رواية عشقت ابيه هديل واسر الفصل الخامس عشر 15 بقلم امونه
الحلقة 15
هديل بفزع وخوف وبترجع ل وراء بتعمل ايه هنا
قرب منها بخطوات كبيره ف بعدت عنه بخطواتها الصغيره ف وقعت منها الوردتين
آسر هو انا ف نظرك وحش اوى كده . ورده كبيره انا وانتي وردة نونو
هديل بدفاع طفولي ما انت اللى كل شوية تقولي يا طفله
آسر وهو بيقرب منها بثقه انا اقول براحتي
هديل بزعل لأنه انتصر عليها بس يا آسر مش تدايقني انا مش لعبه ف ايدك
آسر بصرامة ازاي تيجي هنا من غير أذني
هديل بقوه شئ ميخصكش
آسر برجوليه انتي شايفه كده
هديل بجبروت ايوه
آسر بصرامة طيب مامتك فين.
هديل نايمه
آسر خساره كنت حابب أطمن عليها
هديل ب تساؤل انت كنت جاي هنا علشان كده
آسر بانتصار اومال هاجي ليه
هديل بضحكه حزينه وخلاص أعلنت استسلامها . ولا يهمك . ع العموم هي بقت كويسه الحمد لله
جات تمشي من قدامه
آسر بصرامة رايحه فين
هديل بهدوء هتمشي في الجنينة
آسر بتذمر طفولي ايه قله الذوق دي . دا بدل ما تقوليلي اتفضل
هديل بهدوء أنثوي البيت بيتك يا آسر . اتحرك فيه زي ما تحب
آسر بضحكه هادية جنانك راح فين يا هديل
هديل بهدوء وثبات كنت شبه يتيمة شكل كان عندي اضطراب نفسي لكن الحمد لله ماما رجعتلي و بقا ليا سند.
آسر زعل وكلامها وجعه وانا مكنتش سندك!
هديل بهدوء شكرا لأنك اهتميت بيا وكرمتني ف بيتك ومشت من قدامه
آسر بصوت رجولي قوى اقفي عندك
هديل وقفت بطاعه وبصتله ف عيونه اؤمريني يا أبيه
آسر بحيرة وانفعال ومش عارف يقول ايه
هديل بهدوء هههههههه خليك ورا كبريائك يا أبيه. مكنتش اعرف ان حبك ليا بيقلل من كبريائك في نظرك
آسر ساكت
هديل ضحكت بوجع ميرسي أهو انا دلوقتي اعرف أبطل أحبك وقربت منة ورفعت رأسها أصل انا كمان عندي كبرياء يا آسر وسابته ومشت
هديل دخلت القصر وندمت ع كل لحظة حبته فيها وندمت ع ك تصرفاتها وتهورها معاه وقررت خلاص تنساه خالص.
آسر دخل القصر بشموخ و غرور وبعد شويه نزلت السيده فريدة ورحبت بيه وشكرته كتير ع اهتمامه ب هديل
آسر العفو دا واجبي دا انتي بردو مربياني
فريدة بضحك وحنان انت كبرت اوى يا آسر وبقيت بسم الله ربنا يحميك راجل مسؤل وشهم ربنا يحميك يا حبيبي
آسر تسلميلي يارب وانا بردو لسه دوري منتهاش انا هفضل معاكم دايما و هديل بردو لسه محتاجه رعاية انا هوصلها كل يوم كليتها وهيبقي لينا يوم معين اطلعكم نتفسح فيه كلنا انا وانتي وهي
فريدة ياريت يا آسر تفضل جمبنا. متبعدش يابني زي ما بعدت زمان عننا بعد موت باباك ومامتك
آسر بحزن ربنا يرحمهم
فريده بحنان يارب يا حبيبي وع فكره هديل قعدت تحكيلي قد اية المده اللي قعدتها معاك كانت جميله وكل شويه أبيه آسر أبيه آسر
ضحك آسر بهدوء طيب استأذن انا دلوقتي
فريده بحنان اتفضل يا حبيبي
آسر مشى وهديل بصاله متبعاه من بعيد اوى وعيونها عليه بوجع وأول ما طلع من الفيلا وبدأ اول خطوه ليه ف الجنينة. هديل اتحركت بسرعه من مكانها وراحت ع اوضتها ودخلت البلكونة وفضلت تبصله وهو ماشي بكل شموخ لحد ما ركب عربيته وبعدين ضحك ابتسامة جميله من قلبه
آسر بهدوء عارف انك بتراقبيني يا هديل. وحرك العربيه ومشي
هديل زعلانه اوى هو ليه مبصش حواليه ليه مش دور عليا ما هو لو كان بيحبني كان زمانه هيتجنن عليا
هديل بعد أن فاقت من شرودها اااااه مش انا قلت هنساه وخلاص ندمت ع حبه حرام والله اللي بعمله ف نفسي دا وقعدت تعيط
آسر فتح باب شقته وبيتحرك بهدوء.
