد الموجود باربيل اخذو موبايلي ببغداد وكسرو مر شهر بعيده عن جهالي ولا اگدر اتواصل ويه اهلي ولا ويه جهالي ولا ويه كنان احس انتهت حياتي شگد جنت فرحانه وماعايزني شي بس طفله بس ماعرف شهالكابوس منين طلع ماتت ام شداد وبقيت باربيل وحدي الكل راح بقيت اني حاولت اتواصل ويه كنان بشتى الطرق بس ماگدرت خلص الاكل وبقيت يومين على زبد بطني تا رجعو انطوني اكل اكلت مثل الماهومه والشهريه غايبتلي تمنيت احمل ويبطل هالطلاگ تمنيت ارجع لكنان ارجع للضحك والونسه و للحب العايشه بيه للجنه الجنت بيها كلما اتذكر الحياة الحلوه العشتها وياه والحب والحنيه اموت من القهر يمكن حسدت نفسي الوحيده العاشت حب حقيقي بدون ماتنكدر بدون ماتنقهر صح بالبدايه بس عوضني كنان عن كلشي مرا الشهور وبطني كبرت تخبلو من عرفو اني حامل تخبلو وابو شداد يريدني انزل الطفل تخبلت گلتلهم،،،، والله بس ايصير للطفله شي والله والله والله انتحر واگول همه كتلوني،،،،، راحو وعافوني ضحكت على حجايتي انتحر واگول همه كتلوني ليش اني مو ميته انتبهت انهو گلت طفله رفعت ايدي للسمه وگلت،،،، يارب يارب بنيه البطني يارب يالله ياربي بنيه وافرح كنان بيها مر شهر وعمي اياد قرر يرجع يعيش ببيته الي صلحه اني متت من الفرح يعني راح اكون قريبه على كنان هوا يداوم بالموصل رحنه للموصل بس الموصل جبيره وين اصادفك يكنان سويت خطه خابرت امي و گلتلها تخابر كنان وتگله قمر تريد اتشوفك اني اعرف هسه وقت التحاقه خابرت ردت زوجة عمي