رواية عشقت ابيه هديل واسر الفصل السابع عشر 17 بقلم امونه
.الفصل ال17
آسر رجع بيته حزين. كان نفسه يشوف هديل. كل تفاصيلها وحشته.
رقتها ضحكتها شقاوتها جنانها كثوفها
طلع الشقة ملهاش حنين استغرب بس لما مشى خطوتين لقي ورقه مكتوب عليها
سلمى صاحبتي تعبت ف روحتلها شويه مش هتاخر. ف أطمن وحط الورقه ومشي بخطواته القويه الخفيفه ع اوضته فجأة وقف
و ظهرت ع ملامحه الهدوء ورجليه غيرت المسار اتفاجئ لقي نفسه ف اوضه هديل
آسر بصوت مسموع وتنهيده حاره :هديل.
دخل اوضتها وبدأت الضحكه تترسم ع شفايفه و عنيه بدأت تبص بتركيز ع كل تفاصيل الاوضه ممكن يلمح طيف هديل
قلع جاكيت البدلة بتاعته ورماه ع السرير وراح ناحيه دولابها كان فيه لسه شويه هدوم خاصه بيها . ضحك بهدوء وبدأت أيده تنتهك خصوصية الملابس ولو كانت تقدر ع الكلام ل صرخت من آثر لمساته.
بدأت عنيه تبص ع كل مكان ويتخيل هديل ف الاوضه.
بص ع السرير والمخده وقعد ع السرير وحط أيده ع المخده
اتنهد وقال بثقة وحب : اكيد دموعها نزلت كتير ع المخده دي كل ليله. سكت شويه وبعدين قال ب ألم بسببي
سببي انا ..قالها بحزن أبيه آسر.
غمض عنيه ب الم وحط أيده ع صدره وبدأ يميل بجسمه ع السرير بهدوء لحد ما فرد جسمه ع السرير. وعيونه شاردة ف السقف. ومخيلته مصوراله هديل كويس اوى بكل زكرياتها ف الشقة دي
آسر أتنفس بعمق يمكن يشم رائحة هديل.
آسر بحزن :يا ترى لسه بتحبيني يا هديل!
ف الفيلا
هديل قاعدة مع مامتها تضحك وتهزر.
وفجأة نورا صاحبتها جات اخدتها اوضتها بعد ما سلمت ع فريدة هانم
ف اوضه هديل
هديل بدهشه ف ايه ي نورا خضتيني
نورا بفرحه ف حفله حلوة اوي ف الفيلا اللي قصادكم
هديل بحزن لا بلاش نفسيتي تعبانه
نورا ليه بسبب سي آسر تصدقي انا بقيت بكرهه
هديل بزعل ليه بس يا نورا
نورا مش عارفه مغرور ورخم ومعقد
هديل بهدوء لا خالص . دا انسان جميل خالص
نورا هو انتي بتحبيه علشان شكله حلو وجنتل مان وكده!
هديل بعنف لا طبعا
نورا اومال هتموتي عليه ليه. ما انا اول ما شوفته ف شقته اول مره لما جيتلك كنت هموت عليه بس معاملته الباردة كرهتني فيه
هديل بهدوء بس هو عمره ما عاملني معامله بارده . بالعكس كان مهتم بيا اوى . هو ساعات كان بيقسي عليا بس كان دايما حاسس بيا وفاهمني
نورا بصتله بغضب وتريقه اسكتي يا هبله بالعكس دا كان مطنشك حتى وكان يقول علينا مراهقين وأطفال
هديل بوجع مكتوم طب امشي مش هاجي معاكي الحفلة
نورا لا لا يا هديل علشان خاطري دي حفله دمااااار وفيها كتير من صحابنا
هديل اوك وقامت جابت لبس هادي وجميل ورقيق
نورا مسكته منها ورمته ايه القرف دا . ذوقك نزل خالص وجابتلها لبس تاني آخر موضه وجامد
هديل برفض وامتناع لا
نورا بحيرة ليه دا قريب من بتاعي
هديل بخوف لا لا آسر بيدايق من الحاجات دي
نورا وانتي مالك وماله وبعدين ما يخليه ف خطيبته. وخدي هنا. مين قالك انه بيدايق من ذوقك
هديل بقلق وزعل لما كنت عايشه في شقته وكان فرق السماء والأرض من خطيبته
نورا خطيبته دي هبله علشان بتسمع كلامه وبعدين مش هو رفضك خلاص يبقى ملوش حكم عليكي وبعدين دي موضه يعني رقي حاجه راقية وبدأت تلبسها بالعافية وهديل قاومت وبعدين استسلمت.
