رواية عشقت ابيه هديل واسر الفصل السادس عشر 16 بقلم امونه
الحلقة 16
آسر نزل من عربيته وقفل الباب و بدأ يطلع ع السلالم وبيحاول يبقى مسالم و هادي . لحد ما وصل شقته
فتح الباب ودخل وبعدين قفله.
وقف ثابت مكانة . بص بقوه ف العيون اللي قدامة.
قرب منها وراح قعد وهو بيبصلها متعمد يوترها.
حنين بهدوء انا أسفه يا آسر علشان خبيت عليك... ولسه هتكمل كلامها بس آسر قاطعها
آسر بصرامة قوليلي يا انسه . كنتي هتعملي ايه ف موضوع فرحنا اللي بعد شهر
حنين بتوتر بس مكنتش خايفه آسر هو صديق عمرها ودايما سند ليها
حنين بارتباك خالد قال هنهرب.
انا كنت ناسيه انه اسمه خالد معلش أثر الامتحانات.
آسر بضحكه رجوليه عاليه. تهربوا!
حنين بقلق وبتلعب ف صوابعها بتوتر.
آسر بعد ما ضحك اتحولت ملامحه للعنف وقال بحنان طب والناس كانوا هيقولوا عليكي ايه يا حنين
آسر بتفكير واستياء وكانوا هيقولوا عليا ايه
حنين لسه هتتكلم وتدافع عن نفسها وتفهمه آسر قام ف قلقت ورجعت بجسمها ل ورا . آسر وهو بيقرب وشه من وشها بطريقه مخيفة وصوته وانفاسه بتزيد توترها
آسر بغضب هادئ كنت مفكرك أعقل من كده يا حنين. وكمل بحزن كنت مفكرك ناصحه واعية.
معقوله كنتي هتعملي كده . طب وانا مخوفتيش مني
آسر بضحكه مرعبه وهو انا مكنتش هعرف اوصلك!
آسر بجمود ردي عليا يا عروستي
حنين بارتجافه انا....
آسر بعنف مش عايز اسمع صوتك
آسر قام وفضل يمشي قدامها يمين شمال ويبصلها نظرات قاتله وحنين كانت ف قمه قلقها وخوفها
آسر وهو ماشي بهدوء وصرامه لو انتي هبله 'و ع نياتك ولما بتحبي عقلك بيختفي . طيب و البيه خالد ! ميعرفش أن دي كارثة هتبوظ سمعتك.
آسر مسك اللي قصاده ورماه بعنف ع الحيطه ف صرخت حنين بخوف وقامت بسرعه حضنت آسر واستخبت فيه
آسر بهدوء وهو ماسك وشها ب أيده وعيونه شايفه عيونها الغرقانه بالدموع وحاسس بخوفها قالها لا لا انسي
آسر ببرود :آسر اللي كنتي دايما تتحامي فيه خلاص مات . آسر اللي مكنتيش بتخبي عنه حاجة خلاص اندفن . آسر اللي كان معاكي من الابتدائى لحد ما بقيتي عروسه خلاص اتمحي.
وزقها آسر ع الكرسي.
حنين بزعل ع اللي وصلوله. قالتله ببكاء مش عايزه اخسرك يا آسر
آسر بهدوء عنيف هو احنا مخطوبين بقالنا كام يا حنين
حنين بألم بقالنا 6شهور
آسر بصرامة مين اللي عرض عليا فكره الخطوبة يا حنين
حنين ببكاء وعتاب لنفسها انا
آسر بصرامة واتفقنا ع ايه يا حنين
حنين دفنت وشها ف أيدها وقعدت تعيط.
آسر قعد جمبها واتنهد بعمق ومسك أيدها بحنيه وبعدها عن وشها وقال بصرامة وهدوء اتفقنا أننا نرسم الضحكه ع قلوب بعض اتفقنا أننا ننسى حادثه اهالينا اتفقنا نبقى مع بعض وننسي كل حاجه كسرتنا بعد موتهم . اتفقنا احتياجنا لبعض يبقى قوه كبيره نسند بيها بعض
حنين بتشهق اكتر
آسر بهدوء انتي اللي خنتي يا حنين و روحتي حبيتي خالد.
وف المقابل ايه اللي حصل!
معرفش يحافظ عليكي . قراراته كلها ف علاقتكم كانت غلط وكانت بتأذيكي انتي الأول قبل ما تأذيه
حنين قربت منه علشان تحضنه وتعيط ف حضنه . بعد عنها وقام وقف وادالها ضهره.
آسر بصرامة بعدها انتي جيتيلي. كنتي دايما بتجيلي اجبلك حقك . بس آخر مره اتفقنا تبعدي عن خالد لأنه مهمل ومدلع ومش هيحافظ عليكي زيي.