سمع صوت حنين بتضحك
قلبه انقبض.
آسر بعنف حنين
حنين كانت ف اوضتها انتفضت لما سمعت صوت آسر
آسر بعنف اكتر حنين تعالى هنا قدامى دلوقتي حالا
حنين خافت وشهقت من الخوف ف سمع صوتها جمال اللي كان معاها ع الفون
جمال بهدوء مالك يا حنين خفتي فجأه ليه
حنين مش مركزه مسمعتش كلام جمال ليها . بس سمعت خطوات قدم آسر ف رمت الموبايل برعب وجريت ع الباب قفلته ع نفسها
حنين بهستريا انا أسفه والله يا آسر كنت هقولك وبدأت تشهق وتعيط
آسر كان وصل قدام باب اوضتها
آسر بصرامة افتحي
حنين قعدت تعيط يمكن لما يسمع صوت عياطها يرحمها
آسر بتماسك افتحي يا حنين
حنين ببكاء ورعشه لا
آسر بغضب هكسر الباب
حنين بعدت عن الباب بسرعه كان نفسها الأرض تتشق وتبلعها مكثوفه من نفسها وخايفه من آسر اوى
آسر عرف أنها مستحيل تفتح الباب وعرف قد ايه هي مرعوبه ف بدأ يزق الباب بعنف
حنين قعدت تصرخ يمكن جمال يسمعها ويجي ينقذها من آسر
بالفعل جمال قام بسرعه من مكتبه وركب عربيته وراح بإندفاع ع بيت آسر هو عارف آسر كويس اوى هو وحنين
آسر عنيف شرس غيور موت ع قد ما هو هادي بس هدوءه بيخفي قسوته وجبروته . علشان كده هو اتعاهد مع نفسه أنه يبعد هديل عنه لانها مش هتستحمله . ودا حب مراهقة بس لما هتتعامل معاه اكتر ك شخص و ك زوج هتتصدم هي محتاجه واحد ف سنها ف بدايه ربيعه مش واحد اهلكه الزمن وغلفه بالقسوه والظلام
جمال بيقود بسرعه جنونيه هو اينعم بيخاف من آسر بس بردو ميقدرش يسيب حبيبته حنين تواجه الوحش دا لوحدها. ع فكره هما التلاته كانوا أصحاب اوى من أيام الطفولة جمال آسر حنين وفاهمين شخصيات بعض وعارفين أسرار بعض
آسر بالفعل كسر الباب
حنين مقدرتش تبصله ف خبت عيونها ب أيدها وقبل ما يقرب منها قالتله بإنهيار انت اللى بعدتني عنه ب انانيتك يا آسر
آسر اتجمد مكانه
حنين ايوه انت اللى عملت فينا كدة. انت عارف كويس اوى احنا بنحب بعض قد ايه
آسر بغضب عارم وصوت قوى ولما هو كده ليه معرفش يحميكي. ليه محافظش عليكي مش فاكره آخر مره كان هيحصلك اية بسبب غبائه وتهوره
حنين ببكاء
آسر بشر وعنف مش فاكره لما اخدك ع حفله و اتخانق هناك و5 زنقوكم بعدها ف نص الطريق وانتي كنتي هتبقى المتأذيه الوحيده. هو كان هيبقى اخره علقه موت . لكن انتي مش فاكره كانوا عايزين يعملوا فيكي ايه
حنين بإنهيار وماسكه ف هدومه بضعف بس يا آسر
آسر بيتنفس بعنف وزقها ع السرير لولايا انا كان زمانك انتحرتي من اللي كان هيحصلك جايه دلوقتي تشتكي من قسوتي وجبروتي . دا هما ياما انقذوكي لما كنتي تجيلي تتحامي فيا
حنين ببكاء حار بس يا آسر بس
آسر بهدوء وحنان . حنين هو مهمل مش هيعرف يحافظ عليكي.