ف شقه آسر
آسر نايم ف سرير هديل.نايم بكل هدوء.
اللي يشوفه يقول أهدى واجمل من الطفل. يقول براءة مش عاديه.
مين اللي قال إن إلاناث اطفال و نسي يقول إن الرجاله أجنه ف بطون امهاتهم.
وهل يوجد ما هو أشد فتنه وجمال من براءة وهدوء الرجل!؟
فجأه موبايله رن ف صحي مفزوع.
آسر :ايوه يا حنين
حنين ببكاء :آسر ممكن تيجي عندنا فورا سلمى تعبانه اوى وابنها كذلك
آسر بإندفاع حاضر حاضر جاي دلوقتي متقلقيش
آسر طبعا عارف العنوان وعارف سلمى وان جوزها بيسافر ويجي وهي صديقه حنين المقربة كتير كانت حنين بتزورها لما كانت حامل
آسر ركب عربيته وراح ع العنوان
ووصل للشقه وبدأ يخبط بقلق
حنين جريت ع الباب وأول ما شافت آسر حضنته وقعدت تعيط ف حضنه
آسر حط أيده ع رأسها
آسر بصوت هادي وحنين بس أهدى متخافيش انا جمبك
حنين بصتله ببكاء قاعده تصرخ مش راضيه تسكت و ابنها قاعد يعيط بردو ومش عارفه اعمل ايه
آسر بهدوء وحنان طب متقلقيش هتصرف وطلع موبايله ورن ع دكتور صاحبه
وبالفعل الدكتور جه وكشف عليها وهي هدأت. وسابوها ترتاح ف الاوضه
آسر شكر الدكتور اوى.
وبعدين الدكتور مشى واسر راح ف الصالة لقي حنين قاعده بهدوء وف أيدها حاجه صغيره
آسر قعد جمبها بحنان وبيبص ع اللي ف أيدها لقاه طفل صغير تقريبا عنده 3شهور
آسر قلبه انتفض . أول مره من زمان اوى يشوف طفل . أول مره يشوف حاجه صغيرة كده بالجمال دا كله
حنين بصتله بضحك
آسر ضحك بشده ومن قلبه.
وقال ف سره : أشد الفتن هي ضحكه الأنثى بعد البكاء.. .
آسر حط أيده حوالينها بالطفل اللي ف حضنها وحضنها بهدوء وضحك
حنين ضحكت من رده فعله
فجأه لقوا خالد قدامهم
خالد بتريقه طب اقفلوا باب الشقة طيب علشان محدش يشوفكم.
حنين خدودها احمرت وقلبها بدأ يتوتر
آسر بص ع حنين لقاها قلقت من خالد
آسر باستفزاز طفولي طب أهو و باسها من خدودها بوسه طويله مووووواه
حنين شهقت وزقت آسر بحنان من صدره.
