رواية عشقت ابيه هديل واسر الفصل الثامن عشر 18 بقلم امونه
الحلقة 18
اسر ماشي و حاطط ايده ف جيبه و بيبص ع الفيلات الجميله اللي موجوده ف المكان .
و هديل و نورا كل شويه يبصوله .مستغربين منه و من هدوءه و نورا زعلت لان اسر كده هيبوظ عليهم الليله .هي ف اليومين اللي اتعاملت فيهم مع اسر فهمت شخصيته .
اسر خد باله انهم بيبصوله .ف ضحك ف نفسه .لانه متاكد انهم مرتبكين من وجوده .و غيروا خطتهم للاحتفال بالليله و خصوصا نورا حركات .ف ضحك اسر .
نورا بطرف عين. و بلاهه. بتضحك ع ايه يا اسر
اسر بصلها .اسر بهدوء و استفزاز و ف ابتسامه مكر ع شفايفه . مبسوط اوووي اني هحتفل معاكم الليله .و عيونه راحت بسرعه ع عيون هديل ف لقاها بتبصله ف ضحكلها ب حنان و تأكيد ل كلامه .هديل ارتبكت من ضحكه عيونه و شفايفه ليها ف لفتت وشها الناحيه التانيه علشان ميشوفش خدودها اللي احمرت و ضحكتها اللي ظهرت غصب ع شفايفها الجميله المطليه ب لون فاتن .
نورا باستفزاز علشان تدايق اسر ..بس انت يا ابيه اسر كبير و عجوز وضحكت ببراءه طفوليه دليل ع انها بتقولها بنوع من المزاح .وكملت قالت. و الناس كلها هتستغرب منك .
اسر بتفكير و صرامه. ليه يا بطوط
ف الوقت دا هديل بصتله بس هو ماخدتش باله من عيون هديل والعتاب اللي فيهم .
نورا بعقلانيه مصطنعه. لان الحفله دي كلها تحت سن ال ٢٣ او بالكتير ٢٥. طلاب جامعات وبس
نورا وهي بتبصله وراحت ع عليه وقفت قدامه و مسكته من خدوده بعد ما وقفت ع طراطيف صوابعها .وقالتله بطفوليه مازحه لكن انت عجوز يا ابيه اسر و ضغطت ع خدوده .
ف ضحك اسر ضحكه هاديه .حيرت عقل و قلب نورا . ازاي كميه الهدوء و التفاهم دي ف شخصيه قاسيه ومعقده زي اسر .دا رايها ف اسر انه راجعي .
اسر طلع ايده الاتنين من جيوبه و مسك ايد نورا .ف ارتبكت نورا من لمسته .و زادت عليها المعاناه لما هو ركز ف عيونها و قالها بصرامه وضحكه هاديه و هدوء انسي ....انا عارف انك مدايقه من وجودي .
غاصت نورا ف عيون اسر .ف لاحظ هدوءها و استكانتها بين ايديه و لو كان حضنها .ما كانت مانعت . ف حب يفوقها من هرموناتها و مشاعرها الكتير ....هكذا هم الاناث .ف ضربها ب خفه ع راسها. وقال بصرامه. اساسا انا جاي مع هديل .
ف بعدت نورا عنه وعن لمساته و عيونه و جسمه اللي شبه السور المنيع و ريحته بعدت عنه ب قلق .....ما هذا الكائن .! رغم تلقائيته و عفويته و اظهاره ل عيوبه بكل وضوح بما فيها من هدوء ممل. افكار قديمه .كلام ممل مفيهوش لغه العصر. ورغم كده القرب منه ومن شخصيته بيجذبك اوي ل اعماقه .
نفضت نورا راسها من هذا ال اسر .ف هي لا تريد ان تكون سجينته. .مثل هديل .
هديل كانت مدايقه من تصرف نورا و اعتدائها ع اسر بالطريقه دي و اقتحام منطقته بكل ما فيه من تفاصيل جسديه .
هديل بغضب مكتوم .و سخط ع نورا .كان نفسها تروح تمسح خدود اسر مكان ايد صاحبتها نورا
اسر وهو بيبص ل هديل .مالك يا هديل مش بتردي ليه .بقول اني جاي الحفله معاكي انتي .علشان انتي كبيره زيي.
هديل بدهشه و قد عجبها كلامه .ممممم
هديل برقه. كبيره زيك ازاي وانا سني من سنهم .