حنين انا فعلا كنت بعدت عنه بس انت خنتني مع هديل
آسر وعروق رقبته ظهرت بعنف لما جابت سيره هديل
آسر بغضب انا مخنتكيش معاها. انا فضلت متمسك بيكي والا كنت سبتك و روحتلها هيا
حنين بغضب حبك ليها أكبر خيانه. ايه لازمتها تتمسك بيا وهي اللي السلامة قلبك
آسر بغضب انتي معندكيش كرامه . انك تعيشي مع واحد بيخاف عليكي وحنين وهيعرف يحافظ عليكي هو دا الأهم من انك تسلمي نفسك لواحد زي خالد
حنين خافت تدافع عن خالد يتهور آسر عليها
حنين بخفوت انا عندي كرامه لأني قررت انسحبك لما عرفت انك بتحبها هي
آسر بحزن انا كنت عارف انك لسه ع صله ب خالد .
حنين بضعف انا لسه بحبه يا آسر
آسر بغضب بصلها
حنين بعتاب بطل أنانية بقا يا آسر عايز تمتلك اللي ملكك واللي مش ملكك عايز تاخد اللي انت عايزه واللي مش عايزه
انا هفضل صديقه طفولتك وعمرك وهفضل جمبك بس مش بالطريقه دي مش كزوجه
آسر بضحكه غدر انتي بترفضيني و ضربها بالكف بعنف ع خدها . نسيتي انتي اللي كنتي تجيلي علشان احميكي واخدلك حقك من أي حد. ودايما كنتي تقوليلي يا بابا من بعد موت بابا وماما وباباكي ومامتك ف نفس الحادثه.
وقعت ع السرير ف بكاء مرير انت مغرور يا آسر مغرور واناني
آسر بعنف اوى
جمال بعنف آسر
واندفع زق آسر بقوه وقعد ع السرير ف ارتمت حنين ف حضن خالد تبكي
آسر خرج من الشقة بعنف وغضب ....
حنين بدموع حاره جمال كويس انك جيت
جمال بحنان حقك عليا متزعليش انا جمبك
حنين ببكاء عمري ما اتصورت آسر يقسي عليا كده
جمال وهو بيطبطب عليها احنا عارفين من زمان طبعه وعارفين قد هو هو راجل وحنين وشهم بس عنده أسبابه يا حنين
حنين حضنت جمال بقوه وقالت بضعف عندك حق. ربنا يخفف عنة
آسر ماشي بالعربيه مش عارف يروح فين وقف بالعربيه ف أماكن كتير بس مكنش بيهدأ . حاسس بثورة حياته كلها اتقلبت رجع آسر بتاع زمان اللي مبيعرفش يتحكم ف غضبه.
مشى بالعربيه ساعات ونزل منها ساعات لحد فجأه لقي نفسه قدام قصر هديل...
هديل كانت وقتها بتقفل باب الاوضه ع مامتها علشان تنام وتستريح
فجأه موبايلها رن
هديل بارتباك ايوه يا أبيه
آسر غمض عيونه بوجع من نعومة صوتها وعرف اد ايه كانت وحشاه
هديل ايوه يا آسر ف حاجه
آسر بهدوء انا تحت قدام الفيلا
هديل انتفض قلبها قبل جسمها
هديل بإندفاع بدأت تجري ف أرجاء القصر حتى وصلت ل الجنينة
آسر الو الو هديل روحتي فين
هديل بانقطاع نفس تعالى يا آسر انا نزلت الجنينة
آسر باستسلام اوك
آسر البواب سمحله يدخل ف هو عارف آسر جيدا بس استغرب اية حابه ف الوقت دا 10بالليل
هديل اول ما شافت آسر من بعيد فرحت اوى بس حاولت تبقى هاديه لانها افتكرت انه مش عاوزها
آسر بتماسك ازيك
هديل ببرود مصطنع نعم عاوز اية
ف تجمد آسر مكانه و حرك جسمه علشان يمشي من هنا شكله أخطأ المكان والظن.