خالد كور أيده من الغضب هو عارف ان آسر بيستفزه بس بردو زهقان
آسر ضحك بشراسة وقام حط أيده بقوه ع كتف خالد وقال بصرامة يا عبيط دي ف أيده من زمان دي متربيه ف حضني
خالد اتعصب اكتر
حنين قامت بسرعه وادت الطفل ل آسر
آسر نسي نفسه لما شال الطفل الصغير دا قعد يبصله
حنين مسكت ايدين خالد وضغطت عليهم برقه دا بيستفزك يا خالد متخليهوش ينتصر عليك وبصت ل آسر ب مكر طفولي
آسر ضحك وقال بهدوء اولعوا واخد الطفل وجه يطلع من باب الشقة بعد ما خبط حنين ع رأسها بخفة وقال بصرامة اتصلتي بيه قبل ما تتصلي بيا . بس انا جيت قبله
خالد بدفاع المواصلات والله يا حنين
آسر بص باستفزاز طفولي ليهم هما الاتنين
حنين خلاص بقا يا آسر قلبك ابيض يا سي بابا
آسر ضحك لا يا حبيبتي خلاص كان زمان تربيتي ليكي منفعتش أهو نهايتك مع خالد
خالد بعناد طفولي احسن منك يا باير
آسر بنظره طفولية مضحكه جاتكوا لالارف
حنين تعالى يا بابا هنا واخد يوسف فين
آسر متخافيش هخليه معايا شويه وهيبقي اجيبه . خليكي بس جمب مامته بدأل الزفت جوزها مسافر طول العمر كده
خالد متقلقش هنفضل هنا معاها لحد ما تستقر . بس أبقى عدي يوسف أبقى هاته وبعدين نسيبه مع حنين وسلمي و نروح انا وانت عايزك ف موضوع
آسر بصرامة اوك موافق.
آسر بصرامة سيبوا الباب مفتوح وبعدين
آسر مشى ومعاه يوسف.
خالد آسر بقت معاملته زفت اتغيرت
حنين لا بالعكس والا مكنش سابك هنا معايا
خالد بغيره اسكتي ما انتي كنتي حضناه يا هانم
حنين ضحكت بخجل
خالد بنرفزه عجبتك
حنين لفت أيدها حوالين وسطه وحضنته وقالت بهدوء انت عارف ان انا وأسر يتامي واتربيني سوا واهتم بيا لدرجه كنت بقوله يا بابا وصاحبي واخويا وحبيبي وكل حاجه. زي ما قالك انا متربيه ف حضنه
خالد بغيره دا انتي مصممه تدايقيني بقى وبدأ يلعب ف وشها ويمسك خدودها بطريقه مضحكه وحنين تضحك
آسر ساب العربيه قدام العماره و اخد تاكسي علشان مش هيعرف يسوق ب يوسف
فجأة بقى قدام الفيلا بتاعت هديل
آسر وهو شايل يوسف وبيقوله بسعادة تعالى هعرفك ع طفلتي هدول
آسر دخل الفيلا لقي فريدة هانم.
فريده بسعادة ازيك يا آسر فينك يا حبيبي
آسر بابتسامة ما انا بزوركم كل يوم أهو
فريدة يدوم يارب يا حبيبي دا انت مالي علينا الدنيا
آسر بحنان تسلميلي يارب واهو جبتلكم معايا حاجة حلوه أهو
فريدة بسم الله ما شاء الله. آية دا لحقت. هديل قالت انك لسه خاطب
آسر بضحكه رجوليه عاليه احنا ف زمن السرعه بقا
ضحكته رنت ف المكان. وياللعجب وصلت ل إذن شخص مشتاق للضحكه دي اوى من زمان
هديل انتفضت جامد والالماس وقعت من أيدها
نورا ليه كده يا غبيه
هديل برعب ا.... س... ر
نورا وهي بتاخدهم من ع الأرض البسيهم يلا اتاخرنا ع الحفلة
هديل باستغاثه بقولك آسر هنا
نورا بقلق هديل مالك يا حبيبتي انتي كويسه مفيش حد هنا غيرنا
هديل بتوتر بس بس بس انا سمعت ضحكته
نورا بدأت تهدأ فيها وتقنعها أن دي هلاوث
وبالفعل هديل هدأت والحمد لله أخيرا جهزوا نفسهم للحفله ونازلين
هديل نزلت وبالفعل شافت راجل كبير أنيق قاعد بيضحك ويهزر
لبسه شعره ريحته حركاته هيأته شكله
هديل تلقائي آ.. آ... سر
آسر رمشت عيونه فجأه بثبات وكأنه سمع صوت حروف اسمه من باطن حلقها وصوتها الهادي
ف ضحك وجه يبصلها
اتصدم اتصعق عيون بقت حمرا و عروق ظهرت ف رقبته ايديه كورت بغضب انفاسه بقت جمر من حرارتها
هديل اول ما عنيها شافت عنيه واتاكدت انه هو بجد ومش هلاوث فضلت بصاله بشوق
لحد ما لاحظت نظرة الغضب اللي ف عنيه
جسمها انتفض
نورا ادايقت لما شافته
ولاحظت توتر وحالة صاحبتها ف شدتها وبدأو يتحركوا ناحيته
نورا باستفزاز ازيك يا آسر وبصت ل فريدة وقالت فريده هانم احنا رايحين الحفله.
