رواية خيانة عهد الفصل الثاني 2 بقلم جمانة السعيدي
بعد وفاة امي باربع اشهر توفى عمي الماخذين سوسن اختي
وهنا بدت حرب ثانيه على سوسن
لان مرت عمي جانت خايفه من حب رجل سوسن اله خاف تغيره وتاخذه منهم
بدت اطلع عيوب الدنيا كلها بيها وكل يوم مشكله شكل
وتجي سوسن زعلانه ويجي رجلها يراضيها
خصوصا واخوانه الازغر منه اثنيينهم طلعو بيت وحدهم
والمسوليه كلها صارت علي
رجعت اني اداوم وهاي السنه الاخيره
كل شهر انزل مره والمصرف مره من هاشم ومره من ناظم
جمانه السعيدي
حسيت اني حمل زايد عليهم لان همه عدهم اطفال
وكل واحد منهم صار عنده عائله
جنت اقتصد حيل بلمصرف
لمن عدة السنه على خير ونجحت والحمد لله
حسيت نفسي تغيرت وتقوية شويه بسبب الغربه والدراسه
كل البنات بلكليه مايطلعن اله مزوجه لو مخطوبه
واني كنت ابتعد كل البعد عن الشباب
اهم شي عندي انجح وبس
طلعت هوية محاميه وبديت اداوم بلمحكمه
بمنطقتنا ماكو بس اني محاميه وبنيه ثانيه اسمها ميساء
وتقريبا اربعين محامي
ميساء المحاميه الي وياي اول شهر ونخطبت وزوجت بغير محافظه
وبقيت وحدي استحي اكعد وياهم بغرفة المحامين
اروح اكعد بغرفة الموضفات
جمانه السعيدي
المدير ميقبل اله اكعد بغرفة المحامين
بلنسبه للمحامين جانو مسيطرين على الوضع
حتى قضايه مايخلوني الزم
يعني مثل الحرب صارت عليه واني ما كدرت اقاوم هاي الحرب
قررت احول من محاميه الى موظفه بلطابو
وفعلا قدمت اوارقي وبسرعه انقبلت لان اني عدي شهادة
محاميه
داومت شهر واحد وسقط النضام
جمانه السعيدي
لمن رجع الوضع استقر رجعت اداوم
صحيح هاي الوضيفه
اقل من طموحي وشهادتي
بس جان صعب اكدر اكمل وياهم
كل المحامين جانو مسيطرين بشكل غير طبيعي
ولان اني محترمه نفسي وبحالي
شدووو وياي كلش
استمريت بلدوام
وتعودت على وصارت علاقتي كلش زينه
بلموضفات الي وياي
الموضفات كلهن اكبر مني قديمات بلوضيفه
ومن راتبي بديت اساعد اخواني ولو جان راتبي قليل
بس كنت اريد اسد جزء قليل من تعبهم وياي
الكل جان يحترمني ويقدرني
لان اني لبسي محتشم وماليه علاقه باي احد
فات سنه على دوامي بلطابو
جان اكو دلال قطع اراضي وبيوت دائما يتردد علينا
رجال جبير بلعمر
الوحيد الي اني احجي ويااا واخذ وانطي
لان جبير بلعمر
وانسان محترم بشكل
الحد ما فد يوم اجا ويا اخو للدائره وشافني
هذا الدلال جان حاجي الاخو عني وجايبه حتى يشوفني
واذا عجبته يخطبني
اني ما جنت اعرف بهاي الخطه
وفعلا عجبته
وبدون سابق إنذار لكيتهم جايين للبيت يخطبوني
كانت مفاجئه بلنسبه اليه
اسمه سعد ونفس عمري مهندس بشركة نفط
للحكايه بقيه