اسر قرب منها. و حط ايده الشمال كلها ع كتف هديل .ف اقتحم اسفل رقبتها من الخلف و رقبتها و كتفيها و حصلت ع بعض الدفء من قرب جسده منها .مش عارفه كميه الدفء دا جه منين .و بدات ريحته الرجوليه الفاتنه تقتحم انفها ف تغريها و تقتحم جسدها ف توتره و تزيد من ارتجافته .
اسر بصوت رجولي وعيونه عليها :بصي هفهمك .انتي طفلتي بس احنا النهارده هنضحك عليهم وقالها بطريقه طفوليه .
هديل بعد ما فاقت من دوامه قربه ليها .و اول ما سمعت صوته العذب قريب منها .بصت بسرعه ف عيونه .عايزه تغرق فيهم .
اسر بطفوليه .بصي و لا اقولك هنقول ان انا اللي ف سنكم .
هديل ضحكت بانوثه من تساهله معاها لدرجه يتعامل بطفوليه .ايه اللي خلاه يطلع من دور المغرور و القاسي .
هديل. و حبت تحرجه و تحطه قدام الامر الواقع : بص يا
ابيه اسر ....انت جسمك مختلف ب درجات كتير عن اللي ف سني .
اسر بتفكير و حيره و ضحك هو عرف هي هتقول ايه ف وقف ب ثقه قدامها و حط ايده ف جيوبه و ركز مع عيونها .
هديل ضحكت هي كمان غصب عنها ف حطت ايدهاا ع شفايفها تداري ضحكتها .
هديل بثبات و جرأه و حبت تتناقش معاه ف النقطه دي .
هو ف اجمل من الاوقات اللي تشكر وتتغزل فيها الانثي عن الرجل . لحظات مميزه عند الراجل
هديل بدلع هادي. يا ابيه اسر انت جسمك و بنيته قويه و صحيه اكتاف عريضه .صدر عريض .ايدين كبيره .طول .مش رفيع اوي زيهم كده دا هما مش فيهم حاجه خالص و ضحكت بطفوليه .
هديل ب ثقه دا غير انك ملامح وشك الرجوليه تجذب حور العين ..ما بالك ب بنات حواء!
اسر ضحك من قلبه بقوه .و عجبه اوي الاطراء دا وعمره ما هيتمسح من زاكرته .
الراجل لو ف مره حب و عشق و خاض قصه حب كان فيها هو الطرف الضعيف من كتر ما حب حبيبته .
لو رجعنا ل اصل القصه هنكتشف انها هي اللي حاوطته ب حنيتها رقتها معاه ف معاملتها .و مدحها فيه و ف شخصيته و رجولته .
الراجل اناني بيعشق اللي تحسسه ب كيانه رجولته شخصيته ملامحه ......و دي نقطه كويس ......ف الرجوله ليست من فراغ ....
هديل وبصتله ب غضب .و خصوصا لو راجل متجوز .دا الرجاله بتحلوووو اوووووي بعد الجواز .و بصتله ب لوم
اسر بضحكه رجوليه قويه : اه يا لئيمه .يا لئيمه .لئيمه انتي .
ومسك خدودها قرصها
اسر كبرتي اوي يا هدول و بقيتي عارفه كل حاجه .و ضحك .اكيد بطوط (نورا). هي اللي علمتك
هديل بجفاء و مردتش عليه .
اسر بحنان وهو عارف انها لسه موجوعه منه لا وكمان مصدقه انه اتجوز بجد.وخلف كمان .كل دا ف شهر .يالهوي ع سذاجتها .دي غرقانه.وبصلها بعيونها بحنان وقال ف سره للدرجاتي بتحبيني يا هدول
و اتمني وقتها تسمع صوته. و ترد ع اجابه سؤاله دا .
اسر بحنان يلا ع الحفله يا طفلتي
ف ادايقت اكتر بس تماسكت وراحوا ع الحفله و نورا كانت قدامهم بس بعيد شويه ...
هديل دخلت الحفله باندفاع ...
هديل ف سرها و جواها صوت بيصرخ .بيقول. لا لا لا ....و هتنفجر من الوجع .للدرجاتي مش عاوزها .ولا فارقه معاه .انا تعبت خلاص انا عايزه حبيبي يبقي هيموت عليا .سواء كان اسر او غيره .علشان كده قررت ابعد عنه .مش هقدر انساه بسهوله اه .بس هزيد عدد صحابي.
فجاه
ايد قويه مسكت ف كتفها .ف اتخضت
هديل بشهقه :اسر ! نعم ! عايز ايه
اسر بصرامه خليكي جمبي .متتحركيش الا لما انا اتحرك .