هديل وعيونها ع آسر بتحاول تشبع من عيونه
محستش بالوقت وقد ايه هي بصاله إلا لما لاحظت انتقال عدسة عيونه من ع عيونها ل شعرها رقبتها صدرها جسمها ف برقت عيونها وانتفض جسمها وايدها تحسست هدومها وبصت ع لبسها
لقيته مخجل
بصت لقت عيون آسر رجعت ل عيونها بس بقت مزيج من الغضب الغيره عتاب شوووق لووم
هديل انكثفت منه اوى والهواء ورقه الثوب وعيون آسر حسسها أنها واقفه قدامه من غير هدوم
آسر نزل عيونه من عليها بوجع و ندم بعد ما أطمن عليها و اشبع اشتياقه ليها
نورا واقفه بكل جحود ولا كان ف راجل هنا
فريده مش هتسلمي ع آسر يا هديل
هديل بارتجافه ف كلامها ازيك يا آسر
آسر بهدوء من غير ما يبصلها الحمد لله
هديل بتركيز ماما ايه اللي ف ايدك دا
فريدة دا يوسف ابن آسر
آسر فاق من شروده ع كلام فريده
نورا باستغراب اه يا نمس جبته أمتي دا
آسر رفع حاجبه وضحك ع سذاجتهم بهدوء يالا سذاجة نساء حواء
ما فاقوش من الموقف إلا ع ارتجافه صوت هديل.
هديل بصدمة وضعف ابنك!
آسر رفع حاجبه
فريده ونورا قعدوا يلاعبوا يوسف ويمدحوا ف جماله
آسر هو الوحيد اللي شاف دموع هديل اللي بدأت تمسحهم بقوه
هديل بدأت عنيها تهرب من عنيه وحاولت تتصنع القوة
آسر باصصلها بحنان قد ايه هي وحشاه اوى. اوى نفسه يقوم يحضنها.
هديل عنيها اتحولت من الاشتياق والضعف للشراسه
هديل بشراسة يلا يا نورا ورانا حفله
نورا بتركيز اه صحيح نسيت يلا ... مبروك يا أبيه آسر وضحكت بطفوليه
آسر بضحك ع جنانهم عقبااالك
هديل متحملتش صوته ف مشت بسرعه بإندفاع ونيران جواها بتحرقها اوى اوى
فريده استنوا بس طب هتتاخروا؟
نورا هنهيص للصبح
آسر غضب
فريده بقلق لا لا كدة كتير
نورا خلاص خلاص مش هنتاخر
فريده لا يا نورا مش مطمنه
أسر بصرامة انا ممكن اروح معاهم بس انتي تخلى بالك من يوسف.
فريده ياريت يا آسر أصل انا مش مطمنالهم ومتقلقش هحطه ف عيوني يا حبيبي
نورا مشت بزهق أوف كده الحفله باظت
آسر باس يوسف وسابه مع فريده ومشي ل نورا وهديل اللي مستنيونه ف الجنينة..