و بعدها اتخطبنا وجبتك شقتي علشان خالد ميقدرش يقربلك.
حنين ببكاء انا عارفه اني غلطت يا آسر بس قرارنا كان غلط قرار الخطوبة كان غلط. خالد عمره ما بطل يحبني بس هو احترم قرار خطوبتنا لأنه كان صاحبنا ف يوم من الأيام.
آسر بصلها وعيون قاسيه . مكنش صاحبنا اوى يا حنين . كان من بعيد .
حنين بإنهيار خلاص بقا حرام عليكم
آسر بصرامة آخر سؤال بتكلميه بقالك قد ايه بعد خطوبتنا!
حنين بإندفاع من شهرين بس . لما الاستاذه هديل جت تعيش معانا وانت وقتها حالك اتغير .
آسر بصلها برعب
حنين بإندفاع وانهيار ايوه يا آسر حالك اتغير وخنت وعدنا وحبتها . وكملت بعنف وقتها خالد قرب مني و اترجاني نرجع زي زمان لأنه لسه عاوزني وانت عارف أننا لسة بنحب بعض
آسر بصرامة بس انا محبتش هديل هي ال كانت بتحبني
حنين قامت وقعدت تزق فيه بضعف كداب كداب انت حبيتها انا مش مغفله يا آسر انا عندي قلب بيعرف يميز بين اللي بيحبني وعاوزني ذي خالد وبين اللي عينيه ع واحدة تانية زيك
آسر بعنف انتي تخرسي خالص. انتوا اغبيه انتوا بنات غبيه دايما حظي يقع ف البنات الغبية انتي وهديل نفس الغباء والجنان بتفكروا ب قلبكم وبس عايزين الدبح وزقها وقالها روحي اهربي معاه من دلوقتي
وسابها ومشي طلع برا.
آسر راح ركب عربيته وهو مدايق وطلع موبايله ورن ع هديل طفلته المجنونة
آسر بهدوء الو
هديل بفرحة ازيك يا آسر
آسر ارتاح لما سمع صوتها
آسر بهدوء وراحة ازيك يا بطتي اخبارك ايه
هديل بسعادة الحمد لله تمام وانت اخبارك ايه. لسه زعلان من امبارح!
آسر لا بقيت احسن لما كلمتك
هديل بهدوء حنين أخبارها ايه
آسر بغضب كويسه بصي ألفون هيفصل معلش مضطر اقفل. وقفل معاها ورمي الفون وحاول يهدأ
ف الناحيه التانيه هديل مستغربة وبدأت ترتجف وتشهق لحد ما بدأت ف نوبه بكاء. انا حاسه انه بحالات يا نورا . ساعات أحس انه بيحبني وساعات أحس اني ولا حاجه عنده.
نور بعتاب انتي اللي عملتي ف نفسك كده . الراجل ميحبش البنت المدلوقه
هديل بعيون كلها دموع 'وعتاب بتقولي ايه نورا
نورا بزعل انتي اللي عملتي ف نفسك كده انتي اللي رخصتي نفسك
هديل بوجع انتي ازاي لا أصل نور...
نورا بتوضيح انتي اللي اندلقتي وقولتيله اكتر من مره انك بتحبيه وهو قالك انتي زي طفلته وأنه خاطب دا غير تصرفاتك الطايشه معاه الراجل بيحب البنت الثقيلة وخصوصا آسر دا نوع معقد يعني مش أي بنت تعجبه . اللي بيحب بيبقى زي المجنون وبيعترف بحبه لكن هو رفضك اكتر من مره
هديل بدموع ووجع وهي بتفكر ف كلام نورا صاحبتها اللي كانت جايه تزورها وتطمن ع مامتها
هديل بوجع وتبرير بس انا كنت مفكراه بيحبني بس مخبي . انا مش عارفه ازاي عملت كده ف نفسي بس غصب عني وحضنت نورا وقعدت تبكي بوجع
هديل بوجع مكتوم غصب عني والله يا نورا انا مش وحشه يا نورا انا مش وحشه وبدأت تعيط اكتر
هديل بهدوء ووجع انا حبيته اوى. انا عمري ما كنت كده حبه هو اللي ازاني يا نورا وبدأت تزق ف نورا بوهن
نورا بحقد يبقى لازم تنسيه انتي تستاهلي اللي أحسن منه هو ميستاهلكيش
هديل باستسلام ووجع حاضر هنساه وبدأت تشهق بضعف.
نورا تعالى معايا قومي . بصي ف المرايه
هديل قامت بتعب وبصت وزاد حزنها
نورا بغضب انتي مش طفله انتي انسه جميله و ملامحك جميله وعاقله وهاديه وفيكي براءة طفولي .
