رواية تزوجت حماي الفصل الرابع عشر 14 بقلم عائشة الدليمي

رواية تزوجت حماي الفصل الرابع عشر 14 بقلم عائشة الدليمي 

قمر ــــــ يابه مابيه شي بس مشتاگتلكم حيل هئيييييئ محتاجتكم هوايه محتاجه حضنكم دفوكم النحرمت منه من زغر هئ يابه ليش زوجتني ليش كله بسببك هئ تدمرت حياااتييي هئيييييئ ليش كسرت ضهري ليش حكمت عليه ليش ماسمعت مني هئ

ابو قمر ــــــ حگج عليه اوليدي هاي راح نرجع لاربيل باجر و بس ارجع ريسا اجي اخذج تعيشين يمنه وترجعين لدراستج وتطلگين

قمر ــــــ ماگدر هئ ماگدر اعوف جهالي اتعلقت بيهم وهمه ميفعل ينطونياهم لا نيار ولا البطني ولا صلاح هئ صلاح ما الي حگ عليه هئيييييئ ما الي حگ،،،، ضليت احجي وياه ليما اجه كنان

كنان ــــــ تعالي تغدي

قمر ــــــ تسلم ماريد وشكرا عالموبايل

كنان ــــــ شنو متريدين تعالي تغدي

قمر ــــــ ماريد عاجبني ابقى اهين حلو المكان يم الشط

كنان ــــــ براحتج

قمر ــــــ راح وانفجرت بالبجي اجه صلوح شايل بيده قطعه مالت سمج وجاويه اديه ينقلها بين اديه وينفخ عليها

صلاح ــــــ ماما ماما حاله حاله اوو

قمر ــــــ اخذتها من ادي ونفخت على اديه

صلاح ــــــ تلي

قمر ــــــ ههه ماجوعانه اوليدي

صلاح ــــــ تلي ماما تلي

قمر ــــــ ماريد موجوعانه،،، حضنته وبسته،،،، يالله روح خل ابوك يوكلك،،، راح غسلت اديه وضليت ادحگ على المي وهوا يجي ليمي ويروح اجه كنان گعد يمي مسحت دموعي وردت اگوم لزم ايدي وگعدني

كنان ــــــ اگعدي

قمر ــــــ نعم ابو صلاح شتريد

كنان ــــــ امي تريدنه نحجي واني اريد اح

قمر ــــــ وانته تريد متخليني اروح لان امك تريد هالشي اني مو مجبوره ابقى بتمثيليه

كنان ــــــ تمثيليتيش

قمر ــــــ انته مو متقبلني زوجه يا اخي ماريدك تعتبرني زوجتك بس لتجرحني بعمايلك عالعموم هالحجي ميقدم ولا يأخر احتمال باجر لو البعده يجي ابويه ياخذني وننهي كلشي

كنان ــــــ شنو الينتهي

قمر ــــــ اني بعد ماتحمل اعيش دور الزوجه والام اني بعدني جاهل اني قررت ارجع لبيت اهلي ومدرستي

كنان ــــــ براحتج اني هم ماريد اضلمج ويايه

قمر ــــــ عافني وراح انهرت جذب مگدر ابعد عن صلاح بس كرامتي متقبل ابقى همه تونسو عمي وعمتي والجهال الجو جان حيل حلو والشط حلو والله حيل حلوه الطلعه بس الگلب مكروب عمتي مافهمتها يوم زينه وعشره مو زينه

وكنان ميحبني وعمي عنده عادي و صلاح مثل مانسه امه الجابته ينساني واني هذوله جهالي ماتنازل عنهم قنعت روحي بهالحجي ردينه گبل رحت لخيمتي نمت مر اليوم وثاني يوم سويتلهم ريوگ وتريگت نضفت الخيم وطبيت لخيمتي جان گاعد ويدحگ لنيار او بالاحرى صافن عليه ماعرف شاليدور اباله بس خلص اخذت قراري،،،، ابو صلاح ممكن موبايلك شويه

كنان ــــــ اتفضلي

قمر ــــــ اخذته خابرت ابويه

ابو قمر ــــــ الو

قمر ــــــ الو هلا يابه شلونك

ابو قمر ــــــ هلا بيج الحمدلله يابه شلونج انتي

قمر ــــــ الحمد الله تجي انته عليه

ابو قمر ــــــ اي احنه بعدنه تونه طلعنه مطار بغداد راح امر عليج واهلج يروحون لاربيل واحنه نلحگهم

قمر ــــــ صدگ يابه وصلتو عجل اني راح احضر ملابسي وملابس نيار

صلاح ــــــ واني واني

قمر ــــــ دحگتله وضليت ساكته ودعت ابويه و گمت لميت ملابسي وملابس نيار صلاح خبصني يريد يروح ويايه

كنان ــــــ خلص قررتي اتروحين

قمر ــــــ اي قررت

كنان ــــــ

قمر ــــــ اخذ صلاح طلعه بين مايجي ابويه وانروح

كنان ــــــ لا ابني سبع ميهمه

قمر ــــــ گعدت ضل يبجي يريدني ابدله ضليت گاعده مر ست ساعات واجه ابويه لبست ردائي وطلعت سلمت عليه وحضنته صعدت غراضي عمتي تتوسل بيه ماروح و عمي يعاتب بيه وكنان واگف اما صلاح انتهى من البجي،،،، صلوحي اني حروح وبابا يجيبلك ماما حلوه و مرتبه و اتصير امك تنطيك كلشي وكلاشي تنطيك كلشي مانطيتكيا