هديل بإندفاع وزعل لا يا آسر خليك خليك انت واحشني أو....... وفجأة حطت أيدها ع بوءها وبدأت تلوم نفسها الغبية وباصه ف الأرض بكثوف
آسر رفع رأسها ب أيده
آسر بهدوء ووجع مكبوت :هديل تسمحيلي تاخديني ف حضنك. أقسم اني مش هتكلم ولا هشكي انا بس هبكي وبعدين امشي!
لمحت هديل دمعه خفيفه ف عيونه ف سبقته دموعها. هديل بحنان تعالى يا أبيه
ومسكت أيده الكبيره ب أيدها الصغيره وراحت ف مكان جميل ف الجنينة مرجيحه كبيره جميله قعدت عليها و قالتله بحنان تعالى ف استسلم آسر ليها و حط رأسه ع رجليها و دفن وشه ف جسمها بألم
هديل محبتش تدايقه باسئلتها لأنه كده هيقوم ويمشي ف بدأت أيدها تمشي ع وشه بنعومه وخدوده وشعره و ضهره واسر مستسلم .
وماسك نفسه بس شهقه بتظهر من العدم غصب عنه مع تنفس مضطرب منه.
هديل بهدوء وايدها بتملس ع وشه وشعره واكتافه وضهره وتمسك ايديه تضغط عليها بحنان
هديل بهدوء وحنان طلع كل اللى جواك (نفسها تقوله يا حبيبي بس خايفه يدايق ويمشي) طلعه يا أبيه
لما حد يبكي متقولهوش بس لا قوله طلع كل اللى جواك . الدموع بتريح
عدي الوقت و هديل قلبها واجعها ع آسر و آسر ف حالة استسلام وحالة سلام مش عاوز يخرج منها ابدا
آسر بعدها قام بص ف ساعته لقاها 12
آسر بتوتر آسف يا هديل اطلعي يلا اوضتك من البرد واسف بجد تعبتك معايا وعيونه بدأت تهرب من عنيها
هديل مسكت وشه ب أيدها وبحنان اوعى تقول كده . هديل خليك هنا شويه كمان .
آسر لا الوقت اتاخر
هديل طيب مش هتقولي ايه اللي مزعلك
آسر وهو بيقوم من ع المرجيحه بعدين
هديل بس انا خايفه عليك هتسوق ازاي انت متأكد انك بقيت تمام
آسر بحنان وحب مد أيده الكبيره ع خدها ووشها الصغير الجميل الناعم و ع الجهه التانيه من وشها قرب منها وطبع بوسه طويله وعميييقه ع خدها ف زادت سخونيه وجه هديل و التهبت انفاسها ف حس بيها آسر ف ضحك بحنان وعيونه ف عيونها ومسح ع شعرها بحنان
ضحكت هديل بخجل ومسكت صباع أيده بأيدها مش عايزاه يمشي قد ايه حنيته ورقته دي بتعلقها بيه اوى
آسر بحنان هههههه طب تعالى واخدها وصلها الفيلا وقالها يلا روحي نامي
آسر شاف كميه شوق وحب ف عيونها ف ابتسم برقة وقالها هكلمك الصبح يا قلب............ وفجأة لسانه وقف اتجمد
هديل بسعادة حاضر هستناك.
مسح آسر ع شعرها تاني و رفع أيدها وباسها بعمق محسش بالوقت. طبع ع أيدها شوقه وحبه المدفون
عيونه ولمسته حرقت هديل ف سحبت أيدها برعشه وكثوف
ف بعد آسر و ابتسملها ومشي
هديل طلعت اوضتها حاسه وفاكره كل لمسه من أول ما جالها البيت ومجلهاش نوم وفضلت صاحيه مستنيه يكلمها الصبح و قعدت تفكر يا ترى تلبسله اية
آسر مشى وركب عربيته وحاسس بارتياح. كان نفسه ياخدها معاه وتيجي تروح معاه وتفضل دايما قريبه منه.