خليكي دايما هاديه .
هديل بدموع وبتحاول تستوعب
نورا بزهق هو ازاكي الحيوان ورخصك ومش عايزك ولا فكر فيكي يبقى تمحيه من دماغك
هديل ارتسمت صوره آسر ف ذهنها ع مجسم المرايه وبصتله بعيون باكية
هديل بانكسار عندك حق وهنساه يا نورا وبدأت تمسح دموعها
نورا بانتصار شاطره خليكي دايما قويه
انا همشي دلوقتي
هديل بانكسار اتفضلي
نورا مشت و بعدين هديل راحت ع السرير بعجز ونامت عليه وغمضت عيونها بوجع. معقولة كلام نورا صح .
هديل بانكسار هي عندها حق وانا هتغير وبصت مرة أخيرة ع صوره آسر المجسمة داخل عقلها وبعدين غمضت عيونها بوجع ونامت.
نورا نزلت من عند هديل وقلبها واجعها عليها نزلت تحت وسلمت ع فريدة هانم وبعدين استأذنت منها ومشت.
وهي بتتمشي ف الجنيه لقت عربيه داخله عليها ف استغربت نورا
فجأه العربيه وقفت وطلع منها آسر. نورا برقت بعنيها واتخضت. بس كملت طريقها عادي.
آسر بصرامة ازيك يا نورا
نورا بصتله بقرف وقالتله ازيك
آسر بحاجب مرفوع :نعم! دا ليا انا!
نورا بتريقه انت بتعمل ايه هنا ومتشيك كده ليه. رايح تقابل عروستك و لوت شفايفها
آسر بملامح غاضبة سكت
نورا بشماته سكتت ليه
آسر بصلها من تحت ل فوق باشمئزاز ومشي من قدامها ب قامته الطويلة وبنيته الضخمة ف اتغاظت نورا هو ازاي يطنشها کده.
آسر دخل الفيلا بثقة لقي فريده هانم
فريده :ازيك يا حبيبي عامل ايه
آسر بابتسامة هاديه الحمد لله طمنيني عليكي وع صحتك
فريده بخير يا حبيبي
آسر بيبص حواليه بيدور بعيونه ع هديل مش لاقيها
فريده خدت بالها هديل فوق يا حبيبي . كانت مع صاحبتها نورا
آسر بإحراج اها ما انا شفت نورا من شويه. سكت شويه وبعدين قال هي هديل مش هتنزل ولا ايه. عايز أسلم عليها
فريده بحيرة مش عارفة والله. ثواني
فريده نادت ع ابتسام الداده تطلع تناديلها ف طلعت ابتسام وخبطت ع الاوضه ف محدش رد ف فتح الباب لقت هديل نايمه
نزلت تحت ل فريده هانم
ابتسام :طلعت لقيتها نايمه يا هانم
آسر ظهر ع ملامحه الزعل
فريده بهدوء طب صحيها يا ابتسام
آسر بإندفاع لا لا خليها ترتاح أنا كدة كدة هفضل قاعد شويه
فريده زي ما تحب يا حبيبي
و بدأو يتكلموا ويضحكوا
هديل صحيت من النوم بكسل وحزن مش حاسه ب أي حاجه ف الدنيا ومفيش ف مخيلتها غير آسر وهي نفسها تنساها لأن قلبها واجعها اوى ف نزلت دموعها وافتكرت كلام نورا ف قامت أخدت شاور وجابت لبس جميل هادي و أنيق ومحتشم ولبسته وفردت شعرها و نزلت تحت تشوف مامتها وتطمن ع وقت اخدانها العلاج
بتتحرك ف القصر بدون وعي ومش حاسه بحاجه حواليها وشقه آسر هي اللي ف مخيلتها واوضته وهدومه والبرفان بتاعه
لحظه!
البرفان!
هديل بقشعريره انا شامه ريحته
هديل بتتنفس باضطراب وبتبص حواليها برعب
فجأه ايد جت ع أيدها
ف انتفضت
هديل بارتياااح ماما
فريده بزعل كنتي فين يا قلبي آسر كان هنا وكان عاوز يسلم عليكي
هديل بارتجاف كان هنا! ولفت أيدها حوالين جسمها
فريده هو لسه ماشي دلوقتي حالا
هديل خانتها نظراتها وبصت ناحيه الجنينة لاراديا . وخانتها اذنها وتحاول تسمع صوت عربيته أو صوت أقدامه أو صوت أنفاسه بس مسمعتش حاجه ف حزنت ع نفسها لانها مش قادره تبطل تفكير فيه وحزنت لأنه مشى من غير حتى ما تشوفه.