صلاح ــــــ اللليددد مااااماااا ماااماااااااااا

قمر ــــــ بسته وحضنته وعفته ورحت فحط ورايه فتت للسياره واني ابجي على صلاح اخذه ابوه اجه ابويه صعد ومشت السياره عبالك جاي اعوف روحي ورايه واني اشوف صلاح منتهي ويبجي هاي لو ابني الحقيقي يمكن ماتخليت عنه طلعنه لبزيبز بعدها نمت گعدت لگيتها ليل وابوي مطفي السياره ونايم و نيار نايم رجعت نمت گعدت لگيتها صبحيه وواصلين بغداد

ابو قمر ــــــ رجلج خابر الو هلا ابو صلاح نايمه هسه لا نايمه شبي ودي للعياده و ماعليه كلشي

قمر ــــــ صلاح بيه شي

ابو قمر ــــــ مابيه شي يمعوده

قمر ــــــ يابه الموبايل بسرعه الو كنان ــــــ الله لا يوفقج ابني اذا صارله شي لا تامنين العتب

قمر ــــــ يابه الله يخليك رجعني

ابو قمر ــــــ شترجعين وصلنه

قمر ــــــ صلاح حيموت يابه رجعني هئ رجعني،،، استغفر الله ورجعنه رجعت للخيمه فاضيه خابره ابويه گاله احنه بمستشفى الخالديه رحنه للخالديه والطريق شطوله فوگما الطريق طويل والقلق خلاه اطول وصلنه المستشفى احنه والعصير سويه رحت لگيت خالين عليه اجهزه عمتي كاونتني واني ابجي عليه صعبه هم لا جليل ربيته واعتنيت بيه هم عزيز عليه وضنايه ضليت ابجي عليه ضل يوم كامل بالعنايه المشدده بعدها طلعوه

كنان ــــــ روحي لتفوتين ماريدج تموتيلي ابني روحي

قمر ــــــ هئ خل اشوفه

كنان ــــــ الوصله لهالحاله انتي وكله بسببج

قمر ــــــ متت من البجي كلهم فاتو يمه بقيت بس اني اريد افوت ومتردده اروح واضحي بسعادتي علود هاليتيم لو اعوفه يعاني وحده واشوف سعادتي دحگت لابويه اگله بسكوتي اريد صلاح

ابو قمر ــــــ دامج متعلگه بيه هالگد من يكبر ويوعى عود انطلگج

قمر ــــــ هزيتله راسي وطبيت للغرفه گعدت يمه حضني استحقرت روحي شلون اعوف هيج طفل روحه متعلقه بيه يمكن اني ماحبه مثل ماحب نيار ولا اعتبره مثل ماعتبر نيار بس هوا يعتبرني ومتعلق بيه ميگدر يتخلى عني ضليت ابجي الدكتور طلعهم كنان ماقبل ابقى وراد يطلعني بس الدكتور گاله خل امه تبقى يمه،،، بقينه اتلتيام اني وكنان نايمين بيه مستشفى وبعدها طلعنه

كنان ــــــ كله بسببج انحمس و صارت بگلبه فتحه

قمر ــــــ الدكتور گال بالدوا اتروح واني اهتم بيه ماعليه شي

كنان ــــــ ههههه تقتل القتيل وتمشي بجنازته اني ماريد منج بس تبعدين عن ابني تستريلي على اخر ذكرا من عدها

قمر ــــــ انقهرت من گال ذكرا من عدعا قصده جنان،،،،،، واحنه وصلنه لهالمواصيل بسببك

كنان ــــــ بسببي

قمر ــــــ اي

كنان ــــــ ليش لان اتحبيني وانس مابادلج نفس المشاعر اتعجب عليج شوكت مات رجلج تا فكرتي بغيره

قمر ــــــ مافكرت بغيره هوا المرحوم مافكرت بيه تا عود انته بس بسببك انته خفت لا تاخذون حضانة نيار وامك هددتني و وافقت

كنان ــــــ شنو بسببي ليش اني شمحاجيج

قمر ــــــ امك گالت اذا ماتزوجتي كنان ناخذ حضانه نيار بس اتجيبينه

كنان ــــــ دحگ بالله و انتي من اول ماهددتج امي صدگتي

قمر ــــــ هيه حجتها بجديه وگالت كنان عنده عرف واني شمعرفني صدگتها

كنان ــــــ كافي سدي ماعندج و ابني بعد لتبقين يمه ابتعدي عن كلشي يخصني ويخص ابني

قمر ــــــ

صلاح ــــــ ماما

كنان ــــــ هلا بابا گعديت

صلاح ــــــ اودع بابا اودع

كنان ــــــ شيوجعك ياعين ابوك بيه ولا بيك

صلاح ــــــ ااااااا

قمر ــــــ تعال ماما

كنان ــــــ تؤ شگلنه

قمر ــــــ

صلاح ــــــ اودعني ماما

قمر ــــــ شيوجعك يعيون امك

صلاح ــــــ دبي

قمر ــــــ يسلم گلبك يگلبي انته تعال اوليدي

كنان ــــــ شگلت

قمر ــــــ الوليد مريض

كنان ــــــ اي بس لتاخذين راحتج

الخامس عشر من هنا

تعديل المقال