اسر :هاتي ايدك
هديل وحبت تغيظه : تؤ .انا هروح اسلم ع صحابي
اسر طب اوك تعالي يلا .اهي نورا اهي كمان
هديل ببراءه مصطنعه لا انا اقصد الولاد
محسن بصلها بعيون قويه و غاضبه و بدا عليه الزهق ف نبره تنفسه و ف نظراته وعيونه وضغطت ع اسنانه و ايده بعنف وقال بهدوء مرعب بتقولي ايه؟
هديل وهي بتلعب ف شعرها و بتهز جسمها بطريقه طفوليه بقولك هسلم ع صحابي الولاد
محسن و الدم جري ف عروقه
محسن شخصيه مستفزه ورقه دايما غامض مش بيكشف عن ورقه خالص
يعني يبقي بيعشقك بس ميقولش ولا يبين .يبقي ف قمه غضبه بس مش يظهر منه غير الهدوء .كل الرجاله ورقهم مش بيحبوا يكشفوه بسهوله بس اسر ب زياده شويه
هديل استنتجت كده من تعاملاتها معاه
هديل سابته ومشت وهي متاكده ان هدوءه دا تحته بركان .و بردو قلقت لان بطريقتها دي هتطلع غضبه بطريقه غلط .اتحركت من قدامه وهي اتاكدت خلاص انها هتاخد منه علقه سخنه وهيديهالها بحجه انه ابيه اسر .
هديل وقفت وسط شله شباب تعرفهم من كليتها.
و بدات تضحك و تتحرك بتبص وراها ملقتش اسر ف زاد جنونها .شكلها بدل ما تعذبه عذبت نفسها .
ف نفس الوقت دا محسن كان ماشي بسرعه ف ارجاء الحفله ف قمه غضبه .الغيره بتنهش ف قلبه .
مقدرش يقف يشوفها وهي مع غيره ولا هيقدر يشوف نظراتهم ليها بلبسها البذئ دا .تحت منطق الموضه
مشي كتير بس لسه وجع الغيره بياكله حواليه ناس و عيون بنات كتير عليه بس هو مش حاسس بحد جنبه .عقله مركز ف هديل ويا تري بتعمل ايه دلوقتي
عنيه بقت حمرا..... دخل مكان كده كان فيه رجاله قدامه .كان حمام بس كان فاضي من جوه
بص ف المرايه وقال بشراسه ايه اللي مانعك عنها !
ب خطوه صغيره منك هتبقي ملكك
اسر باستغراب اخطبها!
وانا مستغرب ليه .هو انا بحبها !
ولما جه ع باله دلوقتي انها واقفه مع غيره وتضحك معاهم .ف نيران جواه بدات تحرقه.ميعرفش النار دي جات منين
اسر بعجز وهو بيمسح ع راسه بعنف. بس انا بس انا اخاف عليها مني. هي مش هتسمع كلامي .وانا عنيد .مش هتهون عليا اجبها بالعنف .ااااااااه انا عايز اعاقبها ع كل لحظه استفزتني فيها ب طريقه لبسها وتكسيرها كلامي
او او ممكن اكون عاوز اعترفلها. ب حبي ليها .
اسر بهستريا عاوزها تبقي ملكي.وقتها ممكن ناري تهدأ شويه.
هديل بدات تمشي باندفاع وسط الناس هو فين .راح فين هديل بضعف
انت فين يا اسر سامحني يا حبيبي .
ف الوقت دا
اسر كان هدأ وبدا يمشي بهدوء لحد عينه ما وقعت ع نورا
بس كانت ضايعه خالص شكلها شربت كتير .
وكان معاها شاب بس شكله مش مظبوط
اسر راح عليها باندفاع زق الشاب ف صدره و قرب هو من نورا و شالها بين ايديه .
الشاب بعنف انت مين انت و مالك سيبها بقولك
نورا بتذمر و ضياع نزلني يا ا...س....ر.....
اسر بيبص حواليه بيدور ع هديل علشان يمشوا من هنا ومتعمد يتجاهل الشاب دا
فجاه اصحاب الشاب دا جهم و لفوا حوالين اسر
وواحد فيهم مد ايده ع نورا و لسه هيشدها من بين ايدين اسر .الشاب لقي دفعه قويه من رجل اسر ف بطن الولد دا
ف ال شباب رجعوا ل ورا و البنات صرخت والولد وقع طريح الارض يتأوووه
نورا ب إغماء. ا...س...ر. نزلني ب...ق.....ا....
اسر تجاهل كلامها
وعيونه لسه ع الناس والطلاب خافوا منه فكروه هيتشاكل .ميعرفوش انه بيدور ع طفلته هديل .
